دعواتكم لزميلنا المفكر د.الباقر العفيف بالشفاء العاجل
|
|
 عصام جبرالله رايك شنو نعمل رابطة......الف مبروك نمارق...!!!
|
يبدو انه عصر بنات الاخوات النابهات
فقد حملت الهواتف عبر اثير سوداتيل من الفيافي البعيدة سيرة نجاح البنية البتشبه القمر المتاوق من سماء
نمارق محمد يحي الشهيرة بنونو بمجموع زينة ودهشة 270 نمرة بالتمام والكمال من النمر ال280
لتضع نونو بت اختي فائزة نفسها في صفوف الاوائل للمتحنين في ولاية سنار.....
شطارة عيال وبنات الزمن ده بقت تخلع
فالنونو ذاكرة قاطعة وحادة وحفيظة
واجمل الاشياء هي مقدرتها الفذة علي كتابة الشعر وحفظ قصائده الصعبة وحفظ اجزاء عديدة من القران الكريم...
....
اجمل دكتورة حتما ستكونين انتي يا نونو علي هدي جوجو وصباح وتوتا
|
|
 
|
|
|
|
|
|
|
|
Re: عصام جبرالله رايك شنو نعمل رابطة......الف مبروك نمارق...!!! (Re: عبدالكريم الامين احمد)
|
في ايامات العودة للوطن في بدايات الاجازة بالتقصير والحرج تجاه هذه الاجيال
ولكن وبعد معايشة قصيرةو ظهور مواهبهم المتعددة تحس بانك من تحتاجهم...
لتري ذلك الغرس الجميل من الاطفال الذين يذهبون الي المدارس بفرح ورغبة في النجاح والتفوق
والاهتمام بالاطلاع والكتب في من ندرت فيه هذه الاشياء....
عصام جبرالله
شكلي كده ح انط من حتت الرابطة دي
لانك بعد شوية حتشبكني بيازميل وقدة وتامين وممكن تدفعني اشتراكات كمان
| |
|
|
|
|
|
|
|
|
|
Re: عصام جبرالله رايك شنو نعمل رابطة......الف مبروك نمارق...!!! (Re: esam gabralla)
|
Quote: المره الجاية يا حزب بدفع و بدون تامين و اجتماعات و حماية
او نرطب كده .... مستقلين احرار |
يازول هوووي تمشي وين
سيك سيك معلق فيك....!!!
قالوا رئيس مجلس سيادة سوداني شهير اجتمع مع مبعوث من الحكومة الروسية
ولمن ما لقي ليهو موضوع (قام قال ليهو بتعرف نقد)....
اها احنا حسع الواحد فينا في الغربة دي لو لاقاهو شيوعي من الهند
بعد حق الله بق الله..
بتسالوا وبتقول ليهو(بتعرف عصام جبرالله)
| |
|
|
|
|
|
|
|
|
|
Re: عصام جبرالله رايك شنو نعمل رابطة......الف مبروك نمارق...!!! (Re: عبدالكريم الامين احمد)
|
عبد الكريم .... عصام
مبروك لنمارق وسها وكل الجيل الجميل الجاي
الجيل الجاي ده بالمناسبة واعي ومنفتح وعندو أفق واسع ،
الغريبة رغم دولة الهوس الديني والمديا المركزة علي تغييب الوعي
الجيل ده قادر إنه ما يتأثر بيها ، لأنه ده جيل ديجتال
جيل الكمبيوتر والأنترنت والفضائيات والفضاء المفتوح ، ولاحظوا معاي
إنه في جيل جديد بدا يتفتح وديل الناس الماتمو عشرين سنة ولي تحت ،،،
وخلوا بالكم من ملاحظتي دي ، الجيل ده حا يقلب كل موازين السائد والمألوف
في الثقافة والسياسة السودانية والقيم وكل القديم وحا يجر معاهو الأجيال السابقاهو
مبروك تاني للشباب الحلوين ديل ،، نتمني أن تتواصل النباهة والأفق المفتوح لكل الأجيال
| |
|
|
|
|
|
|
|
|
|
Re: عصام جبرالله رايك شنو نعمل رابطة......الف مبروك نمارق...!!! (Re: زهير الزناتي)
|
Quote: إنه في جيل جديد بدا يتفتح وديل الناس الماتمو عشرين سنة ولي تحت ،،،
وخلوا بالكم من ملاحظتي دي ، الجيل ده حا يقلب كل موازين السائد والمألوف
في الثقافة والسياسة السودانية والقيم وكل القديم وحا يجر معاهو الأجيال السابقاهو |
هلا يا زهير والف سلام
وفعلا يازهير الجيل القايم ده فيهو تفرد غريب وواثق شديد من اشيائه
وفوق لده فصيح جدا...
في الاجازة القريبة للسودان اندهشت تماما من مقدرات ابن خالي الصغير(عبدالكريم ويسمي كيكي ايضا)
في الكمبيوتر وهو طفل صغير.مقدرات عالية والحديث عن برمجة وبرمجة هواتف ويو سي بيهات وكلامات عجيبة
تخلعك....
رغم المحن والماسي وظروف الحياة الصعبة والتعليم الذي اصبح قاسي الا انه جيل يستطع ان يقتلع معرقته في هذه العولمة المالية الدنيا دي
وسلام يا زهير
| |
|
|
|
|
|
|
|
|
|
Re: عصام جبرالله رايك شنو نعمل رابطة......الف مبروك نمارق...!!! (Re: معتصم الطاهر)
|
Quote: ولسانو فاكي .
اها .. وبعد دا كلو ما بدفع رسوم
دا ياتو رابطة بتلمو .. |
هلا يا باش وحبابك الف
واللسان الفاكي ده كمان حتة تانية بتلمني مع عصام ده(فبالله طلعها لي من الكورجة الفوق دي)
غايتو عصام ده لو اترفد غير الربوطية معاي مافي ليهو اي حل ايدلوجي تاني
وكل الود والشوق ياباشا
انتو قاعدين يا ناس في الدوحة دي والله ليكم وحشة شديد
| |
|
|
|
|
|
|
| |
عبدالكريم الامين احمد
خدر
زهير الزناتي
salah elamin
Adil Osman
معتصم الطاهر
محمد سنى دفع الله
فيس بوك
تويتر
انستقرام
يوتيوب
بنتيريست