دعواتكم لزميلنا المفكر د.الباقر العفيف بالشفاء العاجل
|
|
 عشة صابونة...البشير حنني ياخي....!!!
|
عشة صابونة تلك التي صاحت في قولتها الشهيرة (سجن عدس -عمايل عدس) وكانت واقفة ديك احمر في امر تسليم البشير ومطالبة بضربه بيدا من حديد وكلبشته كلبشة السنين وارساله الي لاهاي ..نما الي علمنا
بانها في جلستها الكروباوية امس مع علوية شرقرق..زي الجرت واطي وعملت لموضوع اوكامبو ده دريبات..
وشبكت (علوية),,,,
حيييييي انا يا انتي حنني البشير ده والله...
وهنا ارغت وازبدت (الحربية شرقرق)...التي تنادي بقوي وكثافة وحماس بانزال اقص العقوبات بالبشير
الذي كتل اهلها وكل عقابها وعدمها نفاخ النار...وصاحت
هوووي يا عشة هوووي بطلي حركاتك دي..!!! ويحنونك يا يمة في المقابر
قولي امين
ونعود
|
|
 
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
السودان ده ياعلوية من ما عملوا الروؤساء ديل جتتتت قتلوا ضبحوا وماسمعنا لينا خواجة جاء وقف
وقال عاوز واحد منهم ولو سلمنا البشير القصة بتبقي سابقة(كان صابونة حريصة علي ايجاد محل لكلمة سابقة التي لقطتها ليلة امس التلفزيون)..
لتزداد صديقتها زعلا وزهجا من هذا النوع المفاجي في خطاب (عشة) التي كانت حتي الامس القريب متخندقة معها في امر التسليم بل مطالبية وبشدة بان (لا يفوت الاكل السجني العدس)...
قلتي لي سابقة...؟؟
يسبقوك يا يمة علي الضبح ياعشة لو تلقطي لي كلامات التلفزيون وتجي الليلة عاملة لي فيها حنينة
قال سابقة قال..
هوووي يامرة هوووي فتحي عيونك
ونعود
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
هييي لكن يا شرقرق
الحاجات دي كللللللها ما قالوا (هي لله)...
واحنا بنعرف الله اكثر من شيخ الترابي...........!!!!
هو زااتو الحسود ياهو داك وقف بعييييد وعمل شخيت وقال سلموا(لا بعرفوا لاشفتو الزول ده).
وكمان سمعت تحت تحت قال علي عثمان زااتو يسلمو كية في عمايلو العلمها في شيخو....!!!
ونعود
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
هيييي لكن يا شرقرق انتي قلبك مالو قاسي كده ومادايرة الزول ده يقعد لاهلو وناس بيتو ويمشي يكلبشوا
في بكانا طيرو عجمي المشي ليهو شيتا تاشيرة وشيتا فيزا وشيتا لولوة خواجات تقطع القلب....
-يازولة هووي كلو شاة معلقة من عرقوبها ده واهلو شيتا واحد بجيهم مافي ياها البلد دي بلدهم وهم سيادها لاناس بيتو كلو زول ولا اذو زول...
ولو في عشان سيد البيت الغايب في السجن ياهو دااك شوف عينك المجرم(الامين ود كدمبورة) مسجون 20 سنة ومخلي امو ونسوانو الاربعة وعياله وشيتا واحد جاهم مافي...مالكيييين وشاربين ومرتو الاخيرة دي بالدهب ده اخوانها داقنو ليها..
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Salwa Seyam)
|
Quote: اسع انا ذاتى اتغظت من عشة صابونة دى ..
شنو يعنى تبقى سابقة .. ماتبقى اصلو هى المحكمة دى سووها لشنو ما ياهو للمجرمين الزى ديل .. عشان تانى اى واحد يعرف دربو عديل .. |
سلام يا سلوي
وعشة صابونة هجمتنا كلنا والله
وماعارف مشت وين وين وسمعت ليها برنامج برنامجين في التلفزيون وجاية عاملة فيها المرة حنينة
لكن اصبري ليها سااكت (شرقرق) دي شكلها كده حتنجضها ليك نجاض وتطير ليها الجنية دي في راسها
لو ما ورتها المكشن بلا بصل شكلها كده قعدتهم دي ما حتنتهي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: طارق جبريل)
|
Quote: لكن والله علوية شرقرق طلعت بت هرمة ياخي
قلبها ما فيه اي حنية |
تقول شنو يا طارق ياخي
اصلا شرقرق دي فقرية خلاس ومشهورة انها غتيتة وماعندها رحمة في قلبها
راجلها زاااتو (عوض شرقرق) مكره الدنيا
والله لا لماك في ال شرقرق ديل فقرين يا زول هووي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
Quote: تعيش عشة صابونة
و الادانة بقسوة القلب و الحقد لشرقرق و الترابي و سلوى صيام و من لف لفهم
(وش ضاحك لسلوى صيام و مكرمش لشرقرق و الترابي) |
يا بدر الدين والله عشة صابونة دى عندها حنية ما لاقيه محل توديها .. من قل الناس البحنو عليهم فى السودان ده .. كدى خليك من ناس دارفور و ناس الشرق ولا الانقسنا ولا همشكوريب وغيره .. اسع سيدة السودان الاولى (القديمة) دى براها ما بتحنن الزول لامن تقطع قلبو .. تخلو الناس البحننو بالجد وتحنو على المجرم ده ..
والله انا افتكر عشة صابونة دى ذاتا يسموها عشة جرقاس ولا عشة اى حاجة تانية ..
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Salwa Seyam)
|
واها انحدسك سمممممح يا عشة هكذا واصلت شرقرق افتحي لي راسك المدوقس ده كويسسسسسس...عشان تاني ماتجي تقولي لي _حنيتي ليك لدقن حايمة في البلد دي..الاحزاب الحايمة في راسنا دي البشير جتتتتتتت هبشها. وزازها كددددهه ناوي يلحقها غنم زهرة..قال ليك يا اتي شيخو الترابي الحسع الساجنو في وبورتسودان ده عمل ليهو مصيبة كده 0(سماها التوالي)...قال ليك يانتي يشوفو حزب الامة مكان
ملكلك وين..وبجيبوا منو ناس بعملو ليهم (لافتة كبيرة) وبكتبو فيها (حزب الامة القومي)..بقطعو ليك يااتي في الناس الجابوهم
كان عشرين مليون ولا كان مائة مليون ماعارفة لكن قال ليك بدوهم قروش كثيرة خلاص محل يودهوها ما يعرفو لي......
الشوعيين ديل ياتي طردهم وشردهم من البلد رزم رزم ورفدوهم جتتتتتتت من الشغل لو الواحد منهم ساااكت قال يمشي يسترزق من شغلة التاكسي حرشو فيهم ناس الطلمبات ما يدوهم البنزين ده...........................
ناس سيدي الميرغني يا اتي قسموهم (بقج بقج) شي تبع الشريف وشي المرجعيات وشيتا تاني تبع مولانا وجهجههم كده يا انتي قال ليك فتتم زااااتها يسخونها كده ولمن يجو ياكلوها يلقوها باااااااااااااااااااردة يانتي...
يا اختي ديل انصار السنة قسموهم وباقي لي لو لموفي ابو ضفيرة بتاع الرقم 13 داك كان شقوا وقسمو..
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
| Quote: اها زى دى لو كان بقت سيدة السودان الاولى ما كان فى زول قدر يقول بغم ولا نساء شهداء ولاغير شهداء .. |
شرقرق دغرية يا سلوي وما بدور الخمج وحسع بكون زاااتو دريبات (عشة) البتناضم فيها دي عملت ليها صداع نصفي
ودي يا سلوي لو مسكت البلد دي زولا كده بنوم مغبون مافي...
قال ليك عوض شرقرق ده ماشي في السكة دغررررري وبعمل ليها مليون حساب ولخبتو الاشتهر بيها زمان ديك
قبل ما يعرس (علوية) خلاها قاعدة في محلها ومشي لربو عددددددل
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Nader Abu Kadouk)
|
هلا يا ابو كدوك
وقلنا ما انت جيت نديك الباص ده
| Quote: يا اختي ديل انصار السنة قسموهم وباقي لي لو لموفي ابو ضفيرة بتاع الرقم 13 داك كان شقوا وقسمو |
تخيل الناس ديل ممكن براحة يقمسو ليك ابو ضفيرة بتاع الرقم 13 بتاع الجامعة داك لو لمو فيهو مطرف
يقمسو لكم رقم 13 كده
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
شرقرق ورغم زهجها العالي التقطت ابتسامة بامر ابو شلاليف الذي ذكرته عشة ولترد بالله هو المسخوت ده قاعد في قطر انا زمني دي كلو قايلاهو قاعد في تشاد لانو يا اتي بجي الاجازة اغبشش التقول مغترب في القضارف ولا الشوك..
وكدي قلتي لي يا عشة خلاص كملت ليك حنيتك في راسك بقيتي تفتيشها في قطر....
قبيل يا اتي انا قلت ليك العرب ديل ما تتعمشي فيها..وقبل العرب ناسنا زاااتهم يا عشة ما بتلمو في تربيزة واحدة وضلعة صينية عشاء ما بياكلوها سوي...
الدوحة هي قايلة الناس ديل زي اللبنانين وتشبكهم (هيك وهوون وايش لوون) والقصة تتم
لالا يا اتي..
ديل رزم رزم...ومناوي زااااااتو الموقع مع الحكومة في ابوجا وناسوا جو الخراطيم يا اتي بشعرهم البوب مارلي داك وادوهو بيت قدر الضربة...وقف جن احمر واول زول قال الدوحة لالا..
وبهناك عبدالواحد جيشا واحد واقف ديك احمر وقال ديل جبهجية بصالحوا في بعض وقال لا غرضو بالاطاري ولا المداري ده..الحركات الثانية جتت
كلام الدوحة ده ما راكب ليها في راسها وماعندها بيها غرض,,,
واها السلام ده ده بعملو مع فصيل وبخلو فصيل وفصائل..سجمممممم....
وبعدين لو عملو اربعمائة اتفاق اطاري ومداري ونهاري..
اوكمابو قاااااعد وقال لا بعرف اتفاقيات الدوحة ولا اتفاقيات ام سعيد..
قطعو ناشف يا اتي
وقال لاهاي بس
حدو مع الناس ديل لاهاي
وقال قشة دي ما بتعتر ليهو...
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
Quote: الماتو ديل دم دمو ...مش دمنا
الشرودوهم من شغلهم وقطعو اكل عيشهم فيهم الاشتغل راعي في السعودية وهو كان هنا مدير يتلتل
وفيهم البيوتهم خربت خراب قبورة..
والناس الشردوهم من بيوتهم وحرقو حلالهم...ديل مش دمنا ولحمنا واهلنا وعقابنا..
فصاحت (صابونة) هييي لكن..!!
لتقهمها شرقرق سريعا
لكن شنو لكن في عيييييينك
|
منطق!!!
وعلى شرف ""شرقرق""،
أنا أول ما أوصل البيت ،
حأعمل جبنتي ،وبالطريقة السودانية؛
شرقرق ، وجبنة ، وفناجين، وأطلق البخور.
وسيادتك معزوم عندي .
تحياتي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: dardiri satti)
|
Quote: وعلى شرف ""شرقرق""،
أنا أول ما أوصل البيت ،
حأعمل جبنتي ،وبالطريقة السودانية؛
شرقرق ، وجبنة ، وفناجين، وأطلق البخور |
هلا يا الدرديري..
وحبابك وحباب جبنتك ...
وبجيك تب وبصحبة شرقرق واخريين مثلها تماما ونشرب من الجبنة علي الطريقة السودانية..
وصابونة زااتها لو لسع فضل عندها(نفس) تشرب ليها فنجان فنجانين بحنسها وبجيبها معاي
وكل الود والتقدير يا الدرديري
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
قلتي انقلاب يا صابونة ولا انا اضاني تقلت...!!!
هكذا هتفت شرقرق وهي تتبسم ...
يا عشة اسمعي كلامي ده كويسسسسس...
جبهجي دقاني بعمل انقلاب في البلد دي مافي تاني..!!!
زنقة اوكمابو دي ورتهم الويل يا اتي..
وجبهجي تاني لو قلتي قدامو انقلاب سااااكت يقوم جاري منك صوف (جاري وهو بكبر الله اكبر- الله اكبر)
دي يايمة اليتها زنقة عدوك...واصلا ما تتشهيها لحبيب من الحبايب ..!!
..
وحتة يا عشة قولي لو ركبو راسهم وقالو دايرين يعملو انقلاب باقي ليك (سلفاكير ابو برنيطة بخليهم)...كررررر
مقررات نيفاشا قااااااعدة وفي كلام الرياسة ده قالت كيت وكيت...وكلو قاعد..
وتاني
حتي لو قال يمسكها ابوعلوة...نافع قاااعد يا اتي وصلاح غوششش قاعد(الكريه)
وكل زولا منهم عامل ليهو كوم ولابد للتاني وما بدور كلام التاني كلو كلو..
والدقون دي يا اتي تتساكك في شوارع الخراطيم دي من زقاق لزقاق
عشة هييي سيبي الهلوسة دي والمسخرة ورقاد الواطا ده
وكلمي ناسك ديل يبلوا راس زولهم ده ساااااااكت لاوكمابو ابو حواجب
وانتي زااتك بلي راسك ده لانو بكلامك الملولو بتاع (حيييي وحنني)
يوم الاوكامبو ده يعكش البشير
انا بجي بمعط ليك شعرك ده...
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
Quote: بانها في جلستها الكروباوية امس مع علوية شرقرق..زي الجرت واطي وعملت لموضوع اوكامبو ده دريبات..
وشبكت (علوية),,,,
حيييييي انا يا انتي حنني البشير ده والله... |
تمام يا كيكي
النسوان ديل صوتهن ما قاعد يوصل لازم نوصله من خلال النت هنا,
لأنه هم (قاعدة) الشعب وضميره الحي,
والدليل على الضمير دي إنهم بيحنوا بعد ما يزعلوا يرجعوا يحنوا تاني
المهم ياخي
كلامها دا حنني أنا زاتي والله
أحمد الشايقي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: أحمد الشايقي)
|
Quote: كلامها دا حنني أنا زاتي والله
|
هلا يا ابوحميد وحبابك شديد
ولو شفت يا احمد صابونة دي كتلت حيلها جنس كتل وهي حانة علي الريس
ودموعها ترقرق مرة والثانية..
ولكن تقول شنو ياخي مع فلانة شرقرق الفقرية دي
........
بالتاكيد يا احمد النساء هم نبض البلد والمدوزنات ايقاع الحياة الجميل في بلدنا
ملانات محبة وخير وحقانيات...ويرضعهن كل هذه الخصال الطيبة لاجيال البلد الجميل السودان..
والسودان نبض وكراكير يا احمد وليس الصورة المرسومة في احداثه السياسية والتلفاز
ودت ياصديقي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: جعفر محي الدين)
|
| Quote: أو تكون زوووووووووووووواغة تمسكا بجاي تجيك بجاي |
هلا يا جعفر وحبابك ياخي
بس انت كتلت تبببببببببب
زواغة من الدرجة الاولي واكبر زولة (ود موية) في فريق وراء
تمشي ليها بحمد تطلع ليك بخوجلي...تجيها بهنا تجيييك بهناااااااك
تسلم يا جعفر
والله لا لماك يوم في نقة مع صابونة...
حسع تخيل شرقرق جاها صداع نصفي عديييييل كده من زوغانات صابونة العجيبة دي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
رسم ليها حنة يعني؟
و الله يا كيكي عشة في زولة نبيل
حفيدة عنتر عديل كدا
كأنها تقول
و مجهجة كرهه القضاة حياته
لا ثابت ورع و لا متأدب
جدها جاب النغمة دي في خصمه تعظيما له بعد ما لحقه امات طه
و الخبثاء قالوا عنتر شكر نفس القدر علي البلوي الوصفا دي
ما تكون عشوشة كما جخاخة ساكت
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: نصار)
|
ون تو عجيب وخد وهات ما بين شرقرق وصابونة وكلا يتالق في فتح اللعب وتقفيل مفايتح اللعب عند الاخري
والقعدة والجبنة طارت للثنائي ده في راسو مع البلد المسخنة في روحها دي...
لتاخذ صابونة نفس طويلة وتجدع قنبلة في سماء النقة معتقدة تماما بانها قادرة بها علي اسكات شرقرق التي قاعدة تشبك فيها
(وروروروررو) ومعدماها النفس......!!!
البشير يا اتي بقيفو ليهو الشيوخ رجال طابت وكدباس والصابونابي وقبة ابو شعر وودهاشم التور الضالع والمرين وقبب السودان دي جتتتتتتتت الفيها الاولياء والصلاح بقيف مع ولدنا ولحمنا واكمابو ده في الحلم ما يشوفو ...وقالو يا انتي كمان
عندهم الفكي ابراهيم المسلاتي ده كمان رمدوا ليهو القروش دي ردم (وسمعت تحت تحت قالوا مادنو ليلي علوي ياتي وحرس) كمان ومسكننو في الفللل الرئاسية لوج....ده كمان يا شرقرق قال ليهم امشوا نومو قفا...البشير ده لاهاي دي
رجلو شبر ما بمدها ليها...وكمان سمعت برضو قال ليها مش البشير بس لاهاي دي تاني سوداني كده ما بخط رجلو فيها
كل ما يقبل عليها سوداني او سودانية عينو دي تسود والبعمل السعبة وزمتها الخواجات ديل ما بدوهو فيزاء واي طيارة ماشة لاهاي دي وفي سوداني قال ليك ياتي تقع تتفرطق حتة حتة...
وكديييييييي يا يمة احنا معانا الصلاح رجال الله وابراهيم المسلاتي ولو فضل شيتا باقي تمينا جكة لمايرنو حتت (الفكي ادومة)
وقوبي وابكر..وديل انتي بتعرفيهم كويسسسسس زي جوع بطنك ده _(هارون اقاشي) الخطف زبيدة بكش من الولد الكان دايرها شفتي برااااك الحصل ليهو شنو.....
جيتو لي جيتو لي يا صلاح تلحقونا وتفزعونا
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: نصار)
|
Quote:
رسم ليها حنة يعني؟
و الله يا كيكي عشة في زولة نبيل
|
هلا يا نصار
وعشة يا نصار ما مقصرة تب وشغال بيدها وكراعها ودايرة تطلع الريس ده
من المصيبة الاسمو اوكامبو
وزولة حنينة ياخي وقبلها رافي وهافي
وخخاخة دي نصار الا نسال صحبتها شرقرق تدينا خبرها والتقرير الفني بتاعها...
لكن عموما الشاهد انو عشة واقفة ديييك احمر ومستميتة استماتة الابطال منذ زمن عنتر
| |
|
|
|
|
|
|
|
|
 Re: عشة صابونة...البشير حنني ياخي....!!! (Re: عبدالكريم الامين احمد)
|
يا كيكي عشه صابونه شفته وموقفها ذي موقف الشيخ الجاتوا مرا قالت ليه الصاعقة قتلت بخيته وبقرتها كان حميتني منها بديك ريال زمان الريال بشتري لوري فحم الشيخ قال ليها جيبي الريال واداها الفاتحه واتخارجت واحد قاعد مع الشيخ قال ليه كلامك دا غلت انت لا تستطيع تمنع منها القدر الشيخ قالوا ليه المرا دي لو ضربتها الصاعقه (اوكامبو ) بنرتاح منها ولو عاشت (اوكامبو اكل نيم ) بتعمل لي دعايه وبكسب من وراها .
شرقرق بايعه الموضع زيك وهشام هباني (اتش اتش هاماتوك ) اتجاه واحد
يا كيكي عايز ادخل معاك في بيزنس عايز اشفر بوستاتك مقابل بطاقات اشتراكات بسيطه القيمه عشان اطفال المايقوما رايك شنو والبطاقات بتتوزع اسفيريا وليها ضوابط استخدام دقيقه Very tight control applied رايك شنو المجان دا عايزين نوقفوا أي شئ بقي مشفر كرهونا الشفره زاتوووو.
شكرا يا هندسه وانت تهندس نوافخينا بهترشه (وين شيري ياا خي ساعدونا بالبحث عنها حيه او حيه ترزق)
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: محمد المعتصم ابراهيم)
|
Quote: يا كيكي عشه صابونه شفته وموقفها ذي موقف الشيخ الجاتوا مرا قالت ليه الصاعقة قتلت بخيته وبقرتها كان حميتني منها بديك ريال زمان الريال بشتري لوري فحم الشيخ قال ليها جيبي الريال واداها الفاتحه واتخارجت واحد قاعد مع الشيخ قال ليه كلامك دا غلت انت لا تستطيع تمنع منها القدر الشيخ قالوا ليه المرا دي لو ضربتها الصاعقه (اوكامبو ) بنرتاح منها ولو عاشت (اوكامبو اكل نيم ) بتعمل لي دعايه وبكسب من وراها .
شرقرق بايعه الموضع زيك وهشام هباني (اتش اتش هاماتوك ) اتجاه واحد
يا كيكي عايز ادخل معاك في بيزنس عايز اشفر بوستاتك مقابل بطاقات اشتراكات بسيطه القيمه عشان اطفال المايقوما رايك شنو والبطاقات بتتوزع اسفيريا وليها ضوابط استخدام دقيقه Very tight control applied رايك شنو المجان دا عايزين نوقفوا أي شئ بقي مشفر كرهونا الشفره زاتوووو.
شكرا يا هندسه وانت تهندس نوافخينا بهترشه (وين شيري ياا خي ساعدونا بالبحث عنها حيه او حيه ترزق) |
هلا يا ود المعتصم وحبابك
وعشة بيني وبينك واقفة وقفة شديدة في موضوعها ده..والغريبة تاريخيا عشة صابونة دي
كانت مع التسليم وكلو حاجة تمام ولكن فجاة طلعت لينا بالموال العجيب
(الواحد ابتدا يشك انو تحت تحت في قروش توزع فيما يعرف ببدل اوكمابو)
وغايتو ما نهجم عشوشة دي ساكت لكن نضميها ده نضمي زولا قابضضضضضضضض قريشات..
...
تسلم يا محمد وناس المايقوما نديهم روحنا ودمنا
بس التشفير ده انا خايف ليك من الهكر الحايم في راسنا ده(تخيل الواحد بقي لو عندو بوست (live)
والهكر ده (تلقي الواحد فينا بتراجف زي صحن الكاستر والله)..
شيري زولة كتابة بالحيل وكلنا نسائل عنها الغيوم ونتمني ان تعود
وكل الود
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
يمجدونا ويلحقونا هكذا رددت شرقرق عندما زكرت صابونة سيرة (رهط) من اولياء الصالحين وقبل ما تتم نظرتها في الفضاء الرحب بتامل كانها تراهم حولها..افتت بقوي
هووووووي يا صابونة هوووي
خلاص ناسك ديل غشوا في الدين كدده مقبلاهم لي علي الاولياء...
القبب الشافتها عيينك مالية البلد دي سيادها علمونا الصدق- وقالوا كلام الله البقول ما تقتلوا زولا ساكت ولاتسرقوا مال المومنين وسياد البلد..
زولك ده لو طلع من اوكمابو ما باقي لي بطلع من اولياء البلد ديل... شاحدة ربي يلم فيهو (شيخي موسي الزغرات) يزغرت ليهو في اضانو دي لمن يكورك براااهو يقول (سلموني يا ناس-سلموني)......
وكان جيتي لابراهيم المسلاتي سجمم يا يمة بعرفو من زمن كان في الجنينة..فكي يا انتي (محايتو بيبسي
وحيرانو جكسي) والفلل الرئاسية الداسنو فيها كن فتشتو كراكيرها شراب الخواجات يلقو فيهابالكراتين وعرقي
(حواء ليمون( قااعد يانتي..ابراهيم بعرفو بالنهار يسبح وبالليل يضبح..بغش في الجبهجية المساكين ديل ساااااكت ....
ناس مايرنو القلتي جننو (هارون اقاشي) ..بررري ياانتي اقاشي لا جننو فكي من مايرنو ولابقدرو بجننو ليهم زول..
اقاشي سمعت اضاني دي (عباس كلتش) قال قامت بيهو سيجارة بنقو شربها مع عباس المسخوت ده
ومشي بيتهم وديك يا الكواريك...
فدحين يا صابونة ولي واحد كده بنجدكم مافي
والمسلاتي وناس مايرنو انشاء يضو ليكم ولو فيهم عمار كان عملو مع الهلال والمريخ اليومي كابين
بنزين ومصبحنها في مايرنو ديل..
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
هييييييي ياعلوية
هكذا تنهدت صابونة بياس بداء يطل من وجوها عقب مرازات شرقرق العجيبة لها وقالت:
لكن ما لقيتك فقريةخلاس يا شرقرق وقفلتيها علي حارسنا وفارسنا وناسي ديل سماء وارض
ومالو يا شرقرق حسع لو الله هداكي وشوفتي ليهم جانص علي الاقل ممكن الله كمان يتوب عليهم....
ومالو ياانتي ممكن يعملوا سلام من الداخل...ما ياهم ديلك الناس يومتا اتلمو جت في كنانة وقالو (مبادرة اهل السودان)...والريس زاااتو نضم وقال الزول الغلطان يحاكمو وكوشيب وهارون اول زول بوقفوهم
في محاكم الخرطوم دي وقال جنجويدي كده ياتي ما بخليهو الا يجيبو الحراصة...وكمان نضم قال دارفور دي
يعمرها عمار حواشة (التومة بت نفرين)..وكمان يا اتي شوفتيهو مشي نيالا والفاشر والناس اتلمت فيهو لممولة (نحل) ورقص زيييييينة ..وكمان لو ماعجبك قال هو عافي لكل زولا كده رفع السلاح واتمرد وقال خليهم يجو البلد بلدهم وهم سيادها.....
وانا يا شرقرق بيني وبينك حكاية خواجة دي كلو كلو ما مبلوعة لي ا تي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
النقاش احتد
طرق الباب حذر فزر من الطارق
انها فاطنة قرضمة الصديقة المشتركة للطرفين
لها ميول اسلامية بتلقط الكلمات وبتستعمل بعض الكلمات الانجليزي
بدون مقدمات انحازت لصابونة
البشير يا يمة ود السرور البشوش الطيب الصلاي الهاش الباش
واكامبو دها كان بريدو الحس المكوة حارة وتكون شغالة في نمرة ستة
في ال (cotton)
ها هي فاطنة قرضمة تدلي بدلوها
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: khaleel)
|
Quote: واكامبو دها كان بريدو الحس المكوة حارة وتكون شغالة في نمرة ستة
في ال (cotton) |
مبااااااالغة لكن يا قرضمة
cotton
دي يا خلي تفرطق اللسان حرم لسان باسم تاني ما ينفع..
وقرضمة دي لو خشت الفيلم ده بالتطرف بتاعها ده ..الليلة هي وشرقرق بالاحتياطي المركزي ما يتحلو..
برررررري يايمة من فاطمة فرقطعة دي ارهابية يا اخوي وتبع ايمن الظواهري زااااااتو
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
الأخ العزيز كيكي:
تحيه طيبه..
أولا أراك في زمان ما ومكان ما...
كاتب و سيناريست مبدع,,
السيناريوهات البديعه التي تحكيها,
تجعلني أشعر وكأني أري وأسمع للشخصيات..
أرجو أخذأمر كتابة السيناريو بعين الاعتبار..
الي حين أن توجد جهه اعلاميه جريئه وجديره باخراج ثقافتنا الشعبيه الذاخره الي دائرة الضوء..
ثانيا:
السؤال شرقرقي وللا صابوني..
ليه مافي حل وسط..
يعني حنية صابونه غير مبرره..
وكمان كلام شرقرق ماموزون..
شخصيا لاأري أي مانع من محاكمة أي شخص في محكمة العدل الدوليه,,
علي أن يتم ذلك مباشرة بعد محاكمة ايهود باراك وشارون وبقية مجرمي الحرب في اسرائيل..
العالم أخي كيكي يكيل بمعيارين..
ولاأراهم يبحثون عن انتزاع حقوق أهل السودان..
أو نشر العدل في البلاد..
والذي يجري الان في السودان, هو انتزاع سيادة دوله..
نفس الذي حدث في العراق بدعوي الحريه لأهل العراق,
والذي انتهي باعدام صدام حسين بشكل مهين لسيادة العراق..
السودان ياأخ كيكي شأن أهل السودان,
وان فشلنا نحن في تحقيق الديمقراطيه والسلام..
أو في انتزاعهما, فذلك لعيب فينا..
ولكن أن نرجو من أيا كان أن يقوم بذلك بالنيابه عنا,,
فهذا فشل اخر يضاف لتاريخنا..
وليس محمده بأي حال من الأحوال..
هذا رأيي الشخصي,,
احترامي وتقديري,,
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Amany Elamin)
|
Quote: السودان ياأخ كيكي شأن أهل السودان,
وان فشلنا نحن في تحقيق الديمقراطيه والسلام..
أو في انتزاعهما, فذلك لعيب فينا..
ولكن أن نرجو من أيا كان أن يقوم بذلك بالنيابه عنا,,
فهذا فشل اخر يضاف لتاريخنا..
وليس محمده بأي حال من الأحوال..
|
هلا وسلام
الاخت اماني الامين..
وانتي عارفة (اماني الامين دي ون قو كده) اثيرة علي الوجدان وتجعل الزول يشحن الامر بالشجون واللهفة للاخوات
فاسم (الامين) ده ارتبط فينا منذ سنين عديدة كونه اسم والدي ايضا...(بالامس داعبني خليل وقال هوووي يا كيكي اماني الامين دي اخوتكم ولاشنو) فقلت ليهو ايييييي اختنا فعشان كده اعمل حسابك يازول هووي
فمرحب يا اماني..
وشكرا علي حديثك الجميل في امر السنياريو وقد بدات في طراطيش تجربة كده مع الفنان محمد السني دفع الله ولكن يا اماني اخوك كسلان
وقلق وراسي قوي ياخي..
.......
انعدام وسطية المساحة ما بين شرقرق وصابونة يا اماني ياتي كون الاثنين في دلوهما شحنتا في راي كل الدفوعات الممكنة في هذا الامر
ليبقي الصراع الاساسي هو (تسليم البشير محاكمته- خارجيا او بقائه مع معالجة امر بالداخل وبطرق عديدة بما فيها التغيير بيد الشعب
كا ورد في حديثك)...اذن الامر تسليم او لا تسليم فقد بداء لي كذلك...
.........
اتفق معك تماما في ان بؤر الانتهاكات لحقوق الانسان في العالم متعددة ووفيرة ولاجدال في ذلك
ووفلنتفق اولا بان القضايا التي تهم الانسانية وتظل موثرة للتواجد الانساني في اي نقطة في العالم هي قضايا بالتاكيد ذات طابع كوني
وحصرها في جغرافيا وظروف النقطة التي حدثت فيها فقط وانتظار الاقدار لكي تحلها ..هو تجريد للخليقة والكون الانساني من معني وجوده الجماعي علي الارض....
لا انظر ياماني لامر الجنائية كموامرة ضد السودان كوطن...والبشير وزمرته في راي اجرمو بالتاكيد وهي الزمرة نعم هم ابناء وطني
ولكن هم ليس كل الوطن..وربط محاسبتهم بمستقبل السودان امر بلا سند...
العدالة الدولية نحن كشعب سوداني او كدولة سودانيةنملك فيها ايضا حق المطالبة بها مثلنا مثل اي دولة او شعب اخر في هذا العالم
طالما لا نرهن ارادتنا في امور بلادنا وندري حدود انتمائنا لها جيدا ونحفظ كرامتها ..وسيادتها.....
يبدو الامر كطلب من منظمة الصحة العالمية لمحاربة وباء في اي نقطة من العالم..او الاستعانة بمنظمة دولية اخري تعني بمحاربة افة من الافات...
التحدي يا اماني الذي يقيس نجاح الشعب السوداني (ليس ازاحة الانقاذ )فقط..
بل التحدي الاكبر يجب ان يكون تسخير كل الممكن دوليا ومحليا ولصناعة وطن اولا يتسامي مع الانسانية في كل العالم ويحفظ اهله وسلطاته لها حقوقها...
والتحدي الثاني هي مقدرتنا علي صناعة وطن للجميع بكل ديمقراطية وشفافية ودون رهن ارادته لدولة اخري...
وفي ذلك تتكاتف معنا الانسانية العالمية التي يجب ان نعمل علي ان لاتسلبنا ارادتنا
ونتكاتف نحن في السودان ونعي ادوارنا كشعب واحزاب وسلطة...
.........
وتحياتي يا اماني ومعا حول مزيد من النقاش
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
الأخ كيكي:
وانتي عارفة (اماني الامين دي ون قو كده) اثيرة علي الوجدان وتجعل الزول يشحن الامر بالشجون واللهفة للاخوات
فاسم (الامين) ده ارتبط فينا منذ سنين عديدة كونه اسم والدي ايضا...(بالامس داعبني خليل وقال هوووي يا كيكي اماني الامين دي اخوتكم ولاشنو) فقلت ليهو ايييييي اختنا فعشان كده اعمل حسابك يازول هووي
لينا الشرف أخ كيكي, بعد كده حأطمئن لأنه عندي أخ في المنبر..
ومنو؟ كيكي شخصيا.. مشكور
بخصوص الموضوع..
شكرا علي الاجابه الوافيه..
ولأني من المؤمنين بنظرية المؤامره الدوليه التي تحاك ضد الوطن..
ومن المتخوفين جدا من التعقيدات التي قد تعقب صدور أي قرار من المحكمه الدوليه..
وخوفي هنا علي المواطن الذي غالبا ما يدفع ثمن أخطاء السياسيين..
أجد صعوبه في تأييد صدور القرار..
وأتمني أن يلتأم شمل السودان..
قبل الدخول في متاهات حرب تلوح في الأفق..
اختلاف الرأي لا يفسد للود قضيه..
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Amany Elamin)
|
Quote: ولأني من المؤمنين بنظرية المؤامره الدوليه التي تحاك ضد الوطن..
ومن المتخوفين جدا من التعقيدات التي قد تعقب صدور أي قرار من المحكمه الدوليه..
وخوفي هنا علي المواطن الذي غالبا ما يدفع ثمن أخطاء السياسيين..
أجد صعوبه في تأييد صدور القرار..
وأتمني أن يلتأم شمل السودان..
قبل الدخول في متاهات حرب تلوح في الأفق..
|
هلا يا اماني
وابشري بالخير يا زولة
اخووك تب انا يا اماني بت الامين...
وحديثك يا اماني بكل صدق عالي النبرة...
وطالما كان الهدف هو الوطن واشيائه السامية فلاخلاف عدا الوسيلة وزاويا النظر التي تجلس فيها شرقرق هنا
واجلس انا ايضا كما يبدو خلفها..
فالهدف بالتاكيد لوطن يسع الجميع في ظني يمر عبر بوابة تنقيته من الذين عوقوه طويلا في راي بكل السبل يجب ازاحتهم...
........
اماني كدي فذلكة بسيطة ومادمنا في حضرة صابونة وشرقرق
خلينا نستلهم بساطة النسوان ديل...
لو عبر بالسودان وبباء الكوليرا وقتل الالوف ..هل نرفض الاستعانة بمنظمة الصحة العالمية لكي تحلنا من هذا الوباء
بدعوي انها لم تقم بمعالجته مثلا في غزة..؟؟
دي خارطة شرقرقية لاعليك بها كثير ضربتها كمثال لرويتي للامر ..ماخذه في اطار تكاتف الانسانية العالمية ضد الوبائيات التي تقتل
وتشر الناس
وكوني بالف خير يا اماني
ويد صداقة واخوة ممدودة بلا حدود
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
أهلا كيكي أخوي:
مشغوليتك وهمومك بالوطن
ورغبتك في الأفضل واضحه لي تماما
وزي ما قلت الاختلاف في الزاويه التي يري منها كل شخص المصلحه العامه..
رؤيتي مختلفه..
الأمر ليس كالملاريا ومنظمة الصحه العالميه في نظري..
وانما مثل مصل شلل الأطفال المثير للجدل ..
والذي دارت حوله الشكوك ومازال أطفالنا يتناولون في الجرعات..
ظاهره الرحمه وباطنه ...
المحكمه الدوليه لا تحاكم الرئيس بوش, وحربه غير المبرره علي العراق..
أليست اباده جماعيه مثلها مثل ابادة الفلسطينيين في غزه.
المحكمه عندما تعتبر نفسها جهه مسئوله عن احقاق العدل في العالم,
لاتغض الطرف عن الظلم في أي مكان, والعدل لايتجزأ..
هذا بالاضافه الي أن القرار قد يعيدنا الي أيام تعبئه وجهاد ومسميات مثل الكابوس..
لا يريد الشعب السوداني مجرد السماع عنها ثانيه..
فكرة تسليم الحكومه بالقرار بعيده..
وكما تري فان البشير ذهب الي المناصير ويحاول اعادة ودهم..
وذهب الي دارفور نفسها..
والنغمه في التلفزيون هي فداء السيد الرئيس بالنفس والمال..
ونحن ما صدقنا اتفاقية السلام تم التوقيع عليها..
يعني الانتخابات "لو ربنا أراد ليها تتم", ولم تحدث تعقيدات جديده..
ستكون كفيله باعادة التوازن الي السودان..
أي محاسبه لأي شخص بعد كده بتكون مسؤولية الحكومه المنتخبه..
لاأحد يريد ضياع الحقوق لأي شخص.
لكني أخشي أن يدفع المواطن, ثمن المناكفات بين الحكومه والمجتمع الدولي..
اللي أنا لسه بصر انه متعدد المعايير..
موده أخويه صادقه,,
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Amany Elamin)
|
Quote: بالاضافه الي أن القرار قد يعيدنا الي أيام تعبئه وجهاد ومسميات مثل الكابوس..
لا يريد الشعب السوداني مجرد السماع عنها ثانيه..
فكرة تسليم الحكومه بالقرار بعيده..
وكما تري فان البشير ذهب الي المناصير ويحاول اعادة ودهم..
وذهب الي دارفور نفسها..
والنغمه في التلفزيون هي فداء السيد الرئيس بالنفس والمال..
ونحن ما صدقنا اتفاقية السلام تم التوقيع عليها..
يعني الانتخابات "لو ربنا أراد ليها تتم", ولم تحدث تعقيدات جديده..
ستكون كفيله باعادة التوازن الي السودان..
أي محاسبه لأي شخص بعد كده بتكون |
هلا يا اماني
يااماني الية النبرة العالية والتصعيد والاستقطاب الحاد عند الانقاذ اتفق معاك بانها ستذهب الي اعلي في حالة صدور القرار..
ولو هبشنا تاريخ السلطة الانقاذية سنجدها في كل المرات التي تحس بالخطر تفعل هذه الالية لاقصي حد ممكن
1-اشتغلو بيها في حرب الجنوب وكان الحصاد جثث بالكميات هناك وهنا والدم سوداني في الحالتين
2-اشتغلو بيها في ايام الانقاذية الاولي وكان الحصاد الالوف من المشرديين والقتلي والمعذبين في بيوت الاشباح وعلي فضل
3-اشتغلت كثير في حرب دارفور فكانت النتيجة كما تري الان من تدخل خارجي ومحكمة جنائية وجثث وبلاوي سوداء
...
الان والقرار علي الابواب يلوحون بهذه العصا..وفي كل مرحلة يهب الاخريين وحتي من داخل الوطن لوضع حد لهذه المهزلة التخويفية الابتزازية
نجد الخطاب الجهادي والدماء هي حائط المصد..!!
ده خطاب والية تخويف يا اماني والاصرار علي القفز فوقه هو من اجل وطن بلا ابتزاز لللاخريين..
...
حتي يااماني الانتخابات التي نتظرها تحت كل الظروف ماهي الضمانات التي توفر حتي لا تعمل الية الابتزاز والتخويف هذه طالما الناهي والامر هو الموتمر الوطني...
السودان في كارثة حقيقية مربوطة بالانسان وبقائه حيا..مربوطة بجغرافيته وتماسكه في كل الجزئيات التي تستدعي التماسك
لذا انا مع الموقف العامل علي ازالة ومحاكمة البشير في اي مكان في هذا العالم...قافزا علي اشياء عديدة....كوني اهتم ايضا بسوال ماذا بعد البشير..
ولسنا مع الجنائية لكي تكون هي اخر المراحل بل هي طريق لصناعة واسترجاع وطن تفكك وتمزق وسكنه الخراب ونعق فيه البوم..
.....
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Amany Elamin)
|
Quote: المحكمه الدوليه لا تحاكم الرئيس بوش, وحربه غير المبرره علي العراق..
أليست اباده جماعيه مثلها مثل ابادة الفلسطينيين في غزه.
المحكمه عندما تعتبر نفسها جهه مسئوله عن احقاق العدل في العالم,
لاتغض الطرف عن الظلم في أي مكان, والعدل لايتجزأ |
رد منفصل يا اماني علي الجزئية دي حتي لا يكون الامر طويلا...
السودان يااماني هو السودان وليس اي دولة اخري
وظروفه الداخلية والانتهاكات والمجاذر التي جرت في ارضه المظالم (النوعية) بالتاكيد تختلف في تفاصيلها ومشهدها من اي تفاصيل اخري..
ماجري في العراق هو تدخل من دولة اخري وبوش كان غير مسنود من الارادة الدولية وهو ايضا اتفق معاك في انه يستحق العقاب والمحاكمة
وشارون ايضا وكل من انتهك حقوق الانسانية في هذا العالم الكبير..
ولكن عندما تاتي العدالة لقضية في بقعة من هذه الارض وانا علي المستوي الشخصي مقتنع بهذه القضية لن انتظر طويلا حتي تحل قضايا مشابهة
وساكون في غاية السعادة كون امري وجد العناية في محيط هذا العالم الهادر بالبلاوي والمحن....
عدالة القضية وقوتها واحقيتها للبت اولوياتها بالنسبة الي محيطي المحلي هي الاشياء التي تجعلني اساند (اوكمابو في مسساره)
ومعليش ياخي بكون هلكتك هلاك بالنقة
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
كيكي أخوي:
مشكور يا سيدي علي الرد المستفيض..
كتبت:
وساكون في غاية السعادة كون امري وجد العناية في محيط هذا العالم الهادر بالبلاوي والمحن....
وأنا سأكون في غاية التشكك..
علي العموم الأيام كفيله بازالة أي غموض,
وكشف الحقائق كامله..
فلندعو الله ياكيكي أن يلطف بأهل السودان البسطاء
الذين لا ناقه لهم ولا جمل في أي تعقيدات قادمه..
يكفينا من فقدنا في هذا المعترك..
نأمل في غد ليس به مفقودون..
تحياتي واحترامي,,
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Amany Elamin)
|
Quote: فلندعو الله ياكيكي أن يلطف بأهل السودان البسطاء
الذين لا ناقه لهم ولا جمل في أي تعقيدات قادمه..
يكفينا من فقدنا في هذا المعترك..
نأمل في غد ليس به مفقودون |
بالتاكيد يا اماني
وجميعنا نرفع الاكف وندعو الرب ان يحفظ لهذه البلد اشيائه ويقي اهله شرور
الازمنة ويصبح وطن عاتي يسع الجميع من ابنائه...
وكافة حرب وقتل وعذابات لاهلنا البسطاء الطيبين..
وكل الود يا اماني
وسعدنا حقا بنهج حوارك الراقي الهادي المفيد
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
Quote: والبلد بالهم انكمد
وبعمايل الجبهة
تشرزم الجميع ما بين
شرقرقيين وصابوبنين....
فهل انت شرقرقي ام صابوني ..؟؟؟ |
وما ان وصلت صابونه لمنزلها وقبل ان تقفل باب الحوش دفعته فاطنه الارهابيه ودخلت وقفلته علي عجل وسحبت صابونه الي اقرب اوضه وقفلت الباب بالمفتاح
ثم جبدت نفس وقالت ووووووووووب عليييييييي البشير لحق امات طه .
سجمي يا فاطنه الموضوع انتهي ولا شنو .
انتهي نهاية بطل في الساحه يا عشة انتهي نهاية تمساح بره المويه .
وطيب ناس نافع وخال عمر ديل بتراجلوا في شنو وينفخوا فينا لمن دايرين نطرشق .
يابت انتي من زمن خال عمر وخال فاطنه الضرب بيه الواطه هباني
دا زمن القرضابي علي قول ناس سيدي الحسن .
والله ياعشه نافع كان نافع اللينفع روحوا وحاتك قالوا مقنطر في 51 ديل وش .
طيب والتكتيكات القبضنا حقها مفروض نسلم روحنا باليل لي مريم شنطه .
والله يا فاطنه اريتنا كان ما قبضنا وحلفنا انا مجهجهاني الحليفه .
يا صابونه الحليفه دي عشره مساكين تعشيوهم وتفكيوهم عكس الهوأ .
ولا اقول ليك حاجه ما بني علي باطل فهو باطل .
ووووب علييييي يا فاطنه الارهابيه مالقيتك عبدالحي يوسف عديل يا فتايه فتيوهو . يابت الفتاوي دي والمخارجات شاربنها شراب فقه الضره زمان كان الضروره.
كان كدي يا فاطنه نظبط لينا فطور كارب بكره ونتشرقر علي شرقرق كلوا زول ياكلوا نارووو.
يا بت يا صابونه مضارة المومن علي نفسو مهمه شديد
ومتاع الحياة الدنيا مافي زيو وكمان تاخدي عليه حسنات .
وحاة الله يا فاطنه عبدالحي زاتووو كسحتيهو .
يابت انا سمعتي امبارح من ريا كوارع ناس يهتدون زاتون شرقرقيون
وناس سيدي ديلك يمين فايتين الناس بالصبر واكل القرض الليل كلوا يمضغوا ويدعوا عجل بالفرج
اقرضن يالقراضابي بتاع الامن المعاهم قالوا ليه دي سيرياليه
والقرضابي دا الشفره بتاعت اوكامبوا لمن يقول القرضابي يعني اوكامبوا
وناس ويييييي ديلك يقولوا الكلام بهنا ويغيروا بهنا راقدين في راي .
وناس الخامس يا يمه قايمين بالخامس وطابورهم خامس .
كدي عليك الله ياعشة اضربي لشرقرق واديني ليها .
هالوا يا شرقرق معاك فاطنه انا ضاربه من جوال صابونه .
وين يا ارهابيه .
ارهابيه بالـ رأ انتي عويره ياحليل زمن الرهبنه
دا زمن
الكوبنه
والاوبمه
والسوزنه
والدمبله
والاملده
والسولنه
وووب علينا من الامبله تسوي انيميا عديل دي
والهرونه والهلوسه والهضربه (دا عرفتو ياكيكي هاله سعبه خلاس )
بكره جاينك بفطور ما تسوي حاجه نهائي .
وحاتك ضابحين خروف ب 300 جنيه وجابين ليك معانا بكس حاجات وكرعين الخروف الوراء الاتنين والجلد والراس تسليم بلدو .
مرحب بيكن وبالمره تتعرفوا علي برامج الحزب حقنا .
يا بت جهزي طلب العضويه وسجيلني انا وصابونه بلا لمه بلا هوس .
شرقرقيون وبفطورها كمان .
اها يا كيكي لقيتني كيف خت الاصبع .........
اسمع شايف صاحبك بدرالدين كفيل ناشف يااخي اقنع رقم صفر ينقل عليه كفاله وكمان بالمره شوف لي معاه قريشاتي المن سنة 1995 مارجعها
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: محمد المعتصم ابراهيم)
|
محمد المعتصم ابراهيم
خليك مع الشيوعية ديل بنفعوا معاك ريح اولاد واحفاد سيدي الطيب ود البشير شوية
عشان لما ترجع طابت مافي زول يديك علقة نضيفة
سمعت كلامي ده
عليك الله كلم حاتم معاك قول ليهو مدني مليانة شيوعية اظن في حوشكم في اهديهم لينا
خلي المتصوفة الوثنيين شوية
ازيك يا عم كيكي
معتصم ده منعي صفحة الوهابية بطابت عشان كده لميت ليك فيهو هنا
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: saif massad ali)
|
Quote:
ازيك يا عم كيكي
معتصم ده منعي صفحة الوهابية بطابت عشان كده لميت ليك فيهو هنا |
هلا يا ابو السيوف
ومالك يا زول مع معتصم ده زول صحبي
وياهو حسع قال ليك قدم اوراقك وانا زااتي بقدم اوراقي معاك..
وياخي ما افتيتنا في الموضوع بتاعنا ده
انت مع تسليم البشير ولا ضده
(عشان المرجفين ما يقولو عوج الدرب مييع الموضوع وشكلو ماسك العصاية من النص)
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: محمد المعتصم ابراهيم)
|
| Quote: اها يا كيكي لقيتني كيف خت الاصبع ......... |
لقيتك 
وفاطمة الارهابية شمارها برضو
وقضت بضربة شمارية كافية علي الامر الذي كان فيه شرقرق وصابونة يتناقشان
............
قروشك العند بدر الدين دي اقنع منها
بدرالدين ده ياكل ناقة صالح يا زول...
ورقم صفر يا زول هووي مدير كبير لا يحتاج وبدرالدين زاااتو لو اتعصر ممكن يباصر وبنقل علي رقم صفر
ديل ناس البنوك يا ابوي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
Quote:
لقيتك
وفاطمة الارهابية شمارها برضو
وقضت بضربة شمارية كافية علي الامر الذي كان فيه شرقرق وصابونة يتناقشان
............
قروشك العند بدر الدين دي اقنع منها
بدرالدين ده ياكل ناقة صالح يا زول...
ورقم صفر يا زول هووي مدير كبير لا يحتاج وبدرالدين زاااتو لو اتعصر ممكن يباصر وبنقل علي رقم صفر
ديل ناس البنوك يا ابوي
[
/QUOTE]
Kiki Saif is my brother in law but he has secrets Agendas
really am very sad of his bad attitutes agaist me and
my brother Skiekh Hatem and his family also he is insulting
the communists which is not acceptable at all especialy now
he is one of the leader of AlAdal WalMsawa
any please if you have time visits discussion board here
www.tabat4all.com
www.tabatpeople.com
your commitments will be highly appreciated Mr kIKI
MY mONEY WITH Mutasim Abdul haleem NOT Badurddin
THANKS ALOT FOR YOUR EVALUATION GRADE
AM VERY HAPPY TO READ FOR YOU AND SHARING YOUR NICE POSTS
ALSO AM SORRY FOR THIS BAD DISCION HERE
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Nuha Ahmed)
|
Quote: شرقرقيون، شرقرقيون، شرقرقيون، شرقرقيون
واالصابون الحايم ده كله ما فيهو رغوة |
هلا يا نهي وحبابك
وده الكلام البخلي علوية شرقرق تجرها زغروتة ما حصلت قريبات دي
ونعم شرقرقيين حتي الثمالة..
ولا للصابون العديم الرغوة
وتحياتي يا نهي ياخي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
Quote: وانصاري نصيح كده يا انتي ما بمشي بحمي البشير هو السواها فيهم هينة - يا اختي نجضهم نجاض قبورة
والصادق المهدي ده زاااتو ما زازو كددددده لمن عمل (يهتدون) وبلاندكروز صبحها تاني يوم في اسمرا..
قال يا تي عرس بتو زغاريدو في البيت واتخارج منهم...
-الجزيرة ابا كبلو في العلمها في موضوع (الانصار صلو والزلط خلو) نسيتي ولا شنو..(البطن غريققققققة يا اتي ومليانة من الجبهجية ديل ملي السنين) وما باقي لي في انصار نصيح كده يحمي ليهو جبهجي..
|
صدقتي ياشرقرق الذمه بانت 
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: محمد المعتصم ابراهيم)
|
هلا يا كيكي
واليوم يحق لاهالي كمبو الري والكنابي المجاورة الاحتفال ونحر الكرامات
ابتهاجا (بعكشة الجوكي) واهي المسرحية انتهت (وكتلوك ولا جوك جوك) مع اننا كنا مستمتعين
شديد بشغيل السخانات.
فدماء ابرياء الابادة لم تذهب هدرا وعلى الظالم الدوائر دائما بدور...
دايرنك تجي تحتفل معانا (الاحتفالات ستستمر لعام كامل) وليك علي اوصلك لصاحبك بدرالدين موسي.
تحياتي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Imad Khalifa)
|
| Quote: دايرنك تجي تحتفل معانا (الاحتفالات ستستمر لعام كامل) وليك علي اوصلك لصاحبك بدرالدين موسي. |
عماد خليفة
سلامات
يا اخوي بعد تحتفلوا انا ما بفتح ليكم الباب.
اسمع ما سامع الجماعة بقوا بتكلموا في الارصدة و كدا، يعني القروش بتاعت البلد بقلعوها و يشغلوها و يقولوا ليكم جمدنا اموال البشير!!
ما تفرحوا، والله انا شايف شر مستطير!!
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Badreldin Ahmed Musa)
|
Quote: واليوم يحق لاهالي كمبو الري والكنابي المجاورة الاحتفال ونحر الكرامات
ابتهاجا (بعكشة الجوكي) واهي المسرحية انتهت (وكتلوك ولا جوك جوك) مع اننا كنا مستمتعين
شديد بشغيل السخانات.
فدماء ابرياء الابادة لم تذهب هدرا وعلى الظالم الدوائر دائما بدور...
دايرنك تجي تحتفل معانا (الاحتفالات ستستمر لعام كامل) وليك علي اوصلك لصاحبك بدرالدين موسي.
|
عمدة التحايا والتهاني الحارة..
فهذا اليوم هو عيد كبير وفرح حقيقي ..لشرقرق وكرجول وفاطمة فرطقة
وكل الذين سحلوا سحلا من الجوع والقهر منذ مجي هذا الرجل الدموي وزمرته التي توشحا دقون الضلال
فالتاريخ لايرحم ودماء الانسانية التي سكبت هدرا من كل ركن من اركان هذا البلد السودان لا يمكن القفز فوقها مهما كانت الاسباب والحجج..
سترفع الرايات في كل المحطات عند حواء ليمون وجوك وبلية فكل الشدات والشدات المجاورة محجوزة من الان وحتي ليلة القبض علي السفاح
البشير وسيدفع الحساب الجزار الاسطوري كرجول...
بدرالدين قريبي ياخي والله صحبي اوكمابو الليلة ضربه هو من لف لفهم في الانكل
النيويورك تايمز
ولا شنو يا بدر الدين..؟؟ (وش الليلة مبتهج جنس بهجة قال ليك)
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: Badreldin Ahmed Musa)
|
Quote: يا اخوي بعد تحتفلوا انا ما بفتح ليكم الباب.
اسمع ما سامع الجماعة بقوا بتكلموا في الارصدة و كدا، يعني القروش بتاعت البلد بقلعوها و يشغلوها و يقولوا ليكم جمدنا اموال البشير!!
ما تفرحوا، والله انا شايف شر مستطير!! |
سلامات يابدرالدين
يا راجل دا اسمو كلام!!!! ما مشكلة حبوبة حتفتح الباب
نحنا ما جايين نشمت لاننا عارفين مواقفك كويس ومقدرين حكاية تحفظاتك دي
عارف الجماعة ما عندهم غير الارصدة والاموال المنهوبة وصدقني يابدر القصة لما تصل حكاية التجميد سيقومون بالبيع
وعلى عينك ياتاجر، يا اخي ديل باعوا كبيرهم الذي علّمهم الافك ذاتو خلي البشير..
وابدا يابدر ما في شر في الدنيا دي اكبر من الكيزان وتجار الدين فليذهبوا جميعا الى الجحيم.
تحياتي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: محمد المعتصم ابراهيم)
|
| Quote: صدقتي ياشرقرق الذمه بانت |
شرقرق الليلة يا معتصم زغاريتها في السماء..!!
ليس هي لوحدها بل بصحبة نساء كثاااااار
عشة بخسة
حواء كوارع
نفيسة مغارز
كلثوم دفاع شعبي ( دي ودها الدفاع الشعبي وكرهوا الدنيا زااتو ورفعت جنينة) ولكن حتما سيعود اليها الوعي الان وهيي الان في جوقة المزغرتات...
ورهط الرجال في فريق وراء الليلة الضبائح ما تديك الدرب
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
| Quote: نحنا ما جايين نشمت لاننا عارفين مواقفك كويس ومقدرين حكاية تحفظاتك دي |
بالتاكيد يا عماد
وبعض اشارتنا العفوية تاتي في اطار المرح
ولكن لوجينا لجدية الامور فهمنا جميعا هو الوطن وسلامة اهله وثرواته وكل المنطلقات المشتركةمع بدرالدين وغيره
من الاخوة الغيوريين ولكن تختلف زاويا النظر والروي
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
هلا كيكينا..
الحقيقة .. كنت معاكم في قطر لمدة 4 ايام .. كانت رائعة ..
وقد ابهجنا فيها الرائع حامد عجبان . وقد استقبلنا بروعته المعهودة.. مهندس بهاء (الكابتن)
وسعدنا بقفشات بوب.. وافتقدنا بدر الهندسة المتوهج ( قرقر )
لهم عبرك كل التحايا ..
مخصوص .. دخلت هنا لانك ما بترد الايميلات
ودو
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبداللطيف حسن علي)
|
| Quote: عشة ايقنت بان محاولاتها المحمومة لتسريب جرعات من الحنية الي قلب شرقرق تبدو محاولات يائسة في ظل تقفيل اللعب العجيب الذي قاعدة تعمل فيهو شرقرق الفقيرة دي..ولكنها لسع دايسة علي الابنص الحنوني.. |
حيرتنا يا كيكي ، عايزين كنا نفصلك عن النص ونشوفك وين ، جوه عشه ولا شرقرق
ماعرفناك وين !مرة عشه ومرة شرقرق ومرة كيكي بالواضح كده !
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: ELFATIH ABDELLA)
|
| Quote: الحقيقة .. كنت معاكم في قطر لمدة 4 ايام .. كانت رائعة |
يااااااا
وديدي والله ماعارف اقول ليك شنو..
اولا انا خليل قال لي انت جاي وكان منتظر تلفون من عجبان وبهاء عشان نجيك في المطار
وبعدها ما جاني فيد باك من خليل او بهاء الدين...
واكيد طبعا عجبان بكون فكاها فيك وقال ليك الزول ده عندو صدمة اجتماعية وعاوز يعالجني منها ههه
(طولت طبعا من حامد عجبان ده شديد ورافع ليهو القزاز وهو ايضا بكون رافع لي قزازو)...
دائما متلوم معاك يا وديدي..
وقسما بالله واحدة من الاشياء الاتخرت بيها المشي لامريكا هي زيارتك الوعدت بيها مع اسباب عديدة اخري طبعا
ايميلاتي يا وديدي بالجد مهكورة وعملت واحدة في الجي ميل رسلو ليك في الماسنجر بتاع بكري
عموما ربنا ما كتب لينا اللقياء واتمني ان تعفو لي فانت اخ عزيز ودفعة نسعد باللقاء بيك يا ابو صلعة
ولكن بالله ماتشكر لي حامد عجبان ده تاني هههه
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
| Quote: اهو جيتك حسب المواعيد وكمان بدري اكتر ومعاي اللينك جاهز |
اوووه عبد اللطيف
وحبابك والله
لكن ياخي شرفان كده مالك ياخي جاييني بدري كده
حسع الكبيور يقوم يشفط زيادة عن المعدل مع قرار البشير اللسع ده
حرم الليلة دي مافي كوز يصبحها في المنبر ده..
خليها تليل ياخي ونسوي الطقوس الكيكية ونجهز العكو والمزات الما خمج
وندور مع اللنك بتاعك ده..وخلي رجلك خفيفة للزيادة ساااااكت لانو اخوك كيبورده اسفنج
وزي النيسان بعد كل ثلاثة كاسات بكون داير اربعة كاسات اضافية..
مرحب يا عبداللطيف..
وحرم الم فيك ذات يوم من ايام السودان اعزمك عند (حواء ليمون) عشان تشوف
الشافط والمشفوط الماخمج
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبدالكريم الامين احمد)
|
| Quote: ولكن بالله ماتشكر لي حامد عجبان ده تاني هههه |
حااااااااااااااضر ..
لكن هو .. راجل ما ساهل .. انا ما بشكرو حسب وعدى ليك .. ليك يعرف بانه رجل المشاريع الاول ..
زى حالتك كدة .. بنبذ في كل من هب ودب لانو .. استثماراتو طلعت بيش .. يعني هو المسئول ..
ويا ريت لو يظهر علينا..
بكل الود .. يا دفعة ..
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: ELFATIH ABDELLA)
|
هلا ياوديدي
وعجبان ياخي زول ضكران بالحيل وتصدق رغم اني طولت منو بالشهور لكن مششتاق لعشرة ونسة معاهو
لانو وناس وبعرف يرقد الكلام كويس..
الغربة وكراكيرها يا وديدي بتعمل فينا العمايل
وكن بخير يا فردة..
وفتش لي اسكلتشي وسلم لي عليهو في صلعتو الشهيرة ديك بالله
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: ELFATIH ABDELLA)
|
هلا ياوديدي
وعجبان ياخي زول ضكران بالحيل وتصدق رغم اني طولت منو بالشهور لكن مششتاق لعشرة ونسة معاهو
لانو وناس وبعرف يرقد الكلام كويس..
الغربة وكراكيرها يا وديدي بتعمل فينا العمايل
وكن بخير يا فردة..
وفتش لي اسكلتشي وسلم لي عليهو في صلعتو الشهيرة ديك بالله
| |
|
|
|
|
|
|
|
|
|
Re: عشة صابونة...البشير حنني ياخي....!!! (Re: عبداللطيف حسن علي)
|
Quote: براك خليت عشة صابونة ومشيت للكلام المباشر في بوست جديد
اتخايل لي احسن تقول كلامك من خلال شرقرق او عشة، او تختفي بين الاثنين |
هلا يا عبداللطيف
ووينك ياخي امس انتظرناك طويلا وخليت كيبوردنا الليل كلو يتكرش..
البلد دي ما مضمونة يا عبداللطيف فكان لازم امس
نطلع بره الجك ونشوت كلام مباشر خارج مدارات شرقرق وصابونة...
الخوف يمسكوها لعيال عيالي يقولو ليهم جدكم كيكي سنة اوكمابو فز واتلبد
ورا ثوب شرقرق وصابونة
| |
|
|
|
|
|
|
|
| |
عبدالكريم الامين احمد
Badreldin Ahmed Musa
طارق جبريل
Nader Abu Kadouk
أميرة فاروق عبد العال
جعفر محي الدين
نصار
khaleel
saif massad ali
Imad Khalifa
عبداللطيف حسن علي
فيس بوك
تويتر
انستقرام
يوتيوب
بنتيريست