________________________________________ يوم جابوها الدنيا زغردت وغنت وبعيييييد هناك في الغابة صدحت طيور يوم جابوها اتلموا الناس البعرفوا الكلام السمح وقالوا....الله ياخ احنا بقينا في ورطة...وين نلقي كلام سمح نقولوا ليها.. ومن وسطهم طلع ناي ..والناي قال انا بقولوا ليكم الكلام السمح البليق بجيتها.. بس قولوا جابوها في شنو......؟؟؟؟
كبير الناس البقولوا كلام سمح قال... جابوها في (سبت) لونوا من البنفسج درجات عميقة السبت جاء شايلو (نسر) النسر مطيع ودود ما بشبه باقي النسور وطار فوووووق في السماء وغاب ولمن جاء نازل كان شاشة السبت بتحكي عن رحلتوا... وقرينا.!! مشي في البداية للقمر وشال من ضياءه حبة وحبتين في ليلة قمرية يقال اليها ليلة 14 وشرب (الزولة)من ضوء القمر.... عرج علي الشمس وشال حرارة القلب والضوء الساطع والوهج... مشي علي النجوم نجمة نجمة و من كل نجمة شال حزمة ضوء غشي عطارد..وزحل والمريخ.ونبتن والمشتري ومن كل واحدة شال من روحها وختة في السبت الشايلين فوقو الزولة... وجانا...علي الارض... وشال...
________________________________________
11-18-2008, 07:12 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
قلنا السبت جانا علي الارض ومشي النيل وهبش منو وهج ومن رزازو شال غيمة والغيم هطل فوق الفيافي والوديان البعيدة وعانق الناس الغبش الطيبة زول زول زولة زولة...... شال من الشمال طنبور وحاكا في شيلتو القماري البقوقو
ومن الغرب شال مردوم ومن الرهيد شال زهرة النونو (واه انا من زهرة النونو)
11-18-2008, 07:26 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
غايتو بعد الكلام الكتبتو ده اذا ماجات بيكون دمها تقيييييييييييييييييييييييييييييل دى مفروض تشتت طواااااااااااااااااالى ياكرومة .....................
مش كده يا اشراقة عليك النبي... ودي المناظر سااااكت والقصة دي لو ما رجعت بعد اربعة وعشرين ساعة تاني اخوك بجازف وبكتب كلامات حتي لو امش اشتريها من السوق ....
وده الصوت يا اشراقة شتت وشفتي النفس قام كيف مالك عاوزة تشتتيها هي كمان ونجيب ليكم جريمة ساااكت
ب
11-18-2008, 07:35 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
هلا يااشراقة و24 ساعة ايوه مافي دقيقة ناقصة والا وانها الحرب الكيكية الرابعة وكنت عاوز اوريك يا اشراقة لكن كوستاوي وعمدة ومن لف لفهم ديل خشمهم خفيف وبشيلو حسي لكن للضمان كده يا اشراقة الزولة بتشبه القمر البتاوق من سماء وعيونها سحابة صيف تجافي بلاد وتسقي بلاد ومثيلها في البنات مافيش كلو كلو كلو كلو ..... التكتيك واضح يا اشراقة اصهل اكتب البد اربعة ساعة انشاء اللاهو خبر يجي دقاااااااااااق وصوت يجي راجع باذن الله....هكذا يقول فكي قوبي شيخي
11-18-2008, 08:15 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: اصهل اكتب البد اربعة ساعة انشاء اللاهو خبر يجي دقاااااااااااق وصوت يجي راجع باذن الله....هكذا يقول فكي قوبي شيخي
حليلو هو وين مايكون
غايتو اكتب كتابتك واشجى شجونك وابكى بكاك
وكان نتيجة الفكى دى نفعت بالله ورينى ليهو
ياخ انا ذاتى فى صوت كدى نفسى اسمعه {صوت وسط الالوف انا بعرفو- صوت مليون كمنجة بيعزفوا} بس تكلموا- الفكى- ده ماعندى ليهو التكتتح الاّ فى حالة اللوترى او المهدى المنتظر بتاع الايميلات ده- شفت كيف مواكبة العولمة يا ابكرينا
اها بتاعة الاربعة وعشرين ساعة دى لو جابت ضحايا كلمنا بالله وماتشتغل بالمقرضين
11-19-2008, 06:05 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: اها بتاعة الاربعة وعشرين ساعة دى لو جابت ضحايا كلمنا بالله وماتشتغل بالمقرضين
الفكي راضي يا اشراقة بالشغل المجاني اصلو في الاصوات والكمنجات ما بشيل من زول قرش ولا تعريفة واحتمال يديك حق المواصلات...ويقلو ليك عاااافي منك يا ولدي كان جيت تفتشي صووووت
كده بالله وصفي لينا الصوت الوسط الف كمنجة ده اكيد بكون صوووت زولتي ده وانا يا اشراقة سمعتيهو في ذات مكانا ما وتشابه عليك الاصوات
11-19-2008, 06:01 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
اشراقة هووي ماشة وين نوم شنو العليك وصحبك عندو صوت رايح وقالب الدنيا وكدي بالله كبي لينا من الكمنجات بتاعك الرهيبة دي هنا شوية ممكن الاصوات تحن وقالوا الجنس للجنس رحمة باقي انا صوتي بحا فضروري دفرة واستعانة بصديق او صديق ايهما اقدر علي جلب الصوت الذهب مع الريح وانا شايف فيك شوفة خير وبكل احساسي (زي ما قالت ندي القلعة) شايفك ممكن تباصري معاي الصوت الابن لذينة ده ونجيبو قبل مهلة الاربعة وعشرين ساعة
النترة ما عندك يا عبد الكريم تاني انتر عديييل ........... يا زول ها.. انا السواي انا اللاواي انا النيل القام خلا الجزاير ساي انا النتلت ايدي من ناس هناي واقلعت عن الكيوف حتى الشاي صوتو جرسا فقع الالم جواي انا الصنقعت اعاين في الناس ساي انا الفارقت ناس هناية وهناي انا البكت معاي السما لما قالت واااااااااي ......... كفاك ولا ازيدك هاك الغزل الجاد..حق الرجال العيونها حمر.. واحد مزنوق في شوفة عنقان السدر الديمة بتذكرهن في السدس الاخير اترادي لي مطرهن عيل حلة ما ناطرهن مكتونات معلق في الترية(الثريا) خبرها ------ واحد تاني اظرط منو... احكام الشريعة خمسة ما بنختاهن وما بننكر كلامات المزرقن فاهن مغنتيس عقولنا المولى جعلو معاهن وان شالن زحل ، رادار الغرام بِبْراهن
11-18-2008, 08:42 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
ده الخايفين منو ذااااتو يا تيتاوي الطير المهاجر جاء وبناديها بتاعة الدوش جات وبعد شوية القصة شكلها حتجيب ليها(الحزن النبيل) والاربعةوعشرين ساعة قطعت نص الطريق...
ياخي دي كوجنة اوباما ما يحلها
11-19-2008, 05:15 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
هلا يا دينا وذكرتيني حكاية الفنان الاعرج الجاء من الخرطوم وغني في احدي مدن السودان بعد الحلفة الجمهور كلو طلع بعرج
_________________________ حفلة نانسي انا ما حضرتها يا دينا وياريت لو مشيت كنتا علي الاقل ممكن القي الصوت المشي وووووووين ده في اغنية لمحتك الشايل بدرالدين حسها دي
11-19-2008, 06:31 AM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
* يعني الكلام ده صحيح ؟؟؟ * قالو كنت سمسار أصوات أيام إنتخابات الجامعة ... * و كنت متخصص في جلب أصوات البرلومات الدايشات ... * الكلام ده حسب رواية الوغد خالي خليل ....
* دي كانت بي كم كرت يا كيكي ؟؟
11-19-2008, 07:01 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: يعني الكلام ده صحيح ؟؟؟ * قالو كنت سمسار أصوات أيام إنتخابات الجامعة ... * و كنت متخصص في جلب أصوات البرلومات الدايشات ... * الكلام ده حسب رواية الوغد خالي خليل ....
* دي كانت بي كم كرت يا كيكي ؟؟
هلا ياابو الخلد وخالك خلي ده اخير ليك اختا سكتو.. تقعد تباريهو وتسمع كلامو ياكا لاحق الهلال ويطير منك الدوري..ذاااتو.. وبرلومات وين يا خالد مع الكيزان العاملين لينا سافوتة ديل يا كافي البلا عاملين شعبة بتاعة كيزان وجيهييييييييين اسمها(شعبو تجنيد البرلومات والبرلوميين) اخر شياكة ومنجهة وزوق واركلوجيا كيزانية سمبرية ولكن بعد ده لو القصة سخنت تلقا الكوز الوجيهة شايل سيخة وعينووو حمر خلاص ومستعد يكاسر البرلومة الكانت قبل شوية بكب ليها في الحنان والحنية لو راسها ماجاء وانضمت لسفينة ربط قيم السماء بالارض...
ويا ريت يا خالد لو كان القصة فيها كايا وبكرت وارد الصعيد وشرط يكون من صحبي ابو كرنك بائع الكايا الشهير كان الصوت ده الليلة بقي في امر ضيق.... وكنا سمعنا حلو... (او كما يقول صديقي مانو)
11-19-2008, 09:35 AM
ibrahim kojan ibrahim kojan
تاريخ التسجيل: 03-29-2007
مجموع المشاركات: 1457
آه يا صوتها .. لما سرى لما ... مثل الحريرِ نعومةً ونداوةً .. وتكسُّرا مثل الصباحِ طلاقةً .. ورشاقةً وتبختُرا .. وتدفقت كلماتها .. عطراً ندياً عنبرا وهما حنينا حالما وشذاً يضوع تخضّرا يا صوتها لما ... لما سرى لما يا صوتها ... يا روعةً .. لحناً سماوياً سرى ماذا الكنارُ مُغرّدا والنايُ ناح تحسرا والعندليبُ اذا حكى لحناً تفجّر ابحرا ماذا يكونُ وصوتها صوت السماءِ من الثرى
نسأل الله لكم الثبات ويكفيكم شر الجرسة وشماتة ناس خليل ومن لف لفهم نصيحة: شوف فكي سبحة انقطعت يمكن يلقى ليك دبارة
11-19-2008, 10:36 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: نسأل الله لكم الثبات ويكفيكم شر الجرسة وشماتة ناس خليل ومن لف لفهم نصيحة: شوف فكي سبحة انقطعت يمكن يلقى ليك دبارة
لاميرة الشيخ مقولة شهيرة هي الليييييلة ووووب ووووب لاني نسيت في ضخم البحث عن هذا الصوت العجيب المشي وين ماعارف نسيت صحبي فكي سبحة انقطعت...من دربي ده علي الفكي سسسسسسسسيدا علي قولة الهنود في الخليج باقي فكي قوبي طلع اشاعة وشغلوا ما نضيف... وشعارنا فكي سبحة قطعت او بلاش
تحايا يا اشراقة ومشتاقين والله
11-19-2008, 10:39 AM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
ما تستعجل بيجيك صوتها .... تريان ومعتق نديان ومليان طراوة وطلاوة يسمعك النغمات الما قدر ناي يعزفها ويعرفك على الألوان المافي عين شافتها ويسوقك من يدك.... ويدخل بيك المدن المستحيلة ويحلق بيك في السماء الشايل لونو من عيونها تزور معاها النجوم نجمة نجمة وترتاح معاها في ضل القمرة المغسلة بالضو وتخت راسك في حجرها .... وتسمع غنا الملائكة ويصحيك عبيرها الملا الدنيا وفتح أكمام الزهور في كل الأرض وتلقاها حقيقة .... ما خيال وتبكي من الفرح .... ودموعك تخالط النيل ويفرح الطين ويغزل فرحو سجادة خضرا لصلاة العشق
11-19-2008, 02:07 PM
emad altaib emad altaib
تاريخ التسجيل: 12-27-2007
مجموع المشاركات: 5300
يا اشراقة حبابك بالحيل وريت الاصوات تجي وتطل وكل الافراح والدهشة تهل والكلام الفوووق بتاعك ده لو اتحقق الامور بتكون مية مية وتبقي النترة بتاعتنا ما مشت في الهواء الطلق
وقولي معانا يارب
11-19-2008, 03:41 PM
هند محمد هند محمد
تاريخ التسجيل: 05-30-2007
مجموع المشاركات: 4300
Quote: كمان بعد الكمنجات و {الخزعبلات} البقت فيها لا ايدها لا كراعها عاوز تجيب لىّ الهوا.. كمان ياهو الفضل- صوت زولتك دى ماليهو علاقة بالصوت اللى بعنيهو
هلا يا اشراقة وبالله اكتبي لينا تحت عشان نلقي مداخلتك مش تخلينا نسافر القضارف ونجيبها من هناك وانا القاها منك ولا من الصوت الطار طيرة العريش من العويش ولا العويش من العريش ما عارف.. وصوت جبريلا بتاعك ده اكيد بكون ياهو صوووتي ذاااااتو بس لمن جاء علي داركم عمل فيها جندري وتخت صوتو عشان تعمل ليك لخمة فكينا بسلم عليك وقال ليك رسلي البياض دولارات من فيننا
11-20-2008, 08:09 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: كمان بعد الكمنجات و {الخزعبلات} البقت فيها لا ايدها لا كراعها عاوز تجيب لىّ الهوا.. كمان ياهو الفضل- صوت زولتك دى ماليهو علاقة بالصوت اللى بعنيهو
هلا يا اشراقة وبالله اكتبي لينا تحت عشان نلقي مداخلتك مش تخلينا نسافر القضارف ونجيبها من هناك وانا القاها منك ولا من الصوت الطار طيرة العريش من العويش ولا العويش من العريش ما عارف.. وصوت جبريلا بتاعك ده اكيد بكون ياهو صوووتي ذاااااتو بس لمن جاء علي داركم عمل فيها جندري وتخت صوتو عشان تعمل ليك لخمة فكينا بسلم عليك وقال ليك رسلي البياض دولارات من فيننا
11-27-2008, 11:03 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: ما الدنيا كلها انتظار ولإرتحال قدر الفصول الموجة تحلم بالضفاف والغيمة تحلم بالهطول
هلا يا البدر ويوم بتكتل ليك زول بسيرة مصطفي والكلامات السمحة ددددددددي... بالله تاني مرة ما تجدعها لينا هنا يقوم صوتنا الرائح ده يرك ويقهي في كلامك السمح ده ويخلي خشمنا ملح ملح
اخوك صنديد يا بدر وما تشيل هم
11-28-2008, 02:40 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
هلا يا طارق وسلام الف وماتشيل هم يا طارق اخوك صنديد وبس قاعد يحقن البوست بالمفردات التي تعبر عن قصة الصوت العجيب الطفش طفشة الدريش من العويش ده وتحياتي
11-28-2008, 02:50 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
Kostawi
Ishraga Mustafa
Emad Abdulla
انعام عبد الحفيظ
طارق جبريل
حليمة محمد عبد الرحمن
دينا خالد
emad altaib
عامر تيتاوى
خالد عبد الله محمود
ibrahim kojan
Ishraga Haimoura
هند محمد
khaleel
noon
بدر الدين الأمير
فيس بوك
تويتر
انستقرام
يوتيوب
بنتيريست