|
|
|
 Re: صراع التيارات في سودانيز اونلاين..!!! (Re: عبدالكريم الامين احمد)
|
| Quote: 1- تيار الحزب الشيوعي السوداني |
يبدو اكثر تماسكا في قضايا ا
1- الحريات
2- التحول الديمقراطي
وان القت الضبابيةفي مرحلة ما قبل الموتمر علي سمات تيار الاخوة في الحزب الشيوعي
وشوش ذلك جليا علي الموقف الذي يمكن قرايته اسفيرا في ارائهم حول قضايا الهامش (دارفور بالتحديد)
والرؤي السياسية ذات (ذات اليوم بيوم) وبالتحديد الموقف من تداعيات نيفاشا ..
ويمكن تقسيمه هنا الي (حرس قديم) ورؤي واراء جديدة نطالعها ما بين الحين والاخر وقد نستمر في الاطلاع
عليها مالم يحسم حزبهم شكله التنظيمي الجديد المتوقع..
يتحالف معهم وبتحفز بعض الماركسين الغير منتمين للحزب الشيوعي
في قضايا الاشتراكية وتاريخ الحزب
ويبدو ان الخضوع لمعطيات نيفاشا اخذ ايضا كثيرا من تماسك الحزب
في قضايا مثل الراي القاطع من الجبهة الاسلامية فبعض الاصوات فيه ضد واخري مع
وقمة الاسكرين الحقيقي لشكل الصراع الباين في ذلك الحزب يظهر تماما في مساجلات 0عصام جبرالله
والشيخ العجوز ابو ساندرا....
| |
 
|
|
|
|
|
|
|
|
Re: صراع التيارات في سودانيز اونلاين..!!! (Re: ibrahim alnimma)
|
| Quote: نتطلع لتشخيص اكثر وضوحا في بقية التيارات في المنبر |
سلام يا ابراهيم
وكل الود والتحايا
وماشين يا ابراهيم حبة حبة
وبنقول مشاهدتنا ايضا في كل اللستة الفوق دي بالصف..
حسب متابعتي كقاري في المقام الاول لهذه المساحة لفترة طويلة
وكل الشكر والتقدير يا ابراهيم
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
| Quote: 2-تيار الدارفوريين |
تيار الدارفوريين مختلف حركاتهم يحسب اليه استطاعته فرض احداث دارفور حدث يومي علي صفحات المنبر
وفضحه للمجازر وجرائم الحرب الدافورية بصورة(ون ديلي بيسس)..
لفترة ظهرت علي ارض المنبر امراض تشتت الحركات الدافورية في شكل خلافات حادة وقاسية ولكن الايجابي هنا هو امتصاص هذه اللغة وتحييدها
لذا صار خطاب الدارفوريين متماسكا في اغلب لحظاته بسماته الواضحة
1-ادانة جرائم الحكومة في الحرب الدارفورية
2-كشف جرائم الجنجويد
3-التذكير بمطلوبي المحكمة الدولية
4-متابعة فعاليات دعم دارفور خارجيا
5-اخبار الميدان
يتحالف ويتحد اغلبيةالتيارات الاخري مع هذا الصوت ولكن يظهر التناقض والاشكال والعكات والازمات
في قضايا العروبة والهوية الدارفورية بجانب اشكالية الانتماء السابق لبعض افراد الحركات للجبهة الاسلامية...
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
| Quote: 3-تيار الوهابية والاسلامويين |
ده تيار بالمناسبة (مو هين) ولديه اصواته النشيطة والملحاحة
وله اجندة قضايا ثابتة لا تخلو صفحات المنبر منها
1-الصراع مع الجمهوريين
2-الصراع الايدلويجي التاريخي مع الشيوعيين
3-بجانب متابعة ومسنادة قضايا تفرة الوعي الاسلاموي كما بدا في احداث الدنمارك وفلتات لسان البابا
4- ايضا تظهر احيانا قضايا التاييد لخطاب بن لادن ويخبو صوتها (سريع سريع)
5-الصراع الوهابي -الصوفي
ايضا يتوقع وفي حضور احدي الاخوة الشيعةموخرا للمنبر ان نشهد جولات بقيادة هاشم نوريت
وشيخ الطقي وشيخ عماد ود دارعقيل في هذه الناحية....
هو تيار ظهرت فيه التخصصية
جمهورين -فرانكلي يسانده بهرجلة معتز قريش
يسارين وقضايا دين -الطقي
صوفية وختمية -هاشم نوريت
علمانين-محمد اي سليمان
يعيب عليه ضبابية موقفه من السلطة في السودان وراي قاطع حول قضايا الديمقراطية
وقضايا الهامش...
جانحون صوب عالمية الدين والاسهام في الوعي الدين غايب من خطابهم علها ظروف شدة الاعصاب
وتكالب التيارات ضدهم من كل صوب...
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
| Quote: -جيوب الموتمر الوطني الانقاذ+تحالف الشموليين |
ده بقي اكثر تيار (ماكل نيم) في الكورجة دي كلها لعدة اسباب
1-تراكم الظلم الانقاذي
2-كل تحالفات التيارات الاخري يصب في خانة ضربهم ضرب غرائب الابل الاسفيرية
وما ان بشروا بجديد حتي فتحت امامهم ملفات يصعب الدفاع عنها لذا جاء العمل في هذه التيار من اصعب الاعمال المنبرية واشقها في صفحات سودانيز..
فلكل يضرب ومن كل الزاويا واغلب القضايا المطروحة للنقاش تصب في خانة لا تعجبهم
سمات بوستاتهم مميزة وتصعب عليهم قيادتها الي بر الامان في كل الاحوال ...
محمد فرح-ودالباوقة-فدوي الشريف-محمد جمعة طالعين للريبة والتلاف ويدرون جيدا مصير بشائرهم الموتمرية الوطنية...
يساندهم رجل اخر لا يقل خطورة عنهم هو ملاسي كشمولي مايوي (رعديد ) في قضايا
1-العداء لليسار
2-تمييع قضايا نيفاشا
ولكن بذكاء يضع به حدا غير مرئي من بعض تصرفات الموتمر الوطني التي يصعب الدفاع عنها
يتوقع ان ينشط هذا التيار والانتخايات علي الابواب في تبيض صورة الموتمر الوطني والتحرر من اثام الماضي ورسم صورة كيزانية في نيو لوك..
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
| Quote: -تيار السودان الجديد(هامش) |
يمكن لاحقا قراءة هذا التيار مع الحركة الشعبية
ولكن المقصود هنا مناطق الشرق والانقسنا ومنطقة جبال النوبة...
الشرق تقل علي ارض المنبر النقاشات الموجه لاشكال هذا الجزء وحتي التثقيف عن حركات التحرر فيه
والمشاكل والقضايا الملحة في شرق السودان تكاد تكون معدودمة..
لاحديث عن اتفاقية الشرق وتداعياتها ولعل قصور ذلك ياتي لقلة العضوية من هذه الحركات
ورغم التواجد الكثيف لابناء الشرق بالمنبر لا ان دمائهم موزعة بين التيارات....
هنالك عضو يسمي حسين عوضاي اعتقد بانه يمكن ان ينطلق في هذا الاتجاه..
بعض الاصوات كامنة مختار وادروب ابوبكر في حالة عودته..
اما تراجي فهي سابحة في بحور قضية دارفور المتشعبة..
جبال النوية
كانت من انشط المناطق واكثرها سطوعا في فترات سابقة علي ارض المنبر
نور تاور قبل ذهابها للليبرالي وخالد كودي في ايامات نشاطه وبعض الاخوة من جبال النوبة
ولكن الاحظ اختفاء الحديث عن هذه المنطقة تماما في الفترات السابقة ولمدة طويلة...
....
الانقسنا
تماما يخلو منها المنبري ولا تشكل اثر يذكر في القضايا الاساسية
ولكن ما بين الفينة والاخري تظهر جدعات ثقافية او فلكورية او زكريات مدن
منطقة ذات قضايا اساسية ولها بروتوكول في نيفاشا وتعج بالازمات ولكن تظل بورة مظلمة في المنبر
تحتاج الي من يسلط الضوء عليها..
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
عبد الكريم سلامات
| Quote: 7-تيار اليسار (الليبرالي-القوة الحديثة-البعثيين) |
والله صنفتنا تصنيف عجيب وختيتنا كمان مع البعثيين
يا زول اسا تلقا ناسنا زعلانين وناسهم زعلانين ...
اها القوى الحديثة دي ما بناباها؛ بس اليسار دا شنو ؟؟ ما اليسار ذاتو خشوم بيوت ؟؟؟ نحنا غايتو مصنفين نفسنا ليبراليين؛ لا يساريين ولا يمينيين من هذه التقسيمات المخستكة في سودان الايدلوجيات الماشة على راسها وليس قدميها؛ وفي روايبة اخرى ليبراليين اجتماعيين؛ ونرى اننا نتسامى على صراعات اليمين واليسار التقليدي؛ وان كان الكثير يرى اننا اقرب لليسار من اليمين .
من جهة تانية برضو شايفين نفسنا اقرب الى قوى الهامش والجمهوريين والدارفوريين والقوى المسنقلة؛ مننا للبعثيين اصحابك ديل؛ وان كان البعثيين نفسهم خشوم بيوت ..
لك الود.
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: Abdel Aati)
|
Quote: والله صنفتنا تصنيف عجيب وختيتنا كمان مع البعثيين
يا زول اسا تلقا ناسنا زعلانين وناسهم زعلانين |
هلا يا عادل
وكل شي ولا زعل الليبرالين وكمان ولازعل البعثيين
وانا ياعادل قلت دي ملاحظات كما بداء لي ولسع ما اتكلمت عن التفصيلة بتاعتكم
ومن الحاجات الممكن نستفيد منها اكثر الناس ممكن تجي تصلح وتضيف وتغير قرايتنا الغلط
وتساعد ايضا في توضيح بعض الافكار للزول زي ما انت تفضلت...
وبعدين يادوبك يا عادل احنا قلنا الكيمان كدي خلينا نجي للنقة ومساحات التيار بتاعكم
وساعتها تعال نورنا اكثر...(عالم ليبرالية ماعندها صبر ببل الابري)
وكل الود
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: نهي محسن أبوراس)
|
| Quote: -تيار الوهابية والاسلامويين |
مرحبا عبد الكريم بالحوار الهادئ .
لكن ماذا تقصد ب" تيار الوهابية"؟
أظنك تعني تيار السلفييين عموما
سواء كانوا مع " أنصار السنة" -مثلا-
أو غير منضوين تحت مسمى جماعة
معينة.وهؤلاء رغم الحملة "الاسفيرية"
عليهم لكنهم- والحق يقال- يمثلون
الفهم المنضبط للاسلام( الكتاب والسنة
على فهم الصحابة/التابعين/ تابع التابعين
/ الائمة الأربعة...الخ)على كل حال لا
أخالك تختلف معي في أهمية الالتزام
باطلاق الاسم الذي سمت به الجماعة-أي جماعة-
نفسهاتشجيعا لمنافذ الحوار وفتحا لنوافذ
النقاش الهادي. لو كتب الله لنا يا عبد الكريم
أن نلتقي الجمعة القادمة في "لقاء السفارة
سأكون متشرفا لو قبلت مني هدية فكرية جميلة
وهو كتاب رائع يناقش الشبهات حول ما يطلق
عليه ب" الوهابية".
مع شكري الجزيل.
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عماد موسى محمد)
|
Quote: مرحبا عبد الكريم بالحوار الهادئ .
لكن ماذا تقصد ب" تيار الوهابية"؟ |
مرحب يا عماد والف تحية
واولا نرحب بقدومك الي ساحة سودانيز ونتمني لك اقامة سعيدة وصراع اسعد
مع الملفات الشائكة والعديدة التي هي في انتظاركم
وشايفكم مع شيخ الطقي وقريش فاتيحين لينا جبهة جديدة مع الشيعة (الله يستر منها ساكت)
وهابية كلمة اتت عفوا يا عماد وليس القصد منها التقليل او الاثارة
ولكن اظنها مسقطة من وعيينا الصوفي الذي يصف انصار السنة بالتحديد بالوهابية
هكذا نسمعها
والايجابي هنا هو حضورك انت واخريين تهمكم التسمية الصحيحة لهذا التيار الاسلامي (السلفيين)
حتي تعم الفائدة ونتبين الامر تماما
ولكن الجميع والكثيرين اسمعهم يطلقون هذه الكلمة (الوهابية) في السودان
اتمني ان نتلقي في اجتماع الجمعة بالسفارة (رابطة ابناء سنار)
وساكون في انتظار الهدية
ولكن يا شيخ عماد لو بتجيب لي مع الكتاب (دقن) وجلابية قصيرة
الاجتماع ذاااتو ما جااايهو
كل الود
وشكرا علي الروح الاخوية الطيبة يا عماد
| |
|
|
|
|
|
|
|
|
|
Re (Re: عبدالكريم الامين احمد)
|
اخونا عبدالكريم
Quote: -تيار الوهابية والاسلامويين
ده تيار بالمناسبة (مو هين) ولديه اصواته النشيطة والملحاحة
وله اجندة قضايا ثابتة لا تخلو صفحات المنبر منها
1-الصراع مع الجمهوريين
2-الصراع الايدلويجي التاريخي مع الشيوعيين
3-بجانب متابعة ومسنادة قضايا تفرة الوعي الاسلاموي كما بدا في احداث الدنمارك وفلتات لسان البابا
4- ايضا تظهر احيانا قضايا التاييد لخطاب بن لادن ويخبو صوتها (سريع سريع)
5-الصراع الوهابي -الصوفي
ايضا يتوقع وفي حضور احدي الاخوة الشيعةموخرا للمنبر ان نشهد جولات بقيادة هاشم نوريت
وشيخ الطقي وشيخ عماد ود دارعقيل في هذه الناحية....
هو تيار ظهرت فيه التخصصية
جمهورين -فرانكلي يسانده بهرجلة معتز قريش
يسارين وقضايا دين -الطقي
صوفية وختمية -هاشم نوريت
علمانين-محمد اي سليمان
يعيب عليه ضبابية موقفه من السلطة في السودان وراي قاطع حول قضايا الديمقراطية
وقضايا الهامش...
جانحون صوب عالمية الدين والاسهام في الوعي الدين غايب من خطابهم علها ظروف شدة الاعصاب
وتكالب التيارات ضدهم من كل صوب... |
حتكون غير منصف اذا حصرت مشاركات من سميتهم الوهابية و الاسلاميون فى الاجندة ال5 التى ذكرت
هناك مشاركات ادبية و اجنماعية و نقاش فى قضايا الهامش و دارفور و القضايا العامة الاخرى
ستجد فيها مشاركات كثيرة من مجموعة الوهابية (مجازا) و قد لا تجدهم متفقين فى تلك القضايا
اخونا هاشم نوريت اراه اكثر تطرفافى موضوع الشرق من بعض الاعضاء و كذلك محمد Eسليمان (فك الله اسره)
اما اجتماعيا فستجد العوض و الطقى لهم مشاركات و اسعة
حتى رياضيا احاول انا التداخل و المشاركة
| |
|
|
|
|
|
|
|
|
|
Re: Re (Re: Waeil Elsayid Awad)
|
Quote: حتكون غير منصف اذا حصرت مشاركات من سميتهم الوهابية و الاسلاميون فى الاجندة ال5 التى ذكرت
هناك مشاركات ادبية و اجنماعية و نقاش فى قضايا الهامش و دارفور و القضايا العامة الاخرى
ستجد فيها مشاركات كثيرة من مجموعة الوهابية (مجازا) و قد لا تجدهم متفقين فى تلك القضايا |
هلا ومرحب بالاخ وائل
ويبدو ان هنالك سوء فهم يا وائل فليس المقصود المساهمات في الانشطة الاخري
بل القضايا الخمسة هي بعض سمات صراع التيار السلفي مع التيارات الاخري
وبالتاكيد كل عضو من الاخوة في كل الاجنحة الفكرية هنا له اسهاماته الاخري الثقافية والاجتماعية
فالامر يا سيدي محصور في جانب معين ومخصص للصراعات ذات السمات الفكرية او السياسية فقط...
كل التحايا ومع تحيات خاصة للاخ المهندس العوض
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: تيسير عووضة)
|
Quote: بالله أثناء مرورك على التيارات المذكورة أعلاه ما تنسى تلقي مزيداً من الضوء
على تيار (أنا وأخوي على إبن عمي وأنا وإبن عمي على الغريب) .. |
هلا بتيسر هلا
وحبابك والله في ساحة التيارات
دي يا تيسير حتة مهمة شديد ودايرة لييها تفكيك شديد
وفي التيارات الحائمة دي كلها هنالك الابن عمية التقيلة
وبتكون مدهشة لانها تتجاوز الجانب الايدلويجي وفي ناس بخرمجوا الصفوف بطريقة عجيبة
تحتار في الزول ده شيوعي كيف ولا انصار سنة كيف ولا ليبرالي كيف ولاشيوعي برضو كيف
وسلام وكل الود
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: Sabri Elshareef)
|
الليبراليين..!!!
حتي لايتهمنا الاخ العزيز عادل عبدالعاطي بكبسلة حزبهم الليبرالي
ضروري ياعادل احكي ليك الممازحة الصباحية مع احد الاخوان بالدوحة الذي تابع البوست ده وهو رجل عالي السخرية والمرح ويكن لك ود خاص..!!
الزول ده ياعادل قال لي عادل عبدالعاطي ده مالو جايط وزعلان من ختتو مع البعثين
انا لو في محلك ياعبدالكريم غلغلة ساااكت كنت تختو مع ناس حزب الامة (فضحكت ياعادل حتي خفت من حادث حركة صباحي في الهاي ووي)....
يلا يا سيدي نجي للتيار بتاعكم وحزبكم وده ياعادل الكلام فيهو كثير ومتشعب
والسمة المميزة هي انه حزب جديد وحضوره في الاسافير كثيف وعندكم مقدرة علي مساككة البوستات وصراعاتكم سريعة وخاطفة ومتشعبة....!!!!
صراعتكم المتواترة بكثرة
1-مع القوي السلفية(كده كيف ياعماد)
2-القوي التقليدية القديمة وحزب الامة بالتحديد (ماعارف ما الاتحادي معاهو لييه..؟؟)
3-صراعات مع الحزب الشيوعي وهنا يختلط علي الامر بالذات عندما يكون عادل هو راس الرمح فيبرز سوال هل الصراع مابين التيار الشيوعي وعادل ولا ما بين الليبرالي والشيوعي..!!! في مشكلة كارزيما تقيلة ياعادل تحتاج الي فض نزاع حتي يتبين لنا الخيط ..!!!
شاهدت انضمام حي لاعضاء لهذا الحزب علي الهواء مباشرة وهذه نقطة ايجابية
وان ظهرت حالات مشابهة في حزب الامة (سيف مساعد)
والحركة الشعبية (حيدر بدوي) من الموكد هنالك جهود ونقاشات خارج الاسكرين ولكن تبقي الظاهرة هي الاعلان عن ذلك في
سودانيز اونلاين...!!!
في نشاط معكوس في مناطق الهامش وجولات نور تاور لكردفان وعطبرة والاهتمام بقضايا التماس...
ايضا في مبدئية في قضايا العنصرية والتحول الديمقراطي والحريات..
ولكن هناك محاولة لفرز عيشة والتغريد بعيدا عن سرب القوي السياسية القديمة..
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
القوي الجديدة..عفوا المقصود كان حركة القوي الجديدة (حق) و(ماعارف ياعادل كده حيكون كيف معاك)....الجناج الاكثر سطوعا هو تيار الخاتم عدلان (ناس هميمة وبها بكري) بالتاكيد لهم اسهامهم الواضح والراي المعلن في قضايا مثل دارفور(ورقة عفيفي) وقضايا نيفاشا وفي الصراع الدائر يتقاربون مع القوي التقليدية واليسار الجديد مع توجس واضح من التيار الشيوعي يتصاعد هذا التوجس ويخبو بالتحديد مع احتكاكات (الحرس القديم) من التيار الشيوعي
ويقمع النقاش تحت سدة العلاقات الرفاقية القديمة...
يسانده في تعزيز نشاطهم مركز الخاتم عدلان وان قل نشاطه والاهتمام ببوستات ندواته.....
يتحالف هذا التيار مع كل التيارات في قضايا التحول الديمقراطي والحريات والصراع ضد الجبهة الاسلامية..
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: Abdel Aati)
|
| Quote: ولكن مع الوقت فان الكثير من القوى والعناصر بدأت في فهم مواقفنا ووضوحنا انه ليس تطرفا وانما مبدئية |
هلا يا عادل
وشكرا بالجد علي هذا الاهتمام وهذا البيان الواضح الملان شفافية وشجاعة
وكده القصة بدت كلحقة تثقيفية تتيح كبسولات وان بدت قصيرة الا انها تتيح بسهولة معرفة مواقف القوي السياسية..فشكرا علي الفائدة..
وكده يا عادل بالتاكيد بتكون اجبت علي اسئلة ليس من اليسير الحصول عليها بسهولة من مساككة عدة بوستات.
بس الله يسترنا من تداعيات بعض القنابل الموقوتة الي طلت من بعض بيانك هذا
وكل الود والتحية ياعادل
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: Abdel Aati)
|
Quote: نختلف مع البعثيين وعموم القوميين العرب في انو رأينا انو السودان بلد متعدد الثقافات والاعراق وطرح حزب لنفسو انو عربي او لهوية السودان انها عربية والتركيز على مكون واحد من مكونات الامة السودانيسة خطير ومدمر؛ وفي ذلك لنا قدوة حسنة في الشهيد على عبد اللطيف الذي استعدل سليمان كشه لمن وصف الشعب السوداني بانه شعب عربي كريم وقال ليهو لا قول شعب سوداني كريم.
مع ذلك لنا بعض العلاقات الرفاقية مع بعض البعثييين الماشيين لي قدام ومن ذلك اصدقائنا في حزب البعث السوداني الذين نتعاون معهم في جنوب كردفان لحل الاشكالات القائمة هناك ولنا معهم حوارات فكرية وسياسية عميقة للاسف لم تنعكس هنا في س. اونلاين .. |
الاخ الفاضل عبد الكريم (كيكى )
شكرا ليك لتوفير مساحة كبيرة لتعاطى التيارات السياسية فى السودان برؤية اشمل واعمق
وإن كنت اود ان يكون البوست فى شكل اسئلة منك حول القضايا الوطنية المهمة ورؤى هذه التيارات
فيها ولو بشكل مركز ومضغوط لفائدة المصلحة العامة بع ان صنَفتها على هذا النحو.
شكرا اخى عادل عبد العاطى
على الاشادة المقدرة لنا وحتما سيكتمل الحوار وما احوج سودانيز اون لاين لمعرفة هذا المجهود الذى يتم فى جنوب كردفان دون ضجيج ودونما الحوجة للمفاخرة بذلك
ولكن حتما سيجئ يوم يعرف فيه الوطن من باعه ومن اشتراه
ضياء ميرغنى
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: زهير الزناتي)
|
Quote: عليك الله يا كيكي خت للباء دي الهمزة
وبعدين التحليل ده أجمل ما فيهو ما جبت سيرة أشخاص يعني فلان يمثل التيار الفلاني
وعلان يمثل التيار العلاني ..... ألا في الكلام الأخير ، عشان كده حقو ترجع وتخلي الكلام عائم
عشان التحليل يكون أكثر دقة |
هلا يا زهير
وشكرا علي التصليح وغيرناها مرة واحدة وشكلها فعلا كان شين
فعزرا...
ناس حق لحقناهم سريع سريع يا زهير واديناهم الفيها النصيب ومنتظرين بهاء بكري
الاسامي يا زهير حاولت تفاديها ولكن في بعض التيارات القصة بتكون مافي منها مفر
الاسم بفرض نفسو بقوة
وكل الشكر والتحية يازهير
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
البعثيين...
يقل نشاطهم كثيرا عن مقدراتهم المعهودة ورغم ان الملفات التي تحتاج الي انجاز كثيرة مثل القاء الضوء علي نشاط الحزب ودوره في فترات النضال المايوي ,عهود الظلم الانقاذي و الحديث عن صراعات الهوية وقضية العراق وكذلك الراي السياسي في القضايا السياسية
(الاون ديلي بيسس) ..نشط في فترات اعدام صدام والملاحظ في كل طلاته هو الموقف الثابت من قضايا الحريات و التغييرالديمقراطي
ولا حديث عن قضايا الهامش واضح و الموقف من نيفاشا ولا شكل التحالف المرحلي...!!!!
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
Quote: حق جناح وراق
لاشي يذكر عدا بعض طلعات قرشي عوض المجلوبة من الصحف السودانية وبالاضافة الي بعض البوستات التي تحمل مرارات الماضي...
ولا كثير يذكر هنا في ظل غيابها التام عن ارض المنبر |
اولا اسمها حركة القوى الحديثة الديمقراطية (حق) وليست حق وراق، مخاطبة التنظيمات السياسية بهذه الطريقة يهزم روح الحياد.
مساهمات حركتنا دائما متوفرة فى القضايا الهامة مثل الاصلاح الديمقراطى وغيرها ، انا مثلا اكتب بانتظام وكذلك الاخوان خالد بحر وامين صديق ، هذا بالاضافة لكتابات الاخت يمنى واحيانا الاخ بشير بكار وكل هؤلاء اعضاء فى القيادة الوطنية للتنظيم
لذلك نرجو تصحيح المعلومة لضيوفك الكرام
مع وافر التحية والتقدير
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: طلعت الطيب)
|
| Quote: اولا اسمها حركة القوى الحديثة الديمقراطية (حق) وليست حق وراق، مخاطبة التنظيمات السياسية بهذه الطريقة يهزم روح الحياد |
مرحب يا طلعت والف تحية
وجميلا جدا انك صلحت المعلومة لضيوفي وضيوفك الكرام وليس في الامر رغبة في هزيمة الحياد
وقد يكون الاسم وارد من اسقاط الوعي الشعبي عندي وقلة تثقيفي بحركتكم المحترمة وقد تلاحظ بانني هنالك قلت حق الخاتم عدلان واشرت الي هميمة وبها بكري...ولا نوايا او رغبات ولا هنالك دافع ياطلعت في التقليل من هذه الحركة وكل الحركات التي تنادي يالتغير الديقراطي بل العكس لها مني كل الود والاحترام والتقدير علي دورها....
| Quote: انا مثلا اكتب بانتظام وكذلك الاخوان خالد بحر وامين صديق ، هذا بالاضافة لكتابات الاخت يمنى واحيانا الاخ بشير بكار وكل هؤلاء اعضاء فى القيادة الوطنية للتنظيم |
قريت ليك يا طلعت عدة بوستات ومداخلات ولم انتبه انت والاخوان الذين ذكرتهم في ذلك الخط الفكري
(حركة القوي الحديثة الديمقراطية) وقد يكون الامر قصورا مني بالتاكيد..لذا ارجو العذر.
واتمني ان اقراء لكم بكثافة حتي نستفيد ونري موجهاتكم في الحياة السياسية والفكرية في السودان
واعتقد بان البوست ان كان هنالك شي ايجابي به فهو قد يعرفنا علي نماذج من التيارات الفكرية الناشطة بيننا هنا (وقرصة عفوية في الاضان علي خفيف قد لاتضر احيانا وتساعد في تحريك الثلوج
عبر الاستفزاز العفوي الغير مقصود البعيد عن نظرية الموامرة )
كل الود يا طلعت والف تحية وتقدير
وشكرا لكونك انت هنا وبذات الروح الجميلة
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: يحي ابن عوف)
|
العزيز/ عبد الكريم الأمين
تحياتي يا كريم
أعتبر تحليلاتك محايدة موفقة في كثير من ألوان سودانيز
فلك التحية على التوفيق والمثابرة
هل تلاحظ أغلب تحليلاتك متوحطة في أماكن الصياحات والجلبة
وهل الأصوات العالية ذات نسبة مرجوحة؟
لكم الشكر ورجاء المواصلة
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: AMNA MUKHTAR)
|
Quote: فأنا أعتبر نفسى يسارية + ليبرالية + علمانية + مع ميل الى الصوفية ( الصافية غير الطرائقية)
وكراهية شديدة للسلفية العمياء. |
هلا بامنة مختار وشرفتي والله
وحقو جيتك دي الواحد يضبح ليها خروف والله ولو ما لقي خروف في سوق الخرفان الدوحوي
يسوق عربتو ويمشي حي اسمو معيذر في الدوحة يدق الباب لمعتز قريش يناديهو ويضبحوا
وابو ساندرا عجوز يا امونة والف عجوز كمان (وكمال سالم ذااتو عجوز)
وبالله ما تشكري لي رواكيب الجلابة في الخريف
...........
في امر الشرق يا امنة انا اتكلمت في البداية عن حركات التحرر هناك كتيار سياسي ناشط وفاعل في الواقع ولديه جسم تنظيمي او كيان حزبي وقلت انو في قصور وعدم حضور كافي لهم في صفحات المنبر...
واما انتي واخريين من الناشطين في الشرق فاشرت الي ادروب وليك انتي وقد تكون الاشارة اتت عبر الاستناد الي جزء من بوستاتك التي اوردتيها دي(بالمناسبة انا قاعد اقراء ليك بانتظام ومتابعة يومية
وشايف جهودك هنا الجزء منها بعجبني شديد وجزء اقول في سري والله الزولة دي شكااالة جنس شكل )
في ناس ياامنة نشطاء وداعمي لقضايا وحضورهم موثر وقوي وبساندوا التيارات دي بقوة في اوقات معينة
مثلا
انتي مع قضايا الشرق
تراجي مع دارفور
ديينق مع الحركة لشعبية
كمال عباس مع الليبرالي
حيدر قاسم ايضا مع الليبرالي
معتز قريش مع السلفيين
عاطف مكاوي مع الشيوعي
الرعديد ملاسي مع الموتمر الوطني
وهكذا
كل الود وشكرا علي حضورك والف شكر
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
بقي هنا حقوا الناس تتسامح معاي شوية لاني احتمال اتكلم عن (فتة سخنة في صفحات سودانيز اونلاين)
لم الاحظ تيار متماسك كجسم يمكنني الكلام عنه كوحدة تيارية ولكن الشاهد بان معظم طلاتهم بافراد او مجموعة مصغرة كان التزامهم تجاه القضايا الديمقراطية والحريات وقضايا الصراع مع الموتمر الوطني واضحةوظاهرة...
ويبدو ان الانشقاقات التي بدت وظهرت في الحزب في السنين الاخيرة القت بظلالها هنا ايضاولكن ايضا تلاحظ
ندرة الحديث المباشر عنها هنا..
ومن الطرائف كنت قد اعجبتني كلمة المرجعيات كثيرا لترددها في بوستات (سيف مساعد) كثيرا وحببت ان اعرف عن كنهة الكلمة من خشوم الاتحاديين فسالت احدي الصديقات العزيرات وهي اتحادية وقلت ليها
انتو ياكم ناس المرجعيات؟؟؟
فحدرت لي بعين شرسة وقالت يازول هوووي اتكلم معانا كويس
تابعت بوستين احدهم لشكري ماطوس عن دعوة لتوحد الحركة الاتحادية ولكن بكل اسف لم يجد البوستين اهتمام يذكر ولا ادري ما السبب في ذلك..!!!
في ظل هذه الصورة الغير متكملة لدي عن التيار الاتحادي هنا الا ان الشاهد بان هنالك اصوات فردية قوية
في الكثير من القضايا الاساسية وان بدت تعزف وتغرد منفردة ولكن الشاهد بان حضورها قووي
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالكريم الامين احمد)
|
Quote: البدون ديل الذ ناس واصعب ناس ايضا واكثر ناس برضو
وكدي انتظر لمن النقة بتاعتهم تجي وشيل عكازك وتعال |
طيب يا عم عبدالكريم لما صنفت (المنابرة - على وزن الدناقلة أو الجعافرة، وإذا بتريد: المنبراب - على وزن السروراب والهاشماب، أو خليها البكرياب!) في شكل تيارات، أخونا بكري أبوبكر دا يطلع شنو؟ مقاومة ولا محول ولا موصل ولا عمود؟؟!!
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: محمد الأمين موسى)
|
| Quote: مقاومة ولا محول ولا موصل ولا عمود؟؟!! |
هلا يا محمد
وبكري موصل وموصل جيد للحرارة التيارية
وهو من جعل من هذه التيترة امر ممكن.....
وبالمناسبة يا ابو حميد التكويم ده في الشان السياسي والفكري
لانو هو الذي يهابش بصورة مباشرة شئوون البلاد والعباد في ظل وطن تهدده الاشياء العديدة
واهمها هو التمزيق..
وكل الود
نفسي اعرف انت في ياتو كوم يا محمد متلحني كده
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: Mohamad Shamseldin)
|
Quote: و تيار ناس عوض دكام وينو ؟
و تيار ناس الدافورى وينو.... ديل والله مرات ألفهم احمر ؟
و ناس قريعتى راحت كمان ..... |
هلا ابوحميد وحبابك والله
وناس عوض دكام وتيار قريعتي راحت ناسنا ديل جايين ليهم تحت بند
بدون عنوان وديل فعلا صعبين صعوبية شديدة خلاص وماعندهم قشة مرة في الحكاية كلها
وهنالك ايضا تيار(المديدة التي تحرق)
كلو يا محمد جاي باذن الله بس خلينا نتهي من العضم والهيكل الحي
كل الود والتقدير علي كلامك الطيب
| |
|
|
|
|
|
|
|
|
|
Re: صراع التيارات في سودانيز اونلاين..!!! (Re: عبدالله عثمان)
|
Quote: فأنا أعتبر نفسى يسارية + ليبرالية + علمانية + مع ميل الى الصوفية ( الصافية غير الطرائقية)
وكراهية شديدة للسلفية العمياء. |
يا بت الحلال العنف و"الكراهية" "الشديدة"! ووصف منهج الصحابة والتابعين والأئمة الأربعة
بالسلفية العمياء تجن واضح , وشتم فادح. السلفية فهم صحيح للدين ورجوع لمنهج سيد
المرسلين صلى الله عليه وسلم.وليست كما يتخيلها كثير من الذين لايعلون رمالا وخياما
وصحراء, و"تكبيلا" "وقيودا", بل هو والله - منهج السلف- الحرية الحقيقية, والسعادة
المتمناة.أحيانا يسمع الأنسان بدواء فيبغضه,ويسبه, و ويكرهه"بشدة" وقد يكون فيه حياته!
"أها أناالآن يآآمنه أنا كسلفي أصابتني "زخات" من "رشاش" اساءاتك: سامحتك! وأدعوا لك
الله بالهداية وألا يجعلك من أصحاب " اليسار"وأن يجعلك من أهل اليمين الذين يحشرون مع
الحبيب صلى الله عليه وسلم.أنا شخصيا أعتقد أن السيدة آمنة مختار لو قرأت لهؤلاء- "المكروهين"
عندها- من العلماء كابن تيمية وابن القيم والشافعي وأحمد وأبي حنيفة ومالك والعثيمين وابن
باز ... لحصل لها خير كثير,ولزالت كثير من الغشاوات التي رانت على القلوب, ولزالت كثير
من الشبهات التي يقض وجودها مضاجعنا والجنوب.
| |
|
|
|
|
|
|
| |
عبدالكريم الامين احمد
Nazar Yousif
Kostawi
ibrahim alnimma
كمال علي الزين
Abdel Aati
نهي محسن أبوراس
altahir_2
زهير الزناتي
طلعت الطيب
محمد الأمين موسى
يحي ابن عوف
آدم صيام
عبدالله عثمان
Mohamad Shamseldin
شكرى سليمان ماطوس
قيقراوي
doma
Kabar
Raja
الطاهر عثمان
اساسي
عبد الرحمن الطقي
أبو ساندرا
فيس بوك
تويتر
انستقرام
يوتيوب
بنتيريست