|
دعواتكم لزميلنا المفكر د.الباقر العفيف بالشفاء العاجل
|
|
 Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
الكحلاوي وطن هذا اللحن الفاره في دواخلنا وسكن الوجدان..
ولكن جات الزولة المدهشة الاسمها نانسي عجاج زادت التوطين واعطته بعد رابع
ومساحة في فولدر التطريب والاستمتاع بالغناء النضيف...وجننت الحكاية جنون قبورة
اغنية في كل كلماتها تبدو كالنيسان تمام بزيادة ابنصات التجويد تزادد القا
ويظهر معدن الفن الطاعم بكل ارتياح...
| |
 
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: Rawia)
|
يا راوية إزيك
| Quote: رد الاتو بيوقع البت |
ما دايرين وِست لأنو في ناس ما حُُرفا، عشان كيكي ما يتضرّع في البوست..
أقلبوها هارت، وليكم علي أوكل ليكم كيكي الدامة في كل توزيعة..
____
كيكي جاييك "دسكارد" حاقد بشكل، أبقى راكز يا قول كيمو
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: Balla Musa)
|
Quote: دعوة لأحمد وصلاح وبورداب الدوحة..
الزول دا لو إستمر تانى مابتقدروا تلقطوهو.. |
هلا يا دكتور وسلام..
انت عارف يا بله زمان في رقصة اسمها (شتت خلي الناس تلقط)
ودي لو بقت علي موضوعي بكون بايظ واخير لي الم روحي براااي كده..
وبعدين بورداب الدوحة ديل مشكلتهم بسيطة الواحد ممكن يركب ليهم وش كرتون(اصلي مفتش علي ناس كده فيهم)
الكلام ناس احمد وصلاح ديل
ديل عندهم حق الحجر الاسفيري وقلع الباصوريد بموجب قوانين محلية
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
انى امنت بالله
او كما يقول صديقى عماد عبد الله
يا كيكى
بالطريقة دى بتعوق ليك زول
اقول ليك
انشا الله اجن
وازيد فى الجن
ان ما كنت من عشاق صوت هذه الفيروزة النادرة
دا شنو دا ؟
صوت بطلع من وين؟
ما تعرف
بدخل وين؟
الله اعلم
لكن
الجد
بتخللك
بمشى بيك فى عوالم ما انزل الله بها من سلطان
يحيا الصوت الخلى الروح تترد
يعيش النغم الفارد صهوةالتطريب
| |
|
|
|
|
|
|
|
|
 Re: سندة ...ورد (اتو) لناس كثير مدهشين...!!! (Re: سلمى الشيخ سلامة)
|
Quote: دا شنو دا ؟
صوت بطلع من وين؟
ما تعرف
بدخل وين؟
الله اعلم |
فعلا يا سلمي
الشي صوت ولا كمنجة ولاشنو
انا ذاااتو ما بنعرف..
الزولة في الغنية(لاحظي لحتة غنية دي عشان ماتقولي لي جلابي تاني)
في الغنية سوتو عجيب مرة واحدة يا سلمي وبتحس انو الاغنية بشيلك (ام فنقل)
وبتمشي بيك فوووق في سحابات ومزن وحتات كده عجيبة خلاص
واستمعتي يا سلمي باقي انتي اضانك نضيفة بالحيل
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: khaleel)
|
Quote: ايييي يا كيكي يا صاحبي
خليك في غناء الجلابة الطاعم دها
كان باريت اوكامبو بكمل ريالتك في كروت الانترنت وما بتلقي غير الصدود |
لاتحلم بغدا سعيد يا ابوخليل
وصحبي اوكامبو ده انا افوتو ملفع ياخلي
اوكامبو دي...!!
اوكاموبو دي..!!
دي دنجر يا جك (علي قولة ناس جوبا)
...
دي يا ابو خليل سندة في شكل وردة وشوية كده بركب الصف في قطار اوكمابو الذي سار
ولايبالي بالرياح
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: khaleel)
|
| Quote: انت تحلم بالسعادة وهي غير ما انت فاكر |
انا يا ابوخليل بحلم بالوردة البيضاء خلف اوكار النورس
وبحلم بعودة طائر السنونو من غيبته التي طالت في بلاد الريش
لكي يجلب لي- يجلب لك قفطانا من الريش الاحمر لكي تتكل فيهو وتعمل نائم
في كرنفال اله الخلود (اثارنوس)
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: khaleel)
|
| Quote: عندنا ود ابرق وعشوشة |
قبل يا خليل ما اقول ليك سنونو والنورس
نسيت اقول ليك ستطير وبرفقة طيور الرهو الي بلاد الفلامنجو وسترفرف
في حواف الفولكلاند لكي تاتي لنا بالبطريق اوكمابو...
وساعتها سيغني الجيمع علي كرنفال العكش الدولي..
تقول لي ودابرق ولا عشوشة...!!!
ديل يا خلي لا عادت سيرتهم تطرب اهل الحي اللاتيني
فود ابرق لم يعد ذلك ودابرق الاسطوري ولا عشوشة هي عشوشة..
بعد ان انتفخت اوجدانهم ونمت في جنبتي ود ابرق الشحوم واللحوم التي تطايرت من
مهرجان جثث الطيور التي قتلت في غابة المدينة
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: noon)
|
Quote: كثير امثالى من هجر الحبيب جنو
إن شاء الله اجن وأزيد في الجن
انتو تجافو ما تحنو
إيه أنا عندي في الدنيا
فؤادي انتو مالكنو
شبابي الكنت بحلف بيهو
دمرتوه من بدري
وليكم يا حسان الحور
هديت الباقي من عمري
انت بتقولي اصبر
الصبر كملتو بصبري
صحيح شقي ومجنون |
هلا يا نون حبابك الفين ونص
وفعلا الزولة جننت الغنوة جن..
وادتها مساحة وساحة وشيدت فيها مسارح واهدتها خيل قصائد
وكلاما حلو بالحيل..
وتسلمي يانون
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
(*)
(نانسي عجاج) يا (كيكي) , صوت لا يمت إلى هذا الزمان بصلة ,
كأنها تشربته من منابع قد جفت منذ قرون ..
ده كوم وثنائيتها مع (طارق الأمين) التي أخرجت (بلداً هيلي أنا ) كوم تاني ..
(صديق الكحلاوي ) زمان كان عندو كلمة بقولا في الحفلات لما يشوف واحدة سمحة , كان بكورك :
ينصر دينك ..!
ينصر دينك ..يا (كيكي)
و..
(دينا)
و...
(دين طارق الأمين) ..
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: كمال علي الزين)
|
Quote: ينصر دينك ..!
ينصر دينك ..يا (كيكي)
و..
(دينا)
و...
(دين طارق الأمين) |
هلا ابوكمال
وحبابك كمال علي الدين
والزولة غنياية غنا اطرش
وابو صلعة الشين طارق فنان لايشق له غبار او كتاحة
ومشتاقين يا ابوكمال
وتاني لم تجي تسافر حتة بالله ادي خالك كيكي خبر
باقي خبرة في السفورات...ولاشنو
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: ibrahim kojan)
|
Quote: ياخ مساء الاحد في بلاد الخواجات تجيب لينا صوت زي دا
غايتو انا ماشي البقاله اجيب لي حاجه تسندنس مع باقي اليوم دا وربنا يجيب العواقب سليمه (بائعة اللبن والصوات الجميله)
وقالو لي عدس ومجنون!!!!!!!!!!!!!!!!!!!! |
هلا يا كوجان
وايامك عدس يا فردة..
وغنوة ساكوبيس يا كوجان..
واحنا طبعا ناس مهمشين اسمح حاجة في الدنيا دي شايفها هي الساكوبيس
وقلنا نديك فرصة تمشي تجيب حاجة تسندس بيها وتجي تكلمنا عن السندسة في رحاب اللحن الابن لذينة الفوق ده
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: Balla Musa)
|
دامة الهارت لسع ماوقعت؟
هلا يادكتور
ودي دامة حرييييييفة يا دكتور بتقع ويتقوم
وكل ما نقول خلاص الخرت حصل نقوم نلقاها تاني بقت وسط خمسة كروت..
غايتو يا بلة لينا الله وعيشة السوق..
والظاهر اخوك في الهارت ده ما ليهو نصيب في السلطة والثروة الداموية
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: محمد عبد الماجد الصايم)
|
دامة ويست وهارت..لكن راوية طلعت حريفة لعب.
اما انا غير الهارت دا يخربنى مابعرف شئ ولانو سبب جنونى..
جنون شنو ..انشاءلله اموت زاتو بسبب الغنا الكعب دا...
والله العظيم ياكيكى ما شفت البوست دا..انقر كنت وين???
خدر مقوم الدنيا ما مقعدها فى بوست المهيرة..لوجيت بتلقانى حارسة البوست
دا بس..
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
**
*
يا كيكى
كان الكحلاوى
صييت ..
عندما كانت لامدرمان حكاوى
وكانت لامدرمان غناوى
عند انصاص الليالى
يقلب الهواء ..
ويجيب ليك تكتكات
بنقز مشدود..
وشهللة رق محمس ..
ورميه ترميك من طولك..
وتكون الصوره
واضحه قدام عينيك
وانت راقد فى نص الحوش ..
تتلمس ملاية سرييك البارده..
ان شاء اللة اجن..
وازيد فى الجن ..
وتنفتح طاقات
وتبق كهارب ..
تحملها النسايم..
احى .. احى ..
دى سمحة ..كدى كدى..
وتحلق بين النجيمات اللاصفات ..
وبين النجيمات اللاصفات
وتبزغ نجمة
..
..
اخرى..
لنسمع غناء الانامل..
...
..
.
....
*
**
| |
|
|
|
|
|
|
|
|
 Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
Quote: لكحلاوي وطن هذا اللحن الفاره في دواخلنا وسكن الوجدان..
ولكن جات الزولة المدهشة الاسمها نانسي عجاج زادت التوطين واعطته بعد رابع
ومساحة في فولدر التطريب والاستمتاع بالغناء النضيف...وجننت الحكاية جنون قبورة
اغنية في كل كلماتها تبدو كالنيسان تمام بزيادة ابنصات التجويد تزادد القا
ويظهر معدن الفن الطاعم بكل ارتياح... |
عبد الكريم ياخي والله انت راجل فنان ومرهف كمان وحتى كتاباتك ممتعة
انا دخلت من أجل الطرب فوجدت طرباً ورفاهية ( الوست وكده )
وزي ما قال دكتور كوجان ( تسمع في الأغنية دي وتاخد إسنة زي الما حصل حاجة )
مشكور يا حبيب
تخريمة :-
رجا شايفك حريفة وست وهارت إنشاء الله نتقابل يوم مع البورداب وناخد منك سيك
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: هاشم أحمد خلف الله)
|
Quote: عبد الكريم ياخي والله انت راجل فنان ومرهف كمان وحتى كتاباتك ممتعة
انا دخلت من أجل الطرب فوجدت طرباً ورفاهية ( الوست وكده )
وزي ما قال دكتور كوجان ( تسمع في الأغنية دي وتاخد إسنة زي الما حصل حاجة |
هلا يا هاشم وحبابك في يوم الغناء البسل الروح من الزولة الشفيفة نانسي دي
وفعلا يا هاشم تلعب وست واضانك تقع علي المزيكة دي تاااني تركيزك كلو بكون في طيور السنونو
وسيرة الدهشة البتنقرش جوووووه القلب,,,,والسيك بتلقي طريقها ليك وهااااك يا مظاهرة من الحاقدين والحاقدات..
والف شكر يا هاشم علي حديثك الراقي...
ودمت
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: احمد التجانى احمد)
|
| Quote: ولا عايز تكاكى مع الجلابة وتبيض بهناك !!!!! |
انت عارف يا ود التجاني انا عاوز اديك جائزة نوبل الاسفيري
للسوال المفاجي الخطير...
ياجنا انا ما قدرت احل ليك سعال الصقور معقول احل ليك سعال المكاكة ده
يا زول انت دكتور عبدالله الصادق ود حلتكم ولاشنو
واقع لي في راسي سوالات كع كرع كده...
الفيك اتعرفت يا فردة علا الجلابة فوتتهم صعبةبالحيل في اطار الاستلاب النانسي عجاجي ده
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: tmbis)
|
Quote: هههههههه..
لكن مدام شايل ليهو اربعة .. (آســااات) الحاميهو القصقصة شنـو..؟ |
تامبا يا عجيب تاكل اضانك يا مان..
شطفتني وفرطقتني صواميل لناس حلة زنقو ما انفع...
كل العندي يا تمبس (اس) واااحد وفي كرت عاوزين تنجهو وتطيرو عيشتو..
يا مان الزولة غناية غناء عجيب والمزيكة ماخدة راحتهامن مجامعيه
صوت وكلمات عمك الكحلاوي قاعدة في محلها لكن البنية نانسي اشتغلت فيها بصوت ابن لذينة
طيرت الكفر في راس خالك واهو زي ما شايف رفعنا جنينة وقعدنا
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: Ishraga Haimoura)
|
| Quote: كيكي ... هدي اللعب يا صاحبي وخت الكورة واطة |
هلا يا اشراقة ونورتي سيرة الغنم الطاعم والشقي ومجنون...
وكوررة ما بالساهل تتختا في وطة مع المزازيك المدورة في راسنا
وبتخلينا موغلين في سيرة مغالبة دمعة المحروم والعذاب سنين..
ولا هناك يا اشراقة كورة ستذهب وطة
فكل الكورة فووووق وعجاجها نار منقد
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
تعرف ياكيكى اشكالية المركز والهامش دى قصة عميقة ومعقدة وتجتاج لعقول ونفوس تفوقها عمقا لتستطيع سبر اغوارها وللاسف الشديد برزت هذه المشكلة للسطح مصحوبة بكل اشكال العنف مما استوجب معها الحلول العسكرية والسياسية وغياب الدور الاجتماعى والثقافى عن مسرح الاحداث ودونك منبر المثقفين هذا انظر كيف يسير فيه هذا الخيط المعسكرين يمارسان اقصى درجات التعنت ولكن بالرغم من كل هذا فاننى ارى الامور من زاوية اخرى وهى طالما لم يطالب الهامش بان يبقى بعيدا عن الهامش اى الانفصال فدة مؤشر جيد لحب الهامش للمركز
والدليل بوستك دة فانت وجدانيا مع المركز ادواته وثقافته مابتقدر تديهم ظهرك و مش انت بس لكن هكذا حالهم جمىعا حتى عتاة ناس الهامش والا لكنا سمعنا عن الانفصال كمطلب وش
يااخوى الهارت والويست ديل فى الهامش فى تلتلة
خليك من بنات الهارت شخصيا
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: احمد التجانى احمد)
|
Quote: يااخوى الهارت والويست ديل فى الهامش فى تلتلة
خليك من بنات الهارت شخصيا |
انت عارف يا ود التجاني ومن تجربة المليون قيم وست في الجامعة بحضور عتاة اهل الهامش (عباس رب الجاز) وبعض المستلبين من امثال طه النور ومن لف لفه من رعاديد والكثير من اولاد الخراطيم
انا طالع بتيجة فحواها انو عيال الهامش حرفة حرفنة لا تضاهي.. وود المركز لوغلبتو عصرت عليهو ممكن يطلع طوف في ورقك او سرق منك الجوكر في الكمكان
كدي نجي يا وطن التجاني للكلام الجد
قصة الهامش والمركز اي تناول لها بعيدا عن (بناء الايمان بوطن جامع) بكون كلام ملتهب وبجيب حروبات
والهامش في راي ليس باثني بل جغرافي وفيهو بتلقي كل الاثنايات السودانية دي متحكرة وراجية الهبة من المركز..الذي هو ايضا في روحو بعاني وعينو طالعة من المص بتاع النخبة والساسة..
فالقصة يا صديقي لو لم تجد استعياب للسودان كوعاء متكامل بجيب بلاوي ...!!
المهم يا احمد تجاني انو يتنبي (فكرة التعايش مع كل مكونات وطنك) وتنحاز للقضايا البتخدم مركزو وهامشو بعيدا عن استغلالك لتحقيق سطوة اي واحد من الاثنين ديل...
وفي النهاية بتلقي نفسك متصالح مع واقع بلدك هكذا اري الامور يا فردة..
| |
|
|
|
|
|
|
|
|
|
Re: سندة ...ورد (اتو) لناس كثير مدهشين...!!! (Re: عبدالكريم الامين احمد)
|
ويااحمد تجاني جيتك راجع تاني عشان اقول ليك
انو الفن الجميل لا وطن او حدود له..
فالانسان انسان في كل الزوايا في هذا العالم ده ياسره الالق والدهشة والموسيقي الطاعمة..
انت عارف قبل يومين ياسر طيفور نزل غنوة من بلاد العم سام
بوديها مغني عال الموهبة سمعتها ذات مرات فاكتشفت وفي كل مرة اكتشف بان الفن حالة ودهشة
بلا حدود
(*>|<*)
استمتع يا جلابي وورينا رايك الفني باقي اضانك زمان كانت نضيفة خلاس
| |
|
|
|
|
|
|
| |
عبدالكريم الامين احمد
Balla Musa
Rawia
Yassir Tayfour
حيدر حسن ميرغني
سلمى الشيخ سلامة
khaleel
noon
ibrahim kojan
ممدوح أبارو
محمد عبد الماجد الصايم
sumah
هاشم أحمد خلف الله
عواطف ادريس اسماعيل
احمد التجانى احمد
انعام عبد الحفيظ
Ishraga Haimoura
tmbis
الجيلى أحمد
طارق جبريل
فيس بوك
تويتر
انستقرام
يوتيوب
بنتيريست