دعواتكم لزميلنا المفكر د.الباقر العفيف بالشفاء العاجل
|
|
 سفر دس دس ده لزومو شنو يا جماعة...!!!!
|
فجاة وبدون ادني مقدمات بق عمر البشير في ارتريا وقطع تلفزيون الجزيرة ارساله ارساله اليومي
الذي طل كانه سونامي بق في دولة من دول العالم..
السؤال الذي يفرض نفسه هنا لمتين رئيس دولة تهز وترز زي السودان يزور الدولة الاخري بالكرباوي والدس
الدس.....
ومامعقول الشعب يصحي ويلقي رئيسو فجاة كده بقا في بلاد الواق واق...وفي المشية للواق واق دي
يكون اللفيت نازل زي المطر
الريس يتلفت
وتيم الامن المعاهو يلتفت
والطيارة زاااتها تتلفت
والدولة المغلوبة علي امرها كلها تتلفت
الي متي مثل هذا الحال المايل..
|
|
 
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
زيارة البشير الي ارتريا التي لا تبعد اسمرتها كثيرا عن كسلا او هيا والحدود ما بيننا تكلة وانبص خفيف
للطيارة قادرة علي انزالك ليس بعيدا عن الاراضي السودانية... ان كان المقصود بها كسر قرار اوكمابو والجنائية
فان هذا الامر يدعو الي الضحك والحزن..
فالسودان الوطن الكبير الشامخ
دايرين ليهو رئيس
يسافر الاسكيمو ويدو في عين اجعص جعيص
يسافر فنزويلا
يسافر حتي الي لاهاي
دون تردد او خوف او ارتجاف...
والي متي يكون للسودان ريس يسافر سرا وفي الخفاء
ولماذا
ولمصلحة من يبقي السودان اسيرا في يد رجل مطالب للعدالة الدولية ويمارس الاصرار علي مهامه
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: خالد عبد الله محمود)
|
Quote: كيكي يا عمكـ
وكمان الجماعة فرحانين ... تصدق؟
فعلاً شر البلية ما يضحكـ |
والله ياخالد حكاية فعلا موسفة ومثيرة للحزن
ان يكون اعلي درجات العشم من الريس انو يزور دولة بالدس وينجح في المرور والعودة من الرقابة
ونكورك فرحا هييييييي البشير اخترق..
وبعدين اسمرة دي ياخي ما ياها كسلا زاااتها
وافورقي ده زااتو مش ياهو العميل الصهيوني السابق ولا في جديد ياربي
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
كدي نشمي بالتامل الي اسمرة في صباح هذا اليوم..
فالمراسم الرئاسية مطلوب منها الاستعداد لاستقبال شخصية مهمة وريس دولة جاااي
السلام الجمهوري وفرقة العزف له ايضا بتكون خشت في حيص بيص... هل تم عزفه ام عزف بدون بروفة..
الارتريات الراقصات في باحة المطار يا ربي كانن عارفات الرقيص ده لمنو..
لماذا نصر علي رئيس يودي مهامة بالدس ...؟؟؟
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
Quote: ومامعقول الشعب يصحي ويلقي رئيسو فجاة كده بقا في بلاد الواق واق...وفي المشية للواق واق دي
يكون اللفيت نازل زي المطر
الريس يتلفت
وتيم الامن المعاهو يلتفت
والطيارة زاااتها تتلفت
|
كيكي التفكيكي ..
والله ضحكتني ..
لكن بيني وبينك .. كدي شوف دي ..
Quote: سرية تامة تحيط زيارة بوش المفاجئة للعراق
الثلاثاء, 13-يونيو-2006
المؤتمرنت/ وكالات -
سرية تامة تحيط زيارة بوش المفاجئة للعراق
بعد ان تناول العشاء مع حكومته في كامب ديفيد مساء الاثنين قال الرئيس جورج بوش انه يشعر بتعب ويريد ان يقرأ.
وبدلا من ذلك تسلل من المكان الذي يخضع لحراسة مكثفة وصعد الى متن طائرة هليكوبتر متوجها الى قاعدة اندروز الجوية ثم استقل سرا الطائرة في رحلة الى بغداد.
وقال بوش للصحفيين الذين يرافقونه على متن طائرة الرئاسة مستخدما الحرف الاول من كل كلمة "رئيس الولايات المتحدة على متن الطائرة".
وكانت الدائرة المقربة فقط التي تضم نائب الرئيس ديك تشيني ووزير الدفاع دونالد رامسفيلد ووزيرة الخارجية كوندوليزا رايس والسيدة الاولى لورا بوش هم الذين يعلمون وجهة الرئيس يوم الاثنين. وتوقع باقي اعضاء الحكومة ان يروه في كامب ديفيد يوم الثلاثاء في مؤتمر من خلال دائرة مغلقة مع الزعماء العراقيين.
لكن مع حلول الصباح في كامب ديفيد كان بوش قد وصل بالفعل الى العراق لحضور اجتماع مع رئيس الوزراء نوري المالكي.
|
http://www.almotamar.net/news/31662.htm
عليك الله كان ناس الميشن أكومبليشد بيقولوا ماشين يقروا ويكبوا الزوغة ... التانيين ما ليهم حق ؟؟
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: الصادق صديق سلمان)
|
| Quote: عليك الله كان ناس الميشن أكومبليشد بيقولوا ماشين يقروا ويكبوا الزوغة ... التانيين ما ليهم حق ؟؟ |
هلا يا الصادق
وبوش عامل عمايل سوداء في العراق عشان كده بخاف من اللقط
والغريبة ساعتها ناسنا ديل اكثر زول هلل وكبر للحكاية دي ,,تحدوه بان يزور العراق علنا..
اها القصة رجعت واتلولوت ليهم في رقبتهم بقي (ابا كبير) بتاعتنا يمارس هوايته بالمجازفة وليس دولة واحدة بل كل كل العالم لابد لها من يزورها البشير سرا ان اراد
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: SAMIR IBRAHIM)
|
| Quote: بالكرباوي والدس الدس..... |
كرباوي شنو يا كيكي ..
سلامة النظر يا بعد نظري ..
..
..
12 مارس 2009
إريتريا تدعو البشير لزيارتها
رئيس الحكومة السورية يصل الخرطوم الاثنين المقبل
أديس أبابا – لندن: «الشرق الأوسط»
وجهت الحكومة الإريترية دعوة رسمية إلى الرئيس السوداني عمر البشير لزيارة أسمرة تضامنا معه ضد المذكرة التي أصدرتها بحقه المحكمة الجنائية الدولية.
وبحسب بيان صادر عن وزارة الخارجية الاريترية نشرته وسائل الإعلام أمس، أعرب الرئيس الاريتري اسياس افورقي، في رسالة إلى نظيره السوداني، عن «دعم بلاده الثابت والدائم» في مواجهة مذكرة التوقيف الصادرة بحقه، ودعاه إلى زيارة أسمرة «في مستقبل قريب»، حسب وكالة الصحافة الفرنسية أمس.
وبحسب أسمرة فإن «ادعاءات المحكمة الجنائية الدولية تستهدف سيادة السودان ووحدة أراضيه». ووصفت مذكرة التوقيف بأنها «غير مبررة وغير مقبولة وباطلة». وقبل أسبوع أصدرت المحكمة الجنائية الدولية مذكرة توقيف بحق البشير بتهمة ارتكاب جرائم حرب وجرائم ضد الإنسانية في دارفور. وتقيم اريتريا كما السودان علاقات متوترة مع الغرب خصوصا الولايات المتحدة.
وقالت اريتريا إنها أوفدت وزير خارجيتها وثلاثة من كبار مسؤولي الحزب الحاكم إلى الخرطوم لبحث أمر المحكمة.
وتبادلت الدولتان الجارتان الاتهامات منذ سنوات بدعم جماعات متمردة في أراضي الطرف الآخر لكنهما عززتا العلاقات بعد أن توسطت اريتريا في اتفاق سلام بين الخرطوم ومتمردين في شرق السودان عام 2006. كما أن اريتريا متورطة بشدة في دارفور واتهمت بإمداد متمردين في الإقليم بالأسلحة واستضافة بعض الجماعات المتمردة في أسمرة.
وفي نفس الوقت، أيدت المدعية العامة السابقة بالمحكمة الجنائية في رواندا ويوغوسلافيا أمر الاعتقال الدولي الذي صدر بحق الرئيس السوداني بحسب تقرير إخباري أمس.
وجاء التأييد من قبل لويز اربور، على الرغم من أن السودان قامت بطرد عدد من منظمات الإغاثة بعد صدور القرار ثأرا منه.
وقالت اربور التي عملت أيضا مفوضة سامية لمفوضية الأمم المتحدة العليا لحقوق الإنسان إن العدالة الدولية حققت في السنوات الأخيرة تقدما «لا يمكن الرجوع عنه» حسب «رويترز».
وأعربت أربور في مقابلة مع صحيفة «لي تيمبس» التي تصدر في جنيف عن أسفها لقرار الخرطوم بشأن منظمات الإغاثة، لكنها تنبأت بتراجع ردود الأفعال من هذا القبيل مع تقبل أحكام العدالة الدولية بوصفها شيئا طبيعيا.
ومن جهة أخرى، قالت مصادر دبلوماسية سودانية عاملة في دمشق «إن رئيس الحكومة السورية محمد ناجي العطري ووفدا وزاريا وفنيين من الحكومة، سيتوجهون إلى العاصمة السودانية الخرطوم يوم الاثنين المقبل».
وأضافت المصادر لوكالة الأنباء الألمانية (د.ب.أ) أن زيارة الوفد السوري الذي يذهب لحضور اجتماعات «اللجنة السورية السودانية المشتركة العليا» جرى تقديم موعدها كنوع من التضامن مع السودان في مواجهة مذكرة المحكمة الجنائية الدولية (الظالمة) التي دعت لاعتقال الرئيس السوداني عمر حسن البشير. وكانت سورية دانت مذكرة اعتقال البشير واعتبرتها «تدخلا سافرا» في شؤون الدول وسيادتها.
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: humida)
|
Quote: كرباوي شنو يا كيكي ..
سلامة النظر يا بعد نظري ..
|
هلا يا حميدة
وبتفق معاك انو في دعوة مقدمة للبشير لزيارة ارتريا وده مافيها اختلاف
لكن الزيارة من ناحية انو الزيارة سرية دي ما فيها ادني مغالطة في توقيتها
وتحت ظروف كان طلعت فيها فتوي والبلد كلهاواقفة ديك احمر يا حميدة
فتبقي مثل هذه الزيارة بكل دلالاتها سرية
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: وليد محمد المبارك)
|
Quote: عادي يا كيكي
عادي
ده عرف عام ما سنة ابتدعها الرئيس
دول جعيصة بتعمل كده |
يا وليد سلام
يا وليد ظروف زيارة بوش للعراق بتخلف في تفاصيلها من ظروف زيارة البشير لاي دولة دولة العالم
فبوس عند عندما زار العراق سرا لم يكن مطلوبا لاي جهة سوي تداعيات الحرب
ولكن هل كان بوش يزور كل البلاد سرا كما بدا البشير يفعل الان...
وهل هناك فتوي كاثوليكة من الكنسية ترفض سفر بوش,,,
السلوك ما بين بوش والبشير واحد يا وليد
ولكن الظرف الظرف هو الاختلاف
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
يالعكس يا كيكي
المبررات واحدة يا كيكي
ويمكن كمان مبررات البشير اقوى
جميعهم حماهم الخوف
بوش خايف يعلن زيارته للعراق وافغانستان
هو عملها بالدس جاتو جزمة فوق راسه
لو كانت معلنة كان جاه شنو ؟
ونفس الشي البشير خايف من قرصنة بكل اسف اعلنت عنها جهة مفروض انها بتتعامل بالقانون ( المحكمة الدولية )
اعلنت المحكمة الدولية على لسان مدعيها العام انها ستتقرصن على طائرته حال خروجه من الاجواء السودانية
وده سبب مبرر وكافي ومنطقي انو تكون زيارته سرية
منطقية اكتر من اسباب الرؤساء الفوق ديل
تحياتي
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: وليد محمد المبارك)
|
كيكى شحاتة
سلام يا هندسة
الخلعة داخلة الزول دا دخلة كرنقو مواجها بهاء الدين ..
بوش البقولو عليه دة دخل العراق سرا وجهرا .. ورغم اختلافنا مع الدمار القام بيه فى الدول الاسلامية
الا ان حالته مختلفة .. جيوش بوش دخلت الاراضى دى وفى قمة تصديها للمقاومة هناك زارها .. وهنا المقارنة غير مجدية
هل جيوش البشير فى اسمرا ؟! ولا الخوف من ( الحدية ) المسماة F16 القاعدة فى مياهنا الاقليمية .
الجبن ( عار) مهما تغلفت مسمياته وان كان لابد من المواجهة والتى جعلوها شعارا ورمزا للمرحلة عليهم ان يثبتوا فاعلية الشجاعة فى كل المواقف وان يطبزوا عين العدو كما فعلوا فى المايكرفونات ..
حليلنا الحاكمنا ما قادر يمشى من ذنوب شعبه المعلقة انواط ونياشين فى صدره .. الخواف
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: alfatih)
|
| Quote: حليلنا الحاكمنا ما قادر يمشى من ذنوب شعبه المعلقة انواط ونياشين فى صدره .. الخواف |
هلا يا الفاتح
وخوف تقيل في الانفس والطيارات والزيارات...
وياخي بعد الجزيرة بثت القصة دي البلد كلها بتتراجف زي صحن الكاسترد
واها جاء
ولا ما جاء
السودان ليست الدولة التي يسرق ريسها اللعب والزيارات بالدس
بل يجب ان يرفرف علم الطيراني الرئاسي عاليا خفاقا بين كل اجواء الدنيا دون خوف او لبيد
او دس دسة وجفة بلد لحالها وبمجرد انو ريسها مشي بلاد بره...
..
ده خوف تاريخي انه الخراب بعينه
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: وليد محمد المبارك)
|
Quote: ويمكن كمان مبررات البشير اقوى
جميعهم حماهم الخوف |
يا وليد سلام
الخوف ده زاتو سبب الاذية ...
وكون ريس بلدنا يمارس وظيفته بالمجازفة والسفر السري دي برااها كده ازمة وحكاية دايرة وقفة..
نعم السبب واضح هي تهديدات اوكمابو..ولكن هل يكتب علي السودان في ظل هذه التهديدات ان يكون رئيسه
(زائر مخفي ومدسوس لكل الدول)..لييه وفي شنو...؟؟
يا وليد زيارات الرؤساء السرية لبعض الدول وحتي في الظروف العادية امر عادي ويتواجد ويمارس بكثرة
لدولة او منطقة بها ضرورة لترتيبات امنية لدواعي محددة..
ولكن في حالتنا الامر لكل الدول مكتوب علينا ان يزورها البشير سرا وتضرب خلافا في الموسسة الدينية والسياسية
والشعب..واستقطاب حول زار ومازار
الا يستدعي مثل هذا الامر التوقف فيه كثيرا والتامل والعمل علي ان يجد لها حلا...
يعيد للسلام الجمهوري ان يعزف عاليا وبكل وضوح في كل المطارات..؟؟
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
سلامة النظر يا حميدة يا زينة الرجال
الزيارة معلنة و نشرت في وسائل الاعلام
لكن توقيت الزيارة غير معلنة و سرية
الدس دس عشان اوكامبوا ما يفبض المشير
ما قالوا تحت الجزمة
بالله عليكم مين تحت الجزمة
رئبس مطلوب القبض عليه
رئيس يقوم بمهامه الرئاسية بسرية و دس دس
رئيس يبحث له علماء السلطان عن مخرج من ثسمه و لحقظ ماء وجه
رئيس وعلشان يبرء قسمه يقوم يحرج علماء السلطان و يقوم بزيارة سرية لارتريا
و لتي تبعد 5 متر من السودان
كان ما خائفين من اوكامبو ما كان يمشى خطوتين قدام
رئيس مشتاريه الكثرين و وزراءه ما قادرين يتخذوا موقف موحد معلن عن مشاركته في فمة الدوحة
رئيس كان رافع عصياتو و مالي الدنيا فسم و صمت صمت اهل الفبور
رئيس امنو يجمع ليه اهلو وشوية مرتزقة عشان يقوم بمسرحية الاعتصام
...............
احترم عقول شعبكم ولو مرة يا كيزان يا كضابين يا شحاتين
اللي عليكم من عمائلكم في هذا الشعب الصابر
يخس عليكم
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: محمد على حسن)
|
Quote: لتي تبعد 5 متر من السودان
كان ما خائفين من اوكامبو ما كان يمشى خطوتين قدام
رئيس مشتاريه الكثرين و وزراءه ما قادرين يتخذوا موقف موحد معلن عن مشاركته في فمة الدوحة
رئيس كان رافع عصياتو و مالي الدنيا فسم و صمت صمت اهل الفبور
رئيس امنو يجمع ليه اهلو وشوية مرتزقة عشان يقوم بمسرحية الاعتصام |
ونعم القول يا محمد علي
وحرم (تسني) القريبة من اسمرة دي لو كان مد كراعو عليها
كان الموضوع حسع ضقلو بكركب...
يا زول ده لعب علي الدقون ومواصلة لمسرحيات لاتغني ولا تفيد من جوع الشعب للحقوق والحريات...
ولو تعمقنا كثيرا في الزيارة اتمني زول من الكيزان يجي يورينا الفائدة الاستراتجية من زيارة ارتريا في هذا الزمان
غير تبرير القسم وارسال رسالة خافتة عن امكانية سفر الريس خارج حدود السودان...
انه زمن التردي يا محمد وزمن الرجل الواحد الذي باسمه تدخل البلد في ازمة في ترحاله واسفاره وطلاقه وقسمه
وهكذا
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: alfatih)
|
عاد ود بت ام الحسين السواها رقدت لجنا الجنا
انا اخيتك يا كيكى
الزول يرجف متل مرقة الضلافين كتامى مرق
اول وكتين هو جا وقال داير يحكمنا كان جانا بالنهار ولا بصندوق الانتخابات
انا اختك انت
على القسم دا مش خوف دى ....
غايتو زى ما بتقول امى
الدنيا بتهينك والزمان يوريك
تسافر بام غمتى وتجهل الراجيك
ابشرو بالخير
ويا قول حبوبة
سفر البن دق وحرق
حارق قلوب الناس وناهب خيرات بلد بحالها
ياربى دعوة مظلوم تجيهو المايقدر يصدها
وتقع فوق راسو وما يقدر يردها
يارب
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: سلمى الشيخ سلامة)
|
Quote: الدنيا بتهينك والزمان يوريك
تسافر بام غمتى وتجهل الراجيك
ابشرو بالخير
ويا قول حبوبة
سفر البن دق وحرق
حارق قلوب الناس وناهب خيرات بلد بحالها
ياربى دعوة مظلوم تجيهو المايقدر يصدها
وتقع فوق راسو وما يقدر يردها
يارب |
هلا يا سلمي سلملم
والمثل بقول البتسوي كريت في شعبها تلقي في سفرها
وقالو ليك يا اتي ود بت ام الحسين بقي بتلبد لبد لمن يدور يزور ليهو بلادا كدي..
ام غمتي تقيل والديش والامني بقولو ليهم اركبو الطيارة وارحكاكم
لوين هم ماعارفين..
وناس البلد الجاييها برضو جت ما عارفين الجاييهم منو من الروساء
عايتو حالة لا تسر عدو ولا صديق
وبرررررري يا اتي من سفر الغمتي ده
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: alfatih)
|
Quote: كر عليهم ههههههههه
السلطان نكر القروب العملوا كبرى يطلع بيه فى ضهرنا طيلة محكات الوطن
موصوها واشربوا الكولا بدلها و ... التحلية دمنا .. |
يا الفاتح
القروب ده قروب الزنقات والورطات ويجلس مرتدي قفطان وحلية زاهية تفوح منه الروائح المكية والمسك
وينادي عليهم في ساعات الحوجة لوضع سيناريو باسم الله والدين وممكن لهم الاتيان بسيرة اي صحابي من الصحابة
حسب الحوجة ...وتلفيق الاشياء.
عشان كده حسع ممكن تقراء بكرة فتوي تشيد بزيارة البشير الي ارتريا وانها تشابه زيارة سيدنا عثمان بن عفان رضي الله عنه الي وين كده ماعارف في ارض نجد في زمن الطاعون
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالأله زمراوي)
|
Quote: نحن تهمنا نهاية المجرمين
والى ذلك الحين
مبروك عليه السفر
حتى لبلاد الواق الواق |
هلا يازمرواي
والمشهد امامنا يا صديقي عجيب ..
وعشنا عصر الرئيس السوداني الذي صار يختلس الزيارات للبلدان
والوطن صار سجنا كبيرا...يوم ان يقد ريسه السلك تقام الكرنفالات والافراح
ونعم العبرة بالخواتم وعودة الحق الي ذلك الشعب الطيب
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: ahmed haneen)
|
| Quote: هيئة علماء السودان طلعت اى كلام |
دي يا هادية يا أختي ذي هيئة جيرانا ديك
الأسمها: هيئة الأمر بالمنكر والنهي عن المعروف!
_________________________
يا كيكي يا عزيز...
نحنا ناس الخلا ديل ممكن واحد يا جماعة منكم يتفضل ويحكي لينا القصة كلها
يعني السفر كان الساعة كم وكان بالطيارة ولا بالباص... والرجوع كان كيف وبشنو... طيارة ولا باصات... يعني بصراحة... أرفعو عن السفرية دي الـ (دس دسة) أو السرية المفرطة دي!
بالله نورونا... الله يفتح عليكم أبواب أوكامبوبية ويرزكم بالدساسة ويحميكم من العساسة وشرورهم!
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: Mohamed Yassin Khalifa)
|
Quote: في غفلة رغيبي رحت ازور حبيبي
و كدا |
قلت لى الشغل بقى كف كرف ...لما يبقى بعدين
(جك جرك سحبو منى ..) ..على قول اغنية البنات
الشهيرة ..
عموما الدس دس شين والله ..البشوف (العلالة )
القائمة فى التلفزيون يقول الزول دا سيل مايوقفو
ستاخذ العدالة مجراها طال الزمن ام قصر ..و
دماء مئات الالاف التى سالت فى دارفور معلقة
فى رقبة البشير ومن تبعه ...
سلام كيكى ...
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: مبارك محمد عثمان)
|
ياكيكى ياخ
( إستعينو على قضاء حوائجكم بالكتمان )
فقــــــــــــــــــــــــــه الضرورة
المسألة برمتها لا تخرج عن مسالك هى :
شق خارجى
تصعيد المواجهة مع المجتمع الدولى الداعم لإتجاه المحكمة الجنائية
وتثبيت مبدأ عدم الإعتراف بها وبالتالى عدم إحترام قراراتها فى تواصل
مع دول ليست ذات ثقل ولاتعترف هى الأخرى بالمحكمة ومرشحة زعاماتها لذات
المصير
وآخر داخلى له مساران
حشدى ... بحيث هذه الخطوة تهدف الإستفادة من تضامن الشارع المزعوم رفضه
للقرار وكسب مزيداً من المؤازرة والتعاطف فلا أحد يبحث عن موقع أريتريا
بالخريطة الجغرافية أو السياسية .. فالمهم إنطباع عدم المهابة
ومسار داخلى آخر هو الأخطر ويقوده أصحاب والمصلحة والنظرة لما بعد البشير
بعد أن توهموا ضمانات تاييد الشارع لحزب المؤتمر قبيل الإنتخابات المقبلة
والذين تحوى أدراجهم الخطة والبديل وهم من يزينون له الغلو فى التصعيد
والمواجهة وما بروفة أريتريا إلا مداخل سيناريو التخلص منه بأيدى الغير
واضعين فى الأذهان حياد المؤسسة العسكرية ( الجيش) الذى نأى البشير بنفسه
عنها وارتمى فى أحضان مؤسسة حزب المؤتمر ومؤسساستهاالأمنية
( فلإن عاد من أسمرا فليذهب الدوحة التى لارجعة منها ).
وفى كلا الحالتين إن عاد أو لم يعد فالهدف واحد هو مزيد من الإلتفاف
الشعبى وكسب تعاطف الشارع السودانى لصالح مؤسسة الحزب الحاكم .
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: اْسامة اْباّرو)
|
Quote: واضعين فى الأذهان حياد المؤسسة العسكرية ( الجيش) الذى نأى البشير بنفسه
عنها وارتمى فى أحضان مؤسسة حزب المؤتمر ومؤسساستهاالأمنية |
مرحب يا اسامة ومشتاقين ياخي
وفعلا يا اسامة الاستقطاب الذي سيطفح الي السطح الان هو هبوت الصراع ما بين موسسة الحزب الذي صار هو الدولة
والموسسة العسكرية التي قصقت اجتحتها كثيرا لصالح الحزب
وشكرا علي تحليلك الراقي يا اسامة
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: مبارك محمد عثمان)
|
Quote: اخوانا الزول ده سافر عديييل كده
مافى ( كرباوى) ولا دس دس ولا سكوكيه
عفارررررم |
سلام يا مبارك
ويابركة الكرباوي ده هو كييف..؟؟؟
زيارة ارتيريا دي حتي النافذين في الحكومة يطرشها ما سمعوا بيها
ودي بتعكس ازمة ثقة عالية في الجهاز الحاكم...
وما تشكروا الزول ده وينطط من بلد لبلد لحدي ما يلقي روحو في لاهاي بالردمية
ونبقي في امر ضيق
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: محمد عبدالرحمن)
|
Quote: ستاخذ العدالة مجراها طال الزمن ام قصر ..و
دماء مئات الالاف التى سالت فى دارفور معلقة
فى رقبة البشير ومن تبعه |
دي الحقيقة التي يحاول هولا القوم لفلفتها عبر المكابرة واللولوة وجر الوطن بكليتاته
الي مغامرات الافراد والموتمر الوطني..
ومهما كثرت الدس دسية فان قدر الله واقع وهو لايرحم الظالمين
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: Mohamed Yassin Khalifa)
|
Quote: نحنا ناس الخلا ديل ممكن واحد يا جماعة منكم يتفضل ويحكي لينا القصة كلها
يعني السفر كان الساعة كم وكان بالطيارة ولا بالباص... والرجوع كان كيف وبشنو... طيارة ولا باصات... يعني بصراحة... أرفعو عن السفرية دي الـ (دس دسة) أو السرية المفرطة دي! |
هلا يامحمد
والناس ديل عندهم فوبيا الغرب فعشان كده او شي بضمنو انكم هناك في بلدكم نايمين
حتن بعدين يسخنو الطيارة ...
والجزيرة يا محمد قطعت ارسالها والمذيع نفسو قايم بقول ياجماعة البشير ياهو داك في ارتيريا..
والبلد كلها صارت تتراجف وتتراقص وفي ناس عرقانة وناس تتلفت..
وكل الناس تتحاور
اها قبضو ولا لسع....الارتيريين سلموا ياربي ولا شنو,,,ةهكذا
الا ان قال التلفزيون مرة اخري قومو الي اعمالكم يرحمكم الله
وجع وجع الريس رجع
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: Hadia Mohamed)
|
Quote: هيئة علماء السودان طلعت اى كلام ,
يعنى كان رئيسا ما بحترم علمائنا نحن نسوى شنو؟
ولا تكون الفتوى ما داخل فيها دول الهامش؟ |
هلا ياهادية وحبابك
والشي الوحيد الممكن الزول يتفق مع البشير فيهو هو عدم احترامه لعلماء الاشارة
وخليهم فتوتهم دي يبلوها ويشربو مويتها..
بلد فيها قتل وفقر وتشريد واغتصاب كل همهم هو سفر الريس الذي يحقق لهم مصالحهم الضيقة
فهذه سقطة والتاريخ لايرحم اولئك الرجال اصحاب القفاطين
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
ســلام يا كيكى
مالك على الراجل .. الحكاية ما "دس دس" .. و لكنه من مبدأ قضاء الحوائج بالكتمان .. يعنى عايز كل الملأ يعرف أنو الرئيس يود قضاء حاجته .. ولو وقفت الحكاية عند أوكامبو لكان أفضل .. و لكننا نحن غلابة أهل الأمة الاسلامية فى السودان نود أن ترفع علية قضية أيضا .. لأنه بفعلته هذه قد عـرّض حياتنا للخطر على حسب ما ورد فى الفتوى .. المحيّر فى الأمر ان هيئة العلماء أصدرت فتوى لا تجيز للريّس السفر و فى نفس صباح يوم السفر يخرج أهالى مدينة عمر المختار "التى كانت تعرف سابقا بحى كوبر" فى أغرب مظاهرة و أغرب هتافات "لا للسفر" .. أول مظاهرة فى تاريخ الأنقاذ تقول "لا" للريّس .. فلا يأتمر سيادته بفتوى علماء مسلميه .. بل ضرب طناش مناداة ناس حلّتـو و عمل فيها أضان الحامل طرشاء
اللهم لا تؤاخذنا بما فعل الرؤساء منّا!ا
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: Ali Alhalawi)
|
| Quote: اللهم لا تؤاخذنا بما فعل الرؤساء منّا!ا |
هلا يا علي
والبشير يلاعب العالم في الزمن الضايع
واصبحت كل الاشياء امام نظامه محروقة وما يفعل ليس الا حراق روح
تلكم الحالة التي تسبق الطوفان..
بمناسبة السفر والا سفر دي
في اشاعة بتقول انو الاغنية الرسمية او احتمال النشيد القومي السودانيي يتحول الي اغنية ابو اللمين المشهورة
(قلنا ما ممكن تسافر)
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
صديقي عبد الكريم
تحياتي
قلت في مواضيع أسفار البشير الصبيانية هذه:
..... Quote: نظريا ليس هناك ما يمنع سفر البشير للقاهرةأو أيا من الدول غير
العضوة في المحكمة الجنائية .....وقد أكدت المحكمة هذا المعني قبل أيام
قليلة حيث ذكرت أنها في أنتظار أن يسلم السودان البشير أو يقوم هوبتسليم
نفسه وإن لم يتم ذلك سوف يرفع الملف لمجلس الامن ليقوم بالانفاذ
وطبعاحينما يأخذ المجلس قرار بالانفاذ سيكون القرار ملزما للجميع !! |
......مايقوم به البشير من تنطيـط من بلد لأخر وبهذه الصورة يدل علي تخبط البشير وتعامله بردود الافعال -ومحاولته اليائسة للظهور بمظهر
البطولة والتحدي وغيرها من مفردات العنتريات الجوفاء!!! أذا كان لابد من التحدي فليقم به البشير في وقت التحدي الحقيقي أي عند تبني مجلس الامن لقرار المحكمة والعمل علي إنفاذه!!!! بدلا من محاولة تسجيل الاهداف في الشباك الخالية في وقت التسخين وقبل بداية المبارة!!!!
كمال
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: كمال عباس)
|
Quote: مايقوم به البشير من تنطيـط من بلد لأخر وبهذه الصورة يدل علي تخبط البشير وتعامله بردود الافعال -ومحاولته اليائسة للظهور بمظهر
البطولة والتحدي وغيرها من مفردات العنتريات الجوفاء!!! أذا كان لابد من التحدي فليقم به البشير في وقت التحدي الحقيقي أي عند تبني مجلس الامن لقرار المحكمة والعمل علي إنفاذه!!!! بدلا من محاولة تسجيل الاهداف في الشباك الخالية في وقت التسخين وقبل بداية المبارة!!!!
كمال |
مرحب بصديقي كمال
ودراما الطغاة ياكمال اضافت الي التاريخ وعبر عمر البشير مشهد من مشاهد الاستهبال والاستهتار
بمصائر الشعوب..
وفي بلد اليوم تتهدد حياة الملايين والحراك السياسي يشهد احتقان عالي والمجتمع الدولي يقف بكل اشيائه الجادة علي اسوار السودان في كل هذه الاجوا ووسطها يكتب علي 40 مليون سوداني ان يتفرجوا علي مغامرات البشير (الفرد) في رحلاته العنترية التي لاتسمن ولاتغني لاجي من جوع او عطش..
هي حمي البدايات والسكرة التي سوف تزول اجلا او عاجلا..وستنهي لستة كل دول الجوار ذات الترتيبات الامنية السهلة
وساعتها لن يكون هناك مفر وستكون ايام وشهور ضاعت من زمن هذا الوطن سدا..
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
هلا ياموج
حسع بكرة من الصباااح حتطلع فتوي
مفادها انو سيدنا علي ابن ابي طالب كان يسافر سرا من نجد الي ارض اليمن
في زمن الطاعون الذي اصاب المسلمين
عبد الكريم اخوى مش عملاء النظام ديل ،اقصد غلماء النظام
انا خايفهم يقولو ليك
الهجرة الى الحبشة كانت سريه
الحمد لله الماقالو سبحان الذى اسرى،،،
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: adam khatir)
|
سلام يا ادم خاطر...
ويا زول الذبحة الصدرية ليه بتجينا مادام بنتعامل مع امور بلادنا بموضوعية بعيد عن التشنج
والهتافية و الظلم ...
البوست ده ناقش حكاية سفرة اسمرة...وهي مدسوسة وبحقيقة لايمكن ان ينكرها الا مكابر..
ولو داير الكلام عن سفرة القاهرة ده حديثنا عنها في بوست الاخ وليد المبارك
Quote: هلا يا وليد
الاولي يا وليد بتاعة ارتيريا كانت (دس) دس ورغم الدعوة المقدمة مسبقا الا ان مواعيدها وتوقيتها كان مخفي..
اتفقنا..؟؟؟
..
بتاعة القاهرة دي لو نفذت اليوم وعاد البشير الي السودان بسلام تبقي بكل صراحة تحدي واضح وان كانت القاهرة ودول الجوار كلها المخاوف الامنية فيها قليلة..الا ان الحق يقال بانها خارج الحدود مهما كانت نسبية ذلك
ولكن بتفق معاك كونو يسافر في اليوم الذي حدد مسبقا
كده بكون سفر علي عينك يا اكمابو وتحدي وده عدم الخوف الدايرنو احنا لوووووول
وياريت المرة الجاية انبص الطيارة الرئاسية يرمي لقدام ويقطع بحر بحرين كده عشان نشوف فصاحة اوكمابو لووووول
.......................
يا وليد
قد يسافر البشير الي اي دولة (لو قوا قلبو وركب راسو)
ولكن تاكد بان كل دولاب كل الاشياء سيكون شاهق ومنتظر الوصول والعودة ودي الحاجة السلبية في الموضوع والبلد كلها بتكون محور اهتمامها
هي هل وصل او عاد الريس..
لذا وضع بلد برمته مثل السودان تحت مغامرات كتلك هي الازمة..
لانو القبض ممكن يحصل في لحطة غير متوقعة تماما
وبديها لفة في كراكير الدوحة وبجيك راجع يا وليد بعدين لو الزول ده
رجع سالم..وقد اجييك في اي لحظة لو اولاد بمبا مارسوا خبثهم التاريخي وسلموهو صرة في خيط للخواجة |
يا كيكي .. اها سفر عيني عينك ده وضعه كيف ؟
| |
|
|
|
|
|
|
|
|
|
Re: سفر دس دس ده لزومو شنو يا جماعة...!!!! (Re: عبدالكريم الامين احمد)
|
.... ونظرا لإزدحام جدول الزياره للقاهره لم يتمكن الريس
من لفت نظر الريس مبارك أنه عافص بكدرو علي طرف من السودان في حلايب
ومع ذلك فقد حفلت الزياره بالعديد من اللقاءات المثمره ومنها لقاؤه
بالمفتش كرومبو في محاولة للإمساك بخيوط تقود للكشف عمن تسبب في
الجنائيه وتعطيل المسيرة القاصده , ومما رشح من هذا اللقاء أن دائرة
الأتهام محصوره في كل من:
حمبوزو لاوي بوزو الشهير ب كلن عندو فكة شلن
الفريطيق عوج الطريق
ود الباوقا الويكا المكاوقا
كيكي التفكيكي مع ملاحظة إنو في منهم 2 أحدهما حاقد كليا والاخر جزئيا
بالإضافه لعدد 200 ألف هارون اسحاق ادمو قضوا نحبهم ولن يتسن استجوابهم
| |
|
|
|
|
|
|
|
|
|
الرئيس سافر (Re: عبدالكريم الامين احمد)
|
الزول ده يا كيكي بيلعب معاهم توم آند جيري. الليلة في أريتريا، بكرة في القاهرة، بعدا ليبيا، وبعدين السعودية. وبعدين حسب التصريحات الرئاسية، لو ما ماصوهو وشربو مويتو، حيأكِّلو ليهم "ناشف"
| |
|
|
|
|
|
|
|
|
|
Re: الرئيس سافر (Re: محمد أبوالعزائم أبوالريش)
|
| Quote: الزول ده يا كيكي بيلعب معاهم توم آند جيري |
الليلة يا ابو الريش الناس ديل دخلو فنون جديدة في التوم جيرية..
طيارة قالوا ماشة اثيوبيا قامت بقت وبانت في ليبيا
وتموية نقل لعب من اقصي الشرق الي اقصي الغرب
ودقي يا مزيكة
وطيري يا طيارة
| |
|
|
|
|
|
|
|
|
|
سياسة غمتي (Re: عبدالكريم الامين احمد)
|
ياخي ما تظلم الزول هسع هو دسه سفر ولكم ساعة بس ،،،، دي موجهات سياسة عامة للدولة من قبل امر القبض
_____________________________________________________________________________________
| Quote: كشف وزير الدولة بوزارة النقل السودانية مبروك مبارك سليم النقاب عن مقتل نحو ثمانمائة شخص بينهم صوماليون وإثيوبيون وإريتريون وسودانيون, في غارتين جويتين قامت بهما ثلاث طائرات من الأسطول الأميركي في البحر الأحمر نهاية يناير/كانون الثاني وبداية فبراير/شباط الماضييْن. |
| |
|
|
|
|
|
|
|
|
|
Re: سياسة غمتي (Re: Nuha Ahmed)
|
Quote: ياخي ما تظلم الزول هسع هو دسه سفر ولكم ساعة بس ،،،، دي موجهات سياسة عامة للدولة من قبل امر القبض
|
هلا يا نها ومشتاقين
والسفرات الرئاسية المتوالية بتاعة الماسمتك بتاعتها بقة
سفرة مدسوسة
سفرة معلنة
سفر شرقا لكن الطيارة تحط رحالها غربا..
وهكذا دواليك
واما موضوع القصف والضرب الداخل الاراضي السودانية والحكومة اخر من تعلم وعندما علمت عملت نايمة
فدي حكاية ضروري ننادي ليها شرقرق في جولة ماكوكية جديدة
| |
|
|
|
|
|
|
|
|
|
Re: سياسة غمتي (Re: عبدالكريم الامين احمد)
|
صديقي عبد الكريم
تحياتي
أنظر وتأمل :
أوردت الشرق الاوسط عن الغارات الجوية في العمق السوداني:
| Quote: وفي أول تعليق رسمي على الحادثة أمس أكد الناطق الرسمي باسم القوات المسلحة في السودان العميد الدكتور محمد عثمان الأغبش، أن الحكومة السودانية كانت على علم بالضربات التي تعرضت لها السيارات، وشرعت في اتخاذ الإجراءات الضرورية وقامت بالاتصال بجميع الأطراف ذات الصلة بالموضوع. وحول ما إذا كانت هناك اتصالات بالأميركيين قال الأغبش: «إن الحكومة السودانية اتصلت بالمصريين وبكل الأطراف عبر وزارة الخارجية السودانية»، لكنه لم يؤكد أو ينفِ إجراء اتصالات مع الإدارة الأميركية. وحول تأخير الإعلان عن هذه الغارة لشهرين كاملين قال الأغبش: «إن الحكومة وأجهزتها المختصة هي التي تقرر الوقت المناسب لذلك». ...... |
علقت علي ذلك بقولي
Quote: هذا الخبر خطير وخطير جدا .....حكومة عاجزة عن الدفاع عن أجوائها وعن
أراضيها ...بحيث أصبح ترابها نهبا للجيران وأجوائها مباحة للاجانب ..
ومع هذا تمارس العنتريات ويمارس رئسها الاستعراض بالاسفار موهما البسطاء علي قدرته علي التحدي والمواجهة يفعل ذلك ليجتذب تصفيق السذج!!....فهيا يا من تتحدثون عن السيادة الوطنية أرونا رأئكم في هذا
التفريط الفظيع في السيادة والتراب والعجز التام عن حماية الوطن!! |
نعم ياكريم يفرط في التراب ويفرط في الاجواء والسيادة ومع هذا يمارس العنتريات الجوفاء التي ما أستردت شبرا ولاصانت الاجواء من الاختراق ومع هذا يجد البشير من يـطبل له ::آي دي المرجلة.. دي المرجلة!
لم يفتح الله علي هولاء الاذناب بأدانة للتفريط في التراب والسيادة وتحميل السفاح للمسؤلية عن ذلك بدلامن التطبيل ومسح الجوخ له!! ولكن لا علينا يبدو أن هذا كل مايجدونه وكل ميسر لما خلق له!!!
| |
|
|
|
|
|
|
|
|
|
Re: سياسة غمتي (Re: كمال عباس)
|
| Quote: نعم ياكريم يفرط في التراب ويفرط في الاجواء والسيادة ومع هذا يمارس العنتريات الجوفاء التي ما أستردت شبرا ولاصانت الاجواء من الاختراق ومع هذا يجد البشير من يـطبل له ::آي دي المرجلة.. دي المرجلة! |
هلا يا ابوكمال
وتحياتي..
البحصل ياكمال علي الارض السودانية من ملامح دراما لتساقط الطاغوت امر عجيب وغريب..
فالمكابرين وكما ذكرت انت يشقون حلاقيهم بالهتاف من اجل شخص وفرد ولكن عندما تدنس الارض السودانية وجغرافيا الوطن تنزوي الاصوات المغيبة بفعل الانا والذات تنزوي وتكابر وتمارس الصمت الرهيب...
هي نفس ملامح نهايات دولة النميري وحق الشعوب وفضح الطواغيت نراها عيانا بيانا والتناقض الشديد المفاجي الذي يزيح اوراق التوت ياتي عاجلا او اجلا...كم راينا في الطائرات التي قفصت ارض السودان
| |
|
|
|
|
|
|
| |
عبدالكريم الامين احمد
كمال عباس
خالد عبد الله محمود
الصادق صديق سلمان
humida
وليد محمد المبارك
alfatih
محمد على حسن
سلمى الشيخ سلامة
نصار
Nader Abu Kadouk
ahmed haneen
Mohamed Yassin Khalifa
محمد عبدالرحمن
مبارك محمد عثمان
صديق الموج
معاوية الأرباب
محمد الطيب حسن
محمد أبوالعزائم أبوالريش
حبيب نورة
فيس بوك
تويتر
انستقرام
يوتيوب
بنتيريست