دعواتكم لزميلنا المفكر د.الباقر العفيف بالشفاء العاجل
|
|
 حتي كنتور الخرطوم غيرتو يا الكيزان...!!!!
|
حكاية عجيبة وغريبة..
وواحدة الاسباب التي سيقت في امر الغرق والامطار التي هطلت هبطرش في الخرطوم هو التفسير الفطير الذي وجد طريقه للاعلام والقنوات وقد يجد ايضا طريقه في الجرائد..ويكتب في الاثر بان الخرطوم حتغرق حتغرق لانها مسطحة ويستحال تصريف المياه فيها.. وهذا عملا يحتاج الي الهام سماوي ...
|
|
 
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
الخرطوم ومدنها الثلاثة بحري - الخرطوم- امدرمان
تقع في موقع متفرد ونادر..
وبنظرة اولية وقبل الولوج الي التفاصيل الكنتورية الاخري
نجدها تقع في مجاري مائية ثابتة علي الارض ويجري النيل الازرق والابيض لكي يلتقيا في سريانها شمالا
ليكونا النيل الذاهب بعنف وسريان بميلان مريح صوب الشمال...
...............................................................
وقبل الدخول عميقا الي تفاصيل الكنتور في اقل قياسه بنظرة للقارة الافريقية والكنتور في حوض النيل تلك التي تضم اثيوبيا والسودان ومصر نجد الحوض بكلياته منحدر صوب الشمال وتتراوح الفروقات في الارتفاع الي عشرات الامتار بميلان تاريخي وثابت يتيح سريان المياه الي الشمال.......
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
حبة حبة,,, وانسي حكاية القارة الافريقية..
وانظر الي خرطة المجاري المائية في السودان جنوبا(السوباط - الغزال- الجبل_ بحر العرب) ستجد بان كل هذه الانهار والمجاري المائية تجري من الجنوب الي الشمال..
والامثلة اعلاه لتفسير الكنتور علي الطبيعة ودوره في تصريف المياه
والتي يجري الماء علي الارض من النقطة العالية الي النقطة المنخفضة وحركة الماء علي الارض سهلة وسريعة وكثافة الماء وخفتها تساعد كثيرا في حركة الماء ما بين نقطة ونقطة
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
كيكي الكنتوري سلام
ياخي كلمة كنتور دي طارت من الراس عديل
كنا نسمع عنها في نشرة الاحوال الجوية لما يكون هناك تساقط امطار
طالع مافي الاقتباس ده .. عام 2008
الجماعة ديل يجتمعوا على اي شيئ ينجضوه الا الحاجات اللي بتهم غيرهم ماعندهم ليها اهتمام
بالله عليك موازنة الولايات دي بتروح وين لو الاشكال لازال قائم
Quote: مراجعة الخطط الإسكانية في المناطق المنخفضة
الولايات الشمالية تبحث قضايا المأوى والاعمار بعد السيول والفيضانات
الخرطوم :الصحافة
انعقد أمس بالخرطوم اجتماع ولاة الولايات الشمالية بدعوة من علي عثمان محمد طه نائب رئيس الجمهورية، لمناقشة قضية المأوى والاعمار والسكن بعد الامطار والفيضانات والسيول التي ضربت البلاد وما نتج عنها من اضرار كبيرة.
واكد عبدالباسط سبدرات ،وزير الحكم الاتحادي في تصريحات صحفية ،ان الاجتماع هدف الي وضع رؤية مستقبلية في مجال التخطيط العمراني، وذلك بالالتزام بالمعايير العلمية ، وعدم تجاهل خطوط الكنتور الطبيعية والطبوغرافية عند التخطيط للسكن.
واضاف، أن الولاة اطلعوا خلال الاجتماع علي دراسات قدمتها بعض الشركات والدور الاستشارية حول نماذج لمواد بديلة للبناء واشكال جديدة للمنازل وذلك للاستفادة منها في إعادة تخطيط المدن، وفي مجال توطين النازحين، والسكن الشعبي، وبناء المرافق العامة.
وابان وزير الحكم الاتحادي، ان الاجتماع الذي دعا اليه نائب رئيس الجمهورية، هدف الي ايجاد حلول جذرية لاثار الفيضانات والسيول المتكررة عاما بعد عام، وذلك باتباع الطرق العلمية في التخطيط العمراني.
واشار إلي ان الولاة اطلعوا خلال اجتماعهم كذلك علي موجهات ميزانية عام 2008 ،التي قدمها وزير المالية.
الي ذلك، قال غلام الدين عثمان، والي ولاية نهر النيل ان الاجتماع دعا الي ضرورة تكوين مجالس التخطيط العمراني في كل الولايات، وضرورة مراجعة كل الخطط الاسكانية في المناطق المنخفضة، وتكاتف جهود القطاع الخاص والبنوك والحكومة لعمل تجارب خاصة بالسكن قليل التكلفة.
واكد انه تم توجيه كل المحليات والاجهزة والمؤسسات بان تعمل على خفض الرسوم المختلفة، او ازالتها من ضرائب وجمارك لتسهيل تنفيذ هذا المشروع، كما تم تقديم اقتراح في الاجتماع بانشاء بنك عقاري كبير يتولي تمويل هذه المساكن. |
| |
|
|
|
|
|
|
|
|
 Re: حتي كنتور الخرطوم غيرتو يا الكيزان...!!!! (Re: حيدر حسن ميرغني)
|
| Quote: وعدم تجاهل خطوط الكنتور الطبيعية والطبوغرافية عند التخطيط للسكن |
هلا يا حيدر
والناس ديل الغريبة عارفين الحاجات ولكن ما الفاس تقع في الراس
يقيفو بعيد وبعمل شخيت وبعملو فيها رايحين....
والكنتور طبعا كما الناس عارفةهي خطوط ارتفاعات وهمية تصل ما بين مناطق الارتفاع المتساوية
والخرطة الكنتورية هي الخرطة التي تحتوي علي نقاط ارتفاعات مختلفة ويرسم عليها الخطوط الكنتورية والتي هي تعبير حقيقي عن شكل الارتفاعات في الارض وهي من الخرط المهمة والاساسية لكل مشروع هندسي يقام علي هذه الارض
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: mayada kamal)
|
Quote: سلامات يا هندسة
رمضان كريم
الخرطوم مسطحة دي سمعتها عند وزير البنى التحية في ولاية الخرطوم... لمن جابوا في نشرة الساعة 10م
...
...
السؤال : وهل دا بعفيهم من تحمل مسئولياتهم |
هلا يا ميادة ورمضان كريم ياخي..
وتصومي وتفطري وتغرفي موية بالف خير
ده اغرب وزير بنية تحتية في العالم..وكلامو ده ما عندو علاقة بالهندسة ولا بالواقع الطبوغرافي للخرطوم ولا بالبنية التحتية زاااتو...
1- قد يكون اعتماد الوزير علي الفروقات المترية الضئيلة ما بين المناطق في الخرطوم...ودي يمكن هزيمتها هندسيا بصناعة ميلانات في اعمق الارض وزيادة الميلانات ( التصريف داخل الارض والحفر)..
2- او سعادة الوزير ده عاوز يقعد في الكندشة ويقبض راتب من عرق الشعب ده ومنتظر الجاذبية الارضية تصرف ليهو موية المطر في الخرطوم ودي لو قعد ميلون سنة ما بتحصل
ده عذر اقبح من الذنب ومخجل وفطير
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
_ خلونا كدي من كنتور افريقيا وكنتور السودان..
والنشوف المطلوب شنو من دولة تحترم موطنه وتسعي ان تقدم له الخدمات الاساسية التي تقيه الشرور
وفي وطن عرف تاريخيا بمناخه الممطر والفيضانات التي تاتي من المناطق العالية الي الارض المنخفضة..
الخرطوم مثالا..
1- التصريف الداخلي(منازل - منشات وغيره)
2- الطرق
3- شبكة المجاري
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
-
الخرطوم المدينة في وجودها علي الطبيعة تبدو شكل(v) مقلوبا..وطبعا من التاكيد علي وجود بعض المناطق المنخفضة القريبة من النيل الازرق او الابيض..
ولو فرضنا جدلا بان الخرطوم فاضية مافيها مسكن ولا اي بشرية فهي الحالة التي ستذهب المياه طواعية الي النيل بفضل الجاذبية..
ومهما كان قلة فروقات الارتفاعات فيها الا ان المياه ستذهب بفعل الضغط والكنتور
....
بحري ايضا وجودها الطبيعي علي هذا الشكل(\) والميلان في اتجاه النيل الازرق و(\) في اتجاه النيل
ونفس هذه الميلانات تتحق في امدرمان وعلاقتها الارتفاعية تجاه النيل الابيض والنيل
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
Quote: مياه المجاري تعالج بطريقة مختلفة عن المياه السطحية ومياه الامطار
ومعالجة مياه الامطار اقلة تكلفة من مياه الصرف الصحي
وتمكن التكلفة في عمل ال
roads gully
soak aways
trenches
مع حساب كمية المياه والميول |
اووووه سياد الشي زاااتا..
ايووه يا خلي
كدي متعني ب (head) صغيروني كده بتاع اخوان من البيت او المنشاة
عشان يدفر الموية دي من البيت ويوصلها الي الdrain
تاني عليك دينك الموية دي البمنع شنو انها تشمي لفت ورايت فووق وتحت لحدي ما تصل نقطة التجميع بتاعها..
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم أحمد الامين)
|
الجاته جاته من الارض ماجاته من تال السما
ولاكى سعية
للضباح ولاشمس الصباح
حزمى
ولاكتف ولاكتف السلاح سواح
ولانزف الجراح ألمى
هيا انحزمى
هيا انخلقى
هيا انعتقى
متين مو دايرة رى تسقى
ولافى ايد النزيف نبقى
ولافى ايد الخريف تبقى ولا الفيضان يبضع بك
ولافى القيفة تنهدمى
ولاان جات حاره تنهزمى
فيا حزن البلد عووووك كر ويا سعد الولد ضر ضر ضر ضر التحية الاخ كيكى سلام
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: نجلاء سيد أحمد)
|
Quote: هيا انحزمى
هيا انخلقى
هيا انعتقى
متين مو دايرة رى تسقى
ولافى ايد النزيف نبقى
ولافى ايد الخريف تبقى ولا الفيضان يبضع بك
ولافى القيفة تنهدمى
ولاان جات حاره تنهزمى
|
هلا يا نجلاء ورمضانك كريم..
والبلد حكايتو بقت حكاية..
النيل فار وعلا ودفر
والبوم لبس دقن واتحكر وبقي سلطان
والمطر نزل زرم زرم
والطين حررررررررن وابا يشيل الموية في جوفو ويروي بيها اشجار
تنبت ثورة وغضب وعصيان يشنقل ريكة البوم اللبس دقن وقال سلطان
وتحياتي
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
Quote: الخرطوم مسطحة دي سمعتها عند وزير البنى التحية في ولاية الخرطوم... لمن جابوا في نشرة الساعة 10م
|
ميادة كمال
ما أظن هذا الوزير يعلم شيئاً.
درسنا و عملنا لمدة 25 عاماً
ولم نسمع بمثل هذا التبرير الفطير,
فلتعلم سيدي الوزير أن الخرطوم أكثر
المدن المهيأة للتصريف السطحي لمياه
الأمطار, والصرف الصحي .
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: أحمد الصديق)
|
Quote: ميادة كمال
ما أظن هذا الوزير يعلم شيئاً.
درسنا و عملنا لمدة 25 عاماً
ولم نسمع بمثل هذا التبرير الفطير,
فلتعلم سيدي الوزير أن الخرطوم أكثر
المدن المهيأة للتصريف السطحي لمياه
الأمطار, والصرف الصحي . |
مرحب يا احمد ورمضان كريم
وانا مستغرب جدا من الكلام القالو وزير بنية تحتية
وجابو من وين......
وده بالجد استخفاف واستهبال تاريخي ومثل هذا الوزير مفروض دقيقة واحدة مايقعد في محلو ده
لانو لابيعرف للشغلة دي وبغش في الشعب وببرر للقصور بطريقة ملتوية
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
الباش مهندس/ عبدالكريم الامين احمد
رمضان كريم و كل عام و أنتم بخير
خليك من الكنتور و الهندسة -{كرهتونا بالخريطة الكنتورية في سنة تانية يا ناس مساحة  } - أهلنا في الخلا بيقولو ليك المويه ما بتنسي دربا و ما بسكنو إلا في الحته العاليه {القلعه}. الخرطوم بي تخطيطها و هندستا و وزيرا وتغرق بعد أول مطره.
| Quote: وعدم تجاهل خطوط الكنتور الطبيعية والطبوغرافية عند التخطيط للسكن |
هم ما بتجاهلو خطوط الكنتور عند التخطيط للسكن لكن باقي لي ناسك ديل بيقرو الكنتور بالقلبه  ، يعني بعد أول مطره القريه ما تشوف فيها إلا مئزنة الجامع -يا النبي نوح- أو كما قال أستاذ المساحه.
تحياتي
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: الطيب الجاك)
|
Quote:
خليك من الكنتور و الهندسة -{كرهتونا بالخريطة الكنتورية في سنة تانية يا ناس مساحة } - أهلنا في الخلا بيقولو ليك المويه ما بتنسي دربا و ما بسكنو إلا في الحته العاليه {القلعه}. الخرطوم بي تخطيطها و هندستا و وزيرا وتغرق بعد أول مطره |
هلا يا باشمهندس
ورمضان كريم..
الناس ديل الليلة مع المطرة دي قالوا عديل كده الخرطوم دي مسطحة
ومافيها ايييييي كنتور زاااتو
فعلا الموية ما بتغير سكتها وعارفة شغلها كويس ولكن الحكومة وزارة الهندسة وجيوش من الدقون
ما قادرين يدوها دفرة ومساعدة عشان تمشسي لمحلها
| |
|
|
|
|
|
|
|
|
 Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
## الباشمهندس كيكى..
** وكالعاده فى كل خريف نجد تبرير الحيكومه الضهبانه جاهز:-
** الامطار جات فجأتن..
## طيب من هسه عايزين نقول ليكم أنو أمطار 2010 حتبدأ فى 21/07/2010 وبتنتهى فى 21 أكتوبر 2010 ,, ودى مواعيدا فى كل سنه الى أن تحلو عن سمانا ,, وربنا يرزقنا بحيكومه قلبها على البلد وتنميتها وإنسانها الذى أصبح مطلوب منه أن يوفر أمنه وعلاجه وتعليمه وأن يصرف على الحيكومه القال إيه إسلاميه,, والإسلام مِفارقاهو فُراق الطريفى لى جملو..
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم أحمد الامين)
|
الأخ / عبد الكريم
سلامات
رمضان كريم و ربنا يلطف بعباده من أثار السيول و الأمطار .
موضوع الصرف الصحي من الموضوعات التي أرقت البلدان المتقدمة
لفترة من الزمن في تاريخ الحضارة و بفضل العلم تم التقلب أو
قل التحكم في هذا الأمر عن طريق التخطيط المسبق لأي مدن تنشأ
وعلى ضؤ عدد السكان و نشاطاتهم الإقتصادية يتم تصميم المدن و
تصنيفها و هنالك قوانين و محاكم و منظمات قائمة على العمل
التنفيذ السليم لتلك التصميمات و التصنيفات .
الخرطوم مثلا من حيث التعداد و النشاط الإقتصادي و الصناعي بكل
المقاييس مدينة ضخمة و لكن من حيث الصرف الصحى فهى ريف بلقع .
وتقسم شبكات الصرف الصحي للمدن إلى قسمين :--
1- شبكة تصريف تجمع بين مياة المجاري الصحية التي تأتي من
المساكن و المحال التجارية و المصانع و غيرها من المياة التي سبق
إستعمالها لأي قرض , وبين مياه الأمطار المتجمعة من الساحات و
الميادين و الشوارع و سطوح المباني و المياه التي تاتي تجري من بعيد
وتتم معالجة هذه المياه مجتمعة قبل صرفها في أي مجرى طبيعي و
ذلك منعا لتلوث البيئة .
2 نصام تكون فية مياه الصرف الصحي تجري في شبكة منفصلة عن
شبكة تصريف مياه الأمطار و ذلك لتقليل تكلفة المعالجة .
للأسف أن كل السودان فية شبكة صرف صحي صغيرة تخدم جزء
من منطقة الخرطوم ( خرطوم غردون فقط ) .
مع هذا الوضع الشاذ إحتمالات تلوث البيئة كبيرة جدا والله يلظف.
وشكرا
حامد شارف
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: Hamid Sharif Abdelrasoul)
|
كيكي الكنتوري سلامات وعوافي يا رجل
ديل مش غيروا كنتور الخرطوم بس ديل غيروا البلد كلها
انهيار تام تام تام في كل شيء
| Quote: وربنا يرزقنا بحيكومه قلبها على البلد وتنميتها وإنسانها الذى أصبح مطلوب منه أن يوفر أمنه وعلاجه وتعليمه وأن يصرف على الحيكومه القال إيه إسلاميه,, والإسلام مِفارقاهو فُراق الطريفى لى جملو.. |
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: كمبورة)
|
| Quote: انهيار تام تام تام في كل شيء |
هلا يا كمبور ورمضان كريم ياخي
وانهيار تام وشديد ومفاجي وكلو شي قعد (ام فكو) وفي السهلة..
انهيار في السياسة
انهيار في لاقتصاد
انهيار في النسيج الاجتماعي
انهيار في الحدود الاقليمية للدولة اتكجمت رزم رزم وكل جارة شالت ما شالت ومافي زول بقول بغم
انهيار في السد الدفعو فيهو دم قلب الشعب الفضل
انهيار في الصحة
انهيار في الهندسة..(عمارات تقع.. سدود ما تشتغل...جسور تمتلي موية فللللللل)
واه منك يا وطن
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: Osman Musa)
|
Quote: هى الجرائد دى سبب البلاوى كلها .
يا سيد كيكى أنت .
محافظ الخرطوم ده مالو ما بتفرج فى أفلام المجارى فى نيويورك )؟
يا سلام على المجارى . يا سلام على الاتكيت وحب البلاد .
حب البلاد أنك تعمل
مش تكضب .. محافظ بوم .. محافظ بيش . الجرائد يا كيكى مفروض تكتب .
لكن الجرائد طناش . وسخ فى كل مكان . هو شغلو شنو ؟
تحياتى |
هلا يا عثمان موسي
ورمضانك كريم ياخي..
وياعثمان الجرائد لو قلت (بغم) بكرة يعدموها نفاخ النار ويلحقوها غنم زهرة..
ولكن البكتب وبطبل للمحافظ الكضاب والوزير الجاهل والمدير البيش دي الجرايد الدايرانها الناس ديل
جرايد ما تجيب عوجة الرقبة وما تقول البغلة في جسر عفراء مول..
واين نحن يا ابوعفان من مجاري نيويورك وطرق نيويورك مع الجبهجية الحرامية ديل ياخي
ولكن نردد الله في..
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: Hamid Sharif Abdelrasoul)
|
| Quote: قلت يحتاج الى إلهام سماوى ,, طيب ماهم وكلاء هذا الإلهام مايتصرفوا فى الموضوع دا |
سلام ياكيكي،
بالله شوف التعليق بتاع عبدالكريم دا سمح كيف.
متابعين يا سيد مشروعك العلمي للتخلص من الأراجيف
لكن شكلك ماشي لانو (عمران) الإنقاذ المتوهم دا كلو عشوائي.. مثلهم تماما
إصلاح الحال بيحتاج لاستيكة كبييييرة..
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: Ahmed Elmardi)
|
Quote: بالله شوف التعليق بتاع عبدالكريم دا سمح كيف.
متابعين يا سيد مشروعك العلمي للتخلص من الأراجيف
لكن شكلك ماشي لانو (عمران) الإنقاذ المتوهم دا كلو عشوائي.. مثلهم تماما
إصلاح الحال بيحتاج لاستيكة كبييييرة..
|
مرحب بصديقي احمد
ورمضان كريم ياخي ووينك يا رجل..
ايوه يا احمد كلو عشوائي في عشوائي
والناس محتاجة لاستيكة بمساحة مليون ميل مربع لكنس (القرف) والعشوائية والتخبط والاستهبال الانقاذي ده
لانو توطن واصبح حالة ملتهبة في جسد البلد دي في كل النواحي
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: Hamid Sharif Abdelrasoul)
|
| Quote: مع هذا الوضع الشاذ إحتمالات تلوث البيئة كبيرة جدا والله يلظف. |
مرحب يا حامد
ورمضانك كريم ياخي
ودي اولي المشاكل واكبرها التي ستواجه الغلابة والموية الراكدة ستولد امراض وستزيد
كمية الامراض المتواجدة اصلا بفعل تردي اصحاح البيئة والاهمال الحكومي..
السلطة يا صديقي في الخرطوم ليس من اولوياتها هذا الزول المسكين الغلبان
ما بهمهم في شي
يموت من الغرق
يموت من المطرة
يموت من الملاريا
يموت من الجوع
يقع في سايفون
في كل الاحوال الاسباب والتبرير الفطير جاهز... والساقية مدورة
ساقية حب السلطة والعشوائية والسبهللية الفجة
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم أحمد الامين)
|
Quote: وكالعاده فى كل خريف نجد تبرير الحيكومه الضهبانه جاهز:-
** الامطار جات فجأتن..
## طيب من هسه عايزين نقول ليكم أنو أمطار 2010 حتبدأ فى 21/07/2010 وبتنتهى فى 21 أكتوبر 2010 ,, ودى مواعيدا فى كل سنه الى أن تحلو عن سمانا ,, وربنا يرزقنا بحيكومه قلبها على البلد وتنميتها وإنسانها الذى أصبح مطلوب منه أن يوفر أمنه وعلاجه وتعليمه وأن يصرف على الحيكومه القال إيه إسلاميه,, والإسلام مِفارقاهو فُراق الطريفى لى جملو.. |
هلا يا ابومحمد
الناس ديل تفننو في كل وسائل اللولوة وتغبيش وعي الجماهير
ومتشوبرين في قضايا اكبر منهم ومكنكشين في السلطة دي بالسلبطة
ومن حسع بكونو بجهزوا في التبريرات بتاعة السنة الجاية ممكن يقولو لينا المطر الجاية سببها امريكا
واوكامبو لانهم اتلاعبو في الفاصل المداري واتفاقية كيوتو...
ياخ ربنا يحل الشعب المسكين ده منهم... فلقد بلغ السيل الزبي وفاض الكيل ياخي
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: abubakr)
|
Quote: رمضان كريم .. ادهشني وزير البنية التحتية لولاية الخرطوم في لقاء مع احدي الفضائيات كما اشرت في مداخلة بذات الخصوص في موضوع بنفس الغرض اخر وهو يشير الي مستوي الخرطوم وما ذكر في كتاب للمرحوم ابوسليم عن الخرطوم قبل ثلاثمائة عام تقريبا ؟؟؟هل هنالك عي وجه البسيطة "مسطح " فالعالم المسطح الوحيد هو الذي اشار اليه الكاتب الصحفي توماس فريدمان في مقالاته الشهيرة عن عملاق التقنية الهندية انفوسيس والذي جمعه في كتاب شهير بنفس الاسم The World is Flat " مشيرا الي صفوف الشاشات الاليكترونية المتراصة في القاعة الرئيسية بانفوسيس حيث تتواصل الاف من الكفاءات والعقول الهندية مع كبري شركات التقنية مثل مايكروسفت واوركل ..الخ ... العالم مسطحا هو تعبير افتراضي وليست هنالك ارض بكر مسطحة تماما لا تسمح بتصريف االمياه طبيعيا ومهمة مهندس البنية التحتية مهما كات طبيعة الارض ومستواها هو تمكيين تصريف المياه والمخلفات السائلة بتصميم مجاري وانابيب الخدمات بانحدارات .. وعموما فانحدار بنسبة واحد في المائة ادناه يكفي لتصريف المياه ...فهل ارض الخرطوم البكر والتي تمتد من الطالع (اتجاه الجنوب حيث منبع الانهار) الي النازل ( اتجاه الشمال حيث مصب النيل ) مسطحة ونظرة علي الخرطوم من اعلي مثلا من خلال برنامج غوغل ايرث المتوفر مجانا يعطي الناظر بالعين المجردة اشارات عن كنتور الخرطوم ...
المهندس الوزير في دفاعه المستميت عن وزارته وولايته اشار الي ان السكان هم السبب حيث يعتدون علي ممرات الخدمات ناسيا او متناسيا انه لو اعتبرنا افتراضا وجود مثل تلك الممرات فمسئولية الحفاظ عليها ورقابتها هي مسئوليته ثم اين هذه الممرات ؟؟ فالشوارع والتي صرفت علي تشييدها مليارات من الدولارات لم تقوي غلي موسم خريف واحد وهي من دون تصريف ولا توجد ممرات خدمات قريبة منها...
وامر اخر فالسكان الذين يشيدون منازلهم والذين يتهمهم بالتعدي علي الممرات يتحصلون علي اذونات برسوم من سلطات الولاية الهندسية وهو احد وزرائها ومهندسيها فهل الولاية والادارات الهندسية تاخذ الرسوم وتعطي الاذونات عشوائيا بحيث تجعل امر الاعتداء علي الحق العام ميسورا ؟؟؟وهل هي التي تسمح بالاعتداء ....
ساءني ان يكون الوزير مهندسيا وينسي ابجديات مهنته ويحاول تبرير الخطا بخطا اكبر منه يحاول من خلاله تبرئة نفسه ووزارته وادارات الهندسة الولائية والحكم المحلي عموما .... غياب نظام وقانون يحمي الحق العام ويطبق المعايير الفنية دون تحييز او عشوائية هو الذي ادي الي ما نحن فيه من كوارث ...الدولة غائبة والشعارات والضجيج والعنف الخطابي لا تجعل منها دولة حاضرة ... |
لا صوت يعلو علي صوت هذه المداخلة العميقة والمهندسة الدسمة
وموسف يا (بوس) ان ياتي هذا التصريح من وزير البنية التحتية الذي كل منتجاته وزراته مبينةعلي الخرطة الكنتورية وهي الاساس الاول لكل عمل مبني علي الخدمات التي تقام علي الارض..
انه ادمان الفشل يا ريس وتطينه ولوي عنق الحقيقة والخرط والوقائع والعلوم والهندسة لصالح السلطان..
سعمنا بشعراء البلاط السلطاني الذين يسومون الاشياء ويبدلونها لصالح السلطان
وها نحن الان في عصر مهندسي السلطان الذين يغيرون واقع العلوم والهندسة من اجل السلطة
وعجبي
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
باشمهندس عبد الكريم
سلام ورمضان كريم
تابعت البوست وأكثر ما ساءنى أن الوزير مهندس
ياربى قراها وين
بلاى لو خلينا الأحياء القديمةكدى نشوف ناس د.مهندس و د.مش عارف ايه
الطرق العملوها بعد توقيع اتفاقية السلام فى التحضير للانتخابات
كانجاز وكلما تلاقى زول لسة ما خجلان وبدافع اقول ليك شوف شوارع الظلط
حكومة الظلت دى مافى شارع عملتو وفكرت فى تصريف بل بعض الشوارع قفلت
المصارف الطبيعية وتسببت فى غرق المنازل تلقى فى كل منطقة الشباب مشمر
عن السواعد واكسر فى الظلط ودا منظر طبيعى جدا فى أحياء العاصمة
وما حصل شفنا اى بتاع نظام عام وقف واعترض
أحياء محاطة بالمياه جزر عائمة وهم يسكنون هذه الجزر لكن ما يهمهم
منازلهم التى يخرجو من داخلها بالعربات المظللة
هل يهمهم ان غرقت الخرطوم؟
انت بتقول فى شنو كنتور يا باشمهندس لى مصعب الحكاية
خطوط الكنتور خوط وهمية تصل بين المناطق ذات الارتفاع الواح
لكنها فى حاله الانقاذ هى خطوط تصل بين أصحاب المصالح
سارقى مليارات تجهيز المصارف أكثر من اثنين مليار صرفت
هذا العام على التجهيز للخريف ياله من تجهيز
لا يستحون هؤلاء اللصوص وكمان بصرحو ياخ استقيل وسوق معاك
الوالى وكل المهندسين الما بخجلو ما أدوهم فى المدرسة كلمة
استقالة وما مرت بيهم
سبحان الله وحسبى الله ونعم الوكيل من هؤلاء
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: زينب بدر الدين)
|
Quote: لا يستحون هؤلاء اللصوص وكمان بصرحو ياخ استقيل وسوق معاك
الوالى وكل المهندسين الما بخجلو ما أدوهم فى المدرسة كلمة
استقالة وما مرت بيهم
|
الف مرحب وتحية يا زينب
ورمضانك كريم...
والفوضي ..والفساد.. والاستهبال يا زينب هي رووس الاشياء التي يبدو انو وزيرنا الهمام ده اتخرج
من جامعتها واصبح وزير بنية تحتية ليها ضل..
البغيظ انو الناس ديل كضبو في اي حاجة في الدنيا دي ووصلوها نهايتها واها علي اخر ايامهم
عاوزين يكضبو في طبيعة الاشياء وطبوغرافية الارض دايرين يعصروها عصر ويسخروها لمصلحتهم.....
موسف مهنيا واخلاقيا انو يكون ده تصريح من مهندس.. في جامعة ختمت ليهو شهادة ليها ضل وقالت ليهو امشي خلااص انت مهندس امشي عمر الارض..
شي موسف ومقيت ومخجل البحصل ده يا زينب
ولكن لو ما عملو كده ما بكونو ياهم ناسنا الكيزان الاتسلطوا علي رقابنا منذ عقدين ونيف
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
باشمهندس كيكي
النيلان يجريان بسرعة وهي حقيقة تعكسها جريان الوادي وتصادم تيارات النيلين الواضح في المقرن عند توتي
ومع ذلك يصرح مسؤول تصريحاً غير أمين بأن الخرطوم مسطحـة
تصريح تكذبه الجغرافيا الواضحة والنيل كله (ميزان مويـة) يوضح كيف أن المياه تجري شمالاً
حتى الشلالات لا تقوى على إيقاف حركة مياه النيل بسبب الانحدار
الخرطوم تغرق والحكومة لا تقوى على الإستقالة ولا تقر بالفشـل الذريع ولا تعترف بإهدار موارد البلاد في طرق ومشاريع بنيات تحتية تفتقد أدنى مقومات التخطيط الهندسي السليم
الكنتور يتغير وكل شئ قابل للتغيير بالهتاف يستطيع المتسلطون على رقاب الشعب تغيير كل شئ بالهتاف وبالتصريحات الفطيرة للصحافة الفطيرة
المنطق الهندسي يقول بأنه يجب تشييد المجاري والمصارف أولاً قبل الطرق , ولكن المنطق السياسي يقول بأن السفلتة أهم لتصرخ الحكومة بالإنجازات الإسفلتية , فتضحك الطبيعة و الحكمة الإلهية على الظالمين جميعهم وتفتضح المكر السئ بمقدرات البلاد لصالح الشركات الجشعة.
أحمد الشايقي
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: أحمد الشايقي)
|
| Quote: الخرطوم تغرق والحكومة لا تقوى على الإستقالة ولا تقر بالفشـل الذريع ولا تعترف بإهدار موارد البلاد في طرق ومشاريع بنيات تحتية تفتقد أدنى مقومات التخطيط الهندسي السليم |
مرحب يا احمد
ورمضانك كريم ياخي ومشتاقين
والحكومة يا احمد نموذج حي للفشل في الانجاز والفشل في التبرير
وحتي في التبرير فهم ايضا يرسلون اشارات ازدراء وتحقير لابناء هذا الشعب..
ووالحقيقة تلوي لووووي من اجل تبيض وجه الحكومات وبنيتها التحتية الهبتلي
التي كما قلت انت تقام من اجل الهتاف والرقيص ثم يتركون الاشياء لكي تميت الشعب وتغبش وعيه لي حين..
شي موسف البحصل ده ياحمد وياخي بلغ السيل الزبي
والقصة بقت مزمنة وانتهاك المهن والمسئوولية ومفهوم الدول اصبحت الاذاعات هي من تنقله بلسان الوزراء الجهلة
| |
|
|
|
|
|
|
|
|
 Re: حتي كنتور الخرطوم غيرتو يا الكيزان...!!!! (Re: فيصل محمد خليل)
|
Quote: او سعادة الوزير ده عاوز يقعد في الكندشة ويقبض راتب من عرق الشعب ده ومنتظر الجاذبية الارضية تصرف ليهو موية المطر في الخرطوم ودي لو قعد ميلون سنة ما بتحصل
ده عذر اقبح من الذنب ومخجل وفطير |
لطفك يارب بشعب السودان المغلوب وحاكماه عصابة اجرام!!
حسبنا الله ونعم الوكيل!
رمضان كريم يا كيكى
تحياتى
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
كيكى رمضان كريم يا هندسه
معروف لانجاح اى مشروع هندسى يجب ان تتوفر المعلومه المساحيه
والتى تساعد فى دراسة المشروع بصوره علميه دقيقه
وتتحكم فى ميزانية المشروع من طقطق لسلامو عليكم
بس تعرف يا كيكى لليوم لا توجد خرط رئيسيه لمدينة
الخروطوم بشكل دقيق و شامله لكل التفاصيل المساحيه
( نقاط تحكم وغيره ) والمعلومه ده كانت حديثنا
فى احدى المؤتمرات فى دبى مع نفر كريم من خريجى
هندسه الخرطوم قسم المساحه
بالاضافه لذلك يجب ان تتوفر برامج ال GIS والتى تساعد
فى اختيار المسار المناسب والذى يقلل من التكاليف الماديه
ويضمن نجاح المشروع و استمراره مدى الحياه ................
لحدى ما يجى مسئول يفهم معنى الحديث اعلاه فأن الخرطوم و مدن
السودان المختلفه سوف تغرق و تغرق لحدى ما تحصل فريق المريخ
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
يا كيكي إنت عايز تعرف أحسن من الحكومة ،
الحكومة قالت الخرطوم مسطحة يعني تبقي مسطحة رغم أنف الجغرافيا والتاريخ ....
اليوم في بعض الصحف وعلي الصفحة الأولي يعني إعلانات غالية وكده الإعلان الآتي :
ولاية الخرطوم
وزارة البني التحتية
الغرفة الرئيسية لدرء آثار السيول والفيضانات
إعلان هام
تعلن الغرف الرئيسية لطوارئ الخريف والفيضانات بولاية الخرطوم لجميع المواطنين
الذين يملكون تناكر مزودة بنظام طلمبات شفط بالهواء - وطلمبات الشفط العادية الأتصال
الفوري لدي مقر الغرفة بالورش المركزية بوزارة البني التحية علي الهاتف ............. وغرف مناطق الوزارة
للإستعلام الإتصال بالهواتف الآتية :
7 هواتف لكل منطقة
وسيتم الإتفاق علي الإيجار حسب السعة
والله الموفق
إدارة المشتريات / وزارة البني التحتية
ولاية الخرطوم
بالله يا كيكي ركز لي علي شفط دي ، وبعدين لو عندك شوية قريشات الحق الموسم ورسل لينا تنكر ابو شفاط بيمكن نلحق لينا شفطة شفطتين بدل
ما تضيع وقتك في الكناتير دي ووقت الحكومة ....
قا ل مسطحة قال
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: زهير الزناتي)
|
Quote: تعلن الغرف الرئيسية لطوارئ الخريف والفيضانات بولاية الخرطوم لجميع المواطنين
الذين يملكون تناكر مزودة بنظام طلمبات شفط بالهواء - وطلمبات الشفط العادية الأتصال
الفوري لدي مقر الغرفة بالورش المركزية بوزارة البني التحية علي الهاتف ............. وغرف مناطق الوزارة |
...
بالله القصة الليلة قلبت (شفط) يا زهير
وطبعا مع الشفط ده بكون في شفوطات تانية حامياني وده فعلا خريف ابو سعن الشفطي..
بالله شوف.!!
كدي قول حسع ناس التناكر ديل جوو والسعر ما خارج معاهم
او رفضو يجو زاااتو
وزيرنا النحرير ده حيلقي زول يشفط ليهو المويات دي من وين مع رمضان ده..
لاحظ للاعلان الفجائي ده ولاحظ للترتيبات الارتجالية..
والله يا زهير التناكر هبطرش في البلد دي
ولكن خايف ارسل ليك واااحد وتقومو تشفطو المويات وما يدوكم القروش
وانا خشمي يبقي ملح ملح بعدين
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: عبدالكريم الامين احمد)
|
Quote:
كيكى رمضان كريم يا هندسه
معروف لانجاح اى مشروع هندسى يجب ان تتوفر المعلومه المساحيه
والتى تساعد فى دراسة المشروع بصوره علميه دقيقه
وتتحكم فى ميزانية المشروع من طقطق لسلامو عليكم
بس تعرف يا كيكى لليوم لا توجد خرط رئيسيه لمدينة
الخروطوم بشكل دقيق و شامله لكل التفاصيل المساحيه
( نقاط تحكم وغيره ) والمعلومه ده كانت حديثنا
فى احدى المؤتمرات فى دبى مع نفر كريم من خريجى
هندسه الخرطوم قسم المساحه
بالاضافه لذلك يجب ان تتوفر برامج ال GIS والتى تساعد
فى اختيار المسار المناسب والذى يقلل من التكاليف الماديه
ويضمن نجاح المشروع و استمراره مدى الحياه ................
لحدى ما يجى مسئول يفهم معنى الحديث اعلاه فأن الخرطوم و مدن
السودان المختلفه سوف تغرق و تغرق لحدى ما تحصل فريق المريخ |
هلا يا كوتشب
ووده كلام موزون
وبالتاكيد مافي مشروع بتجر فيهو كدنكة في الارض بدون الخرطة الكنتورية ليهو
ودي البتوري الحاصل شنو قبل اي (بعم)..
وبالله بعد الجوطة والوزارة والعيييك عااااك مافي اي خرطة للخرطوم دي
وين مصلحة المساحة
ووين شركة كده حكومية عملوها الناس ديل اسمها(معراج) قالو دي حتعمل خرط بالاقمار الصناعية
وشايفهم في الموقع بتاعهم كابين انجليزي كثير خلاص..
تلك التحية يا باشمهندس
وحراام يا كوتشب بلد فيهو مهندسين مساحة درشهم كمال عبدى اللطيف وحسن فاشر والنويري والعلماء الكبار ديل يغرق في شبر موية ويخلو يلحق دفاع المريخ علي قولتك هههههه
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: نصار)
|
Quote: كيكي كل عام و انت بخير
ياخي قول مسطحة اتسطحت يوم نزلت المطرة ولا مسطحها من يومها؟
في مدن ارتفاعها تحت مستوي البحر و ما قاعدة تغرق
اللهم لا تآخذنا بما فعل السفهاء منا |
هلا يا نصار وتحياتي ياخي وتصوم بالف خير..
نقول شنو يا نصار مع البشرية النحريرة دي..
الظاهرة التسطيحة بتاعة الكيزان دي تسطحية من نوع عجيب ونادر الوجود
وما بتصرف الموية كلو كلو
| |
|
|
|
|
|
|
|
|
|
Re: حتي كنتور الخرطوم غيرتو يا الكيزان...!!!! (Re: Yousif A Abusinina)
|
Quote:
يا هندسة كنتور شنو
كل الدراسات ان الانحدار غيرو راى واصبح جنوبا
شمالا دى الدرسناها فى الكتب زمان بس الحقيقة غير كدة
كل شى فى زمنا اتغير اشمعن الانحدار ما بيغير !!!!!!!! |
هلا يا يوسف ورمضان كريم ياخي..
وبيني وبينك انا زاااتي الشلاقة علي شنو,,؟؟
بكون فعلا الانحدار ده غير الراي الفني بتاعو وقال يا زول انا كانحدار في دولة رسالية مفروض اكسح جنوبا..
..
ديل يا يوسف
مشكلتهم انهم برقصو وما بغطو دقونهم دي
| |
|
|
|
|
|
|
|
|
|
Re: وكنتور الاخلاق والقيم غيرهم واحد زيك (Re: Rawia)
|
Quote: بالله القصة الليلة قلبت (شفط) يا زهير
وطبعا مع الشفط ده بكون في شفوطات تانية حامياني وده فعلا خريف ابو سعن الشفطي..
بالله شوف.!!
|
سلام يا كيكى وتحايا
فعلا محاضرة مجانية
وتشكر عليها
والله الواحد بيدخل بوستاتك
اتكيف زاتوووووو
| |
|
|
|
|
|
|
|
|
|
Re: وكنتور الاخلاق والقيم غيرهم واحد زيك (Re: Siham Elmugammar)
|
صحي المابدورك يحدر ليك في الضلام
يعني يا كيكي مطرة الله دي ناس الحكومة مسعولين عنها
يعني لوما نفق عفراء ده اسع كان عرفتو شدة المطرة كيفن
لي بعدين اي مطر شمال الخرطوم رحمة وجنوبها رحمة
لكن ناس الخرطوم غسلت عنهم المطرة الرجس
والله قال خط كنتور
يا اخي المجاري القديمة ديل نهوها
تجي تفتش لي انهم يستعدو لي المطرة
حلم المتعافي تحقق عايز يعمل سد بين الخرطوم وحركة العدل والمساواة لانو ناس دارفور مابعرفوا يعومو
وحايعمل المجري ويكلف مليار دولار
بختو
| |
|
|
|
|
|
|
|
|
|
Re: (Re: Siham Elmugammar)
|
Quote: سلام يا كيكى وتحايا
فعلا محاضرة مجانية
وتشكر عليها
والله الواحد بيدخل بوستاتك
اتكيف زاتوووووو |
هلا يا بيير وشرفتي
واهو قلنا نسولف في الكنتور والغرق
والكيزان والارجاف الحكوميي
| |
|
|
|
|
|
|
| |
عبدالكريم الامين احمد
حيدر حسن ميرغني
mayada kamal
عبدالكريم أحمد الامين
khaleel
نجلاء سيد أحمد
أحمد الصديق
كمبورة
Osman Musa
Ahmed Elmardi
abubakr
زينب بدر الدين
أحمد الشايقي
عشة بت فاطنة
فيصل محمد خليل
مهيرة
osman abdala
زهير الزناتي
نصار
Yousif A Abusinina
Abdelmuhsin Said
Rawia
Siham Elmugammar
saif massad ali
فيس بوك
تويتر
انستقرام
يوتيوب
بنتيريست