دعواتكم لزميلنا المفكر د.الباقر العفيف بالشفاء العاجل
|
|
 ثلاثة خسائر في الارواح والمعدات الكيزانية اسفيريا....!!
|
في خلال الاسبوع الماضي شهدت الساحة الاسفيرية في سودانيز اونلاين ثلاثة قبضات ثمينة جعلت الخطاب الكيزاني في سودانيز يترنح وهو يتلقي ضربات كالصاعقة لم يستطيع تيمهم العامل هنا من امتصاصها
والدفاع عنها كما ينبغي ورغم محاولات ود الباوقة الخجولة الا ان القبضات الثمينة كان عصية..
1- موقف ليبيا
2- موقف افريقيا الوسطي من زيارة البشير
3- وامر بدرالدين اسحاق
وسنعود
|
|
 
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
الزيارة دي كان يتوقع لها ان تكون امتداد لزيارات البشير لدول الجوار الي جبل الخطاب الاسفيري الكيزاني ان يفاخر بها الامم... وفعلا بدات الاشارات ببوستات بشرت بهذه الزيارة وكان ذهابه الي ليبيا سيكون قبضة ثمينة تتيح مساحات وزمن واندياح ويرفع المعنويات الكيزانية الاسفيرية... ولكن ومع ظهور تلك الخبرية الليبية التي قضت علي الاحلام الكيزانية عموما والاسفيرية خصوصا...
اختفت نبرة الهييييييييييع
والدود النتر
واسد العرب...
وضخت بوستات تبشع في القذافي وتصفه باكثر ما وصف مالك الخمر..
وكانت جولة من الاحباط الكيزاني وقبل ان يتم بلعها اتت الضربة هذه المرة من نواحي بانقي والتخوم المجاورة لضواحي كافيا كنجي حيث افريقيا الوسطي وهذا ما سنعود اليه
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: المكاشفي الخضر الطاهر)
|
| Quote: يا أخي علق لينا على كلمة حمور زيادة دي لو سمحت |
هلا يا مكاشفي القوم وحبابك...
بدر الدين يدفع ثمنه لخطابه الاسفيري وبالذات في جزئية تصديه الواضح والكبير لامر (سرقة تروتسكي وهشام ادم).. واهدر حبر اسفيري كبير بنشاط ومثابرة في تلك الحملة فلذا ما نتوقع ان يتم تجاوز امره هذا باخوي واخوك (لانو ما ممكن علي رووس الاشهاد تحارب امر وفجاة كده تلقي تقوم تعمل نفس الشي)
فالقصة هنا بتكون فيها كركبة شديدة ودفع ثمن ...
....................
حسع انت يا المكاشفي ناسك الجبتهم في بوستك دااك لو كانو ايضا عملو كركبة زي بتاع بدرالدين
مع الشباب ديلك كان حسع خبرهم ايضا طلع في تولا
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: هناك موقف رابع سعدت به جدا ..
موقف لوم فيصل محمد خليل .. لم يحاول احد ان يبرر له رغم عداءات علاء الدين الكثيرة. |
هلا يا كابتن حمور
والاشواق مطر...
الحق خالك باللنك بتاع موضوع فيصل ده سريع ياخي لاني ما متابع
وخلينا نشوف الحال والاحوال فيه...
واما امر بدرالدين فهو ذو مشاهد ولقطات شتي..
فبدر الدين لاجدال من الاصوات الكيزانية المصادمة وعراب فسلفي وقادر علي اقتحام المقارعات حتي الفكرية منها...وفتح في الفترة الاخيرة جبهات طالت جهات شتي... الشيوعيين- حق- الليبرالي
بالاضافة الي الدارفوريين... بالاضافة الي تزعمه الحملة الكبري في امر السرقات(تروتسكي- هشام ادم)
كل هذه الكركبات هو ثمن وصدي لم ما يقوم وينادي به بدر الدين ولكن وبكلك من نواحي امريكا وفي عملية مشتركة ما بين كوستاوي وهشام هباني صار امره جللا ووقع في قمة المحظور... وسار بامره الركبان
افراد - احزاب.. مناوئي السلطة...
وتحياتي
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبد المنعم سليمان)
|
Quote: فكي اساقه جابها كبيرة يا كيكي
بس والله لو ما انت زول مايرنو وكدا كنت بقول ليك ابعد من دربو
الزول دا بسخطك ....
____
اظرف حاجة الامنجي اللؤو طلع الاعتذار زااااتو سارقو
يا حليل فكي مايرنو ال بروق المويه |
هلا يا بيجو
وبدر الدين اتي بامر جلل وسيعاني منه اسفيريا لوقت طويل مالم ياتي حدث كبيييير وعريض يخطف الاضواء
انقلاب
اختطاف البشير من قبل قوات اجنبية مجهولة
عودة المياه الي مجاريها ما بين الشعبي والوطني
او اي مصيبة كبري تخج المنبر البقي كلو فكي بدر الدين فكي بدرالدين
وناس صحبك بكري علوم ماشاء الله (خريف ابو عشرمية سعن كده)
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
مافي داعي للاعتذار يا مكاشفي ..
حبيت بس انبهك انو جملتي ما دفاع عن بدر الدين و لا ادانة ليو.
هي توصف للحصل.
وبما اني ما دخلت في مواضيع بدر الدين السابقة المدينة لافعال كهذه فلا معنى ان ادخل الان لادينه هو.
بعاين و اتفرج و بس.
يا كيكي..
امبارح محمد علي ابراهيم فتح بوست انو فتحي شيلا طلب من سكرتيرو يشيل كومشن طوالي بقيت منتظر فيديو علاء الدين مع سكرتير شيلا ليثبت انو ما اسمواسامة كما جاء في البوست.
بس الله ستر طلعت المعلومة منقولةمن الجريدة.
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: حمور زيادة)
|
Quote: يا كيكي..
امبارح محمد علي ابراهيم فتح بوست انو فتحي شيلا طلب من سكرتيرو يشيل كومشن طوالي بقيت منتظر فيديو علاء الدين مع سكرتير شيلا ليثبت انو ما اسمواسامة كما جاء في البوست.
بس الله ستر طلعت المعلومة منقولةمن الجريدة. |
المنبر يا حمور الinspectionفيهو بقي عالي جدا... واعتقد ده لانو بقي مقري ومحضور من الجهات البتجي اخبارها هنا ده عشان كده اي حاجة بتحصل او كلام ما دغري سريع جدا بتجي النجيضة
فعشان كده التمحيص والفلفلة والاكيدة بتظهر سريع جدا...
ود ابراهيم من الصعب يدقس وخطاب اسفيري متزن ماشاء الله وزول نجيضةتب
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: غايتو يا حمور زيادة سمعت بالمثل ال بقول : ال بتحبو تسمي سعيد وال بتكرهو بتسمي ق....
يعني انت ما بتدين الغلط الا لو فاعله اداخل معاك قبل كدا ؟
طيب وائل طه اتداخل معاك وين ؟ لما تصديت لمشكلته مع آخرين
حتى ظننت انك ستورث الموضوع . |
هلا يا بيجو
كركبة لا
دشمان لعع
انا اليومين دي عليب قولة الصادق عامل فيها مركب مكنة غاندي فبالله ما تخليني ابلع الغاندي غاندي بتاعتي كما بلع بدالدين موضوع السرقات
وكورة وااااتا بالله
البوست للفذلكة واي كركبة عضلات تبشششششششش
| |
|
|
|
|
|
|
|
|
 Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
كيكي يا طاعم!
بالله إتنين كرك وجيب أميرة من السودان وخليل!
أخونا بدر الدين دقس دقسة جامدة، تفوِّت الطيارة بعد ما تعمل الـBording bass، ويا ليته يجد مخرجاً لهذه الورطة العجيبة، وأتمنى أن لا يصعد ولا يفتح جبهات جديدة، حتى يترك أمره يمر بأقل الخسائر!
____
لكن زي ما ذكرت هي ضربة جامدة لقوى الكيزان بالمنبر وقد تفوق ضربتي ليبا وأفريقيا الوسطى..
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
اوووووووو .. صاحبنا بيجو حاملا لي غبينه صاحبو وائل ..
ههههههههههه
يا بيجو ياخ انا ما قلت تداخل معاي قبل كده او لأ ..
قلت ما دخلت بوستات بدر الدين الادانت تروتسكي و هشام ادم في السرقة فلا معنى لي انا ان ادخل الان لادينه.
الحاصل لبدر الدين اكبر من مجرد سرقة فكريه ياخ ..
دي فرقه .. و فرقه كعبه شديد.
و زي ما قلت اول هو تشفى في ناس و الان في ناس بيتشفو فيو. و كل زول عندو سببو في التشفي ده.
بعدين انا زول بمارس الكتابة .. لو دقست في مصدر او نفسي صغرت في لطشه اقول يامنو لو باريت فلان سرق و فلان نقل ؟
خليني في الضل عشان كان حصلت لي القى لرقبتي العذر و الناس تلقى لي العذر.
فوق كم الكركبه وفي غيرنا يكركبون ؟
كركبو يرحمكم الله .. فنحن لكم متابعون.
و برضو وائل غلطان يا بيجو .. خليو جيب محمد ناصر ده لو فعلا في محمد ناصر
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: حمور زيادة)
|
| Quote: و برضو وائل غلطان يا بيجو .. خليو جيب محمد ناصر ده لو فعلا في محمد ناصر |
بالمناسبة موضوع محمد ناصر وائل ومنال ده قون ممكن نعتبر الجناح المعارض دخلو في قوونو
زيو وزي قوون الثعلب الشهير في يووور..
لانو الطرفين محسوبين علي العمل الاسفيري المعارض..
وبالمناسبة بدر الدين ايضا كان نشيطا في نواحي تلك القضية عشان كده ناس صحبي بيجو ديل
حيملو(في موضوعو ده) عكاكيز اسفيرية لمن يستغيث
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: كيكي يا طاعم!
بالله إتنين كرك وجيب أميرة من السودان وخليل!
أخونا بدر الدين دقس دقسة جامدة، تفوِّت الطيارة بعد ما تعمل الـBording bass، ويا ليته يجد مخرجاً لهذه الورطة العجيبة، وأتمنى أن لا يصعد ولا يفتح جبهات جديدة، حتى يترك أمره يمر بأقل الخسائر!
____
لكن زي ما ذكرت هي ضربة جامدة لقوى الكيزان بالمنبر وقد تفوق ضربتي ليبا وأفريقيا الوسطى.. |
هلا يا تفة
والشوق زي كم سحابة كده راحلة علي مهل وقاطعة الاطلنطي...
وبالجد بت الشيخ استوحشناها بزراف بزراف (او كما قيل)....
وبدر الدين ده انا من قبيل ختيت نفسي في حتتو وقعدت افكر واقدر في حلول جذرية..
1- ياااااع من المنبر (دي صعبة ياااخ وسودانيز دسم وكاروشته في السماء وقاسية...وصعب كمان تفوت وتخلي زي ناس بيجو ديل ياكل لحمك لوووووووول)..
2-اواصل واعمل نايم (برضها قاسية ياااخ مع ناس بكري علوم الشابين للزول في حلقو ديل)
3- اجوطها واكركبها واقلب وا ط يها عاليها دي برضها صعبة مع ناس سودانيز النقتهم كثيرة وممنطقة ديل
4- اشتت الكورة عبر بوست وكركبة بت لذينة (واعتقد دي العملها بدر الدين في امر بوسته مع عادل العاطي ولكن برضو شكلو ماجايب مريسة تام زينووو)...
ياخي ده موقف صعب وقاسي وداير مخمخة تقيلة بالجد
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: وبدر الدين ده انا من قبيل ختيت نفسي في حتتو وقعدت افكر واقدر في حلول جذرية..
1- ياااااع من المنبر (دي صعبة ياااخ وسودانيز دسم وكاروشته في السماء وقاسية...وصعب كمان تفوت وتخلي زي ناس بيجو ديل ياكل لحمك لوووووووول)..
2-اواصل واعمل نايم (برضها قاسية ياااخ مع ناس بكري علوم الشابين للزول في حلقو ديل)
3- اجوطها واكركبها واقلب وا ط يها عاليها دي برضها صعبة مع ناس سودانيز النقتهم كثيرة وممنطقة ديل
4- اشتت الكورة عبر بوست وكركبة بت لذينة (واعتقد دي العملها بدر الدين في امر بوسته مع عادل العاطي ولكن برضو شكلو ماجايب مريسة تام زينووو)...
ياخي ده موقف صعب وقاسي وداير مخمخة تقيلة بالجد |
المتين في مخارجات بدرالدين:
1- حل لُغز وليد الخير وبو كرامي
2- إحضار صورة حقيقية للحبشي (على أن يعترف بها الحبشي)
3- كشف حقيقة مراويد
دا غايتو الأنا شايفو من متابعتي لبدر الدين
وسنتابع
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: Kostawi)
|
كيكي يا ابو آية
اولا البنية مبروكة و ان جات متاخرة
قلنا ننتظر اخوها بالمرة بدل المساسقة
لوووول
ثم من قال ليك بدرالدين خسر لا قدر الله
امرق غرفتك دي شوفوا ماخد موقع هجومي
كيف
يهاجم
و يقلب باكورد
و يهزر في امان الله
قلب صفحة الاعتذار بعدطوالي دخل في الالحاد
عيد حساباتك ما تخم الجماعة ساكت
| |
|
|
|
|
|
|
|
|
 Re: ثلاثة خسائر في الارواح والمعدات الكيزانية اسفيريا....!! (Re: نصار)
|
كيكي العظيم... سلامات
| Quote: ثلاثة خسائر في الارواح والمعدات الكيزانية اسفيريا....!! |
سعدت بكتابتك المتوازنة في وصف خسائر العدو اللئيم
وأسفت للوضع الذي حشر أخونا بدرالين نفسه فيه.. وقدرت إعتذازه عن جزئية السرقة
أما القضية الأساسية هنا هو عدم أعترافه بجريمة التحريف والتزوير لورقة سياسية
فالرجل نقل وحرف وزور أدبيات الحزب الوطني المصري وصورها كأنجازات مؤتمرهم اللاوطني
والمؤسف والمخجل حقاً أن يحاول البعض خلق أدبيات وأفكار سياسية لحزب مبني بكامله على السرقة
وهي بدأت بسرقة الوطن وإنتهت بنهب ثرواته.. فلا عجب لمثل تصرف بدرالدين هذا
لقد ظللت أبحث وأنقب عن ما بني عليه هذا الحزب الكرتوني فوجدت أن ديدنهم هو الخم واللفح
فلا أفكار ولا منفيستو ولا نهج سياسي ولا ثوابت ولا خلق ولا أخلاق ولا ذمة ولا همة
فالكل ينهب ويسرق ويتبجح بأنجازاه.. فيرفع ألى المراتب العليا والقيادية في حزبهم الهلامي
وهنا أؤكد لك بأن إكتشاف هذا الأمر سيرفع صاحبه لمرتبة أعلى وسيضيف له شأناً
سيعمل تنابلتهم على إصدار فتوى تتيح لهم سرقة الأفكار وتحريفها بما يتماشى مع سياقهم الدنيء
لعنة الله على هكذا حزب...
ودمت...
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: نصار)
|
| Quote: امبارح محمد علي ابراهيم فتح بوست انو فتحي شيلا طلب من سكرتيرو يشيل كومشن طوالي بقيت منتظر فيديو علاء الدين مع سكرتير |
حمور المستلب وسط الحلب
يا زول انا عملت حماية اسفيرية تقيلة :
اول حاجة من ناس كوستاوي ديل وجبت الرابط
تاني من علاء فيديوهات قلت الكلام ده من كتاب دكتور عبدالرحيم يعني لو في فيديو يرسلوهو لزولهم الدكتور وانا اتفرج شمتان لوووووول
تصدق يا حمور اول مرة كتبت العنوان وفيهو اسم فتحي شيلا وبعد ما شفت الحصل لفيصل صالح مسحتو قلت بعدين سيد الكتاب لو قال انا كنت قاصد ادوارد لينو (ما كوز عادي ممكن ينط من كلامو) امشي وين انا
يعني لو فيصل صالح كتب العنوان بدون الاسم ما كان جاتو عوجة
| |
|
|
|
|
|
|
|
|
 Re: ثلاثة خسائر في الارواح والمعدات الكيزانية اسفيريا....!! (Re: ود الباوقة)
|
Quote: بالسوداني دي الا اقوقل واجازف لي كلمة كلمتين من القوقل ايرث
ولو اديتني الاذن والامان ح ارشك سوداني لمن تصيح الديوك..
لانو بصراحة قالو انت اليومين دي
حاااااااااااااااائم
|
كيكي التفكيكي الله يسعدك ياخ
قراية التحليل بتاعك عقب المعارك والمباريات أجمل من متابعتها لايف
ـــــــ
البنية مبروكة وتتربى في عزكم ..
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: سفيان بشير نابرى)
|
هلووووووووووو هلوووووووووووو كيكي
تعرف الهيلمات دي خلت خشم الغبش ملح ملح
بالله ي معارضة وحكومة؟
الفرق شنو؟
مشكلة الكيزان هنا عايزين يعملو مهذبين شديد
وناس المعسكر الاخر مارقين ليها متمولصين من جنسو ادب او احترام ذات
اكاذيب وانحطاط وبهت وقلع غير البذاءة الكميات
والا تحول هذا البورد الى حيطة مرحاض في مدرسة اولاد متوسطة
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: الصادق يحيى عبدالله)
|
يا كيكي ..
أنا من أنصار اللعبة الحريفة ..
يعني بتاعين الثابتة ..
واكتر من مرة قلنا اليدو خفيفه ما يرسلوهو الدكان .. عشان ما تقع منو القروش ..
لذلك ..
بدر الدين اسحق دقس واعتذر .. ربما تكون دقستو مقصودة والاعتذار فيها مقصود برضو يعني ضربة معلم .. عشان يورط المزيد من المعارضين وفي الحالة دي يسمى بشيال التقيلة ..
لكــن..
رايك شنو في دقسات المعسكر الشرقي .. الواحد يجيبه ليك ضقله يكركب .. ويختها ليك ضقله يكركب كراكيب شديدة .. وتوديهو (الرج) يعمل ليك فيها رايح .. يا يشد ليك قــدة من مافي ..
والله عجبني ليك بوست .. الضحية دافن دقن ومنتظر الارشيف بي فارغ الصبر . ومن الجانب الآخـر قوى الضغط .. ضاغطة وبتقدم في استئناف شديد اللهجـة .
مفروض بكري في الحالة دي يعمل مكتبة وفي نهاية كل أرشيف نجيب مراجع قانوني يحسم لينا أمر الكركبة دي
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
كيكي سلامات
التحية للمناضل فيصل خليل و العار لاذناب الكيزان في المنبر
Quote:
و بخصوص الكوز و حرامي الاسافير الامنجي بدر الدين
ويسال البعض ان كان يحق له العضوية والحوار!!! عجبي!!
لا غرابة ان اتت الدعوة من الكيزان والمنتفعين..ولكنها تاتي من بعض الاخوة الكرام الذين يفترض انهم معارضين لنظام الحاكم!!...
اقول لهؤلاء الاخوة الشرفاء ان الحديث عن الحوار مع هذه العينة من البشر
لا تعدو ان تكون ترف فكري لمثقفاتية لم يتعاملوا In reality مع هذه العينة
لست ارى فائدة من المداخلة او حتى قراءة البوستات (التطمم البطن) لاذناب
السلطة بالداخل والخارج...لاعتقادي بان غالبيتهم يؤدون دور مرسوم لهم و الحوار مع البقية منهم لاتعدو ان تكون حوار طرشان لايؤدي اي غرض.........
فما بالك بمن عذب وكمم الافواه... بالله فيم يكون الحوار! ليحدثنا عن الطرق
المخزية لانتزاع اعتراف!!ام ليحكي لنا كيف امتهن كرامة وعذب انسان اعزل..
ام لتسليتنا كيف فلان او علان جثا على ركبتيه تحت سياط التعذيب يطلب الرحمة!!...ام عن طرق التخلص من جثة من مات تحت التعذيب!!!!.....
سادتي...اذا كانت الديمقراطية تعني الحوار مع من اجرم بدل محاكمته.....فمرحبا بالدكتاتورية!!!!!!! |
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: - موقف ليبيا
2- موقف افريقيا الوسطي من زيارة البشير
3- وامر بدرالدين اسحاق
|
لا حولااااا
يا كيكى ياخى و الله العظيم دا توراد خواطر و تطابق شر عديل. تصدق بالله العظيم امس داير افتح لى بوست عن بنفس الفكرة احصر فيهو الخسائر الكيزانية دى … و اقول للجماعة كفارة، كنتا داير امشى ارجع للروابط بتاعت بوستات واصل عن البشير فى الايام الفاتت كانت قاسية عليهم. اضف لذلك كارثة الفكى بدر الدين اٍسحق راجل الشعبية. يا زول انتا اتهمتك بسرقة افكارى عبر القارات و اطالب بتعويض.
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: خالد العبيد)
|
سلامات كابتن كيكي
آمال حريات دا قوون راسو عديل لو ما حسبتو حتحصل كركبة اسفيرية و هتافات تحكيم فاشل وكدا وياقول ابوجريشة لا نضمن السيطرة على الجماهير
اما بكية خالد ابواحمد فدي زي النقطة التالتة في حالة التعادل تمشي للحكم و الجمهور و تحسب لصالح اللعبة الحلوة
لأنو التيمين ناكرينو
متابعين ياقول الصادق
| |
|
|
|
|
|
|
|
|
 Re: ثلاثة خسائر في الارواح والمعدات الكيزانية اسفيريا....!! (Re: abubakr salih)
|
كيكى يا هندسه ..
" امبارك علينا تنظيم كاس العالم "
كلام تمبس الجاى ده مهم جدا, ممكن يقلب الطاوله وكذلك الهوبه
| Quote: بدر الدين اسحق دقس واعتذر .. ربما تكون دقستو مقصودة والاعتذار فيها مقصود برضو يعني ضربة معلم |
والمعنى والدقسه المقصوده هى سرقة المواضيع فى دردقه واضحه لكوستاوى عشان يكشفها ..
ان كانت كذلك, فيبقى موضوعنا استحم عديل كده ..
أخوك شات فى الموضوع ده 3 مداخلات شرقيه تسر المناضلين ..
بعد كلام تمبس حقو الواحد يلبد ..
تحياتى يا هندسه
ولتنبس ولعله بالف خير ..
..
تعرف موضوع ليبيا ذاتو أحتمال يكون مقصود 
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: محمد حيدر المشرف)
|
هلا يا كابتن
ارجو ان لا يكون الاستديو قاصر على تحليل المباريات الاخيرة الوردت في العنوان فقط
عندي ملاحظة على ما يعرف بمباراة داخل مباراة و الباكات القاطعين النوع البمسك في رقبة الجناح بتاعو التسعين دقيقة لحام ستلين بس
الايام دي متألق الباك صلاح الفكي مع الجناح ابو احمد واقع بيه الواطة تمام و قاطع عنو الموية و النور
كذا الحال مع الفاضل سبيل و الجناح حسن سنادة و يبدو انو الفاضل نجح تماما في اخراج سنادة من جو المباراة - شايف سنادة بقى يشلت
الباك ابو حسين بدا مباراته الخاصة مع الجناح بيجو لكن يبدو ان لياقته لم تسعفه لسرعة بيجو بالإضافة لتحيز الحكم
فشكلو ابو حسين ترك المان تو مان و اكتفى بالزون دفنس مع بقية التيم
و في مباراة من نوع خاص بين الباك عمر فضل المولى و الجناحين تراجي وملاسي و شكلها متكافئة من ناحبة اللياقة - تقرأ اللواقة -
لكن يلاحظ لجوء فضل المولى للعنف الغير قانوني كثيرا و مسك الفانلة وفقدان المنطق مما قد يعرضه للكروت
نواصل
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: حامد محمد حامد)
|
Quote:
سوف ياتيك كل غلمان الجبهة و صبيان الانتباهة
الرجاء تجاهلهم
و بخصوص الكوز و حرامي الاسافير الامنجي بدر الدين
ويسال البعض ان كان يحق له العضوية والحوار!!! عجبي!!
لا غرابة ان اتت الدعوة من الكيزان والمنتفعين..ولكنها تاتي من بعض الاخوة الكرام الذين يفترض انهم معارضين لنظام الحاكم!!...
اقول لهؤلاء الاخوة الشرفاء ان الحديث عن الحوار مع هذه العينة من البشر
لا تعدو ان تكون ترف فكري لمثقفاتية لم يتعاملوا In reality مع هذه العينة
لست ارى فائدة من المداخلة او حتى قراءة البوستات (التطمم البطن) لاذناب
السلطة بالداخل والخارج...لاعتقادي بان غالبيتهم يؤدون دور مرسوم لهم و الحوار مع البقية منهم لاتعدو ان تكون حوار طرشان لايؤدي اي غرض.........
فما بالك بمن عذب وكمم الافواه... بالله فيم يكون الحوار! ليحدثنا عن الطرق
المخزية لانتزاع اعتراف!!ام ليحكي لنا كيف امتهن كرامة وعذب انسان اعزل..
ام لتسليتنا كيف فلان او علان جثا على ركبتيه تحت سياط التعذيب يطلب الرحمة!!...ام عن طرق التخلص من جثة من مات تحت التعذيب!!!!.....
سادتي...اذا كانت الديمقراطية تعني الحوار مع من اجرم بدل محاكمته.....فمرحبا بالدكتاتورية!!!!!!! |
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: حامد محمد حامد)
|
Quote:
تسجيل حضور وتساؤل عن دور وزير الخارجية والدبلماسية السودانية في الاحراجات المتتالية للرئاسة
هذه دولة تفتقد لآليات المحاسبة وأدبيات الاستقالة |
هلا يا ود الشايقي وحبابك
والدبلماسية السودانية ذبحت في نواحي بانقي وحواف طرابلس
وهذا عهد ناس كمال حسن علي وعلي كرتي صحبي الانا من زمااان عارفو يوم من الايام حجييب ضقلها يكركب
واقادم احلي يا صديقي والغريق قدام
----------------------
Quote: المتين في مخارجات بدرالدين:
1- حل لُغز وليد الخير وبو كرامي
2- إحضار صورة حقيقية للحبشي (على أن يعترف بها الحبشي)
3- كشف حقيقة مراويد
دا غايتو الأنا شايفو من متابعتي لبدر الدين
|
هلا يا الصادق وحبابك يا متابعة..
والملفات دي كلها بدر الدين عشان يصل ليها ح يتلتل تلتلة اخير منها تلتلة امس والليلة دي
1-ملف مراويد في يد المدعو ملاسي (لوووول) ومابين ملاسي وبدر الدين ما صنع الحداد في الخشب
2 ملف بوكرامي جزء كبير منه في ايادي هشام ادم وبدرالدين وهشام ادم بعد الاحداث القديمة
في ركشة ما بركبو سوي
3- صورة الحبشي حتي لو جابها ما بضمن ليك اعتراف الحبشي
--------------------------------------
هلا يا كوستاوي
Quote: ياخ بدر دا عارفنو من قبل 5 شهور
و سارق من أكتر من 15 محلة..... |
يا النبي نوووووح الحافظ اللوح
...صحبك هباني عملها وحقق اوسكار (نجاض قبورة) القادينا بيهو من زمن ما حفروا المنبر ده...
--------------------------------
Quote: قلب صفحة الاعتذار بعدطوالي دخل في الالحاد
عيد حساباتك ما تخم الجماعة ساكت |
هلا يا نصار والف شكر علي التباريك في ابنتكم اية
وبدر الدين لاعب ماتش كبير ولايزال في كاس مقاومته باقي
والله يقدر بكري علوم وبيجو وبقية رهط التمشيط
... وياريت ياااخ المقاومة العشرين فولت دي تجيب ليهو مريسة تام ويصبر علي الابتلاء ده
وسنعود
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: لقد ظللت أبحث وأنقب عن ما بني عليه هذا الحزب الكرتوني فوجدت أن ديدنهم هو الخم واللفح
فلا أفكار ولا منفيستو ولا نهج سياسي ولا ثوابت ولا خلق ولا أخلاق ولا ذمة ولا همة
فالكل ينهب ويسرق ويتبجح بأنجازاه.. فيرفع ألى المراتب العليا والقيادية في حزبهم الهلامي
وهنا أؤكد لك بأن إكتشاف هذا الأمر سيرفع صاحبه لمرتبة أعلى وسيضيف له شأناً
سيعمل تنابلتهم على إصدار فتوى تتيح لهم سرقة الأفكار وتحريفها بما يتماشى مع سياقهم الدنيء
لعنة الله على هكذا حزب...
|
حبابك يا محمد يس ومرحب بيك يا صديقي الجميل..
وموسفة هي الفعلة التي اتي بها بدر الدين والموسف الاكبر كونها ورقة من الاوراق التي كتبت من اجل حزب من الاحزاب وهذه الفعلة تمثل بالجد قمة التسيب الفكري والاستهتار بالعقل والتفكير والمقدرة علي صناعة ادبيات حزبية والاجتهاد فيها...
وانه زمن اللتيق لتيق يا محمد
ولكن الله في
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
الاخ كيكي
تحياتي ياهندسة
ورغم موالاتك لجماعة الحزب الشيوعي واهل اليسار التي تقدح في حيادية احكامك لاننا لم نعهد منهم تجرد ونصيحة ضد توجهاتهم طيلة تاريخهم السياسي المشحون بعلافات الفشل والنكسات والنكبات
الا ان اسلوبك الشيق في الكتابة والسرد مع مجانبتك لبعضهم ممن مردوا علي سؤالاخلاق وساقط القول تجعلني لااخفي اعجابي بكتاباتك ومتابعتهها مثل اعجابي بكتابات الكثيرين هنا وان لم اري داع للتداخل احيانا
وعليه فان الاحكام الموضوعية تقتضي ان نقارن موضوع بدر الدين اسحق مع فيصل خليل ونجد ان الاول اخطأ واعتذر والثاني اخطأ ولم يعتذر
فالانصاف يقول ان النتيجة هدف لكل وباحتساب الاعتذار مساويا للهدف في ارض الخصم يكون فريقنا فائزا ولكن ازدواجية معايير البورد تمنعنا من هذا الحق كما منعتنا من قبل ازدواجية معايير السياسة الدولية وتوابعها المخززية من اليسار الحديث من الفوز في انتخابات الجزائر وتم تاييد الانقلاب هنالك بحجج لاتستند الي معايير عادلة وفي نفس الوقت يعاب علينا انقلاب الانقاذ الذي جاء لقطع الطريق امام انتصار الحركة الشعبية ومشايعيها من انصار الخذلان
اما موضوع ليبيا وافريقيا الوسطي مع مواقف الدولتين الثابتة والمعلنة في رفض قرارات مايسمي بحكمة الجنايات الدولية الجائرة وارجوالا تنسي فضيحة المحكمة الدولية حول اغتيال الحريري واتصالات قضاتها مع السفارة الامريكية ببيروت مقروءة مع تسريبات دعوة وزير الدفاع للبناني لاسرائيل بضرب حزب الله وربط كل ذلك
بزيارات البشير الي كل من تشاد وكينيا وهما دولتين عضوتين فيتلك المحكمة
مع زياراته لكل من مصر وليبيا عدة مرات وارتيريا والسعودية وقطر واثيوبيا
مع مواقف الدول العربية والافريقية في القمتين والقمة الافريقية العربية مؤخرا والتي تقف كلها في صف السودان والرئيس البشير فان النتيجة تكون اكثر من اهداف الوحدات الاردني في المريخ
وعليه فان التقرير النهائي
no case
ولكن كما عودنا التحكيم في كثير من المباريات تكون النتيجة لاتعبر عن مجريات المباراة !!!!!!!!!!!!!!!!!!!!!!!!!
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: علاء الدين يوسف علي محمد)
|
كيكى ..
* بالله احسب لى بوست ممكن جدا افتحو, الا ما عندى ليهو زمن
* فكرتو رصد ردود الفعل بتاعت الجماعه ..
* وتحديدا الكان تأمينهم الاسفيري عالى جدا ..
* فقدو المنطق يا كيكى ..
* فقدو الحس الامنى العالى ..
* وقام الموضوع حرقم ..
* حرقم شديد ..
* وما انسترو ..
* لانو حرقم جوووه ..
* اها ..
الكلام ده نحن عارفنو وراصدنو وممكن نحللو من مداخل شتى
* " شتى " بالشين يا فرده
* اهمها انو الثبات الانفعالى عند اللاعب الاسفيري مهم جدا ..
* الفكر الاحترافى مفقود تماما ..
* معقوله يا كيكى التيم كلو جاري ورا الكوره ويكورك
" اردم أردم يا علاء "
* يعنى علاء كان نام ساكت الردم حيقيف ..
* هم ما يردمو براهم
* الردم ده الصعب فيهو شنو؟!
* ما ردم !
* اعمل فيها ما عارف واردم ..
* يقول ليك اى كلام ما تسمعو .. واردم تانى
* غايتو للضمان كده كلامى ده منقول
* اتأثرت بالجرايد الرياضيه فى الهتر ..
* Abu Alqasim Muzamil et al (october 2010)1
* وانوه انو جميع مداخلاتى خلال 2011 منقوله
* وحتى 2022 ان مد الله فى الآجال
المراجع ..
1- صحيفة الصدى الرياضيه, الصفحه الاخيره, مزمل ابوالقاسم اكتوبر 2010 العدد 867
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: محمد حيدر المشرف)
|
Quote: سلام يا كي كي
حذفناهو عشان ما يقولو
بنشتت الكورة وكدا
لكن 3/2 دي يعني التلاته الغلاااااد
ولا ياتن!!؟ |
هلا يا سفيان
وشوق السحابة والله..
والثلاثة الغلاط دي ما فرزتها يا سفيان ولكن للضمان كده الكورة دي في اشاعة انها درنت
وكشكر لي كوستاوي ده بالله واقول ليهو اصحي يا كرمبا...
--------------------------
هلا يا بيان وحبابك ياخي
Quote: تعرف الهيلمات دي خلت خشم الغبش ملح ملح
|
والمنبر اليومين دي ماشاء الله عامر بما لذا وطاب من الكركبات
والمولاة والمعارضة لاعبين ماتشات اي لايييييييييك علي قولة ناس الفيس بووك
----------------------
Quote: بوست اكثر من رائع لمحاولته تقييم ما تم دون تجريح للاخر. اعتذار الاخ/ بدر يعني بالضرورة (المنطقية) اقراره بخطئه، الامر
الذي أرجو ان يفيد في تخفيف الحكم عليه. |
سلام يا الصادق وحباب ناس الاداب
والف شكر علي العبور والاعجاب بالبوست..
----------------------
| Quote: بدر الدين اسحق دقس واعتذر .. ربما تكون دقستو مقصودة والاعتذار فيها مقصود برضو يعني ضربة معلم .. عشان يورط المزيد من المعارضين وفي الحالة دي يسمى بشيال التقيلة |
لوووووول يا تمبس
ودي مراقة جهنمية ولو لقت مولاتي داس فيها ابنص ممكن يقنع بيها براااااحة القارئة (علي قولة طلعت الطيب) زيها وزي مكنة الصهيونة العالمية ...
وحكاية المعسكر الشرقي دي بيني وبينك عوقتني انا زاااتي كمناتل اسفيري فعشان كده بالله ارفع عنها القزاز واعمل حمييييييل يااااخي
------------------------
Quote:
مشكلة بدر الدين جابها في وقت كانت فيهو سودانيز تمر بركود كركبائي
والناس فايقةاسفيريا دا غير ما سبقها من محاكم اسفيرية نصبها بدر الدين لذات الغرض
|
هلا يا حمد وحبابك
وفعلا الحكاية دي جات والسوق الاسفيري مكشوف والكلكات كانت كسوووووولة وفجاة كده اتفتقت وجبة دسمة وشمار رهيبة
وصحيح الكيتة دي وقفتها دايرة ليها جمعة جمعتين كده مالم ياتي امرا جلل.. او يعود صديقي وهبة من غيبته ويمارس اللعب الضاغط ويشتت الكورة
----------------------------
Quote: التحية للمناضل فيصل خليل و العار لاذناب الكيزان في المنبر
|
هلا يا دكتور
وايامك يا دكترة اليومين دي خاتين انقاذ مافيا قانق في كورنر اسفيري
وهاك يا ام دلدوم
-------------------
Quote: لا حولااااا
يا كيكى ياخى و الله العظيم دا توراد خواطر و تطابق شر عديل. تصدق بالله العظيم امس داير افتح لى بوست عن بنفس الفكرة احصر فيهو الخسائر الكيزانية دى … و اقول للجماعة كفارة، كنتا داير امشى ارجع للروابط بتاعت بوستات واصل عن البشير فى الايام الفاتت كانت قاسية عليهم. اضف لذلك كارثة الفكى بدر الدين اٍسحق راجل الشعبية. يا زول انتا اتهمتك بسرقة افكارى عبر القارات و اطالب بتعويض. |
هلا يا علوم وحبابك يا كركبة
واليومين دي ماشاء الله اللياقة عالية وذكرتنا منقستو عندما كان في النيل قبل الهلال بحوووم الميدان بكراع كديس
هنا كععععع وبهناك كرععععععع..
ونعم لقد لطشنا وركبنا موجة اللطش الاسفيري التي سارت ولاتبالي بالرياح
---------------------------------
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
سلام يا كبتن
انا لا اتفق مع محاولات راس الحربة علاء الدين في ادعاء الدرون .. فالمباراه لا تحسب اهدافها الا بالاهداف الغلاد غلاد ..
فاقوان من قون خالد ابو احمد رغم قوته الا انو يحسب على خالد اكثر مما يحسب على اتجاه .. بدليل عدم وجود كركبه تاليه للموضوع.
و كذلك قون مكي الاخير حتى الان.
فمحاولة توسيع دائرة اهداف المباراة لتشمل البلع العام ستؤدي الى تشتيت الجهود وكسر متعة اللعبة.
يأتي الكيزان بمكي اسيرا في فيديو قديم فيقدم المناضلون محمد فرح متهما في قضية الكهربا.
لا لا لا .. كده بيضيعو زمنا ساي.
عليه اظن ان الكركبات الكبيرة تظل ما ذكرته انت دون التفات لمحاولات رأس الحربة و عمر صديق للضغط على الاستديو.
مع متابعة شلاليت وائل- ناصر فواضح انها ستقلش و تجيب قون في قوى المعارضة.
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: osman abdala)
|
Quote: موضوع وائـــناصرـــــــــل
حيكون دائما كركبة كل المواسم لانه وصل القانون
وعمل هنا جقلبة كبيرة بين بني شيوع
ول1لك لا تفوتها اي كركبة اخرى |
هلا يا بيان
وموضوع محمد ناصر او كما اسميناه (قون الثعلب) ده موضوع لسع فعلا فيهو كركبات قادمة..
وبالمناسبة موضوع طلال عفيفي ممكن نشبهو بالكورة الحاور فيها اللاعب(عندما كان زعلان من ادارة فريقه ) حاور فيها كل الدفاع
والحارس وختا الكورة في خط المرمي.. ومشي اللاين وقال للاداري جيبو الفكي بتاعكم يدخلها..
فكورة طلال عفيفي كانت قاعدة في اللاين وما لاقية زول يجي يدخلها في القون
او يطلعها كورنر او يشيلها ويفرتق..
لا طلال عاوز يجي يششششوت
ولا الفريق الخصم عاوز يجي يشووت
ولاتزال الكورة معلقة في هذا الفضاء الاسفيري العريض وتترنح ذات اليسار ثم ذات اليسار
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: آمال حريات دا قوون راسو عديل لو ما حسبتو حتحصل كركبة اسفيرية و هتافات تحكيم فاشل وكدا وياقول ابوجريشة لا نضمن السيطرة على الجماهير
اما بكية خالد ابواحمد فدي زي النقطة التالتة في حالة التعادل تمشي للحكم و الجمهور و تحسب لصالح اللعبة الحلوة
لأنو التيمين ناكرينو
|
هلا يا عمك
وطبعا موضوع امال باقات او اي كان اسمها
كنت ناوي ارش بيهو بيجو في بدايات هذا البوست لمن شفتو عاوز يكركب مع حمور
ولكن فجاة كده خفت من لينين (او كما قال شوقي بدري)..وعدلت عن رش صديقي الاسفيري المتهم بالامر الامالي الباقاتي بيجو لوووووول..
--
الموضوع فعلا فيهو دخنة اشواقها ذاهبة الي نواحي بيجو ولكن مافي اثبات وادلة جنائية عشان كده
حكاية انو يتعدي قووون دي صعبة ولكن ممكن نعتبرو باكورد اربع لساتك فووق وكورة دقت في العارضةو لو لقت شوية انحراف ممكن تخش قووون
--
خالد ابو احمد
شكلو كده حيكون (رفائيل عيسي) او اي كان اسمه الزول الكان بدخل اقوان في فريقه بتاع جنوب افريقيا دااك
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: محمد حامد جمعه)
|
Quote: طبعاً يا كيكي نحنا ناس تخفيف الأحكام والظروف المصاحبة وكدا,
لكن ياخي فتشنا كل الاسباب المخففة (الزول محمول .. مفصول تعسفياً .. ) كلها ما لقينا سبب مخفف,
لأنه عمك عادل عبد العاطي وجد إنه الموضوع دا مش مرة واحدة ولا مرتين ولا تلاثة
ياخي اللفح دا كتير خلاص
|
هلا يا ود الشايقي
وعادل عبدالعاطي ده بالذات انا طالبت بالية بدس البوست منه ولكن صيحاتي بقت مثلها ومثل صيحات
بوست المكاشفي مافي زول قال لي كيلو الالية بكم.. لحدي ما عادل جاء طلع القديم وجديد
والكركبة ولعت وعجاجها الان في السماء
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: abubakr salih)
|
كيكي يا كابتن Quote: وبالمناسبة موضوع طلال عفيفي ممكن نشبهو بالكورة الحاور فيها اللاعب(عندما كان زعلان من ادارة فريقه ) حاور فيها كل الدفاع
والحارس وختا الكورة في خط المرمي.. ومشي اللاين وقال للاداري جيبو الفكي بتاعكم يدخلها..
فكورة طلال عفيفي كانت قاعدة في اللاين وما لاقية زول يجي يدخلها في القون
او يطلعها كورنر او يشيلها ويفرتق..
لا طلال عاوز يجي يششششوت
ولا الفريق الخصم عاوز يجي يشووت
ولاتزال الكورة معلقة في هذا الفضاء الاسفيري العريض وتترنح ذات اليسار ثم ذات اليسار |
بمناسية قون طلال و قلشة خالد ابواحمد حقو تحدد المتبارين بالضبط منو عشان الحساب ما يروح ساي
في اكتر من مباراة مدورة
بتاعة وائل / ناصر/ طلال ليست بين الظلاميين و المستنيرين بل بين فريقين مستنيرين و الكيزان مشجعين اللعبة الحلوة مرة هنا و مرة هنا
كذا الحال موضوع استقالة طلعت و مركز الخاتم عدلان
المباراة الحقيقية بين الشيوعيين و الشيوعيين السابقين بشقيهم الليبرالي و الحقاوي
بدر الدين كان يقود التشجيع من المدرجات
و صلاح البندر في الفاينل راجي المتأهل فيهم
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: محمد البشرى الخضر)
|
سلام يا المشرف| Quote: القون بتاع امين خال حمور ده الواحد يشوفو وين ؟! |
بالرغم من انو امين ما عندو علاقه بالكورة لكن جاب ليه قون بدون ما يقصد
و دا راجع لانو الحارس شعيرية اكتر من اللازم و مرقاتو كلها غلط
الاتحاد الافريقي لغي المباراة, و دي كويسة مع الرشاشات
لانو الجهاز الفني للوصيفاب حيمدد عقدو مع الحارس لي كم موسم
و دا بسهل لي اي مهاجم من مهاجمي الرشاشات انو يجيب قون بالساهل
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: عبدالكريم الامين احمد)
|
Quote: والمعنى والدقسه المقصوده هى سرقة المواضيع فى دردقه واضحه لكوستاوى عشان يكشفها ..
ان كانت كذلك, فيبقى موضوعنا استحم عديل كده ..
أخوك شات فى الموضوع ده 3 مداخلات شرقيه تسر المناضلين ..
بعد كلام تمبس حقو الواحد يلبد ..
تحياتى يا هندسه
ولتنبس ولعله بالف خير ..
..
تعرف موضوع ليبيا ذاتو أحتمال يكون مقصود |
هلا يا دكترة وحبابنا كلنا في دوحة 2022 ومبروك والله...
والعمل الكوزي الظاهر عليهو كورتوو فقد التنسيق والكارزيما لانو المراقة القالها تمبس دي
لو السيدح عمل بيها بوست وبرك معاه ود الباوقة وجاهم الشفيع وعمل ليهم اسناد من الخلف
واوكل لصحبي المكاشفي جيب الكورة من بررررره ودعمهم مولانا عصام دهب في الافتاء والتوجيه المعنوي
صدقني بدر الدين ده كان طلع من الموضوع ده زي الشعرة من العجين
-----
ويا حليلك يا محمد حامد جمعة ياخي يااااخي
| |
|
|
|
|
|
|
|
|
|
Re: ثلاثة خسائر في الارواح والمعدات الكيزانية اسفيريا....!! (Re: د.نجاة محمود)
|
حسبو ..
كيفك وكيف كيفك آ زول
Quote:
بالرغم من انو امين ما عندو علاقه بالكورة لكن جاب ليه قون بدون ما يقصد
و دا راجع لانو الحارس شعيرية اكتر من اللازم و مرقاتو كلها غلط
الاتحاد الافريقي لغي المباراة, و دي كويسة مع الرشاشات
لانو الجهاز الفني للوصيفاب حيمدد عقدو مع الحارس لي كم موسم
و دا بسهل لي اي مهاجم من مهاجمي الرشاشات انو يجيب قون بالساهل |
اولا شكرا للاصدقاء فقد مدونى بتسجيل واضح جدا للمباراة ..
ذكرتنى مباريات المريخ فى الدور التمهيدى لكاس السودان ..
ودكتور أمين خال حمور زول عريق فى الاستناره, ويحسب من اعمدة الاستناره الراسخه بالمنبر ..
وود اختو كذلك الى حد ما ..
المعسكر الشرقى لم يشارك بفاعليه نسبه لصغر حجم المعركه ونتيجتها المحسومه سلفا ..
ولوجود المنافس خارج دائرة الاهتمام ..
عموما يحسب للاستناره 3 نقاط سهله ..
ورصيد أخلاقى إضافى لعدم انتهاز الفرص الصغيره
تحياتى ..
| |
|
|
|
|
|
|
| |
عبدالكريم الامين احمد
حمور زيادة
khaleel
المكاشفي الخضر الطاهر
Kostawi
عبد المنعم سليمان
Yassir Tayfour
أحمد الشايقي
الصادق اسماعيل
نصار
Mohamed Yassin Khalifa
محمد إبراهيم علي
نيازي مصطفى
سفيان بشير نابرى
الصادق يحيى عبدالله
tmbis
حمد عبد الغفار عمر
Mustafa Mahmoud
abubakr salih
خالد العبيد
محمد البشرى الخضر
البدري عبد الله
حسبو عكاشة
محمد حيدر المشرف
الصادق ضرار
AnwarKing
حامد محمد حامد
عمر صديق
عبدالله شمس الدين مصطفى
osman abdala
محمد حامد جمعه
خالد عبد الله محمود
الوليد الرشيد وراق
فيس بوك
تويتر
انستقرام
يوتيوب
بنتيريست