|
|
 اطلع بررررررره يا قبلوس...هكذا صاح الفكي عبدالرحمن قوقل...!!!
|
عقب تسلمه لشهادة التخرج من جامعة زينة وكانت عاجبة كل الناس والاهل وفي ذات مساء موشح بجو خرطومي زارته نسمة علي غير العادة حس (ادم) بحركة ترتيبات (مرقة) غير عادية لكل افراد ذلك البيت المتجانس
الام والخالات وبعض الاخوال الذين هبطوا بسماء الخرطوم كتجار بقر يبيعونها في سوق المويلح واسواق الخرطوم العديدة...
البسو يا جماعة وخلونا نحصل (فكي عبدالرحمن قوقل ) قبل صلاة المغرب ..
|
|
 
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: عبدالكريم الامين احمد)
|
كان اسم الفكي (عبدالرحمن قوقل) هو كلمة السر التي انتشرت كما النار في الهشيم في تلكم اللحظة بين
كل كراكير وجنبات ذلك المنزل..
في المطبخ تسمع النساء يغسلن اخر الصحون سريع سريع حتي يتم لهن باللحوق بالموكب المتحرك صوب (عبدالرحمن قوقل)..وفي الديوان وغرف اخري من غرف ذلك البيت العديدة كل التجهيزات والتسريحات
والتمشط السريع سريع كانت تصب في خانة لحوق المسير الي عبدالرحمن قوقل...
ويا ادم شنو راقد وعامل فيها ماسامع...انت حتمشي معانا يا ولد لشيخ (عبدالرحمن قوقل*)
| |
|
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: عبدالكريم الامين احمد)
|
صدور تعليمات عليا من سلطات اسرية لا يستطيع (ادومة) تكسيرها رغم عناده وقوة راسه الا انه سريعا
ما خضع لهذه الاوامر التي اتت من عدة جهات نافذة في ذلك البيت...وقبل ان يتامل (ادم) في كهنة عبدالرحمن قوقل وجد نفسه راكبا في جموع المتحرك صوب الفكي ...في اخر البوكسي الكاشف 78
وليجد ادم بين هذه الجموع التواقة بشغف للذهاب الي (فكي عبدالرحمن) سارحا في جدل ونقة وهو الخريج الحديث من مركز يعني بالعلوم ولا يومن بالقوي الخفية...
وطلت عدة اسئلة.
فكي..؟؟
وقوقل كمان..؟؟
ولماذا هذا التكالب والشغف للذهاب اليه
وجدل اخر سريع عن استغلال الدين والشعوذة
وجدل عن ما ورا الطبيعة والعلم اللدني
ووسط كل هذه السحب والدخاخين التي وشحت راس ادم المدوقس الذي يخفي سفته (الشنقة) من خاله القاسي
وجد نفسه وبعض تعب وتفكير وعند منتصف الطريق
يهتف بهتاف الاستسلام للقدر
ويردد في داخله
عبدالرحمن قوقل
عبدالرحمن قوقل...انا مالي....؟؟؟
ونعود
| |
|
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: عبدالكريم الامين احمد)
|
عند توقفت العربة البوكس المكعكع لتصليح ذلك اللستك الامامي الذي يبدو ان حمولة الجموع التواقة الي فكي عبدالرحمن قد فعلت به الافاعيل ولذا قرر ان (ينفس)...
وجد ادم في هذه السندة فرصة للشمشة عن (ياجماعة انتو سايقني معاكم لييييييه لقوقل بتاعكم ده..)
ليجد الاجابة جاهزة..
كل زول فينا دايرو لحاجة لكن انت ياادم دايرنو يعزم ليك..!!!!!
ولتزداد عيون ادم تنطيطا علي تنطيطها السابق لدرجة اخافته ان يكشف امر (سفته) الكرباوية
ولولا لارغي وازبد وهتق
يعزم لي لييييييه..؟؟
والقا ليكم انا داير عزيمة منو..؟؟
وقوقلكم ده دجال ياجماعة..ولاشنو..؟؟؟
ولكن تصيلح اللستك سريع سريع والعودة الي القفص ف الصندوق في البوكس 78
جعل ادم يعود مربعه الاول
ويستكن للهتاف الاولاني
فكي قوقل...فكي قوقل ...انا مالي
| |
|
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: عبدالكريم الامين احمد)
|
عندما وصلت الجموع الي منزل (عبدالرحمن قوقل* في ضاحية امبدة وف احدي حاراتها المميزة ببيوتها الجالوصة كان اذان المغرب في المسجد القريب من هذا المكان يودع الجمل الاخيرة من اذانه الرصين
لياتي ادم اخر الداخليين بعدما تاخر قليلا حتي يجد مساحة وزمن لمخارجة (الشنقة).......
ليطل فكي (قوقل ) مهيبا جالسا بين حيرانه كالاسد الهصور وهو يلبس سبحة ضخمة من بذرات اللالوب
وحي الجميع بهزة من راسه مع التركيز علي الوجوه في نظره اسدية عاربة وخطافية منه....
وقد لاحظ ادم بان (قوقل) رمقه بنظرة عجيبة ومركزة ...جعلت ادم يرتعد قليلا من هكذا نظرات
قوقلية لا يجد لها تفسير...وليهتف في داخله (اه يا قوقل يا دجال..)
| |
|
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: khaleel)
|
Quote: الله عبدالرحن قوقل فكي خطير
ومرتبط بشبكة قوية من المراسلين مع الفضاء الخارجي |
هلا ياخلي
ومن كبكبة الناس واهل بيت ادم يبدو انو عبدالرحمن قوقل ده فكي اسطوري وخطير
ولكن صاحبنا ادم لحدي حسع ما واقع ليهو الحكاية دي وعندو راي في الفكي
ووشابكنا جدل ومادية وشنو شنو ماعارف...
كن بالجوار حتي نشوف حكاية ادم وفكي قوقل ده شنو
| |
|
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: عبدالكريم الامين احمد)
|
بعد صلاة مغرب (مدنكلة) قادها الي بر الخشوع بمهارة الفكي قوقل جعلت ادومة يراجع في حساباته قليلا
لما طل فيها من خشوع وصور من النوع التقيل والنادر التواجد في مثل هذه الصلاة البيتية....جلس الجميع
في حلقة حول (فكي قوقل )الذي بداء في تلاوة اوراد وتراتيل عجيبة ورهيبة ولم يسمع بها ادومة العامل فيها مثقفاتي...
ليدخل الفكي عبدالرحمن قوقل الي غرفة عملياته ويبداء مساعده في ادخال بعض الذين سبقو ركبنا الي هذا البيت ...ويركب ادومة اريله ليقراء في الوجوه..
| |
|
|
|
|
|
|
|
|
|
Re: اطلع بررررررره يا قبلوس...هكذا صاح الفكي عبدالرحمن قوقل...!!! (Re: حامد محمد حامد)
|
Quote: ادم ده زولى يا كيكى ما انت عارف احد شخوص قصصك اللى ما بتنتهى انا مع او ضدهم
والظاهر ادم ده بتاع مشاكل وفلسفة فى الفاضى
|
هلا ياحامد وحبابك ياخي
وادم ده ياحامد فعلا بتاع مشاكل وفلسفة وتقتو كثيرة خلاص
لكن مع عبدالرحمن قوقل ده انا سمعت تحت تحت انو وقع وقعة سودا خلاص...
و78 فعلا موديل مميز ياخي ومن احسن الانواع اللافقة مع جو السودان
لكن بتاع ناس ادم داك اتكعكع بفعل المشاوير الكثيرة لاهل ادم
الليلة سماية منو ارح
وبكرة عرس ناس منو ارح
وفلان ديك ولدت ارح
كرهو ليك البوكسي لساتكو زاااتها هههه
| |
|
|
|
|
|
|
| |
عبدالكريم الامين احمد
khaleel
حامد محمد حامد
محمد سنى دفع الله
فيس بوك
تويتر
انستقرام
يوتيوب
بنتيريست