دعواتكم لزميلنا المفكر د.الباقر العفيف بالشفاء العاجل
|
|
 صاحبة الفوانيس د.اشراقة مصطفي في زيارة للخرطوم .. فلنحتفي بها
|
د.اشراقة مصطفي تاتي في زيارة لمدة اسبوع في الخرطوم فلنحتفي بها كما احتفي بها العالم من حولنا بمنحها جائزة الاعتراف الثقافي لادوارها في المجتمع و بحوثها حول اشكالات الهجرة والمهاجرين و حقوق الانسان والمرأة في مناطق النزاعات .
المقترح/ندوة بعنوان امرأة الانهار تحكي عن تجربة يستفيد منها اجيال واجيال .
د.اشراقة مصطفي قصة امرأة تخطت كل العقبات صانعة مجدا من الفولاذ ولدت وترعرعت بكوستي و بدأت مسيرتها فنحتت الصخر لتشق طريقها في مجتمع ادمن اسكات النساء اتخذت لدراستها الجامعية الصحافة والاعلام لتبداء مرحلة منظمة من النضال عن طريق القلم والبحث الدؤوب لذي اتخذته كألية لتحقيق طموحها في مجتمع خالي من كل انواع التبعية هاجرت الي النمسا فبعدت مكانيا عن السودان ولكنها اقرب ما يكون الي مشاكله ومعاناة الانسان فيه لتواصل رسالتها عبر تعريف الغرب بنا وبحضاراتنا وثقافاتنا فكانت رسالة الماجستير فى {الوعى البيئى لدى المرأة السودانية من خلال جهاز الراديو} من جامعة فيينا-كلية الاعلام ونالت الدكتوراة عبر بحث بعنوان {مراحل تعزيز المرأة السوداء بفيينا} والذى اعتبرته اللجنة فى غاية الاهمية ليس كبحث علمى وانما كاساس يوضح اوضاع النساء من اصل أفريقى .
البحوث التي قدمتها:
*التمييز الواقع على النساء الافريقيات فى فيينا
*قضايا الصحة الانجابية لدى المرأة العربية والافريقية المهاجرة
*الاندماج بين السراب والمطر ونتيجة لهذه الدراسة تم ولاول مرة فى فيينا تمويل وظيفة ارشادية تهتم بشئون النساء الافريقيات والعربيات
*نساء على قارعة الحياة، تحليل اجتماعى لاوضاع المرأة النازحة بالتعاون مع منظمة طيبة
*تعزيز دور المجتمع فى مناطق الجزيرة بالسودان
*بحثها الذى انجزته لنيل شهادة الدكتوراه {مراحل تعزيز المرأة السوداء بفيينا}.
حيث مولت بعضها من حكومة فيينا وبعضها الآخر من المؤسسات المهتمة بالبحوث
الجوائز:
حصلت على العديد من الجوائز والمنح والخوافز على مستوى الدولة النمساوية:
*جائزة المرأة الفاعلة من الحركة النسائية الكاثوليكية 1997
*جائزة ليبولد اشتيرن الأدبية وفازت بقصتها {ثلاثة وجوه مفرحة تتجاوز الحدود} فى 2002
*نالت جائزة الانجاز الاكاديمى المقدمة من وزارة التربية والتعليم الاتحادية فى اكتوبر 2006
*نالت جائزة الاعتراف فى اطار جائزة الاعتراف الثقافى وذلك للدور الذى قامت به فى المجتمع النمساوى وذلك من بحوث، ومحاضرات، واهتمامات بقضايا حقوق الانسان،حقوق المرأة، قضايا السلام
الحوافز:
*حفزت باستمرار من مجلس الوزراء النمساوى وذلك دعما لاهتماماتها الادبية وذلك منذ 1999 والى 2007
*تم اختيار ديونها الاول الصادر باللغة الالمانية {ومع ذلك أغنى} من ضمن 15 كتابا صدروا فى عام 2003 وذلك من قبل مجلس الوزراء قسم الفنون، حيث تم اختيارها ضمن خمسة كتاب نمساويين للمشاركة فى معرض لايبزك للكتاب الدولى بالمانيا
*حفزتها حكومة فيينا/ مكتب البحوث العلمية مرتين
*حفزها معهد فيينا العالمى للبحوث مرة وحدة
*نالت منحة معهد الافرويشن لمواصلة دراستها منذ خضورها الى ان نالت الماجستير فى 1997
المحاضرات والورش:
*قدمت مئات الماضرات والورش لجهات مختلفة فى النمسا فى عدة مواضيع
*درست فى معهد القابلات عن قضايا الصحة لانجابية بالتركيز على النساء الافريقيات والعربيات المهاجرات فى فيينا
*درست مربيات الحضانات فى فيينا عن قضايا الصحة الانجابية ايضا
*شاركت فى مؤتمرات منظمة وايد ان ديفلوبميت يورب وهى عضوة فاعلة فيها
*نظمت مع ثلاثة نساء اول مؤتمر للمرأة السوداء فى النمسا، حيث قامت ضمن اربعة اخريات بتكوين اول منظمة للنساء السود فى النمسا
*نسقت مؤتمر التشبيك للمراة السودانية ودورها فى اعادة البناء والتحول الديمقراطى والذى تم افتتاحة فى البرلمان النمساوى فى 2005 وذلك فى اطار منطمة نيل دانوب للتنمية وثقافة السلام التى اسستها ضمن آخرين واخريات
مشاريع اخرى:
*قامت بالتعاون مع مؤسسة هولابرون لحماية البيسئة باول معرض بعنوان { حناية البيئة لاتعرف الحدود فى عام 1995} وعكست فيها مشاكل البيئية فى السودان والنمسا حيث انجزته باسم الجمعية السودانية لحماية البيئية والتى انضمت لصفوفها منذ بداية التسعينات واعدت اول برنامج عن حماية البيئة بالاذاعة والذى اشرف عليه دكتور عيسى محمد عبداللطيف ومازال البرنامج مستمرا
*ثلاثة مشاريع تؤأمة بين مدارس اليونسكو فى فيينا وثلاثة مدارس بالسودان:
1/ المشروع الاول بمدرسة فاطمة بنت الخطاب بالتعاون مع الاستاذ محمد احمد الفيلابى وكان مشروع التوأمة بعنوان { حماية البيئية تحتاج لاكثر من تضامن}
2/المشروع الثانى نفذ فى قرية ود ابقدوم وكان بعنوان ( معا لاجل الوعى الصخى والبيئى) .
3/المشروع الثالث فى كوستى بمدرسة آمنة قرندة وكان بعنوان { نحو ثقافة للسلام}.
حيث تم تمويل لتحسين اوضاع هذه المدارس وادخال المياه الصحية لها وتم فى مدرسة ود ابقدوم بالجزيرة ادخال المياة للمدرسة ولمقابر القرية، صاحب هذه البرامج رفع الوعى وضورة لتضامن للاجيال الجديدة.
*مشروع {نحن} و {الآخر} والذى نفذ فى جامعة فيينا باتعاون مع جامعة قطر
ومن المقترح ان ينفذ المشروع الثالث بين النمسا والسودان حيث تم مناقشة مواضيع مختلفة انطلقت بهدف فتح حوارات معافاة بين الاجيال الجديدة وترسيخ لقيم التسامح وقبول الآخر
*ساهمت فى انجاز اسطوانة تعليمية مع منظمة هوريسنت تراى تاوسند وهى مخصصة للاطفال حول قضايا الفقر والبيئية
عضوة بالعديد من المنظمات مثل:
*اتحاد الكتاب النمساويين
*سودان بلات فورم اوستريا
*بلات فورم ضد الختان
*نشرت لها العديد من الموضيع والحوارات فى عدد من الاجهزة الاعلامية النمساوية حيث يعكس محرك البحث العالمى مدى حركتها ونشاطها
*صدر لها ديوان شعرى كنسخة تجريبية ومحدودة بعنوان { احزان شاهقة}
|
|
 
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: نهال الطيب)
|
معتصم سلامات ومرحب بك وباقتراحاتك
تيسير سلامات مرحب بيكي واقتراح موفق يضاف الي اقتراح الندوة...
انعام حفيظ ازيك ومشتاقوون ويلا يا بت ننجز البرنامج ده (كعادتك)
انعام حيمورة يلا يا ابناء حيمورة الكرام لنحتفي باشراقة
نادية السر سلامات يا فردة عارفاك مليانة اقتراحات ختي الكيبورد وادفقي
نهال الطيب ازيك وسلامات ومرحب بيكي ويلا نستفيد من مساحات الفراغ جوة برنامج اشراقة ..
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: معتصم محمد صالح)
|
العزيزه ريهان
شكرا لدعوتك لبورداب الخرطوم للاحتفاء باشراقة مصطفى ....
ولكني اتمنى لكم لقاء اكبر واكثر فائده.
حيث اتمنى ان يكون هذا اللقاء اكبر من مجرد لقاء بورداب سودانيز اون لاين
لماذا لا تنتهزوا الفرصه وتجعلوها ندوة كبيره فمع اشراقه يمكن ان تتحدثوا في قضايا كثيره.
قضايا الجندر
رفع نسبة مشاركة في القرار السياسي للنساء.
قضايا التمييز االعنصري.
حقوق ذو الاحتياجات الخاصه.
كيفية انجاز الديمقراطيه.
الهجره وتحدياتها.
...والخ.
ياريت تقدروا تعقدوا ندوة ناجحه
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: omer abdelsalam)
|
اشراقة ..ازيك وشكرا لمرورك وراجينك لتحكي..
doma ازيك ومرحب بيك وبمرورك ...
الملك ازيك الموضوع رجالونسائي (يعني جمعا ) تعال بس ...
معتصم محمد صالح كلامك جميل ويتواصل التنسيق...
العزيزة تراجي مصطفي لكي كل الود وفعلا القصة ما مجرد تلاقي وتعارف والاقتراح بعقد ندوة تتحدث فيها د اشراقة عن التجربة والصعوبات وتفتح النقاش حول العديد من القضاياوشكرا لاقتراحاتك المميزة دايما ..
في البال انتظار جيتك ولنا معاكي حكاوي ...
بنت الاسيدازيك يا زولة وشكرا لمرورك وحنسعي من اجل الاستفادة من اشراقة وجرابها...
عادل فضل المولي مرحب بيك وشكرا علي الرابط
محمد عبد الغني سابل مرحب بيك وشكرا للمرور
عمر عبدالسلام مرحب بيك وشكرا للمرور
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: انعام عبد الحفيظ)
|
البنات الحلوات
والملك ورفاقه {عشان ماتكون نسوية جبرا لخاطر الملك
ارجو ان يكون برنامجكم بالمساء
حبذا لو بقى يوم لثلاثاء 5/11 او الاربعاء 6/11
ديل اليومين الوحيدات الفاضية فيهم بالمساء، ارجو تحديد يومكم واخطارى عشان فى طلب محبة مقدم من ناس دقعة 
معليش الزيارة صغيرة جدا ومزحومة والا كان اكون من يدكم دى للتانية
بس يا انعام عبدالحفيظ كتروا من الفسيخ ولاآبرى 
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
سلامات يا ريهان
كنت اريد الاستفراد بكل الالق اشراقة وبما ان المسألة فيها اجتماعات وتحضيرات فانا بينكم غدا الساعة الخامسة ويمكننى ايضا استضافة الاجتماع بمكتبى فهو فى مركز وسط يسهل الوصول اليه باقل تكلفة.
ريهان لا تعيرى عمرو كمال بالا فهو هكذا وجهت اليه دعوة للحضور لمكتبى لمناقشة موضوع فاذا به يطلب الحضور للفطور ببيتزا شفتى الطمع؟؟ وعموما تحاشوا الاجتماعات اثناء فترة الوجبات ولا اقول ليك هو لا تفرق معاه كتير المهم فى اجتماع فى جوع ورغبة للاكل الغريبة ده كله ما طامر فيه
عندى اقتراح حا أثيره فى الاجتماع لنضفى الروعة على الاحتفاء بزينة النساء
شكرا ريهان
نجلاء الماحى
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: Najlaa El Mahi)
|
Quote: ريهان لا تعيرى عمرو كمال بالا فهو هكذا وجهت اليه دعوة للحضور لمكتبى لمناقشة موضوع فاذا به يطلب الحضور للفطور ببيتزا شفتى الطمع؟؟ وعموما تحاشوا الاجتماعات اثناء فترة الوجبات ولا اقول ليك هو لا تفرق معاه كتير المهم فى اجتماع فى جوع ورغبة للاكل الغريبة ده كله ما طامر فيه
عندى اقتراح حا أثيره فى الاجتماع لنضفى الروعة على الاحتفاء بزينة النساء
|
يا سلام يا نجلاء علي اقتراحات النسوان دايما بتلاقي هوي في نفسي ..يلا اتنكتي تعالي وهاتي اليبتزا وخلينا نسمع اقتراحك
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
الدكتورة .. ازيك .. ياستي ضربت ليك لقيت لاتلفون مقفول بس قلت تكون بدرت الجية وغيرت رايها من نوفمبر .. من الفرحة قايلاك وصلتي ..
اما الفسيخ دا اساليني منو انا ، انعام خلي عليها الابري ..
تصلي بالسلامة يارب .. وانا على حسب وعدي داك
ريهان
الزمان : الساعة 5
المكان : المركز الثقافي الالماني
_______________________________________________
الغداء : على عمرو
التوصيل: على انعام عبد الحفيظ - ناجي الملك - تبلدينا
المحتاجين توصيل : اسمهان وملكة سبأ
وانا علي توصيل اشراقة حيمورة بس
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: انعام حيمورة)
|
Quote: الدكتورة .. ازيك .. ياستي ضربت ليك لقيت لاتلفون مقفول بس قلت تكون بدرت الجية وغيرت رايها من نوفمبر .. من الفرحة قايلاك وصلتي ..
اما الفسيخ دا اساليني منو انا ، انعام خلي عليها الابري .. |
حسع يا انعام عليك النبى ماتدكترينى تقومى تتخلعى وانتى شايفنى باكل فى الفسيخ
اقول ليك حاجة، شيلى دكتورة دى اديتك ليها لله والرسول وخلى لى فسيخى
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: نهلة عمر)
|
عودة سريعة لاجتماع الاربعاء الماضى :
الحضور:
ريهان الشاذلى
خالد ماسا
اشراقة حيمورة
طلال عفيفى
انعام حيمورة
بهاء بكرى
ازهرى هاشم
نادية السر
انعام عبدالحفيظ
نهلة عمر
نهال الطيب
منتصر ابراهيم
معتصم محمد صالح
الفاتح وديدى
رجاء هاشم
اسمهان هاشم
السمؤال بدرالدين
واعتذر لظروف :
نجلاء الماحى
عمرو كمال
زينب الشفيع
فى الاجتماع تم طرح العديد المقترحات على راسها اقامة ندوة تقلى فبه العزيزة اشراقة مصطفى الضوء على مجمل تجربتها العلمية و العملية و الادبية والحديث عن اطروحاتها فى كل المجالات !
و سيتم الاعداد للندوة باتصالات جادة لتحديد المكان و التجهيز له ليليق بمكانة المحتفى بها و كذلك الاتصال بكل اجهزة الاعلام لتغطية الزيارة لمنح المجتمع السودانى و نساءه خاصة فرصة الاطلاع عن قرب على تجربة امرأة رائدة و مؤسسة لمفاهيم و اساليب عمل و مناهج بحث متطورة و مواكبة للحراك و نحو التغيير الاجتماعى !
اتمنى ان يصادف التوفيق كل المساعى من الجميع و الى الملتقى فى اجتماع اليوم الخامسة مساء بالمركز الالمانى !
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
طـــق خااااص
مع إنو متابعة البوست " ما من تكاليفي " .. لكن ونسبة للسهر بالمطار
" وانشغال الوريفه " ريهان .. " بالنوم " نفيدكم بالاتي :
تم عقد اجتماع ناجع بالامس بالمركز الثقافي الالماني :
الحضور :
إشراقه حيموره
رجاء مكاوي
طلال عفيفي
نادية السر
زينب الشفيع
عمرو كمال
ريهان الشاذلي " قايلة براك البتكتبي الحاجات في اخر اللسته " !!!
اها ..
تم اعتماد " قاعة الشارقه " كمكان للاحتفال بعد الاتفاق مع ادارة القاعه .
تم تكوين لجنتين :
إعلامية .. للقيام بالاعلام للاحتفالية والدعوات
مالية وادارية .. للتجهيزات الخاصة بالمنصرفات الادارية والضيافه ..
.....................................................................
* لحدي هسه حقوق رعية الاحتفال منافسة بين شركة " عمرو " للدعاية والاعلان ... وبين " كليو" صاحبة محلات " باترا"
لل....!! اسمها شنو بالانجليزي .. قلتيها امبارح يا ريهان !!!
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
طــــق خااااص
اها يا " نادية السر" رئيس اللجنة المالية .." وسيد البرش والقرش " اي بس نكاية في " ريهان "
ولستتا البتاخر التحول الديموقراطي الامبارح دي .. عشان كده دسيناها .. لكن في اي لحظة ممكن استخدما
لكن طبعا لمصالح استرتيجية " تتعلق بمنتجات محل باترا " نمسك عنها ..
الوريفه انعام حيموره .. " وش صاري "
شوفي ونيابة عنك كده اتكلمت بي اسمك واتحملنا مسؤلية .. عارفك قدرها " .. بس عليك الله نوع مشاويرك الغميسة ديك
اعفيني منها .. مشاويرنا كلها حتكون صحف وجرايد وتنظيمات سياسية لزوم الاعلام وكده
الوريفه انعام عبد الحفيظ .. والله امبارح لو كنت في " كنا " حنكون غالبين 10 /صفر
عمرو يا خوي
الغداء ده كان " شرائح " بطاطس .. عامل كهربتكم القاطعه دي !!!
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
Quote: الوريفه انعام حيموره .. " وش صاري "
شوفي ونيابة عنك كده اتكلمت بي اسمك واتحملنا مسؤلية .. عارفك قدرها " .. بس عليك الله نوع مشاويرك الغميسة ديك
اعفيني منها .. مشاويرنا كلها حتكون صحف وجرايد وتنظيمات سياسية لزوم الاعلام وكده |
لي شنو تصر لي .. كنت جاية لحدي آخر لحظة ادوني شغل اخرني وكنت صايمة لو عارفة الحكاية فيها فطور هناك كنت جيت بس والله كنت مصدعة جدا ..
ومشيت معاك كل الخطاوي الممكنة .. جاهزة للتنفيذ ..
اشراقة من الصباح قطعت ليك مني الـ 20 الف بالقديم ..
اهة تاني شنو ؟؟
بكرة جايين وصايمين
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
يا خاينييييين .. عاوزين تحتلفوا براكم بالدكتورة ؟؟!!
واصبرن انتن يا انعام اس اتنين ويا اشراقة مش عارفين انا عندي عمي ليلي وما قاعدة اشوف ..
( ترتوار الكلاكلة ) ؟؟
لكن وين ؟؟
انا معاكم معاكم ... ولا نامت أعين بتاعين المرور .. !!
ويا ريهان ... يطرشني كان شفت البوست حقك دا ... ولا عندي اي خبر الا بعد تحانيس كلمني خالد ماسا لمن شفتو بتردد كتير على الالماني !!!
والشير حقي جااااااااااااااهز .. صرفنا الماهية .. الليلة دي تخيلوا ؟؟.. اول مرة تحصل !!
والله دكتورة اشراقة تستاهل اكتر من كدا .. انا غايتو بمشي بتسقبلها في المطار !!
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: سمرية)
|
| Quote: ويا ريهان ... يطرشني كان شفت البوست حقك دا ... ولا عندي اي خبر الا بعد تحانيس كلمني خالد ماسا لمن شفتو بتردد كتير على الالماني |
والله يا سمرية بالغو انو ما كلاموكي لكن واصلي معانا بكرة الاتنين عندنا اجتماع الساعة 5 تعالي ومعاكي المرتب (سوري قصدي الشيرنج)
طبعا يا سمرية خالد بتردد علي الالماني لشئ في نفسه لانو يادوب مجتعين نحن مرتين باقي الايام دي البجيبو يعلم بيه الله...
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: نهال الطيب)
|
الأخت ريهان وضيوفك الأعزاء
سلامات
أحييكم على هذه الروح الجميلة وهذا المجهود المقدر..
وأعتذر لكم بشدة عن عدم المشاركة منذ البداية..والله أنا إفتكرت البوست طق حنك ساى وما إتصورت انو يكون فيه إجتماعات وبرامج وكدة..
عموماًلا إنكسرت الزجاجة ولا إندفق السمن..
ها أنذا أعلن تضامنى اللا محدود معكم..
فمثل إشراقة من تستحق أن تقام لها الإحتفالات..
ومثلها من تستحق أن يكرم..
ومثلها من تستحق أن تروى قصة كفاحهاوعصاميتهاحتى تكون دافعاً للآخرين ...
أنتظر تكليفاتكم..
إشراقة..
ننتظر مقدمك ونحن .. لو وشوش صوت الريح فى الباب يسبقنا الشوق قبل العينين..
ريهان..
لك ولكل من مر/مرت من هنامحبتى..
أزهرى
| |
|
|
|
|
|
|
|
|
 Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: خالد ماسا)
|
صباحات زاهيات للجميع ,
اليوم اللقاء الثالث للتنسيق للاحتفاء بزيارة العزيزة اشراقة مصطفى
المركز الالمانى الخامسة مساء
تهيب (حلوة تهيب دى مش ؟) اللجنة المالية ممثلة فى شخصى الحضور بالاسهام فى ايصال المشاركات المالية و نذكر انها فقط 20 الف جنيه بالقديم
انثى الانهار و اضاءة حول تجربة الدكتورة اشراقة مصطفى
المكان :قاعة الشارقة
الزمان :السابعة مساء الاثنين الخامس من نوفمبر 2007
و حتى ذلك الحين كل المنى بالتوفيق بكل مسعى و خاصة الاعلام و اهله !
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
الأخت ريهان وبقية الأعضاء
سلامات
برغم تجاهلكم لمرورنا وإعتذارنا عن عدم المشاركة من البداية وإبداء رغبتنا فى المساهمة..
أقول برغم ذلك (وبرغم حقارتكم الإشتكى منها قبالى سامر) إلا أننى كانت لدى رغبة شديدة لحضور إجتماع اليوم على الأقل لأجل صديقتى إشراقة..
ولكن ظرف يتعلق بوفاة إبن خالتى إضطرنى للسفر إلى الجزيرة..
أؤكد دعمى اللامحدود لكم وإستعدادى للمساهمة..
معكم بكل مشاعرى وأحاسيى و(الشير بتاعى)مع عمرو كمال (كان ما يقوم يتغدى بيه).
لكم ولإشراقة ولكل من مر/مرت من هنا محبتى..
أزهرى
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: Nadia Elsir)
|
صباحكم ورد...
اجتماع الامس...
تم توزيع اللجان :-
لجنة البرنامج برئاسة نجلاء الماحي
لجنة الضيافة برئاسة سامر حسن (مشكور علي دعمه المادي للضيافة )
لجنة الاعلام برئاسة خالد ماسا
اللجنة المالية برئاسة نادية السر
تم تكليف اللجان بعقد اجتماعاتها يوم الاربعاء ورفع خططها للجنة العليا يوم الخميس .
علي جميع البورداب الراغبين بالانضمام والغير حاضرين للاجتماع الاتصال برؤساء اللجان لمعرفة مكان وزمان اجتماع اللجان .
علي هامش الاجتماع:
1/نجلاء الماحي بوردابية تمتلك القدرة علي الابتكار لها الود.
2/بورداب الخرطوم اكاااااااااااالين
| |
|
|
|
|
|
|
|
|
|
Re: صاحبة الفوانيس د.اشراقة مصطفي في زيارة للخرطوم .. فلنحتفي بها (Re: ريهان الريح الشاذلي)
|
طـــق خااااص
العمل يتواصل " بروح طيبة " ودوما " بورداب الخرطوم " قادرين
يحدونا الامل بان يليق المجهود ومكانة " الدكتورة اشراقة مصطفي " في نفوسنا
- حضور مميز " بهاء بكري " اضاف للقاء بهاء
- الوريفه نجلاء الماحي واندماج سريع مع الايقاع الجماعي ..
* التكليف المهم .. اي بوردابي تم تكليفو بتبيلغ زول يلتزم .. " نيابة عن الوريفه نادية "
* تكليف دعوات .. اي زول بيلقا زول يكلمو يشاركنا " والله لو لقينا كان خلينا ال30 مليون سوداني يجو المطار شايلين فوانيس "
___________________________________________________
* نسيتو لجنة " الفوانيس " .. وفي لجنة كده من عضويتي ورئاسة طلال عفيفي وعمرو مقررا .. " معليش العضوية بالنوع "
Quote: تم تكليف اللجان بعقد اجتماعاتها يوم الاربعاء ورفع خططها للجنة العليا يوم الخميس .
لو سمحتي يا ريهان محضر الاجتماع موجود ..ما اسمها "اللجنة العليا " اسمها " اللجنة المركزية "
|
| |
|
|
|
|
|
|
| |
ريهان الريح الشاذلي
معتصم محمد صالح
انعام عبد الحفيظ
انعام حيمورة
نهال الطيب
حيدر حسن ميرغني
عبد الحميد البرنس
Ishraga Mustafa
doma
الملك
Tragie Mustafa
bent-elassied
عادل فضل المولى
omer abdelsalam
عبدالغني كرم الله بشير
الطاهر عثمان
عمرو كمال ابراهيم
غادة عبدالعزيز خالد
منتصر ابراهيم الزين
نهلة عمر
خالد ماسا
Samer Osman
عواطف ادريس اسماعيل
سمرية
Giwey
Ishraga Haimoura
فيس بوك
تويتر
انستقرام
يوتيوب
بنتيريست