الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
ما الذي جرى لحسين خوجلي؟
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 02:33 AM الصفحة الرئيسية

مكتبة اشراقة مصطفى(Ishraga Mustafa)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الاكتئاب هكر الروح {{{{للمهكريين فقط}}}}

11-21-2007, 11:01 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
الاكتئاب هكر الروح {{{{للمهكريين فقط}}}}

    ليس هناك هكرا اقسى وافظع مثل هكر الروح
    وليس هناك هكرا للروح مثل الإكتئاب

    هذا لاتحلة مصدات بكرى وتحزيراته
    ولا القنابل {الهندية} لوقف {الرأى الآخر}
    ولا الحروب الانترنيتية


    الاكتياب هكر الروح
    فما اسبابة؟
    ووسائل مقاومتة؟
    والانتصار علية؟
    هل هناك وصفات جاهزة
    او حقن ذات مصل مضاد؟
    حقن زى البطعنوها بعض البنات {المهبوشات} فى قيمة عقلهن وفهمن للجمال


    حد فيكم عارف؟
    حد فيكم عارف آثار الهجرة/المنفى على النفس؟
    كيف تتعامل ثقافتنا مع المكتئبين والمكتئبات
    {مجنانين } والسلام عليكم؟

    هل يقود الاكتئياب الى الجنون فعلا؟
    هل نتعامل مع الاكتئاب مثله مثل الامراض الاخرى، زى النزلة مثلا او الصداع؟


    ماتنسوا الكلام ده للمهكرين والمهكرات فقط
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:07 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    please dont go there
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:16 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Rawia)

    الحمد لله ما مكهربة ولا مكتئبة اعانى من فرح اود لو انثره على كل العالم
    بى حب للحياة والناس
    ولدى رغبة ان اساعد كل المكهربين
    اها شنو ليك ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:46 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: سلمى الشيخ سلامة)

    Quote: الحمد لله ما مكهربة ولا مكتئبة اعانى من فرح اود لو انثره على كل العالم
    بى حب للحياة والناس
    ولدى رغبة ان اساعد كل المكهربين
    اها شنو ليك ؟


    ياسلمانا ربنا يزيدك فرح ويبعد عنك المهكرين روحيا

    بس انتى ماخائفة من العدوى ياحبيبة تتحاومى هنا؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:32 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Rawia)

    Quote: please dont go there


    راوية انتى اتهكرتى؟ طيب الجابك تتحاومى بهنا شنو اخير ليك تختينا يابت الناس مادام روحك مامكهورة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:28 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    العزيز اشراقة
    اول بالتبادي حزلقة قاونية مفادها,, بما ان المنبر اتهكر يبقي نحنا كلنا في مقام المهكورين.. مسألة الصحة النفسية في السودان ما زول بجيب خبرا الا الواحد يجدع بالحجار و حينها يا يودوهوا فكي يتعامل معاهو بالسوط و الجنازير يا لم فيهو دكتور حشاهو حبوب و حقن لمان يحرق باقي لمباتو و سلوكو.. المشكلة يا اشراقة الجو العام بيتسبب في اصابة الجميع بحالات نفسية بيصعب معاها تمييز القلق العابر و التاني المرضي البحتاج علاج.. عندي قناعة انه الاوضاع البمروا بيها اهلنا بالداخل بتفوت البتمر بينا في الغربة,, و بشوف انه الكل محتاج للاستفادة من تقدم المعالجة النفسية,, و دا ما بعني اننا او اهلنا مرضانين لكناسقاطات الظروف غير العادية يستوج تحييدها و دا ممكن جدا,, و زيما بتعرف المدراء الكبار و الفنانين و لا عبي الرياضة بيستعينوا بما يمكن تسميتهم بالمحفذين النفسيين ليعينوهم في الاستفادة القصوي من ملكاتهم العقلية و النفسية و البدنية في تنافس لا يرحم و ضرورة التفوق علي الذات في العطاء و الانجاز و الابتكار..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:59 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: نصار)

    مساء الخير يانصار

    اها انت وضعت يدك على اول الجرح الصحة النفسية فى السودان
    واضيف عليها فى المهجر. فى السودان اتفق معاك فيما قلته وقد لاحظت ابان زيارتى ناس كتار بينضموا براهم يحادثون روحهم/ يناجونها/ يسبونها الله اعلم لكن فى كلام مع الذات. كيف بنتعامل مع الصحة النفسية؟ هل يواكب الاطباء النفسانيين والاخصائيين الاجتماعيين التغييرات الحاصلة فى بلادنا؟
    هل يواكبون لغة الانترنيت والهكر النفسى؟ كيف يتعامل المهكور نفسة مع حالته؟ الاتحتاج المسألة وعيا بالصحة النفسية؟

    اما فى المهجر فالوضع قد يكون اخف وطأة وفقا للثقافة السائدة خاصة فى دول الاتحاد الاوربى فالصحة النفسية توليها هذه الدول اهتماما بالغا لكن السؤال هل يشكل هذا الاهتمام المهاجرين والمهاجرات؟ بمعنى هل تراعى الخلفيات الثقافية لهؤلاء المهاجرين؟ الا تلعب اللغة الام دورا فى بناء جسر الثقة بين الطبيب والمكتئب؟

    لدى تجربة عمل كمترجمة فى مؤسسة تهتم بالصحة النفسية لضحايا الحروب وكان دورى ان اترجم احزان ودموع الملح والدم للنساء العراقيات المصابات باكتئاب حاد نتيجة الحروب والازمات التى تعرضن لها.. وانا اترجم ضاعت كتير من المعانى وذابت فى دموعى وربكتى النفسية التى احتجت لزمن طويل لمعالجتها وكان اول الحلول انى خليت الشغل ده خوفا من تختنق الكلمات ايضا فى حلقى حين اجلس امام الطبيبة النفسانية..ومازالت صورة السيدات العراقيات تتاورنى ومعها يصعب تناوم هكر الروح

    شكرا يانصار على الاضاءة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2007, 11:38 PM

kamalabas
<akamalabas
تاريخ التسجيل: 02-07-2003
مجموع المشاركات: 10673

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    ... هل أنت أشراقة حقا??
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 00:07 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: kamalabas)

    Quote: ... هل أنت أشراقة حقا??


    مساء الخير ياكمال

    يانى ذاتى اشراقة!!
    غريبة اتحدث عن الاكتئاب وان جاية من السودان بعد الحفاوة الحميمة من {بورداب الخرطوم} مش كدى؟
    لكن الاحداث بتتسارع بشكل غريب وده ليهو برضو انعكاساته علينا.

    قبال فترة نزلت موضوع عن {المجانين فى الثقافة السودانية} فى محاولة لتسليط الضوء على الصحة النفسية فى السودان، يبدو انو الناس خافت كلو شىء والا الجن الكلكى اللابس ملكى. غريبة لابس ملكى دى مفروض يكون لابس مبرقط مثلا تبقى مفهومة لقراءة انعكاسات الاوضاع الاقتصادية والسياسية وانعكاساتها على الصحة النفسية.

    * اها اتاكدت بانى اشراقه ياكمال؟ اتمنى ذلك لتفيدنا برؤيتك الثاقبة وتحليلك الرصين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 00:15 AM

kamalabas
<akamalabas
تاريخ التسجيل: 02-07-2003
مجموع المشاركات: 10673

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    شـكرا
    أشراقة
    أستغربت النقلة من المواضيع الاحتفالية والفرائحية لمواضيع الاكتئاب
    والدبرسة لدرجة شككت فيها أن تكون أنتي هي أنتي!!!!!
    بعدين ردودك علي علي راوية وسلمي خلت من لمساتك الترحيبية لدرجة
    أحسست أنها كانت طاردة...ولكن ردك علي نصار وشخصي جعلني أوقن أنك أشراقة
    فالهكر لايمكن أن بمتلك هذه الثقافةوالمعرفة...
    لك تقديري
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 00:26 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: kamalabas)

    الحمدلله انك تاكدت ياكمال وفعلا قد تكون نقلة لكن زى ماقلت طبيعة الاحداث فقط نظرة الى البورد والانفعالات الحاصلة وشىء هكر وشىء كبت اصوات وعنصرية اعلام ده مابخلى القابلية للدبرسة عالية؟ جاية من السودان و {التانك بتاع الروح معبأ فرح} لكن قلت النواصل ما افترعته من مدة لانو بيشبه حال اليوم

    Quote: بعدين ردودك علي علي راوية وسلمي خلت من لمساتك الترحيبية لدرجة
    أحسست أنها كانت طاردة...


    مع رواية كنت بهزر بدليل الشكل الختيتو ليها وسلمى دى فردة من زمن حفروا البحر!!


    Quote: فالهكر لايمكن أن بمتلك هذه الثقافةوالمعرفة...


    حسع الهكر يقوم يدخل فى تحدى وانا والله ماقدره.. الهكر ده هو زول ياناس علوم الانترنيت؟ زول نصيح يعنى؟ ولا نجيبوا معانا هنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 00:41 AM

kamalabas
<akamalabas
تاريخ التسجيل: 02-07-2003
مجموع المشاركات: 10673

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    شكرا يا أشراقة مرة أخري
    Quote: مع رواية كنت بهزر بدليل الشكل الختيتو ليها وسلمى دى فردة من زمن حفروا البحر!!
    والظاهر أنو فوبيا الهكر جرفتنا ودبرست بينا نحن كمان لدرجة جعلتني أصف
    ردودك علي صديقاتـك بالجفاف وقلة اللمسة الاشراقية الترحيبية المعهودة!!!!!
    دمتي ودامت مودتك لصديقاتك ..
    ولك تقديري
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 07:11 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: kamalabas)

    Quote: والظاهر أنو فوبيا الهكر جرفتنا ودبرست بينا نحن كمان لدرجة جعلتني أصف
    ردودك علي صديقاتـك بالجفاف وقلة اللمسة الاشراقية الترحيبية المعهودة!!!!!


    صباح الخير ياكمال

    اهو بنظرتك الثاقبة وضعت يدك على احد مسببات الاكتئاب فالجو العام قد يصيبك بالدبرسة رغم كل روح المقاومة ويفرز افرازته على الروح فتنزوى لهذا وضعت يدى كمان على هذا الموضوع لانو الاكتئاب والصحة النفسية عموما مهمشة فى السودان ومافى اهتمام كافى بيها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 01:07 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    يا كيمو لو الهكر فاهم كدا و بفتح مواضيع كويسة
    كان نسوي امنبر بعضوية بكري و الباقي كلهم هكر lool
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 05:02 AM

osama elkhawad
<aosama elkhawad
تاريخ التسجيل: 12-31-2002
مجموع المشاركات: 10332

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: نصار)

    هنالك اكتئاب آخر و نحن على ابواب الشتاء
    ويسمى sad
    seasonal affective disorder
    best regards
    almashaaaaaaaaa
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 05:42 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: osama elkhawad)

    عزيزتي إشراقة لك التجلة و التقدير

    Quote: او حقن ذات مصل مضاد؟
    حقن زى البطعنوها بعض البنات {المهبوشات} فى قيمة عقلهن وفهمن للجمال



    و دة أصعب أنواع الحُقن .. و التي تدمنه لا فكاك منه.
    هناك بنات متعلمات لديهن هذه الحقن جاهزة للإستعمال ..


    Quote: حد فيكم عارف؟
    حد فيكم عارف آثار الهجرة/المنفى على النفس؟


    أشفق على نفسي من هجرتي الطوعية .. فكيف بالقسرية ؟

    أثر الهجرة و المنافي على النفس أظنه كالفطام ..و بما أن الفرد منا لا يتذكر لحظات فطامه .. و لكن فقط إستمعي إلى طفل يبكي بحرقة عند فطامه .. أظنه بكاء ليس نابع من الجوع .. و لكنه بكاء من هذا الإنفصام من حضن صدر حنون و دافيء و آمن .. ( الأم ) .. فكيف بالمنفى و هو يحرمنا أول ما يحرم من كل المشاعر الدافئة .. بدءا بالأم و إنتهاءا بنظرة طفلة ترمق إبتعادك بحيرة.؟؟؟


    Quote: كيف تتعامل ثقافتنا مع المكتئبين والمكتئبات
    {مجنانين } والسلام عليكم؟


    للأسف .. أنظري لثقافتنا كيف تتعامل مع ( العقلاء ) .. ثم قيسي على ذلك بالنسبة للمجانين.

    البعض ينفر من المكتئب فراره من المجذوم.. حتى لو كان صديق أو قريب ..
    في أيامنا هذه .. فإن الإكتئاب سيصبح مثل نزلة البرد شائعاً .. فما أحوجنا إلى التاعمل معه بحذر و بتقنيات حديثة.

    هل يقود الاكتئياب الى الجنون فعلا؟

    أحياناً يا دكتورة ... إن لم يتم لجْم أسباب الإكتئاب.و أقل نتائجه هو مرض نفسي مستديم أو إنطواء و إنزواء.

    ملحوظة : إستشاري في الغدد الصماء بمستشفى مشهور هنا ذكر لي بأنه وجد أن كثير من مرضى السرطان كانوا يعانون من إحباطات أدتْ إلى إكتئاب خفي حاول هؤلاء المرضى تجنبه بشتى الطرق تشبثا بالحياة ..
    حمانا الله و إياكم.


    Quote: هل نتعامل مع الاكتئاب مثله مثل الامراض الاخرى، زى النزلة مثلا او الصداع؟


    ربما نتعامل كذلك .. و لكن بما أن الإكتئاب نابع من كوامن النفس و تحليلها لإحباطات كثيرة و ردات فعل معاكسة .. فإن التعامل معه يجب أن يتم بكل جدية عبر علاج سايكلوجي .. و بما أننا نخاف مجرد الذهاب إلى Shrink .. فيمكن الجلوس إلى أصدقاء يتمتعون بنظرة متفاءلة للحياة و نفرغ لهم مكنونات دواخلنا.

    تخريمة واجبة : لم أصل يوماً إلى مرحلة إكتئاب .. و لكن الدبرسة التي تنتابني من حين لآخر بسبب واقع الحال أقوم بمعالجتها بطريقة ( من دقنو أفتلو) ..
    بمعنى معالجة ذاتية

    أبعد الله عنك كل مكروه
    دمت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 09:47 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: ابو جهينة)


    استاذنا ابوجهينة

    بدء شكرا على هذه المداخلة المفيدة التى تدعم مانويته بهدا الموضوع الخاص بالصحة النفسية

    Quote: أثر الهجرة و المنافي على النفس أظنه كالفطام ..و بما أن الفرد منا لا يتذكر لحظات فطامه .. و لكن فقط إستمعي إلى طفل يبكي بحرقة عند فطامه .. أظنه بكاء ليس نابع من الجوع .. و لكنه بكاء من هذا الإنفصام من حضن صدر حنون و دافيء و آمن .. ( الأم ) .. فكيف بالمنفى و هو يحرمنا أول ما يحرم من كل المشاعر الدافئة .. بدءا بالأم و إنتهاءا بنظرة طفلة ترمق إبتعادك بحيرة.؟؟؟


    المهجر/المنفى يلعبان دورا اساسيا فى توتر الصحة النفسية فالهجرة الى بلاد تختلف عن لغتك/ حكاويك/ديانتك/طقوس حزنك/ مشاوير فرحك ليس لديك فيها ذاكرة تهدهدك كلما عفص الزمن وريقات الروح فتساقطت ويبقى الامل ان تبنت هذه الوريقات نبتا اكثر خضرة وحبا للشمس.
    توهان الذات عن سندها هو اول مايواجه المهاجر او المنفى وتذداد حدة هذا التوهان ان صح الاستخدام كلما ركن المهاجر وتقوقع داخل نفسة شرنقة تحميه وتحمى ارثة الثقافى الذى حمله ذوادة طريق كلما انفجرت هذه الازمة بقسوة حين يبدأ حراكه داخل الطقس الجديد وياله من طقس.

    تتعامل فعلا ثقافتنا مع الاكتئاب والمصابين به بشىء من الغرابة بل كل الغرابة لانى الاوضاع التى عشناها فى السودان ادت الى هذه الحالة فماذا يفعل شباب لم توفر له الدولة ابسط مقومات الحياة ليقوم بدوره المنوط به فلا مخرج له غير التسكع فى متاهات الروح الى ان يأذن الله فى امره ولحين ذلك ولانشغال كل زول بمشاكله لا يجد من يحادثة سوى ذاته التى بنى معها جسورا من الثقة وهما صنوان فى الحزن المؤدى بلاشك الى حالات الاكتئاب. الشابات الوضع عليهن امرّ واقسى ومزدوج فهى محاصرة من كل الجهات/ عليها ان تجد مخرجا لذاتها وان تصمد اما سطوة المجتمع الذى يطالبها بعريس {الغفلة} القادم من مدن الصقيع او البترول وبترولنا ماهو الا شجن لسؤال الفقر والعوز الذى يعيشه الاغلبية العظمى من ناسنا الطيبين.

    مانحتاجة فعلا هى مؤسسات قوية تقوم على احترام الانسان السودانى تمنحه الامان ليساهم فى بنائها وتطويرها الى حين الوصول الى نقطة تندغم فيها مفاهيم الصحة النفسية فى الصحة العامة للانسان
    ان تكون هناك مؤسسات ارشادية تقرأ الاسباب وتساعد فى حلها وتعزز من قيمة الانسان المكتئب..

    ارص كل الكلام ده يا ابا جهينة فى البال تجارب مختلفة وملاحظات وبعض بحوث فى هذا الشأن بعضها انجز والكثير ينتظر الحفر... تجارب اولها تجربتى مع الاكتئاب ومحاولتى الدائمة لمقاومته وما افتراعى لهذا الامر هنا الا هى محاولة لغرس الثقة فى نفوس بناتنا ووليداتنا الشباب لبتعاملوا مع هذا الموضوع بجدية وان نتبادل تجاربنا ومنها بيبدأ الحل الصاح فى اطار العقل الجمعى والروح التى تقف سدا منيعا اما هكرها اكتائبيا

    مع احترامى ومعزتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 07:19 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: osama elkhawad)

    العزيز اسامة

    تحياتى

    والشتاء وما ادراك ما موقد الحزن الذى لايدفىء مفاصل الروح وتفاصيل الذكرى!!

    Quote: مطر
    زمهرير
    بينهما تئن السماء آخر زرقتها
    وتتحشرج الروح نحو ملاذهاالاخير


    فيينا/ ذات مطر وضباب 2004



    Quote:

    فى الربيع تكسى الاشجار عريها
    فى كل الفصول تعانى وريقات روحى الذبول

    يناير 2004



    ملاحظة سليمة يا اسامة لاحظ مقتبسات من هذه النصوص التى كتبتها فى اعوام منصرمة فى شتاءات حزينة
    فالشتاء له معى حكاية تنكمش فيها روحى وتلوذ فرارا من عالم لاتسمع فية رنة الابرة!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 07:56 AM

طارق عمر مكاوي
<aطارق عمر مكاوي
تاريخ التسجيل: 10-16-2007
مجموع المشاركات: 720

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    احترس الإكتئياب معدي
    آمل أن لايمنعنا هذا التحزير من مساعدة الآخرين ..
    فقط علينا لبس القلوفس عند التعاطي معهم .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 11:14 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: طارق عمر مكاوي)

    Quote: احترس الإكتئياب معدي
    آمل أن لايمنعنا هذا التحزير من مساعدة الآخرين ..
    فقط علينا لبس القلوفس عند التعاطي معهم .


    وصية مقدرة اخى طارق ان نحترس من الاكتئاب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 07:58 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: الاكتياب هكر الروح
    فما اسبابة؟
    ووسائل مقاومتة؟
    والانتصار علية؟
    هل هناك وصفات جاهزة
    او حقن ذات مصل مضاد؟


    القريَفَة....لمٌا نحب و نشتاااااق لحاجة معينة....
    الكوفارَة.....لمٌا نحتاج و ندمن نفس الحاجة...
    المَكنَة...لمٌا نتعب و نفشل في الحصول على الحاجة....
    الصبر....لمٌا نستنفذ وراها كل الفُرَص!

    أها..الحاجة دي سبب الإكتئاب!
    و القريفة و الكوفارة و المَكنة ديل أنواع و أشكال من هكر الروح!
    و الصبر دا..الحل الأول و الأخير!


    دي مُقدمة يا إشراقة..
    ...بجيك بالوصفات و الحُقن و الدِرِبات!


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 08:14 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)


    شوفي يا إشراقة الناس دي كانت مهكووووووووورة و صابرة كيف!

    الإكتئاب في أغنية الحقيبة/ مجلة سودانيات

    Quote:
    الاكتئاب :
    مصطلح طبي يشمل نطاقا واسعا من الاضطرابات النفسية.
    في أخف حالاته قد يتسبب الاكتئاب في مزاج هابط لا يمنعك من السير في حياتك الطبيعية، لكنه يصعب عليك القيام بالأمور ويجعلها تبدو أقل قيمة.
    في أعنف حالاته فإن الاكتئاب قد يهدد الحياة، وقد يدفعك إلى التفكير في قتل نفسك أو التوقف عن الرغبة في الحياة.


    استوقفني هذا التفسير لمعنى الاكتئاب..و أثار فضولي ما قرأته عن أعراض الاكتئاب...فرأيت أن أقارن بين ما قرأته من أعراض و ما نسمعه من أغاني الحقيبة السودانية..فكان هذا البحث الطريف.


    آلام جسدية أو Fatigue
    مع الآلام هاجت شجوني.....وأطباء الكون ما عالجوني
    غلبني أسير هيا درجونى.......وعلى الأطلال ليل عرجونى
    أو..
    حليف آلام وعيٌونى عيون
    دائى عظيم ..ودواى مصيون

    حزن دائم أو Deep Grief
    أنا يا حبيبي غرامي تركتو للايام
    تركت حب ودموع.. تركت شوق وهيام
    أو..
    يا فريع ياسمين متكي في رمالو
    قول لي عاشقك وين ضاعت امالو.

    أفكار غير عقلانيةأو هلاوس أو Hallucinations
    لو ما حبيبي يرحم
    لاشك في دماري
    نار الغرام صلتني
    في الأدمع إنهماري
    ما دام صبحت عاشق
    و الحب صبح ثماري
    سيبوني في الأرايك
    أسجع مع القماري..!!

    قلق أو Anxiety
    طول نهاري ثم ليلى ساهي سهران
    طال عذابي وصاح غرابي جوى عكران
    دمعي هامي وشوقي نامي وفرشي نيران


    أفكار سوداوية أو Gloominess
    الجور تفشٌى
    والهجران تبدٌى
    والحب ده ولى..
    والاخلاص تعدى..
    تَرِك حمامة.. تخبرني بيهو ياما
    تقولي أصبر.. في العجلة الندامة
    وكم صبرنا..
    كم كم إلاما..
    تضيع عهودنا
    وتحرمنا من غرامها..
    أو..
    كيف الحياة غير ليمك
    في بُعدك اصبح حظي زي لون هضليمك
    يا نعيم الدنيا.
    أو..
    بيّ ضاق الكون ، لا أجدلو بَرَاح
    منّي فارق ، وشال نوم عيوني ورَاح
    عمري أضحى مُبَاح
    وفي الغرام لا أقصد غير لقاك أرباح
    سِرِّي ليك يُبـاح
    مع الظلام تتبسم وليلي يبقى صباح
    جيش غرامك زَاح
    هَـدَّ حِصـن المُهجة ، ولي دِمَاي نَزَّاح
    وعقلي كـاد ينزاح
    وقُلّي هجرك جَـدْ يا جافي ولاّ مِـزاح

    أرق دائم أو Insomnia
    ليالي هناى جد عاكسوني.....وأخاصم النوم كيف درسونى
    أو..
    هجد الانام وأنا وحدي مساهر
    والنحول علي جسمي ياحبايب ظاهر
    أسبابي الحب الطاهر
    أسباب سقامي وبكاء طرفي الساهر
    لأذاي بعادك مضي سيفه وشاهر
    أو...
    يا أزاي و دواي
    يا راحي يا ريحاني
    إنت نايم
    و أنا ألم البعاد صحاني.

    مزاج متقلب أو Swings of Moods
    مره أندب حظي ومره أهتف أظاهر
    أشكو دهري وأناجي النجم الزاهر.

    هزال أو Weight Loss
    زاد أذاي يا صاحي وإعتراني نحول
    طرفي دامع وصاحي وبالسهاد مكحول.
    أو..
    جسمي صار منحول والمنام يتقلل
    طرفو لي رؤياك دمعو كبر وهلل
    جفاني النوم.

    فقدان تركيز أو Memory Problems
    عقلي بات كل ساعة ينقصلي
    و فيك ضاع يا طيبة الأصل..!!
    أو..
    وعقلي كـاد ينزاح
    وقُولّي هجرك جَـدْ يا جافي ولاّ مِـزاح.


    كثرة البكاء أو Sobbing Mood
    عيون الصيد ناعسات عيوني.....عيون النيل حاكن عيوني
    أو..
    كل ما أكتم حبك دمعي بيهو يجاهر
    مابفيدني طبيب مهما يكون ماهر
    طبي مابين كوثر فاك وبين جواهر
    سنك اللماعه والخديد الزاهر
    أو..
    حين نسيم الليل
    بي روايحك أتاني
    زاد عليّ الشوق
    و دمعي سال هتاني
    و على عفافك دوم
    زيدني في هجراني.
    أو..
    نارو حارقة الجوف و المدامع تبهل
    بعد هذا الحال هل وصالك يسهل
    تحن يا ظلوم
    أو..
    ضاع صبري أين يا وصلي
    قلبي بي نار الغرام مصلي
    يا عقود آمالي إنفصلي
    ما بفيق من النويح أصلي..!

    Social Withdrawalأو عُزلة إجتماعية
    نسيت قلبي وروحي ونسوني...وفقدت الكانوا يؤانسوني.


    قلة الإعتداد بالنفس أو Low Self-Esteem
    أسباب تشٌوقي.. نظرتك
    و أسباب نفورك.. نظرتي!
    هواي يعجز فكرتك
    و جمالك.. يعجز فكرتي.
    أو..
    ليك حق في صدودك وتيهك وتذليلك
    ليك حق تهجرني .. ويكتر تعليلك.
    أو..
    ان قصدت هلاكــى ..تـجــدنـى مـن فرسانك
    وان عـطــفــــت عــلـــى... ذاك مـن إحسانك.
    أو..
    لولاهو ما إشتبهت
    في يميني أو يساري
    لولاهو ما صبرت
    على ذلي و إنكساري..!!

    فقدان الأمل أو Loss of Hope
    كم يواعد ويمطل.. يومي طال ممطول
    إيه يفيد القول
    وإيه يفيد من شِعري فيه مهما أقول
    منه حالمة عقول
    الوصول للبدر ياخي ما معقول..!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 08:26 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)

    ياجماعة عليكم الله خلونى احى ممكونة الممكونة بالعمق

    والله من امس الحالة قايمة حالة القريفة والقرفة وهائجة تور قاوم الصبر ذاته

    لحدى ما اجيك عاوزة اقول ليك كلامك ده ذوب الجليد المنبطح قدام وشى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 09:39 AM

sudania2000

تاريخ التسجيل: 02-04-2002
مجموع المشاركات: 4043

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)


    الحبيبة شروقة

    في بوست سابق ليك عن حميمية السودان رديت ليك رد طويل عريض ولقيت ردي مافي

    ومن انشغالي ما رجعت كتبت تاني

    اها هسي لمسني طرف السوط

    وحاتك يا حنونة مشتاقين

    وزعلانة ما لاقيتك لا في لندن لا في السودان

    الا احجز واجيك

    وقولي بس يا لطيف

    مهكورة هكر عدوك

    وزهجانة حد القرف

    ومحبطة حد الرماد

    من السودان المرض الكذب الفشل اللاحق اللاعدل اللاحب اللاهم اللا كل شئ

    حمي نزفية في الدماغ والروح

    حمي وادي متصدع في عقول المثقفاتية والسياسين حتي محمد احم المسكين

    كلهم جايبين لي قرف

    من المظلوم الساكت الي الظالم الكاذب المخادع نفسه قبل من ظلم

    وكلو مقبول الا غضب العادل الواحد المنان

    اليه المتاب وحوله الركون وتحت رحمته يكون السكون

    قولي يا لطيف تجيك طمأنينة الروح من مفيش

    قولي يا لطيف الطف بعبادك المساكين

    في المنفي وفي الداخل

    مع حبي






    خربشات :

    ممكونة ازيك وانا بحبك يا بت جدا جدا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 04:22 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: sudania2000)

    مساك الله بالخير ياسودانيتنا

    الشىء شنو يابتى امى لابرة لاجوة الزول مايلم فيكى؟
    قضيت بضعة من ساعات حميمات فى مدنى جيتها بالليل ومرقت منها الصباح على كوستى... لو اتلاقينا كنا شحن طرمبة الروح رغم انو {بورداب} الخرطوم ملوها لمن قالت كفى لكن البحر مابيابى الزيادة {هو البحر ده عاوز زيادة من شنو؟} حسع ده ماكلام هكر عليك الله

    Quote: حمي نزفية في الدماغ والروح

    حمي وادي متصدع في عقول المثقفاتية والسياسين حتي محمد احم المسكين


    طيب انتو ماكويسين ليه قالوا عليكم فى عنبرنا؟
    طيب لو شفتى كوستى تقولى شنو؟ انا مشيت ليلة واحدة لزواج اختى وفى الحفلة كنت بسأل انو البلبعنا بالطوب ده منو وكنت مندهشة الكل مندمج مع الحفلة والرقيص
    ومافى زول بيسأل اسئلة ترف زى بتاعتى دى تراها دى الحشرات والله الحشرة اكبر من الليمونة لمن تكون ملقحة كويس وملانه خضرة {بحاول اصلح ليك الصورة شوية}
    حشرات لدرجة الوباء
    موية فيها مبيدات
    حمى نزفية
    وقلب بينزف بلد اسمها الناس البتفتش عن مخرج وحامدة وشاكرة
    والحل ياسودانية؟

    قلنا نكتر عنابر النفسيات بس المشكلة لو الحال استمر كدى تتحول حقول وبرارى السودان الى عنابر متحركة سمتها الوفرة ونأكل عذاب مما زرعوة ونلبس وجع مماصنعوه

    مرحب بالمهكورين والمهمكورات روحيا فى بلد المليون ميل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 12:00 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: دي مُقدمة يا إشراقة..
    ...بجيك بالوصفات و الحُقن و الدِرِبات!


    عاد ياممكونة وصابرة لازم تشوفى لينا حقن فاعلة لانو بعد الرصة {الطريفة}/المحزنة/المبكية/ال... شنو كمان
    كل اللى رصيتيهو هنا لازم تشوفى لينا صرفة

    بالله هو الاكتئاب ده من زمن الحقيبة الحالة الزمن ده كان {فى الضواحى وطرف المدائن} مش زى حسع ماتعرفى رأس المدينة ووين وطرفها ووين من شرة الاكتئاب/ اقصد ... يازولة تميها براك عليك الله الجو مامساعد على فك الفرفة


    ومستننيك ماتطولى الغيبة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 09:26 AM

Safia Mohamed

تاريخ التسجيل: 07-21-2007
مجموع المشاركات: 2357

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئابهكر الروح {{{{للمهكريين فقط}}}} (Re: Ishraga Mustafa)

    د/ أشراقة ازيك
    غايتو لكن زي ما قالوا الجماعة مالك علينا جيابة لينا سيرة الشيء دة

    Quote: الاكتياب هكر الروح
    فما اسبابة؟
    ووسائل مقاومتة؟
    والانتصار علية؟
    هل هناك وصفات جاهزة
    او حقن ذات مصل مضاد؟

    بالتبادي انا شخصيا اول مرة اسمع بكلمة هكر يعني هي المقصود بيها شنو ممكن استشف من جملك انها حالة مرضية تماثل الاكتئاب للروح ولا ما كدة ما عارفة يعني هل هي حالة مرضية تلازم احدهم ام صفة نطلقها على احدهم يمارس الهكر او يمارس عليه الهكر هاكر ومهكرور في لبس عندي في المصطلح واستخداماته في المنبر ولكن استنادا على توضيخك بانك تقصدي بيها اكتئاب الروح حا اواصل.
    في راي البسيط والذي لا يعتمد على تحليل او دراسة علمية وانما على مشاهداتي الخاصة ان اسباي الاكتئاب عديدة ومتشابكة من اجتماعية ثقافية اقتصادية سياسية وغيرها ولكن في مجملها تؤدي الى حالة عدم تصالح الذات النفس او الروح هو يا ربي ديل بكونوا ما متصالحين مع منو او مع شنو مع الزول او الزولة الشخص او الشخصة وهو ديل ذاتهم شنو المهم من غير تسمية انا افتكر انها عدم تصالح المكون المادي للانسان مع مكوناته اللا مادية ايا كانت التسمية. بالتاكيد عدم التصالح هذا لديه درجات ويتفاوت على حسب الانسان نفسه وامكاناته ومقدراته على السعي نحو هذا التصالح وزي ما قال استاذ ابو جهينة اغلب الناس بتلجا للتصالح الذاتي من غير معينات خارجية وحتى مع استعانة بعض الناس بمعونات خارجية (القرآن) لدى بعض المسلمين الطبيب النفسي لدى اغلب الناس يظل الدافع الذاتي والرغبة الذاتية هي المؤثر الاكبر للوصول لحالة التصالح المنشودة

    Quote: حقن زى البطعنوها بعض البنات {المهبوشات} فى قيمة عقلهن وفهمن للجمال

    اها يا دكتورة هنا غيرنا الموضوع نهائيا وحولنا 180 درجة ، غايتو انت سميتيهن مهبوشات وبتفسير مهبوشات على انهن اصابهن شيء من الجنون ، انا اعتقد انهن ليست بل هن غير واعيات اولا بانسانيتهن والتي يجب ان يركزن فيها على عقولهن قبل اشكالهن أيضا يمكن ان اصفهن بانهن في ذات الوقت ضحايا مكون ثقافي اجتماعي رسم لهن ادوار معينة تبدو كانها دورهن الطبيعي في الحياة وهي التركيز على الجانب الانثوي فيهن ، وحتى هذا الجانب الانثوي وضع لهن فيه صور محددة للجمال اذا كان في طبيعة ولون كل من الشعر والبشرة او وزن وشكل اجزاء محددة من الجسم هذا الاطار اللاتي وضعن فيه لم يشاركن في صياغته ولكن يشاركن بقلة الوعي في ترسيخه.


    Quote: حد فيكم عارف؟
    حد فيكم عارف آثار الهجرة/المنفى على النفس؟
    كيف تتعامل ثقافتنا مع المكتئبين والمكتئبات
    {مجنانين } والسلام عليكم؟

    هل يقود الاكتئياب الى الجنون فعلا؟
    هل نتعامل مع الاكتئاب مثله مثل الامراض الاخرى، زى النزلة مثلا او الصداع؟

    غايتو كان ما متنا اكيد شقينا المقابر بالتاكيد هنالك اثار سلبية واضحةللهجرة خاصة على اصحاب النفوس الشفافة امثالك ، ولكن اعتقد ان هناك بعض الاشخاص قد استطاعو ان يصلوا لبعض صور التصالح ، دة راي ساكت قالوا في المثل اسال مجرب ما تسال طبيب.
    كيف نتعامل مع المكتئب وهنا لا يمكن اعطاء اجابة معممة ولكن تختلف الدرجات بحكم الواقع والسياق الاجتماعي التاريخ والثقافي الذي يعيش فيه احدهم وهنا تتباين ردود الافعال ما بين التقييم الحقيقي للحالة وحتى الاتهام بحالة الجنون وبما ان غالبية شعبنا يعيش في اوضاع متدنية ودرجة المامهم بالاشياء على اسس علمية محدود لذا نلاحظ ان الغالبية قد يصنفون المكتئبين والمكتئبات بالجنون.
    الاكتئاب والجنون لا اعتقد مرتبطان لكل اسبابه لكن قبل كدة هو الجنون ذاتو يعني شنو؟؟؟؟ هل عدم تصالح فقط ام يذهب لابعاد اعمق يعني الانسان يفقد القدرة على التحكم في سلوكه ومشاعره؟
    Quote: ماتنسوا الكلام ده للمهكرين والمهكرات فقط

    غايتو انا بعد ما رديت حتى لقيت الكلام دة يا ربي انا مهكرة ولا لا ما عارفة حتى اصنف روحي وهذه الحالة دلالة واضحة على التهكر لكن بنحاول نتزاوغ منه
    شكرا ليك وسلمتي
    صفية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 07:46 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Safia Mohamed)


    صباحاتك خير ياصفية

    وشكرا على مداخلاتك العميقة التى تثير قلق الأسئلة

    Quote: بالتبادي انا شخصيا اول مرة اسمع بكلمة هكر يعني هي المقصود بيها شنو ممكن استشف من جملك انها حالة مرضية تماثل الاكتئاب للروح ولا ما كدة


    التعريف العملى للهكرز الا يجىء يساعدنا اولى العلم لكن قصة الهكر دى فيلم {هندى} طويل لحدى حسع مافكر فيهو مخرج عالمى، حسع الجاب الهندى هنا شنو اقصد الفليم طبعا!!
    Quote: في راي البسيط والذي لا يعتمد على تحليل او دراسة علمية وانما على مشاهداتي الخاصة ان اسباي الاكتئاب عديدة ومتشابكة من اجتماعية ثقافية اقتصادية سياسية وغيرها ولكن في مجملها تؤدي الى حالة عدم تصالح الذات النفس او الروح

    اتفق معك ان الانشطار مابين الذات وروحها يقود الى عدم التصالح النفسى والظروف العامة تلعب دورا كبيرا فى تدنى الحالة الصحية للانسان خاصة اذا ثقافاتنا مشبعة بالخوف من مواجهة الاكتئاب والخوف من عزل المجتمع له او لها فيعيش العزل مرتين اولها عزله لنفسه او نفسها عن المحيط الخارجى وعن روحه او روحها فى البداية ويعيش عزل المجتمع له..تهمنى جدا مسألة الصحة النفسية دى ونفسى يوم يكون فى مركز بحوث اسند عليه مثل العديد والعديدين ظهر عقلى وننحت فى الصخر الى ان تلوح الماء ولو سرابا فالدرب طويل..

    وكما تفضلتى وسائل العلاج مختلفة وتختلف ايضا حسب وعى المصاب وقناعاته فالمؤمن بالعلاج بالقرآن اكيد سوف يساعده ذلك لان قناعاته ترسخت بهذا الفهم والذهاب الى الفكى وفى دى ينبغى التعامل بحزر اذ ان البعض اخذها وسيلة رزق ليس الا وهذا يحتاج الى توعية وهناك اذدياد طردى كلما ذادت نسبة الفقر كلما ذادت نسبة الاكتئاب وهذا يفرز شريحة من الناس تتاجر وتمارس الدجل بحرفنة وبالتالى تكسب بعض مما ينوم فقرها ولو لمدة اسبوع ثم تستمر المسيرة الحزينة. اذن الفقر يلعب دوره الاساسى فى كلا الحالتين!

    Quote: Quote: حقن زى البطعنوها بعض البنات {المهبوشات} فى قيمة عقلهن وفهمن للجمال


    اها يا دكتورة هنا غيرنا الموضوع نهائيا وحولنا 180 درجة ، غايتو انت سميتيهن مهبوشات وبتفسير مهبوشات على انهن اصابهن شيء من الجنون ، انا اعتقد انهن ليست بل هن غير واعيات اولا بانسانيتهن والتي يجب ان يركزن فيها على عقولهن قبل اشكالهن أيضا يمكن ان اصفهن بانهن في ذات الوقت ضحايا مكون ثقافي اجتماعي رسم لهن ادوار معينة تبدو كانها دورهن الطبيعي في الحياة وهي التركيز على الجانب الانثوي فيهن ، وحتى هذا الجانب الانثوي وضع لهن فيه صور محددة للجمال اذا كان في طبيعة ولون كل من الشعر والبشرة او وزن وشكل اجزاء محددة من الجسم هذا الاطار اللاتي وضعن فيه لم يشاركن في صياغته ولكن يشاركن بقلة الوعي في ترسيخه.


    ابدا ياصفيه فى علاقة قوية جدا وهو الغير متصالح مع ذاته نتيجة لظروف اقتصادية/اجتماعية/سياسية ممكن يضطر حسب الوصفات الطبية التى فى الغالب {وهذه تعتمد ايضا على ملاحظاتى الخاصة} الى التعاطى مع الحقن والادوية عموما رغم ان العلاج ووفقا لما عايشته هنا فى النمسا بيكون عن طريق الجلسات وخلق علاقة قوية مع المصاب والوقوف معة على ارضية واحدة تقودة الى العلاج ومواجهة المرض من قبل.
    البنات {المهبوشات} ولو لاحظتى زنقتهن بين قوسين تحفظا على كلمة مهبوشات التى يستخدمها بعض افراد المجتمع على {الفاكة منهم او العندهم شعنونة}..
    {الشعنونة عند المهبوشات ديل} ونتيجة لعدم الرضا النفسى والتصالح مع الذات يلجأن الى حقن مواضع معينة فى الجسم بدء من الشفتين مرورا بمناطق السدود والمصدات الثانية} ركزت عليها الثقافة المحلية وشركات الطلب العالمية!! عاوزة اقول ان عدم التصالح مع الذات سوى فى الحالة الاولى او الثانية نتيجة لظروف معروفة وواضحة تم ذكرها سابقا، يقود المصاب بالاكتئاب او المصابة بعدم الرضاء عن لونها او ذاتها عموما الى ذات النتيجة فعندما لاتملك دخلا ما تشترى منه من {قدر ظروفك معلقة ديانا مثلا} ويبدأ اللون يرجع لطبيعته لكن باثار جانبية قد تؤدى لسرطان الجلد او امراض اخرى جلدية يعرفها اهل الاختصاص... ده موضوع شغاله فيهو من فترة ولسة ماخلص لكن مرة مرة برمى منو حجر حجرين لزوم تمومة الحيطة {حسع دة ماكلام زولة مشوطنة}
    Quote: غايتو انا بعد ما رديت حتى لقيت الكلام دة يا ربي انا مهكرة ولا لا ما عارفة حتى اصنف روحي وهذه الحالة دلالة واضحة على التهكر لكن بنحاول نتزاوغ منه


    حسب تشخيصى انتى مهكرة بس ايجابيا/ فالاسئلة التى تصقعنا كفعل الهكر تؤدى الى نفس النتيجة لقلب الرملة فوق الطوب وقد نحتاج لى لخة جديدة ولاعادة بناء ومن قبل لتكوين رابطة المهكرين روحيا


    * حرف الدال ده باصفية بيعمل لى انتكاريا خاصة لمن يجىء من ناس زيك بينى وبينهم هم كبير لبلد من حقة يستريح!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 09:28 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: ياجماعة عليكم الله خلونى احى ممكونة الممكونة بالعمق

    والله من امس الحالة قايمة حالة القريفة والقرفة وهائجة تور قاوم الصبر ذاته



    Quote: ماتنسوا الكلام ده للمهكرين والمهكرات فقط


    التهكير الروحي
    التهكير الفكري
    التهكير العاطفي
    التهكير الجسدي
    التهكير الاخلاقي
    التهكير الادبي
    التهكير الفني
    التهكير الوظيفي
    التهكير العنصري
    التهكير المادي


    بجي تاني يا ست البنات ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 07:49 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: سمرية)

    Quote:
    التهكير الروحي
    التهكير الفكري
    التهكير العاطفي
    التهكير الجسدي
    التهكير الاخلاقي
    التهكير الادبي
    التهكير الفني
    التهكير الوظيفي
    التهكير العنصري
    التهكير المادي


    سمرية الحلوة!!

    مستنية جيتك وماتتأخرى علينا {عارفاك بتكونى مشغولة الحالة لسه مادخلنا الحوش}

    اها حوشنا ده محتاج لتفكيك الملاحظات القيمة اللى ذكرتيها هنا..

    فى انتظارك وتحياتى ومحبتى ليك {ولاصحابنا} المشتركيين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 10:42 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    انا الجنيت قتا هو!
    أو
    losing my mind
    Liza Minnelli

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-22-2007, 12:04 PM

معتصم ود الجمام
<aمعتصم ود الجمام
تاريخ التسجيل: 04-22-2003
مجموع المشاركات: 3261

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Adil Osman)

    الغاليه الدكتوره اشراقه بت مصطفى

    اقول ليك
    انـا اعاني من اكتئاب وللاسف شديد جدا وحالتي متاخره خالص
    اوريك ليه ...
    اولا الغربه وفي بلاد النفط
    ثانيا افكر في الوطن فطبول الحرب تمزق طبلة اذني
    ثالثا افكر في الهجرة اتذكر اغتيال ابراهيم عطا في شقته في مصر
    رابعا افكر في العالم الاول قبل يومين دهس شاب في شوارع امريكا وعن قصد

    خليها ساكت الضباب يكيتنف المكان والافكار والاحلام
    ولك الود
    معتصـــــــــــم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-25-2007, 07:32 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: معتصم ود الجمام)

    Quote: انـا اعاني من اكتئاب وللاسف شديد جدا وحالتي متاخره خالص
    اوريك ليه ...
    اولا الغربه وفي بلاد النفط
    ثانيا افكر في الوطن فطبول الحرب تمزق طبلة اذني
    ثالثا افكر في الهجرة اتذكر اغتيال ابراهيم عطا في شقته في مصر
    رابعا افكر في العالم الاول قبل يومين دهس شاب في شوارع امريكا وعن قصد



    صباح الخير يامعتصم ود الجمام

    بناء على ذلك ينبغى ان نطرح السؤال كم نسبة المصابين والمصابات بالاكتئاب فى السودان؟
    كيفية الخروج من هذه الازمة
    هل لها علاقة بازمة الحكم فى بلادنا؟
    وكيفية توزيع الثروة والبترول على رأسها؟

    اسئلة جادة رغم الضباب!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 07:50 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Adil Osman)

    شكرا ياعادل على الفيديو اللطيف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 10:53 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)



    جُمعتك مُباركة يا إشراقة.
    جبت ليك معاي...حُقنة تطعيم!

    أصحى من الصباح..زهجااااانة و مكربنة...
    تسأليني : مالك يا ممكونة؟
    أقول ليك- بدون وعي - : ضغوط الحياة يا إشراقة...الشُغل..الأولاد..الممكون...الجيران..النسابة..الحمى النزفية..إختلاف الشريكين..طبول الحرب...إلخ..

    أوعك تصدقيني يا إشراقة!!!
    كل الكلام القلتو ليك دا حاصل...لكن دا ما السبب الحقيقي للزهجة...
    السبب الحقيقي قاعد هناااااااااك في حتة بعيدة من الروح...بلف و بدور حولو..و غالبني أهبشو!
    يبقى أول حقنة...إني أحاول أقعد بهدوءءءءءء مع نفسي...و أفتح باب الحتة المقفولة دي...
    و...ألمسها بكل شجاعة و وضوح...مهما تكبٌدت من آلام.

    كدا نكون بدينا أول خطوات العلاج!


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 10:56 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)




    مع الحُقن و الدِرِبات نسيت أسلٌم على سمرية و سودانية..
    كيفكم يا حلوات؟
    و الله مشتاقين...و سعيدة جداً بسؤالكن عني.
    خليكن معانا...لسه في باقي علاجات و أدوية بلدية!

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 12:22 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)

    Quote: أوعك تصدقيني يا إشراقة!!!
    كل الكلام القلتو ليك دا حاصل...لكن دا ما السبب الحقيقي للزهجة...
    السبب الحقيقي قاعد هناااااااااك في حتة بعيدة من الروح...بلف و بدور حولو..و غالبني أهبشو!
    يبقى أول حقنة...إني أحاول أقعد بهدوءءءءءء مع نفسي...و أفتح باب الحتة المقفولة دي...
    و...ألمسها بكل شجاعة و وضوح...مهما تكبٌدت من آلام.



    حكيمة يا ممكونة .. وهو كذلك ...؟؟ الهكر الروحي هناك في جوة الجوة مستكين لاننا ما بنهبشو شية ان يفتح لنا ابواب حتت كثيرة كان الاجدي ان نفتحها ونشوف الجواها شنو ونتعامل معهابعقل ؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 04:26 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)



    Quote: السبب الحقيقي قاعد هناااااااااك في حتة بعيدة من الروح...بلف و بدور حولو.. و غالبني أهبشو
    تماما هناك .. و يغلبنا نهبشو ..
    القول ما قالته ممكونة ..
    ثم " بلعت " صدقها الجميل ممكونة و قالت بأن العلاج يبدأ بمعرفة كنه هذا الباب و مغاليقه !!
    علما أنه ليس بابا , و لا هو شيٌ مما " نعقل " .. و لا يتهبش ..
    هو فقط شيءٌ هناك .. ( لعبدالحميد البرنس حديثٌ شيق حول هذا " الشيء " ) .
    فهو لا يعقلن .. كما يشير علينا أبوبكر ..
    هذا العقل - شماعتنا المغلوبة على حالها - الذي نركن إليه في كل شيء ..
    فيغرز حواسيب واقعيته في أيما حادثات , يحاسي و يواسي و يحسب و يضرب و يقسم و يزيد و ينقص ..
    ممل كل هذا يا إشراقة ..
    أن نعقلن كل شيء .. و نرى في كل شيء وجها فزاعةً يتطلب الرقي و العلاج و و و و و ...
    ممل هو أن لا تكتئب كل شوية و التانية ..
    و مملة أكثر حالة السلام و الحكمة و العقلنة الطوااااااااالي ..

    بعض " الوجع " كالخمر : قليله يشفي ..
    و له أن يكون ما يكون : إكتئابا , إخفاقا .. إحباطا .. حزنا .. مصيبة .. أي شيء ..
    ياخي ما ضرّ لو نكتئب شوية ؟؟
    ربما محققين بذلك شرطاً إنسانيا ..
    أو حتى لا نحقق .. !!

    ( الإكتئاب " ري فورماتينق " للروح ) .
    أقول قولي هذا .. و ............

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-23-2007, 08:40 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Emad Abdulla)

    قبل ما اجيك ياممكونة عن ذلك {الشىء} البحرق الروح ويخليها بين السماء والواطة عاوزة اشرككم معاى فى مقطع من كتاب مترجم من الالمانى للعربى اسمة {هكذا تكلم زرادشت.. كتاب للجميع ولغير أحد} كاتبة الفيلسوف الالمانى فريدريش نيتشة { بيتنا ياممكونة عندو اربعة عناوين عشان قاعد مربع زى {الشىء} اللى قلتى عليهو ده فى قلب الحلة، واحد من العناوين شارع باسم عمنا نيتشة.. لزوم الزيارة وكدى

    النص بعنوان: نشيد الكآبة

    ساعة يغدو الهواء روقا نقيا،
    عندما يتراءى هلال القمر
    شاحبا وحسودا يتسلل عبر حمرة الشفق،
    عدوا للنهار
    خفية يضرب بمنجله مع كل خطوة
    على أراجيح الورود،
    حاصدا إلى ان تهوى
    ذوابة تهوى فى هاوية الليل
    هكذا هويت انا ايضا ذات يوم
    من علياء جنونى المهوس بالحقيقة
    من رغبات نهارى
    متعبا من النهار، منهكا بالضوء شاقوليا هويت،منحدرا إلى قاع المساء، الى العتمة
    محترقا بحقيقة واحدة،
    وظمآنا:أما زلت تذكر أيها القلب المتوقد
    كيف كنت تحترق عطشا آنذاك؟
    لأننى منبوذا كنت
    من كل حقيقة
    لاشىء سوى أحمق
    لاشىء سوى شاعرا


    لانو كتاب نيتشة جدير بالقراءة هنا معلومات عنه رغم {نشيد الكآبة ده }
    * الكتاب من ترجمة على مصباح ومنشورات الجمل بالمانيا وهو اصدارة جديدة لنج 2007 وهو من الحجم المتوسط ويحوى 606 صفحة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 08:34 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Emad Abdulla)

    ممكونة/ابوبكر وعماد {حسب ماورد فى ترتيب المداخلات}


    صباحكم من ذاك {الشىء}

    Quote: القول ما قالته ممكونة ..
    ثم " بلعت " صدقها الجميل ممكونة و قالت بأن العلاج يبدأ بمعرفة كنه هذا الباب و مغاليقه !!
    علما أنه ليس بابا , و لا هو شيٌ مما " نعقل " .. و لا يتهبش ..


    ارانى اتفق مع صاحبنا عماد لان الذى اقصده هنا ليس السبب من ذلك الشىء، فالشىء الذى تقصده ممكونة قد لانرغب ان نهبشه وقد لانرغب فى عقلنته كما اشار ابوبكر وذلك ليس هروبا ولكن لان فى ذلك {الشىء} مايدغدغ الم ووجع الروح ويرتب ضجيجها وقد يتسبب فى ضجيجه. ذلك {الشىء} بيكون صقعة للروح وبيكون برضو دفء ليها، صقعة لمن ننتبه للواقع ونقراه ودفء لمن نخليهو يتناوم غارقا فى الوهم الجميل.

    عشان كدى حصرنا للازمة ياممكونة فى ذلك {الشىء} فيهو ظلم للشىء، بالمناسبة الشىء ده هو شنو؟
    {وكل سلمى تتحدث عن شئيها!!}

    حصرنا للمشكلة دى فى الشىء ده بينسف كل المسببات الاخرى، المسببات اللى بنهرب برضو مرات منها
    الاسباب الاجتماعية والاقتصادية والسياسية.. نمسك الاخيرة ياممكونة ونلاحظ كم من السودانيين والسودانيات اضطروا نتيجة للظروف دى يهربوا من جحيم الواقع؟ وكيف ده حرمهم من {الشاى الصاموتى} القلتى عليه!!
    شوفى المهجر نفسه عمل فى الناس شنو؟ مهما نقول عن تصالحنا فثمة هناك مايقول غير ذلك بان تصالحنا ماكان فى السودان بنسبة 100% ولا فى المهجر/المنفى ايضا وهنا تحدث الخلحلة النفسية.
    ونشوف الواقع الفى السودان وتأثير العولمة وماتسببة من حالات تقمص وجدانى* للوصول لوضع معين صعب ان يحدث نتيجة الواقع ومعطياته، وده سبب كتير من الازمات النفسية وعدم جدية المنوط بهم لامر لمعالجة هذا الوضع المخل بالصحة عموما لان المرض النفسى قد يتحول بمرور الايام الى مرض عضوى وهذا اقوله بناء على عدة ملاحظات كنت شاهدة عليها.

    * نظرية التقمص الوجدانى واحدة من اهم نظريات علوم الاتصال والتى تساعد فى قضايا انسانية عديدة وتقول ان على الانسان ان رغب فى التغيير ان يبدأ بتقمص حالة معينة على شرط ان تكون معطيات الواقع تسمح بتحقيقها والا بيكون انهيار الامل والدخول فى احباط يؤدى بدورة الى {الشعنونة}

    اها قبل ماتقوم على {شعنونتى} وفى الجوء البارد السغيل ده امشى اتلفح {الشىء} الهابشه عضمو ذاتو وادمدم واغمض عيونى لبعض من دفء قبل ماتصحا الحقيقة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 05:43 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    حُقنة في الصميم:

    خلاااااص يا جماعة...لقينا حتة الوجع...!
    إتخنقنا و ضاقت بينا الدنيا و بكينا بحرقة لمن هبشناها..

    بكينا موقف سخيف إتعرٌضنا ليهو...
    بكينا خذلان في حبيب أو صديق أو قريب...
    بكينا كلمة وجعتنا...ما عشان القالها..لكن عشان فيها جانِب من الصِحَة...
    بكينا خوفنا من حاجة..خوفنا على حاجة....إحتياجنا للحاجة..
    بكينا إحباط من فشل حاجة..
    بكينا عدم رضا عن إنجاز حاجة..
    ....و القائمة تطول.

    في حالتك يا إشراقة...
    بكيتي من الشوق الشديد للأهل و حضن الأم و لمٌة الأخوات و الصحبات و الأصحاب...
    بكيتي عشان رجعتي لحياة رتيبة مُبرمجة بعد أيام صاخبة و مليئة بالمفاجآت....
    بكيتي عشان شتاء الموكا و الهوت شوكولوت ..ما بيشبه شتاء اللقيمات و الشاي الصاموتي..


    أبكي يا إشراقة و بالصوت العالي كمان...
    البكا دا...تاني خطوة في العلاج!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 05:10 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)

    Quote: في حالتك يا إشراقة...
    بكيتي من الشوق الشديد للأهل و حضن الأم و لمٌة الأخوات و الصحبات و الأصحاب...
    بكيتي عشان رجعتي لحياة رتيبة مُبرمجة بعد أيام صاخبة و مليئة بالمفاجآت....
    بكيتي عشان شتاء الموكا و الهوت شوكولوت ..ما بيشبه شتاء اللقيمات و الشاي الصاموتي..


    يااااااااااااة ياممكونة...
    كل شىء تغيير ياعزيزتى، شىء واحد لم يتغيير هى رائحة حضن امى.. وشىء جوة ماقاعده اهبشو عشان فيهو الطاقة البتقوينى لاحتمال عالمنا ابو حمى نزفية..
    قلتى لى اللمة؟!
    قلتى لى الشاى الصاموتى؟

    لحدى ما اجيك ياممكونة بالتغييرات التى شملت اغلب مجتمعنا السودانى اخليك واهديكم جميعا هاتين النصين من مجموعنى {أحزان شاهقة}

    Quote: هانذى أعترف

    هانذى أعترف
    بان وميض عمري شاخ
    وأحلامي لا تنبض وقلبي أنهزم

    فمنذ أن رحلت نذرتنى مدينتي
    للحزن
    للتعب
    مدينة تحتضن في أرصفتها الأطفال المشردين
    وبائعات الشاي
    والفقراء
    وتثقب قلبي ألف مرة
    وتوصد أبوابها في وجهي أنا الغريبة

    بذاكرة طفولتي أبعثر دفاتري القديمة
    وأفتح صفحة الفجر
    حين كان يعاشقنى في مسامات الحقيقة
    هذا الفضاء كان ممتداً ومشرعاً لأبحر صوب عينيك ولا منتهى

    غريبة أنا في هذا العالم
    في غرفة طفولتي
    في الشوارع التي تسكعنا وتظاهرنا بها
    واحتضنتني بأحلامي وأحزاني
    هدهدتني طفلة وحفزتني صبية
    في ذات الشوارع حسيت غربتي
    وضياعي حين لم تعرفني مدينتي
    وحين تاهت عنى ملامحها الأليفة

    هانذى أعترف
    غريبة أنا في هذا العالم
    أعترف
    بان وميض عمري شاخ
    وأحلامي لا تنبض
    وقلبي أنهزم

    إشراقة مصطفى حامد
    فيينا 25/5/2002




    Quote: حنين

    حين عدت لم أجد سوى ركام ذكريات
    وأنقاض حكايات قديمة
    أين أهلي
    أين ديارى
    وأين وجه مدينتي الساطع كالنبوة؟
    لم يعرفوني
    ولم اعرفني
    وبقى حبل الوصل بيننا حنين لماضي لن يعود

    يونيو 2002 فيينا



    وعندى المزيد ومازالت الاحزان شاهقة.... اذن البكاء رفيق دائم للروح ومخزونها الذى لاينضب، شفتى كيف!!

    (عدل بواسطة Ishraga Mustafa on 11-24-2007, 05:11 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 06:28 AM

Safia Mohamed

تاريخ التسجيل: 07-21-2007
مجموع المشاركات: 2357

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: بكينا موقف سخيف إتعرٌضنا ليهو...
    بكينا خذلان في حبيب أو صديق أو قريب...
    بكينا كلمة وجعتنا...ما عشان القالها..لكن عشان فيها جانِب من الصِحَة...
    بكينا خوفنا من حاجة..خوفنا على حاجة....إحتياجنا للحاجة..
    بكينا إحباط من فشل حاجة..
    بكينا عدم رضا عن إنجاز حاجة..
    ....و القائمة تطول.

    في حالتك يا إشراقة...
    بكيتي من الشوق الشديد للأهل و حضن الأم و لمٌة الأخوات و الصحبات و الأصحاب...
    بكيتي عشان رجعتي لحياة رتيبة مُبرمجة بعد أيام صاخبة و مليئة بالمفاجآت....
    بكيتي عشان شتاء الموكا و الهوت شوكولوت ..ما بيشبه شتاء اللقيمات و الشاي الصاموتي..


    أبكي يا إشراقة و بالصوت العالي كمان...
    البكا دا...تاني خطوة في العلاج!


    الله عليك يا ممكونة دعيني اوقع على كلماتك اعلاه

    اشراقة ازيك ان شاء الله وصفات ممكونة دي تكون نفعت معاك .
    إلى اللقاء
    صفاء
    هي شفتي وقعت صفاء يبدو اني ابتدات اتعافى واسميت نفسي صفاء في دلالة على تصالح ذاتي.

    صفية


    [
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 08:59 AM

sudania2000

تاريخ التسجيل: 02-04-2002
مجموع المشاركات: 4043

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Safia Mohamed)


    شروقة تجي مدنينا وما تهلي علينا ولا تدقي بس

    خلاص حاربتك حرب المهكورين الروحي

    كر علي من هكرتي يا بت أمي

    حالة عدوينك إنشاء الله

    بس

    نقول يا لطيف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 05:56 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: بكينا موقف سخيف إتعرٌضنا ليهو...
    بكينا خذلان في حبيب أو صديق أو قريب...
    بكينا كلمة وجعتنا...ما عشان القالها..لكن عشان فيها جانِب من الصِحَة...
    بكينا خوفنا من حاجة..خوفنا على حاجة....إحتياجنا للحاجة..
    بكينا إحباط من فشل حاجة..
    بكينا عدم رضا عن إنجاز حاجة..
    و القائمة تطول.


    اشراقة ...

    ما لقيت كلمات تعبر عن الجواي اكتر من كلمات ممكونة ...

    كتير باغضب من نفسي لمن تغرق في عمق الاكتئاب .. باحاول اذكرها بالحاجات الجميلة والمرضية في الحياة ..

    باحاول انتشلها بقشة حلم جاي ... باوعدها بفرح ضنين اتاخر كتير عن مواعيده ..

    باناقشها عشان تتقبل خيار الغربة الواقعية الانا عايشاها .. وبتذكرني بحجم الغربة السكنت جواي ...

    احيانا كنت باحاول استعين بحبيب ... او صديق ..

    عشان اتسلق جبال الحزن واعبر للجهة التانية ... عشان اقطع بحور الوجع واوصل لضفة الامان ...

    لكن الحبيب ما بقى حبيب ... والصديق ممكن يخذلك ويديك ضهرو في اشد حالات احتياجك ليهو ..

    الاكتئاب هكر الروح ؟؟

    يبقى انا مهكورة لآخر درجة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 06:13 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    غريبة .. بيتهئالنا احنا "الرجالة!!" انو الانثي هي صنو الروح .. هي الوحيدة القادرة علي هكر دواخلنا .. وبعدين لقيتكن بجاي بتشتكن من الهكر الروحي .. وبعدين .. يعني احنا هكر درجة تاني ...؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-24-2007, 10:17 PM

محمد عبدالغنى سابل

تاريخ التسجيل: 08-16-2007
مجموع المشاركات: 690

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)

    د.اشراقه
    (1)
    .
    .
    .
    اسميك
    نحلة لقلبي ورحيق لنهايات الفصول
    ارى فيك ملامح الذاهبين لجني القطن
    واسمع منك (شاشاي) العائدين من قطف الطماطم واللوبيا
    وانجا امراة الحقل المرسولة للمدينة رسولة الحقل إلى دمي
    وانجا الاغنيات ..الارض .. الوعي
    علاقة عشق من انتاج الانثى والفقراء
    وانجا وردة حلمي البيضاء
    نوار ونجا
    أو الفوج الذي فض الحديقة ليلاَ
    للحدائق ثرثرتها وآوان انحيازها للساحات
    للمنازل العادية حب الحياة .. المعارضة ورائحة الغد
    ولي آه ياوانجا موسم ثالث من خبزك الوطني
    ولك ما تشائين من حرية
    تحدقين

    (جزء من كتابة النصف الاخر منك)

    (2)
    .
    .
    .



    او ربما
    قد يكون

    (3)
    .
    .
    .
    هو!!!!!!!!!!!!!!
    ـــــــــــــــــــــــــــــــــــــــــــــــــــــــــــــــــــــــــــــــــــ
    كلام عجيب
    بفهمو براى
    أرح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-25-2007, 10:18 AM

المسافر
<aالمسافر
تاريخ التسجيل: 06-10-2002
مجموع المشاركات: 4928

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: محمد عبدالغنى سابل)

    نحن عندنا الكلمة مستعملة في لغتنا المحلية وربما تكون أقرب للمعني الذي تحتويه هذه المداخلة..

    نسمي الأشياء القديمة التي لا قيمة لها بالهكر..

    وتستعمل لنزول القيمة

    ونضيف لها معنى الإنعزال بدون قيمة للشخص المنعزل مع نفسة


    " تراه مهكور هناك""

    أو " إنت قاعد متهكر وين""

    و " أدك الهكرة التنشف ريقك""

    والإنعزال والهكرة دايما تأتي بعد أن تفر الروح إلى عوالم تترك الجسد في حالة تعرف بالهكر

    " قلبي مالو اليوم من جسمي فرَ ورحا ... دمت يا محبوبي ودامت الأفراح..

    القلب هنا تعبير عن الروح التي فرت وتركت الجسم مهكور .. والدوام لله ولكن هو يطلب الدوام للمحبوب ودوام الأفراح

    " وقلبي همالوا ... معذب في هواك مالو...

    الهم جزء من الهكر..

    وسلمت يداك..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 10:22 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: المسافر)

    المسافر

    سلمت يداك انت يا اخوى للتعريفات البليغة والبسيطة من لغتنا اليومية

    اها ياصفية تعال شوفى الهكر والمهكور عشان تآمنى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 07:04 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)

    Quote: يعني احنا هكر درجة تاني ...؟


    منو القال كدى يا ابوبكر؟ انتو ذاتكم مابتخلوا من انكم تكونوا {مهكوريين} مش ظروف الحياة دى خاصتنا كلنا؟ صحيح سياستها بصنعوها الرجال لكن هل كل الرجال بيساوا بعض؟

    وجودك هنا لطف لينا جو الحقن بتاعة ممكونتنا المحبوبة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-25-2007, 10:49 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)


    دِرِب جلكوز:-


    * أقري جوابات قديمة....الذكرى تُنعش الروح.
    * أحسني لشخص يستحق...العطاء يُضيف للروح.
    * إشتري حاجة جديدة....التغيير يُعيد تشكيل الروح.
    * فضفضي لأصدقاء يهمهم/ن أمرك......الأصدقاء أوطان صغيرة...و...
    الفضفضة..تجديد للروح.
    * شوفي مشهد كوميدي من مسلسل/مسرحية/فيلم.....شفتيهو أكتر من مرة..

    ...الضحك تالت طريقة للعلاج!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-25-2007, 10:55 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)

    Quote: ...الضحك تالت طريقة للعلاج!



    عندى كم فتيل كدى من ام ضحيكانة دسيتهم ليوم عجيب جاى اقوم اطلعو اجقم لى منه حقمة واجيكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-25-2007, 12:23 PM

Ameer Farouq

تاريخ التسجيل: 11-26-2004
مجموع المشاركات: 152

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)






    آآآآآآآآآآآآآآآآآآآآآآآهـ



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 10:03 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ameer Farouq)

    Quote: آآآآآآآآآآآآآآآآآآآآآآآهـ


    امير يااميرنا

    بركة يابا ال آآآآآآآآآآآآآآآآآآآآآآآهـ دى طلعت دى كانت عملت ليك كوفارة حاول طلعن كلهن حتى لو كانت آهات مكوناتها {لوبا عفن}، بتعرف اللوبا دى؟ اسأل منها اى زول من جهتنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-25-2007, 12:29 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    ممكونة ...

    Quote: أقري جوابات قديمة....الذكرى تُنعش الروح.


    طيب يا ممكونة لمن تكون الذكرى هي زاتها المشكلة ... ولمن تبقى الجوابات القديمة شوك بيتغرز جوة روحك .. تعملي شنو ؟؟!! ..


    Quote: * أحسني لشخص يستحق...العطاء يُضيف للروح.


    لمن تحسي انو في شئ مجهول سلبك متعة الاحساس بالعطاء وانك مهما اعطيتي برضو روحك بتفضل مشحتفة تعملي شنو ؟؟!!...


    Quote: * إشتري حاجة جديدة....التغيير يُعيد تشكيل الروح


    لمن تفقدي الرغبة في انك تعملي اي شئ ناهيك عن تمشي السوق وتشتري حاجة جديدة ... تعملي شنو ؟؟!! ...


    Quote: * فضفضي لأصدقاء يهمهم/ن أمرك......الأصدقاء أوطان صغيرة...و...
    الفضفضة..تجديد للروح.


    لمن تكتشفي انو الاصدقاء ما عاوزين يلاقوك .. وما عندهم رغبة يسمعوك .. تفضفضي لمنو وتجددي روحك وين ؟؟!! ...


    Quote: * شوفي مشهد كوميدي من مسلسل/مسرحية/فيلم.....شفتيهو أكتر من مرة..
    الضحك تالت طريقة للعلاج!


    لمن تكتشفي انو ضحكتك ودمعتك متلازمات .. وانو مافي شئ بقى قادر ينتزع ضحكة حقيقية من جواك تعملي شنو ؟؟!!...

    اشراقة ...

    Quote: عندى كم فتيل كدى من ام ضحيكانة دسيتهم ليوم عجيب جاى اقوم اطلعو اجقم لى منه حقمة واجيكم


    في طريقة تديني معاك جغمة؟؟!! ...


    تحياتي ليكم الاتنين ... غايتو الكلام معاكم بيفرق شوية من الزهج ..

    بيرمم شوية من التصدعات .. بيفتح شوية طاقات يدخل منها نور ... وكم نفاج يدخل منو النسيم ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 09:56 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: sanaa gaffer)

    Quote: طيب يا ممكونة لمن تكون الذكرى هي زاتها المشكلة ... ولمن تبقى الجوابات القديمة شوك بيتغرز جوة روحك .. تعملي شنو ؟؟!!


    سناء ياسناء!!

    قلبى المشكلة بكل جنباتها، مشكلة الرسائل القديمة وبتلقى فيها دفء قديم ساكن روحك وجزء من تاريخك وهويتك، غمضى عيونك ولامسى الدفء الجاك منها وعضى على الوجع وانزعى الشوك اللى انغرز فى الروح واحلامها... قلتى لى تعملى شنو؟ انتى لازماك زيارة لينااو لازمانى زيارة ليك نقعد نغرغر مرارة الذكرى من حلقوم الحزن ونضحك عشان زمان جاى اجمل بكتير مما فات، كونى مؤمنة بذلك!!

    Quote: لمن تحسي انو في شئ مجهول سلبك متعة الاحساس بالعطاء وانك مهما اعطيتي برضو روحك بتفضل مشحتفة تعملي شنو ؟؟!!...


    لمن يجيك الاحساس ده قومى طوالى غيرى المكان، اتمشى، اعملى حاجة كنتى بتعمليها زمان مع حلم مضى ولسة ساكن جواك، اعملى حاجة بتحبيها، افتحى الماسورة لاعلى صوت واملىء حوض البانيو وخلى الموية تغلى وتنفقع مرارتها وافقعى معاها كل مرارتك واغسلى روحك بموية الحلم الجاى وانهضى... فى حلم جاى وخليك برضو مؤمنة بكدى والاحلام الماعاوزانا نحنا برضو ماعازنها اها شنو ليك؟ الليلة ماخدة جغمه جامدة تصدقى

    Quote: لمن تفقدي الرغبة في انك تعملي اي شئ ناهيك عن تمشي السوق وتشتري حاجة جديدة ... تعملي شنو ؟؟!! ...


    خلاص ماتمشى السوق اقعدى فى البيت وافتحى نافذة جوة قلبك وشوفى من خلالها العالم هو اجمل كتير مما نظن... نافذة زى نافذة جابها طلال عفيف هنا، شوفى الصورة وعاينى لفوق لفتحة النافذة شوفى الجدران الحولك وحولها ومع ذلك فى شمس وضوء ولحن طالع من شجنك او شجنى القديم، شفتى كيف ياصاحبتى البديعة



    Quote: لمن تكتشفي انو الاصدقاء ما عاوزين يلاقوك .. وما عندهم رغبة يسمعوك .. تفضفضي لمنو وتجددي روحك وين ؟؟!! ...


    فتشى ليهم عن العزر لانك بتحبيهم ولانهم بيحبوك لكن غرقوا فى احزانهم الخاصة بيهم!! بتحرق والله ياسناء مرات بتكونى عندك رغبة تسمعى بس صوت زول، بس تسمعيهو وتحسى بالطاقة مالاية روحك يقوم الاثير يتجمد بالحسرة بس لو نعرف اللى بيساعد فى اذابة ده شنو؟ تشوفى الشىء الجميل الفيهو وتبررى ليهو ولمن تلاقيهو تعاتبيهو كما ينبغى للاصدقاء الحقيقين ان يفعلوا!! اصادقاء مايضايقوكك ومايحاصروك ومايرموا شوك احزانهم كلها فى طريقك... تصاحبينى ياسناء؟

    Quote: لمن تكتشفي انو ضحكتك ودمعتك متلازمات .. وانو مافي شئ بقى قادر ينتزع ضحكة حقيقية من جواك تعملي شنو ؟؟!!...


    شغلى اسطوانة موسيقية على اعلى صوت وقومى امشى على مفاصل روحك بتسمعى طقطقتها ماتهتمى امشى وامشى
    اسمعى غنا بنات وارقصى حتى لو مابتعرفى وغنى معاهن حتى لو مابتعرفى، اعملى ده وانت قدام مراية روحك بتشوفيها كويس وبتلمسى فيها مايلهمك لتغنى كل الاغنيات الممكنة زى ماقال محمد منير

    تانى شنو يالهكروك على انا ماعندى مانع اديك جقمة وماعندى مانع نتبادل الهموم والاحزان لمدة ساعة واحدة!! تصدقى ياسناء تانى ماحاتجىء المولد حاتشيلى همومك وتكوبى الزوغة {الليلة كترت الجقمة زى ماقلت ليك}

    Quote: غايتو الكلام معاكم بيفرق شوية من الزهج ..

    بيرمم شوية من التصدعات .. بيفتح شوية طاقات يدخل منها نور ... وكم نفاج يدخل منو النسيم ...


    خلاص حانكتر منو والله يحلك عاد ياسناء!!

    انا سامعة ضحكتك ونور من وشك دخل روحى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 04:02 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: قلتى لى تعملى شنو؟ انتى لازماك زيارة لينااو لازمانى زيارة ليك نقعد نغرغر مرارة الذكرى من حلقوم الحزن ونضحك عشان زمان جاى اجمل بكتير مما فات، كونى مؤمنة بذلك!!


    اشراقة ... احنا جيتنا ليك صعيبة ... انتي تعالي لينا..خلينا نقعد راس لراس .. نستفرغ حزننا ومرارتنا .. واخليك تعلميني ابجدية الضحك .. ومقدمةالتفاؤل ... والايمان بالاحتمالات الحلوة ...

    Quote: حلم مضى ولسة ساكن جواك

    أحي يا اشراقة .. ما هي دي المشكلة زااااااااتها .. انو الحلم انتهى ... لكن لسة ساكن جواي ..

    Quote: اقعدى فى البيت وافتحى نافذة جوة قلبك وشوفى من خلالها العالم هو اجمل كتير مما نظن...


    ذكرتيني بمقولة بترددها صديقتي دائما " ايامنا الجميلة لم تاتي بعد " طال الانتظار .. وابت تجي !!...


    Quote: فتشى ليهم عن العزر لانك بتحبيهم ولانهم بيحبوك لكن غرقوا فى احزانهم الخاصة بيهم!! بتحرق والله ياسناء مرات بتكونى عندك رغبة تسمعى بس صوت زول، بس تسمعيهو وتحسى بالطاقة مالاية روحك يقوم الاثير يتجمد بالحسرة بس لو نعرف اللى بيساعد فى اذابة ده شنو؟ تشوفى الشىء الجميل الفيهو وتبررى ليهو ولمن تلاقيهو تعاتبيهو كما ينبغى للاصدقاء الحقيقين ان يفعلوا!! اصادقاء مايضايقوكك ومايحاصروك ومايرموا شوك احزانهم كلها فى طريقك... تصاحبينى ياسناء؟


    تصدقي يا اشراقة لمن كتبت ليك كلامي الاول كنت فعلا في خلاف مع صديق عزيز .. حسيت في لحظة انو خذلني وانا في عز احتياجي لدعمه ووقوفه جنبي ... ما فكرت في انو ممكن يكون عنده ظروفه الخاصة او مشاكله السجنته جواها ...بعد العتاب انجلت الغمة وفهمنا احنا الاتنين كيف يكون التقدير لظروف الاخر والتفهم لاحتياجات الصديق ...
    انتي التصاحبيني يا اشراقة ؟؟؟ ... لمن اتخطى حالة الدبرسة العندي هسة دي ببقى زولة معقولة ..وممكن اتصاحب ...

    Quote: شغلى اسطوانة موسيقية على اعلى صوت وقومى امشى على مفاصل روحك بتسمعى طقطقتها ماتهتمى امشى وامشى
    اسمعى غنا بنات وارقصى حتى لو مابتعرفى وغنى معاهن حتى لو مابتعرفى


    يا اشراقة عندي مشكلة مع الاصوات العالية لدرجة اني باحضر التلفزيون من غير صوت ... ما باستحمل غير الموسيقى الهادئة والغنا بالعود عشان ما فيهو ضجيج ..
    ما بعرف اغني .. وشترا في الرقيص

    Quote: تانى شنو يالهكروك على انا ماعندى مانع اديك جقمة وماعندى مانع نتبادل الهموم والاحزان لمدة ساعة واحدة!! تصدقى ياسناء تانى ماحاتجىء المولد حاتشيلى همومك وتكوبى الزوغة {الليلة كترت الجقمة زى ماقلت ليك}


    تجي نجرب ؟؟!! .. ونشوف الحيجري اول منو ...



    Quote: خلاص حانكتر منو والله يحلك عاد ياسناء!!

    انا سامعة ضحكتك ونور من وشك دخل روحى


    والله جد ضحكت لمن ضروس العقل ظهروا ... تسلمي يا اشراقة

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 09:27 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: sanaa gaffer)

    Quote: لمن اتخطى حالة الدبرسة العندي هسة دي ببقى زولة معقولة ..وممكن اتصاحب ...


    لو ماصاحبتك وانت مهكورة مافينى فايدة ولا فيك فايدة كان ماصاحبتينى حسع والهكرة حاصلة!!

    لحدى ما اجيك بركة يايمة الشفنا سنيناتك ياسنوية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 09:16 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)


    حُقنة حااااااااااااارة :-



    كوني حازمة..حاسمة..بتٌارة..
    إبتعدي - قدر المستطاع - عن من يُثير حُزنك و يُحبط معنوياتك..
    حتى لو كان أقرب الأقربين!

    ..

    ... آخر العلاج..الكي!

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 03:01 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)

    Quote:
    كوني حازمة..حاسمة..بتٌارة..
    إبتعدي - قدر المستطاع - عن من يُثير حُزنك و يُحبط معنوياتك..
    حتى لو كان أقرب الأقربين!


    ماكنا كويسين ياممكونة!!
    غايتو وصفتك دى دايرة ليها حاجة كدى كنت بشوف ود اهلى بلفها مع اولاد الحلة
    بعدها يجوز الابتعاد عشان الزول بيكون شايف زول تانى فى المراية القدامو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 04:11 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: mamkouna)

    Quote: حُقنة حااااااااااااارة :-


    كوني حازمة..حاسمة..بتٌارة..
    إبتعدي - قدر المستطاع - عن من يُثير حُزنك و يُحبط معنوياتك..
    حتى لو كان أقرب الأقربين!


    آخر العلاج..الكي!


    ممكونة ...
    انتي بتقري الافكار ؟؟!!..
    والله انتي بالجد من " ناسي " ...
    اجمل شئ انك تدخل مكان وتلقى ناسك حواليك ... يونسوك ... يطيبو خاطرك ... يذكروك باهلك ...
    وبرضو طالباك كعك ناااااعم وسكرو مشتت

    الحقنة الحارة ما عندك ياخ ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 11:20 AM

azhary awad elkareem

تاريخ التسجيل: 09-26-2007
مجموع المشاركات: 1328

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    أى دمعة حزن لا..

    ومثلها لمنى خوجلى..


    لك ولهاولكل من مر/ت من هنا محبتى

    أزهرى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 01:05 PM

Safia Mohamed

تاريخ التسجيل: 07-21-2007
مجموع المشاركات: 2357

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: Quote: أقري جوابات قديمة....الذكرى تُنعش الروح.



    طيب يا ممكونة لمن تكون الذكرى هي زاتها المشكلة ... ولمن تبقى الجوابات القديمة شوك بيتغرز جوة روحك .. تعملي شنو ؟؟!! ..



    Quote: * أحسني لشخص يستحق...العطاء يُضيف للروح.



    لمن تحسي انو في شئ مجهول سلبك متعة الاحساس بالعطاء وانك مهما اعطيتي برضو روحك بتفضل مشحتفة تعملي شنو ؟؟!!...



    Quote: * إشتري حاجة جديدة....التغيير يُعيد تشكيل الروح



    لمن تفقدي الرغبة في انك تعملي اي شئ ناهيك عن تمشي السوق وتشتري حاجة جديدة ... تعملي شنو ؟؟!! ...



    Quote: * فضفضي لأصدقاء يهمهم/ن أمرك......الأصدقاء أوطان صغيرة...و...
    الفضفضة..تجديد للروح.



    لمن تكتشفي انو الاصدقاء ما عاوزين يلاقوك .. وما عندهم رغبة يسمعوك .. تفضفضي لمنو وتجددي روحك وين ؟؟!! ...



    Quote: * شوفي مشهد كوميدي من مسلسل/مسرحية/فيلم.....شفتيهو أكتر من مرة..
    الضحك تالت طريقة للعلاج!



    لمن تكتشفي انو ضحكتك ودمعتك متلازمات .. وانو مافي شئ بقى قادر ينتزع ضحكة حقيقية من جواك تعملي شنو ؟؟!!...

    اشراقة ...


    Quote: عندى كم فتيل كدى من ام ضحيكانة دسيتهم ليوم عجيب جاى اقوم اطلعو اجقم لى منه حقمة واجيكم



    في طريقة تديني معاك جغمة؟؟!! ...


    تحياتي ليكم الاتنين ... غايتو الكلام معاكم بيفرق شوية من الزهج ..

    بيرمم شوية من التصدعات .. بيفتح شوية طاقات يدخل منها نور ... وكم نفاج يدخل منو النسيم ...


    الله يا سنوية كانك تشرحين حالتي قبيل اعوام حين تفقد الحياة معناها حين تفتقدين الاحساس بالماضي ويؤلمك الحاضر ولا ترين المستقبل ، حين تضيع كل المعاني السامية ولا يبقى لنا سوى الشرود ولكن وبحمد الله ونعمته تجاوزتها وها انا اعود مرة اخرى للحياة
    اكيد ما عندي وصفة جاهزة لكن قالوا في المثل اسال مجرب ما تسال طبيب
    طبعا بالتاكيد تجاربنا تختلف وسياقنا مختلف وتفاصيل همومنا مختلفة ولكن جمعنا هم (الهكر) فما استفدته من تجربتي هو الاصرار ثم الاصرار ثم الاصرار الاصرار على الحق الاصرار على الحياة الاصرار على البقاء وها انا اعود مليئة بالحياة واصر على اتمامها لاخر نقطة فيها او لي بالاصح ، الوصفات الجاهزة لا تفيد ولكن المؤشرات العامة تقول ان اصريتي على البقاء حتما ستجدي الحلول
    شكرا
    صفية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 04:21 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Safia Mohamed)

    Quote: الله يا سنوية كانك تشرحين حالتي قبيل اعوام حين تفقد الحياة معناها حين تفتقدين الاحساس بالماضي ويؤلمك الحاضر ولا ترين المستقبل ، حين تضيع كل المعاني السامية ولا يبقى لنا سوى الشرود ولكن وبحمد الله ونعمته تجاوزتها وها انا اعود مرة اخرى للحياة
    اكيد ما عندي وصفة جاهزة لكن قالوا في المثل اسال مجرب ما تسال طبيب
    طبعا بالتاكيد تجاربنا تختلف وسياقنا مختلف وتفاصيل همومنا مختلفة ولكن جمعنا هم (الهكر) فما استفدته من تجربتي هو الاصرار ثم الاصرار ثم الاصرار الاصرار على الحق الاصرار على الحياة الاصرار على البقاء وها انا اعود مليئة بالحياة واصر على اتمامها لاخر نقطة فيها او لي بالاصح ، الوصفات الجاهزة لا تفيد ولكن المؤشرات العامة تقول ان اصريتي على البقاء حتما ستجدي الحلول


    صفية ...
    التجارب بحلوها ومرها هي التي تشكل شخصيتنا ... عصارتها تحدد مسارنا ... نتيجتها تصبح عامل دفع او تقاعس وذلك حسب اختيارنا ...
    مش قالوا الضربة الما بتقتلك بتقويك ؟؟!! ...
    انا حية ... اتنفس ... امشي .. اتعلم التعايش مع المي ...استمد قوتي من ايماني ويقيني بخالقي ...
    سعيدة بك وبتواصلك وبتجاوزك لحالة الاكتئاب هكر الروح ... باصرارك على انتزاع حقك في الحياة ..
    لك ودي وتقديري ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 08:01 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Safia Mohamed)

    Quote: فما استفدته من تجربتي هو الاصرار ثم الاصرار ثم الاصرار الاصرار على الحق الاصرار على الحياة الاصرار على البقاء وها انا اعود مليئة بالحياة واصر على اتمامها لاخر نقطة فيها



    كيف بالله ياممكونة فى الوصفة دى؟

    شكرا لصفية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 01:33 PM

Safia Mohamed

تاريخ التسجيل: 07-21-2007
مجموع المشاركات: 2357

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: لك ولهاولكل من مر/ت من هنا محبتى

    أزهرى


    كلهم يا ازهري يعني ما في اي استثناء او خصوصية

    تعرف النسوان جنهن وجن الجمع في الحب كدي كدي خصص

    مع الاعتذار ان رفعنا الكلفة

    صفية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 05:14 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: تعرف النسوان جنهن وجن الجمع في الحب كدي كدي خصص


    والله انتي واضحة
    الله يخليكي خليكي كدة
    لازم كل واحدة تاخد حقها كامل من الحب والاعتراف
    واكيد ازهري قصد بالجمع انو كلكن بتستاهلن الحب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 06:11 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)

    تحية حـــــارة لممكونة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2007, 08:01 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Rawia)


    من قبل أن تشيب الرؤى ..
    و الدنيا كانت خير و مليانة " ناسنا " ..
    و زهوان الزول بالدنيا و متندل أحلام لأبو عينو .
    تقوم لما تعصرني روحي أحياناً و الشيلة تتقل .. بقوم أكورك .
    الميز كان إسمه الكنيسة ..
    مبنى متهالك أسكنوا فيه طلاب الفنون , فسكنت لوحدي دون الخلق في غرفة كانت مخزن ..
    أجرب فيها وحدي ما أجرب , بما فيها تجاوز كل الخطوط ..
    و لسان الحال : ( يا غِرِق .. يا جيت حازما ) ..
    غرفة , بالكاد تتسع لي و ألواني , و خشب فوق خشب , و ورق من فوقو ورق , و لحاف هبّابي , و توب زراق برائحة معتتة , ثم أسرة من الجقور الشبعانة من خير هوام " الحديقة النباتية " في المقرن .
    يقوم ما يلم فيك الإحساس الوارم ده إلا و الليل إنتكا و عسّل , و الخلوق نامت .. و الوحشة كبرت , و نزلت عليك زي سهم الله محتلة كل حواسك .. و الغرفة .. و الخرطوم .. و البلد بي حالها .
    تقوم الحاجات تزنقك و تزنقك و تزنقك .. لغاية لما تهكرك في نص روحك .
    ( حبوبتي بتقول : العنقريب ده مهكور من نصو ) الله يرحمك يُمّه .
    طوالي أطلع السطوح و أفك حسي بأعلاه .. أكورك لامن الله يغفر لي ..
    قدر ما الله أداني أكورك .. شي آآآآآآآآآآي .. شي يا اللللللللللله , شي آآآآآآآآخ .. شي صنقيع للسما و كلام معاها يمرق فيهو كل المغتت من محاذير النهارات من : حرام و عيب و كفر و قلة حيا و و و و ..
    ( فالشكية منه إليه ) .. سانحة تلك يتيحها لك الهكر قبال ما تقبل عليك النفس اللوامة - بحكمتها المكررة - أو ينغصها عليك سوط العقل البايخ , أو بوليس السواري الحارس المقرن .
    الغريبة كانوا يكوركو معاي مخاليق حديقة الحيوان القريبة .. أي و الله ( هكر الروح بيلم الكائنات .. فتنوح , فترتاح ) .
    هسه ما ماسكني من الكواريك العلاجية دي إلا شوية وقار و شيبات ..
    و .. حِس مقروش من النبيحة الطويلة الممتازة .

    قالوا في اليابان عملوا صالات للنبيح ..
    تخشها و تجيب آخرك نبيح سااااااكت ..
    تمرق بعدها خفيف زي الترتيب - إلى حين هكرة جديدة -

    داير أكورك .. لكن الخرطوم ميتة ..
    و مثلها الحيل .
    طيب .. نكورك وين ؟

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 02:56 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Emad Abdulla)

    Quote: من قبل أن تشيب الرؤى ..


    من قبل ان تشيب الرؤى؟!!

    اصطدمت برأسى الفكرة.. كيف يحدث هذا.. راجعت كل المدخلات التى كتبتها الارواح المهكورة وكل محاولات ممكونة وحكمة ابوبكر ومن ثم نيتشة وكتابه للجميع ولغير أحد كان منقذى... قال:

    { لم تحن ساعة صراعى الأخير بعد،- ام تراها هى التى حلت للتو؟ حقا بأى جمال ماكر يرمقنى البحر والحياة من كل الجهات!} هكذا تكلم زاردشت!!

    ومع ذلك هل تشيب الرؤية ام انها تتعق بنبيذ التجارب؟


    Quote: داير أكورك .. لكن الخرطوم ميتة ..


    الخرطوم ميته.....هل هناك هكرا للروح اكثر من مواتها او موتها ....ومرة أخرى تكلم زاردشت...

    {عينى لم تعد تدمع لخجل السائلين، ويدى غدت أصلب من ان تشعر بارتعاشة الأيدى الملئية..
    مالذى جرى لدموع عينى وزغب قلبى؟ يالوحدة كل المانحين! يالصمت كل المضيئينّ.....
    .....
    ....
    ....
    ...
    ..
    انه الليل: آه لما ينبغى علىّ أن أكون نورا! وعطشا لما هو ليلى! }

    وهكذا تلكم زاردشت وماتت الخرطوم



    ومازلنا فى انتظار عنوان الصالات الفى اليابان بتاعة النبيح ياصديقنا عماد
    دلنا عليها ينالك ثواب!



    التعديل ضرورة ايجاد وسيلة اخرى للكواريك للافاده العامة

    (عدل بواسطة Ishraga Mustafa on 11-27-2007, 03:05 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 08:44 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Rawia)

    وتحية خاصة لراوييتنا وتعظيم كمان

    شفتى ياممكونة راوية رمت زهور تحيتها بسرعة واتخارجت خايفة من هكر الروح، تجىء تانى الغابة يا راوية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 08:07 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: هسه ما ماسكني من الكواريك العلاجية دي إلا شوية وقار و شيبات ..


    والله يا قربيي مما صعبت علينا "الكوارييك العلاجية " الضغط والسكر زادن وروحي مشحتفاني اقول بس اكورك مرة واحدة واليحصل اليحصل ..القصة وما قيها انو لحد تلات سنواتمضن كانت المدينة الصغيرونة الانا مسئول عنها ومعاي واحد انجليزي ما اسكنت وكان مكتبنا كدة بورتاكبن قديم وقريب من الشارع الهاي واي وصوت اللواري والكرينات ووو مع صرصر عاتية بتاعة الصحراء بتدينا فرصة كل كام ساعة هو يكوررك من مكتبو وانا اكورك ..بعدين شوية شوية البيوت ابتدت تسكن والشوارع والمركز التجاري والمدرسة والغولف وووو والحتة بقت فيها الاف البشر ماشة وجاية والمكتبيين بقو خمسيين والمصيبة انو انا والانجليزي السجمان دة المسئوليين عن القاعدين في الخمسيين مكتب والناس حولينا ..اها نسوي شنو ؟؟ مرات مرات كدة تكون في اجازة ونص المكاتب فاضية " ما انا وزلي ما ناس اجازة" واها نكورك بس واطيييي...!!نفسي في كوراك زماااان ..برضو زمااان في استوديو الكلية وبعد الساعة 3 صباحا الواحد كان يكورك وما في زولا بيجيب خبرو وبعد شوية تلقي كل المعاك بيكوركو وبعدين نرجع نرسم للصبح ... مالشيبات ملان الراس والوش والعيون بقت مدغمسة والمفاصل مربطنها برباط استرتش بس الواحد نفسو يك وووووورك....بالذات اللحظة دي وصوت المكييف "زيييييييييييييييييي" نفسي بس اكوورك زيو

    (عدل بواسطة abubakr on 11-27-2007, 08:08 AM)
    (عدل بواسطة abubakr on 11-27-2007, 08:10 AM)
    (عدل بواسطة abubakr on 11-27-2007, 08:12 AM)
    (عدل بواسطة abubakr on 11-27-2007, 08:12 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 08:21 AM

azhary awad elkareem

تاريخ التسجيل: 09-26-2007
مجموع المشاركات: 1328

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)

    صفية يا صديقتى..
    لن يحتاج رفع الكلفة بيننا إلى الإعتذار
    فالأصل ألا تؤجد بيننا كلفة إبتداء .. فنحن (أخوة بالإسفير)
    وليس بين الأخوة كلف..

    أما حكاية التخصيص فى الحب فقد كفانى الأخ أبو بكر الرد
    وكأنه قرأ مافى داخلى..
    فكلكن تستاهلن الحب

    شكراً لك صفية ..
    وشكراً للأخ أبو بكر وأتمنى أن تكون هذه المداخلة عربون تعارف..

    وشكراً لإشراقة التى جمعتنا,,

    ولكل المارين/المارات من هنا محبتى..
    ولصفية (محبة) خاصة عشان ما تزعل.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 08:26 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)

    Quote: بس الواحد نفسو يك وووووورك....بالذات اللحظة دي وصوت المكييف "زيييييييييييييييييي" نفسي بس اكوورك زيو


    طيب يا ابوبكر لو انت فى حتة لو رميت الابرة تسمع صوتها تعمل شنو؟

    ماعاوزة اجىء لمداخلة اخونا فى الانسانية عماد الا بعد مايورينا عنوان اليابان ده غايتو قريب مننا هنا امشى اكورررررررررررررريك واكوريك ليكم معاى...اها دى مساومة اما عماد يقول لينا ولا بمشى البحر.. اها البحر ده وصفة لسة ممكونة ما اكتشفتها!!

    تجوا نترافق؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 09:49 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: طيب يا ابوبكر لو انت فى حتة لو رميت الابرة تسمع صوتها تعمل شنو؟


    اها اوقف المكيف واقفل الباب وياني في عمق المحيطات .. البلاد الصحراوية الاصوات فيها بتتلاشي بسرعة .. ما في صادات تخلق صدي يرجع فلذا لو قفلتي الباب ما تسمعي الا صوت نفسك وبس حركة بسيطة والواحد ينط ... عندي واحدة من ملاك البيوت البنيتها في المدينة دي صوت زنة في المكيف المركزي وفي غرفة نوما بالكاد الواحد يسمعا مرضتها .. الصوت مما هو صعب ان يسمع كل المهندسيين احتارو فيهو الا هي وفي النهاية ختت plug علي اضنها .. احيانا ااكون في البيت براي وفجاءة مفتاح الباب كلك واخوكي يركب الهوا ...

    (عدل بواسطة abubakr on 11-27-2007, 10:30 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 10:23 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)


    حُقنة مُهدئة:-


    * كونو دائماً بصُحبة إشراقة..سلمى..سناء..صفية..سودانية..سمرية..راوية....
    عماد...أزهري.. و...أبو بكر..

    حكمة العدد:-

    * جاوِر السعيد...تسعَد !
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 10:44 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    يابنات ويا شباب ( اها اكبر واحدة قيكن في عمر اختي الصغيرة وكذلك الرجالة ) .. المهم انو اسوء هكار هو "الخوف" ...لانو بيستولي علي خلايا العقل ويتسرسب لحدما يستولي علي الوجدان ويفضل طاغية يشل حركاتنا ...
    وبخصوص السيد الهكار الخوف اتذكر ايام تحرك الجيوش لتحرير الكويت انو الامريكان حددو تاريخ التحرك والحرب وفقا للشهر القمري وبالذات ليلة الخامس عشر من العربي .. واها قبل يوم من داك الناس ادفقت علي السوبرماركتات تشتري كراتين مياه وطحين لحدما تدخلت السلطات واوقفت ذلك مطمئنة الناس بان البلاد قيها ما يكفيها ويزيد لمدة تقارب السنة واصلا لا يوجد ما يقلق واحنا وين والكويت وين .. ولكن حيث ان الخوف كان قد هكر العقول والوجدان فهنالك من اصر علي ذلك وكانت اسرة كويتية من الذين وجدو انفسهم خارج بلادهم فجاءة قد سكنت مجاورة لي ورايت صفوفا من كراتين المياه واكياس الطحين تملا كل كورنر في الشفة .. ولكن اهم ما كان من اثر الهكار انو كل ليلة كان السكان يقفون في بلكونة داخلية تطل علي حوش داخلي ينظرون الي السماء ويتبادلون احاديث الخوف ويوم الخامس عشر انطلق صوت هز اركان المبني فتسمر الجميع في اماكنهم وكان علي رؤسهم الطير وسمعت همهمات جاري " ما بيتركونا في حالنا .. الخ" اما انا وجاري الايراني فلقد توكلنا علي الواحد الاحد ونزلنا الي الطابق الارضي لنخرج ونعرف الحاصل شنو ؟ وعند الطابق الارضي وبحكم المهنة انتبهت الي ان الصوت قادم من كبائن الاطفاء.. المهم انوبسبب تماس كهربائي انطلف جرس الاطفاء واعتبرناه كلنا بسبب الهكار الخوف انو انذار حربي ...

    (عدل بواسطة abubakr on 11-27-2007, 10:47 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 11:14 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: abubakr)

    Quote: المهم انو اسوء هكار هو "الخوف"



    عرفت ليه انت حكيمنا ياابوبكر؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 05:38 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    اشراقة ...

    الكلام الجاي دة اعتبروه صرخة قوية ... تنفيس ... كوراك ..هذيان ..

    راودني حنين الى البوح .. فاتيت احمل روحي المعلقة بخيوط واهية .. وانا اتوكأ على حلم مبتور ...
    اتيت تدفعني حمى جائرة تسللت اليّ في غفلة مني .. استوطنت عقلي .. واقنعته بان اوان الهذيان قد حان ....
    هل اخبرتكم كم اعشق حمتي ؟؟؟ فهي تعطيني رخصة بالكلام بلا خوف الحساب ...
    ووداع التوجس من الفلتان ... ومجاراة فحيح الروح وهي تطلق حممها لتقضي على الاخضر واليابس ...
    قال الطوارقي الذي يدعّي كراهية النساء ( ابراهيم الكوني ) في كتابه الملئ بالايحاءات ( التّبر )
    لا تودع قلبك في مكان غير السماء ... اذا اودعته عند مخلوق على الارض طالته يد العباد وحرقته ...
    لماذا لم يعطونا خلاصة تجربة الكوني كمنهج في المدارس ؟؟؟
    لماذا جعلونا نؤمن بان القلب له قطع غيار ويمكن استبداله اذا اصابه التلف ؟؟
    ولماذا اوهمونا بان القلب له قدرة على النسيان ؟؟
    لماذا يرفض قلبي ان يتبنى قانون النسيان ؟؟؟
    لماذا اصبح قلبي قطعة لحم صغيرة غير قابلة للرهن أوالبيع أو حتى تحويل الملكية ؟؟؟
    لله درّك يا ابن الكوني ... ليتني عرفتك منذ زمان ...
    ليتني عرفتك قبل فوات الآوان ...
    لكنت تعلمت منك ان لا ارهن قلبي الا للسماء ...

    خلاص كوركت ... وارتحت ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 06:11 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: sanaa gaffer)

    Quote: لا تودع قلبك في مكان غير السماء ... اذا اودعته عند مخلوق على الارض طالته يد العباد وحرقته ...


    بختك,,, كوركتى وارتحتى... رئتى حبلى فى شهرها الثامن، كان ذلك الحبل فى مارس من اى عام غير ذى امل اودعت فيه قلبى!!
    هى الارض ياسناء!!
    هى الواقع!!
    والسماء.. النجمات الحنينات... ملبدات بغيوم اشعلت بحرى بمزامير تخدر العصب الصاحى قدام اغنيات الخسارة والحلم الكان صادح للجسارة....والنسيان مرات نعمة ومرات نقمة؟ نعمة النسيان ترفع عنك هكر الروح ونقمته تسكنك الحزن.... ستكونى اذن اول من يقرأ الرهينة... قنبلتى القادمة فى زمن آتى لارض آتية وحبلى بشجنى...

    Quote: هنا نبتت قرنفلة القيامة والنار المجوس



    لا تراهن...

    الا على الماء بين أصابع الصهد
    على الرمل تلال جوى القلب
    غموض سر اللهب
    تبت أناشيد النبض الوهم
    تنهض تخلق من عدم
    أسنة للريح
    تغنيها أنثى المزامير
    صوب الأفق
    فلا تراهن ولا ترهن خضرة قلبك
    لماء يلوح فى الصحراء
    فليس هناك سوى حلم الغرباء
    فطوبى لفرس يعرفنى
    لكنه لا يلجمنى
    فلا رهان
    الا لشجن يسكننى
    صنوان فى السؤال تلو السؤال
    حجران لطقوس النهر
    ومرآة لا أرى فيها سوى رهان عمرى
    مرآة اعرفها وتعرفني
    اهشمها وتهشمنى
    تفك شفرة اقتصاد الجسد السياسى
    ومعا نجمع شظايا غربتنا
    نعلقها على مقصلة السؤال
    ونبنى حائطا سميكا بيننا
    كتبنا عليه .........
    هنا نبتت قرنفلة القيامة والنار المجوس
    تيمموا من بهاء فجيعتها
    وصلوا علىّ صلاة الغائبة من شدو الطقوس
    ان في ذلك اليقين
    .....
    .....
    ...
    ..
    .

    أنا من هنا عبرت حين ارهقنى الصهيل


    اشراقه مصطفى حامد

    فيينا 27 سبتمبر 2007


    وماعبرت ياسناء رغم ان الصهيل أرهقنى.... وتعبت... تعبت شديييييييييييييييييد
    شفتى هكر الروح ده كيف.... تبدلى ياسناء


    الحقينى بحقنة ياممكونة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 06:29 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: Ishraga Mustafa)

    Quote: وماعبرت ياسناء رغم ان الصهيل أرهقنى.... وتعبت... تعبت شديييييييييييييييييد
    شفتى هكر الروح ده كيف.... تبدلى ياسناء

    الحقينى بحقنة ياممكونة


    الحقينا يا ممكونة ...

    يا اشراقة ...

    انا بعده اعتزلت الصهيل ...

    Quote: يا من وهبتك حنيني وملأت كفيك بعشقي ...
    وبيدي اعطيتك لجامي ..
    لماذا قدتني نحو التيه والضلال ؟؟...
    لماذا اوهمتني بان الغد آت ؟؟
    لماذا اعطيتني فرشاة .. والف لون ..
    وبعد ان رسمت لوحتي الجميلة ..
    اتيت بضربة واحدة واحلتها سواد ؟؟ ...

    اخبرني يا فارسي الاصيل ..
    يا من هديتك النجوم كي تضئ كونك ...
    وكسوتك عشقي ليدفئ روحك ...
    اطعمتك شوقي .. وعطرتك بلوني ..
    اخبرني بان الحياة بعد الموت قد تعود ..
    وجاوب سؤال حلمي المؤود ..
    هل هناك احتمال بان يعود صوتي المفقود ...
    لا أظن ..
    فانا بعدك قد اعتزلت الصهيل ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-27-2007, 08:42 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الاكتئاب هكر الروح {{{{للمهكريين فقط}}}} (Re: sanaa gaffer)

    Quote: اخبرني بان الحياة بعد الموت قد تعود ..
    وجاوب سؤال حلمي المؤود ..
    هل هناك احتمال بان يعود صوتي المفقود ...


    اريتو يايمة ده هكر السرور البيخلى كلام زى ده يطلع منك...
    قبال ماتجىء ممكونة خلينى انظر شوية:

    مرات ممكن تعيشى حلمك سراب
    عارفة ممكن تحسيهو حقيقة كيف؟
    بالكتابة والكتابة فقط فهى علاج للروح ورادع للهكر

    حينها سيعود صوتك المفقود...
    هو اصلا ما اتفقد هو بيكون اتخنق جواك
    طلعيهو...واحكى شوقك وقولى ليهو نفسك فى شنو!!
    احسن امشى على النوم وانا متفائلة... وكونى كذلك ياصاحبتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de