|
|
 نـــداء لكل القوي السياسيـه والســودابيين بالمملكــه المتحــده
|
نـــداء لكل القوي السياسيـه والســودابيين بالمملكــه المتحــده
بناء علي الأتصالات التي تمت بخصوص التصــدي للمــؤتمـر الذي يزمــع حزب الحكــومه ( المؤتمر الوطني) إقامتــه في لندن تم الإتفاق علي الأتي:
1) ان يكتب أي ســوداني جاء الي المملكـه المتحــده لاجئا الي نائبه في البرلمان بصوره عاجله ومطالبته لابلاغ وزير الداخليه بضرورة الإعتراض علي اقامـة المؤتمــر.
2) التــوجه افرادا وجماعات الي مراكز الشرطه لفتح بلاغات ضــد قيادات المــؤتمر الوطني التي ستصل الي لندن والمطالبه باعتقالهم تحت قانـون الارهاب تحت التهم الأتي:
أ) ضلوعهــم في انتهاكات حقوق الأنســأن
ب) تورطهــم في التعامل مع شبــكات واسـاطين الإرهاب الدولي
ج) تورطهم في جرائم التطهير العرقي والأباده الجماعيه في جنــوب الســودان وفي دارفــور
د) التهــديد الماثل الذي يمثله وجودهم للاستقرار والسلآم العام في المملكه المتحــده
ه) الشبــهه القويه من أن يكون مـؤتمرهم تغطيه للتنسيق لعمليات ارهابيه في المملكه المتحــده
و) التهــديد المباشــر الذي يمثله وجــودهم لحياة عشرات الاف مــن الاجئين الذين يعيشون في حماية المملكه المتحده والذين فروا من بطشهم في الســودان
هذا وسنــوافيكم بمزيد من الخطوات الأخري حال اكتمال الإتفاق عليها.
علي خليفه عســكوري
المنسق المــؤقت لمناهضة المؤتمــر
Email: [email protected]
|
|
 
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
ياخوى انت عايز الصراحة والله الجنبة مافى لاجئ واحد فى بريطانية اغلبهم جاءوا من الجنية الاسترالينى وبس مش بريطانية واحدة بل فى كل العالم 99% من لاجىء السودانين غير سياسين ليس لهم علاقة بالسياسية دليل هو ان اغلبية تجمع فى اموال الضمان الاجتماعى والغش الكذب فى العمل ثم الكذب والغش فى اموال الضمان الاجتماعى والاغلبة هناء همها ان يكذب ويشتغل مضروب ثم ان مظم الحالات هى كذب فى كذب كل مدة كذبة جديدة من مدة الناس كلها عاملة فيها من المناطق الغير عربية والناس قتلوا اسرهم كلها نتجة الى غارة من الجماعات العربية على قرية قتلت فيها فيها كل الاسرة ثم سرقت البهائم فقام صاحبنا بهرب منهم بدخول دولة مجاورة منها دخل فى باخرة بعد دفع فلوس الى المهربين من اى ميناء تخيلة فى راسك فجاء وجد نفسة فى اروباء وخاصة بريطانية اغلبهم مافيهم واحد من المنطقة التى يدعى انة منها وبعضهم عمل صومالى والبعض عمل من الجماعة الغير محبوبة فى السودان وليس لهم حقوق فى السودان متهضين يعنى بالعربي الفصيح الناس هناء فى عايزين اقامات وبس صدق فى كانوا جبهجية وفى الامن الان لاجىء وكل يعرف ذلك ثم بعضهم اعتراف الى صحابة انوا كان فى الامن لو عايز الحقيقة اكتب الى وطلب منهم اعادة فتح ملفات السودانين فى اروباء التحقيق فية لان الاغلبية غاشة فيها وحالتهم ليس لها علاقة بما ادعى ام السياسين فاحالهم مش فضل يعنى بى نعض الجينهات الاسترلنية يمكنك ان تشترى شهادة اتخن واحد فيهم فى دكتور سياسى وعرف يطلب فى الشهادة الف جنية عشان يذهب للمحكمة وتحدث عن تاريخك السياسى ودخولك السجن وهى كذبة وفى سياسي جنوبى يفعل نفس الشى اما الاحزاب السياسية عليها السلام يعنى اى واحد بيعرف واحد عامل فيها سياسي يكتب ليك جواب نضال مع الحزب وانك قاتلت فى صفوف الحزب اين الامانة السياسية هنا وين لاجئين السياسين هنا
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
From Sudan Tribune
Sudanese ruling party to establish branch in London
Sunday June 27th, 2004 19:22.
KHARTOUM, June 27, 2004 (SUNA) -- The Secretary General of the National Congress, Pr Ibrahim Ahmed Omer, is due to lead on Thursday a high-level of the National Congress to London.
The visit aims to establish a branch of the National Congress in the British capital toward holding dialogue and deliberations with Sudanese political parties, groups, the Sudanese community as well as the mss media in Britain.
The delegation of the National Congress leaderships which accompanies Prof Omer to London includes the Deputies of the Secretary General, Dr. Nafie Ali Nafie and Dr. Riek Gai, the Official of Political Relation, Dr. Magzoub Al-Khalifa, the Official of Economy, Dr. Taj-Essir Mustafa, Dr. Awad Ahmed Al-Jaz, besides Dr. Ghazi Salahuddin, who is currently in London
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
الاخ الكريم كاتب الموضوع
انت عايز تلفق لناس ديل تهم غير منطقية والبوليس البرطانى ما فاضى لخزعبلات زى بتاعتك دى
بعدين انت عايز تهرب من الحقيقة مالك؟
الاخ النايل لفت نظرك للحقيقة الانت عارفها زى جوع بطنك وهى انو مافى لاجى خقيقى فى برطانيا اوربا عموما وهذا يشمل اعلى قيادات التجمع السياسى فى برطانيا كلهم تاجرو بالقضية السودانية وباعوها بالاسترلينى وانا اقول هذا من خلال تجارب رايتها وعايشتها بنفسى
ففى برطانيا يستطيع اى انسان ذو بشرة سودا ان يدعى بانة سودانى وانة من دارفور او الحزب الشيوعى او الحزب الديمقراطى او ....... وانة عزب فى السودان وان حياتة فى خطر والى ماذلك من قصص ملفقة كالتى نسمعها هنا فى البورد ويقدم اللجو الى الحكومة البرطانية فترفض لة فيذهب الى واللواء السابق فلان والبرلمانى السابق فلان فيدفع لة ليشهذ معة فى المحكمة
فيا مان باللة عليك اللة فكنا من الخزعبلات بتاعتك دى
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: motaz ali)
|
ياسيد معتز
يعني ال250 طالب الذبحو في العيلفون ضربتهم صاعقه ساكت وال28 ضابط دقشتم عربيه، والطلاب القتلوا في المظاهرات في جامعة الخرطوم ( قرصم) دبيب ودكتور فاروق احمد ابراهيم شاكله واحد في حفلة عرس، وبعدين السياسين السودانيين وقادة الاحزاب كلهم كانو عاملين رحله في سجن كوبر والمحامي عبد البافي زهج من حكاية انو يمشي برجلين فقال احسن يجرب يمشي برجل واحده فقام قطع رجله. بعدين الرئيس مبارك طلع راجل كذاب يعني عربيته مرت بشارع كان فيه جماعه منشاكلين والراجل لاوذ ساكت وقام رجع مصر لانو كان عايز ليه سبب عشان ما يحضر المؤتمر فعمل الشكله القاها في الشارع دي سبه.
بعين ناس دارفور ديل ناس كضابين، الحكومه تعبانه عشان توفر ليهم فرصه تاريخيه عشان يتزوجوا بنات الحور، هم الظاهر فهموها غلط وقالوا دي اباده جماعيه، طبعا الحكومه واجعاها جدا ( البوره) بتاعت بنات الحور بعد توقف الحرب في الجنوب، وطبعا الحكومه ( مسكينه والله) عايزه ليها عرسان بائ صوره لكن الظاهر ماقدرت توضح القضيه لاولاد دارفور، حقو ياسيد تتبرع تساعد اولاد دارفور بالشرح وتفهمهم انو الحكومه ما قاعده تبيد فيهم لكن بتحاول تعرس ليهم الحور!!!
بعدين الحكومات الأوربيه والله عبيطه جدا، هي بتعمل ضمان اجتماعي ليه، وعارفه انو في سودانيين ( اولاد كلب) ما يشوفوا ليهم حاجه زي دي إلا يجو جاريين ويشيلوها من المواطنين بتعينها.
طبعا انا عارفه الحكايه دي زي جوع بطني والله العظيم، لانه انا عارف انو جنرالات الجيش والمهندسين شغالين في لندن يكنسوا الشوارع ويغسلوا العده وعارف انو الكثير من اساتذة الجامعات شغالين عمال سكيروتي بحرسوا المباني باليل، طبعا دا كلوا عمل شريف مافيه حاجه، لكن طبعا هم عورا بحبوا الإنجليز عشان كده جو يساعدوهم وكده. وزي ما قلت الواحد فيهم يضيع وقته وقت الانجليز وغيرهم ويالف ليه قصه من راسو عشان يشتغل كناس.
والله فعلا الإختشوا ماتو
ما وريتنا الحراميه بتاعين الخرطوم ديل بدفعوا ليك كم، ولا ناس المعارضه باعوا القضيه بي كم، وتعرف انا حا تكون عندي مشكله كبيره والله مع ناس المعارضه لانو انا ( الفندق) الساكن فيه دا تلات نجوم فقط وعايزهم من القروش ( القبضوها) دي يرحلوني واحد خمسـه نجوم، لانه تعرف الحمام بتاع الفندق الساكن فيه ما فيه شامبو والحقيقه انا عايز ارحل لواحد خمسه نجوم عشان احل المشكله دي لانو شعرى راسي بقي يتحت، وبعدين عاير لي غرفه يكون فيها ( مني بار) لانو زي ما عارف الجو في البلد ما كويس وحكاية الواحد يطلع وينزل متعبه شويه بعدين انا برضو لاحظت انو النوعيه بتاعت ( الكورن قلكس والزبده) البدونا ليها في الفطور متدنيه جدا وعملت لي مغص، وانا في الحقيقه اشتكيت كتير منها لناس المعارضه وما حلوها ، لكن ماكت عارف انه هم باعو القضيه ( وقبضو) والله ما يغيروا لي نوع ( الكورن فلكس والزبده) ما بخليهم. عندك فكره باعوها لي منو عشان نعرف التمن والواحد يقدر يحدد نصيبه ياخي تعبنا خالص من الفندق الزباله دان دي معارضه ما بتهتم باعضاءها خالص.
وما حكيت لينا كويس، كدي ورينا تاني شفت شنو وبتعرف منو عشان نحصل حقنا، و نغيير المظاهره بدل ما تكون ضد الحراميه والبلطجيه والإرهابيين بتاعين الخرطوم، نحولها ضد المعارضه، وهسي انا طبعا ربطت شنطي وراحل لبارك لين وياهيلتون جاك زول والله زعلان زعل عايز لي جناح كامل، أوضه ما بتقضيني، ياخي انا والله اتمقلبت مقلب، وياناس المعارضه الفاتوره جاتكم.
كتر خيرك ياخوي نبهتني لحقوقي والله كنا عايزين نضيع. الله يخليك يا الإنقاذي الصغير
وبعدين افكك من شنو، والله ما عارف ( صامولتك) مقاسه كم؟ انا علي أي حال قاعد زي ماقلتليك في فندق تلاته نجوم في لندن، لكن مابتفرق ممكن اكلم ناس المعارضه يشتروا لي ( مفتاح انجليزي) عشان نجربه بس انا خايف ( صامولتك تكون حلجت) وبعد داك إلا نوديها ( المنطقه الصناعيه) عشان يقطعوها، لكن للاسف انا ما عارف المنطقه الصناعيه في لندن محلها وين؟ لأنو طبعا ناس المعارضه مؤجرين لي لموزين 24 ساعه وما قاعد امشي المحلات يتاعت الشغل دي. لكن بكلم ناس العارضه لو عندهم مكنيكي يرسلوه ليك عشان يجي ياخد المقاسات وكده ويشوف كان ممكن بتحتاج تمشي القراش وكده. علي أي حال شغل القراشات في البلد دي مكلف لكن بنشوف ناس المعارضه لو عندهم ميزانيه لحاجه زي دي. بس اديني يوم يومين!
طبعا انا عندي خزعبلات لاني ببتكلم مع واحد بلطجي زيك عايز يلغي التاريخ بجره قلم
بعدين انا مستغرب من حاجه: انت ما عرست من بنات الحور مالك؟ ولا دي برضو خزعبلات؟
خزعبلات ...خزعبلات.... خزعبلات... ياخزعبله!!!
| |
|
|
|
|
|
|
|
|
 Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
Dear Asskouri
I'm one of these political refugees in the uk.
Don't worry about these low voices .
I agree with you we need to report these terrorest as soon as possible.
They think it is alright to abuse human rights in the past and the present and get away with it.
No way we can't forget or forgive.
Thanks for the information.
They are beyond belief!!!
They even thinking of opening a branch in England, I can't believe how arrogent and criminal they are!!!
Maybe they want the international community to fund their party!!!
Da 3agab al 3agab!!!
| |
|
|
|
|
|
|
|
|
 Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
لا يهمك عسكوري
طبعا الجماعة ديل ينفون تورط حكومة الأنقاذ
في تشريد الأف من ابناء الوطن
وينكرون حملات الأعتقالات والتصفية للخصوم
وينكرون تشريد الألأف لصالح العام
والولاء قبل الكفاءة
الأنقاذيون انفسهم يعترفون بهذة الممارسات
والأخوان ينكرون،،،!! عجبي
الجماعة ايضا حملات الجهاد والحور العين
وصيف العبور،، والحور العين
وامريكا وروسيا قد دنا عذابها
والطاغية الأمريكان ليكم تدربنا
فلتراق كل الدماء
وبرضو يقولو الجماعة ما ارهابين
طيب البحصل في دارفور دا احتفالات
تمكين ولا عرس شهيد
حقيقة الأختشوا ماتوا
| |
|
|
|
|
|
|
|
|
|
فرع للجبهة فى لندن!! وبعد شوية فى أمريكا!! الإختشو ماتوا.. والأوربيين جنوا (Re: Asskouri)
|
محزن جدا أن يكون مثل هؤلاء مندسين بين صفوف اللاجئين والمشردين ويبثون سمومهم ويطبلون لحكومة الإننقاد التى أهلكت الحرث والنسل وشردت الملايين وخلقت أكبر كارثة فى تاريخ السودان. عم يتحدث هؤلاء؟ هل هم من المندسين وسط اللاجئين أم يبثون سمومهم من الداخل؟
عسكورى .. واصل كفاحك يا مناضل فكلامك يوجعهم ويؤلمهم ويقض مضجعهم. إنهم يرونه بعيدا ونراه قريبا.
نورالدين منان
| |
|
|
|
|
|
|
|
|
|
Re: فرع للجبهة فى لندن!! وبعد شوية فى أمريكا!! الإختشو ماتوا.. والأوربيين (Re: Mannan)
|
الاخت سلوي
اشكرك علي المرور وعلي تمسك بحقك في ملاحقة هؤلاء الانكشاريه الجدد.
الكتوره ندي اشكرك علي المداخله والإهتمام بالامر رغم ( مشاغلك ) التي اعرفها.
الأخ حنين
اشكرك علي المؤازه وتأكد ان الحمله ضد البلطجه باسم الدين ستستمر ايا كانت التضحيات.
الاخ منان
انا سعيد جدا بمشاركتك وتاكد ان قناتنا لن تلين في وجه هؤلاء اللصوص والبلطجيه و القتله.
عايزين يعملوا فرع في لندن اتخيل!! هم الظاهر عايزين يبدوا ينشروا الدوله الدينيه في انجلترا، وطبعا باسم هذا الفرع يدخلوا قروشهم كلها عشان يمولوا الجماعات الأرهابيه في أوروبا، وعلي أي حال هذا التصرف نحن من واجبنا انو نخطر شرطة مكافحة الأرهاب البريطانيه وبعد داك الشرطه تشوف شغلها.
هم مش بقولوا علنا انهم بحاربوا في الصليبين، والخطوه دي انا من وجهة نظري ماهي إلا غطاء لنقل العمليات الإرهابيه الي المجتمع البريطاني، خاصة وان لهذه المجموعه علاقات معروفه مع الاصوليين من شمال افريقيا الذين يعيش الكثيرون منهم في انجلترا.
انا لا استبعد ان يقوم هؤلاء باستئجار بعض الاصوليين من بلدان اخري للقيام بعمليات ارهابيه ضد قيادات المعارضه السودانيه التي تتخذ من لندن كمقر لنشاطاتها، وانا حقيقة انبه كل قيادات المعارضه السودانيه لتوخي الحذر ومن الضروري ان تطلب من الشرطه البريطانيه حمايتها، وهنالك تهديد مباشر من هذه المجموعات علي حياتها.
يجب علي قيادات المعارضه اخذ هذا الامر ماخذ الجد، وهؤلاء لا يمكن الركون لهم.
ويا قيادات المعارضه لم تعد لندن امنه لكم كما كانت من قبل، واوجه هذا النداء بصوره خاصه لقيادات مجموعات ابناء دارفور، مؤتمر البجه، الحركه الشعبيه، قيادات الحزب الشيوعي السوداني. اخذوا حذركم لقد وصل الأرهاب الي لندن، وعليكم طلب الحمايه من الشرطه قبل فوات الاوان.
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
الأخ/ علي عسكوري
بعد التحايا و السلام
كلامك على العين و الرأس و لا يستطيع أي شخص له/ لها ضمير حي ان ينسي / تنسي ما لحق بأهل السودان من عذابات و محارق و لكننا أخي ابو علوة نحتاج الي برنامج عملي يمكن تطبيقه على الأرض و ما تطرحه أنت برنامج خال من التفاصيل المهمة , بمعني من هم / هن الذين / اللائي سيحضرن هذا الاجتماع ( المؤتمر) المزعوم و ماهي الادلة المادية لادانة كل شخص على حده و ليس بهذه الصورة المثاليةو متي سيكون هذا المؤتمراي ما هي ساعة صفره؟ و ما هي ساعة صفر وصول ( هذه الوفود) بحرا /جوا / اليروترين والي اخر التفاصيل اما ان يطرح شخص برنامج جميل و لكنه غير معقول فهذا مالا نقبله. فمثلا اريد ان اذهب الى نائب دائرتي او اي مركز شرطة لفتح بلاغ , ماذا اقول لهم و ما هي الادلة المادية لدعم قضيتي العادلة فهلا تكرمت بأعطاء التفاصيل و سنقف معك ضد ( هذه الوفود) بكل ما نملك من قوة وهى صغيرة و لا ندعي منازلة من هذا النوع بدون ادلة. فحتي الكتاية لعضو الدائرة تحتاج الي حيثيات فهلا تكرمت بمدنا بها و انت المنسق المؤقت و ما هي الخطة لتطوير برنامج التنسيق المؤقت و الموسمي لكي يصبح برنامج واضح المعالم حتي تعرف الناس من هم/ هن القائمون / القائمات بأمر برنامج من هذا النوع ؟ و من هو الذي فوض هؤلاء الخيرين / الخيرات للقيام بهذا العمل النبيل؟ ام هو نوع من المبادرة التي يجب على الناس دعمها بدون الخوض في التفاصيل لان العدو معروف لكل الناس ! و نشكرك على هذا الشعور الانساني النبيل و دمت.
برير اسماعيل يوسف
المملكة المتحدة
29/06/2004
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: برير اسماعيل يوسف)
|
يابرير
سلامات
خليك جاهز التفاصيل في طريقها اليك
الادله راااااااااااااااااقــــــــــــــــــــــــــــــــــــــــــــــده
هم ديل ما الدليل ذاتو.هم نفسهم الدليل
بس تعرف تكتب للهوم اوفس تقول ليهم الناس الكانوا السبب وراء انو انت والاخرين تجوا هنا، وصلوا في لندن.
أكتب للنايب بتاعك بانوا الناس العذبوا السودانيين وطردوهم من بلادهم، وشانيين حملة تطهير عرقي في دارفور والجنوب وهكذا جو لندن عايزين يمارسوا نفس هذه ( العمائل ) هنا.
القصه ما عايزا ليها تلاته سطور.
ناس البوليس ممكن تكلمهم ساكت بس قول ليهم الارهابين الحاولوا يغتالوا الرئيس مبارك جو لندن عايزين يفتحوا ليهم فرع في لندن وتقول ليهم لمزيد من المعلومات يتصلوا بالسفاره السودانيه. بس فقط اديهم راس الخيط، هم بعرفوا شغلهم كويس.
ياخي هم قاعدين يفتشوا عليهم تفتيش. والله ممكن تلقي ليك مكافأه مليون جنيه.
ناس البوليس ممكن تضرب ليهم تلفون ومابتحتاج تمشي المركز، اديهم بس الخبر.
والله حايشكروك ليوم الدين . دا ياخي انت حاتنقذ البلد دي من كارثه محدقه. قليهم بس الكلام الانت ممكن تقولوا، هم ما عايزين منك دليل. بس قول ليهم الناس البمارسوا التطهير العرقي في دارفور جو هنا في لندن عايزين يعملوا فرع واطبع الخبر بتاع سودان تربيون وادي ليهم، دا كل ما يحتاجه الموضوع.
الفرصه بتاعت انو الناس ديل يتمسكوا هنا زي بينوشيه تاني ما حنلقاها. لازم نتاكد من انه يتقدموا للمحاكمه هنا. ياخي ديل اتاحوا لينا فرصه خرافيه، لازم ما نضيعها.
وانتظر مني المزيد من التفاصيل.
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
ياخوى انا مالاجى اولا ثانيا انا مش جبهجى الان ولد مسلم الان ليس لى دين يعنى بالعربي كدة وثلاثا لو انا يقود الجونجاويد ماسافرت وتركت البلد وربعا ليس هناك لاجى فى لندن وخامسا انا قلت الحقيقة وسادسا ياتو قصاء انجليزى انت قاصد احتمال القصاء صادق ولكن من استعمل القضاء كان غير صادق انت تعرف ذلك وكل من اروبا وامريكا يعرف قصص اللجؤ السياسي والقصص الحبوكة نعم ان هناك قلة من يمكن ان نقول عنهم لاجئين ولكن 99% غير لاجى سياسى وهى الحقيقة ونجب ان نقولها
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: theNile)
|
ياخي انت مسلم ما مسلم دي حاجه ان ماعندي بيها شغله.
ثانبا اذا انت قاعد في انجلترا وبتقول في الكلام ده بتقع تحت دائرة القانون لانك بتشكك في القضاء البريطاني.
ثالثا
الموضوع ليس هو الجو او غيره، الموضوع ياسيدي هل أنت موافق علي البيحصل في السودان والبتعمل فيه الجبهه الاسلاميه.
دا السؤال. اذا موافق عليه بتكون مع الجماعه ، اذا غير موافق المسئوليه التضامنيه بتستوجب عليك انك تعبر عن معارضتك ليه.
اتكلم لي في الموضوع دا، خليني من قصة لاجئ ولا ما لاجئ.
والله ياسيد نحن لاجئين وتضررنا من هذا النظام ، انت ليه ما عايزنا نواجهم.
مصلحتك شنو في القصه دي.
بعدين اكشف لينا عن هويتك عشان نقدر نلاحقك قضائيا. انت بتسخر من كل قرارات القضاء البريطاني.
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: ghurba)
|
شكرا يا غربه
اشكرك علي الاهتمام بالامــر
سنقوم بمدكم بالتفاصيل حال تاكدنا من وصولهم الي لندن
حسب الخبر الذي لدينا المفروض يصلوا يوم الخميس القادم ولكننا سنتابع الامر عن كسب ولدينا احد الاعضاء تبرع بالبقاء في المطار ابتداء من غد وحتي يوم الجمعه القادم لمراقبه وصولهم.
وترقب هنا للمزيد من الاعلانات والتفاصيل
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
الأخ/ علي عسكوري
سلام
يا اخي العزيز يبدو ان هنالك خلط ما في الموضوع فانا اعرف كل الاشياء التي ذكرتها و قلت لك في بداية مداخلتي بان ما حدث في السودان منذ مجيء ( الانقاذ) ليس بالشيء الهين و هذا الموضوع لا يحتاج الي نقاش فحتي ناس (الانقاذ) اعترفوا بجرائمهم ولكن خلافي معك في مسألة الاجراءات القانونية ضد القادمون و القادمات لحضور المؤتمر المزعوم فردا فرداو ليس بهذا الشكل الجماعي فنحن لا نريد ان نعقد لهؤلاء في ( زواج جماعي باستاد الهلال بامدرمان) نريد محاكمتهم وفق الاجراءات القانونية للقضاء البريطاني فنرجو اعادة النظر في هذه الطريقة الهلامية لكي ينجح البرنامج و بالواضح كده هل لديك ادلة مادية و ليس الخطاب السياسي الذي طرحته و ذكرت فيه بعض ما حدث في عهد ( الانقاذ), هذه الادلة لكل شخص على حده و ليس بالصورة الجماعية , اما اذا اردت ان نسير مظاهرة ضد(الوفد القادم للمؤتمر) فهذا شيء اخر يمكن عمله و بهدوء .
هنالك سؤال طرحته عليك في المرة السابقة و لم ترد عليه وهو لماذا لم تتصل بالمنظمة السودانية لحقوق الانسان بلندن بالاضافة الي منظمة ضحايا التعذيب بغرض اخذ رأي هذه المنظمات في هذا الموضوع لان هذه المنظمات عندها الوثائق و المستندات لادانة مركتبي و مرتكبات الجرائم ضد الانسانية في السودان و هل انت عضو في اي منهما حتي يساعدك ذلك في هذه المهمة؟ لان هذه المنظمات لا تمرر معلوماتها الا لناس محل ثقة حتي تحافظ هذه المنظمات على وجودها و لا تزعل من كلام الاخ النيل فهو لا يخلو من الكلام الصحيح و ارجو الا تتسرع باتهام الناس بان هذا جبهجي و هذا غير جبهجي , لان لا احد عنده احصائيات دقيقة لحصر كلام من هذا النوع و طول نفسك على الناس حتي ينجح برنامجك المليء بالنوايا الحسنة و الطيبة التي لا نملك الا ان نشكرك عليهما و لكني لا اخفي عليك خوفي من فشل هذا البرنامج لمجموعة من المعطيات نجملها في الاتي:
1/ في ماعرف تاريخيا ببروتوكولات نيفاشا بين ( الحركةالشعبية) و ( المؤتمر الوطني العصابة الحاكمة) اغفل المتفاوضون مبدأالمحسابة و عن عمد لذلك و للاسف عفا الله عن ما سلف كان ديدن هذه المساومة المريبة, اما ان نترك الفيل في نيفاشا و نطعن في ظله في لندن فامر محير , لماذا لا نلوم النيفاشيين على ترك مبدأ المحسابة الذي لم يرد
في كل ما اتفق عليه من وراء الناس و ما مشوارتهم من بعد الا تحصيل حاصل لانهم ببساطة اذا ما قالوا لا لكذا و كذا ينطبق عليهم المثل السوداني البسيط و المعبر عن حالنا و حال التجمع وهو ( الكلب ينبح و الجمل ماشي) فهذا هو مربط الفرس يا علي عسكوري و ارجو ان لا تكون فلاحتنا في ناس لا حول و لا قوة لهم مثل الاخ النيل فاطعن في الفيل يا عسكوري و قل اين هو مبدأ المحاسبة على الجرائم يا اهل نيفاشا ؟ و دعك من عضوية البورد و افتعال المعارك التي لا تغير مما حدث شيء.
2/ النقطة الثانية عمل من هذا النوع كان يقتضي السرية المصحوبة بالادلةالمادية و ليس الخطاب الجماهيري الذي تطرحه و كان على منظمتي :السودانية لحقوق الانسان و ضحايا التعذيب لعب هذا الدور و بدون ضجيج بالاضافة الي القانونيين و القانونيات السودانيين و السودانيات و بدون ضجيج ايضا حتي لا ننش ( الطير من الشرك) و على بقية الناس اداء المهمة الجماهيرية من مظاهرات و خلافه لخلق نوع من الزخم و هذا ياتي بعد اتمام الاجراءات القانونية المدعمة بالادلة التي تدين كل فردعلى حده اكرر كل فرد على حده و ليس بالصورة المطروحة القائلة بان الطلبة في العيلفون لم يقتلهم كذا و الي اخر الحكاية يا اخي يا ابو علوة و اذا كنتم الى الان لم تشركوا هذه المنظمات في هذا العمل فهذه كارثة فنرجو الافادة بهذا الخصوص و بالواضح كده ايضا ما هو موقف هذه المنظمات تجاه ماتقومون به يا علي عسكوري؟ و دمت لنا مساهما بما تقدر و تستطيع من اجل غد جديد في السودان.
برير اسماعيل يوسف
المملكة المتحدة
30/06/2004
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
لمن يسمي نفسه النيل عجبي اولا هناك مشردين بالآف في المملكة المتحدة ومعذبين سابقين أما ناس الاسترلينى فهم رجعوا للمؤتمر الوطنيلمن يسمي نفسه النيل عجبي اولا هناك مشردين بالآف في المملكة المتحدة ومعذبين سابقين أما ناس الاسترلينى فهم رجعوا للمؤتمر الوطني
لمعلوميتك حركت قضايا ضد السادة نافع علي نافع والسيد عوض الجاز متهمين فيها بالابادةالجماعية كما هناك أستعدادات تجري لمواجهة حضورهؤلاءالسفاحين والايام حبلى
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Asskouri)
|
ده الكلام ، والكلام دخل الحوش ، وعقبال يصحو كل النايمين للمطالبة بحقوقهم لأنه لايضيع حق وراءه مطالب ,, أحييكم ياناس لندن تحية خاصة وأرفع القبعة
***********************
منظمات سودانية ببريطانيا تكلف محامين ملاحقة بعض اعضاء الوفد الحكومى الزائر للندن للمثول امام المحاكم بتهمة ارتكاب جرائم حرب وانتهاكات حقوق الانسان
سودانيز اون لاين
6/30 3:22pm
منظمات سودانية ببريطانيا تكلف محامين ملاحقة بعض اعضاء الوفد الحكومى الزائر للندن للمثول امام المحاكم بتهمة ارتكاب جرائم حرب وانتهاكات حقوق الانسان
• لندن
سارعت منظمات سودانية معارضة تتخذ من بريطانيا مقرا لها الى اتخاذ بعض الاجراءات القانونية لتحريك دعوى قضائية عاجلة فى مواجهة بعض قيادات الحكومية السودانية بتهم ارتكاب جرائم حرب والتورط فى جرائم ضد الانسانية وكذلك انتهاكات حقوق الانسان . جاء ذلك قبيل الزيارة المعلنة لوفد من حزب المؤتمر الوطنى الحاكم فى السودان الى لندن تهدف الى تكوين فرع للحزب الحاكم فى المملكة المتحدة وايرلندا .
ومن ابرز المنظمات والقطاعات السودانية التى شاركت فى تحريك الدعوى القضائية ضد القيادات الحكومية رابطة ابناء دارفور واسر الضباط الذين اعدمتهم الحكومة عام 1990م بالاضافة الى بعض الافراد من ضحايا التعذيب والانتهاكات الذيا اصيبوا بعاهات مستديمة جراء الافعال الوحشية التى ارتكبتها اجهزة الامن السودانى بحقهم .
ومن جانبه قال الدكتور ابكر هارون منسق الجهات المحركة للدعوى انهم سلموا عريضة اتهام مفصلة ومسنودة بالادلة القانونية المطلوبة الى فريق من كبار المحامين البريطانيين وخبراء فى القانون الدولى تضمنت المطالبة بالقاء القبض على بعض اعضاء الوفد الحكومى الذى ينوى زيارة لندن وتقديمهم للمحاكمة بتهمة ارتكاب جرائم حرب فى دارفور والتورط فى جرائم انتهاكات حقوق الانسان وممارسة اعمال التعذيب الجسدى والنفسى ضد المعارضين والتسبب فى قتل بعض الضباط بدون محاكمات وشملت المطالبة بالاعتقال كل من الدكتور نافع على نافع والدكتور عوض الجاز والدكتور مجذوب الخليفة الذين سيصلون الى لندن ضمن الوفد الحكومى الذى يراسه الدكتور ابراهيم احمد عمر . وحددت عريضة الدعوى بشكل قاطع التهم والجرائم التى ارتكبها كل واحد من المتهمين .
ومن جانبه كشف محامى بريطانى ( توماس اسبيكتور ) الذى يعمل ضمن الفريق القانونى المكلف بتحريك الدعوى انهم بداوا سلسلة من الاجتماعات وفرغوا من صياغة لائحة الاتهام بطريقة قانونية و تم تقديمها للجهات العدلية المختصة للمطالبة بمثول المتهمين امام المحاكم البريطانية وفقا لاحكام القانون البريطانى والقانون الدولى وبموجب احكام مواثيق حقوق الانسان .
• لندن – الاربعاء 2004-06-30 – ت : 02076690001
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: مارد)
|
وبعدين ماتنسوا تضمين الأفعال القبيحة التى نشرتها أخبار طازجة
ده من بوست الزميل انتهازى
قامت قوات الإرهاب و أذيال السلطة صباح اليوم 30 يونيو بقمع مظاهرة سلمية سيرتها رابطة أبناء دارفور بالجامعات و المعاهد العليا من أجل تسليم مذكرة تتضمن بعض المطالب و الحقائق لما يدور في دارفور، إلى السيد كوفي عنان الأمين العام للأمم المتحدة قبيل توجهه إلى إقليم دارفور
إلا أن قوات الشرطة و الأمن تصدت للمظاهرة في المنطقة ما بين كلية الهندسة و متحف التاريخ الطبيعي و قامت باطلاق البمبان و الرصاص المطاطي المحرم دولياً (نفس نوعية و درجة الرصاص المستعمل من قبل قوات الإحتلال الإسرائيلي) على جموع الطلاب، فإرتد الطلاب إلى داخل الحرم الجامعي و بالتحديد داخل مباني مدرسة القانون، و هناك دارت المعركة لتقوم بعدها قوات الاحتياطي المركزي باقتحام الداخليات المحيطة بالجامعة متجاهلة من بداخل الحرم الجامعي في خطوة غير مفهومة، لتقع إصابات جسيمة بين طلاب الداخليات التي لا ينتمي بعض قاطنيها الى جامعة الخرطوم. و قام أفراد الأمن باعتقال كل من:
1- محمد عبدالله التعايشي الرئيس السابق لإتحاد طلاب الجامعة 4/ إقتصاد
2- خالد الدومة 5/ قانون
3- حافظ الهندي 5/ إقتصاد
4- عبدالباسط الخواض علوم
5- إبراهيم عبدالوهاب
6- الحارث
و هناك طالبين الآن في غرفة العمليات الأول يدعى حسين عمر الحسين دبلوم إضافية السنة الأولى- جامعة الخرطوم(4/ هندسة الإسلامية) مصاب برايش عبارة عن قطعة طويلة من السلك من بقايا البمبان المستخدم من قبل قوات الإرهاب
و الآخر من أبناء دارفور لم يتسنى لنا معرفة أي شيئ عن حالته و سنوافيكم بالمستجدات متى توافرت لنا معلومات موثوقة
هناك 5 إصابات طفيفة مؤكدة بين الطلاب و حوالي ال20 إصابة غير مؤكدة
4 من الحرس الجامعي مصابين و تلقوا جميعهم العلاج بحوادث مستشفى الخرطوم
أنكر ضباط الشرطة أن يكون هناك هذا العدد من المصابين على الرغم من تأكيدات الحرس الجامعي بانهم بنفسهم نقلوا عدداً من الطلاب الى عربة بوكس بنمرة ملاكية، ولعدم وصولهم حتى هذه اللحظة الى الحوادث فيعتقد أنهم أعتقلوا و ان البوكس تابع لقوات الأمن
تواترت الأنباء ان عبدالرحيم محمد حسين وزير الداخلية قد أبدى رغبة في التفاوض مع ابناء الرابطة إلا أنه أوفد مدير جامعة الخرطوم بروفيسر غندور ليمثل الحكومة، و توصلوا في النهاية إلى إتفاق بان يعقد الطلاب مؤتمراً صحفياً من داخل الجامعة و الإتصالات الآن جارية مع الصحفيين و لا زال التفاوض جارياً حتى الآن
و لنا عودة مع تفاصيل أكثر
إنتهازي
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: مارد)
|
اشكرك ياسيد مارد علي كل هذه المعلومات المهمه.
وكما هو واضح مما اوردته من اخبار، البفتكر انو الجبهه بتتغير بكضب علي نفسه. الحاله دي معاهم كولن باول وكوفي عنان.
لقد حانت لحظة الخلاص من هذا النظام ورميه في مزبلة التاريخ وانا اؤمن تماما ان الشعب السوداني كفيل بهذه المهمه.
اشتــد طلقلك
فاصـرخي اماه
اصرخي
ها لقد جاء الميعاد
..........
............
اصرخي ....
ايها الحبلي سنينا
بالاماني والعناد
اصرخي ...
اسمعي العالم صوتك
داويا ...
لاتبالي ...
إنه الصبح اخيرا..
.............
انه فجر الميلاد
مهداه لكل الصامدين والمناضلين في السودان .
عسكوري
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: Mohamed Ibrahim)
|
يا عسكورى
بالمناسبة بخصوص التظاهر والاحتجاج على وجود هؤلاء المجرمين فى لندن، أمر يمكن أن تقوم به المنظمات السياسية والناشطين فى لندن مافى مشكلة فى ذلك.
لكن فيما يخص الاتهامات القانونية المسألة عايزة شوية دراسة
يجب فهم القانون الانجليزى ومدى أمكانية محاكمة من إرتكب جرائم ضد الانسانية فى بريطانيا
ومن الافضل أن تقوم بهذه المسألة منظمات حقوق أنسان أو الاشخاص المتضررين أنفسهم.
لكن ما ورد فى البيان الصادر هذه الظهيرة فى لندن عن مجموعة منظمات سياسية
فى تقديرى هذه طريقة خاطئة وقد تفسر بأن أغراضها سياسية أكثر من أى شئ أخر مما يضر بكل المحاولة.
| |
|
|
|
|
|
|
|
|
|
Re: نـــداء لكل القوي السياسيـه والســودابيين بالمملكــه المتحــده (Re: مارد)
|
الى الذين يبحثون أو يتساءلون عن دلائل اليكم مقتطف من كتاب الدكتور أمين مكى مدنى
إسم الكتاب: جرائم سودانية بالمخالفة للقانون الإنساني الدولي
1989- 2000
الطبعة الأولى 2001
الفصل الخامس
الانتهاكات في دارفور
يتميز إقليم دارفور بكونه من أكثر أقاليم السودان كثافة سكانية، ويسكنه مزيج من
القبائل ذات الأصول العربية والإفريقية التي تقتسم أراضيه في الزراعة والمرعى،
غير أنه لم ينل من الاهتمام الكافي من الحكومات المركزية المتعاقبة في قضايا
التنمية والخدمات المختلفة، مما أدى إلى هجرة أعداد كبيرة من السكان إلى أنحاء
البلاد الأخرى، سعيا وراء التعليم أو العمل، خاصة عمالة الزراعة والعمل البسيط
أو التجنيد في القوات النظامية. كما أن النزاعات بين القبائل العربية
والإفريقية أفرزت سلبياتها على تطور الإقليم، وقد فاقم من حدتها تدخل حكومات
الخرطوم المختلفة أحياناً بعقد مؤتمرات صلح تحت إشرافها، وأحيانا بالتدخل
المباشر لحشد القبائل العربية ومدها بالسلاح، الأمر الذي استمر دون حسم أو
معالجة موضوعية حتى وقوع الانقلاب العسكري في يونيو 1989.
أما حكم الجبهة العسكرية، فقد تمادى في تأجيج الفتنة العنصرية وذلك من خلال خلق
تنظيم إداري جبهوي مواز للإدارة الأهلية التي كانت سائدة، والتقليل من شأن
هياكلها وسلطاتها بتعيين "أمراء" ومن الموالين للجبهة الإسلامية، وذلك بهدف
إيجاد أرضية مناسبة لبث أيديولوجيته عبر مشروعه الحضاري لإعادة صياغة المجتمع
والإنسان السوداني قفزاً فوق الواقع.
في هذا السياق، وبدعوى محاربة ماسمي بالنهب المسلح، قام النظام الحاكم بارتكاب
انتهاكات بشعة لحقوق الإنسان وللقانون الإنساني الدولي. غير أن البعد الجغرافي
للمنطقة وعزلتها عن بقية القطر وإصرار النظام على تنفيذ ممارساته دون رقابة
صارمة حال دون رصد تلك الانتهاكات أمام المحافل الدولية، خاصة لجنة الأمم
المتحدة لحقوق الإنسان. فلم يقم المقرر الخاص المعني بحقوق الإنسان قاسبار بيرو
أو خلفه بزيارة المنطقة، أو محاولة جمع معلومات عنها. كما أن المنظمات الدولية
غير الحكومية لم تول الإقليم الاهتمام الكافي كما حدث في حالتي جبال النوبة
وجنوب السودان، كما رأينا.
بسبب ذلك، لا نجد أنفسنا في وضع يمكننا سوى الإشارة إلى بعض التقارير التي وردت
في بعض الإصدارات، منها الإفادة التالي التي تلقتها المنظمة السودانية للحقوق
من أحد مواطني الإقليم. [دورية حقوق الإنسان السوداني، العدد الثامن، يوليه 1999، ص 36ـ37.
الإسم: سليمان حسب الرسول
تاريخ الاعتقال: 27/5/1993
تاريخ الخروج من السودان: 23/2/1997
الحالة:
كان شاهداً على انتهاكات النظام لحقوق الإنسان بغرب السودان، خاصة بمنطقة
"دارفور"، وذلك بمباركة وقيادة والي دارفور في ذلك الوقت العقيد طبيب/ الطيب
محمد خير "سيخة"، ويروي بعضاً من ممارسات النظام الحاكم تجاه الشعب السوداني:
أحداث "ودعة" 91ـ 1992، بدأ مجزرة منطقة ودع عندما أرسلت الحكومة كل ثقلها
وعتادها الحربي إلى تلك المنطقة، بحجة تفريق القبائل من الاقتتال والقضاء على
عصابات النهب المسلح، حسب زعم الحكومة. وقد أرسلت الحكومة عدة كتائب مشاة من
اللواء السابع بالفاشر ونيالا، وعدة ألوية من قوات الدفاع الشعبي. وقامت هذه
القوات بحرق وتدمير ثماني عشرة قرية بمنطقة "إسباندوما"، وحُرقت امرأة مع
مولودها الذي لم يبلغ خمسة أيام ونُهب مبلغ ثلاثمائة ألف جنيه من زوجها الذي
يدعى "إبراهيم أبو حبيب"، وهو الآن مختل عقليا بعد أن شاهد الجريمة البشعة.
قامت قوات أخرى بقيادة الملازم أول بغدادي، واسمه الحركي "صدام"، في ضواحي
منطقة "ودعة" بإغلاق مسجد المنطقة أثناء صلاة الظهر، وإطلاق النار في كل
الاتجاهات على المصلين، فقتل أربعة وعشرون شخصاً في الحال. وقد حدث هذا [تحت]
مظلة الخطة الأمنية لـ "ودعة" تحت قيادة قائد اللواء السابع مشاة المنقة الغربية.
ومن القرى التي تم حرقها وتدميرها وتهجير أهلها:
1. ثلاث قرى بمنطقة إسباندوما.
2. قرية جريوة
3. قرية زغاوة لموا.
4. اربع قرى بمنطقة خزان جديد.
5. ثلاث قرى بمنطقة ودعة
6. قرة كروة حلة آدم.
7. قرية تيلقو.
| |
|
|
|
|
|
|
| |
Asskouri
theNile
motaz ali
salwa elsaeed
ahmed haneen
nada ali
Mannan
abdelrahim abayazid
أحمد أمين
برير اسماعيل يوسف
فيس بوك
تويتر
انستقرام
يوتيوب
بنتيريست