ما الذي جرى لحسين خوجلي؟
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الحزب الشيوعي بالمملكة المتحدة وايرلندا يدعوكم لندوة يوم السبت 3 ديسمبر بلندن
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-02-2016, 05:59 PM الصفحة الرئيسية

مكتبة علي عسكورى(Asskouri)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

عاجل جدا... ... تصـفبـة الشهود......

05-03-2006, 07:09 AM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
عاجل جدا... ... تصـفبـة الشهود......

    عاجل جدا... تصفبة الشهود

    وردني للتو انه تمت عملية تصفية مجموعه من رجال الشرطه ممن حضروا احداث أمري كانوا في طريقهم الي لجنة التحقيق... فبينما كانت عربه محمله بالجنود والضباط في طريقها الي لجنة التحقيق إنهمر الرصاص علي العربه مما ادي انقلابها فقتل ثلاثه من رجال الشرطه وجرح اثني عشر... جراح بعضهم خطيره... وقد وصلت جثة احد رجال الشرطه وهو( منصوري)الي عطبره وتم دفنها ومازال البحث جاري للتعرف علي هويات الاخرين.. ولازال الجرحي يتلقون العلاج...

    الاسماء والرتب ... بعد قليل...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 07:29 AM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    فوق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 07:41 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    يا عسكوري
    الله بيسألك ياخ
    احترم عقول الناس
    وحاول تتعامل بي عقلانية

    إنت مالك يا زول مشحون شديد كدي لدرجة اختلاق
    أشياء لا يصدقها الخيال؟؟
    أول امس جيت قلت في اختطاف ورهائن وفدية بملايين الدولارات
    واليوم تصفية..
    وأخبارك دي لا تلبث أن تختفي وتذوب

    هل تتعمد التشويش على الناس؟
    ماذا ستجني يا عسكوري من هذا الشحن الزائد
    والتحريض ضد قيام مشروع وطني تنموي ضخم مثل هذا السد؟

    عسكوري لا تنسى التاريخ
    عندما يكتب التاريخ عن هذا السد والذين بنوه
    ماذا سيكتب عنك؟؟
    ماذا سيقول عنك التاريخ؟؟
    المعرقل؟
    الرجل الذي جعل كل همه أن يهدم
    عندما كان الرجال يشمرون للبناء؟
    الرجل الذي وهب نفسه لتدمير هذا الصرح؟
    الرجل الذي لم تلن عزيمته وهو يعرقل ويهدم ويدمر ويحرض؟

    خاف ربك يا عسكوري ياخي
    واتذكر انو المشروع دا فيهو مصلحة للناس..!!

    قد تكون صاحب حق.. وطالب حق
    قد تكون مطالبك مبنية على حق
    وأظنها كذلك..
    ولكن أجمِل يا عسكوري
    واسلك سبيل العقلانية والوسطية ولا تشتط
    (سدد وقارب) ولن يضيع حق وراءه مطالِب
    توخى الحذر من أن تكون في صف الهادمين
    والمعرقلين والمحرضين على الخراب.
    الذي يهدم لا يعمر يا عسكوري
    خاف ربك
    الله بيسألك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 07:48 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    .
    Quote: خاف ربك
    الله بيسألك

    ود عقـيد
    أولـن يسـأل ربّ العزة، جلّ و عـلا، أولـئـك الذين ذبحوا أهل عسكوري في أمري؟؟
    هل يبيح البناء و التعمير قتل النفس التي حرّم الله إلا بالحـق؟
    هل كذب عسكوري في خبر القتل العمد لثلاثة من أمري؟..
    هل أدنت أنت قتلهم؟
    لقد كان قتلهم خطئآ كبيرآ..
    و لن نكذّب مزيدآ من التقتيل..فما هو مبرر القتل الأول حتى نستغرب الثاني و الثالث؟
    سيذكر التاريخ أن سياسيآ طموحآ بنى مجد حزبه على جماجم أبرياء فلا تملي على أذن التاريخ رؤية منفردة

    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 07:59 AM

banadieha
<abanadieha
تاريخ التسجيل: 02-04-2002
مجموع المشاركات: 2235

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: الطيب بشير)



    لا حول ولا قوة إلا بالله!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 08:00 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: الطيب بشير)

    أبو البشير
    سلام عليك

    Quote: أولـن يسـأل ربّ العزة، جلّ و عـلا، أولـئـك الذين ذبحوا أهل عسكوري في أمري؟؟

    نسأل الله أن ينتقم منهم
    ولكن لنتساءل..
    من هم الذين قتلوا هؤلاء الناس؟
    هل هم رجال الشرطة؟
    أم اللذين حرضوهم على حمل السلاح وإعلان الحرب
    وهل عسكوري له علاقة بهذا الأمر؟

    عندما قلت لعسكوري خاف ربك
    كانت في مخيلتي صورة هؤلاء البسطاء الذين ماتوا بلا ذنب
    نعم.. ماتوا بسبب التحريض والشحن الزائد
    وعسكوري من هوؤلاء المحرضين..
    حتى وإن كان يكتب فقط في سودانيز أون لاين
    فما يكتب هنا يطبع ويوزع هناك ويقرأه الناس على الإنترنت من موقع السد.
    هذا إن اقتصر الأمر على سودانيز أون لاين
    ولكن من يعلم ربما يكون عسكوري موجود بينهم بتحريضه هذا
    وغير عسكوري هناك الكثير من المحرضين
    وهذا لا يعفي القتلة ولا يبرءهم
    أيا كانوا..
    ولكن مقتل عدة أفراد لا يعطي أيا كان الحق في حمل (قميصهم)
    والمطالبة بدمهم.. وزيادة النار اشتعالا..
    Quote: سيذكر التاريخ أن سياسيآ طموحآ بنى مجد حزبه على جماجم أبرياء
    فلا تملي على أذن التاريخ رؤية منفردة

    عسكوري وأمثاله هم الذين يحملون الرؤيا المنفردة
    ويطوفون بها على الناس يحملون شعارات المظالم
    ومآسي التاريخ.. ويطرقون على أوتار الإنسانية ونصرة الضعيف
    ليعموا على الناس ويستنصروهم بالعاطفة.

    ومع ذلك.. كذب من يقول أنهم ليسوا أصحاب حق
    عكسوري وأهله وأهلنا أصحاب حق
    ولديهم مطالب يجب أن تتحقق
    ولكن الحق هو العدل
    والحق لا يبنى على الباطل..
    وإن كان الباطل يبنى على حق

    وممارسة التحريض المكثف هذا عمل باطل
    وإن كان مبنيا على حق.

    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 08:16 AM

ebrahim_ali
<aebrahim_ali
تاريخ التسجيل: 02-05-2002
مجموع المشاركات: 2968

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    الخرطوم: الصحافة
    ادى انقلاب عربة لاندروفر تابعة لقوات الاحتياطي المركزي، لاستشهاد اربعة من قوات الشرطة بينهم ضابط برتبة الملازم، واصابة خمسة بإصابات متفاوتة، وذلك بمنطقة كريمة بالولاية الشمالية.
    واوضح اللواء شرطة، عطا عبدالحميد الجاك، مدير شرطة الولاية الشمالية، ان الحادث وقع اثر انفجار احد اطارات العربة اللاندروفر مما ادى الى انقلابها ، مشيرا الى ان العربة كانت تقل قوات من الاحتياطي المركزي.
    واشار المكتب الصحفي للشرطة ان المصابين تم اسعافهم الى مستشفى الشرطة بالخرطوم، و ان حالتهم مستقرة.
    نقلاً عن الصحافة تاريخ 3/5/2006م

    السؤال كالتالي:
    هل حدثت تصفية كما أورد الحبيب عسكوري ؟ (دقق في الخبر جيداً حيث ورد :ان الحادث وقع اثر انفجار احد اطارات العربة اللاندروفر مما ادى الى انقلابها)
    ام هل هي حادثة حركة عادي كما يحدث في جميع بلدان العالم؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 08:26 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    .
    عقيد الخيل
    مراحــب
    Quote: وهل عسكوري له علاقة بهذا الأمر؟

    بل عسكوري هو الأمر نفسو..وهو يقول الأمر (أمري)..
    أوليس من أهل المنطقة؟
    دارفور دي قايمة و قاعدة بي ناس طابت؟
    جون قرنق دة بعد (مات/اغتيل) جابو بدلوا اسماعيل محمد الحسن؟
    يا أخي الكريم أهل المنطقة هم أهل وجعتها الأولى..هم القابضين على جمر القضية..الناس الماتوا ديل عندي أنا و عندك انت هم تلاتة مساكين اغتالهم ظالم..لكنهم لدى عسكوري هم دمه و لحمه و أهل بطن بيته..يعرف أمهاتهم و أطفالهم..مالكم كيف تحكمون..
    وهل عسكوري له علاقة بهذا الأمر؟..
    تتساءل هكذا ببساطة يا عقيد؟؟..هذا الأمر؟؟!!
    يرحمك الله..زي ناس أمري ديل لو ما لقوا متل عسكوري دة يكتب عنهم ما بيقوم الزول الاسمو أسامة عبدالله دة يضبّـحـهـم زي الكباش..هم بي كتاباتهم دي هو قاعد يبيع في أراضيهم..
    Quote: والحق لا يبنى على الباطل..

    كذلك التنمية لا تقوم على تقتيل الأبرياء..
    السد العالي القام دة وين كهرباء السودان منّـو؟..
    وين تعويضات الحلفاويين؟
    الراجل عسـكـوري يكتب عن قرب و عن دراية فلا تكسـر قلمه و لا جناحه
    أنا يا عقيد لا أعرف عن الأخ الكريم عسكوري سوى ما تعرفه أنت من المنبر
    لكني أشعر صادقآ أن له قضية..و أن من ماتوا هم أهله فلا تسلبه هذا الشرف
    عســكــوري ..
    قلوبنا معك..
    يرحم الله الشهداء..
    وثّـق لنا أمر القتلة ..و اكتب فداك باندويدث بكري كله..
    و لا تحفل لعبدالله عقيد..دة ولد أنصار سنة سـمّاني وجودي ساكت..
    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 08:44 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: الطيب بشير)

    أخي أبو البشير
    لك التحية

    يبدو أنك فهمت الأمر خطأ

    أعني أن عسكوري له علاقة بأمر التحريض
    فأنا أدرك أن له علاقة بأمر أهله في أمري والمناصير
    والحامداب..
    وربما كانوا أقرباءه ولحمه ودمه كما تقول.
    ولكن هو أحد الذين يحرضونهم
    هو أحد المحرضين
    هذا ما عنيته.

    Quote: عســكــوري ..
    قلوبنا معك..

    هذا ما يدركه عسكوري
    وهو متأكد منه
    لذلك يخاطب قلوبكم
    لأن قلوبكم تعطف على المظلوم وتأسى له وتنصره
    وتفديه بأي شيء..
    لذلك يدبج عسكوري من موقعه الذي هو فيه
    الأكاذيب
    ويهول الأمور
    وينسج قصصا خيالية
    ليستميل بها القلوب
    هذه القلوب التي لا زالت تبكى أسى على ما حدث
    لأهالي حلفا
    وكثرة الطرق على هذا الوتر الحساس
    تجعل ما في القلوب يطغى على ما في العقول

    أنت إعلامي اخي الطيب
    فانظر بعقلك قبل قلبك إلى رجل يصله خبر عن أن عربة انقلبت
    في طريق تنقلب فيه كل يوم عربة أو أكثر
    فيستثمر خبر انقلاب هذه العربة لأن بها أفراد من الشرطة
    فيعلنه (عاجل جدا... تصفية شهود)..
    أنظر بعقلك إلى من يفبرك مثل هذه الأخبار
    وأنا قابل بما يحكم به عقلك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 09:02 AM

على محمد على بشير
<aعلى محمد على بشير
تاريخ التسجيل: 08-07-2005
مجموع المشاركات: 8946

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    Quote: (عاجل جدا... تصفية شهود)..


    لا .. لا .. دى بالغت فيها ياعسكورى .. ‍‍!!


    ورغما عن ذلك فقلوبنا مع اهل امرى وكل المتاثرين بالسد
    ولكن طريق الصدام ليس هو الطريق الصحيح .. ومعظم النار
    من مستصغر الشرر ... لابد من النفس الهادئ والمعالجات الهادئه

    نرجو ذلك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 02:43 PM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: على محمد على بشير)

    ياود عقيد

    ياخوي نحن دمنا مستباح والحكومه بتقتل في اهلنا... وكت ما متعاطف مع شهدائنا عليك الله ساعدنا بالسكات لانه كلامك ديه عيب... عيب كبير ياراجل اختشي...

    بعدين انا كذبت وين... ادارة الخزان اختطفت تلاته من أخوانا وقالت ما بتفكهم ألا بدفع مليار دينار... الكلام ديه منشور في الصحف في السودان.... اضرب لاي زول اساله... كل العملته أنا حولت المليار دينار لدولارات... الدوار فيه 230 دينار.. ضربها براك.... شوفها بكم...

    بعدين ياسيد في القانون البحدد الضمانه هو القاضي.... مش الجهه الفاتحه البلاغ.... ولانه هذا المبلغ ( مبلغ المليار دينار) حددته الجهه الفاتحه البلاغ من عندها بيصبح هؤلاء الناس رهائن .. وليسوا معتقلين بتهمه محدده ...لانه لو معتقلين بتهمه محدده كان عرضوهم علي قاضي وهو البحدد حجم الضمانه تبقي مليار ولا مية مليار ما بتفرق كتير... طالما يحددها القاضي، لكن لمان تحددها إدارة الخزان بنفسها بتبقي فديه... وعليه يصبح المعتقلين رهائن... اسأل أي زول... وين الكذب في الكلام ده...

    بعدين بالنسبه للتصفيه... اولا الناس ديل كانوا ماشين يدلوا بشهادتهم للجنة التحقيق... قريت الخبر بتاع الصحافه الفوق ولا ما قريته... يعني في عربيه اتقلبت وماتوا ناس من الشرطه.... متفق معاي لحد هنا.... ناس الصحافه نقلوا عن ناس الشرطه إنه العربيه لستكها ضرب... هسي عايزني اصدق إنه لاندكروزر بك اب موديل 2006 لستكه يضرب كده طوالي .... إنت قايل لساتكه مصنوعه في السودان ولاشنو... ممكن نراجع شركه تايوتا ونشوف الكلام ده... بعدين ياخي نحن اهلنا موجودين في المنطقه وحاضرين الحادث... عايزني اصدقك انت..!.

    بعدين انت بتقول ديه مشروع قومي... هم القوم ديل منو؟ نحن ما جزء منهم ولا شنو؟ القوم ديل لا فيهم ناس الجنوب ولا ناس الغرب ولا ناس الشرق ولا حتي ناس الشمال ... كدي ورينا القوم ديل منو البتقام ليهم المشروعات عشان نقدر نحدد موقفنا... ؟

    برضوا بتقول انا بحرض أهلي... لا... عايزني اقول ليهم انبطحوا عشان ادارة السد تذبحكم.. ديه ما بتلقاها عندي انا ياسيد.... انا ولو كنت بحرض برضه احسن من إدارة الخزان... ديك بكتلوا عديل بالذخيره الحيه... ده كلو وانت قدرت تشوف تحريضيي أنا وما قدرت تشوف رصاص إدارة الخزان... ياسيد انا كلامي واضح نحن ناس الخزان كتلوا مننا تلاته بدون أي ذنب ... انا كلامي لاهلي واضح... يا يتمسكوا الناس الكتلوا اولادنا ويتحاكموا ... يا إما حا نفتح نار للاخر... انت مفتكر ارواحنا لعب ولا شنو.... ياخي ما تخجل .. دمنا لسه ما جف من الارض... واولادنا المجرحين مالين المستشفيات .... احرض... ما تخجل وتختشي وتحس بجراح الاخرين... والله انا لو لاقي طريقه ...الحكومه بتاعتك ديه افك فيها سلاح ذري ... ديل بذبحوا في اهلي... عايزني اسكت... احرض قال.....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 03:17 PM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    يا علي ودبشير

    تقول

    Quote: لابد من النفس الهادئ والمعالجات الهادئه


    كده ورينا النفس الهادي والمعالجات الهادئه بتكون كيف مع الرصاص....!

    بعدين يا اخي نحن لدينا سجل طويل بالناس الذين تمت تصفيتهم ولديهم علاقه بمشروع الخزان وحا نعلن القائمه قريب... وانا اشرت لاحدهم في بوست ( احمد البلال) واضيفك معلومه ( مفوض التوطين السابق تمت تصفيته في كسلا العام الماضي عن طريق تسميمه بتفاحه بعد ان وعد بعض اهلنا بكشف بعض الحقائق..) وده كلوا نحن راصدنه وبي وكته... وانا ذكرت إنه رئيس المؤتمر الوطني السابق (رحمه الله) لولاية نهر النيل ايضا تمت تصفيته في حادث عربه ( ايضا) في قرية العبديه... بعد ايام معدوده فقط بعد أن اصدر بيان قال فيه ( إن المناصير مستهدفين)... البيان ده نشرته جريدة الصحافه... لكن للاسف الناس ما قاعدين يتابعوا ولا بربطوا المواضيع مع بعض... هسي برضوا باكد ليك إنه العساكر ديل تمت تصفيتهم بعد أن كانو ذاهبين للادلاء يشهادتهم حول الاحداث...
    شخص مثلك قد يستغرب هذا الحديث لانه ما بكون متابع بالدرجه المطلوبه... انا الموضوع ده لي خمس سنيين بطلت حياتي ومتابعه ليل ونهار.... عشان كده الكلام البكتبه هنا ديه ما قاعد اكتبه من فراغ ولا بقصد المبالغه... وهو تاني الزول يبالغ يقول شنو ...ماهو الناس قتلوهم قدامكم ولا ديك برضه ما مصدقها
    ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2006, 05:04 PM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    يا عقيد


    Quote: لذلك يدبج عسكوري من موقعه الذي هو فيه
    الأكاذيب
    ويهول الأمور
    وينسج قصصا خيالية


    كده ادينا مثال انا كذبت وين! عربيه انقلبت ، خبر منشور في جريدة الصحافه، نحن راينا انها اتقلبت بفعل فاعل... وليس صدفه... وعندنا أمثله كثيره ذكرنا ليك منها شويه فوق...

    بعدين ياتوا امور انا ( الهولتها)، خبر المليار ديه منشور في الجرايد واللجنه بتاعت المتاثرين مطلعه بيه بيان... ولا ما قاعد تقراء... وفي بوست في البورد ده كاتبه زول تاني أنا مابعرفه ولا عندي بيه علاقه.... وانا ما عرفت الموضوع اصلا إلا بعد قريت البوست... واتصلت وسالت وتاكدت... البهول أنا ولا أدارتك بتاعت الخزان...

    القصص الخياليه ديه ياته... ادي ناس البورد ديه مثال.... انا كتبت الاف البوستات هنا عن موضوع الخزان ودونك الارشيف... ورينا ياتو وحده خياليه...
    لو ما جبت مثال هنا حا اطالب إنه يطبقوا عليك اللائحه لانه ديه إسمها إشانة سمعه... خاصة في قضيه خطيره تمس حياة اهلنا في وقت هم يتعرضون فيه للقتل من جانب الحكومه ومازال اكثر من ثلاثه الف عسكري متواجدين بالمنطقه...
    يا تجيب مثال او يتكون بتفتري علي الكذب وبتحاول تبهتني...

    او اعتذر عن ما كتبته... انا لا اقبل اشانة سمعتي.... ولو عندك دليل علي كذبي قدمه للاعضاء...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 05:28 AM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    فـوق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 06:33 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    يا عسكوري

    انا شغلتي ياها الأخبار دي..
    والرجل الذي تصدى لمناقشتي في هذا البوست
    إعلامي وشغتلو ياها الأخبار دي..
    وأنا أديتو أدلة واضحة..

    الأكاذيب
    والفبركة يا عسكوري ياخي
    هي إنك تلتقط خبر (عادي) من الجرايد
    وتنسج عليهو (افتراضات) خيالية
    وتنشرو للناس باعتبارو حقيقة..

    الخبرين اللي أنا ضربت بيهم المثل واعتبرتهم دليل على تهويلك
    وتحريضك ما زالو أدلة واضحة تثبت أنك تهول الأمور..
    سواء خبر الضمانات، أو خبر الحادث..

    بالنسبة للخبر الأول، الآن إنت جيبت قلت اعتقال وطلب ضمانة
    الكلام دا ما قلتو من الأول ليه؟؟؟؟
    في الأول قلت (اختطاف) وطلب (فدية)
    في فرق يا ناس بين الاختطاف والاعتقال ولّا مافي؟
    في فرق يا ناس بين الضمانة والفدية ولّا مافي؟
    دي الفبركة المغرضة يا عسكور وتهويل الأمور وتحميلها أكثر مما تحتمل.
    ودا كلو إذا افترضنا إنو الخبر صحيح..
    إذا إنت لقيت خبر زي دا في الجرايد (جيبو) أو خت الرابط حقو
    ولا تطالبني أنا بالبحث عنو أو الاتصال.. وإلا فما في داعي من الأساس إنت تجيب الخبر
    إلا إذا كنت متعمد تنشر أكاذيب وتزيد الأمور من عندك..
    إذا جبت خبر ومتأكد من مصدرو تخت المصدر للناس عشان ترجع لأصل الخبر
    وبعد كِدا علق عليهو زي ما إنت عايز..
    ما تجي تنسج كلام من راسك على وقائع أصلية تختلف تماما عن الأصل..
    Quote: ادي ناس البورد ديه مثال

    دا المثال الإنت طلبتو بالنسبة للخبر الأول
    وجاييك تاني لي الخبر التاني
    وبخصوص (ناس السد بتاعنك)، انا ما عندي ناس سد
    أنا مواطن سوداني عادي حريص على بلدو من المهولين والمغرضين..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 06:57 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    أها نجي للتصفية..
    الخبر أتى به أحد الأخوة هنا من جريدة الصحافة
    عربة انقلبت في الشارع بسبب العجل الأمامي..
    قبل ما نجي لتفسيرك يا عسكوري.. أسألك سؤال
    كم حادث في اليوم أو في الأسبوع بتحصل في طريق شريان الشمال؟
    أترك الإجابة لأي سوداني..
    نجي لي تفسيرك..
    قلت
    Quote: بعدين بالنسبه للتصفيه... اولا الناس ديل كانوا ماشين يدلوا بشهادتهم للجنة التحقيق... قريت الخبر بتاع الصحافه الفوق ولا ما قريته... يعني في عربيه اتقلبت وماتوا ناس من الشرطه.... متفق معاي لحد هنا.... ناس الصحافه نقلوا عن ناس الشرطه إنه العربيه لستكها ضرب... هسي عايزني اصدق إنه لاندكروزر بك اب موديل 2006 لستكه يضرب كده طوالي .... إنت قايل لساتكه مصنوعه في السودان ولاشنو... ممكن نراجع شركه تايوتا ونشوف الكلام ده... بعدين ياخي نحن اهلنا موجودين في المنطقه وحاضرين الحادث... عايزني اصدقك انت..!.

    الكلام التحتو خط دا بيوضح لأي عاقل إنك فسرت الخبر (تفسير)
    وأقنعت نفسك بهذا التفسير الذي لا يسنده أي دليل على أرض الواقع
    وصرفت نظر عن الخبر الأصلي، وقفزت للنتيجة التي توصل ليها تفسيرك غير المنطقي وغير الواقعي
    وجيت هنا نشرت خبر مختلف تماما (تصفية شهود).. وقلت انهمر الرصاص وأدى إلى انقلاب العربة..
    لا أشرت لي مصدر، ولا جبتو من جريدة، ولا قلت شهود عيان.. وريني بس السبب البخليني اصدق خبرك
    انت وأكذب خبر الجرايد شنو؟؟؟؟
    ثم ثانيا.. القال ليك منو اللاندكروز بيك اب 2006 لستكة ما بيضرب وما بتنقلِب؟
    وبعدين لحدي الآن الحاجة الأنا بعرفا وناس كتار بيعرفوها إنو شركة تايوتا ما عندها قضية باللساتِك
    يعني تراجع شركة تايوتا بخصوص الدفرنش أو بخصوص الشاسي أو بخصوص البودي أو بخصوص المكنة..
    لكين الكفرات أو اللساتك بتجي من حتات تانية.. هسي لاقتك عربية لستكا مكتوب عليهو تايوتا؟
    دا كلو كلام فطير يا عسكوري.. وأكثر منه فطارة قولك ((نحن أهلنا موجودين في المنطقة))
    الكلام دا تقنع بيهو زول قاعد في مدينة الضباب ولّا جايي من منطقة تانية غير المنطقة دي..
    لكين ما بتقنعني أنا ابن النطقة.. ما في حاجة اسمها أهلنا موجودين؟؟
    أهلك موجودين وين؟ في طريق شريان الشمال؟ من الملتقى لحدي كرري مافي زول قاعد في الطريق دا يا عسكوري غير القهاوي..
    أهلك قاعدين وين؟ في الطريق الترابي بين تنقاسي وعطبرة؟
    مافي بشر قاعد في الحتة دي يا عسكوري غير قهوة ولّا قهوتين.. بل (راكوبة، أو راكوبتين).
    عسكوري
    خاف ربك يا زول
    الماتو ديل أهلنا زي ما هم أهلك
    والمهجرين أهلنا زي ما هم أهلك
    وناس السد يمكن يكونو ناسك انت
    لأني أنا لا تربطني بهم علاقة لا من قريب ولا من بعيد
    ولو في ارتباط هو (الوطن) البيجمعنا كلنا بنفس القدر
    وإن لم يكن بنفس حجم الخوف والحرص على استقراره..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 07:26 AM

mohamed osman bakry

تاريخ التسجيل: 12-02-2003
مجموع المشاركات: 1472

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    Quote: الخرطوم: الصحافة
    ادى انقلاب عربة لاندروفر تابعة لقوات الاحتياطي المركزي،

    Quote: هسي عايزني اصدق إنه لاندكروزر بك اب موديل 2006 لستكه يضرب كده طوالي .... إنت قايل لساتكه مصنوعه في السودان ولاشنو... ممكن نراجع شركه تايوتا ونشوف الكلام ده...

    لاندروفر
    وللا
    لاندكروزر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 07:51 AM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    ياو ود عقيد

    اولا انا مصادري ليست الجرائد... اشرناليك للجرائد عشان تقتنع انه الحادث حدث... من مصدر غيرنا... والان سكت لما طلع الخبر صحيح إنه فعلا في حادث وماتوا فيه ناس.. بالنسبه لينا نحن هؤلاء العساكر كانوا في طريقهم للادلاء بشهادتهم للجنة التحقيق وحصل حادث وكتل منهم اربعه.. كمان زادوا واحد.. نحن مصادرنا قالت تلاته... وبرضوا نحن البنهول... بعدين هسي انت بتصدق إنه قوات الاحتياطي المركزي الجابوها من الخرطوم بالهيلوكوبتر ( بتكون راكبها ليها لاندروفر)... لذلك نحن من وجهة نظرنا إنه الحصل ده تصفيه للشهود... وجابوا ليك الخبر في جريدة الصحافه عشان تصدق إنه في مصدر غيرنا اورد الخبر نقلا عن الشرطه... هم ياخي ناس الشرطه مطلعين بيان متهافت ولا انت برضوا ما مصدقه...

    بالنسبه لخبر الفديه ياسيد مليشيات السد خطفت تلاته من اهلنا وقالت ما بتفكهم إلا بدفع مليار دينار، الموضوع ديه اوردته الصحف في الخرطوم ولجنة المتأثرين عملت مؤتمرين صحفيين ذكرت فيه الامر ، وطلعت بيان نشر علي الملاء واشار ليه احمد البلال في برنامجه بل قراء منه بعض الفقرات ديه كلو ما سمعت بيه والحاله الاخبار شغلتك...وأنا رايئ واضح إنه اذا في جهه معتقله أنسان وطالبت بمبلغ محدد قصاد إطلاق سراحه.. بيبقي هذا الشخص رهينه...
    وانا لمعلوميتك مره تانيه ما قاعد اجيب اخباري من الجرايد.. هي الجرايد بتنقل مننا... نحن جوه الاحداث ...
    بعدين انا شغال معاك عشان اوريك مصدر الخبر ... انت ماقلت الاخبار شغلتك... لي هسي شاكي في خبر الاعتقالات وطلب الفديه.... الكلام ديه زاتو لم يعد خبر ...لانه قدم ...ديه حاجه ليها قريب التلاته اسابيع الناس بتكلموا عنها.... انت قاعد وين...
    لسه أنا بطالبك توري ناس البورد انا كذبت وين...

    خبر الحادث طلع صحيح وفعلا وقع حادث وماتوا ناس
    خبر الفديه الطالبها إدارة السد قصاد إطلاق سراح المعتقلين... مالي الدنيا والعالمين و لا عايز ليه مصدر...
    Quote: أنا مواطن سوداني عادي حريص على بلدو من المهولين والمغرضين


    انت مواطن سوداني حريص بتشوف ( المهولين والمغرضين) من أمثالنا... لكن ما بتشوف القتله... لانهم بقتلوا باسمك وإنت قبلان ومستعد تدافع عنهم وتوجد ليهم التبريرات... ولانك جزء منهم بتلوم الضحيه وما بتشوف الجاني... يا اخي اختشي

    قلت المشروع قومي.. سالناك القوم ديل منو البتتكلم عنهم (زغت) هسي تاني انابسألك؟ القوم ديل منو... لا فيهم الجنوب ولا الغرب ولا الشرق ولا الشمال... كده هسي خلينا من الفوق كله ورينا ( القوم) ديل البتتكلم عنهم منو... بعدين بنجيك لباقي الحاجات...

    الخبرين النشرناهم ما قدرت تكذبهم... وإتهمتني بالكذب تحاول تبهتني.... إدارة خزانك اشطر منك... حاولت تبهتنا قبلك ما قدرت... حاولت تشترينا ماقدرت... مشت بقت تكتل في اهلنا نكاية وانتقام.. لانها عارفه إنها بتلقي الزيك يدافع ليها عن جرائمها.. كان افضل تشيل بندقيه تكتل معاها مما تكتب زي كلامك ده...يخص... آه ... برضو نوع من أكل العيش...

    بتموت ياولد
    واقف علي حيلك
    وفرحان ودعقيد
    منفوخ يعوعيلك

    مطالبتي ليك بالاعتذرا قائمه... قبل ما احول الموضوع للادارة...

    ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 08:16 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49944

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)


    عسكوري

    الف رحمه على الغلابه ناس الشرطه.

    وربنا يفك صراح اساركم,ويزيل الغمه.

    واصل في التوثيق لمذابح الابرياء.

    لك التقديري.

    تراجي.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 08:16 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    Quote: بتموت ياولد
    واقف علي حيلك
    وفرحان ودعقيد
    منفوخ يعوعيلك

    مطالبتي ليك بالاعتذرا قائمه... قبل ما احول الموضوع للادارة...


    اختشي
    ويخص
    ويعوعيلك

    وبرضو عايز اعتذار؟
    ما اخدت حقك بي يدك.. تاني الاعذار لزومو شنو؟
    وبعدين القال ليك منو أنا متراجع من كلامي.. عشان اعتذر؟؟
    أنا ما زلت مصر أنك اخدت أخبار حقيقية وغيرتها وبدلتها وفبركت عليها
    نتائج معينة وجيت عشان تهول بيها على الناس..
    ويهديك الإدارة بتسمع في كلامك.. انا ماني خايف من شيء

    بي لسانك يا عسكوري قلت إنك عملت آلاف البوستات..
    حصل يوم واحد اتعرضت ليك في أي بوست من بوستاتك دي؟؟
    ولا قاعد اقراها حتى.. زيي زي ناس كتيرين..
    ليكن في الآخر انت زودتها
    وبقيت تجيب قصص منسوجة من الخيال، وإن كانت مبنية على وقائع
    ولكن هذه الوقائع لا ترقى لما تصوره أنت هنا.

    الناس الماتو ديل يا عسكوري مفروض تعتذر ليهم إنت
    لأنك شحنتهم بي بوستاتك دي.. وبي تهويلك دا
    وما أطلبه منك أن تضع نفسك موضع المواطن الذي يحرص على المصلحة العامة
    بنفس القدر الذي يحرص به على المصالح الخاصة..

    منذ أول مداخلة لم أنف أنك صاحب حق
    ومنذ أول مداخلة لم أمنعك من المطالبة بهذا الحق
    والحرص عليه..
    لكن المسألة ليست معركة وتحريض يصل لمرحلة القتل
    وعندما يحدث القتل تطالب بالثأر
    ما هو غرضك الحقيقي؟

    إن كان غرضك حصول أهلنا في منطقة السد على حقوقهم كاملة
    فهناك مائة طريقة وطريقة غير حمل السلاح والقتل؟
    ومنها الطرق القانونية والمحاكم..
    وإن كان غرضك أن يتوقف هذا المشروع (القومي) وأن يتدمر
    فهذا أمر آخر..
    وأنا شخصيا ليس لدي أدنى دليل يوضح لي ما هو رغضك الحقيقي
    وما دمت تتساءل ((القوم ديل منو؟؟)) معناها إنت بتعتبر السد مشروع شخصي وخاص..
    أليس كذلك..؟
    الأنا بعرفو وشفتو بي عيني إنو أبراج نقل الكهرباء من السد وصلت الخرطوم ووصلت هيا
    وفي طريقها إلى كردفان ودارفور..
    إن عايزو يكون قومي كيف.. يمشو يبنوهو في الجنوب عشان يكون حق الجنوبيين
    ولّا يبنوهو في الشرق عشان يكون حق الشماليين؟؟
    أنا بصراحة ما فهمت سؤالك، عشان كدا ما جاوبت عليهو؟؟
    لكين الآن فهمتو.. وهو أنك تقصد أن سد مروي مشروع شخصي وخاص..
    وانا من الله خلقني ما سمعت لي بي حزب ولّا شخصية رأسمالية عملت ليها سد عشان تستثمر فيهو؟؟
    وما عندي أي دليل يؤشر إلى إنو أسامة عبد الله ولّا البشير ولّا أي زول تاني
    عندو مصلحة شخصية من السد دا..
    انت هسي خليت المطالب وخليت السد بي حالو.. ومسكت في موضوع واحد وهو حادثة أمري
    وبقيت تنسج حولها الأخبار والأفكار..
    الزول المسؤول قال في لجنة تحقيق.. والبيان الأصدرتو لجنة المتأثرين انا سمعتو
    وفيهو مطالب بمحاكمة المتسببين في القتل ومطالبة باعتذار من إدارة السد..
    يعني المطالب دي ما شيتا بتصل لي درجة التصفية يا عسكوري ياخ
    ومصلحتم شنو عشان يصلو المرحلة دي
    أنا لو اقنعتني بالواااضح كدي إنو أسامة ولّا علّان عندهم المصلحة الشخصية الفلانية
    والله أعتذر ليك أما الملأ.. بس أقنعني..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 08:30 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    وقبل أن تهددني بالشكوى للإدارة
    سأعطيك الأدلة وعليك أن تضحد كلامي هذا

    أولا: عاجل تصفية شهود.
    ما هو دليلك على أن ما حدث تصفية؟
    ثانيا: سيارة لاندكروزر بيك أب موديل 2006
    ما هو دليلك على أنها لاند كروزر موديل 2006 وليست لاندروفر كما أوردت الصحف؟
    ثالثا: أنت قلت ضرب بالرصاص
    ما هو دليلك على هذا الادعاء..؟

    وإذا افترضنا أن الحادث تصفية لشهود.. سأسلك الآتي
    لماذا تمت التصفية في طريق عام وأما الملأ؟
    ولماذا لم تتم التصفية لجنود الشرطة في العربة كلهم؟
    وكيف تتم تصفية بعض الشهود ويترك البقية أحياء؟
    وكيف يتم نقلهم إلى المستشفى إذا كانوا شهود تريد الحكومة تصفيتهم؟

    أمر آخر..
    كنت تدعي أن ما حدث قامت به مليشيات وأن إدارة السد لديها مليشيات
    فما الذي جعلهم عساكر ورجال شرطة الآن بعد أن وقع الحادث؟

    أمر آخر..
    أطالبك بأن تمد القارئ الكريم برابط للصحيفة التي نشرت خبر الفدية والاختطاف
    أو صورة (إسكانر) للخبر المنشور في الجريدة بالنص.

    بعد أن تثبت هذه المعلومات بما يؤكدها لك ما طلبت..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 08:47 AM

Asskouri
<aAsskouri
تاريخ التسجيل: 06-17-2003
مجموع المشاركات: 4734

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    كده صلح الكلام المتناقض البتقول فيه ده...

    Quote: من الملتقى لحدي كرري مافي زول قاعد في الطريق دا يا عسكوري غير القهاوي


    وتاني...

    Quote: لماذا تمت التصفية في طريق عام وأما الملأ؟



    ابقي علي وحده عشان نرد عليك...

    صلح كلامك ديه ( وتافقوا مع بعضه... بعدين رجعه لينا في بوست عشان نعلق عليه... ونرد عليك

    بتموت ياولد
    واقف علي حيلك
    وفرحان ودعقيد
    منفوخ يعوعيلك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 09:14 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    عسكوري

    يا راجل خلي الزوغان
    ورد على الأسئلة..
    والكلام دا ما فيهو أي تناقض
    طريق عام بتجي فيهو عربات ماشة .. ومافي زول ساكن فيهو
    التناقض هنا شنو..


    أرجو أن ترد على الأسئلة بوضوح
    وتقدم البيانات والأدلة التي تثبت صحة كلامك




    شكرا لك أخي الطيب بشير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2006, 08:38 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: عبد الله عقيد)

    .
    Quote: انا شغلتي ياها الأخبار دي..
    والرجل الذي تصدى لمناقشتي في هذا البوست
    إعلامي وشغتلو ياها الأخبار دي..
    وأنا أديتو أدلة واضحة..

    حبيبنا ود عقيد
    أنا ما راجع هنا تاني
    بعتذر ليك عن مواصلة النقاش في هذا الخيط
    و بشكرك على طولة بالك

    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-05-2006, 03:56 AM

Nazar Yousif
<aNazar Yousif
تاريخ التسجيل: 05-07-2005
مجموع المشاركات: 12465

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عاجل جدا... ... تصـفبـة الشهود...... (Re: Asskouri)

    up
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de