دعواتكم لزميلنا المفكر د.الباقر العفيف بالشفاء العاجل
|
|
 ندى القلعة تتغنى باهل العوض
|
امس حضرنا حفلة ندى القلعة فى ابوظبى
زحمة ما حصلت اول مرة اشوف قاعة مسرح النادى السودانى الكبيرة والجميلة ممتلئة
حوالى 2000شخص كان الحضور.... ودون حسادة كدة لو ضربنا الرقم دا فى 30 درهم تكون ندى كسبت 60000الف درهم يعنى 36مليون جنية سودانى
اها الناس زى الرايحا ليها ربا ولا الطولت ما فرحت
رقيص وهجيج واول مرة اشوف البنات كيمان كيمان فى نهاية الصفوف يكشفن
الزولة دى عندها حضور مسرحى كبير وقدرة على التواصل مع الجمهور
قدمت غنية كدا بطلا والشخصية الرئيسية فيها زول اسمو العوض وبكسرة كدا شكرت اهل العوض وبرضو فى غنية تانى شكرت اهل العوض وحصلت على صيحات استحسان رهيبة من الجماهير
بمتابعتى لكلمات الاغانى لاحظت المفردات شعبية جدا ويمكن نسبة لعجميتى ما قدرت اعرف معنى بعض الكلمات.....جمهور ندى جمهور شعبى جدا الرقيص كان بالعكاكيز والسيطان
يمكن جماهيرية ندى بسبب اللغة الشعبية والبسيطة التى تغنى
واول مرة اسمع فنانة عندها رميات قبل الاغنية
اكتر غنية كان فيها هجيج بتقول
الولد كالبت يا لطيف
والمسح بالزيت يا لطيف
والغريبة البت يا لطيف
فى اى حتة تبيت يا لطيف
وانا ما عارف ناس التجانى حاج موسى فى المصنفات الفنية بيعملو شنو
الفنانة تزينت بكميات رهيبة من الدهب اخرست السنة مغتربات الامارات المتبوبرات
ودى كلو من ذهب الداخل
|
|
 
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
محمد قريبي إنت زوول خطير
نقل حي ومباشر
بس نوبيتنا ما بتحرمنا من فهم الموسيقى والجمال تحت \اي حال من الأحوال..
بساطة اللغة من أهم وسائل التواصل..
البت دي فرقعت الفنانين لي حدهم..
بس ما بتلحق (عديلو وو ايين فجلي) لو سوت ليها جنحين.. مش؟؟
| |
|
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
| Quote: الفنانة تزينت بكميات رهيبة من الدهب اخرست السنة مغتربات الامارات المتبوبرات |
فى حاجه تانيه اخرستهم....
انا متاكد كل واحده فيهم رجعت البيت وقعدت تعاين لوشها فى المرايه لمده ساعه مع اتخاذ قرار سريع بتغير كل الكريمات وادوات التجميل
| |
|
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
يا قريبي .. احي همتك ومقدرتك علي متابعة كافة الانشطة الفنية في الامارات وصبرك علي عجقة السير و الانتظار الطويل للسيارات وهي تزحف من الشارقة الي ابوظبي ( للعلم دبي هي ثالث مدينه في العالم في ترتيب زحمة السير حيث تكتظ شوارعها ب 3600 سيارة لكل كلم )...انا لم اري الشارقة منذ ثلاث سنوات وابوظبي منذ 6 سنوات !!!
نعود الي الموضوع : ذهب الداخل دة يعني قيمته من موارد الداخل ام انه من ذهب يستخرج في السودان ؟ ولماذا ترتدي المغنية السودانية كما هائلا من الذهب - عادة تنفرد بها بعض السودانيات - اليس صوتها وادائها تكفي للفت النظر ام انها تحتاج الي وهج الذهب فيكون غناء مذهبا ؟ عموما انا احب اسمع الغناء صوتا لا صورة الم يكن غناءا استعراضيا واري المسرح ان تيسر صوت وصورة ( لفطية او غير لفظية ) ..
شاكر لك امدادانا بما يحدث حولي وانا قابع في صومعتي اعمل واتصل بالدنيا افتراضيا
ابوبكر
| |
|
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
بختكم با خال .. والله جد دي فاتتنا ...
ندي فنانه مميزه .. و اكتر شي بيعجبني كلامها البسيط .. و حضورها القوي و تفاعلها مع الجمهور و اناقتها .. اخير من بعض الفنانين البيكونوا شايفيين روحهم و بيينوا حاجز نفسي بينو و بين الجماهير .
اها غنت ليكم " عزاز علينا الشالوا نوم عينينا " و " يسلم لي عوض " و " يا يمه كان شفتي ساعه الجماعه جو " و " جاريه السنين جاريه " و أهم اغنيه " الدقوا منو " ؟
اغنيه " يا لطيف " جميله و هي معبره لحال الزمن ده بالضبط ..
و بتمر علي حالات زي النميمه و القطيعه و عقوق الوالدين و الإهتمام بالدولار
و اغنيه " يا لطيف " دي زاتها لقيتها تابعه للإنشاد الديني في احد المواقع .
يا خال ما عندكم صور ؟ يا ريت تلحقونا بتسجيل او صور .
تحياتي و بختكم تاني .
| |
|
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
الاخ محمد سعيد احمد
لك التحية
والتحية للاخ راكوبة السابق دائما لنقل كل جميل
تعرف يا سيدى البت دى بحبها لله فى لله
غير جمالها الخارجى ( والله جميل يحب الجمال )
لانها اولا بتغنى غناء شعبى رائع وجميل زى ده
Quote: الولد كالبت يا لطيف
والمسح بالزيت يا لطيف
والغريبة البت يا لطيف
فى اى حتة تبيت يا لطيف
|
فهى تعبر عن الواقع تماما
وتغنى للحماسة والرجولة والشهامة كما فى الكثير من اغانيها
ما اوردته سيدى يخرس السن الحاسدين لها
ويؤكد حضورها وقبولها لدى المستمع السودانى
اسأل الله ان يحفظها فقد ازاحت صورة بعض الفنانات التى لا تسر واللائى تنكرن لسودانيتهن
لك تحياتى
| |
|
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
اخوي ميمد سيداهمد
مسكاقمي
الناس مكبوتة جوا وبرا
تعرف يا ميمد اذا ندي عملت حفلة في اية حتة في الخرطوم
تلقى الزحمة لغاية الحي التاني
الناس من شدة الزهج والطفش الفيها
دايرة تفك وبس
عشان نحن كمان نفك معاهم شوية
بطالب الناس العندها مكتبة لاغنيات ندي القلعة
ينزل لينا هنا اغنية اهل العوض
فى اى حتة تبيت يا لطيف
صدقني نبيت حتى في زقلونا
اموت انا في الحصاحيصا
| |
|
|
|
|
|
|
|
|
|
رد (Re: mohmmed said ahmed)
|
البناء العظيم
ابوبكر
تيسرت ركوبة فركبت الى ابوظبى وتحت تحت كدا الزولا دى انا بحب غناها
انين
سكتاوية
يالطيف دى والله انا قايلا فى الاول مدحه لكن طلعت فيها كلام مشاتر كدا
وسكتاوية ايوة غنت العوض وناس العوض قربو يهدو المسرح بالرقيص والعرضة
راكوبة شكرا على الصورة والتذكرة برضو فيها صورة
الاخت لنا
عجبتك ذهب الداخل ولا البوابر
قرشو
والله نوع البت اى حتة تبيت دى لو فعلا بتعبر على الواقع يبقا وطاتنا اصبحت
| |
|
|
|
|
|
|
|
|
|
Re: ندى القلعة تتغنى باهل العوض (Re: mohmmed said ahmed)
|
الأخ محمد سعيد أحمد
لك التحية
Quote: قرشو
والله نوع البت اى حتة تبيت دى لو فعلا بتعبر على الواقع يبقا وطاتنا اصبحت |
كنا نتحدث عن الاخلاق فى السودان وما وصلت اليه فسمعت أخى الكريم من الاخبار ما لا يصدق ابدا
بالطبع التعميم شىء خاطىء جدا ولكن الغلبة فى التصرفات تجعل مثل هذا الغناء ممكنا
ليتك تسأل القادمون من اجازاتهم وتسال الشباب هنالك عن ذلك ..
لن تُسر أخى الكريم ولذا لا انصحك بالسؤال من اصله
ولتكن على حسن ظنك فهو ابقى وافضل لاعصابك وشرايين دمك
الله يديك العافية
| |
|
|
|
|
|
|
| |
mohmmed said ahmed
showgi idriss
يوسف الولى
abubakr
lana mahdi
Rakoba
Sakotaweya
قرشـــو
محمد الامين احمد
Mustafa Mahmoud
فيس بوك
تويتر
انستقرام
يوتيوب
بنتيريست