دعواتكم لزميلنا المفكر د.الباقر العفيف بالشفاء العاجل
|
|
 التهنئه لأمين الرشيد نايل على فرحه بقاسم أمين...............
|
التهنئه لأمين الرشيد نايل على فرحه بقاسم أمين
رزق الله الأخ العزيز أمين الرشيد إبنا أطلق عليه إسم قاسم ليقتسم معه الفرح والبهجه فى أضابير الغربة القاسيه وتحتفى معه قادمة من السودان نعمات الجزولى والأخت زكيه الرشيد وأمينه الرشيد التى فى الجوار وسيكون السبت القادم يوم الإحتفاء الأكبر لمن هم بليدز التهنئه لأمين ولوالدة قاسم ولعمتيه ولأمه نعمات...........
منصور
|
|
 
|
|
|
|
|
|
|
 Re: التهنئه لأمين الرشيد نايل على فرحه بقاسم أمين............... (Re: mahdy alamin)
|
| Quote: لكن ما قلت لى يا منصور انت قريت مع امين فى منسك ???? |
عندما كنا تلاميذاً، فى محمد حسين الثانوية. كان امين فى الابتدائية، بل ولعله لم يدخل المدرسة بعد ( ايام بيت السوق الجديد فى ودنوباوى)
وتلاميذ المدارس الثانوية فى ذلك الزمان الرطب كانوا رجالا بالمعنى البايولوجى للرجولة!! وهم وقد كانوا يلبسون الاردية القصيرة ( والتى سُمِّيَت فى مراحل مابعد العولمة بالشورتات) الا ان سيقانهم كانت تمتلئ بالشعر الكثيف والذى يطل ماخفى منه من فوق فتحات القمصان فى اعالى الصدور!! وكان غالبهم بشوارب بعضها غليظ كشوارب الباشبوزوق على ايام فتح محمد على باشا للسودان . بل وان بعضنا كان من ( ذوات اللحى )
قرأت للمنصور مرة تقريظا بنا ( مامون الرشيد وانا ) ومبعثه جاء من حيث انه زاملنا فى حوش المدرسة الثانوية( يا قدامنا يا ورانا- يعنى الفرق سنة واحدة)
أُفاجأُ بالسيد بكرى ابوبكر ( وانا قد فقدت الثقة فى بكرى تماما بعد عملته المهببة فى بوست عركى فى فرجينيا) وقد اورد فى حديثه المقطع المنقول بضبانته، من مداخلته اعلاه. ففهمت منه ان المنصور هو الآخر قد اصابه داء نكران السن واحكامها، فادعى لنفسه زمالة دراسية مع امين العريس!!فتخيل!!
يا ابن المفتاح.
والله ان كبر السن لهو زهو ومفخرة. وله افضال كثيرة، من حيث العقل والاحترام عند اهلنا( عندما كانوا لم يتعلموا بعد صب ماء النار فى وجوه بناتهم، ولم يكونوامن معتادى اغتصاب ذوات السنتين والثلاث!!) وهو بعد تاج يكلل الرأس بالحكمة والورع .... اراك قد هجرت كل ذلك وسعيت لربط ماضيك مع ناس امين ومن هم فى سنه!! ولقد تعودت هذا القول من شقيقى كمال والذى ظل يقدمنى لاصدقائه من المحامين باعتبارى
( عبدالمنعم.. اخوى الكبير !!)
سمح فلتهنأ بسنواتك المخصومة كالضرائب والزكاة واتركنا انا ومامون ... ان شاء الله تقولوا دفعة سيدنا نوح زاتو... ولكن الخشية اننا سنصحو يوما، والناس يتهربون من اعمارهم بالتقدم امام بعضهم البعض، حتى نكتشف اننا اصبحنا اول الخلق – ربما قبل ابونا آدم زاتو.
وياقاسم
مبروك الجيت
مليت البيت
مليت الدنيا
من حد الاهلة الفوق مآذن اسلانج
ولى حد الصلايب فوق كنايس ليدز
بالدوبيت
حبابك شان ترجع لينا سيرة القال ابيت
سيرة الشفيع الماخمج
وسيرة الرشيد.. دابك بديت
يايابا انت تعيش
وترجِّع لينا
غنانا الزين
الطارق مين
انا قاسم امين
الطارق مين
انا قاسم امين
مبروك علينا كلنا
منعم الجزولى
| |
|
|
|
|
|
|
|
|
|
Re: التهنئه لأمين الرشيد نايل على فرحه بقاسم أمين............... (Re: Gazaloat)
|
الأخ عبدالمنعم الجزولى السلام والرحمه
ياخ قول يا لطيف دفعتك وين يا راجل أنا لمن مامون كان يحكى عنك وكانه يحكى الفريد ورجال الشمال كان يحكى عن تاريخ موغل فى القدم أنت ومحمد نجيب محمد على وإبن عمر محمد أحمد شكانيب ذلك الزمان وعندما أتينا لمحمد حسين كنا فى آخر عهد ونجت وبداية محمد الأمين فرحات وحينها كان جزلوت ممثلا مع ود تور الجر لعهد ليس بقصير وحقيقة أمين يصغرنى بمرحله فعندما كنت بالعالى كان بالعام ولكنك كنت على مشارف المعاش ومعك المامون فيا جزلوت بكرى يعرف عمرى الحقيقى وأسأل منو كوستاوى السينير بتاعى يا زول أنا يا دوب فتحت تقول دفعتك ولك التحايا يا حاج ولمحمد حسين وخريجيها وأساتذتها
منصور
| |
|
|
|
|
|
|
|
|
|
Re: التهنئه لأمين الرشيد نايل على فرحه بقاسم أمين............... (Re: Ali Mahgoub)
|
المنصور .. ما بتجيب إلا الخبر الزين
والله ألف ألف مبروك لأمين وزوجته
قاسم أمين
أهلا أهلا بالراي
شيخ الراي
اتفضل جاي
أعملك شاي
اللحظة معاك
بتساوي سنين
أديتني حماس
وحواس
ويقين
كلمت الناس
كم واحد قال
أديتو حماس وحواس ويقين
لأنك يابا نقابه
وغابه
وحس ربابه
وغنا أطفال
ودياليكتيك
تقرا كتاب الزمن الجايي
وتكشف سرا في الأعماق
تنحت تنحت في الآفاق
أنفاق أنفاق
تشوف المدن
اللسه مكانه تراب وخلا
تشوف أهلا
وهم لسه حنين
في عيون عشاق
الطبقة العاملة
رعيته جنين
هسع عملاق
درع الوطن
الواقي
وباقي
وحلم الناس
المغلوبين
أديني حماس وحواس
ويقين
ويبقى قاسم أمين ساطعاً
رغم الانكسارات التي اعترت
ضوء الالتزام بخنادق الناس
الغلابه
أنا عارف عبدالمنعم الجزولي
ما بخليك يامنصور بسكاتك عن
القراية مع أمين .. لكين أنا
ما بنضم
| |
|
|
|
|
|
|
|
|
|
Re: التهنئه لأمين الرشيد نايل على فرحه بقاسم أمين............... (Re: munswor almophtah)
|
تهنئة عميقه للاخ امين الرشيد نايل بمولوده الجديد ولاسرته ولكل الاهل بالسروراب واسلانج
| Quote: ياخ قول يا لطيف دفعتك وين يا راجل |
يامفتاح الباقيين ديل انا ماعارفهم لاكن"شفتا لكن كيف هنا" انا والاخ امين كنا نتشارك درج واحد فى ابوسعد المتوسطة ولا زلت ازكر ترتيب الجلوس نحن الاربعة على ثلاثة كنبات عبدالله طه /امين/ انا/ والمشاغب عبدون... ياااااه سنوات وزكريات واعوام طويله لم التقى امين فقد اتجه شرقا واتجهت غربا خلال المرحلة الجامعية وازكر اننى التقيته عقب عودته من روسيا بداية التسعينات .... ارجو شاكرا توصيل تحياتى وتقديرى له ولاسرته الصغيرة والكبيرة
| |
|
|
|
|
|
|
|
|
|
Re: التهنئه لأمين الرشيد نايل على فرحه بقاسم أمين............... (Re: Saifeldin Gibreel)
|
| Quote: ياخ قول يا لطيف دفعتك وين يا راجل أنا لمن مامون كان يحكى عنك وكانه يحكى الفريد ورجال الشمال كان يحكى عن تاريخ موغل فى القدم أنت ومحمد نجيب محمد على وإبن عمر محمد أحمد شكانيب ذلك الزمان وعندما أتينا لمحمد حسين كنا فى آخر عهد ونجت وبداية محمد الأمين فرحات وحينها كان جزلوت ممثلا مع ود تور الجر لعهد ليس بقصير وحقيقة أمين يصغرنى بمرحله فعندما كنت بالعالى كان بالعام ولكنك كنت على مشارف المعاش ومعك المامون فيا جزلوت بكرى يعرف عمرى الحقيقى وأسأل منو كوستاوى السينير بتاعى يا زول أنا يا دوب فتحت تقول دفعتك ولك التحايا يا حاج ولمحمد حسين وخريجيها وأساتذتها |
إنتو خايفين من الكبر ليه، كلكم أكبر مني
بس أنا اشتغلت بدري عشان حظي في الصراع
الطبقي طلعني من المدرسة. والشغل بدري بكبر
الزول سريع، لكين أنتو (منصور وعبدالمنعم
من يومكن شفتكن في حالتكن ده ومامون برضو)
ودايرة تبقاعليكم حكاية الولد الـ رسل لأبوه
حبوب (تصغير) تخلي الزول يبدو صغيرا فغضبت
والدته غضبا شديداوعند رجوع ولدها كانت تحمل
أخوها الصغير في صفحتها فسألها ولدها الذي
كان المتلهف لرؤيه أبوه بعد الحبوب البتصغر
الزول، وسأل أمه الغاضبة عليه:
أبوي وين؟
الأم: يا هو الشايلاهو في صفحتي ده .. حبوبك
صغرنو!!!
| |
|
|
|
|
|
|
| |
munswor almophtah
بكرى ابوبكر
mahdy alamin
Gazaloat
عصام علي أحمد
خالد حاكم
بله محمد الفاضل
حواء سليمان ابراهيم
خالد العبيد
Mohamed Abdelgaleel
Saifeldin Gibreel
الجيلى أحمد
فيس بوك
تويتر
انستقرام
يوتيوب
بنتيريست