|
دعواتكم لزميلنا المفكر د.الباقر العفيف بالشفاء العاجل
|
|
 Re: مسادير يا أهل المسادير//(3).................. (Re: أمير فتحي)
|
البلد الزهت رغم البكيدو وخانو
فارسها الصنيديد كالجبل في بكانو
سامها رويحتو شان صون الوطن وأركانو
ثابت ترسو تب راكز مع أخوانو
راكوبة الخريف الفيها داك عارفنو
والأسد العجوز من القرود داسنو
البلد إنقسم شفناهو ناس شايلنو
زى مولود جديد من أمو ديك حاجرنو
منصور
| |
 
|
|
|
|
|
|
|
|
Re: مسادير يا أهل المسادير//(3).................. (Re: سلمى الشيخ سلامة)
|
راجين الكريم يفش غبينتنا
من ناسا مكجنا لرفاهتنا
باكر تنصلح احوالا امتنا
ونرفع للامل ان عشنا هامتنا
المفتاح ازيك ومال عدوك مقاطعنا
مشتاقين كتير لكلامك الزين يعلمنا
معنى الوطن والحال الكم مؤلمنا
ونسلم عليك وعلى وليداتنا
المن الكريم يا سلمى ما بناباهو
لكين الوجع من الفقدنا نباهو
القمرى كان غناى سمعنا نباحو
حتى النوم كمل والناس تكوسو يحاحو
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: سلمى الشيخ سلامة)
|
مرحب بيك أخى منصور ولاشك أنك من رواد المسادير وإن إفتقدناك (فى منتدى السروراب فى تانى تحية ) فلا بأس أن نتواصل معك هنا :
حال البلد ما بتوصف بى كتابه
وما كانت موفقة الدخله بالدبابه
عرابه الترابى أصبح يكويس لى بابه
مره فى السجن وكتحولو خشمو خشمو ترابه
أولادو الزمان تلاميذو الصغار والدنيا جد غلابة
******************************************
عجييب أمر السياسه يحكمناحزباً واحد
وليه ما يدو فرصه يحكمنا عبدالواحد
شاحد المولى الكريم والغيرو تب ما شاحد
كل ظالم بلادو وكل غاش لى عبادو يشهد عليهو الشاهد
ويحكنا الامين يحكمنا القوى والعدل العدل أقوى الساعد
| |
|
|
|
|
|
|
|
|
|
Re: مسادير يا أهل المسادير//(3).................. (Re: awad okasha)
|
الحال العلينا يعلمبو رب الكون ..
الوطن انقسم وفقدنا اولاد جون ..
القرش إنمحق وما مكفيه المليون ..
وحكومة السجم قاطعاها يد العون ..
********************
بُكره الحال بغيرو شعبنا المغبون ..
شعباً ثورتو موضوعا تب مضمون ..
تزغرد امُهاتنا ويفرحو الجنّون ..
وينال عقابو كُل من عمل فرعون ..
يا زول البلد ورثوها زى إرما
ورثو مصواراتا ورثوهو داك هرما
شبعان كان جرادا ومتلو كان بهما
وكان خريمها وافر والعجب برما
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
ماني شغيل بيوت بعقب بحل الصره
وما بتبن الجاره واخون الحره
بازل مالي للازمني واقف بره
وسايم روحي لليوم البقولو مشره
(ده شغل ناس البطانه)
ودشوراني المرغومابي قال :
يا ياقوتة الحضري الحضارمي زبونك
عازة وغالية طلعن في التريا تمونك
يا تمرة كريمة القاد سبيط عرجونك
إنكال بالجمال لامن دفق ماعونك
====
المنصور ، الشكيه لي أب إيدن قويه ، تاني داير تخلينا نتمولص ونركز للبطان
| |
|
|
|
|
|
|
|
|
|
Re: مسادير يا أهل المسادير//(3).................. (Re: أحمد الشايقي)
|
Quote: راكوبة الخريف في الطرفة مي مشكورة
عافتنا البنادر والدروب محجـورة
أطـراف البلاد منقوصـة جات محدورة
أمريكان هناك لعبوهـا لعبـة كورة
أحمد الشايقي |
راكوبة السياسة، في الفتنة مي مستورة
اتبهدلت البلد، وأضحت دروب مهجـورة
أطـراف البلاد الفايرة ديك الفورة
حاملين السلاح، ضربوها في صنقورا
،،،، عماد
| |
|
|
|
|
|
|
|
|
|
Re: مسادير يا أهل المسادير//(3).................. (Re: أمير فتحي)
|
Quote: الخملة وتبيع كل البشر كجنو
خوان الأمانة أخير شرودو وجنو
مابخاف الملامة لو العوين هرجنو
كيفن قدموهو وعلو رنو وشنو ؟ |
أخوي الأمير، الخملة مو وحيدن فردي
ديل خمخام "القطيع" الفي "الشمال" متردي
لو ما خوفي القصيد، يمرق يجاوز حدي
كنت بزيد وصف، ما يغباهو حتى الهندي
| |
|
|
|
|
|
|
|
|
 Re: مسادير يا أهل المسادير//(3).................. (Re: عماد حسين)
|
دايرين المعايير تختى كومي وكومك
تقطع للوطن من جنبتك وجضومك
التاريخ صعب وكتين جناكا يلومك
زينوها السير في البادية أو خرتومك
من نومك تقوم تلقاهو وافر كومك
وتلقى المارسيدس من بره جابو هدومك
لا بتعرف جياد لا الكورى جاك من يومك
وساكن فى الرياض دايما بسف حلقومك
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
Quote:
راكوبة السياسة، في الفتنة مي مستورة
اتبهدلت البلد، وأضحت دروب مهجـورة
أطـراف البلاد الفايرة ديك الفورة
حاملين السلاح، ضربوها في صنقورا
|
حسـرة وحدتـا الـ بالتلت مشطورة
حسرة عـزتا...المضروبة (يوت) في القورة
حسـرة شونتـا المنهوبة... تعلا قصـورا
محزون فاشـرا ولي كرمكا وكركـورا
أحمد الشايقي
| |
|
|
|
|
|
|
|
|
|
Re: مسادير يا أهل المسادير//(3).................. (Re: وضاحة)
|
Quote: مرقت من مراحها أتشالبنها كلاب
وزى سهما مرق من قوسو دزو وغاب
قناص المعيز قجالها شافها رهاب
وجاهو عجاجها يلوى يقولو أمرك خاب
منصور |
من جوة المراح جروها من عرقوبا
ومن ضجة نبيحم، جعلوها قلبت هوبا
حاملين السلاح، القايدين فهوم مقلوبة
كم آذانا "القطيع"، وخلى الأمور معطوبة
،،،،،،،، عماد
| |
|
|
|
|
|
|
|
|
|
Re: مسادير يا أهل المسادير//(3).................. (Re: nazar hussien)
|
Quote:
الحنتوت يبس والناس تبل في هدوما
كان تلفي الدغش كوس الرزق مهجومة
ما فضلت نفوس كان طيبة كان مظلومة
وبهمك امو لي الجزار بقت مسيومة
|
قلَبْ النمَّة غَنَّايَنْ أبوهو حسين
متشائم خلاس والختوة زي الطين
إن راحت سماحة ناسنا شن حارسين
بلا عطف الكريم سيد السما وياسين
جاتك..
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
ناس تأكل (الكـــرتة) وناس تأكل شية بي ليمون
وناس لايكة الصبـــر قرضة عاضــة عليها سنون
السبب الخـلا الزول إتكلـــــم براهو زي مجنون
ناس كانت فقيرة بنت سابع دور وباقي الشعب مغبون
الكرته!وين؟ داك زمن المسور والقش
انقلبت كوش وبرميل قمامة.... وطش
القرض البلوكو الناس صبر ما طش
ونحن صبرنامن العصرة كرمش وكش
| |
|
|
|
|
|
|
|
|
|
Re: مسادير يا أهل المسادير//(3).................. (Re: nazar hussien)
|
Quote:
إن طال الزمن لا بد تدور الدوره
ومافيش خير بدوم معروفه فى المعموره
إن قلت المناصير ب الظلم مخبوره
ربك عندو سر فسراع بقلب الصوره
|
تحزن للجهال الماها لاقية سـرورا
تحزن للتلاميذ ماها لاقية فطـورا
تحزن للمشاريع الـ خرب بابــورا
تحزن لي عجـف شـاتا وخلا المطمورة
أحمد الشايقي
| |
|
|
|
|
|
|
|
|
|
Re: مسادير يا أهل المسادير//(3).................. (Re: أحمد الشايقي)
|
لازم نطرد الغول الفي اركان بلادي اتربع
عشان نرجع نتحكر فى الواطه ونتربع
نـحسب الفات من الايام نعد اصبع فوق اصبع
نخت العشره جمب العشرة نعد نجمع
الخوف يوم نقوم نلقاهو هادن وطبع
ونلقى النيل حسى وترسوهو من المنبع
يا بت الرجال شوفى الزمان كيف بدع
وشتت ناسنا صر زى الدلاقين جدع
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
صبيبا من عصير بيهو الودين سالو
ظبي الريم سفر رويان قدل في تلالو
مضني الريد معني الريل قلب أحوالو
شوفن لو منام بالحيل بريح بالو.
عذرا علي التأخير.
فيصل المفتاح
بهم الصيد قدل كبس الطلح حتالو
ما سولو كر ما درعو فيهو خلالو
عشاق الأرايل داك شقلبنلو خيالو
من ضهر التويس زى الحدى خوالو
يا زول نفسى قام
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
لي جلا ما بتقول دايما تكون الفايز
خصمك ما انستر إحساسو دائما بايظ
ورقك تامي يوت يا الي التقيلات رايز
قفلة نص كسبت وقال كفاي ما عايز
يمين أحمد ود أحمد ما يلحقك.
فيصل المفتاح
جلا شن تسو والشيش كبير فى السايز
ويك بيش آند جهار ما ظنى بيهن فايز
الشوله أم زغت قلبت نهارن قايظ
وبى الورق المعاى ما ظنى ببقى الحايز
الله يرحمهم لكن دى صعبه على أبو أمونه
| |
|
|
|
|
|
|
|
|
|
Re: مسادير يا أهل المسادير//(3).................. (Re: أمير فتحي)
|
الوطن البكوس ولداً يبرد بطنو
مابهم العرق مابهم فصاحتو ورطنو
كيف يمرق كنوزو يجيب معادنو وقطنو
الخيرات تعم دارنا وهدومو تعطنو
جبار الكسور ما بدور ظلم لى وطنو
ما بدور اللعب داير رفاقة فطنو
داير المنو فاتو وفيهو ديك تب قطنو
يجمعم الهدف إن نطقو كيف أو رطنو
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
ود حسن الامين كمل فهم رفقاتو
و باروهو التلوب ما نظمو زي أبياتو
كان قرا للكتب في الجامعة قبل مماتو
كان خرب البلد حتي الفرزدق فاتو
و الله يا منصور ربك من حكمو الناس ديك ما قرو يعني القالت أبوها متيلو الامام علي و قالت انو مستحق ذو الفقار و الميمون كان قرت كان التاريخ ياهو التاريخ؟
فيصل المفتاح
خليهو الأمين عاين عمر وأفعالو
شوف خرز الكلام مطمورو فومو كالو
مهرة ود كلس من آخرو أس فكالو
جلدو الفوقو داك سلبوهو ناسا جالو
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
القول في البحقو القول بجيك متداعي
و الحاق الشكر بخطب مديحو يراعي
يا خوي طول عمر ما اظن بحصلو ساعي
فوق درب الامين ما بمشي زولا واعي
و لك الود خالصا و التحية من عموم الأهل
فيصل المفتاح
تمساح الكلام الشبروهو سباعى
ومن شيمة حسن لاواها جانا الواعى
نفاق الكتيره القومو مرقو دواعى
وفوق درب اللمين باريهو ساكت يراعى
يا خوى ناس الأمين ديل قروا فى الأردن
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
مجادعات بينى وبين إبن عمى فيصل المفتاح دارت بموقع السروراب
مليونين سلام والعيد بركتو تجيكم
يا أولاد الكرام ما بقمح الراجيكم
قبال الإمام نازعنى شوقا أجيكم
ويا ناس كمال أرجونى داج جاييكم
منصور
يا منصور اخوي مرحب حباب ابياتك
و العيد الكبير في كندا فرحتو جاتك
شاحد الله الكريم بالفرحة يملا حياتك
و في مني كل عام في العيد تأدي صلاتك
ود المفتاح
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
من سحر الكلام صافي الرحيق القالو
شيطان الشعر اعياهو حين بارالو
رقيق دل الحسان البكفي منو مطالو
تخطب ود مقالو وترجي بدر هلالو
شلال الدميرة القيف طواهو و شالو
بي موجو الهدر خرب البلد بي حالو
شبال الدهب منو الجدايل سالو
لفحو وقام سدر صافي الرحيق اسقالو
فيصل المفتاح
التربال كم عزق سعدو ومفرهد نالو
وكم مرتق جوانب جدولو النزالو
نى قصب التقانت ريقنا كم جمالو
دا الشاطب عقولنا الجيد وقت تلالو
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
نفس القارح الكسْر قيود حجالو
ما قام من جكيكة الدوبو قايم قالو
صيد قيع الخلا الدوخ دوابي رجالو
تقيل عن شوفتو يا الراسي المقتطر شالو
أكسر يا ابن عمي.
فيصل المفتاح
سمحات فى الفدو سمح الحجل خلخالو
سمح الجيد مكمل والعيون كاحلالو
بريب التمام الديمه شايف حالو
ما بنصاد عدل كضب البقول حلالو
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
وهذا اخى منصور ما دار بينى وبين شيطان الشعر ( القرين) الذى آثر النوم لمدة طويله وحاولت إيقاظه بالقوة
الشاعر :
خبار لٌغَتكْ بِقَت متـبهدله ومُنحطه
؟يامالك زُمام حرفاً سواك ما أنخطا
نايم لَى بدرِّجْ فيك محطه محطه
ماك عارفنى كحّال للعيون بى الشطه
القرين :
خطوطى الحمرا حاسِب ْ ليها ما تتخطى
أنا ود كيفى سرجِك فوقى ما بـِنخطا
َشَرطى معاكِ لا تهددنى لا تششتطِّ
وحذاراك تانى فى ضيل النِمِر تتوطا
الشاع :
بَحَرَك موجو أصبَح ما بِـِعِوِّم ْ بطَّه
َّوفى الباقيلى جمّام الينابيع قط
راجع ْ الخلفى مالَكْ والسنين منشطّه
لامِن ليكا أقزام الشِـعر تتخطى؟
القرين :
جيبْ إيدكْ رِهان يا زول نسيبةْ النطّا
سّهم فى شارد النــم لا عِلا ولا وطّا
وَكِتْ ما أشــِدُّ ووتـــر القوس معاى يــتمطى
جهِّــزْ لـَىْ دفاترك وقول سطُرْ ما أنفطا
حنفى
دا ما بأهلنا للدخول فى سودانيز اون لاين يازول
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
الأخ حنفى ذلك يؤهلك للسربون وهارفاد وأكسفورد ويمنحك رخصة الكتابه فى أى
مكان ترغب وأنت بأحق من كثر بالكتابه بسودانيز أونلاين فأكتب طلب مباشر لبكرى وسوف نزكيك
القرين
واقف ديدبان كاشف ذكاك ما أتغتا
وزى ورق الجواكر وين نقول تتختا
شفتك يوم تقوم ملك الكواسر نطا
وحرفك نار مولع كيف تقول لى شطه
الشاعر
خطوطك كان جهنم يا قرين تتفطا
وسرجى بختو فوقك وديمه تبقى ف ورطه
مانى ورل صنق تمساح بحر ما قطا
ويا العامل صقر يا دوب مقامك بطه
القرين
دايس للزرار فو زى حدى فوق طرتا
وكضب القال حداك يا الفى العلالى مطرتا
بحرك لى غريق أنا فى الضحل كم عطتا
ونبعك لى محيط أنا فيهو متل القطه
الشاعر
إيدك لمها وخلينى كانت فرطه
وداير أكون براى مليت عطية القرطه
منك ما بدور لا نقطه لا خت شرطه
لا داير حرف لا زول مدور عرطه
منصور
| |
|
|
|
|
|
|
| |
munswor almophtah
awad okasha
سلمى الشيخ سلامة
أمير فتحي
nazar hussien
بشرى مبارك ود السقاى
almulaomar
عمر صديق
عماد حسين
امينة عيسى
وضاحة
سامي عطا المنان
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست