|
|
|
 Re: مسادير يا أهل المسادير إلى ما شاء الله........ (Re: Eng. Mohammed al sayed)
|
دلقـان نمي .. صـريتو جبتو معـاية
وظني الاكيـــــد الليلة تمو منايه
بلقاك في البلد اللغريــــب عطاية
عشمي اللجوء..شـان بكري من حلفاية
* * *
................................
محمد السيد
جيب اللوح معاك جيب العمار دوايه
سيب أنسى اللجؤ هاك دى البلوم قوقايه
خلى كلام حزن أنسى التنوح رارايه
بلدك فى الخريف نقدا دفقلو شرايه
منصور
| |
 
|
|
|
|
|
|
|
|
Re: مسادير يا أهل المسادير إلى ما شاء الله........ (Re: أحمد الشايقي)
|
الخبـر البجي السـودان ملامحـه عـبوســة
مـن كتلـة وليـداتـو البقـت مـرخـوســة
من بجـنة عـصـي الحلـوب عـيال الخـوسـة
يرجـع لك ألـم والدنيـا راجعـة تروســا
ود الشايقي
إتفق التعيس والخائبه دى المتعوسه
حتوا الناس حتيت زى الفراش مبثوثه
أحقاد القلوب جوا القلوب مدسوسه
أصحاب اللجوء بتروس جيوش مهروسه
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
يا منصور اخوي في حنك اتربينا
الجود و الكرم و الله كان ماضينا
اتغربنا قلنا الغربة كان تغنينا
لكن و الله العظيم قلعت طواقينا
من حنك رضعنا ومن جروفا ربينا
من بحر الفضايل ضمه مره روينا
الزمن إنقلب درب الغروب دجينا
والعقب إن خرف بنجيهوا والله يجينا
منصور
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: Eng. Mohammed al sayed)
|
Quote: حقيقة وظاهرة شهدت بيها كل النــــــــــــــاس
قلم صادق وكلمة تسو سوات الفــــــــــــــــاس
سطع للكون وضوح رايا بقالك اســـــــــــــــاس
وبعدو نعد شجاعة وهمة رافعة الـــــــــــــراس |
ساعية ورا الخطر دون ماتدق اجراس
لاهثة وراالحقيقة القاطعة للأنفاس
تحريف الكلام ماليهو عندى أساس
وعارفة مجالى جد يااخويا كيف حساس !!
تسلم على الكلام الطيب ودى شهادة اعتز بيها جدا والله
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: نادية عثمان)
|
عملونى العميلة الخاينة بت فرعون
قالوا انحزت للجلاد حفيد شيطون
مانى محايدة قالوا وقلمى جد ملعون
سامحهم الاله وشان وطنى كلو يهون !!!
وعجبى من هنا للسنة الجاية !!!!
الفيل فى الوسط والضل دوام مطعون
والمتلك دوام متل الجدى المعيون
قلمك كان رطن رقص القبر مدفون
ويا جبل العشق قلبك وطن مضمون
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
منصــور,
Quote: ود الشايقي
إتفق التعيس والخائبه دى المتعوسه
حتوا الناس حتيت زى الفراش مبثوثه
أحقاد القلوب جوا القلوب مدسوسه
أصحاب اللجوء بتروس جيوش مهروسه
|
مشنى الغشغشـة الشفناها لـكــنـا بـروسـا
مشـنى الحقـرة في جنياتنا قاسيـة ضروسـا
مشـنى القايـدة أبّايـة الحـرد والـدوسـة
مشـنى الجبهـة تخـرت من رقابنا فــلوسـا
ود الشايقي
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
مشنى الغشغشـة الشفناها لـكــنـا بـروسـا
مشـنى الحقـرة في جنياتنا قاسيـة ضروسـا
مشـنى القايـدة أبّايـة الحـرد والـدوسـة
مشـنى الجبهـة تخـرت من رقابنا فــلوسـا
ود الشايقي
لوكة الكينيا والحنضل فهمنا دروسه
عضم الإنتظار صفاحتو ماكله السوسه
حلم الصغار دايما بكون بسبوسه
دايما فى العدم غايصه الظروف منحوسه
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: أحمد الشايقي)
|
كانت زهـرة الدنيـا وشـعاع فانوسـا
كانـت تتكي تكرم من مراحـا وعـوسـا
هاشـت وقادت (اللاءات) وسـاس يسوسـا
وفي باندونق تضـوّي رئيسـة مي مرؤوسـة
من الريقه مرضت وصابتا اليابوسه
حقها فى الورث فى جيوب بعض مكنوسه
لمن ساست اللآت زمان محروسه
هسع فى الطريق متل المره الملحوسه
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: mohammed elsaim)
|
فيكي الساقية روّايـة ودفـق قادوسـا
فيكي جروفنـا ندّايـة ودشـر فقوسـا
فيكي الوعـرة نتّـر, من عصـير, جاموسا
مـو كتّـال ولادك, مجـرمـا وجاسـوسـا.
ود الشايقي
بى رب البرعى يالشايقى البلد محروسه
دايما فوق لقا وعوامه قادله عروسه
قرام الفجل ضرات كتل ناس دوسه
إن فتح الكتاب بلقى الأسود ممغوسه
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote:
بى رب البرعى يالشايقى البلد محروسه
دايما فوق لقا وعوامه قادله عروسه
قرام الفجل ضرات كتل ناس دوسه
إن فتح الكتاب بلقى الأسود ممغوسه
|
منصــور,
فيكم نخـوة البلـد الكبس كابوسـا
وفيكـم عـز أصيـل ومكارمـن موروسـا
فيكـم فـزعـة يوم (دايان) لبستـو لبوسـا
لا جامعـة عـرب, لا حـس (عـميـر ود مـوسـى)؟
ود الشايقي
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: mohammed elsaim)
|
عزيزي منصور
و كل ناس المسادير هنا و هناك في السافل و الصعيد .. شرق و غرب
و ( خسوساً ) أهلنا في أب دليق و دار البطاحين ..
سلام كبير ..
عجبني البوست طب.
قلت أديكم مسادير قريتا ..
***
ملفحه يا بلد بالحر يلاوى النسمة
مطبول اللسان مفتاحو ضُلْ الرسمه
ضَرْبْ المستحيل كَتَّف رموش النجمة
إنْ صَحَّ الكلام فى عينو تصحى الكجمة
يايوم من حلم زيد فينا طول الهجمة
يابلد اندفر فى رحلتو المنقسمة
ما تورْ إنْ وقع ..... يكتر بياض البسمة
من طابور مدوِّرْ فى المسا المبهول
تالِِتنا النحاس خامس شموس الحول
واحد من بلد قصّرْ غناها الطول
والشِدرْ الكُبار صمّغ سقوف القول
يتساوى المطر ، والخندق المبلول
والليل والنهار ، والكاتِلْ المكتولْ
معبى عيونك ، الشوق والخريف داجين
حلمت الوادى ماسك صرخة ،
بى غادى المدن تضحك
جدادة الوادى طارده اللمحة
من أُفُقْ العناق والعين
مكتف يا جبل واقف
وتشرب دمعةْ القاعدين
وما بين الجبل والوادى
أطفال يشبهو الجايين
قدمنا السبِتْ فى خوفنا
صِبْحَتْ ليلة ْ الإتنين
معلقكْ الشقا العرقان مديد فى الضو
تواريخك حِيَلْ ملفوفة فى طول العِمَمْ
والمشية والرجعه وزمنا الراح
لوت بطن المطار واطيها
يوم الوَعْدْ دردق روح جليدو وساحْ
أياديك فى الوداع طالتْ
أصابعَكْ طايره ليل فى الجو
لا بتشبه وداع ولِقا
ولا شُباكْ تضارى رياح
قسمت المدن ميراثا للسهران
إن بات والمخده اتْجّلَدَتْ بالنار
إن مسك العصايه وسنَّّدْ الأحلام
إن عرك الزمان واتباهى بالفكره
يابرق المسافات ولع الأسرار
من جَمُرْ انخمد ..جُر النَفَسْ ذكرى
وادِعنا وأَمِشْ فى دربك المعووج
رجّعنا وتعال تمْسِكْ عقاب الدار
يا بَكْرةْ أَمِسْ ما أجملك بُكره
مفلوت من بعيد أقربْ لكْ التاريخ
درباً وصّلكْ ما رجعك فى ليل
وقلباً من غُنا نبضو ارتوت أركان
صَفَقْ شِدرْ الشموس الخانقة ضُلْ عينيك
دَفَقْ مويةْ البحور الصابه فى السهله
لوكانت خطاكْ الخابه فى المهله
تبرا إبَرْ ضياع فى شوكةْ الهجرة
ترجانا ونجيكْ الكلمة عامود نور
الليل قصرك طالت مدن انسان
أطفى الرؤيا دقت ساعةْ العصفور
توبك ما اترتق لسه النهار عريان
المنسج كِبِرْ سنوات على المنديل
والنورج حرَنْ فوق قمحةْ الإمكان
والمشو فى الشفق حيمغربوك تانى
يابلد اشتهيك والعبرة خانقانى
أصرخ وارتجيك الصرخة كاتمانى
أحلم وابتديك الأول التانى
منقول ( منتدى ود مدني ) المك نمر
****
انصارك كتار تأمين عبر الكيل
زي بت الريا وكتين قدوم السيل
كان موجور زمان ناسا فهمها قليل
شرك أم قيردون كيفن يقبض الفيل
شاعر أنصاري
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
يا اهل المسدار بقول عيد سعيد و عمر مديد
بس العيد مع اهلنا شكلو و طـعم فريــد
و لمت ناس و حكاوي انت بيها سعـيد
و صوت خرفان تبعبع جاي من بلد بعيد
تجيك الشيى من صاج وتلهلب بوخا يزيد
و الشربوت شدوه بى بلحاً انتاجو جديـد
و البقنية موجود في جردل طعمها شديد
الناس فرحانه و مهيصي و معيدة انت بعيد
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
سلام يا منصور
وين يا زول كيف الحال و كل سنة و انت و ألأسرة بى خير و عيد سعيد
و ان شاء الله ما تكون مشيت لى صاحبنا خالد - كان فى اِشاعة كدة انك
ماشى بى هناك - الزول زاتو قالوا متجرس بى غادى و لقى القصة
صعبة شديد
بس حبينا نسلم و ننقل تحيات اِمام و جمال الجعلى (المحسى دى كانت زمان
عملنا ليهو غسيل مخ الأيام الفاتت انا اِتعلمت الرطانة و هو نساها)
و لى قدام
و شكرا
| |
|
|
|
|
|
|
| |
munswor almophtah
عبد الله عقيد
HOPEFUL
Yahia Abd El Kareem
nashaat elemam
عبدالماجد موسى
أحمد الشايقي
مجدى محمد مصطفى
ابو جهينة
فيس بوك
تويتر
انستقرام
يوتيوب
بنتيريست