|
دعواتكم لزميلنا المفكر د.الباقر العفيف بالشفاء العاجل
|
|
 Re: سجاجه شايلك للصلاه............................... (Re: إبراهيم عبد العزيز عثمان)
|
Quote: هبش رحل كل الجمال
حرجل متمسح وجردقه
وعطرون حجر
شميتو زين
وندهت وين السمحه وين
صنقع نظرت على السماء
وناديت نجومو نجم نجم
حتى القمر
خاسست بى نفس السؤال
القمره وين القمره وين
القمره وين
|
شكرا المفتاح علي جلابة ابوي ود النمير
التوبو توب حرير وسوطو جرجير.........!
بي هبشك دي رَحَل الجمال وحرجلك وعطرونك.............!
ديل هبشت معاهن قلوبنا نامن شاشينا للسفر وهوادج أمَّات نفل
وصنقعنا علي السماء نبحث عن نجيمة الضيف وعن زهراء "السايقة الأوكات.......
أم عيونَن في النجوم بينات..................! وبت أعمها القمراء وين .....القمراء وين ....القمرا وين............
اعجبني انك قلت " صنقع نظرت علي السماء
ولم تقل صنقعت نظرت إلي السماء صنقع علي
محبتي ودمت سمحا
| |
 
|
|
|
|
|
|
|
 Re: سجاجه شايلك للصلاه............................... (Re: ملهم كردفان)
|
Quote:
سجاجه شايلك للصلاه
وسبحة وِرِد ماسكك عدد
لابسك تميمه على الضراع
سكين ومنقاش ريد يينزع
للمحبه من القلب
زى السريحه من الكراع!!
شايلك مقاديف طوف
بيمخر فى الدميره بلا شراع
شايلك عيون فى الضلمه
تتفتق شموس وتضوع شعاع
حاضنك رضيع
صاريك تميمه من العيون
لابسك حجاب
شايلك نديهه على الضريح
عشمان بفتش لى جواب
ولهان مقريف أهاتى بيك
لا بِكرِى دقتو ولا تِنى
ولا حتْ كرفتَ
رِويحة البن والقرنفل
وكُستَ ليك
بى ساق شليل
لا عارفو راح
أو بلعو ليل ؟؟؟
وقفّتَ جلابة الـطريق
هيمان أشابى
كما الغريق
هبش رحل كل الجُمال
حرجل متمسح وجردقه
وعطرون حجر
شميتو زين
وندهت وين السمحه وين ؟؟؟
صنقع نظرت على السماء
وناديت نجومو نجم نجم
حتى القمر
خاسست بى نفس السؤال
القمره وين القمره وين
القمره وين
منصور |
تتبارك يا المنصور يا بركة مِن جعل محمد نبي...
| |
|
|
|
|
|
|
|
|
 Re: سجاجه شايلك للصلاه............................... (Re: munswor almophtah)
|
العزيز ود المقدم ما أجمل الليل عندما تكون قبة السماء صافيه وما أجمل
نجومه والقمر وما أجمل وأروع الأنس فيه واللعب البرئ فيا عزيزى دوما
نصنقع لذاك السماء بحثا عن كل مفقود ونسأل القمر بأن يقلب سناسنه
ويرسل سناه ليجهر شغف العيون ياخ الجلابه وما يحملون من متاع
السنين وجربانهم تضيق من التمر بأنواعه والسمن البلدى الزاكى
ياخ يا روعة بلادى وبلادك وبلاد الأجداد والمجد التليد - ألف شكرى
وتقديرى يا عبيد وألف الأمانى لك بكل جميل ورائع
| |
|
|
|
|
|
|
| |
munswor almophtah
معاوية المدير
إبراهيم عبد العزيز عثمان
عبيد الطيب
بله محمد الفاضل
ملهم كردفان
عزالدين عباس الفحل
فيس بوك
تويتر
انستقرام
يوتيوب
بنتيريست