موظفي سفارة جمهورية السودان بالرياض .. أجدع ناس ..
.. ..
عبارة تخيلت انها ستكتب في يوم من الايام علي ( تي شيرتات ) وتوزع علي اطفال الرياض من ابناء الجالية .. عشان يلبسوها في اطار ( الحملة القومية للنفاق الاجتماعي ) ..
.. ..
رغم ( جعجعة ) اخوانا ( المناضلين ) .. يحتل موظفي السفارة المقاعد الاولى في اي احتفال رسمي او شعبي او طهور ولا سماية ولا بيت بكا .. تنحني ( الجباه الشم ) عند دخول اي موظف من السفارة .. وتخرص جميع الإلسنة ( الجعجاعة ) .. وهاك يا ( ابتسامات ) مخلوطة مع شوية ( كبكبة ) لزوم اضافة بعض مظاهر ( الخنوع ) ..
.. ..
في حملة ( النفاق الاجتماعي ) تتبارى الآن كل ( كيانات الرياض ) لتكريم موظفي السفارة .. وليه ما جيتونا نحن .. وليه مشيتو ناس ( علوية ) بالاول .. وسجمنا ( السرة ) دي ليه ما باكيتوها في ود عمتها ..
.. ..
في آخر احتفال لـ( الرابطة الصالحية ) .. وقف الاستاذ ( عبد المنعم عبد العال حميده ) .. وشكر السفارة .. قلنا ما مشكلة ( حق الضيف ) .. واضاف ( والحديث مسجل ) .. السـفارة تدعمنا ماديا ومعنويا وتشارك في جميع انشطتنا .. وللعلم ان ( الرابطة الصالحية ) تضم أكبر عدد من ( الجعجاعين ) العاملين فيها ( طارشين ) السفارة عديل ..
.. ..
تسعين في المية من ( جعجاعي الرياض ) يقيمون بصورة دائمة في مباني السفارة ..
.. ..
في تلاتة شهور الاخيرة وحسب ما تسعفني ذاكرتي .. حضرت تكريم لـ( موظفي السفارة ) .. في اكثر من 17 كيان في الرياض .. ونظرا لهذه الحسبة السريعة .. يبقى ( ناس السفارة أجدع ناس ) ..!!
05-05-2008, 07:24 AM
humida humida
تاريخ التسجيل: 11-06-2003
مجموع المشاركات: 9806
والمحيرني اكتــر في القصة دي: واحد يكون قاعد ليك في سقط لقط .. يعجبو الفلم .. يقوم يجيب ليهو خروف .. وعلبتين صلصة ويجي يقول ليك: والله دا الشيرنق بتاعي .. وعايز كمان يعمل فيها مفتي .. والله يا حميده انا امس الليل كلووو بضحك .. ومعاي واحد صاحبي .. الليلة جيت الصباح داخل المكتب حسع دي من قبيل قاعد ابكي .. متذكر الحركة بتاعت الزولة بتاعت الودع ديك .. مش قالت ليهم غايتو في (واحد) بنقز جمب (السته) .. اهــا الستة ذاته حسع بقت تنقز مع الواحد .. (وستة في واحد بي ستة والكوم بي قرش والدقه بلاش )
05-05-2008, 07:39 AM
tmbis tmbis
تاريخ التسجيل: 10-19-2002
مجموع المشاركات: 24862
والمحيرني اكتر من حيرتي الفوق دي .. عبارات الثناء والشكر والحمد والصحك لي آخـر ضرس مع ناس السفارة .. ويجو هنا دا يربطو ليهم وش كرتون بي فهم مناضلين .. طيب ياخ من باب اولى .. اربط وشك دا في كل الاتجاهات .. هنا وهناك مش في حديث بتاع ذو الوجهين ... بيناقش الحتة دي ..؟ الزول البخاف من وشو دا مفترض .. يغسلو كل يوم خمسة مرات بي ليفة سلك .. عشان يقدر يقابل بيهو الناس ديل كويس .. ولما يجي يربط ليهم الوش التاني يكون ضامن انو (وشو) (الريزلوشن) بتاعو عالي .. ما يتاثر بي الغبار والاتربة العالقة .. من ناحية أخرى .. احتمال تجيب مطـــر.
05-05-2008, 09:54 AM
humida humida
تاريخ التسجيل: 11-06-2003
مجموع المشاركات: 9806
ما هم كمان يا ابو محمد .. زايدين موية ( البلاعة ) .. كل يوم نقول ليهم ما تغرفوا لينا موية ( البلاعة ) دي قدام باب البيت .. شالوا ( البلاعة ) كلها وعملوها في الشارع ..!!
05-05-2008, 07:39 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: عبارات الثناء والشكر والحمد والصحك لي آخـر ضرس مع ناس السفارة
في الاحتفال بتاع ( تكريم مصطفي سند ) .. كنا نجلس الريس ابو جهينة وانا واسماعيل وراق ومعتصم ومحمد الحسن .. في الصف الثاني خلف اعضاء السفارة .. وبما انه الشباب انخرطوا في نقاش سياسي وفتحوا ليهم بوست ( علي اوراق الدعاية المنتشرة في الطرابيز ) .. قبلت علي طاقم السفارة .. وبقيت احصى ليك عدد الناس الجايين يسلموا عليهم .. المحتفى بيه بخارجوه بسرعة .. وبعده السفير بخشوا فيهو بالحضن .. وكم ضحكة مع عمار نائب القنصل .. وابتسامات مع البقية .. قدام اعضاء السفارة في ذي تلتين ( قارورة موية ) .. وبلح وحلاوة وشاي .. بالنسبة للضيوف ( الما سفارة ) العايز موية .. يمشي يشتري من بره .. كلمات الحفل كانت كلها بنفس النسق .. نحي الاستاذ مصطفي سند .. والسيد السفير ود البلد الما قصر معانا وجانا هو والله كان مشغول بس قال ألا يجينا ونثمن له وقفته الشجاعة ( وهشتكنا وبشتكنا يا ريس انت سفير والنعمة كويس ) ..
Quote: في تلاتة شهور الاخيرة وحسب ما تسعفني ذاكرتي .. حضرت تكريم لـ( موظفي السفارة ) .. في اكثر من 17 كيان في الرياض .. ونظرا لهذه الحسبة السريعة .. يبقى ( ناس السفارة أجدع ناس ) ..!!
شكلكـ بتحبهم شديد..
إنت مغترب حفلات ولا شنو..؟
05-05-2008, 08:24 AM
humida humida
تاريخ التسجيل: 11-06-2003
مجموع المشاركات: 9806
انا كنت عيان اليوم داك .. بس كلموني باليوم دا .. وقلت ليهم حقو تعيدوهو لي بالبطي .. في الفليم بتاع انطونيو فانديراس مع سلمى حايك.. بتاع الجيتار داك .. عجبتن حركة كدا لذيذة .. وكانت عبارة عن حنك منو .. قام مشى الكنيسة ودخل راسو بي (شبيبيك) صغير كدا دا ... وقعد يتكلم مع القسيس بي جوه .. وقال ليهو: أن عايز اعترف عن اخطاء ارتكبتها .. عجبتني الفكـرة شديد .. مش احتمال الناس الكانو بيسلموا بالاحضان .. وجابو البلح والتمر والذرة الشامية والحنطة الاستوائية .. وشرش الزلوع والزعتر البري ديل.. مش احتمال يكون عاملين ليهم شباك صغير هنا دا في البورد دا بي كود URL مخفي .. بيمشو يعترفو فيهو بي خطاياهم ..؟ يعترفو بالشباك ويجوك داخلين بالبـاب .. انا مفكر جادي جدا اشتري لي (بزة) عسكرية من شارع الوزير على شرط تكون لبسة صاقعة .. انا بعتقد اني برضو بستاهل السلام العظيم ونشيد العلم.. مش في حي السفارات برضو ..؟
05-05-2008, 08:31 AM
humida humida
تاريخ التسجيل: 11-06-2003
مجموع المشاركات: 9806
والله انا من زمان داير اسألك اقول ليك ليه انت ما رابط ( مكنة سفير ) .. هسع عليك الله ما تمشي تسردب لينا جنب السفارة .. لمدة ساعة وتحصى لينا عدد ( المناضلين ) الجايين يحلوا ليهم مشاكلهم .. انا منتظر السيد ( احمد يوسف ) لمن يطلع علي المعاش .. نمشي نعمل ليهو كتاب نسميهو ( فت لينا ناس الرياض ) .. الزول دا بالتحديد فاقس ليك البشر دي كلها .. عشان كدا بتلقاهو ( مبتسم ) اربعة وعشرين ساعة .. ومعجب جدا بفقرة ( القرد ) البعملوها الجماعة ديل ..!!
.. ..
اظرف مكنة من اخونا ( صديق الموج ) .. بيقول ليك ( والله أحمد يوسف دا جبهجي .. بس ود بلد اصيل ) ..!! ياخي ما ترسي ليك علي بر يا عمك .. كويس ولا ما كويس .. لمن نمشي ليهو نحن يكون ( جبهجي ) .. ولمن يمشي ليهو هو يكون ( ود بلد اصيل ) ..
.. ..
05-05-2008, 08:38 AM
humida humida
تاريخ التسجيل: 11-06-2003
مجموع المشاركات: 9806
هسع يعني الناس تجي تقول لي كلامك دا ( رجما بالغيب ) .. نديكم مثال .. موظفين السفارة .. التابعين لحكومة الجبهة ( الطارشينها دي ) .. ماشين السودان نهائي .. اتنين من كيانات الرياض ( متشاكلين ) فيهم .. وبلوموا في بعض .. وحاصل انشقاق قومي اسلامي جهوي عنصري ..
اب رزقة .. والله انا كان ضمنت ما يحصل ليك ( جذب سماوي ) في نص البوست دا .. وتقعد ( تهطرق ) لينا .. كان قلنا ليك حبابك ألف .. بس عارفك .. ما بتخيب ظني فيك ..
.. ..
بالمناسبة شايفك فاضي الايام دي .. سلاطين باشا ( طهروه ) ولا شنو ..!!
05-05-2008, 08:47 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22761
Quote: عبارة تخيلت انها ستكتب في يوم من الايام علي ( تي شيرتات ) وتوزع علي اطفال الرياض من ابناء الجالية .. عشان يلبسوها في اطار ( الحملة القومية للنفاق الاجتماعي ) ..
.. ..
فكرة .. بكرة حتلقاها إنتشرتْ و ما حتلقى حقوق الملكية الفردية بتاعتك ..
Quote: رغم ( جعجعة ) اخوانا ( المناضلين ) .. يحتل موظفي السفارة المقاعد الاولى في اي احتفال رسمي او شعبي او طهور ولا سماية ولا بيت بكا .. تنحني ( الجباه الشم ) عند دخول اي موظف من السفارة .. وتخرص جميع الإلسنة ( الجعجاعة ) .. وهاك يا ( ابتسامات ) مخلوطة مع شوية ( كبكبة ) لزوم اضافة بعض مظاهر ( الخنوع ) ..
.. ..
تمام التمام
Quote: في آخر احتفال لـ( الرابطة الصالحية ) .. وقف الاستاذ ( عبد المنعم عبد العال حميده ) .. وشكر السفارة .. قلنا ما مشكلة ( حق الضيف ) .. واضاف ( والحديث مسجل ) .. السـفارة تدعمنا ماديا ومعنويا وتشارك في جميع انشطتنا .. وللعلم ان ( الرابطة الصالحية ) تضم أكبر عدد من ( الجعجاعين ) العاملين فيها ( طارشين ) السفارة عديل ..
.. ..
سامع يا يوسف السماني ؟
Quote: تسعين في المية من ( جعجاعي الرياض ) يقيمون بصورة دائمة في مباني السفارة ..
Quote: في تلاتة شهور الاخيرة وحسب ما تسعفني ذاكرتي .. حضرت تكريم لـ( موظفي السفارة ) .. في اكثر من 17 كيان في الرياض .. ونظرا لهذه الحسبة السريعة .. يبقى ( ناس السفارة أجدع ناس ) ..!!
هناك إنفصام يا صديقي
فوق لهذا البوست
نمبس
قلت لي شباك الإعتراف في الكنيسة ؟
05-05-2008, 09:15 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
ما عندكـ خبر.. ما حفلة ضريرتو فاتتكـ من زماآآآآن في أم درمان.. كان يا حميدا قطع ناشف وبدون بنج ودبلوماسية:
السبب لأنو كضاب جنس كضبكـ الهنا ده وقال أسلم.. وبعد ما رجع زعلان كمفتش عام للسودان حرق الطهار بالنار صنع سياسة لا زال أثرها قائم لليوم اسمها سياسة المناطق المقفولة.. وطلع كتاب اسمو السيف والنار داقيهو اسفين في مجتمعنا..
ما تخاف من القصص المرعبة دي عشان ما يحصل ليكـ شوكـ؛ ونقوم نحكي من أول وجديد قصص الإنقطاع التاريخي دي [من باب الذكرى]..
إسترسل في كضبكـ اللذيذ.. ولكن تأكد أن للقراء عقول تميز الطيب من الغثاء..
وذاكرة لا تهادن..
ياخي إنت زول كارثة..
05-05-2008, 09:08 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: هسع عليك الله ما تمشي تسردب لينا جنب السفارة .. لمدة ساعة وتحصى لينا عدد ( المناضلين ) الجايين يحلوا ليهم مشاكلهم ..
اسردب ليك شنـو يازول ..؟ انا لما ما اجيب معاي ساندوتشات من البيت بمشي بضرب ليك فول ناس خالد .. مبالغة طبعا .. اصلو (الكودو) حرق لينا دمنـا.. والله بضرب ليك الفول دا بي قلبا قوي بشكل .. ما كمان بي حقي .. ودي سفارة بلدي وعلمه بنطط فوق يعني امشي افطر في السفارة الهندية بي (بروتا.. وجبادي.. ومتون فراي )؟؟ بلاي زمـان لما تمشي تدفع الضرايب من دم قلبك .. تدفعه وتطلع من جـوه .. راسك دايش .. يكون فقدت ليك قزازتين دم .. تجي ترطب بي كباية كركدي .. تبرد بيها جوفك وترفع بيها ضغطك دا .. يقوم الجماعة يصوروك ويجيبوك في جريدة الدار تاني يوم .. ويقولو ليك والله العصفورة قالت صاحبنا الكوز ضرب الكركدي حق السفارة الما بخاف الله ولا بيختشي .. ويجو المناضلين بتاعين الخروف وعلبتين الصلصة الفوق ديلاك .. يقولو لي ناس الدار .. اعملو لينا فحص دم عاجل للزول دا .. وصورة اشعة مش احتمال يكون كوز مزروع لينا هنا دا في المنبر..؟ مع مرور الأيام .. فقد الكركدي حتى نكهته .. بي صورة أوضح: بقو يعملوهو بي روح موز .. يعني كركدي بي روح موز عديل كدا..
05-05-2008, 09:24 AM
humida humida
تاريخ التسجيل: 11-06-2003
مجموع المشاركات: 9806
هسع يجيك صاحبك علامة الاستفهام .. يقول ليك ( الموز ) دا كان زارعه جدي .. قلعوه منه ناس ( الجبهة ) .. ويجوا يعملوا بيه ( كركدي ) عشان يشربوا ( الكوز تمبس ) .. وبعدها يدبج ليك كم عبارة كدا من صنف ( يا أيها الاوغاد .. ليكم يوم .. ايهااليا ويقطع بعدها ويدردق في الارض ) ..
.. ..
لقد قتلوا ( الموز ) يا رجل .. من أجل ( الكركدي ) ..!!
05-05-2008, 10:33 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: المحتفى بيه بخارجوه بسرعة .. وبعده السفير بخشوا فيهو بالحضن .. وكم ضحكة مع عمار نائب القنصل .. وابتسامات مع البقية .. قدام اعضاء السفارة في ذي تلتين ( قارورة موية ) .. وبلح وحلاوة وشاي .. بالنسبة للضيوف ( الما سفارة ) العايز موية .. يمشي يشتري من بره ..
تعرف علشان كدا الواحد لما يمشي مكانات زي دي بيكون رابط (القربة) بتاعتو في ضهرو .. يشرب وما يروى .. بما اني محضر ارواح .. ومتخصص اكاديميا وعمليا في (عروق المحبة) .. (وسجام نجام) (وضامن مية) و ( اركبي).. أنا بعتقد إنو ناس السفارة ديل (محجبين).. ودا برجعني تاني لي العلاقة بين الواحد والستة البينقزو جمب بعض اعـلاه .. بي فهم تاني: ناس السفارة ديل بيجو لي ناس الصالحية .. ولي ناس عزة السودان . ولي ناس الهبرو ملوو .. إلخ .. وبقعدو مع الناس في افراحم وفي اتراحم .. ياكلو معاهم في صحن واحد ويغسلو لي بعض بالابريق ..وبعداك يودعوهم بالزهور والورد الشتلوها جوه قلبي .. تعرف : مرة في سماية واحد من اصحبانا كنا قاعدين مجموعة كان بيناتنا كم بوردابي والقنصل العام محمد يوسف .. بعدما اتعشينا والله كان في واحد مبسوط بسطة من القنصل .. والله لو شوية كدا كان قعد يبكي عديل كدا .. المهم .. الناس ديل الظاهر لي بيجو لي الناس زي ما قلت ليك محجبين .. يا كمان شاربنو من السودان .. بلاي تشوف الجماعة يضحكوا ويقولوا ليك والله ديل اولاد بلد بالصح .. ضكرانين .. عافيين منهم تب .. ويكرمو فيهم في اليوم تلاتة مرات وتجي تفتح البورد هنا دا .. تضحك لمان تتشنقل من الكرسي ... تعرف انا مفكر اعمل لي (حجـاب) لي البورد دا .. انا غايتو بعرف لي ناس من مايرنو قاليك الموية زاته بقلبوها ليك روووب اديك النجيضة..؟ لو عايز جيب البيــاض حقك
05-05-2008, 12:08 PM
humida humida
تاريخ التسجيل: 11-06-2003
مجموع المشاركات: 9806
Quote: والله كان في واحد مبسوط بسطة من القنصل .. والله لو شوية كدا كان قعد يبكي عديل كدا
والله لو عملت استفتاء لشخصية العام في الرياض .. القنصل احمد يوسف بطلع ( البطل ) .. بس علي شرط الاستفتاء دا يتعمل والناس كلها مقفولة في حوش واحد .. عشان ما يطلع زول ببره ويفلق بـ( الحجارة ) ..
.. ..
السفارة .. بيت السودانيين .. سفارة الجبهة .. ناس المؤتمر الوطني .. الناس العواليق .. كلها تسميات بطلقا ( نفس الشخص ) .. علي حسب موضع ( الكرسى ) بتاعه .. قريب من الصف الامامي .. ولا قاعد ورا .. !!
05-05-2008, 10:54 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
يا ( حنين ) .. اذا اعتبرنا ( القروش ) دي وسخ دنيا .. الناس دي ليه بتكورك اليوم كله ( الحكومة سرقت قروشنا ) .. ما أهو الفاضل ليكم من القروش دي بتصرفوه لتكريم ( سفارة الجبهة ) علي حد زعمكم .. ولا زعطكم ما عارف ..
.. ..
بنظرة محايدة .. ( هلال مريخ ) يعني .. عندنا الناس هنا في الرياض منقسمين علي حدهم زعمهم لفريقين .. الحزب الحاكم ( يضم الطواقم الحكومية البتمثل الدولة .. واعضاء الحزب الحاكم ) .. وحزب المعارضة ( بضم كل زول قال ما داير الحكومة دي ) .. الحزب الاول من منطلق مسئوليته علي حسب المنصب .. مفروض يقضي حوائج الناس عامة ( حكومة ومعارضة ) .. الطرف التاني .. مفروض ينتقد اوجه القصور في أداء الحزب الحاكم وكل ما يدخل تحت مسئولياته .. دا فهمنا للفريقين .. الزول دا اذا انت بتعارضه .. بتعمل ليهو تكريم لشنو .. التكريم دا بجي لانه قدم خدمة لبلده .. ( بدون الدخول في المنفعة الشخصية ) .. طيب اذا الناس ديل بستحقوا التكريم .. المعارضة فوق شنو .. ولا يعني قلتوا نبقى نحن احسن منهم .. ما يعملوا وبرضو بنكرمهم ..!! ( وش بتاع زول لابس الجزمة في دماغو ) ..!!
05-05-2008, 12:27 PM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
يا صديقي حميدة : طبعاً ألذ حاجة وأمنقة شي لمن تقعد مع الجعجاعين على جمب كدهوفي الإحتفال ..يقوم يقول ليك والله السفير ده زول كويس خلاص ما بيشبه الكيزان ديل في اي حاجة وزول مواصل وود بلد بالجد ..اما القنصل فوالله متواضع خلاص وما بيلخبط الكيمان ونحن عشان كده برة بنتعامل معاه على اساس مختلف عن الفي السفارة ..أما الملحق الثقافي فبالجد مثقف خالص خالص وتحلف تقول الزول ده شيوعي ما كوز عشان كده دعيناهو .. اما مشيتنا للسفارة فوالله عشااااااااان سندويتش الفول والكركدي السمح داك .. بركة السفارة البقوا ما بيبيعوا فيها طلح وشاف يا زول قلناها زمااااااااااااااااااااان ناس السفارة ديل رجال عدييييل كده وانا والله بحبهم زييييي حبي لي عمر البشير أما بخصوص الراعي الرسمي للدوري الممتاز وحملة إنقاذ أبناء أم بررو وسماية علوية بت التاية وتكريم شداد ودعم السدود و وليد دارفور ووليد المبارك وغيرها من الرواعية الشركة الراعية التيلي موني فالناطق الرسمي بإسمعا عبد المنعم عبد العال بصراحة يحيرني ويجهجه بنات أفكاري (ياخ ماك مع بنات افكاري دي ياخ)...سمعته ذات مرة من المرات في تجمع لأناء سودانيز أون لاين أيام طيب الذكر ود قاسم (عساه بخير) ويومها كانت سودانيز ساوند(عفواً أون لاين) لابسين ليهم توب بتاع معارضة كده ووهمة بتاعت المنقذين من الإنقاذيين ووووو ..إستلم المايك وخطب في الناس ويا أيها الناس ولا نامت أعين الجبناء ونحن والجبهة والكيزان وسوف لن وتلك ولعل ذلك والشرفاء وانا اعييييييييييط ..والصالحية وسوف تقوم والجالية وغيرنا وما ادراك ما خان شليلة وانا اعيييييييييط والإنقاذيين وحرمونا من حقنا والضرائب والزكاة والجبايات في السفارة وسوف لن ندعهم وانا أعيييييييط.. يا عمك يوم الجمعة الما بتغباني في برنامج عالم الرياضة في التلفزيون يجيبو ليك عبد المنعم عبد العال الماااااااااا بيغباني في التلفزيون قلت بس خلااااااااااص الزول حا ينجّض الجماعة ويدرشهم درش سنينك والله يا حميدة وما طالبني حليفة (مصدّق مش؟ ) قال في جماعتنا ما لم يقله مالك في الخمر ياخ أظن لو جابو الترابي زاااتو ما أظن كان قال في الجماعة ديل كده ... هييييييييييييييييييييييييييييييييع ما قلت ليك الجماعة ديل بيتحبو ؟ أسة يا حبيب ده كلو كوم وحفلات الوداع الفاتتني دي كوم تاني !!! ياخ انا من زماااان بحب حفلات الوداع دي عشان عندي فرمالات بحب أغنيها : تسافر كيييييييف تخلينا لي شوقنا وذكرى ماضينا وكيف بعد يكون الحااااااااااال وكيف تصبح ليالينا ... اها مع ليالييييييييينا دي أديها ليك جرّة كده والأورغن مع الساكس والبنقز يشتغلوا..
بعد داك نختم بي : اودعكم ..أفارقكم ..لالالالالالالا ما بقدر.. ولكن أه ..لكن أه أاااااااااااااااه ..أه اه بتزود الألام ... ويجو الناس من سفارة ومعارضة على خشبة المسرح يسكسكو ويبشروا لي أخوك ويحضن المعارض الكوز ويبشر ابناء الجالية لأبناء السفارة ويقالد الهلالابي المريخابي .. ده كلللللللللللللو وتمبس شايل الكاميرا ومع كل كلمة : أودعكم لأ ..ينقل الكاميرا زي وهمات ناس الأعراس ديك ... مااااالك ياخ مع الإخراج ..
05-05-2008, 02:33 PM
humida humida
تاريخ التسجيل: 11-06-2003
مجموع المشاركات: 9806
Quote: تسافر كيييييييف تخلينا لي شوقنا وذكرى ماضينا
بس لكن لازم تبدا الحفلة بالفرمالة الجديد بتاعت ( نزار المهندس ) .. ناس السفارة بتحبو يخشوا للزول في قلبو .. وتجدع ليهم في النص .. أبقي لي طيارة وأبقي ليك برج التجارة .. بعدها تدخل في ( الحزين ) ..
.. ..
Quote: الراعي الرسمي للدوري الممتاز
بمناسبة الكورة دي .. انت مش قالوا يوم القيامة الحاجات كلها حتتكلم .. اها يقوموا يوم القيامة يجيبوا ( الساوند سستم ) بتاع الصالحية .. يقولوا ليهو ( انطق ) يقول ليهم ( ابييييييت ) .. يدوهو ( ســوط ) .. انطق .. ( قلت ليكم ما بنطق ) .. يدوهو ( شلوت ) .. انطق .. يقوم يقول ( الكارب ) ..!! انطق .. ( احمد يوسف ) .. انطق .. ( المصباح ) .. انطق .. ( الله أكبر ) .. ويسقط بعدها من ( الاعياء ) ..
05-05-2008, 10:02 PM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
الاخ/ يوسف السماني رئيس جمعية أسر عزة السودان (جناح السماني) القنصل الاخ/ أحمد يوســــف في احتفال عزة السودان الاخير وبوادر تطبيع مع السفارة أوهــــذا ما أتمنـــاه 0
05-05-2008, 10:13 PM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
الدكتور مجاك رئيس مكتب الحركة الشعبية بالخليج العقيد الرشيد /الزين موسي مدير الجوازات بالسفارة السودانية أدام الله البهجـــة بين أبناء الوطـــن الواحد 0
05-06-2008, 07:12 AM
humida humida
تاريخ التسجيل: 11-06-2003
مجموع المشاركات: 9806
Quote: الاخ/ يوسف السماني رئيس جمعية أسر عزة السودان (جناح السماني) القنصل الاخ/ أحمد يوســــف في احتفال عزة السودان الاخير وبوادر تطبيع مع السفارة
والله يا محمد الحسن .. اخونا ( السماني ) من أكتر الناس معارضة .. لكن لشنو ما عارفين .. فرغم اسطوانة ( الحكومة عملت لينا والحكومة سوت لينا ) .. يسعي ( السماني ) بشتى الطرق لضم ( جمعيته المنشقة عن الجمعية الام ) .. الي السفارة .. وزعلان شديد لانه ناس السفارة قال ليهو النظام ما بسمح بتسجيل جمعيتين بنفس الاسم .. طبعا في إشكالية كبيرة في الوضع بتاع ( جمعية اسر عزة السودان ) ومن هو أحق بالاسم ( الجمعية الأم ولا الجمعية المنشقة ) .. وما قادر يحددوا زاتو منو ( الجمعية الام ) ومنو ( الجمعية المنشقة ) .. ما يدهشني فقط .. سعي ( السماني ) لاستقطاب اعضاء السفارة بالدعوات .. ( وبعض الضحك والرقيص ) .. ومحاولاته تسجيل جمعيته تحت رعاية سفارة ( المؤتمر الوطني ) كما يسميها ..
دي الصورة العامة ..
.. ..
انا بعرف انه الزول يا يكون معاك يا ضدك .. يا ابيض يا اسود .. اللون الرمادي دا انا ما بحبوش ..
05-06-2008, 07:24 AM
humida humida
تاريخ التسجيل: 11-06-2003
مجموع المشاركات: 9806
Quote: الدكتور مجاك رئيس مكتب الحركة الشعبية بالخليج العقيد الرشيد /الزين موسي مدير الجوازات بالسفارة السودانية
دي صورة ( واقعية ) .. بما انه الحركة ( شريك اصيل ) في الحكومة القائمة حاليا .. رغم انه اغلب ( المناضلين ) دايرين يثبتوا فهم غير الواقع ... وفعلا الصورة بتعبر عن ( الحكومة ) .. الدكتور مجاك وبحكم موقع حزبه ممكن يمثل ( السلطة التشريعية ) .. والعقيد الزين موسى يمثل ( السلطة التنفيذية ) .. وكلها ( حكومة واحدة ) ..
.. ..
اجتماعهم لا يمثل شئ خارج نطاق الواقع .. !!
05-06-2008, 07:40 AM
الصادق خليفة الصادق خليفة
تاريخ التسجيل: 12-13-2003
مجموع المشاركات: 2351
القرد زاتو محتار .. ( يمتاز القرد بأداء فقرات بهلوانية لكن كما يبدو لي ان وجد منافسة محمومة في مدينة الرياض ) ..
.. ..
اي جمعية في الرياض .. انقسمت لاتنين .. وذلك تعبيرا عن ( وحدة الصف السوداني ) كما يشاع .. والسبب انه ديل ( معارضة ) وديل ( جبهة ) .. الجمعيات المحسوبة علي ( تيار الكيزان ) تتجه صعودا نحو ( السفارة ) .. بحكم انتمائهم للـ( حزب الحاكم ) .. الجمعيات البتقول انها ( معارضة ) .. تتجه نزولا نحو ( السفارة ) .. بحكم انتمائهم الي ( الفراغ ) .. علي حد زعمي .. يعني الاولي لقينا ليها سبب .. التانيين ديل جاكين بأي مبدأ ..
.. ..
نرجع تاني لـ( هلال مريخ ) .. عندنا حاجة اسمها .. ( الملتقي الثقافي الاجتماعي الرياضي ) .. رئيسه البروف عزالدين عمر موسى ( رقم ثابت ) .. المقابل بتاعه .. حاجة اسمها ( ملتقى الكيانات ) .. رئيسه الدكتور كرار التهامي برضو ( رقم ثابت ) .. وعلي السودانيين في الرياض تحديد انتمائهم لأحد الكيانين .. كما لا يجوز الجمع بينهما ..
.. ..
وفي إطار التنافس المحموم بين الفريقين .. يعتبر ( ناس السفارة أجدع ناس ) .. هم السباق الذي يتبارى فيه الفريقين .. انتو ( السفير ) ما جاكم .. نحن ( القنصل ) كان معانا .. جانا ( نائب القنصل ) لانه ( السفير و القنصل ) مسافرين .. وكرمتو ( الملحق العسكري ) .. نحن حنكرم ( ضابط الجوازات ) .. وهكذا .. وناس السفارة يجوا يضحكوا .. ويضربوا ( البارد ) .. ويسمعوا ليهم كم ( اغنية ) كدا من نفس الفنان الكان عند الفريق الاول .. ونومأ هنيئا ..
.. ..
ما قلت ليكم ( أجدع ناس ) ..!!
05-06-2008, 09:32 AM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
عازف الفلوت والأورغ والساكس والكمنجة والدلوكة المخضرم خالد سعيد
ياخ والله مشتاقين ..
Quote: أوردت مجلة المجلة في عددها السابق هذا التعليق لأحد الدبلوماسيين الغربيين : [ أكثر مايثير دهشتي في الرياض أن سائقي السيارات يسرعون في الطرقات ويلعنون بعضهم البعض وهم في عجلة من أمرهم .. وعندما إستفسرت لماذا؟ تبين لي أنهم يسرعون إلى القهاوي لإضاعات الوقت في لعب الورق ..
يعني خلاااااااااااااااااااااااااااااس الود مثقف ؟ وفي رواية ( مفقث) يا خالد ياخ انت اخر حاجة بتكون قريتا تمرين 7 في كتاب المثلثات سنة طفشطاشر ..
Quote: بما إني أصنف نفسي من شفوت الرياض :
والله لحمتك اللي جبتها لينا زماااان ديك بالجد لحمة شفوووت .. ياخ عايز لي 3 كيلو ..وعِكوّ ..
Quote: [ أكثر مايدهشني في الرياض أن الجماعة يسرعون في طريق السفارة ويسبون بعضهم البعض وهم في عجلة من أمرهم .. لماذا ؟ ليصلوا إلى السفارة ويضيعون الساعات الطوال في التودد لهم ..
تعرف يا حبيب ناسنا ديل مساكين خلاص ..الواحد منهم بيتخيل إنو الكفيل قرب يعمل ليهو خروج نهائي فطوالي بيبدا يتخيل ليك إنو عايز يدخل العربية السودان ومفروض يشيل ليهو غرفتين نوم و7 تلاجات و70 مكييف فياخ دي فرصة كويسة الواحد يصاحب ناس السفارة عشان أمورو تسلك .. ياخ والله انا مرة مشيت السفارة عشان أشوف جمارك العربية بتكون بي كم لو الواحد عايز يجمركا ياخ بكل بساطة الزول المسئول زااااتو قال لي عليك الله لو لقيت ليك زول دخل لي عربيتك دي وريني ليهو عشان عندي عربية عايز ادخلا ياخ انا من اليوم داك مسحت رقم محمد الحسن وقلت الناس ديل ما منهم أي نكهة ناس السفارة ديل ناس عادييين زينا والله يمشون في الاسواق بيجوعو وبيعطشو بيفلسو وبيدّينو قروش من الناس وممكمن عادي تلقى الواحد منهم شرابو مقدود والله عااااادي فما تضغطوا على الناس ديل ياخ ..
Quote: تنبيه للسائقين : الطريق إلى المناصب عبر بورداب الرياض مغلق .. الرجاء سلك الطريق الجانبي
يا زول ما خاب من سلك طريق الريس ابو جهينة .. الريس ده تباريهو ما بعيد يودوك أمير في حائل
05-06-2008, 10:10 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: هسع يجيك صاحبك علامة الاستفهام .. يقول ليك ( الموز ) دا كان زارعه جدي .. قلعوه منه ناس ( الجبهة ) .. ويجوا يعملوا بيه ( كركدي ) عشان يشربوا ( الكوز تمبس ) .. وبعدها يدبج ليك كم عبارة كدا من صنف ( يا أيها الاوغاد .. ليكم يوم .. ايهااليا ويقطع بعدها ويدردق في الارض ) ..
.. ..
لقد قتلوا ( الموز ) يا رجل .. من أجل ( الكركدي ) ..!!
كتلتنا بالضحك ياخي...
يا حميدة ما تفكر تألف مسرحيات و تديها ناس الأصدقاء
بدل ما يستوردوا من ناس الماغوط ... زي فرمالتهم المدورة 10 سنة دي
05-06-2008, 10:05 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
حميدة يا اخوي والله الشغلانة ما مفهومة وما عارفنها ماشة وين ؟؟ الناس ديل ما عارفنهم معارضة مع منو وضد منو والسبب شنو . معظم الاحزاب غرقانة مع الحكومة حتى ( قادوسا) وجماعتوهم بي جاي ينططــوا زي العبلاجات .. ياربي يكون مافي تنسيق بيناتهم ولا شتارة منهم ضد السفارة .. يااخي مفروض مواقفهـــم تكون واضحة يا ابيض يا اسود ( خاتف لونين ) دا ما بينفع وبيندرج تحت طائلة قانون النفاق ودا شيء ممقوت ويقلل من قيمة فاعله مهما كان .. المهم ماعلينا ما علينا . كل شاة معلقة من ( عرقوبا ) لكن اظننا في حاجة لاستيراد ( عراقيب ) 8 بستم للمرحلة القادمة توزع بمعدل عرقوب ونص لكل مناضل ...
ود الباوقة
05-07-2008, 06:06 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: حميده شايفكم عاملين دويتواليومين ديل انت وتمبس في كل البوستات
.. يا حميدة .. عليك الله في امكانية ترجع لي (الكدوس) الشلتو مني قبل يومين .. انا اقلعت عن التدخين لكن شكلي ح ادخـن تاني بلاي جيب لي معاك قامشة .. من جورج مشرقي بي طلطاشر جنيه .. اقمش بي يدك براك بلاي من الجردل من القامشة التحتانية لانو بتكون ( نبيلة) جدا، قلبه كويس بلاي ما يغشوك.. وإنت مارق اقفل معاك البـاب
معاك ساعـة..؟؟
05-07-2008, 06:12 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: فصل دراسي آخر.. لنفس الحكاية.. وإنتاج الأزمات المحبوكة بشراهة..
بشراهـة..؟ والله بشراهة شديدة .. والشراهة راحة.. حقو نجي نعمل تكريم لي عبد الرازق .. نعمل ليهو مهرجان رياضي وتكريم .. وبالليل نعمل ليهو مرطبات .. وتقوم تنقز البطحا المغربية كدا تشتري ليك رادي أبو اربعة حجار داك وإنت داخل على سوق الكيرلا الجمب مركز جمال داك اخد يمينك .. أول لفه تاني يمينك .. بتلقى ليك دكان جمبو موية مدفقه .. الدكان بتاع حلاوة باكستانية ادخل ليك في كيلو بتاع كنافة .. أو ممكن ما تدخل فيها المسالة عادية .. الدكان البعديهو بتاع اشرطة .. جيب معاك شريط بتاع (قرباني) قول ليهو اديني بتاع الفين وتسعة .. امشي شارع الغرابي اشتري معاك ورق تظليل يكون برقش على شرط .. خليهو يضفرو ليك ويقصقصو بالجمبات علشان عايزين نعمل منو ( كسكته) للمحتفى به كان لقيت ريش نعام جيب معاك واحده تكون من الجناح الشمال .. كان ما لقيت بتاعت الجناح الشمال جيب معاك بتاعت سيرباك .. اقول ليك حاجة ..؟ كان ما لقيت ورق التظليل دا جيب بدلو لصقة جونصون. المهم في الموضوع .. عايزين نعمل (بارطي) للزول دا ـ بالجد محتاج لي (بارطي) .. (بارطي) بي ريش نعام ورادي ناشونال.
معاًمن أجل تكريم عبد الرازق الطالب
05-07-2008, 07:16 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: ياخ يا تمبس بالجد طلعت ساكن الموردة وكل اليوم المسا يا قاعة الصداقة جاك زول!!!! شكلك كنت بتزوغ من تمارين السويدي الكنا بنعملا جكة من الموردة للكبري ..
.. والله يا عمر كرهتي في الدنيا الحاجة الاسمها (القشيري) دي .. (مورقـن) لما كنا في قلب الأسد يقول لينا اعملو (تلاتات) .. والكلام دا الساعة (تلاتة ونص) والشمش في (نص) راسك .. وطبعا لما مورقن يقول ليك اعمل تلاتات معناته الفورة الف .. الزول دا كان ماسك سلاح الطيران مدرب لياقة يعني في تلاتاتو دي لما يسخن ممكن (يطير) عديل كدا اهـا في تلاتاتو دي اول رفعه لي راسك ممكن عادي جدا من ميدان قلب الاسد في خور ابوعنجة تلقى نفسك جمب مصنع شعيرية ابو الهول في الصناعات بحري .. عادي جدا لما نقشت ليك النومه كنت اقرب لفه بتخارج ليك بيها واركب لي في اي حديدة ترجعني قبال ما ادخل الكبري من (عشرين) في قصر الشباب بخارج نفسي.. بقت مكنتي واضحة جدا .. يقول ليك اعمل تلاتات .. بقول ليهو انا (قـوون) القون بحتاج لي تمارين (بطـن) يقول لي خلاص اعمل خمسة لفات بي بره الميدان علشان تسخن وبعداك اعمل تمارين بطن ياخ انا لو بسخن بي خمسة لفات بره الميدان .. حسع كان بلعب في حي العرب سوكورتا.. والله يا عمر برنامج القاعة دا دسم جدا .. طبعا الفترة الصباحية بتاعت الطلبة وبعد الضهر بتاعت الطبقة العاملة الثورية .. وبالليل بتاعت الرومانسيين .. كان في دور المغربية كدا دا بتاع الحالمين .. كنت بنتظر ليك دور الحالمين دا بي فارغ الصبر .. ممكن ادفع دم قلبي عديل كدا وارصد المشاهد دي .. الجماعة يكون في فلم هندي جديد .. يجوك كمية من البشر الصف بتاع التذاكر يكون واصل القصر الجمهوري .. كل واحد بيجي بي الحنان بتاعو .. بلاي تلقاهم متماسكين مع بعض زي التقول ديل مصيفين في الاسكندرية مرة لقيت ليك اتنين ما متماسكين .. قلت ليهو امسك الزولة دي ما شايف الجماعة ديل كله متماسكين .. والله كنكش ليك فيها بشكل لمن قعدته اصفق ليهو وخليت الفلم ورجعته البيت طوالي .. بعد نهاية الفلم المسافة بيناتهم بتكون خمسة امتار كل واحد بيحمر للتاني (ويبصق) والغريبة بكره يجو يدبلو ليك الفلم .. ويمرقو (يبصقو) لي بعض .. والله لحدي الآن ما عرفت الفهم شنو بالضبط ..؟
Quote: في (البارطي) انا بجيب ليكم الكراسي السيورا زرقا بي أبيض وتربيزتين وجك و سبعة كبابي..
.. معليش يا عمر الكراسي دي اتبرع بيها المحتفى به بي نفسو .. جايب كراسيهو .. والزينة البتلمع البعلقوها فوق ديك .. إنت بنخلي ليك مسالة (الحمبوكات) .. تجيب الحنابيك .. والمختفى به ح ينفخه ليكم .. اففففففف غايتو الزول دا كان جاب معاهو (شمــع) يكون بالغ .. في شمع في مركز الكترون بي ريحــة .. (شمـــــع) مبالغه طبعا .. قلت لي قالت ليها إن شاء الله يجي يعمل ليكم عيد ميلاد ..؟؟
05-07-2008, 08:16 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: وللذين لا يعرفون ولا يتابعون ما يجري في هذا المنبر أن النظام جند مجموعة كبيرة مؤخرا من الصحفيين والاعلاميين والمغتربين، فقط أرجوكم تابعوا كل البوستات التي طرفها خالد ابواحمد ستجدوا هناك من يغير البوست تماماً لكنها واضحة لكل ذي بصيرة.. تمبس- حميدة- صلاح الفكي وغيرهم بحجج واهية. وقد فهمت من الاخ تمبس أنه يريد ان يستفذي لأخرج عن طوعي لكني لا افعل ولا أنجر لمثل هذه الافاعيل، ومن المفترض أن يستفيد من رقصة (.....) لكنني لا أفعلها.
قال شيوعي قال..
موضوعكم مستحمي شديد خلاص وراقص بريكـ كمان..
05-07-2008, 09:08 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
تقول لي الزول دا كان في الكشافة يا حميدة ..؟ ياخي الزول دا بيقول ليك (بريك) .. لحدي الان وهمة البريك دي معششة ليهو .. اها مش قلت ليكم مشروع (البارطي) دا بريحـو..؟ اها كترو ليهو من الحنابيك بعد كدا .. بيكون حسع بيعاين لي نفسو في المراية بتاعت الاصانصير ويتكشم . بيعمل في بروفات لي الضحكة المناسبة للمعازيم .. بس بعدين عليكم الله اثناء (البارطي) ما يقوم ينفعل ويقول عايز يرقص .. اوعكم تخلوهو يرقص ..
Quote: يعني: جليت مرزوق وفجات طالعني الخلا دي.. وقاعد تتسلبط بوالله أكلم ليكـم سيد اللبن البختو لينا طرف الحيطة.. ياخي إنت والله العظيم زول مسكين ساآآآي.. يعني هسعي نفسكـ القايم مقام ده لازمتو شنو..
وحيات الله وسيدنا النبي .. كلام الزول دا ما فهمت فيهو اي حاجة .. ودي واحده من محاسن تواجد اخونـا المحتفى به هنا دا .. ما كمان ما ممكن .. يكون عبد الرازق قاعد بره .. وزي الأفكار دي تكون حبيسة بالخارج ..
Quote: إن ما طلع كضب كده طالعوا هنا شهادة أبو أحمد:
هوووي ها .. ابو احمد الجابو هنا شنو حسع دي قاليك البوست دا حق ناس السفارة .. حق ناس السفارة اجدع ناس .. إنت جيت تحشش بي هنا .. وقلنا نكرمك .. مشروع اب احمد دا .. شعرا ما عندك ليهو رقبة .. خليك هنا نحتفل بيك .. اكتب لينا بالسريالي .. ونحن علينا التورتة ..
شفت كيف ..؟
05-07-2008, 10:33 AM
humida humida
تاريخ التسجيل: 11-06-2003
مجموع المشاركات: 9806
Quote: ردد فيها الصحفي الكبير/ صلاح الباشا نشيد أكتوبر المجيد ليرددها بعده الحضور مبشرين ببزوغ فجر جديد يؤكد الوحدة وعظمة الانتماء وأبدا يا سوداننا ما هنت يوما علينا .
كنا في حفلة ليلة..
05-07-2008, 11:11 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: في حاجة اسمها برفسور عزالدين عمر موسى قلت لي [يا السرة] عفواً حميدا..
تعرف يا ديجانقو .. حركاتك دي البتوديك الشارع .. وتقعد بعدين تتبكى للناس وتجيك نفسيات حسع بروف عزالدين دا علاقتو شنو بالحاصل دا ..؟ ركز معانا نحن الاتنين ديل .. لانو عايزين نصل معاك للنهاية .. كان علي انا الايامات دي كايس لي نوعيتك دي ولي نوعية محددة كدا .. قاعد في الصقيعة .. لانو طولت لسانك كتير ليك فترة وقلنا الزول دا مسكين انسوهو وكان فارق سودانيز دي ممكن نلقاهو معلق في نص الاوضة بي سلك كهربه طولو متر ولسانو طالع بره .. ابعد الناس التانية من النقاشات الجارية دي .. وارجل شوية .. آدم الهلباوي عمله قبل يومين لكن ما جاب ليهو صورة .. احترم الرجل دا وخليك راجل مالي هدومك .. بنشتغله معاك هنا دا لمن يشيلوك غمران ..
Quote: وأنت يا أخوي جااااي برااااك مالك ، ماكان على الأقل تجيب معاك الكورة !!!
يا عمده .. كورة وين يـاخ .. في هيلمانة زي ديك .. انا كنت بمتع نفسي .. وبمشي اركب معدية توتي وامشي اشتري لي (صارقيل) من المحطة وامشي تحت مسجد النيلين .. من ناحية أخرى الوكت داك زاتو كنت قاعد (اقرا) تقول لي كورة ..؟ تجيب ليك كورة معاك علشان تحمر ليك وتبزق ..؟ يازول القرايه دي احسن منها في ..؟
05-07-2008, 11:18 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: والله يا تمبس دايرين بوست كارب للموهوم ( اب رزقة )
يا حميدة إنت عايز تبقى لينا وهم واللا شنـو..؟ اقول ليك الزول دا عايزين نكرمو .. تقول لي نعمل ليهو بوست .. ياخي الزول دا اول حاجة خلينا نخلص حفلة التكريم دي وبعدين تعال اعمل البوست بتاعك دا اصلو ام ممكن يكونو حاجتين (بارطي) تكريم .. وبوست إنت عايز الزول دا بكره الصباح يجيبوهو منفوخ في جريدة الرياض واللا شنـو.؟ الزول دا يادوبك دخل الفورمة حارمو مالك ..؟ اديهو صنة اصلو المرة الجاية والله غلا حمار الخلاء يهنق ..
05-07-2008, 11:29 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
.. وين يــا دجانقو؟ خير وين ماشي ..؟ والله تتابعنا بيتك يتخرب .. يااترفدت يا فلسنا بيك امشي شوف برنامجك يا عبد الرازق الله يعدله عليك الشهر الما عندك فيهو نفقه ما تعد ايامو ..
الزول دا ادي الفاتحة يا حميدا ادي الفاتحة واكتب ليهو في ضهر التذكرة ..
خلي يستدرك المسالة دي
05-07-2008, 11:31 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22761
ياريس . معليش دقيقتين بس .. عبد الرازق دا كان فكوهو بيطول لسانو اكتر من كدا من زمان قلنا الزول دا مسكين .. ودرويش وزول الله ساكت .. لكن ما قاعد يقدر الحاجة دي .. قاعد يجدع ليهو في حاجات كدا .. عامله زي حاجات ادم الهلباوي الطلعه قبل كم يوم دي .. والاتنين ماشاء الله لو عرف السبب بطل العجــب .. عشان كدا خلينا نشوف نهايتو شنو .. وموضوع البوست ماشي طبعا .. لكن عايزين نعرف عايز يصل لي شنـو.. هو اصلو ما عندو حاجة يقوله .. لكن نشوف الهضربه دي حدها وين البوست الظاهر لي يا ريس وصل الفكرة بتاعتو .. علشان كدا عبد الرازق دا كان لابد من حضورو لكن اغرب حاجة انو الهلباوي ما ظاهر خير ..؟! عسى ما شــر ..؟
05-07-2008, 12:14 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
نفسي دا خليهو .. ما ليك بيهو اي صلاح يقوم يقعد يطير ما عندك بيهو شريعة .. لكن البوست دا فاتحو حميده والظاهر لي موضوعة واضح .. شنو الجاب عزي الدين عمر موسى هنا دا والروابط التانية دي وكمان عايز تعمل لينا فيها محاضر .. والود الرجل الخفي .. وشابكني قلة ادب وبتاع .. عشان هظرنا معاك عايز تعمل فيها فارس كمان ..؟ برنامجك شنو بالضبط ورينا علشان نكون واضحين..؟
05-07-2008, 11:55 AM
humida humida
تاريخ التسجيل: 11-06-2003
مجموع المشاركات: 9806
الريس ( ابو جهينة ) .. زمان مش قالوا ( السكران في زمة الواعي ) .. اخونا ( اب رزقة ) داخل ليهو في وهمة في شكل ( وردة ) .. كلام ( الطير في الباقير ) .. وفلسفة وقلة أدب ما ليها حد .. قلنا مليون مرة ما تدخلوا ( الخاص ) في ( العام ) .. لكن اخونا دا لازم تديهو الكلام بحقنة ( شرجية ) عشان يتفهم ليهو .. اصلو يا ريس في ناس فهمهم من تحت لفوق .. والغريب في الامر انه زول ( مكشوف حال ) يعني لو دايرين نقوم نعامله بالمثل اتخيل لي ( الشمات ) كمية .. بس مرة بنحاول ( نضحك ) ومرة ( بنمشي ) ومرة لازم تفكو تضرب بيهو ( الحيطة ) عشان يتفكا من رقبتك ..
.. ..
عبدالرازق الطالب .. روق يا حبة .. لسع في باقى احترام لحاجات كتيرة غايبة عنك .. ما في داعي نقوم نفتح ليك ( كتاب ) هنا انت ما قدرو ..
05-07-2008, 12:24 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: عبدالرازق الطالب .. روق يا حبة .. لسع في باقى احترام لحاجات كتيرة غايبة عنك .. ما في داعي نقوم نفتح ليك ( كتاب ) هنا انت ما قدرو ..
إحترامكـ يا حميدا للبرفسور بتطويل لسانكـ.. وبدون إعتبار لفارق العمر وبدون وجه حق.. بتعتبر في قاموسنا (بطولة مراحيض).. لا نستحمل عفن ما يخطه كي بورتيكـ هنا..
أرفع بصركـ وراجع كل مداخلتكـ وبدون إستهتار.. إذا لم يرتد إليك البصر خاسئ وهو حسير.. واصل مع المطبلاتية كعالمة في هز الوسط.. وفي الآخر بتلقى نفسكـ زي الشافع الشايل ليهو فحما وداخل بيها حمام مسجد.. وقاعد بيكتب أنا أكره فلان.. وأنا أحب فلان..
للضرورة إذا كان في داعي لمواصلة الحوار وبنفس المنهج الإستهبالي..
حنواصل رغم عيون الريس وآلاف من الكرام عندنا البنقدرهم..
إنتباه..
05-07-2008, 12:31 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: إحترامكـ يا حميدا للبرفسور بتطويل لسانكـ.. وبدون إعتبار لفارق العمر وبدون وجه حق..
والكلام دا حصل وين .. في رأسك ولا في كراسك .. راجع كلامي الفوق دا .. ولو في تقليل لإحترام زول كبير ولا صغير خليهو يدافع عن نفسه براهو .. وكلنا موجودين في الرياض .. وبطل ( شغل المشاطات ) دا انت برضو ( كبير ) وما حلوة في حقك .. مازلت اردد ليك يا ( وهم ) .. متابعة الناس ذي ( كلب السُـرة ) كدا ما بتجيب ليك غير أنك تأخد بـ( الجزمة ) .. وطبعا ( الجزمة ) ما غريبة عليك يا اب رزقة ..
.. ..
كلو منك يا ( تمبس ) .. لمن يجي يتبكا ويتعولق يقول رجعوني المنبر .. مفروض كان طوالي توريهو ( عرض اكتافه ) وتخارجه .. !!
05-07-2008, 12:55 PM
tmbis tmbis
تاريخ التسجيل: 10-19-2002
مجموع المشاركات: 24862
يا سلام وبس .. داير يفكنا من ( طهارة سلاطين باشا ) يمسك لينا في ( بروف عزالدين ) .. يا ( وهم ) دا مش هو ( بروف عزالدين ) الكان مشارك معانا في ( حملة وليد دارفور ) .. القلت عليها .. انها بتاعت ( حرامية ويهود ) .. وقعدت تبنذ في الناس وتقل في أدبك .. وليد دارفور يا ( وهم ) العملوها الناس لأهلك .. وابيت تطلع ( ريال ) واحد .. وجيت تكورك ( اليهود والشيوعيين ) .. وتولول ذي النسوان ..
.. ..
يا ( وهم ) انت عندك ( حقد ) غريب علي الناس .. والناس بعدت منك .. خلي عندك ذرة احترام لنفسك .. وشيل كرعينك واتخارج .. الناس لفظوك من زمان يا ( وهم ) .. وكل مرة تقوم من ( الكوشة ) وتجي راجع عشان تاخد بـ( الجزمة ) وترجع من محل ما جيت ..
.. ..
والله بالجد ( كلب السُـرة ) ..!!!
05-07-2008, 01:25 PM
humida humida
تاريخ التسجيل: 11-06-2003
مجموع المشاركات: 9806
ياتامبا الكورة دي لو كنت واصلت فيها حسب علمي ما كنت جيت بي هنا وكنت هسه في كتيبة الهلال من زمااااان ومن الاثرياء أمثال العجب ، أها العجب ده هسه بقى من أصحاب المليارات ، هسع تقول ليهو إغتراب يقول ليك أوديهو ويييين !! أنا شبعااااان لامن بطني طامه ، أها أنت يا الحبيب هسع كان بطنك طرشقت كمان من المليارات دي ، السودان مافيهو حراس مرمى يملو العين وبراااك شايفهم فطايس سااااكت وكمان بتمنو خليك من أمثال العجب البتعززوا ديل ومالين الأرض وفي خانتهم هناااك أكثر من عشرين ثلاثين لاعب وكمان أحسن منهم ، بس تعرف الحمد لله إنك ما واصلت علشان ما كنا ح نتعرف بشخص عظيم وحليم وجميل مثلك هنا .
مودتي
عماد
تسديدة : ياود الطالب الاثنين ديل ما بتقدر عليهم شيل كورتك وإتخارج .
05-07-2008, 03:45 PM
طارق عبد اللطيف نقد طارق عبد اللطيف نقد
تاريخ التسجيل: 11-13-2005
مجموع المشاركات: 2311
Quote: علشان كدا عبد الرازق دا كان لابد من حضورو لكن اغرب حاجة انو الهلباوي ما ظاهر خير ..؟! عسى ما شــر ..؟
وعليكم السلام ورحمة الله وبركاته .... فى واحد قال الهلباوى وله حاجة كده باالشكل ده ؟!
والله تعجبنى يا ودالطالب إتنين ما بتخافوا الله ومماحيك ما قادرين عليه .. قر قر قر قر
والله زى شكل الجماعة فى فريق فنقر .. إنتو مستهدفنه وهو مستهدف الفارئ المتابع لفيتو يمين
ولفيتو شمال نططوا فى البوستات هنا وهناك أرهقت نفسكم وإنهد حيلكم يا حليلكم وهو ماسكم
بس بأيدو اليمين .. الحاجة الماعارفنها إنتوا ناس ود الطالب ديل الواحد فيهم بعشرة رجال
عشان كده كنت متابع وبتفرج فى جنس الك الما ليهو لزووووم !!
Quote: ركز معانا نحن الاتنين ديل .. لانو عايزين نصل معاك للنهاية .. كان علي انا الايامات دي كايس لي نوعيتك دي ولي نوعية محددة كدا .. قاعد في الصقيعة ..
بالله عليكم الله يا متابعين ده كلام ده !! يا ود الطالب الله والنبى حسبتك بالله تخليهم معليش
المسامح كريم.. ياأخى وقفت نفسهم تمبس ده غمر خلاس بعدين يا أخى الناس ديل بينك وبينهم عيش
وملح !! عشان كده عارف يا تمبس متابع لكن مإشتغلت بالبوست شغلة لأن ود الطالب رغم إنكم 2
لكن جهجهكم وهد حيلكم ووالله لو ما إنت سألت منى ما عندى بيكم شغله وبرضو من أجل المتابع
الكريم فارئين وشمات .. نرجع نقول المسامح كريم وما فى داعى للبشعة دى نحن ناقصين !!
والله أنا ده كلو ما محيرنى وشيئ طبيعى جدا إنو الناس تختلف وتتحاور وتتنازع وتتراجع !!
لكن المحيرنى ابو الجبن القاعد يتصل بالبورداب ويقول ليهم أدخل إنت قول كده عشان
نأدب الهلباوى ونرجعوا لعلبو بالله ده مستوى ده !! للأسف العشرة بورداب الذين إتصل بهم هذا ما
إستجابوا له إلا أتنين ( إمعا) والغريبة راسهم فاضى بتمبلوا تمبال .. يا اخى عيب واحد كبير
كده زيك ولسع عايش فى صباهو للأسف 8 منهم سقطت فى نظرهم يا اخى أقلها خليك محضر خير كل الذين
إتصلت بهم من هنا ورايح لما تلاقيهم تعلم منهم ماذا يعنى التقدير وإحترام الغير !!
05-07-2008, 10:10 PM
humida humida
تاريخ التسجيل: 11-06-2003
مجموع المشاركات: 9806
آدمو .. عليك الله ما تطير فوق .. وتصفق برجلينك لود عمك .. والله فرحتك دي بالدنيا .. انشاء الله مريحاك بس .. ومبروك يا( الجوف يطقطق ) .. اهو جا شهد ليك أدم ( غواصة ) .. !!
.. ..
فالحين انتو الاتنين ..
05-08-2008, 01:35 AM
Abdelmuhsin Said Abdelmuhsin Said
تاريخ التسجيل: 10-10-2006
مجموع المشاركات: 2678
Quote: علشان كدا عبد الرازق دا كان لابد من حضورو لكن اغرب حاجة انو الهلباوي ما ظاهر خير ..؟! عسى ما شــر ..؟
وعليكم السلام ورحمة الله وبركاته .... فى واحد قال الهلباوى وله حاجة كده باالشكل ده ؟!
والله تعجبنى يا ودالطالب إتنين ما بتخافوا الله ومماحيك ما قادرين عليه .. قر قر قر قر
والله زى شكل الجماعة فى فريق فنقر .. إنتو مستهدفنه وهو مستهدف الفارئ المتابع لفيتو يمين
ولفيتو شمال نططوا فى البوستات هنا وهناك أرهقت نفسكم وإنهد حيلكم يا حليلكم وهو ماسكم
بس بأيدو اليمين .. الحاجة الماعارفنها إنتوا ناس ود الطالب ديل الواحد فيهم بعشرة رجال
عشان كده كنت متابع وبتفرج فى جنس الك الما ليهو لزووووم !!
Quote: ركز معانا نحن الاتنين ديل .. لانو عايزين نصل معاك للنهاية .. كان علي انا الايامات دي كايس لي نوعيتك دي ولي نوعية محددة كدا .. قاعد في الصقيعة ..
يا راجل إنت مالك خليها نزيه تصفية كاوبويات .. يا اخى ( 2 ) إتقى الله .....
بالله عليكم الله ياقراء ومتابعين ده اسمو كلام ده !! يا ود الطالب الله والنبى حسبتك بالله تخليهم
معليش المسامح كريم.. ياأخى وقفت نفسهم تمبس ده غمر خلاس بعدين يا أخى الناس ديل بينك وبينهم
عيش وملح !! عشان كده عارف يا تمبس متابع لكن مإشتغلت بالبوست شغلة لأن ود الطالب رغم إنكم 2
لكن جهجهكم وهد حيلكم ووالله لو ما إنت سألت منى ما عندى بيكم شغله وبرضو من أجل المتابع
الكريم قراء وشمات .. نرجع نقول المسامح كريم وما فى داعى للبشعة دى نحن ناقصين !!
والله أنا ده كلو ما محيرنى وشيئ طبيعى جدا إنو الناس تختلف وتتحاور وتتنازع وتتراجع !!
لكن المحيرنى ابو الجبن القاعد يتصل بالبورداب ويقول ليهم أدخل إنت قول كده عشان
نأدب الهلباوى ونرجعوا لعلبو بالله ده مستوى ده !! للأسف العشرة بورداب الذين إتصل بهم هذا ما
إستجابوا له إلا أتنين ( إمعا) والغريبة راسهم فاضى بتمبلوا تمبال .. يا اخى عيب واحد كبير
كده زيك ولسع عايش فى صباهو .. للأسف 8 من الذين إتصل بهم بلغونى وبصراحة سقطت فى نظرهم يا
اخى أقلها خليك محضر خير كل الذين إتصلت بهم من هنا ورايح لما تلاقيهم تعلم منهم ماذا يعنى
التقدير وإحترام الغير !!
05-08-2008, 12:58 PM
humida humida
تاريخ التسجيل: 11-06-2003
مجموع المشاركات: 9806
Quote: لكن المحيرنى ابو الجبن القاعد يتصل بالبورداب ويقول ليهم أدخل إنت قول كده عشان نأدب الهلباوى ونرجعوا لعلبو بالله ده مستوى ده !! للأسف العشرة بورداب الذين إتصل بهم هذا ما إستجابوا له إلا أتنين ( إمعا) والغريبة راسهم فاضى بتمبلوا تمبال .. يا اخى عيب واحد كبير كده زيك ولسع عايش فى صباهو .. للأسف 8 من الذين إتصل بهم بلغونى وبصراحة سقطت فى نظرهم يا اخى أقلها خليك محضر خير كل الذين إتصلت بهم من هنا ورايح لما تلاقيهم تعلم منهم ماذا يعنى التقدير وإحترام الغير !!
ما ملاحظ انه الاسلوب دا استعملته قبل كدا كتير وفي كذا تجمع من تجمعات الرياض .. حاول تجيب جديد يا هلباوي .. ما تكرر نفسك اكتر من مليون مرة ..
.. ..
الولولة بتاعت فلان عمل لي وفلان قال لفلان يعمل لي .. اسطوانة سمعناها كتير منك ..!!
05-10-2008, 05:54 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: حميدة هذا سلوكم مرفوض وأنا لا أقبل به نعم بورداب رياض كيان وأنا من مؤسسي الكيان دي معلومة بدهية بالنسبة لي يا حميدة..
Quote: خلاص يا زول الدعوة وصلتك .. واكلت بلح وشربت البارد يلا اتخارج من البوست دا ..
شوفت كيفن يا حميدا طلعت سمسار وعينكـ قوية كمان.. يا زول.. نحن الكضاب بنوصلوا لغاية خشم باب السفارة.. سيرة وبالبوري كمان..
بالله قشطو ليكم كم جردل كركدي في جوفكـم [الفاضي]..
تخريمة لآدم غواصة: الكركدي نوع من أنواع مشاريب الضيافة السودانية يقدم بارد لحناكيش حيكم [الموردة].. وساخن جداً لغالب فئة العمال.. لا ينمو في المناخات الباردة.. ما يعاب علينا فيه.. في السابق صدر للصين بإضافة حبه البذرة غشاً لزوم زيادة الوزن.. فأصبحت الصين أخطر منافس لهذه العشبة اللعينة في بورصة الأسواق العالمية..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
humida
tmbis
عمران حسن صالح
عصام دهب
A.Razek Althalib
ابو جهينة
ahmed haneen
عاصم ابوبكر حامد
عمر الفاروق
mahmed alhassan
الصادق خليفة
Khalid Saeed
هضيبي علي سعيد
محمد عبد الماجد الصايم
طارق عبد اللطيف نقد
ادم الهلباوى
Abdelmuhsin Said
فيس بوك
تويتر
انستقرام
يوتيوب
بنتيريست