برنامج الاتجاه المعاكس علي قناة الجزيرة و تحت عنوان هل يبقى السودان موحداً يوم 22/12/2009 .. استضاف فيصل القاسـم .. الاستاذ الطيب مصطفى .. و المحامي سـاطع الحاج ..
.. ..
موقف الطيب مصطفى واضح للجميع ( اتقفنا ام اختلفنا ) معاهو .. و جريدة الانتباهة و منبر السلام العادل تعبر عن افكار الرجل .. كنت اتمنى ان تستضيف القناة احد الاخـوة الجنوبيين فهم المعنيين بالأمر .. اضاع معدي البرامج فرصـة ذهبية لفتح باب النقاش بصـورة واضحة ( بدون خجل ) بإستضافتهم للمحامي سـاطع الحاج .. الذي ذكرني بجارتنا ( نجاة سكلبة ) .. سـاطع الحاج .. شخصن موضوع الحلقة .. و صب كل هراءه علي الطيب مصطفى .. و لم يخرج من تحت عباءة الطيب مصطفى بـ( الزول دا قال و الزول دا عمل و الزول دا ما عارف شنو ) .. طيب وين القضية يا ســـاطع .. !!
12-23-2009, 10:59 AM
humida humida
تاريخ التسجيل: 11-06-2003
مجموع المشاركات: 9806
سلامات للجميع ... فكرة البرنامج كانت جيده...ساطع أفسد الحوار بالصراخ مما أعطي انطباع للمشاهد أنه جاء ليهاجم الطيب مصطفى لا ليحاوره ... لا اتفق مع الطيب مصطفى بان اختلاف السحنات هو سبب للانفصال..... سؤال: من الذي طالب بحق تقرير المصير في نيفاشا؟..لماذا يوصف من يطالب بالانفصال من الشماليين بالعنصريه؟بينما الحركه الشعبيه طالبت بحق تقرير المصير والذي قد يفضي للانفصال. هل من يصوت لصالح الأنفصال من أهل الجنوب هو عنصري؟؟ تحياتي للجميع
12-23-2009, 11:23 AM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
ساطع ده علي ما اظن ما صدق انه ناس الجزيرة قالو ليه تعال اتهجم لدرجه انه نسي الموضوع الجايي ليه شبك الراجل انت خال الرئيس واعترف وما عاوز تعترف ..ولو فكوهو احتمال كان خنقو ولا يغيب عن المتابع انه وبعد كل هجمه ونباح يبدا في التبسم للكامير ابتسامته البلهاء لقد ازبد وارغي ونقرط وتفتف .... وحير فيصل القاسم زاتو
اعتقد ان الجنوبيين ان كان هذا من يمثلهم فقد ضاعو كمغتصبي الطفله مرام الذين علقوا في المشانق بعد فعلتهم الشنيعه حين كان ذاك الساطع محاميهم وقد قالها الطيب مصطفي علي الهواء..لو كنت اعلم ان هذا هو من سالتقي به لما جئت الي الدوحه بئس الضيف (المسطح)
12-23-2009, 02:47 PM
humida humida
تاريخ التسجيل: 11-06-2003
مجموع المشاركات: 9806
Quote: من الذي طالب بحق تقرير المصير في نيفاشا؟ لماذا يوصف من يطالب بالانفصال من الشماليين بالعنصريه؟ هل من يصوت لصالح الأنفصال من أهل الجنوب هو عنصري؟؟
اسئلة مهمة جدا تحتاج لإجابات وافية .. كل حسب رأيه .. سـأحاول الاجابة عليها واحدة واحدة .. و اعطي الفرصـة لبقية المتداخلين للاجابة علي نفس الاسئلة .. من الذي طالب بحق تقرير المصير في نيفاشا؟ الجنوبيين هم من طالب بهذا الحق .. لكن رأيهم ما كان علي ارضية ما يعانيه الجنوبية من ازمات .. علي ما اعتقد هي فلسفة المثقف الجنوبيين الذي اراد تتشبيه وضعه بالثورات النضالية حول العالم .. مرات القراية الكتيرة بتخلي الزول ما يكون واقعي .. و يتوهم اشياء غريبة .. ولك في الفترة القضاها ( باقان ) في كوبا .. خير مثال .. لماذا يوصف من يطالب بالانفصال من الشماليين بالعنصريه؟ حسـب الفهم السائد الآن .. مما ولدونا و الجنوبيين يلعبوا دور الضحية .. اي احتكاك بسيط يهرب الجنوبيين الي مصطلح العنصرية .. و انهم مضطهدين و عملوا لينا وسووا لينا .. حتي لو اجمع الجنوبيين كلهم علي الانفصال و شمالي واحد قال ليهم معاكم حق .. حيقولوا عليهو عنصري .. هل من يصوت لصالح الأنفصال من أهل الجنوب هو عنصري؟؟ لا .. حيكون تحرري قومي امبيريالي .. و احتمال كبير اذا حدث الانفصال .. نجد اسماء الاطفال في الجنوب تتحول الي جيفارا و ماو سي تونغ و عبد الحليم ( دا واحد في حلتنا قاد ثورة ضد اللجنة الشعبية )
12-23-2009, 02:55 PM
humida humida
تاريخ التسجيل: 11-06-2003
مجموع المشاركات: 9806
Quote: شبك الراجل انت خال الرئيس واعترف وما عاوز تعترف ..ولو فكوهو احتمال كان خنقو
في ناس كتيرة ما قادرة تفصل بين ( لسـتك ) في ناصية الشـارع .. و منبر علي اشهر قناة اخبارية عربية في العالم .. في رأيي الشخصي .. كان علي المحامي ســاطع ان يتجاوز كراهيته للطيب مصطفى في هذه السـانحة .. و يجيب للوطن ( قووون ) .. و يستفيد من الفرصـة دي .. خصوصا انه الإعلام العربي شحيح في متابعة الشـان السـوداني .. من بين مليون برنامج عن العراق او عن لبنان تجد برنامج واحد يتحدث عن الشأن السوداني .. تصــرفات ســاطع دي بتخلينا نفكر انه لمتين نحن بنضيع الفرص .. و نتعامل مع قضايانا بالسبهللية دي ..
12-23-2009, 11:15 AM
بشير أحمد بشير أحمد
تاريخ التسجيل: 03-21-2008
مجموع المشاركات: 10020
كاروشـة ســاطع هي حالة مصاحبة للهسـتيريا النضالية .. ضاعت بسببها كثير من القضايا ( شـمار في مرقـة ) .. أمثال سـاطع الحاج هم الركيزة الاسـاسية في استمرار حكم الانقاذ حتي الآن .. لا أعلم بالتحديد لماذا كان الرجل يصـرخ بهذه الطريقة العبيطة جدا .. المايك قدامه و الاستديو فاضـي .. كان يمكن ان يقاطع الطرف الآخر بدون كواريك و انفعال و تفتيف في المايك ..
.. ..
كاتلوج النضـال الحايم في السودان الآن .. شكلو مضـروب .. ما هكذا يا مناضلين ..
12-23-2009, 11:30 AM
humida humida
تاريخ التسجيل: 11-06-2003
مجموع المشاركات: 9806
في ناس كتيرة هنا في سودانيزاونلاين بتعبرنا بندافع عن الحكومة .. لمن ننتقد زول ذي سـاطع الحاج .. اتمنى ان يتحفونا برأيهم في حالة ( النباح ) الفريدة من نوعها دي .. في قضية حسـاسة جدا .. كنا نتمنى انه نفهم فيها حاجة ..
.. ..
لو استضاف فيصل القاسـم زميل المنبر ( انور دفع الله ) لكان خير لنا من ســـــــاطع الذي لم يســـــطع ..
12-23-2009, 11:31 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 27716
والله ياحميدة لم ارى هذا الساطع الا اليوم لكني حزنت جدا لاسلوبه في الحوار كان بامكانه ان يستغل المساحة المتاحة له في مايفيد طرحه للاسف الشديد هذا كله ليس في مصلحة البلد
12-23-2009, 11:32 AM
محمد فرح محمد فرح
تاريخ التسجيل: 09-14-2006
مجموع المشاركات: 9222
موقفه دا ما شفته انا قبل كدا .. و لم اسمع بأسمه ألا من خلال هذا البرنامج .. لكن جميع مواقفه البتتكلم عنها دي .. علي ما اعتقد ضيعها بالتهريج الذي احدثه في نقاش قضية حساسة مثل قضية انفصـال الجنوب ..
Quote: فقط كان يحتاج ان يكون مرتبا في الطرح
الكلام دا تقوله للزول القدم حاجة .. و فاتت عليه بعض الاشياء البسيطة او للزول الكان منتظرين منه المزيد .. من قول تيت الزول دا ( جلا الكورة ) .. و أحيلك مرة آخرى للفنان ( يونس شلبي ) .. في مسـرحية ( مدرسـة المشاغبين ) .. لإعطائك صورة واضحة لاداء ســاطع الحاج في الحلقة ..
12-23-2009, 11:41 AM
humida humida
تاريخ التسجيل: 11-06-2003
مجموع المشاركات: 9806
داليا حافظ .. لو كنتي ولد و بتلعبي في رابطة كورة .. كان قابلتي ذي ســاطع دا كتير .. حياتي مليانة بالشخصيات النمطية .. بواقع انه السودانيين ديل ذي 13 قالب متكرر .. ( علي حد زعمي ) .. ســاطع الحاج .. شخصية مكررة .. دفاعه عن قاتلي الطفلة ( مرام ) .. و كواريكه في هذا البرنامج .. بتديني صـورة واضحة لـ( نفسيات ) الزول دا .. حاولي تقري عن الشخصيات النمطية السودانية ..
يا داليا .. السخرية في حد زاتها نوع من النضال .. و كثير من الاعمال الكوميدية كان اثرها واضح و احسن من كثير من الخطب الرنانة من شاكلة ( إني لأرى رؤوسا قد أينعت ) .. و حس الوطنية .. بختلف من شـخصية لشـخص .. و كل زول عنده رأيه .. و بمارس الوطنية بتاعته بالطريقة البشـوفها مناسبة .. لكن الجميع بتفق انه اسلوب الحوار مهم .. و العوارة و دق الكاروشـة في الفاضي او كما سميتيها ( الثورة الهائجة ) .. اسلوب ما كويس .. دايرك و انتي ( الثائرة الهائجة ) .. تلخصي لي المستفاد شنو من حديث المحامي ساطع الحاج في الحلقة .. و هل كان مقدم البرنامج متحيز للطيب مصطفى حين قال و بالحرف الواحد لـساطع .. ( لقد اضعت الحلقة بشخصنتك للمواضيع ) .. و ماذا يهمنا ان كان الطيب مصطفى خال او عم الرئيس في قضية مثل قضية انفصال الجنوب .. و ما هو السبب المفرح الذي جعل ساطع يسطع بابتسامة ( كلوز أب ) عندما جاوبه الطيب مصطفى انه فعلا خال الرئيس .. ماذا وراء هذه الابتسامة .. و الفات علينا فهمه شنو كوننا ما ضمن ( الثورة الهائجة ) ..
12-23-2009, 12:16 PM
humida humida
تاريخ التسجيل: 11-06-2003
مجموع المشاركات: 9806
عصــام يا صديق .. مرات معرفتنا الشــخصية بالزول بتخلينا نحاول خلق مبررات للـ( عوارة ) بتاعته .. و بنحكم علي عمله العام من خلال علاقته الخاصة بينا .. في ناس كتيرين ما بينفعوا للعمل للعام .. و كويسين جدا و طيبين في علاقتهم بالناس في الخاص .. علي ما اعتقد ان ســاطع الحاج .. و من خلال قراءة اراء المتداخلين .. زول كويس شديد و بحب السودان و بكورك في التلفزيون .. علي وزن .. ( ينعى والده و يصلح ساعات ) ..
12-23-2009, 01:52 PM
اساسي اساسي
تاريخ التسجيل: 07-20-2002
مجموع المشاركات: 16468
لو استضاف البرنامج احد الجنوبين كما تقول لكان الميزان مختل , الفكرة هي ان هناك شمالي يدعو للانفصال وشمالي يدعو للوحدة وعلي ذلك كان البرنامج كما بالمقابل يمكن ان يكون هناك برنامج يستضيف فيه جنوبي مع الوحدة وجنوبي اخر مع الانفصال فهذا منطقي جدا فانا اعتقد ان ليس علي فكرة البرنامج لبس وانما اللبس في الاذهان ساطع دخل الحوار ليقول اشياء محددة جاء بها كان يلتف علي الاسئلة بطريقة غير مقنعة ليقول ما جاء من اجله وهو الهجوم علي الطيب مصطفي لذا ظهر ساطع منفعلا في غير مكان الانفعال مسهبا في غير مكان الاسهاب مقاطعا في غير مكان المقاطعة ومقلا في مكان الاسهاب وهادئا في مكان الصخب لذا اعتقد انه ساهم في تجييش عدد كبير مقدر من السودانيين الذين تابعوا الحوار ولم يتخذوا رائيا في تجير ارائهم للانفصال ساطع افل نجمه في حوار الامس وتسبب لي انا والاخ احمد التجاني في احراج كبير بضعفه ونبيحه حيث انا حضرنا الحلقة بالامس في كافي فيه عدد كبير من غير السودانيين تابعوا معنا الحلقة بناء علي رغبتنا ورضائهم .
12-23-2009, 02:15 PM
Rawia Rawia
تاريخ التسجيل: 11-23-2002
مجموع المشاركات: 8396
الحديث هنا ليس عن عنصرية الطيب مصطفى .. و عشان تفهم كلامي أديك مثال بسيط .. عندنا شخصين .. واحد اسمه فلان .. و التاني اسمه علان .. قام فلان سـرق قروش .. و علان شافه .. جابوهم في المحكمة .. و طلب القاضي من علان ان يشهد في الواقعة .. قام علان قال بأعلى صوته .. يا سيادة القاضي الزول دا زمان كان عندو عجلة فونيكس 26 .. !!
12-23-2009, 02:31 PM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
Quote: ياخي هو ماله ومال يكون خال الرئيس او أخو الشيطان ذاتو
الفرح الشديد الذي انتاب ســاطع بعد طرحه هذا السـؤال اداني احساس انه الموضوع دا ( ســر ) .. او انه اســتجد أمــر في موضوع ( خال الرئيس ) .. و توقعت بعد جواب الطيب مصطفى بأنه ( فعلا خال الرئيس ) ..!! انه ســاطع يقول ليهو ( لا لا انت ما خاله و يجيب فحص الـDNS بتاع حوش بانقا كلها و يطلعهم بقايا ارناؤؤط ) .. و استغربت جدا لإبتسامة النصـر التي علت وجه سـاطع .. بعد الاجابة .. ذكرتني الفنان ( يونس شلبي ) .. في مسرحية ( مدرسـة المشاغبين ) ..
12-23-2009, 03:56 PM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
** الاخ حُميده.. ## مساءك خير.. ** لقد ظننت أن ساطعاً هو فيصل القاسم ,, وفيصل القاسم هو مُراقب الصِراخ التلفزيونى.. ** بالامس لم يكن ساطع ساطعاً ولم يكن موفقاً ,, بل كان مُسطحاً ,, وكانت فرصه ذهبيه قد لاتتكرر ليطرح وجهة نظره التى يؤمن بها ,, وبالرغُم من أن هنالك أشخاص لاتعجبهم كتابات الباشمهندس الطيب مُصطفى ولكن مناقشته وطرحه كان مُقنعاً وإن أختلف البعض معه فيما طرحه.. ## السؤال هل من مصلحة الجنوب الإنفصال ؟؟ ** ولماذا التصويت من طرف واحد (الجنوبيين) ؟؟ ** أم أن من صاغوا النص فى الإتفاقيه أرادوا أن يرمو الكره فى ملعب الجنوبيين !!! ## ساطع بالرغم من إمتهانه لمهنة المحاماه والتى نتعلم منها الصبر لسماع من يكون خصمك حتى تدحض مايقدمه من دفوع وأسباب كان مُتسرعاً ومنفعلاً فأضاع ماجاء من أجله ,,, ونشاطه فى مُنظمات المجتمع المدنى لاينكره أحد ولكنه لم يكن موفقاً فى طرحه على حسب الموضوع المُثار فى موضوع اللقاء..
(ودام الود والإحترام بين الجميع) (أبو محمد فؤاد) - الماكيكى..
12-23-2009, 06:41 PM
humida humida
تاريخ التسجيل: 11-06-2003
مجموع المشاركات: 9806
Quote: كاروشـة ســاطع هي حالة مصاحبة للهسـتيريا النضالية .. ضاعت بسببها كثير من القضايا ( شـمار في مرقـة ) .. أمثال سـاطع الحاج هم الركيزة الاسـاسية في استمرار حكم الانقاذ حتي الآن .. لا أعلم بالتحديد لماذا كان الرجل يصـرخ بهذه الطريقة العبيطة جدا .. المايك قدامه و الاستديو فاضـي .. كان يمكن ان يقاطع الطرف الآخر بدون كواريك و انفعال و تفتيف في المايك ..
حميده لك التحايا ده حال كثير من المناضلين للاسف.......... عدم الموضوعيه !!!!!!
12-25-2009, 08:53 PM
humida humida
تاريخ التسجيل: 11-06-2003
مجموع المشاركات: 9806
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
humida
Dr.Elsadig Abdalla
Faisal Elrasheed
بشير أحمد
حيدر حسن ميرغني
محمد فرح
Hussein Mallasi
داليا حافظ
السيد أحمد إبراهيم
صلاح أبودية
Kamal Karrar
عصام دهب
اساسي
Rawia
أسامة عبد الجليل
عبدالكريم أحمد الامين
حمزه بابكر الكوبي
فيس بوك
تويتر
انستقرام
يوتيوب
بنتيريست