دعواتكم لزميلنا المفكر د.الباقر العفيف بالشفاء العاجل
|
|
 عشـــــــان نرجـــــــــــع ...!
|
عشان نرجع نتحكر فى الواطه ونتربع ...
نحسب الفات من الايام نعد اصبع فوق اصبع ...
نخت العشره جمب العشرة نعد نجمع ...
نقول للداير الرجعه صمدنا خلاص وما بنخضع ...
ونقول للتائه مع الدنيا كفايه طمع ... عشان نرجع نخر ساجدين نخر نركع ...
نسبح ديمه فى الرحمن وبى ايدينا نتضرع ...
نتوسد ليلنا صبر نتحزم نضم ايدينا نتشجع ...
بعد نرجع نشوف القمره يوم تطلع .. نجوم ساطعات لقاء عشاق لعب شفع ...
ضفاف النيل والخضره جمال الخالق الابدع ..
حبوبة تحجينا حكاوى السمحه من بلدى تتحلى بالصفات اجمع ...
وعن والدهميم وكريم يقوم باكريه يحش يزرع ...
وود حبوبه ديمه جسورلا يوم خاف ولا اتزعزع ..
وعن فارس دوام حارس لا دبابة لا مدفع ..
وبعد ارجع اكون سواح فى بلدى اشوف الكنت بيه بسمع ...
شرقنا سواكن الشامخه جمال سنكات ومصوع ..
وفى ضفاف القاش اقيف ارتاح وجبال توتيل هناك اروع ..
وسط بلدى جزيرة الخير عطاها وفير لا بتكل ولا بتقنع ..
وفى الخرطوم لقاء النيل زى عاشقين متعانقين من المنبع ..
شمال الفن من مروى منبع التاريخ والمرتع ..
حكاويهم شعر منسوج فى العايش والودع ..
غربنا جمال وراحة بال نطوف ونشوف ونستمتع ..
جنوبنا الحاضر الماضى بى خيراتو جاد ونفع وبعد أرجع اعانق بلدى بى لهفه عين تفرح وعين تدمع ..
عين تفرح وعين تدمع ....
عين تفرح وعين تدمع .....
*أسماء صديق الطيب الجنيد
|
|
 
|
|
|
|
|
|
|
 Re: عشـــــــان نرجـــــــــــع ...! (Re: zoro)
|
سلام .. والتحيه ليك يا حميده الحنين ..
وربنا يرجعك بالسلامه
وانت والاخ زورو اظرف شخصيتين .. جد عجبتنى مداخلاتكم لى بعض .. وضحكت كتيـــــــــــــر رقم الدميعات الفوق .. ربنا يفرحكم كمان وكمان ..
والتحايا ليكم قدر حنية اهلنا .. وقدر الطيبه الساكناهم..
والتحيه ليكم قدر شوقكم للبلد..
وشكرا حميده خدار جروف..عمره ماجف.. ولا نشف طول ماهو مجاور القيف ..
اختك اسماء صديق الطيب الجنيد
سوما
| |
|
|
|
|
|
|
|
|
|
Re: عشـــــــان نرجـــــــــــع ...! (Re: الطيب بشير)
|
| Quote: تكون شباشبكم دي بتتقلب جزم بعد الساعة تمانية واحنا ما جايبين خبر؟؟؟ |
والله اذا داير الدقة .. في الموضوع ..
هو كان .. تموت تخلي ..
ســــــــوما ..
يديك العافية ..
والله كلامك .. دا ..
ياهو زاتو الكلام الما انكتب ..
الامنية الفي جوانا الما قادرين نوصفها ..
ممكن يكون نوصيات مؤتمر ..
بعد الناس ما يتنافشوا ..
يشيل واحد القلم ..
ويترجم .. الغلاط ..
لكلام مفهموم ..
| |
|
|
|
|
|
|
|
|
|
Re: عشـــــــان نرجـــــــــــع ...! (Re: zoro)
|
والله يا اخوي زورو ..
زمان كدي قلت داير ابقا كوز ..
اخوك كان متيم ليهو في موتر ..
اها جماعتك قالوا لي لازم نعمل ليك تستا كدي ..
تجي يا زول .. تقيم الليل معانا في الجامع ..
اها يا اخوي .. نص الليل كدي غلبني ..
واخدت لي غفوة .. صحاني الغفير لمن جا لصلاة الضهر ..
فأعتذرو لي ..
قالو لي قيامك دا .. ترتار ما بجيب ..
ومن ديك وانا حاقد عليهم ..
بيتونا والله بدون عشا ..
| |
|
|
|
|
|
|
| |
humida
الطيب بشير
فيس بوك
تويتر
انستقرام
يوتيوب
بنتيريست