الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 01:37 PM الصفحة الرئيسية

مكتبة محمد حميدة(humida)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

عافي منـــك يا محسن خالد ..

10-19-2005, 06:51 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

عافي منـــك يا محسن خالد ..

    بحب اللعب النضيف ..
    وبموت في الضربة القاضية ..
    الكلام الكتبتو دا ..
    الناس نفسها تكتبوا ليها سنين ..
    نفس الفكرة والملامح والشبه ..
    نكون ملخبطين يا ربي ..
    ولا أكون هديت فيك .. !!

    غايتو .. الله يريحك ..ويديك الفي مرادك ..

    كتب الاستاذ الكاتب محسن خالد .. ردا علي الجلابي بشاشة ..
    ما نصه ..

    Quote: دحين اللهاة دي يا بشاشا مش الفي الحلق؟ الإزعاج بتاعك دا ممكن يهري طبلة الأُذن بتاعتي مش اللهاة، empty barrel’s make such noise ..
    بعدين أنا ذاتي رعواتي ومساواتي زيك، ما عندك أي مشكلة، خليهو كلام أسامة الخواض، ما بوفّر ليك المجانية الإنت دايرة دي، لكن لو أنا بجوز لي أمشي أغالط المعز عمر بخيت في الطب، بجوز ليك إنت تمشي تغالط أسامة الخواض في مفاهيم متعلقة بالثقافة،....

    إذا كانت أي حاجة وأي أحد عندك هو "إيشو" بتاع جلابة جلب يجلب، فياخي حظكم عندكم دولة منسجمة، بتتلخص كلها في مفردة واحدة اسمها (جلابة)، عليك الله يا بشاشا ما تبطل حركات (الجلابة) بتاعتك دي،..
    أنا طبعاً مارق رقبتي من الموضوع وشايفكم كلكم عديمين شغلة، لأنو المجتمع السوداني بتكون من المفرد الغالاط حتى الموت زيك كدا،..
    وشايف إنو المبدع عندو موضوع في الوجود، مش السودان، أكتر من العاطل وقاباض الكلام، أولاً أمشي أقرأ إبداع الناس ديل وأمشي ناقشو في محل تاني غير البوست بتاعي دا،..
    ما عندنا مانع، تعال أسألن، وجه ليهم أسئلة بشكل موضوعي، لكن إنت ما ح تعمل كدا، لأنو ما عندك قضية ولا طرح ولا تساؤلات، وإنما ونسة وقرقرابة فارغة، أطرح أسئلتك ليهم هنا، وهم ح يجاوبو، وما عليك بالصياغة أنا بجي بظبط الكلام عشان يصلح للنشر،..
    لكن أبداً.. وطبعاً لا... إنت بس بتجي يا الجلابي يا القومابي يا الركابي يا الجعلي يا الطالبابي.... دي شتائم ساي وحركات جلابة زي حركات أخوك علاء الدين،..
    لأنو يا بشاشا أنا ما عارفك إنت داير شنو، ولا يجاوبوك علي شنو، ولا حكايتك بالطريقة البتطرحها بيها دي قصدها شنو،..
    المهم كل الممكن أقولوا إنك داير تنوم وتصحى تلقى كل الناس الناطقين بالعربية في السودان ميتين، وكل إبداعن ميت،.. في النهااااية فهمت كدا،..
    بعدين الهوية الأنتجوها بعانخي وترهاقا وأركماني، اللي هم جدودنا كلنا وما جدودك إنت بس، زي ما قاعد تقول، الهوية دي المشكلة إنها راحت قبل المسيح، وإنت مستعرب حارقك الاستعراب، زي ما كلنا حارقنا، بس طووووط، ومافي حل –لكل الجلابة- في الأيام الباقيات ديل من العمر عشان يتعلموا الكوشية -الهوية و-اللغة، اللهي إنت نفسك الدنقولاوي ماك عارفة،..
    دي قصتك كلها، ما تقعد تتضارى في خالد كودي وغيرو، خالد كودي فنّان موزون وغير متطرف زيك، وعارف ما يجوز وما لا يجوز في الفن، وأسألوا قوليهو هل في خطط للكتابة وألا الرسم وألا الموسيقى، أبداً، الفن دا موضوع براهو، وبالطريقة بتاعتك دي تمش تناقش فنانين تانين،..
    عشان كدي يا بشاشا أسهل ليك الوقوف كشعار مع فنان تشكيلي زي أخونا الجميل خالد كودي، عشان الريشة بلغة الريشة أما القلم فمعظمنا قلمنا عربي، وحتى أبكر آدم إسماعيل صاحبي النوباوي ما بظبط معاك، لأنو كاتب عربي، مش بيعتبر، أبداً، بل هو كاتب عربي من المقدمة للخاتمة، لأنو بكتب بالعربي، (أنا قلت كاتب عربي وما قلت زول عربي -أنتبه)،...
    ياخي أعمل للناس دي كلها إنك شيطان، بس عليك الله محسن خالد دا على وجه الخصوص غيّر آلياتك وتعال ليهو، يعني أشوطن أكتر سطرك الزمان دا، أنا ذاتي بريد الناس الشيطانين الزيك ديل،...
    لأني ما مؤمن أصلاً بالهوية، ولا بالوطن، فهمت كيف؟ لا بعرب ولا حتى بأفريقيا، ولا بأي هبالة ومضيعة للزمن، هوية الكائن هي مصيرو علي الدوام، اللهو الموت، إذن مافي داعي للهوية ولا للأوطان، دي كلها أوهام وفارغة، وأنا بدعو لحاجة اسمها الإنسان (المَجَرِّي) من مَجَرَّة، إنسان تعريفو الإنسان وبس، تجدعو في المريخ برضو بعيش، فهل هناك ما يضحك أكتر من البطاقة البشيلها الزول في جيبو، ولامن يسألوه في الشارع يطلعها ويقول أنا فرجكان الفرجكاني، في كلام بضحك أكتر من كدا؟ أيوة في، ياهو كلامك إنت الفوق دا، (السطر الغلاطي) هو أصلاً مافيهو سؤال يجاوبوهو، يجاوبو شنو؟
    إنت مُجَرَّد إنزيم كسول بفرزو "علاء الدين"، طبعاً دا لو كنت مش إنت المُفْرَز من قبلو هو، أما لو سبقتو للوجود، فإنت الإنزيم الما بحتمل وجود من غير "علاء الدين"، بتقوم تفرزو هو عشان يديك مبرّر وجود، وعشان كدا إنت بتطالب بإنو يدوهو فرصة، لأنو من غيرو بتبدو عاطلاً وطفيلياً، وطفّيرك في البوست دا، هو طفّير بتاع حراق روح ونظام الفار الوقع في زير المريسة، وداير يعمل فيها أين القطط أين القطط؟...
    يعني بالمختصر شنو، ما تفلقنا ياخي،..
    إنت وعلاء الدين راكبين في ريال واحد، هو الطُرَّة وإنت الكتابة، نقوم نشيل الريال دا ونفننوا في أقرب بئر، عشان نرتاح من شنقلوتيتو المحدودة وذات الوجهين لا ثالث لهما دي،...
    يا بشاشا السطر الفات دا، ما بصلح لزول زي محسن خالد قاليك لا بيؤمن بالوطن ولا بالهوية ولا بالتصنيف البسيط للإنسان، الدنيا مدخلها الهوية الوجودية للكائن، مش أفريكانية ولا استعرابية، ولا أي عوارة تانية، أمشي جيب السطر التاني بتاعك يمكن يلفق معاي، وألا كمان أمشي أقرأ كتابتي بتلقى فيها حاجات حلوة، عن الكمبو وعقلية ونفسية الظلم في العموم،..

    عارف يا بشاشا، أنا زول بحب اللغات جداً، اللغة الكوشية ما لاقي ليها قاموس، كان قعدت في الـواطـة دي واشتغلتلك شغل زي دا ما أحسن وأفيد من عطالتك دي؟
    بعدين ياخي رجاءً خليني أركّز في الحوارات بتاعتي دي، ما تعمل لي غلاط جانبي غير مفيد،..
    وكلمة في أضانك يا بشاشا، بنوع سطرك الواحد دا بتركب الانترنت لفترة بسيطة جداً، لكن تاني الناس بتزهج، وهسع إنت في خبر كان، بس ما جايب خبر، وكل المواضيع المغالية والضعيفة بتموت وأهلها بموتو، لأنو دا أخطر مكان للاستهلاك، والماعندو قدرة يكون خلاق ومتجدّد علي رأس كلو ثانية ما بستمر، أنا بقول ليك الكلام دا لأني عارفك مجرد جنازة بتنضم من سنين طويلة، لأنو الانترنت عيبو إنو ما بحرر شهادة وفاة، وياما جثامين غالاطة ولغلاغة، ما المسألة كلها حركونيات وحقوق كتيرة جدا أخدتها بدون تعب ومن العدم، عشان كدي ح تظل تشورب من العدم،...
    الناس الفوق دي كلها ناس تعبت، وكدحت وشقيت وناضلت، وإنسانيين مش جلابة، ومش أكياس فاضية قامت هبايب الأسافير دي وطارت عن الأرض، أتعب وكِدْ وبطّل استسهال، وبطّل حركات بتاعة جلابة،...

                   |Articles |News |مقالات |بيانات

10-19-2005, 07:02 AM

هميمة

تاريخ التسجيل: 12-19-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    Quote: لأني ما مؤمن أصلاً بالهوية، ولا بالوطن، فهمت كيف؟ لا بعرب ولا حتى بأفريقيا، ولا بأي هبالة ومضيعة للزمن، هوية الكائن هي مصيرو علي الدوام، اللهو الموت، إذن مافي داعي للهوية ولا للأوطان، دي كلها أوهام وفارغة، وأنا بدعو لحاجة اسمها الإنسان (المَجَرِّي) من مَجَرَّة، إنسان تعريفو الإنسان وبس، تجدعو في المريخ برضو بعيش،



    فوق



    فوق من اجل انسانية الانسان اولا واخيرا !!!!!!!!!!!!!!!
                   |Articles |News |مقالات |بيانات

10-20-2005, 01:59 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: هميمة)

    هميمة ..
    شكرا علي المرور .. !
                   |Articles |News |مقالات |بيانات

10-19-2005, 08:05 AM

Hatim Elhassan

تاريخ التسجيل: 05-11-2005
مجموع المشاركات: 576

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    حميدة الظريف
    كيف احاويلك
    انا مصر على ظرافتك دى،ومتاكد انك يوم من الايام حتستعدل لانك ببساطة ما خبيث او خسيس.
    كلام محسن لبشاشة ده كتبوه عشرات الاشخاص هنا بس بلغة مختلفة او فى موضوع مختلف، والقصة ما ضربة قاضية او هزيمة لبشاشا احد خصومك المتوهمن انت فى راسك المدوقس ، بعدين الناس النفسها تكتب من زمان دى ليه ما قدرت تكتب؟ انت ليه ما قدرت تكتبوا ليه؟
    الحكاية اكبر من نصر عابر فى شكلة بوست او قبضة صورة او ظلاميين و مستنيرين اكبر و معقدة اكتر.

    كدى بالتحديد العجبك شنو فى كلام محسن ده؟ و لا العجبك بس انو "ادا بشاشة فى التنك"
    انا مثلا عجبنى الجزء ده:
    Quote: لأني ما مؤمن أصلاً بالهوية، ولا بالوطن، فهمت كيف؟ لا بعرب ولا حتى بأفريقيا، ولا بأي هبالة ومضيعة للزمن، هوية الكائن هي مصيرو علي الدوام، اللهو الموت، إذن مافي داعي للهوية ولا للأوطان، دي كلها أوهام وفارغة، وأنا بدعو لحاجة اسمها الإنسان (المَجَرِّي) من مَجَرَّة، إنسان تعريفو الإنسان وبس، تجدعو في المريخ برضو بعيش، فهل هناك ما يضحك أكتر من البطاقة البشيلها الزول في جيبو، ولامن يسألوه في الشارع يطلعها ويقول أنا فرجكان الفرجكاني، في كلام بضحك أكتر من كدا؟
    إنت مُجَرَّد إنزيم كسول بفرزو "علاء الدين"، طبعاً دا لو كنت مش إنت المُفْرَز من قبلو هو، أما لو سبقتو للوجود، فإنت الإنزيم الما بحتمل وجود من غير "علاء الدين"، بتقوم تفرزو هو عشان يديك مبرّر وجود،
    بيؤمن بالوطن ولا بالهوية ولا بالتصنيف البسيط للإنسان، الدنيا مدخلها الهوية الوجودية للكائن، مش أفريكانية ولا استعرابية،


    اها شايفك بقيت تدعو لمحسن يا اخونا اعمل حسابك الجماعة بسحبو منك بطاقة العضوية


    Quote: غايتو .. الله يريحك ..ويديك الفي مرادك ..


    ومعاها استاذ محسن كمان
    تفطر على خير
                   |Articles |News |مقالات |بيانات

10-19-2005, 08:20 AM

Kostawi
<aKostawi
تاريخ التسجيل: 02-04-2002
مجموع المشاركات: 35241

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Hatim Elhassan)


    دي بدون موس?
                   |Articles |News |مقالات |بيانات

10-20-2005, 02:18 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Hatim Elhassan)

    حاتم الحسن ..
    سبحان الله .. القرع لما استوى قال للخيار يا لوبيا .. بقيت تعرف تتكلم .. وتدي رأيك .. وتصنف الناس ما بين معتدل ومايل .. ومن تقبل منه التوبة .. ومن يسلك في سقر ..

    ياخي تخ ..

    تلتمية وحاجة .. عدد مداخلاتك .. ما فيها حاجة مفيدة .. كلها مهاترات .. وقلة أدب .. جاي داخل في الناس بالعرض .. وعامل ليها فيها صلاح ياسين .. وفي النهاية .. داير تعمل لي فيها استاذ جغرافيا ..

    والله يا عزيزي ما في حاجة بتفقع مرارتي غير الكضب .. والزول يكون فاكيها في نفسو .. لمن تجي تكتب ليك حاجة ذي الناس .. او تبدي رأي .. أو حتي تشارك في صياغة فكرة .. بعدها ممكن اديك الحق أنك تحكم علي الناس وتصنف اتجاهاتهم .. ومنو يركب .. ومنو ما يركب .. لكن بطريقتك دي الله اعلم أنك تبلغ اعلى من القدر الممكن اديك ليهو وهو في كل الاحوال ما بتجاوز عضم الشيطان عندي .. يعني بالدولار كدا بجي ذي تلاتة مليمتر ..

    عليك الله تلب من ركشتي دي ..
                   |Articles |News |مقالات |بيانات

10-20-2005, 02:22 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    كلبن كَلبك ..
    ربن .. خلقك ..
    دنقر راسك .. وارفع ضنبك ..



    * تعويدة لحماية البوست ..
                   |Articles |News |مقالات |بيانات

10-20-2005, 02:40 AM

Murtada Gafar
<aMurtada Gafar
تاريخ التسجيل: 04-30-2002
مجموع المشاركات: 4726

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    في هذا البوست

    نداء للمبدع محسن خالد : لا ترحل من هنا فالمكان بوجودك اجمل

    كتب العزيز جدا بشاشا ما يلي

    Quote: يا لك من امي، ياحميدة


    عافي منك يا بشاشا. عشان كده زولك ده منفعل يا حاتم. إنت عارف في مثل إنجليزي بيقول the enemy of my enemy is my friend

    عشان كده زولك ده هسة بقى عافي من المبدع محسن خالد بعد ما كان بيطالب بمغادرتو للبورد. لكن لا أعتقد إنو بشاشا و محسن في بينهم أكتر من حوار صافي و هما ينطلقان من موقع واحد في عدائهم لباعوض ملاريا الإسلام السياسي كما قال بشاشا. يلا يا بشاشا همتك معانا لمكافحة و إستئصال الملاريا المتفشية بعد الخريف الخلا اللواري ما تقيف

    حاتم ياخ ما باركنا ليك عودة محسن خالد

    مرتضى جعفر
                   |Articles |News |مقالات |بيانات

10-20-2005, 02:51 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Murtada Gafar)

    عارف يا عمك ..
    الظاهر التعويذة دي ما جابت فايدة .. !!
                   |Articles |News |مقالات |بيانات

10-20-2005, 02:59 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    كدسا كدسا
    اعرفع ذيلا
    اقتل فارا
    ..
    لو دى ما نفعت

    نمرا نمرا
    افتح فما
    اقتل طبعا
                   |Articles |News |مقالات |بيانات

10-20-2005, 06:00 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 1947

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)


















    Up


                   |Articles |News |مقالات |بيانات

10-20-2005, 06:45 AM

Bashasha
<aBashasha
تاريخ التسجيل: 10-08-2003
مجموع المشاركات: 17278

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    عييك يامرتضي!

    باقي لي دخان مكافحة البعوض في بوست احمد حنين كان عيارو تقيل!

    عشان كده البعوض فزا من هناك او جا راكي بي جاي!

    الظريف بعوضة ملارية الاسلام السياسي، كدليل علي غبشة الرؤيا بي سبب الدخان، فكا محسن او قبض في بشاشا!

    الله يجازي الدخاخين ياخي!!!!
                   |Articles |News |مقالات |بيانات

10-20-2005, 06:55 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    بشاشا ..
    مالك ما جيت قلت لي يا جلابي ..
    النشيد الوطني بتاعك دا بطلتوا ..

    حاجة جميلة جدا .. أنك تديني احساس أنك بتفهم الكلام .. !!

                   |Articles |News |مقالات |بيانات

10-20-2005, 08:12 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)



    Quote: لأني ما مؤمن أصلاً بالهوية، ولا بالوطن، فهمت كيف؟ لا بعرب ولا حتى بأفريقيا، ولا بأي هبالة ومضيعة للزمن، هوية الكائن هي مصيرو علي الدوام، اللهو الموت، إذن مافي داعي للهوية ولا للأوطان، دي كلها أوهام وفارغة، وأنا بدعو لحاجة اسمها الإنسان (المَجَرِّي) من مَجَرَّة، إنسان تعريفو الإنسان وبس، تجدعو في المريخ برضو بعيش، فهل هناك ما يضحك أكتر من البطاقة البشيلها الزول في جيبو، ولامن يسألوه في الشارع يطلعها ويقول أنا فرجكان الفرجكاني، في كلام بضحك أكتر من كدا؟ أيوة في،.




    ونحن ايضاً نؤمن بالانسان الكوني بلا هوية بلا بطيخ ؟؟؟؟بلا جلابة بلا غلبة ... هذه اصبحت
    ادوات استهبال دولية.
                   |Articles |News |مقالات |بيانات

10-20-2005, 12:56 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: القلب النابض)

    Quote: بلا هوية بلا بطيخ



    قلبنا النابض بالخير

    البطيخ ده لو حق ناذر زاتو .. حقوق الملكية الفكرية ..بزعلوا منك !!!




    حميدة


    رمضانك كريم اخوى
                   |Articles |News |مقالات |بيانات

10-20-2005, 01:05 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: القلب النابض)

    Quote: بلا هوية بلا بطيخ



    قلبنا النابض بالخير

    البطيخ ده لو حق ناذر زاتو .. حقوق الملكية الفكرية ..بزعلوا منك !!!




    حميدة


    رمضانك كريم اخوى
                   |Articles |News |مقالات |بيانات

10-20-2005, 05:15 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: نادية عثمان)

    رمضانك كريم

    يا ندوية يا عسل

    حقوق الملكية الفكرية لناذر على العين والراس ....


    بقول ليه استلفت بطيختك وبرجعها ليك ... رأيك شنو ؟


    تحياتي ليك ياخفيفة الظل


    وحلوة الروح.

    ونحييك وقوف ....

    وقالوا ظهرتي في تلفزيون السودان ...التلفزيون قرب يبقا قومي.
                   |Articles |News |مقالات |بيانات

10-20-2005, 08:45 AM

Bashasha
<aBashasha
تاريخ التسجيل: 10-08-2003
مجموع المشاركات: 17278

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    Quote: ونحن ايضاً نؤمن بالانسان الكوني بلا هوية بلا بطيخ


    الاخت القلب النابض،

    ياربي ناس كوكو، ناس نواي، ناس ادمو، وينم في خارطة انسانكم الكوني ده؟

    الزمن ده كلو مامبسوطين فرحانيين تضحكو سن سن، بي وهم انكم عرب؟

    فقط لمان تصدينا، متحدين وهم عروبة بلاد السودان، جايين تسوو لينا لاهوية لابطيخ؟

    ليه ماتقولو لاهوية ولابطيخ لي وهم عروبة السودان؟

    هل صدفة لمان الكلام يجي عن افريقية ارض السود، تسوو لينا لاهوية لابطيخ؟

    البقول ذي كلامك ده، فقط بحاول يدافع عن الوضع الشاذ الراهن، حيث العروبة مفروضة علينا بحد السيف.

    الغو عروبة السودان او شيلو الشريعة برة، والجلابة برة، بعد داك نسمع منكم عن البطيخ!

    قبل كده تلقوهو عند الغافل، ذي ماقال البشير لي علي عثمان، ايام حرب البخرات، والعهدة علي اخر لحظة!




    العزيز محسن خالد،
    شفت كيف كلامك فتح "طاقة" هروب، من المسؤولية، جديدة، لي اقلية الجلابة؟
                   |Articles |News |مقالات |بيانات

10-20-2005, 09:21 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    انا لا اؤمن الجغرافيا والكلام الفاضي دا.
    الاستعمار جاء وقسم ليكم خرائط وسماها بلدان وقعدتو تتشاكلوا فيها
    انا سوداني وانا عربي وانا بطيخي ! انا اصلا لا أؤمن بهذه المسميات . والاكتر من كدا اقول ليك انا انتمي لارض الله كلها , والسودان دا رقعة جغرافية زيو وزي ارض الله دي كلها.
    ولا يهمني ابيض ولا اسود ولا افريقي ولا بطيخ.
    ارض الله دي كلها احس انها حقتي والله خلقها لي وسخرها لي كأنسان ما قال للجلابة ولا لغير الجلابة والكلام دا بقولو ليك من منطلق توحيد . وكلام الجلابة والمفردة العكسها دا بلوا واشربوا مويتو مع التحول الجايي لصالح التوحيد . " ارض الله لعباد الله"

    والكلام دا ماتقول لي اسلاميين السودان ولا جزر القمر. الدنيا كلها ماشا تتوحد زي ما اوروبا المتخاصمة المتقاتلة طيلة القرن الماضي توحدت وفتحت حدودها مع بعضها .....تأكد ان الاكتساح دا ماشي وانتو اقعدوا لي دا عربي ودا جلابي ودا اسود ودا ابيض ..... زي الزول الله يدة نهر جاري مشي يتشاكل في كوز موية.
    والحمد لله الفهم دا الان بقا فهم ناس كتار يا الحقوا الركب يا تلقوا روحكم في العصر الحجري. وجلابة وبطيخ.
    عي اية حل نحن من دواخلنا تحررنا من كل هذه العقد وماسكين في ارض الله الخلقها لينا وقال لينا سيحوا فيها واعبدوني .
    والصراخ في هذه الحالات لا ينفع .الناس محتاجة تراجع مواقفها وتبقى شجاعة وتبطل متاجرة بشعارات النعرات والتصنيفات.


                   |Articles |News |مقالات |بيانات

10-20-2005, 09:41 AM

Murtada Gafar
<aMurtada Gafar
تاريخ التسجيل: 04-30-2002
مجموع المشاركات: 4726

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: القلب النابض)

    صديقي بشاشا

    Quote: " ارض الله لعباد الله"


    دي جديدة لنج تخيل يا بشاشا على الإسلام السياسي كثير النسخ شئ السمعة في السودان و طالبان و إيران. الجد شنو عشان الإسلاميين و الجلابة "التعبير copyrighted بواسطة الصديق بشاشا" بيقوا مقتنعين بالوحدة الكونية الفكرة ماركسيا قديمة لإنو الماكسية ذاتها بقت فيها حاجات قديمةز الفكرة أيضا تفوه بها الشهيد محمود محمد طه، لكن سؤال بشاشا أعتقد الجد شنو على الإسلام السياسي عشان يردد الفكرة دي. لكن يا بشاشا كتر خير الحركة الشعبية و الصدمة الكهربائية البتعمل فيها و بتخلي الناس يتكلموا برة من رأسم.

    عارف يا بشاشا و الونسة دي معاك إنت مخصوص ما داير زول إعترضها بالله و يكلفنا عناء رد ليو، تعرف في بوست آخر سألت ضابط الأمن عضو المنبر محمد حامد جمعة عن فتح المطاعم في نهار رمضان هذا العام و عكستا ليو إنو رمضان السنة دي في السودان وحشني جد، قام قال لي القصة دي ما جديدة لإنو في مكتب بتاع تنسيق للولايات الجنوبية جم داخلية تهراقا الكانت بتاعت ناس هندسة، من زمان بيقدم وجبات أثناء نهار رمضان، قلت ليو بالحيل ده أنا خابرو من زمن كنا طلبة لكن أنا كنت بسال سعادة الضابط عن أبو العباس و البربري بتاع السمك داك الكانو مقفلين لحدي رمضان السنة الفاتت ليه السنة دي فتحو؟؟. زولك هصين و قطعا في جوعو بتاع اليوم داك و لم يجاوب لكن أعتقد إن إجابتو هي لله هي لله. و برلاضو كتر خير الحركة الشعبية و حمرة العين الجنوبية.

    مرتضى جعفر

    (عدل بواسطة Murtada Gafar on 10-20-2005, 09:47 AM)

                   |Articles |News |مقالات |بيانات

10-20-2005, 09:49 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 12804

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: القلب النابض)

    Quote: ارض الله دي كلها احس انها حقتي والله خلقها لي وسخرها لي كأنسان ما قال للجلابة ولا لغير الجلابة والكلام دا بقولو ليك من منطلق توحيد . وكلام الجلابة والمفردة العكسها دا بلوا واشربوا مويتو مع التحول الجايي لصالح التوحيد . " ارض الله لعباد الله"


    القلب النابض



    كدا تمـــام
                   |Articles |News |مقالات |بيانات

10-20-2005, 09:52 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    ...




    أبداً يا صاحبي بشاشا،...
    إنت دا الشفت ووقع ليك؟ أها جاك كلامنا؟ ناس حميدة صاحبي ديل عروبيين طاخ طراخ، لا داسنَّها ولا خايفين منك، وإنت بتخليهم وبتجي تندرع فيّ أنا والمثقفين السودانيين، ما نعرف نحاحيهم هم وألا نحاحيك إنت، يعني نحن بيناتنا في حرب يا بشاشا وألا في أي حاجة مما ترمينا به؟ بالذمة كدي؟ ما شايف كتابتي هنا عن كل موقف ممكن يفضحني ككاتب وكمفكر وكإنسان؟
    اللاعنصرية بالنسبة للفنان يا بشاشا ضرورة فنيَّة قبل أي شيء آخر، ما عنصري بتقدر تشوف أكتر وتفهم أكتر وتحب أكتر وتآخي أكتر وبالمجمل تعيش أكتر،..
    أنا شخصياً يمكنك مراجعة بوستاتي كلها، لتعرفي رأيي الواضح في العرب والعروبيين، والإسلاميين، ومن ارتضى أمرهم،...
    يا بشاشا لو عندك لبع ألبع هنا، دا محل كويس خلاص لعكازك، لكن لمَّن تجي تكَبّنا أنا وحميدة من براد شاي واحد، دي يفهموها كيف؟ وياكلوها بشنو؟ بمحلبية؟ وألا الحل الدغري قصادها شنو، ندافع عن نفسنا وألا نخليك تطلعنا عروبيين وبلا قيمة زي الشباب ديل،..
    أنا شفت تعليقك في بوست المطالبة بعودة "محسن"، ومحطتك المحطها لصاحبي حميدة، اللهي السبب الخلاهو ينقل كلامي دا ويشمت فيك، وود الفاروق والطالب ومين ومين كلهم كانوا هناك، طيّب ماياها دي (الدقاليب) كانت متلمَّة في ترعة واحدة، وفاكرة إنو الكاكينج مات، ما تمشي عليها ودبزيك دا تسوي فيهم، ما أحسن؟ عرب-إسلام.. وبالواضح الما فاضح.. لا بكوسوهو بالسايكولوجي، ولا بفتشوهو افتراضاً في اللاوعي، وبالمناسبة عندي طلب زي ما بقولوا ناس الأغاني في الإذاعة، بالمرة كدي تسمعني صوت كرباج كرباجين علي القالت تشكيلية دي (نهال كَرَّار)، وكمان معاها جيفارا والثورة كالسنديان، شوف الخمج والانصياتة دي ساي، الأستاذة دي كلو ما لقت ليها ناس يصوتوا في قفاي، جابت مفراكتها وجات،....
    من الواجب يا بشاشا تمشي تعرِّف (نهال كَرَّار) دي بأستاذنا الجميل خالد كودي وبالتشكيل الثوري والحقيقي وأعلامه، وألا تجي تقول لي أنا، كأنما أدعو بدعوة جلابية وبدعوى الجاهلية؟ وكأني وليد صغيرون وألا بت بتلعب في التراب، بعد ما رأسي انقدَّ من الكتب والتأمل في الوجود والبرَّه الوجود،..
    يا بشاشا، كلام حميدة دا هنا، مفروض يصحيك ويلفتك إنت، مش أنا،..

    يا حبيبنا بشاشا أحسبها كويس، الكلام دا أنا قلتو زماااانك لأبو الريش، إنك لامن تندرع في زول وجهتو ياها وجهتك بتخربو الاتنين علي الوجهة بتاعتكم وبس، والموضوع ببقه شخصي، لا أكتر ولا أقل،..
    العسكري فرد نفر، والثوري الفيك دا ياها دي محلَّتو،..
    نحن دفاعنا عن الإنسان النوبي-الجنوبي-البجاوي – الفوراوي، وحتى الشمالي المظلوم، بنطلق من قلم غير مباشر، عبر إبداع، "كالو" و"سانتينو" و"أبانك" و"الأب الشيخ كُرَّا"، زي ما قلتلك بهناك، إنت صاحب القلم الثوري المباشر دا، دي مهمتك، عشان ما نصفك بالعطالة، والتجني،..
    يا بشاشا، نحن كلو يوم قاعدين نصحى زول جديد، فكيف نكون من الحَفَظة، الـ Care Takers البصحو وكلهم ذكريات دم وأوهام شرافة تافهة وقبلية بئيسة،..
    المسلَّمة الأساسية يا بشاشا التي جاءت بها الوجودية، هي أنَّ الوجود سابقٌ على الجوهر، إذن الجوهر الذي يلي تحقُّق الوجود بالنسبة للكائن، يختلف من كل كائن لآخر،..
    خلاصة الفكر الوجودي هي أنَّ كل كائن (إنسان) يختلف جوهره عن الآخر، فليس بوسعك أبداً أن تقول إنَّ كل الدناقلة أو الجعليين أو الكواهلة أو كذا وكذا، أنهم جلابة، أبداً، كل شخص من هؤلاء الناس يحتاج لمحضر خاص، يُتَعرَّف من خلاله على أنَّه "جلابي" كما تقول أم لا،....
    هذه هي الفكرة البسيطة عن العدالة يا بشاشا، قبل أن ندخل في تعقيدات الفلسفة وغيرها من المعارف،..
    حميدة وصحبه وصويحباته ليسوا إطلاق الجلابة يا بشاشا، وليسوا فضيلي جَمَّاع وبشرى الفاضل والموصلي وأسامة الخوَّاض وعجب الفيا ويحيى فضل الله!...

    وإنت يا حميدة ما تشمت شديييد كدي يا أخوي، ما بيناتنا والحبيب بشاشا الفاكرة إنت دا وفرحان بيها، أبداً، بل اختلافنا كلو على نوع المبيد المناسب لرشه عليك وعلى كل الزمبعورين والزمبعورات المعاك،..
    الدي دي تي، أم الروقل؟


    ..
                   |Articles |News |مقالات |بيانات

10-20-2005, 11:17 AM

نهال كرار

تاريخ التسجيل: 01-16-2005
مجموع المشاركات: 3326

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: محسن خالد)

    Quote: بالمرة كدي تسمعني صوت كرباج كرباجين علي القالت تشكيلية دي (نهال كَرَّار)


    والله دي ماقالت قبل كدا انها تشكيلية, ولا بتظهر بغير حقيقتها



    Quote: الأستاذة دي كلو ما لقت ليها ناس يصوتوا في قفاي، جابت مفراكتها وجات،....


    ودي كزبة تانية !!

    يا الناس تمدح فيك وانت تزداد غرورا في برج العاجي

    ياإما يبقوا مطاردين ليك لو قالوا كلام ما بعجبك!!!



    Quote: من الواجب يا بشاشا تمشي تعرِّف (نهال كَرَّار) دي بأستاذنا الجميل خالد كودي وبالتشكيل الثوري والحقيقي وأعلامه،


    لا بالله, انت ولا بشاشا حتعرفوني بخالد كودي وبالتشكيل !!!؟؟

    لو عاوز تهدي بشاشا وتخلص من إلحاحو في بوستك
    أسلوب زي دا مابنفع يا أديب يا ثوري
    ولا بشبه الأدباء الثوريين


    ونهال كرار ما بتعرف النفاق بتاعكم دا

    والكذب واستغلال المواقف!!
                   |Articles |News |مقالات |بيانات

10-20-2005, 01:45 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: نهال كرار)

    ...


    نهال كَرَّار،...

    إنت مش كاتبة إنك هوايتك الرَّسم في (البروفايل)!؟
    تشكيلية دي عملتها ليك أنا "مَكْرَمَة" يا نهال ومن باب "الأدب"، لأنو زيك دا وزي ما كاتبة في البروفايل، اسمو (رَسَّام)، مش زمااان في ضهر اللواري ناس بترسم قلب مشقوق وطاقيهو سهم، أو طيرة أم حنبرَّة ديك مطنقعة بالبطانة، وألا كمان في المطاعم المسكييينة برضو، بقوموا يرسموا ليك مَرَه سميينة، وشعراتها مسرّحات ضفاير لورا وبالجنبات وقدامها كانون جبنة، وجسمها دا كابي بهنا وبهنا للبنمبر، أها تتفرّج إنت في الرسم المعولق دا لامن بطنك تطم وما تقول لبتاع المطعم جيب زيادة عيش، ياهن ديل الما تشكيليين، الرسامين زي ما إنت كاتبة في البروفايل،..

    طَيِّب دي الكذبة الأولى انتهينا منها، والكذبة بكتبوها بالذال مش بالزاي، وبرِّدي نفسك، زعلانة مالك؟ ما كتبتِ كتييير في زول سعلك، وألا تاريها الكتابة التعرّضية بدون سبب دي حااارة، ودا موضوع الكضبة التانية مش كدي؟ يلا كدي أتفرجي دي كتابتك وألا كضب محسن خالد؟...

    بوست بنت الأحفاد:

    Quote: لماذا لا يفرض الإنسان رأيه وأدبه بأسلوب راقي محترم يصل للجميع, هل هذا الأسلوب صعب ومستحيل ؟؟؟
    وأمامكم الكثير من الأدباء الذين كسبوا الكثير من الشهرة والإحترام من دون أن يتبعوا أسلوب محسن خالد




    وفي نفس البوست، عاملة نقل لهذا الرابط:

    Quote: تواضع الخاتم و فضيلي ... أم فـرعـنة محسـن خـالد ؟



    زيي نقل الرابط دا طبعاً بوريك إنو مشكلتك مع محسن اتجاوزت كتابتو وبقت تؤمّل في النيل منه كشخص غير متواضع،..


    ودي زيادة خير منك في نفس البوست:

    Quote: قرأنا وقرأنا من كتب الأدب العربي وغير العربي
    من مختلف البلدان ومختلف الديانات

    ووالله كهذا "الأدب" لم أقرأ





    ودا بوست تجهيز تابوت للمغربية، jafar hashim:

    Quote: الأخ جعفر
    تحياتي

    أعذرهم ديل ناس عاشوا بره لمن نسوا روح السودانين
    نسوا الأصالة والقيم والأخلاق
    متذكر قصة الغراب ومشية الطاووس ؟؟
    لا قدر يمشي زي الطاووس ولا قدر يرجع لي مشيتو
    دا حالهم , لا لامين سودانين ولا لامين أجانب

    والغريبة أنهم بقارنوا هذه الرواية , بأشهر كتب الأدب العربي
    والله بقدر ماقريت كتب وروايات لأدباء من مختلف البلدان والديانات
    لم أقرأ كهذا "الأدب " !!!؟؟



    دحين إنت يا بتي ماك عايشة معانا في بَرَّه دي ذاتها، البتخرب الناس دي؟ معانا هنا إنت في أبوظبي دي، وألا معلومتي دي غلط وتصحيحيها لي!؟ دا مجرّد استفسار ما قطع شك؟

    ودا كلامك في بوست حميدة صاحبنا دا ذاتو، روايتي الاباحية رقم (1) .. لمن كنت صغير وبلعب عروس وعريس .. !!

    Quote: الأخ حميدة
    تحياتي

    المواضيع الإتكتبت كانت كلها لصالح الكاتب والرواية
    دعاية مجانية يعني

    وفي النهاية أي كلمة إتكتبت لنقد الرواية
    فسرها الأخ الكاتب هجوم لشخصه
    ممكن تقرا سخريته من كتابة من هاجموا روايته

    يعني من الآخر كدا هو ماممكن يتقبل أي كلمة توجه لكتاباته
    لأنه عايش في برجه العاجي
    وشايف الناس أقل من مستواه
    (ولم يعرفوا يكتبوا من غير أخطاء إملائية ,, بعد داك يجوا يتكلموا في أدب محسن خالد ) !!!!!!!

    بعد دا انت شايف أنو يستحق الدعاية من خلال بوستاتك؟؟؟



    ودا كلامك في البوست بتاع بكري أبوبكر، النزل فيهو خطاب الطيب مصطفى:

    Quote: وعن موضوع الرواية حقيقة لم أستطع أن أكملها
    لست أديبة ولا أنا في مقام النقد الأدبي
    ولكن كقارئة
    لم أرى هذه الكمية من البذاءات في أي رواية لأديب عربي أو أجنبي حتى
    إذا حوت أي رواية على بذاءات فهي دائما تكون قليلة وفي مواقف محددة
    ولكن في رواية محسن خالد تكاد لا تجد سطرين من دون بذاءة
    بحيث تتساءل ماهدف الرواية ؟؟



    ودا كلامك في بوست الأستاذ كمال عَبَّاس، الذي خَصَّصه للدفاع عن الحرية وكتابات محسن خالد نموذج:
    Quote: لو كنت تبحث عن إجابة لسألت من يدافعون عن الحكومة هنا فهم قلة
    ولكن هذه الجملة تعني كل من وقف ضد رواية محسن خالد
    وحقيقة يسعدني وبكل فخر أن أكون من "حراس الفضيلة" و " حماة القيم "
    في زمن أصبحت فيه الفضيلة والقيم شبه معدومه
    وهنا أقول كما أرفض ماجاء في رواية تيموليت أرفض ماجاء في النص الذي اقتبسته


    أسمعي يا نهال لسَّه عندك كلامات كتيييرة، وعن (محسن خالد)، كدا اقتنعتِ؟

    وهنا يا نهال دا آخر كلام ليك، الذي أملى عليّ أنَّ أوجّه إليك لفت النظر هذا، في بوست أحمد حنين البطالب فيهو بعودتي، وبتاريخ (خمسة يوم بس، لوراء) 15 -7 -2005م

    Quote: أعترف بذكائك الحاد يا محسن خالد

    كنت أؤمن بالمثل الذي يقول ضربني وبكى سبقني واشتكى
    وكنت أتوقع تطبيق لهذا المثل بعد النقاش الحاد بينك وبين الأخ محمد سبيل في بوستك الأخير
    ولكن لم أتخيل أن يصبح الشق الثاني هنا ( سبقني وعمل شهيد )




    أها يا نهال نعيد التساؤل، مرة تانية..... ديل كم بوست؟ وديل كم كورجة ولَمَّة بتاعة ناس لقيتيها تصوت في ضهر محسن خالد، وقمت إنت جبتِ مفراكتك وجيتي؟

    أنا لا أنطقُ عن الهوى يا بتي، بعدين عندي ذاكرة مجنونة، الكتاب كلو بقراهو مرة واحدة بس وفي ليلة واحدة بس، وبكبوا في نافوخي للأبد،..

    الانترنت دا مشكلتو يا نهال بتي بوري منو الكضاب بسرعة شديدة خلاص، هَسَّع اقتنعت إنك فعلاً كتبتِ قبل كدا، وفي كم محل بالعداء ضدي، وإنك إنت الكضابة مش أنا، وألا ح تغالطي وتكضبي من جديد كحال كل السودانيين المتأودبين والمتقنّعين والكضابين؟

    والله يا نهال الكضب دا يحرسكم إنتو مدعين التدين ديل بُكرةً وأصيلا،..
    يا بتي أنا الكضب أسوي بيهو شنو؟ أنا ما مغروض فيهو أبداً، أنا سفيه وقليل أدب وصعلوك وغير متدين وووو وكل كلامكم القاعدين تكتبوهو عني دا، وقصصي القاعد أكتبها أنا براي زيادة خير مني ليكم، شوفي أقوليك، لو في زول واحد في البورد دا، ما محتاج للكضب ولا الأقنعة، ياهو أنا دا، أما الأقنعة والكضب فتبدأ منك ولآخر كاتب كضّاب ومتقنِّع معاك في البورد دا،..
    وتاني ما تشتمي، أنا حربي معاكم باختصار هي حرب الكضب والصح، والله الدمبعلو والله الجميل،..

    بعدين ما تفتكري إني حاقد عليك، أبداً، أنا ما بعرف العواطف القبيحة دي عشان خاطر روحي أولاً، العواطف الزي دي بتقَلِّل من كفاءة البشري وقدراتو وجمالو، أنا بس أوليتك اهتمام عشان كاتبة إنك رسّامة، فاتمنيتك تكوني "بت ريشة ولون" وأجمل من كدا مع فَنَّان زميل وود كار واحد،..


    بعدين يخصي عليك يا نهال، تقري لناس الطيب صالح وصاحبي خالد عويس، وأنا ما تقري لي، ما غظتيني شديد يا بتي، هَسَّع ماشي الدكتور،..


    ...
                   |Articles |News |مقالات |بيانات

10-20-2005, 03:29 PM

نهال كرار

تاريخ التسجيل: 01-16-2005
مجموع المشاركات: 3326

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: محسن خالد)

    Quote: لأنو زيك دا وزي ما كاتبة في البروفايل، اسمو (رَسَّام)، مش زمااان في ضهر اللواري ناس بترسم قلب مشقوق وطاقيهو سهم، أو طيرة أم حنبرَّة ديك مطنقعة بالبطانة، وألا كمان في المطاعم المسكييينة برضو، بقوموا يرسموا ليك مَرَه سميينة، وشعراتها مسرّحات ضفاير لورا وبالجنبات وقدامها كانون جبنة، وجسمها دا كابي بهنا وبهنا للبنمبر، أها تتفرّج إنت في الرسم المعولق دا لامن بطنك تطم وما تقول لبتاع المطعم جيب زيادة عيش، ياهن ديل الما تشكيليين، الرسامين زي ما إنت كاتبة في البروفايل،..


    بالضبط كدا, وزي الناس البتجي تكتب رواية زي روايات المراهقين المالية السوق , البتعتمد على العناويين المثيرة , وبقولوا عن نفسهم أدباء!!

    Quote: طَيِّب دي الكذبة الأولى انتهينا منها، والكذبة بكتبوها بالذال مش بالزاي،


    والله دي حالة , حتى في الكلام العامي دروس وتنظيرات
    طيب التصحيحات اللغوية دي ما تخليها للأدباء




    Quote: وبرِّدي نفسك، زعلانة مالك؟ ما كتبتِ كتييير في زول سعلك، وألا تاريها الكتابة التعرّضية بدون سبب دي حااارة،


    والله ضحكتني

    Quote: أنا لا أنطقُ عن الهوى يا بتي، بعدين عندي ذاكرة مجنونة، الكتاب كلو بقراهو مرة واحدة بس وفي ليلة واحدة بس، وبكبوا في نافوخي للأبد،


    أولا انت اثبت لي بأنو ذاكرتك دي بتشوف بعين واحدة , أو بتقطع نص الكلام لاإراديا


    Quote: وتاني ما تشتمي،


    أها دي نقول عنها شنو , ما كضبه ؟؟؟!! يازول أسأل أي زول هنا نهال كرار دي حصل شتمت ليها زول
    ولا هو زاتو الهجوم على روايتك شتم ليك؟؟




    طيب مادام تعبت وفتشت مداخلاتي بخصوص الموضوع دا كلو
    طيب ماشفت دي ليه وهي أول مداخلة في الموضوع دا



    Quote: لكن هنا الوضع مختلف
    لم يقدم أي نقد بمعنى الكلمه
    هذا الرجل لم يحترم لا الكاتب ولا حتى القراء
    وصفه بالفاجر ووصف القراء بالحمقى
    وتماديه هنا


    Quote: إلى كل هؤلاء وأولئك: لن نكف قلمنا -أبداً- عن كل الفاجرين والفاجرات، سنُحرِّض عليهم الدنيا، كل الدنيا،


    مرفقا بالتهديد

    تجاوز حدوده ليسيئ للأخرين بصورة شخصية
    نسي أنه كصحفي عليه أن يقدم نقده بأسلوب منطقي ومحترم, من دون التعدي على القراء وإحترام آراءهم وأذواقهم في الإعجاب بهذا النص أو ذاك
    ولكن يبدو أنه لا يحمل اي منطق أو إحترام



    وقطعت نص المداخلة دي


    Quote: أعتقد بأن الطيب مصطفى وضح وجهة نظره باسلوب محترم وبعيد عن الشتم والتعدي على الآخرين كما بدر من الهندي

    في رأي كل انسان يحاسب على ما يكتبه

    وعن موضوع الرواية حقيقة لم أستطع أن أكملها
    لست أديبة ولا أنا في مقام النقد الأدبي
    ولكن كقارئة
    لم أرى هذه الكمية من البذاءات في أي رواية لأديب عربي أو أجنبي حتى
    إذا حوت أي رواية على بذاءات فهي دائما تكون قليلة وفي مواقف محددة
    ولكن في رواية محسن خالد تكاد لا تجد سطرين من دون بذاءة
    بحيث تتساءل ماهدف الرواية ؟؟

    شتان مابين رواياته وروايات الأدباء السودانيين

    مع إحترامي للكاتب و لوجهة نظر القراء الذين أبدوا إعجابهم بهذه الرواية

    محسن خالد يحمل قلم جميل وهذا ما يتضح في بعض سطور روايته
    ولكن للأسف أسلوبه منفر , مقزز في الكثير من الأحيان

    الأديب هو الذي يستطيع أن يصل بأسلوبه الى القراء كافة


    شتمتك ؟؟ أسأت ليك ؟؟

    مداخلاتي التانية كانت ضد كل من هاجم رأيي وهاجم رأي الآخرين في الرواية



    Quote: وبالرغم من أن سؤالك يشكك في موقفنا ضد الرواية
    وكأنك تقول لماذا نسكت عن هذا ونقف ضد ذاك
    وكأن الموقف شخصي , وكأننا نعادي محسن شخصيا لذلك نقف ضده !!!؟؟


    كما أن ما أرفقته لم يكتب في البورد لكي نقرأه فكيف لنا أن نعرف حتى نسكت أو نتكلم ؟؟

    لسنا ضد محسن ولم يمنعه أحد من الكتابة
    رأينا في روايته لا يعني أننا نحاربه أو نعاديه
    ورأينا في روايته لا علاقة له برأي وموقف الطيب أو غيره



    Quote: وهذا ما أتمناه, وماأتمنى أن يدركه الآخرين
    وليسألوا أنفسهم
    لماذا لم ننتقد أعمال محسن خالد الأخرى ؟؟!


    Quote: دحين إنت يا بتي ماك عايشة معانا في بَرَّه دي ذاتها، البتخرب الناس دي؟ معانا هنا إنت في أبوظبي دي، وألا معلومتي دي غلط وتصحيحيها لي!؟ دا مجرّد استفسار ما قطع شك؟



    وبرضو اتعاميت من دي

    Quote: قلت ( لم أقصد التعميم )
    أنا أتحدث عن فئة محددة
    وكيف لي أن أعمم وأنا نفسي غير مقيمه في السودان ؟؟؟؟


    Quote: عندما انتقد الهندي الرواية والكاتب والقراء , اعترضت
    قلت ليس من حقه أن ينعته بالفاجر وليس من حقه أن يصف القراء بالحمقى
    وعندما اعترضت على الرواية بحد ذاتهامع احترام آراء الآخرين ...تفاجأت
    يا أستاذ كمال يا ريت لو تلقي نظرة على مايكتبون
    طلعنا أناس أصحاب عقول خربة , ونعاني من كبت , ولا نهتم سوى بما حملته الرواية من قرف
    طلعنا أصحاب عقول مريضة وجهلة ومتخلفين
    لمجرد أن الرواية ماعجبتنا
    كيييف الله يقدرنا وننتقد الرواية !!! بقت قرآن منزل!!!

    ليه يا أستاذ كمال ما قلت لاي شخص منهم " حكمك السابق غير علمي لتعسفه ولجزافيته " !!!
    ؟؟



    دا يوضح لي شنو يا محسن خالد !!! عاوز تفهم غيرك أنو نهال دي جااات كدا طايرة وهاجمتني طوالي

    الواحد لمن يكون عاوز ينقل الحقيقة زي ماهي بيتحرى الصدق في البنقلوا
    بينقل بأمانة , ينقل وجهة نظر الشخص كاملة ومن كل الجهات

    أغلب ما اقتبسه , هو رأيي في روايتك

    وماكنت عارفه وقتها أنك مابتتقبل رأي الناس في البتكتبو
    جيت سيادك وهاجمت الجميع في بوستاتك

    كل من انتقد روايتك , وسخرت من الأخطاء الإملائية لمن انتقدوا روايتك
    لأنك ببساطة ما قادر تتخيل انو قارئ عادي ينتقد روايتك او يقول انو ماليها علاقة بالأدب

    فجأة بقى كل شخص رافض للرواية عدو لمحسن خالد ومطارد له!! وشاتم له كمان

    في بوست حميدة ردي جاء بعد هجومك انت على منتقديك

    ويكفي انو أي شخص يقرا بداية مداخلاتي في الموضوع دا وآخرها علشان يعرف التبدل الحصل

    Quote: زيي نقل الرابط دا طبعاً بوريك إنو مشكلتك مع محسن اتجاوزت كتابتو وبقت تؤمّل في النيل منه كشخص غير متواضع،


    شفت كيف , بقت النيل منو !!, مش رفض أو استهجان لموقفه وهجومه وسخريته من منتقديه
    دا اسميه شنو ؟؟ ماغرور ولا تكبر

    مسألة العداوة والنيل من الآخرين, ما أنا البعادي ناس مابعرفهم ومابجمعني بيهم سوى شاشة الكمبيوتر ولا أنا البفكر في النيل منهم !!!

    ولو كنت فسرت مداخلاتي عدواة أو حقد عليك !!, فأول عضوين هنا كانوا المفروض يفسروا مش مداخلاتي بس ( شكلي معاهم ) عداوة ليهم (ومحاولة للنيل منهم ) هم بشاشا ومحمد سليمان
    وتأكد رغم كل خلافاتي معاهم وحدة الكلام , اول أتنين بقرا ليهم بوستاتهم
    ومابتخيل البورد من دون مشاركاتهم, رغم الأسطوانة المشروخة المكررة لكل منهما
    والبرغم من خلافاتي معاهم ما حصل فسر واحد فيهم خلافاتي دي ملاحقة وعداوة أو حقد له أو قال (جابت مفراكتهاوجات ) !!! ولا حصل واحد فيهم قال للتاني سمعني صوت كرباج كرباجين على نهال !!


    وقبل ما تقول بطنك طمت وانو المطاردين والمطاردات زهجوك وحتسيب البورد بسببهم
    أنا ما ممكن أديك فرصة تانية تعلق فينيا قرارات بتتحملها انت براك

    ما حكتب سطر تاني عنك او عن رواياتك


    وبعد دا شوف ليك حجة تانية

    (عدل بواسطة نهال كرار on 10-20-2005, 03:41 PM)

                   |Articles |News |مقالات |بيانات

10-20-2005, 09:36 AM

Bashasha
<aBashasha
تاريخ التسجيل: 10-08-2003
مجموع المشاركات: 17278

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    Quote: والكلام دا بقولو ليك من منطلق توحيد


    الاخت القلب النابض،

    وينو بوستك بعنوان:

    ضد عروبة السودان البطيخية!

    بعدين ياريتك لوما جبتي سيرة التوحيد!

    ناس الترابي او علي عثمان قالو، بقولو ذي كلامك ده، او كلنا شفنا معاني التوحيد تتنزل في شكل محارق تطهير عرقي، واغتصاب للمسلمات المحصنات، او رايات الشريعة ترفرف!

    عشان كده من تجربتنا في السودان او في المنبر ده، اعلي الاصوات نبحا بالتوحيد، هي اكثرها عنصرية علي الاطلاق!
                   |Articles |News |مقالات |بيانات

10-20-2005, 09:57 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    اولا ما عندي شغلة بي علي عثمان والناس العاملين لكم هوس ديل كلهم يحرقوا يغرقوا ما قضيتي. لك الذي عندي هو قناعاتي انني اومن بان الارض هذه الله خلقا وسخرها للناس لكل الناس يعني تاني ما تجيني تناقشني بمسائل الجلابة ولا غيرهم.لن تجدني يوا اصيح انصروا البيض او انصروا السود ولا غيره . دا بطيخ انا مابشتريه ولا بيدخل سوقي ولا بدخل سوقه.

    كل الذي عندي انني اؤمن بأن الارض كلها للناس كلهم متساوون فيها والله كفيل برزقهم مؤمنهم وكافرهم . والوانهم كلها. واحس اني انتمي اليها كلها وتتساوي عندي كلها.

    دي قناعاتي .. ولو بقت قناعات حسن الترابي ولا محمود محمد طه ولا ارسيل لوبي.ولن ارد لانه ليس عندي اكثر من هذا ويبقى الباقي لت وعجن.
    نطحن الطحين وندخلوا الطاحونة تاني.


                   |Articles |News |مقالات |بيانات

10-20-2005, 10:14 AM

Kostawi
<aKostawi
تاريخ التسجيل: 02-04-2002
مجموع المشاركات: 35241

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    محسن و بشاشا
    الإتنين عدوهم واحد.
    لكن اليوم داك محسن لبسلو عقال سعودي ولكن نسا يكلم زميله بشاشا إنو ليه لبس العقال.

    يا بشاشا...محسن عايز يبتكر ليه لبسة ليوم التنكر المخيف
    البقولولو ال Halloween



    و كل هلوين و أنتم بخير
                   |Articles |News |مقالات |بيانات

10-20-2005, 10:33 AM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Kostawi)

    Quote: Quote: لأني ما مؤمن أصلاً بالهوية، ولا بالوطن، فهمت كيف؟ لا بعرب ولا حتى بأفريقيا، ولا بأي هبالة ومضيعة للزمن، هوية الكائن هي مصيرو علي الدوام، اللهو الموت، إذن مافي داعي للهوية ولا للأوطان، دي كلها أوهام وفارغة، وأنا بدعو لحاجة اسمها الإنسان (المَجَرِّي) من مَجَرَّة، إنسان تعريفو الإنسان وبس، تجدعو في المريخ برضو بعيش، فهل هناك ما يضحك أكتر من البطاقة البشيلها الزول في جيبو، ولامن يسألوه في الش


    اغرب شي ان حديث الاخ محسن خالد حول هذا الامر استمعت اليه في محاضرة للدكتور الترابي في النصف الاول من التسعينات والتي قدم فيها حديثا مستفيضا حول مفهوم المواطنة , وتناول التقسيم الجغرافي للبلدان وانسانية الانسان وادميته وعلاقته بالارض, وعلق عى الجنسية او البطاقة او جواز السفر عبارة عن وثيقة اقتضتها ظروف , التنظيم لحركة البشر
    ولكنها ابدا لا يجب ان تعني انك محصور ومحاصر في رقعة جغرافية انتماء وولاء ولكن الانتماء والولاء يكون للانسان , الامة .
    هذا باختصار ما تذكرته ولكن كلام الاخ محسن ذكرني هذا الحديث بتفاصيله فياربى ثقافة الترابى محسنية ولا ثقافة محسن ترابية انى اتعجب بحق وحقيقة.
                   |Articles |News |مقالات |بيانات

10-20-2005, 10:22 AM

Bashasha
<aBashasha
تاريخ التسجيل: 10-08-2003
مجموع المشاركات: 17278

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    الاخت العزيزة،

    لوما عندك شغلة بي ناس علي عثمان، دعاة التوحيد ذيك، احنا عندنا، والضاق عض الدبيب بخاف من مجر الحبل! اعذرينا!

    نرجع لي موضوع التوحيد والبطيخ:

    وبماانك انسانة موحدة، او ضد التمييز، مؤمنة بي فلسفة اخونا محسن عن الانسان "المجري" كما قال، ليه ماسمعنا صوتك عاليا ضد التمييز والتطهير العرقي، في بلدك السودان، ياعزيزة؟

    ليه فجاة حساسيتك ضد الهوية ارتفعت، لمان جا رفضنا للعروبة كهوية للسودان؟

    ياريت تجاوبي علي السؤالين ديل، واكون شاكر او مقدر.
                   |Articles |News |مقالات |بيانات

10-20-2005, 10:46 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    Quote: لأني ما مؤمن أصلاً بالهوية، ولا بالوطن


    والله الكلام دا لو قالو زول غير محسن خالد كان واطاتو أصبحت
    وكان اتشتم لامن يعرف حاجة.. انت ما وطني، وانت ما منتمي
    وانت.. فعلتك.. وانت تركتك..
    لكين دا ما الود الفِتك.. المقطع الكلام.. واللسانو فلغة..
    في زول بيقدر ينضم معاهو!!.

    بالعكس.. يتلقي هسي جماعة كتار يفكرو في الموضوع دا بجدية
    وعايزين يبقو كلهم (مخلوقات مجريّة).. لا أهل لا وطن لا بلد
    لا سجم لا رماد..

    .. عفيت منك آود اعمي.. زي ما قال حميدة..!!
                   |Articles |News |مقالات |بيانات

10-20-2005, 10:41 AM

ahmed haneen
<aahmed haneen
تاريخ التسجيل: 11-19-2003
مجموع المشاركات: 7968

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    Quote: وإنت يا حميدة ما تشمت شديييد كدي يا أخوي، ما بيناتنا والحبيب بشاشا الفاكرة إنت دا وفرحان بيها، أبداً، بل اختلافنا كلو على نوع المبيد المناسب لرشه عليك وعلى كل الزمبعورين والزمبعورات المعاك،..
    الدي دي تي، أم الروقل؟



    ما قلنا ليك يا حميدة روووووق
                   |Articles |News |مقالات |بيانات

10-20-2005, 11:16 AM

Bashasha
<aBashasha
تاريخ التسجيل: 10-08-2003
مجموع المشاركات: 17278

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    الصديق محسن،

    صدقني ممكن نكون اصحاب لدرجة!

    بالذات انك رعواتي ومساواتي ذي اخوك بشاشا، القضي صباه راعي بهم في دنقلا!

    نبدا بالشمار:

    هو بالله نهال كرار تشكيلية؟

    ماكت عارف كده.

    العارفو انها بتحب مزيكة واحد من الشوام اسمو، مين كده خليفة لااذكر!

    اخوك زول طمبور او مديح او غنا بنات ساكت!

    نجي لي موضوعنا:

    انت فعلا مكبوب من براد واحد مع ناس حميدة والقلب النابض، وفي رواية اخري الترابي ذاتو، بي ذي نضميك عن الهوية ده، والدليل الخيط ده!

    كلامكم وقع لي بعوض ملاريا الاسلام السياسي بارد، في البرد ده!

    حاشا ياحبيب مافي زول قال عليك عنصري، وان كنت جلابي في عقلك الباطن. كلامي ده ماتزعل منو او فكر فيهو، او ده القاسم المشترك بينك او بين جماعة اليمين الجلابية.

    ياخي انا ذاتي جلابي في لاشعوري، والفرق بيني او بينك، اني وعيت للحتة دي، اوبحاول بكل مااوتيت من قوة احرر نفسي او عقلي وابقي سوداني بالصح، انتمي للمليون ميل، بل لقارتي السوداء كلها.

    كلامك عن الهوية، كلام مثالي او شاطح مرة واحدة.

    اوهو ذي ماشايف الجماعة ماصدقو او انت المسؤول!
                   |Articles |News |مقالات |بيانات

10-20-2005, 01:08 PM

نهال كرار

تاريخ التسجيل: 01-16-2005
مجموع المشاركات: 3326

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    Quote: هو بالله نهال كرار تشكيلية؟

    ماكت عارف كده.


    شفت بالله يا بشاشا !! علشان قلت بحب أشخبط وبحب التشكيل وبخطو أول خطوة في معهد الفنون طلعت تشكيلية مرة واحدة كدا!!

    Quote: العارفو انها بتحب مزيكة واحد من الشوام اسمو، مين كده خليفة لااذكر!


    اسمو مارسيل خليفة يا بشاشا , وقبل ما تجي تسمعني الأسطوانة الجيت خربتلي بيها بوست ( مين كده خليفة ) دا
    أنا بقول ليك متذكره الأسطوانة دي وحفظاها , وممكن أسمعها ليك غيبا


    وأضف على المزيكا أدب الطيب صالح ويحيى فضل الله وبشرى الفاضل وخالد عويس الأدباء البحق وحقيقة, مش العاملين فيها أدباء!!
                   |Articles |News |مقالات |بيانات

10-20-2005, 01:16 PM

هاشم نوريت
<aهاشم نوريت
تاريخ التسجيل: 03-23-2004
مجموع المشاركات: 13621

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: نهال كرار)

    حميدا
    دبايوا
    متى نخرج من هذا عربى وذاك افريقى .
                   |Articles |News |مقالات |بيانات

10-20-2005, 01:34 PM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8853

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    Quote: الغو عروبة السودان او شيلو الشريعة برة، والجلابة برة، بعد داك نسمع
    منكم عن البطيخ!




    يابشاشا اكتر الناس البتكتب هنا دي و(انت عارف كويس جدا) انها سافرت ولفت وضاقت معنى
    عنصريه شنو.... رووووق زي حميده كمان..ارحمنا وارحم نفسك..بي كلامك المشروخ ده انت ما بتثقف
    ككو! بالإضافه الى أنك بتهدر وقتناو حبرنا ده (حبر الغبش المشرده ديل) ووقتهم في عبث وخطل
    ومعارك بلا معترك...الناس دي أكترها اتخلصت من العقد الموجوده في شعورك أو لا شعورك ده
    (شعرك بال تحتو يابشوش )

    عايزنا نقول ليـــك بشاشا X ?
    حااااااااااضر

    وكان بقيت داير بشاشا بيكو وللا لوثر كنغ برضو حااااااااضرين

    بس عليك الله دعنا من نرجسيتك وتشويه القضايا وتنفير الناس منها وبطل استعلاء على البشر

    يااااا بشر!
                   |Articles |News |مقالات |بيانات

10-21-2005, 11:55 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: Bashasha)

    ..



    يا صاحبي بشاشا،..
    يا جلابي ما تبطل المسخة بتاعتك دي، أو كمان بطّل الخفّة،،
    Don’t take such matters lightly

    وما تجري وراء كلام شيخ الكيزان بوديك للتعرُّب الإسلامي، بس هو الترابي بدعو لهوية عالمية يا بشاشا، بدع بدع بدع يا قول بنات حلّتنا، ووالله عال، طيّب المشكلة معاهو شنو يا بشاشا، العربستان والإسلاميستان الجابن شنو إذن والجابن منو إذن؟
    الكلام القلتو ليك أنا دا، دا كلام هايدغر زعيم وجوديي ألمانيا، وسورين كير كيغارد زعيم وجوديي الدنمارك وسارتر زعيم وجوديي فرنسا،..
    لو طلع كلامي دا، وكلام الرجال ديل ياهو بتاع الترابي والعربستان والإسلامستان، أمانة أوروبا ما اتملت كيزان،..
    إنت يا بشاشا ضهبان يعني من الترابي دعوتو شنو، تعال أقعد في الواطـة نوريك،..
    الترابي بدعوا لحاجة اسمها (الإبراهيمية) يعني لو وسعها شوية وقال (الآدمية) ما كان بتكون معاهو مشكلة، الداهية أو الشفتنة بتاعتو إنو داير يرجع لأولاد إبراهيم (إسماعيل) جد العرب، و(إسحق) جد اليهود، فهمت كيف؟
    يعني شنو؟ يعني بلفَّة تانية الإسلام واليهودية، لأنو دي صواميل الدنيا الممكن هم يسرقوها كلها هنا، أما المسيحية فهم أكلوا فيها ذنبة واضربوا فيها خازوق من الناحية العرقية، قولي ليه؟ لأنو ورثتها أخطر حضارتين كانوا، اللهما (الإغريقية) و(الرومانية) شفته اللعب كيف والتفكيك كيف؟
    عشان كدي المسيحية يصعب التحكّم فيها، أما النصوص الإسلامية واليهودية، فلا زالت نصوص تتراوح في حلوق ونطق الناطقين بديانتهم ولغتهم في آن واحد،..
    الترابي دا ما شفت عجوووز، إنت قايلو هيّن؟
    يا بشاشا، بَطِّل الخفة، والجري وراء أي كلام بس المهم إنو ضد الزول البتحاجج فيهو، الترابي الليلة مكاواة بس لمحسن بقه يدعو لمذهب عالمي وألا (لا هوية)؟ يعني ضهبان منو الترابي إنت؟ هوية الكائن يا بشاشا هي مصيرو، وأي قانون تعملو للتعايش البشري داخل السودان لا بد أن يحمل مضامين صلاحيتو لكل مكان، وإلا فهو ميّت بالضرورة،...
    لو قسمتها السودان لجلابة وما جلابة، أها بتمرق بره إنت بتكون شنو، والناس الأغراب بكونوا شنو؟ ولو جوك ناس من بره يكونو شنو؟
    بعدين تاني يبقه الزعل من الألمان والنازية ليه؟ ما هوية حقتن، إنت أرجل منهم، وألا أحسن منهم، وكذلك الفاشيست، ما برضها هويتن، الهوية لن تبيحها لنفسك وتحرّمها على الآخرين،..
    الهوية بالضرورة بتقود للعنصرية، لكن الإنسان ياهو الإنسان، ولامن تكون هويتك الإنسان زي ما بتقرر الوجودية، بتبقه ياها هويتك الإنسان، وكمان غيرك برضو هويتو الإنسان، مافي زول أقلَّ من زول ولا في زول أكتر من زول، الهوية لن تبيحها لنفسك وتحرّمها على الآخرين،..
    الهوية يجب أن تحرّمها على نفسك وعلى الآخرين، عالم جديد يُبنَى بناءً على الحقوق والواجبات، ويصلح لأي بشري بالإطلاق، هو منو؟ أهلو منو؟ بلد شنو؟ لون شنو؟ دينو شنو؟ حبيبتو منو، دا كلو كلام فاضي، بشري والسلام،..


    ..
                   |Articles |News |مقالات |بيانات

10-20-2005, 04:27 PM

ماجد حسون
<aماجد حسون
تاريخ التسجيل: 01-18-2005
مجموع المشاركات: 1384

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    نحن دفاعنا عن الإنسان النوبي-الجنوبي-البجاوي – الفوراوي، وحتى الشمالي المظلوم،[/U]
    حتى الشمالى
    يعنى زى لمن تكون زعلان شديد من زول وتقول الناس كلها معزومة عندى حتى فلان
    ه\ا ما يسمى الاسقاط العنصرى
    وبعدين لاحظ كلمة المظلوم الملحقة والتى اضافها فقط لكلمة الشمالى وكانما يقصد ان كل السودان يستحق دفاعه النبيل بالاضافة الى الانسان الشمالى ا\ا كان مظلوما
    وقال شنو موقف الاديب من العنصرية يجب ان يكون واضحا
    يبدو ان مثقفينا يحتاجون لتعريف العنصرية ل\واتهم
    بالمناسبة مداخلتى ما ليها علاقة براى فى كتاباتك
                   |Articles |News |مقالات |بيانات

10-20-2005, 05:12 PM

haider osman

تاريخ التسجيل: 07-27-2005
مجموع المشاركات: 1310

للتواصل معنا

FaceBook
تويتر Twitter
YouTube

كيف احذف مداخلة من بوستى

... (Re: humida)

    سلام للجميع ....
    رمضان كريم.........

    ورد فى صحف الاسبوع الجارى ان
    السودان اكثر الدول العربية فسادا........

    لا ثم لا .......هناك دول عربية اكثر فسادا من السودان
    الفرق انهم بعرفوه كيف ومتى ينشروا غسيلهم
    نحن ما بنعرف كيف ومتى ننشر غسيلينا...

    الموضوع ده مش خارج الموضوع ده لب الموضوع

    وحافظوا على اصيص الريحان من *** ان ينكسر ...
    وتفوح روائح فساد اخرى فى ادبنا وادبائنا
    الذين لم تلد الامة العربية مثلهم ولن تلد..

    هل اعدمت قصائد نزار قبانى ..بل تغنت بناتنا وراء من تغنوا بقصائده

    (عدل بواسطة haider osman on 10-20-2005, 05:14 PM)

                   |Articles |News |مقالات |بيانات

10-21-2005, 01:15 PM

haider osman

تاريخ التسجيل: 07-27-2005
مجموع المشاركات: 1310

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    سلام للجميع ....
    رمضان كريم.........

    ورد فى صحف الاسبوع الجارى ان
    السودان اكثر الدول العربية فسادا........

    لا ثم لا .......هناك دول عربية اكثر فسادا من السودان
    الفرق انهم بعرفوه كيف ومتى ينشروا غسيلهم
    نحن ما بنعرف كيف ومتى ننشر غسيلينا...

    الموضوع ده مش خارج الموضوع ده لب الموضوع

    وحافظوا على اصيص الريحان من *** ان ينكسر ...
    وتفوح روائح فساد اخرى فى ادبنا وادبائنا
    الذين لم تلد الامة العربية مثلهم ولن تلد..

    هل اعدمت قصائد نزار قبانى ..بل تغنت بناتنا وراء من تغنوا بقصائده
                   |Articles |News |مقالات |بيانات

10-22-2005, 01:13 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: haider osman)

    Quote: .. عفيت منك آود اعمي.. زي ما قال حميدة..!!


    الاستاذ عبد الله عقيد ..
    عارف يا سيدي محسن خالد اصبح محصن من النقد ..
    ممكن يقول اي حاجة .. يرميها .. وتتكفل فرقة المطبلاتية بالزود عنها ..
    دا نوع من الذكاء .. البعجبني في محسن ..
    راجل مفتح .. وعرف يسوق نفسه تماما ..
    سواء بتبني نظرية الخلعة .. ( وه وه جيتك )
    أو الشوت الضفاري .. وتصبح التصريجة نوع من الفن الكروي ..
    ما الناس زاتها ملت .. وكرهت الدوري الانجليزي زاتو ..

    كلام الهوية .. والانتماء .. ونموت نموت ويحيى الوطن ..
    مسحو محسن خالد بأستيكة .. وفك ليك المناضلين ديل كلهم في السهلة ..
    تعال يا حميده السجم .. ردد الكلام بتاع الاستاذ ..
    تاخد تلاتين عكاز فوق راسك .. لانه الكلام سمح في خشم سيدو .. !
    وكلام الاستاذ محسن .. دايما شربات ..

    في النهاية .. بقول الاستاذ ..
    اتحاد محسن بشاشا قروب .. قائم علي ابادة حميده

    ياخي امشي شوف ليك شغلة ..
    أو في أحسن الظروف ..
    قووووووم بول .. !
                   |Articles |News |مقالات |بيانات

10-23-2005, 11:58 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    Quote: في النهاية .. بقول الاستاذ ..
    اتحاد محسن بشاشا قروب .. قائم علي ابادة حميده


    يا خوي الجماعة اتصلحوا وقبلو عليك شيل شيلتك..

    غايتو أول مرة اشوف بشاشا يسلم علي زول في مداخلاته
    وكمان يقول ليهو (الصديق....)
    هيع .. عافي منك.. آ ود اعمي الجعلي العباسي الضكر محسن خالد.
                   |Articles |News |مقالات |بيانات

10-24-2005, 12:47 PM

Badri
<aBadri
تاريخ التسجيل: 11-16-2002
مجموع المشاركات: 766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عافي منـــك يا محسن خالد .. (Re: humida)

    Quote: وإنت يا حميدة ما تشمت شديييد كدي يا أخوي، ما بيناتنا والحبيب بشاشا الفاكرة إنت دا وفرحان بيها، أبداً، بل اختلافنا كلو على نوع المبيد المناسب لرشه عليك وعلى كل الزمبعورين والزمبعورات المعاك،..
    الدي دي تي، أم الروقل؟

    زمبعورين دي شنو يا محسن؟؟ وكيف تتكاثر الزمبعارين؟؟

    Quote: لأني ما مؤمن أصلاً بالهوية، ولا بالوطن، فهمت كيف؟ لا بعرب ولا حتى بأفريقيا، ولا بأي هبالة ومضيعة للزمن، هوية الكائن هي مصيرو علي الدوام، اللهو الموت، إذن مافي داعي للهوية ولا للأوطان، دي كلها أوهام وفارغة، وأنا بدعو لحاجة اسمها الإنسان (المَجَرِّي) من مَجَرَّة، إنسان تعريفو الإنسان وبس، تجدعو في المريخ برضو بعيش،


    معلومة بسيطة جداً و واقعية جداً ولكنها للأسف غائبة على الكثير من الناس و لا يريدون حتى مجرد التأمل و التدقيق في المعنى الحقيقي لحياة الإنسان
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de