ما زلت اختزل في ذاكرتي بعض ( مسلسلات الكرتون ) الي إلهمتني الخيال .. ما زالت أذكر ذلك الحب الدافئ بين ( عدنان ولينا ) .. وما زلت اذكر ( لون التوت ) الذي ميز ( ثوب لينا ) .. وكلما رأيت ( فستان احمر ) .. كنت اعرف فيه وجه لـ( لينا ) ..!!
06-11-2007, 12:22 PM
humida humida
تاريخ التسجيل: 11-06-2003
مجموع المشاركات: 9806
سامو يا ( كبير ) .. قلت لي ( ببيرو ) .. والله دا كان ( خيالي ) للطيش .. اتذكر مرة شفع ( حارتنا ) كانوا متابعين ليهم ( قمرية ) .. لحدي ما ضاعوا .. شابكنها ليك ( النسر الذهبي .. النسر الذهبي ) .. !!
06-11-2007, 01:08 PM
humida humida
تاريخ التسجيل: 11-06-2003
مجموع المشاركات: 9806
من أجمل اجمل المسلسلات كانت ( جزيرة الكنز ) .. ما اتخيل لي يا ( سامو ) زول حضر ( جزيرة الكنز ) ما اضافت ليهو الكتير .. بتعلمك ( اسلوب حياة ) يعتمد عليه ..
06-11-2007, 01:21 PM
humida humida
تاريخ التسجيل: 11-06-2003
مجموع المشاركات: 9806
خالدة الغالية .. عارفة يا ستي .. بمجرد ما ظهر المسلسل بتاع ( ابطال الديجتيل ) .. المسلسلات الكرتونية بقى ما ليها طعم .. بتحس انه ( اطفال ) الزمن دا .. مشدودين واعصابهم مرهقة من كمية ( النطيط والالوان ) .. المسلسل كله عبارة عن ( حركات بهلوانية ) ..
مقارنة بالقديم .. مسلسل روائي .. مثل ( مسلسل ســالي ) .. المقتبس من رواية هندية اسمها ( الاميرة الصغيرة ) من أجمل القصص العالمية التي قدمت من خلال ( الكرتون ) ..
06-11-2007, 01:45 PM
humida humida
تاريخ التسجيل: 11-06-2003
مجموع المشاركات: 9806
من أشهر برامج الاطفال في ( العالم العربي ) .. برنامج ( افتح يا سمسم ) .. من انتاج ( دول مجلس التعاون الخليجي ) بالتعاون مع ( استديوهات نيويورك ) .. واتذكرت في حلقة استضافوا فيها المطرب ( صلاح ابن البادية ) .. وغني فيها اغنية ( بايخة ) .. !!
من اشهر شخصيات البرنامج ( الاستاذ قائد النعماني ) .. الذي قام بدور ( هشام ) ..
وشخصيات العرائس المقدمة من ( استديوهات نيويورك ) ومدبلجة بالعربية ..
( الاخوان بدر وانيس ) ..
واجمل شخصية .. شخصية ( الضفدع كامل ) ..
06-11-2007, 02:24 PM
samo samo
تاريخ التسجيل: 09-04-2002
مجموع المشاركات: 862
هاي عمو حميدة ياخي انتو قدام قُدم المسلسلات دي كانت في اجدادنا القدماء ولا شنو ... انا ما بعرف غير بوكيمون والمحقق كونان ماما زمان كانت بتحكي لي حاجة اسمها جنة الاطفال قالت لي كانت باااايخة
06-11-2007, 03:50 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
لو أبوك قرا الكلام دة حيمنع عنك الكمبيوتر و النت ..
تعرف ليه ؟
لأنو الزمن الجميل بالجد كان زمن ( عمك تنقو ) و مجلة الصبيان .. و حكاوي الحبوبة و أصابعها تداعب شعر رأسك حتى تنام .. فاطنة السمحة .. حجيتك و ما بجيتك و حكاوي الشلة على ضوء القمر إنبطاحا على رمال ناعمة و نقية ..
قال الضفدع كامل قال
06-12-2007, 09:48 AM
humida humida
تاريخ التسجيل: 11-06-2003
مجموع المشاركات: 9806
الوليد .. غريندايزر .. كانت اغلبها ( شرايط فيديو ) .. كنا بنحضرا عند ناس ( نزار ) اخو ( فيصل الخور ) .. بيتهم فاتح في بيت ناس ( أحمد الصلحابي ) اولاد راحات كانوا جايين من بره ..
بالنسبة لـ( فلونة ) .. شفتها في سنة ( 88 ) .. في ( التلفزيون السعودي - القناة الاولي ) .. ايام الارسال كان بـ ( الاريل ) ..
Quote: بشار النحلة بشار يا بشار .. هيا الى العمل في روضة الازهار انشودة الامل
ما متذكرها كويس .. لكن بمناسبة ( النحل ) اتذكر مسلسل ( زينة ) وصديقها ( نحول ) .. ومنها اقتبسنا اسم ( نحول ) واطلقناه علي كل ( عارض ) في ( حارتنا ) ..
06-12-2007, 08:25 AM
humida humida
تاريخ التسجيل: 11-06-2003
مجموع المشاركات: 9806
شكراً على هذه الذكريات الكرتونية ، لكن أظن هذه المرحلة نحنا وناس الريس أبوجهينة (أناوأخوي الكاشف) لم تكن في زمنا (الزمن الجميل) ، زمن فاطنة السمحة وخلافها . (لسنا ديناصورات ولكن .. !؟)
هذه حضارات جاءت متأخرة ، لم نلحق عليها ؟!؟ بل أطفالنا هم الذين استمتعوا بها ، وإن كنا (لم نقصر) في استراق (سويعات) معهم ، وقد لا تصدق إن قلت لك مرات عديدة فاتتني الصلاة في المسجد لأنني كنت (مندمج) مع توم آند جيري أو بنك بانثر (إني أعترف !)
وهسع .. ده كلو كوم واللنكات كوم :
أثني بشدة :
Quote: حميده ياخ طلب عليك الله لنكات الحفظ بتاعت المقاطع دي
الشفع عملوا لي لخمة وما ممكن اكون فاتح النت 24 ساعة
عشان كده يا ريت تزودنا بلنكات الحفظ حتى توفر علينا رهق فتح النت للشفع على طول ؟!
مودتي لك ،
( ليمو )
06-12-2007, 10:19 AM
طارق عبد اللطيف نقد طارق عبد اللطيف نقد
تاريخ التسجيل: 11-13-2005
مجموع المشاركات: 2311
الولد الكبير حميده والله ذكرتنا الزمن البرئ تعرف يا منقه كنا بنزوغ من درس العصر عشان نحضر سندبات وجزيرة الكنز ونتجلد تاني يوم ونكون مستمتعين ولحدي الجامعه كنا بنحضر كابتن ماجد والناس القالوا انه المسلسلات الجديده بايخه دي سنة الحياة انحنا كبرنا وده ما زمنا لكن الاطفال مستمتعين بها ولي عوده
06-12-2007, 10:46 AM
humida humida
تاريخ التسجيل: 11-06-2003
مجموع المشاركات: 9806
Quote: لأنو الزمن الجميل بالجد كان زمن ( عمك تنقو ) و مجلة الصبيان ..
مجلة الصبيان كنت أحد المشاركين في تحريرها ( حاجة صغيرونة كدا ) .. ايام كانت تابعة لـ( وزارة التربية والتعليم ) .. في مباني الوزارة ( امتداد شارع النيل بعد كوبري بحري ) .. وبعد ما انقسمت الوزارة الي ( ولائية ) و ( فيدرالية ) .. ضاعت المجلة .. شمار في مرقة .. ( اظنها تصدر الآن ) لكن ليس بنفس النكهة السابقة .. أما شقيقتها مجلة ( صباح ) .. بشخصيتها الشهيرة ( فنجاط ) .. لم أجد لها اي اثر في الآونة الاخيرة .. رغم شيوع اسم ( فنجاط ) في كثير من المنتديات السودانية ..
06-12-2007, 10:56 AM
humida humida
تاريخ التسجيل: 11-06-2003
مجموع المشاركات: 9806
Quote: وفكرت البت الاذكى من الاولاد فكرة ممتازة جدا..
الفكرة دي ما بس في ( لولو الصغيرة ) .. كان في قصة بتاعت ( موزة الحبوبة وشقيقها رشود ) .. بتاعت ( مجلة ماجد ) الاماراتية .. وبرضو في تلفزيون السودان في ( مفيدة وعنيد ) عرايس يحيى شريف .. وزمان كانت ( تماضر شيخ الدين ) عندها برنامج اطفال بنفس الفكرة .. كان بمثل فيهو ( ولد وردي ) وشقيقتي الدكتورة ( رشا ) ..
كابتن ماجد دا كان ( احسن ) من الدوري المحلي لولاية الخرطوم .. وقريب جدا للمجتمع السوداني .. شغل ( الروابط ) .. والفرق .. وفنايل الفريق .. والكوتش .. والناس الشتر ..!! اكتر حاجة كانت عاجباني ( الحارس رعد ) .. بسببه فريقنا كلو بقى ( حراس مرمى ) .. واغتنم ( مأمون البرير ) الفرصة .. وانتج ( بسكويت كابتن ماجد ) .. من ( اعفن ) انواع البسكويت في ( الوطن العربي ) ..!!
مقطع ( من كورة الفرح ضد المجد ) .. ( هدف ماجد في قون الحارس رعد ) ..
06-12-2007, 01:41 PM
طارق عبد اللطيف نقد طارق عبد اللطيف نقد
تاريخ التسجيل: 11-13-2005
مجموع المشاركات: 2311
اما انا فكدت اصبح استقراطية مع لين واحب اندروس واختها سارة في مسلسل الكرتون ليدي ليدي بحبو بحبو كتير المسلسل دا بعدهيو بيجي نساء صغيرات ثم كريمة وريما والكلاب (ما متذكرة اسمو) وكمان مدرسة الكونغ فو وبرجع ليكم لما اتذكر الباقي
06-13-2007, 06:23 AM
humida humida
تاريخ التسجيل: 11-06-2003
مجموع المشاركات: 9806
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
humida
Moawia Mohammed
samo
خالدة البدوي
اساسي
وليد محمد المبارك
ابو جهينة
Sobajo
bayan
abdulhalim altilib
طارق عبد اللطيف نقد
ادريس خليفة علم الهدي
ajaj
فيس بوك
تويتر
انستقرام
يوتيوب
بنتيريست