|
دعواتكم لزميلنا المفكر د.الباقر العفيف بالشفاء العاجل
|
|
 Re: بشـاور أمي كان ترضا كان تابا .. ابني لي بيت في حي الجلابــة .. (Re: ALazhary2)
|
الدار المادارى انا مالى بى
البلد الماحقى ما بمشى لى
يايمة يا يابا انا مالى بى
كان ترضى كان تابى انا ببنى لى بيت
فى حى الجلابة
والجلابة كان احد احياء مدينة الابيض
وكنا لانمانع فى تلك التسمية (كجلابة )
حيث كان ناس الابيض ينادون ناس امدرمان والخرطوم بذلك الاسم
المهم يا حميدة اخوى
الاغنية دى ما فى زول قال انها ما جميلة مش؟
بعدين فى الابيض كان فى احياء
الحلب
الفلاته
اب خمسة
حى رايت(ويروى انه كان خواجة)
حى الرديف
وبرضو مافى زول اعترض
اطرف زول كان استاذ فى مدرسة فلاته
يوم فى الطابور لقى ليهو ولد ما فلاتى بالعربى ولد عرب زى ما قال هو
ناداهو
ـ ياولد ، عندك طشتى فيهو قدوقدو ؟
ـ لا
ـ عندك هالوك بتبيع فيهو ؟
ـ لا
عندك مررو ولا تسالى ؟
ـ لا
ـ امشى قول لابوك استاذ محمود طردنى لانى ما من حى فلاته دى مدرسة فلاته وقع ليك؟
يا صديقى المشكلة ان السودان الذى عرفناه لم نسمع فيه قط ما نسمعه الان
درسنا فى مدارس كنا نسافر لها
من مكان الى مكان
نتعارف كما هى العادة حين تدخل مقرا جديدا عليك
لم نسمع من يعاير احدا بلونه او قبيلته
مدارسنا كانت تضم البنات من كل انحاء السودان
وتعرفنا والى الان ما تزال معارفنا مكتملة كما القمر
نعرف اخبار احدانا الاخرى
جئنا من دارفور ومن كردفان ومن الشرق فى بورتسودان
وكسلا ودرديب وهيا وسنكات
من شندى ومن بارا وبربر وعطبرة والخرطوم (فى كلية معلمات الابيض)
فلماذا عليناان ندفع (فاتورة لم نكن نحن احد اطرافها ؟)
فلم نستبح دار احد ولم نتاجر بقضايا وطن
كان ملاذنا ومحبتنا ؟
لماذا يصر البعض ان ندفع تلك الفاتورة التى كان اجدادنا هم من اشتراها او باعها لايهم
لماذا يصر البعض ان يجعلنامدانين فيما نحن نحاول الى رتق ما خربه اهلنا
تجدنى فى اسى من مآل الحال الان واللغة التى باتت عجفاء
محبتى
| |
 
|
|
|
|
|
|
|
|
Re: بشـاور أمي كان ترضا كان تابا .. ابني لي بيت في حي الجلابــة .. (Re: سلمى الشيخ سلامة)
|
أستاذتنا الكريمة سلمى الشيخ
أشهد الله تعالى على محبتك أيتها الإنسانة الرائعة الكريمة وأشكر بكري كثيراً أن أتاح لنا فرصة الإجتماع مع أمثالكم من الفضلاء في هذا المنبر ..
يا أستاذة سلمى في نظري العنصرية هي أبشع مايمارسه الإنسان بعد الكفر بخالقه .
حاجة مقرفة ومنتنة وفي غاية القبح .
الآن يوجد البعض من مدعي النضال لا هم لهم إلا إشعال الفتن والحرائق الجهوية والعنصرية .
قبّح الله نضالهم هذا .
تحياتي وتقديري وربنا يملاك عافية بجاه المصطفى الأمجد .
| |
|
|
|
|
|
|
|
|
|
Re: بشـاور أمي كان ترضا كان تابا .. ابني لي بيت في حي الجلابــة .. (Re: humida)
|
عشان الناس الحتجي تبنى كلامها علي ( وسواس ) اخونا محمد ..
اختيار مقطع ( بشـاور أمي كان ترضا كان تابا .. ابني لي بيت في حي الجلابــة ) .. عنوان للبوست ..
انه اول مرة اسمع كلمة ( جلابة ) في واحدة من الاغاني السودانية ...
واعتقدت مع تداول الكلمة هنا .. والجدل الحاصل حولها .. انه العنوان حيكون ملفت للنظر ..
دا بصراحة يعني ..
..
..
عشان كدا يا جماعة .. حقو نرتاح شوية .. ونشيل من كاهلنا عناء التفكير للطرف الآخر ..
خصوصا انه بوصلة التفكير دايما بتكون في الاتجاه الخطأ ..
تعالوا نتقبل الحاجات كدا .. ونوزنها بميزانا نحن ..
والبنفع معانا نشيلو .. والما بنفع ولا نرميهو البحر زاتو .. نخليهو قاعد في مكانه ..
| |
|
|
|
|
|
|
|
|
|
Re: بشـاور أمي كان ترضا كان تابا .. ابني لي بيت في حي الجلابــة .. (Re: humida)
|
حميده يا اخوي
سلامات
Quote: عشان الناس الحتجي تبنى كلامها علي ( وسواس ) اخونا محمد ..
اختيار مقطع ( بشـاور أمي كان ترضا كان تابا .. ابني لي بيت في حي الجلابــة ) .. عنوان للبوست ..
انه اول مرة اسمع كلمة ( جلابة ) في واحدة من الاغاني السودانية ...
واعتقدت مع تداول الكلمة هنا .. والجدل الحاصل حولها .. انه العنوان حيكون ملفت للنظر ..
دا بصراحة يعني ..
|
شكرا لانك رغم فترك من التبريرات بررت..
وفهمت ما تعني يا حبيب..
ويلا نخليك تستمتع بالـFriday night
_______________
أعوذ بالله من الوسواس الخناس
محمد
| |
|
|
|
|
|
|
|
|
|
Re: بشـاور أمي كان ترضا كان تابا .. ابني لي بيت في حي الجلابــة .. (Re: بشير أحمد)
|
والله يا بشير طبعا الاغنية دي كانت قبل ( الموضة ) بتاعت العنصرية ..
وناس ( الهامش ) بقوا حاليا واصلين الامم المتحدة والهيومن رايتس وبتكلموا لغات واولادهم دكاترة ..
فاضل ليهم التسلية من خلال تأجيج العنصرية بين الناس ..
عندك مثال هنا في المنبر الثلاثي المرح ( تراجي - دينق - بشاشا ) .. ضاربين ديمقراطية بره ومتفسحين في نعيمها ..
ويجوا يقولوا ليك ( الجمرة بتحرق الواطيها ) .. !!
| |
|
|
|
|
|
|
| |
humida
ALazhary2
سلمى الشيخ سلامة
mohmed khalail
haroon diyab
Al-Shaygi
بشير أحمد
Yassir Tayfour
بدر الدين اسحاق احمد
فيس بوك
تويتر
انستقرام
يوتيوب
بنتيريست