|
|
 اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المحلية
|
بدأ امس التشغيل الفعلي لشبكة زين السعودية .. متضمنة خدمة الشبكة الواحدة .. التي تشمل السودان ..
وقد قمت بتشغيل رقمي التابع لزين السودانية علي الشبكة الجديدة .. واشتغل بحمد الله ..
الميزة في الامر ..
لا يوجد رسوم علي التجوال الدولي .. يعني تستقبل جميع المكالمات الجاية من السودان وكأنك في السودان .. بدون رسوم اضافية ..
عند الاتصال بالسودان تتصل بدون اضافة الرمز الدولي .. وتحتسب لك اجرة المكالمة المحلية .. ( من زين لزين 180 قرش - من زين لمشغل آخر 250 قرش ) ..
يمكنك شحن الرصيد من خلال بطاقات الشحن لشركة زين السعودية ..
دا في حالة عندك شريحة من السودان من شركة زين السودانية ( موبيتل سابقا ) ..
..
..
عند استخراج شريحة جديدة من زين السعودية ..
الاتصال للسودان يكون عن طريق الرمز الدولي .. وتحتسب رسوم مكالمة دولية ..
وعند الاتصال بك من السودان تحتسب التكلفة علي المتصل علي انها مكالمة محلية ..
ولسع الامر ما واضح بالنسبة للشركة في هذا الشأن ..
عشان كدا من الافضل انه الناس تشوف ليها شرائح من السودان ..
|
|
 
|
|
|
|
|
|
|
 Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: محمد عبد الماجد الصايم)
|
دكوة ..
والله يا باريس انت ثقافة البوش دي ما قادر تتخلص منها كلو كلو ..
..
..
في ناس كتيرة دقست وعرست قبل ما الخدمة دي تجي ..
تاني جكس سااااااااااااااااااااي ..
..
..
نزيدك من الشعر بيت .. انت والاخوة البحبو الرملة الدقاقة ..
في خدمة من زين السودانية اسمها ( التيمان ) ..
يعني بتختار ليك رقم معين .. وتسجله عندك ..
بعد 12 بالليل بحتسب ليك بس الدقيقة الاولى ( فتح الخط ) ولحدي اربعة او خمسة صباحا مجاني ..
سهر شديد .. 
يعني اي زول عنده كلام ما قالوا للجكساية بتاعته ممكن يقوله في الفترة الجاية دي .. وممكن تقول ليها رأيك بصراحة بدون ما تخاف انه الخط يقطع ..
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
Quote: عشان تختار شبكة زين السعودية .. اتبع الخطوات دي ..
بعد ما تركب شريحة زين السودانية في موبايلك ..
اختار .. Menu > Settings > Telephone Sttings > Network selection
تختار الخيار بتاع Manual وتخلي الموبايل يفتش عن الشبكات المتاحة ..
وهم تلاتة شبكات .. تختار منهم شبكة KSA 04 او KSA ZAIN حسب الاسم البظهر ( لانه في واحدة 3G والتانية 2G حسب نوع موبايلك ) ..
وبالهنا والشفا .. |
شكرا حميدة على بوستاتك عن خدمة زين..و الsetting لاختيار شبكة زين السعودية بعد تركيب شريحة زين السودانية دي حاجة مهمة نبهتنا ليها..
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
بالعكس يا حميدة بعد تتزوج مافي فواتير موبايل ولا حاجة ... حنك الأهل في السودان والأخوان والفرد وهلمجرا ما بفوت 150 ريال لو بالغ... لكين الجكيس ده بحلج الصواميل بره جوة وبياكل عجل الحديد كمان عشان كده العرس أحسن.
قبل الزواج فاتورتي كانت بتمشي 2000 ريال وتخرم بي غادي ليها براااحة، حسه موبايلي مرات بفتش ليهو فتيش عشان ألقاهو مرمي وين، وللضمان كده أنا القروش الدفعتها لSTC خلال سنة ونص حب وخطوبة بالراااحة كانت بتجيب ليها هامر 
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: معتصم ود الجمام)
|
معتصم ..
لا لا أكيد مغطيين المدينة المنورة ..
بس انت اختار الشبكة بطريقة صحيحة .. ما بشتغل معاك براهو ..
Quote: عشان تختار شبكة زين السعودية .. اتبع الخطوات دي ..
بعد ما تركب شريحة زين السودانية في موبايلك ..
اختار .. Menu > Settings > Telephone Sttings > Network selection
تختار الخيار بتاع Manual وتخلي الموبايل يفتش عن الشبكات المتاحة ..
وهم تلاتة شبكات .. تختار منهم شبكة KSA 04 او KSA ZAIN حسب الاسم البظهر ( لانه في واحدة 3G والتانية 2G حسب نوع موبايلك ) ..
وبالهنا والشفا .. |
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: Abd Alla Elhabib)
|
العزيز حميدة سلامات
ومبروك الخدمة الجديدة
الخدمة دي برضو متوفرة في الأردن وعندنا زميلتنا في الشغل مشت للعلاج في الأردن (تمسكل للجماعة في السودان وهم يضربوا ليها طوالي الدقيقة 160 قرش بس لكن إلا من تلفون زين لكن يتخيل المكالمات من هناك تعتبر دولية عديييل )
Quote: سؤال يا شباب
انتو MTN هى نفسها زين |
mtn هي أريبا بعد تعديل الأسم و ليست زين .
| Quote: الخدمة بتاعت تضرب بعد اتناشر بالليل دي اسمها شنو |
طبعا الخدمة بتاعت 12 بالليل أول ما ظهرت ظهرت في أريبا وكانت المكالمات مجانية بعد منتصف الليل
والجماعة بقوا يقولوا الما عنده أريبا ما عنده حبيبة 
والآن هسة الخدمة متوفرة في زين أيضا ...
وهاااك النكتة دي :
قالوا كمساري في حافلة طقطق لبنات في الكنبة الأخيرة لقاهم كلهم نائمات والكلام ده الصباح بدري قام قال ليهم هووووي ياناس أريبا أدونا قروشنا (نظام مساهرين مع أريبا وكده)
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
الاخ حميدة
تشكر ياسيدي على المعلومات القيمة وتشكر اكثر على سعة الصدر والاهتمام بايصال المعلومة
لي استفسار بسيط اذا نكرمت
لي شريحة موبيتل احضرتها من السودان قبل سنتين تقريبا ولم استخدمها من ذلك الحين والان عندما اقوم بتشغيلها في الجوال n70 تكون الرسالة بعد التشغيل ( لايوجد شبكة )
وعند دخولي على الضبط ثم الشبكة وجدت الخيار ( ضبط الشبكة يدووي ) ورغم ذلك فان الجهاز لايقوم بالبحث او احضار الشبكات المتوفرة مثلما قمت مشكورا بالشرح اعلاه
ارجو الايضاح وهل لذلك علاقة بعمر الشريحة
في انتظار ردك وساكون لك من الشاكرين
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
الحبيب/ حميده
الله يعطيك العافية لما تقدمه لنا من خدمات ومعلومات
بس بالله عندي إستفسار أرجو أن تشرح لي الحاصل أنا في الرياض - السعودية
أمس إشتريت شريحة زين بس أخوك والله جاهل شديد بالشرايح والموبايلات يعني عايز حصص ودروس
عشان نواكب التطور البحصل ده في عالم الجوالات . المهم
زي ما قلت ليك إشتريت لي شريحة أمس ب 100 ريال وأخوك قاعد ساعتين يحاول تركيب الشريحة وبعد عناء وتعب المهم ركبت الشريحة في الجوال وتمام التمام حاولت من الفرحة أكلم السودان جاتني رسالة تقول لي لا يمكن القيام بهذه المكالمة . لكن بستقبل أي مكالمة عادي بس إرسال لا ..
ممكن تفيدني ماذا أفعل ؟؟ ولك التحية لو إنت الآن قاعد على النت أرجو أن ترد علي مع تقديري
تلفوني 059150176 - زين
0569313788 - موبايلي
هاتف ثابت : 4550655-01 تحويلة237 - الرياض
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
الأخ الحبيب حميدة
أولاً شكراً جزيلاً على المعلومات وروح المساعدة الجميلة
أمبارح مشيت إشتريت شريحة زين مسبقة الدفع لأني مالقيت طريقة للمفوترة.
وجربتها على جوالين نوكيا لكن مااشتغلت .
أول ما ركبت الشريحة بتطلع لي رسلة لم يتم تسجيل البطاقة.
بعدها مشيت للضبط اليدوي وعملت بحث ططلبعت لي ksa.4
ولما اختارها بقول لي لايمكن الاتصال بالشبكة .
حاولت عشرات المرات من امبارح لحدي هسع وغيرت الجوال ونفس الحكاية لايمكن الاتصال بالشبكة.
إتصلت على الرقم 0530000959 من رقم جوال الاتصالات وردو علي شرحت ليهم المشكلة وطلب الرقم المسجل على ظهر الشريحة حقت زين وقال ليقدمت طلب للصيانة . وطبعا خلاني في الخط نص ساعة وانا ناسي انها ما مكالمة مجانية ونص الرصيد حق الجوال راح .
ماعارف احل شنو . الشريحة مادايرة تتصل بالشبكة .
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
وياكـ حممميدى القديييم ( بكسر القاء ) ؟؟؟؟
حميده .... بطلقوكـ .. بطلقوكـ ،،
طلقة بائنة بينونة كبرى قبل الـ .... !
Quote: ممكن يرسل لي علي الايميل دا .. [email protected]
او علي الموبايل 00966500130433 |
لكن لقيتك شراك شريييك !!
يعنى هم البستفسرو ديل غير البقرو فى البوست ؟
( بالنسبة لى شركك قبض غايتو ) لانى من قريت عنوان البوست
رحت مرسلا ليكـ رقمى فى الخاص غايتو جنس شفقة !
اها غايتو هالله هالله على الجد والجد هالله هالله عليه
انا حاجزه بتاعة اتناشر دى .... مش ح اتنازل عنها ابدا مهما يكون .
وقايلين من السودان للسودان دى ذاتها هينة يا نادر ؟
دى والله تجيب ليك مراة غيرها عدييل !!
انتظرنى اتناشر بالضبط اوووووووع القى مشغووول !!
ـــــــــــــ
تبلدينا يا مغرض 167 380 890 هو نحن لاقينو وين ياخ !
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: معتصم ود الجمام)
|
Quote: الأخ حميدة
المحترم
السلام عليكم
اتصلت عليك اليوم بخصوص سعر الدقيقة عند الاتصال من السعودية إلى السودان عن طريق شريحة زين السودانية، ولكن كان هناك سوء فهم حول العملة السودانية.
وعلى أي حال أفيدك بأنني أجريت مكالمة لاحقاً وكانت تفاصيلها كالتالي بحساب الجنيه الجديد:
مدة الاتصال: 4 دقائق و 30 ثانية
الرصيد قبل الاتصال: 9,22 جنيه
الرصيد بعد الاتصال: 5,57 جنيه
تكلفة المكالمة: 3,65 جنيه
إذن تكلفة الدقيقة = تكلفة المكالمة مقسومة على مدة المكالمة = 0,811 جنيه للدقيقة الواحدة (وهذا يعادل 1,488 ريال سعودي)
والمعلوم أن تكلفة الدقيقة داخل السودان من زين إلى مشغل آخر داخل السودان هي 0,19 جنيه فقط
من هذا الحساب يتضح أن المكالمة من السعودية إلى السودان تحسب على أنها مكالمة دولية وليست محلية.
ومن المؤكد أن ذلك يتناقض مع ما تفضلت بذكره في بوستك بأن الدقيقة تحسب باعتبارها مكالمة محلية.
وأفيدك بأنني استخدم شريحة زين بباقة تسمى موبي بيد (mobipaid)، فهل تعتقد أن الباقة لها تأثير على السعر؟
وعلى أي حال فإن الأمر الجيد أنه عند الاتصال بي من السودان فإن الدقيقة تحسب على المتصل بتكلفة مكالمة محلية، وكنت أتصور أن الأمر نفسه ينطبق علي اتصالي من هنا من السعودية.
أرجو التوضيح إذا كانت لديك معلومة بخصوص ذلك.
وتقبل فائق الشكر والتقدير،،
أخوك
المهندس حاتم يوسف الخير
|
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
Quote: عشان تختار شبكة زين السعودية .. اتبع الخطوات دي ..
بعد ما تركب شريحة زين السودانية في موبايلك ..
اختار .. Menu > Settings > Telephone Sttings > Network selection
تختار الخيار بتاع Manual وتخلي الموبايل يفتش عن الشبكات المتاحة ..
وهم تلاتة شبكات .. تختار منهم شبكة KSA 04 او KSA ZAIN حسب الاسم البظهر ( لانه في واحدة 3G والتانية 2G حسب نوع موبايلك ) ..
وبالهنا والشفا .. |
يا حميده
وبما انو انا استلمت شريحة زين السودانيه اليوم
قمت طوالى رجعت لى بوستك دا ولقيته فى اخر الدنيا
المهم
عملت بما جاء فيه
ولكن بيدينى شبكتين بس
الجوال واتصالات
المشكله تكون وين ؟
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: أيمن دياب)
|
زين زين يا جماعة .. علي قولة الكوايتة ..
المهم ..
الناس ديل شبكتهم تعبانة ..
وعشان نستفيد منها وبدون فلسفة يا جماعة ..
نجيب الشريحة ونعمل الاعدادات دي خارج اوقات الزروة .. ( الوكت الميت يعني ) .. عشان الشريحة تدخل معانا الشبكة ..
بعدها نغير الاعداد لاوتوماتيك عشان يلقط الشبكة براهو تاني ..
وبعد التعب دا كلو .. وعشان الشبكة ضعيفة .. الشريحة بتشتغل معاك استقبال بس ..
ودا طبعا احسن من عدمه ..
ونخلي موضوع الشحن .. والضرب للسودان .. واي نظريات تانية لحدي ما الشبكة تتحسن ..
| |
|
|
|
|
|
|
|
|
|
Re: اليوم قمت بتشغيل رقمي من زين السودانية .. بدون اي رسوم للتجوال الدولي وبرسوم المكالمات المح (Re: humida)
|
المتداخلين الاعزاء
تحياتى
الموضوع دا اسالونى منو انا لانو اول مافتح موضوع التجوال الدولى بتاع زين طوالى نطيت مشيت الاردن وتوجد الكثير من العقبات فى مساله التجوال الدولى دا نامل ان تحل قريبا
اولا الشبكه تعبانه جدا جدا يعنى اذا انتو اتنين مع بعض خارج السودان بى تلفوناتكم مابتقدرو تتكلمو وقد قمت بتجربه ذلك كثيرا وكنت الجا لى انو اضرب لى زول فى السودان عشان يكلم الزول المعاى فى الاردن انو يجينى فى الحته الفلانيه
ثانيا الدقيقه تساوى 35 قرش اردنى اى مايعادل 750 قرش عندنا بالقروش القديمه او خمسه وسبعين قرش بالجديده للدقيقه المحليه
اما العالميه بتساوى جنيه وتمانين قرش للدقيقه فى الدول العربيه واكتر من جنيهين فى اوروبا
ثالثا لاحظت انو لمن تشحن ببطاقه فاست لنك المملوكه لشركه زين مثلا شحنت بى تلاته دينار ياخد منك مباشره اربعه دينار وخمسه وعشرون قرشا يعنى بالسودانى تشحن بى عشره لكن تدفع حداشر الف وربع
لذا ارى ان الميزه الوحيده لهذا التجوال تكمن ( تكمن دى كيف ) فى الاستقبال المجانى فقط
مع تحياتى
| |
|
|
|
|
|
|
| |
humida
Maawya Hussein
محمد عبد الماجد الصايم
أبو الحسين
الطاهر عثمان
حيدر حسن ميرغني
على محمد على بشير
ناصر البطل
طارق عبد اللطيف نقد
الحاج حمد الحاج
شرووم
الصادق خليفة
Hatim Yousif
ناهد علي
mahmed alhassan
معتصم ود الجمام
خالد حامد الجزولي
Waeil Elsayid Awad
khalid fahmi
Abd Alla Elhabib
عبد اللطيف السيدح
ايوب عبدالرحيم
ابراهيم محمد الحسن
ALazhary2
كمال ادريس
دينا خالد
فدياس نجم الدين
jini
بشير حسـن بشـير
maman
Mohd Ibrahim
mohmed khalail
جمال السنوسي
معتز الامين
فيس بوك
تويتر
انستقرام
يوتيوب
بنتيريست