دعواتكم لزميلنا المفكر د.الباقر العفيف بالشفاء العاجل
|
|
 [B]سلام أون لاين[/B]
|
أخواني وأخواتي في سودانيز أون لاين
بسلم عليكم وبهنيكم على كل هذه السنوات الطويلة من الحوار والأخبار والونسة والمحبة والشعر والغنا والاستمرار....
أنا أمين صديق المتأخر جدا على أبوابكم بدق وبسلم :
أهل البيت..إزيكم؟..طيبين؟..أنا أمين صديق.. الشاعر العطبراوي والمخرج الدرامي صاحبكم الزمان والهسة -ولو النفوس اتطايبت- ولا قدام
أنا جيتكم متأخر؟ ولا شنو؟ يمكن!! بس يخيل لي لسة بيناتنا كلام ممكن يتقال..أفكار وصور ومشاوير مخبوءة في رحم الغيب بيناتنا ممكن تتنزل على صفحة هذا البلد العامر (سودانيز أون لاين)
أهل البيت.. سلام أون لاين
|
|
 
|
|
|
|
|
|
|
|
Re: [B]سلام أون لاين[/B] (Re: osman righeem)
|
امين محمد صديق ( امين صديق )
خريج المعهد العالي للموسيقى والمسرح
كاتب وسناريست ومؤلف ,,, لكن اكثر ما يعجبني فيك ( شاعر )
بمعنى الكلمة لعلك تعرف ذلك صديقي امين صديق كنت الاحقك في كل
مكان ( عشان تقول لينا دوار البحر يا مجنون دوار الصحراء يا طيب )
انت الطيب عزيزي امين ...
امين صديق صدحت له مجموعة ساورا باغنيات
الشجر قربني منك الف عام
وورده ومنديل
له عدد من الاعمال للاطفال حيث عمل لفترة طويلة مع مجموعة الوان الطيف
مرحب بيك امين
| |
|
|
|
|
|
|
|
|
|
Re: [B]سلام أون لاين[/B] (Re: الوليد محمد الامين)
|
تعرف يا الوليد؟ لطالما أنا مفتون بهذه ال(مراحب) فهي تحيل خيالي دائما إلى استقبال حاشد كما يقولون في نشرات الأخبار بس الفرق إنه خيالي ال ما أخباري بيشوف الناس بتسلم بالأحضان الواسعة.فشكرا ليك واشكر لي كل الناس المحتشدة معاك!!
| Quote: وعندي سؤال : هل لازال الزمن بني ومجرح بالترانيم المراهقة؟ |
وعندي سؤال : هل لازال الزمن بني ومجرح بالترانيم المراهقة؟
هو أصلا :
كان الزمن بني ومجرح بالترانيم المراهقة!
ولاحظ إني كنت في العشرينيات.. يعني الزمن كان وانا كنت ولو حسبنا الأيام الزحمة المشت بيناتنا من الزمن داك إلي الآن ولو اتفقنا على أنه الزمن في السودان لكة وما بيتغير كتير فعلى الأقل ما أظن الترانيم ح تفضل مراهقة!!!
وبمناسبة الشجر أنا عاوز أسلم على أخوي الجميل عبدا اللطيف لو سامعني..ولو عنده إيميل في بلدكم دي ال يديني ليه لو سمح...
شكرا كتير
| |
|
|
|
|
|
|
|
|
|
Re: [B]سلام أون لاين[/B] (Re: معتصم ود الجمام)
|
والله إنت الطيب يا معتصم سيد احمد
تعرف أنا واحد من المعجبين جداَ بقوة وسرعة صعود فرقة الجمام المسرحية وكنت كتير بعتبرها دليل على صحة إفتراضي بأنه (مافي زول بيوصل بمجهوده الفردي الخالص)
وما زلت أحاول أن أقنع شباب الحركة الدرامية في السودان بجدوى تكوين الجماعات المسرحية والصبر على ما أصابنا والرد على ما يدعيه المستغلون لمجهودات الآخرين الواقفون على أكتاف المنحنين!
( يا معتصم يا اخوي مافي زول بيوصل بمجهوده الفردي الخالص، أي زول بيوصل لآنه في آخرين مهدوا معه سبل الوصول)
تحياتي
| |
|
|
|
|
|
|
|
|
|
Re: [B]سلام أون لاين[/B] (Re: عمر صديق)
|
الله يخليك أخوي عمر والله يجمع ناس عطبرة
أستاذي وأخي السني..
الحمدلله الذي طمأنا عليك يا سقا
أنا عندي فكرة أحسن: يدل ما تفتش طريقة (تفرق بيناتنا)بيها نفتش سوا طريقة تجمعنا.. نتونس..نتبادل الهم والفرح والغنا والكلام
تحياتي للدكتور أمين صديق
| |
|
|
|
|
|
|
|
|
|
Re: [B]سلام أون لاين[/B] (Re: أمين صديق)
|
Quote: أخواني وأخواتي في سودانيز أون لاين
بسلم عليكم وبهنيكم على كل هذه السنوات الطويلة من الحوار والأخبار والونسة والمحبة والشعر والغنا والاستمرار....
أنا أمين صديق المتأخر جدا على أبوابكم بدق وبسلم :
أهل البيت..إزيكم؟..طيبين؟..أنا أمين صديق.. الشاعر العطبراوي والمخرج الدرامي صاحبكم الزمان والهسة -ولو النفوس اتطايبت- ولا قدام
أنا جيتكم متأخر؟ ولا شنو؟ يمكن!! بس يخيل لي لسة بيناتنا كلام ممكن يتقال..أفكار وصور ومشاوير مخبوءة في رحم الغيب بيناتنا ممكن تتنزل على صفحة هذا البلد العامر (سودانيز أون لاين)
أهل البيت.. سلام أون لاين |
مرحباً بأمين صديق، مرحبتين
تشابه الاسماء، بامنبر صديق لنا إسمه أمين حامد صديق ، يكتب بإسم (أمين صديق) أرجو من السيد بكري قك الاشتباك.
مرحب بالأمينين
| |
|
|
|
|
|
|
|
|
|
Re: [B]سلام أون لاين[/B] (Re: وائل طه محى الدين)
|
أمين صديق الإنسان الرقيق الحبيب الشاعر والملحن
الفراعي ربيع طه رورو، طارق الأمين، طارق تفتيحة، منتصر علي طه، عثمان كحيل وعوض الله وشمس المعارف وأمبده والصالون الأخضر والأيام الجميلة
ولا أنا غلطان
لو ما غلطان أنا في المعادلة الفوق دي أكون (عوض الله)
وفي كل الأحوال ما دمت من عطبرة الجميلة ياخي نفرش ليك البورد درر وزهور ورياحين والف مرحب بيك.
| |
|
|
|
|
|
|
|
|
|
Re: [B]سلام أون لاين[/B] (Re: Elawad Eltayeb)
|
عوض الله..الويست.. قيروز..مارسيل خليفة..أميمة خليل..يرج البركة..خلي يالك أنا لو ما كنت عشت الايام ديك كنت ح أكون زعلان من نفسي زعل!!
إنت كويس يا عوض الله؟؟ وشمس العلا..وعبده.. يا عوض الله السماحة ما هي إنه الزول ينور السماحة هي إنه النور يدوم!!
الله يجزيكم خير، والله نور الأيام السمحة ديك لي هسة فارًي سنينات قلبي!!
| |
|
|
|
|
|
|
|
|
|
Re: [B]سلام أون لاين[/B] (Re: abduelgadir mohammed)
|
الشجر قربني منك ألف عام
الشجر عرفني بيك
والشجر علمني أحتملك وابوح للوردة بالعطر الحرام
كان الزمن بني ومجرَح بالترانيم المراهقة
ومحتشد زي قنبلة
يا مذهلة...
ورشقوك في جسد المسا
موسم عصافير ما اتنسى
وقربني منك زي سفر سري ومفاجئ
زي تلوًي القلب من فرط التارجح في الفصول
وزي حزن نتوقعه..
ونعرف مواعيده..
ويجينا..
وبرضه يعصرنا الذهول
| |
|
|
|
|
|
|
|
|
|
Re: أمين صديق (Re: علي الكرار هاشم)
|
باقلبي انساها السيرة
والبت الخلف السور
محبوبتك ديك ما غيرها
مستنية فولة خير
دقت باب حزني ضفيرة
زي يد رمت السنافور
في شوقها حكاوي كتيرة
وصباح ورغيف ودميرة
وصفارة السكة حديد
| |
|
|
|
|
|
|
|
|
|
Re: [B]سلام أون لاين[/B] (Re: Tariq Mohamed Osman)
|
Quote: تشابه الاسماء، بامنبر صديق لنا إسمه أمين حامد صديق ، يكتب بإسم (أمين صديق) أرجو من السيد بكري قك الاشتباك.
مرحب بالأمينين |
ما تخلوها كده أحسن ... في لخبطة الأسماء رحمة للناس من الحملات الإسفيرية 
الشاعر و المسرحي أمين محمد صديق
مرحباً بك هنا و نتمنى ليك مساهمة فاعلة في هذا المنبر
و من هسي لو زول لخبطنا مع بعض و إتكلم معاي عن الجدل بين شعر الشعر المقفى و القصيدة النثرية .. .... حأتقمص شخصيتك و أديهو نظريات فطيرة طوالي
خالص المودة
أمين حامد أمين محمد صديق
| |
|
|
|
|
|
|
|
|
|
Re: [B]سلام أون لاين[/B] (Re: amin siddig)
|
ياجماعة المشكلة شنو فى امينين اولاد صديق فى المنبر.
نحن 3 صباحات بنات حسين هنا.
واحدة مفروزة صباح احمد.
وعايشين فى امن وسلام.
بس مرات الجكس بيتلخبط ويتشابه عليه البقر ويرسل مسنجراتى بى كل الهيم .
بعدين خلوا بالكم الهيم دى مابتاعة الجداد .بقصد بيها الحب والحاجات التانيه.
لى صباح التانية.
على فكرة ناس الشمارات او بالاصح امن البورد . اكتشفوا بى تحت تحت انو فى واحد من
الصباحات راجل.
والله دى ما انا.
| |
|
|
|
|
|
|
| |
أمين صديق
حسين محي الدين
انعام عبد الحفيظ
بابكر التوم
rosemen osman
haroon diyab
osman righeem
معتصم ود الجمام
Sabah Hussein
عمر صديق
محمد سنى دفع الله
وائل طه محى الدين
abduelgadir mohammed
ادم الهلباوى
علي الكرار هاشم
فيس بوك
تويتر
انستقرام
يوتيوب
بنتيريست