دعواتكم لزميلنا المفكر د.الباقر العفيف بالشفاء العاجل
|
|
 هنئوا معي ايثار ابنتي على سؤالها ال في الصميم
|
السؤال الذي طرحته ابنتي ذات العشر سنوات
هو ليه الا بابا يطلع لي شهادة الميلاد انتي ما مشيتي ما ادوك ليها ليه ؟؟
- والله تقول شنو ده القانون قالو الا اجي ابوك
سؤال في الصميم مش؟؟؟؟؟
اولا اهنئ ايثار واقول ليها يادوب سرتي اول خطاك في اتجاه قضايا النساء الكثيرة والمتشعبة
ونرجع لاول القصة
مشيت عشان اطلع لبتي ايثار شهادة الميلاد
طبعا شهادتها ضيعوها ناس المدرسة وطبعا ما في حاجة اسمها ضاعت ليه وكيف المهم ضاعت والسلام
اول ما دخلت
ناس واقفة صفوف في الحر ولا تعريشة ولا غيرو
لا في استقبال لا في زول تسالو
المهم لقيت لي باب موارب كدي لزيته في واحد في التربيزة قاعد المهم بعد خلص تلفونه سالني دايرة شنو
- حكيت ليه انه بتي مفروض اطلع ليها شهادة وبما انها مولودة برة السودان ومافي طريقة حسع نسافر عشان نطلع ليها شهادة ميلاد جديدة نعمل شنو
- خلاص اعملو ليها تسنين
- ياخي تسنين شنو هي من حقها معلوماتها تكون سليمة
- خلاص اعملو اشهاد شرعي من المحكمة ان .....
- وطيب وحقها بانها ولدت في مكان ما كدة ما بكون ضاع عليها وكيف نكتب ليها بيانات ما صحيحة وهي تعلم جيدا اين ومتى ولدت اعتقد عشان اكون انا نموذج جيد اول خطوة ما اعلمهم الكذب يعني اذا نحن نكذب والدولة تكذب كيف نعلم ابناءنا الصدق (قلتو في سري طبعا خوفا من غضب المسئول)
- خلاص ياخي اجينا اخوها الكبير
- اخوها الكبير طفل ينفع
- طيب ود عمها
- ود عمها الوحيد العمره 18 سنة في امريكا حسع يجي من امريكا عشان يطلع او يشهد في شهادة ميلادها عجبي يا ذكورة وانا مالي؟؟؟
- لا اجابة
- ما ولدتها من بطني ما بنفع اقول دي بتي عجبي ياقانون ، طيب ابوها ما ممكن يجي
- هو ايوها قاعد
- ايي
- طيب جيتي انتي ليه ما كان يجي هو ، خلي ابوها يجي ونحن بنفهمه
- بيني وبين نفسي يا ربي انا ما بعرف افهم ولا شنو
المهم عدت ادراجي البيت وسالتني ابنتي واجبت كما هو اعلاه
والله مغيوظة غيظة ما عارفة اقول شنو ولكن هل يكفي مجرد السؤال والفرجة ام يلزمنا عمل كثيير
بجد كدة حقوق المراة ما بين سندان القوانين المجحفة بالنساء ومطرقة الذكورية اين هي؟
اين ونحن نتحدث ونتحدث عن الدستور والمساوة في النوع اين نحن عن تمكين النساء ومشاركتهن في الحياة العامة وابسط ممارسة في المجال الخاص لا نحظي فيها بهذه المساواة وليه الا الاب هو الذي يثبت مع انه المراة الوحيدة هي التي تستطيع ان تؤكد بنسبة مئة في المئة ان هذا المولود هو ابنها اوابنتها اما الاب مثلا يحتاج الى فحص جيني لاثبات ابوته
مقهورة جدا جدا جدا
واهنئك يا ايثار سيري على الدرب
|
|
 
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed)
|
دكتوره صفيه سلام
مازلتي تتطرقين لمشاكل المراة ...وكان الرجال قد انتهت مشاكلهم ..
عزيزتي الدكتوره اننا نعيش في السودان وان الجرح نازف ...فليس من موضوع الا وكان به عيب وتقصير
اما الحديث عن الدستور فاين هو؟ انه اوراق تتغير مع كل اتفاقيه ...
لي عوده فالموضوع يستحق اكثر من وقفه
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed)
|
دكتوره صفيه سلام
| Quote: قالوا الجمرة بتحرق الواطيها عليك الله شفت جنس المغسة دي بتي ولدتها من بطني يقولو لي اجي ود عمها محن يا ربي |
يعني خلاص دي اول مره تشعري فيها بعدم تقدير للمراة ؟
ياعزيزتي اذا كنتي امراة او رجل وليس لديك معارف فلن تقضي غرض واحد مما تريد ...
وكمان المساله رغم ارتباطها بالذكوريه ايضا البلد دي اصبحت فيها ممارسات لا اخلاقيه
يشوب لها الولدان رغم ما يتشدق به البعض من اوامر صوريه وحضور الاب وموافقته !!!
عزيزتي انها مشكلة بلد اسمه السودان ولا علاقة لها بذكر او انثي ...
وكمان زعلانه ليه ؟ خلي ابو البنت يجي ويكمل اجراءته بنفسه 
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: العوض المسلمي)
|
استاذ عوض سلام
وشكرا على المرور مرة تانية
Quote: يعني خلاص دي اول مره تشعري فيها بعدم تقدير للمراة ؟
ياعزيزتي اذا كنتي امراة او رجل وليس لديك معارف فلن تقضي غرض واحد مما تريد ...
وكمان المساله رغم ارتباطها بالذكوريه ايضا البلد دي اصبحت فيها ممارسات لا اخلاقيه
يشوب لها الولدان رغم ما يتشدق به البعض من اوامر صوريه وحضور الاب وموافقته !!!
عزيزتي انها مشكلة بلد اسمه السودان ولا علاقة لها بذكر او انثي ...
وكمان زعلانه ليه ؟ خلي ابو البنت يجي ويكمل اجراءته بنفسه |
يا سيدي لو نظرت لعنوان البوست ما كان سالت سؤالك فانا هنا احتفي بابنتي وانتباهها للظلم الذي مورس ضدي واح ثم ثانيا افتكر اضعف الايمان ان نعبر ونحتج على ما يرضينا او يؤرقنا اذا ليس هناك ما يمنعني من اثارة مثل هذه القضايا ، توجد عوامل اخرى غير ثنائي ذكورة وانوثة ولكني كما اشرت هذه الجزئية مؤطرة بقانون لذاوجب استجلائها، هي مشكلة بلد اسمه السودان وذكورة وانوثة عنصر اساسي في هذه المشكلة فمن ضمن الاطر الاساية لتقدم المجتمعات وتطور ورقي الدول وحقوق الانسان هي موضوع الجندر ونبذ التمييز والعنف ضد المراة.
شكرا على المرور مرة اخرى
خارج النص:
انا دايرة اعرف انت زعلان ليه من كلامي دي ما ياما هناك مئات البوستات فتحت في هذا الباب
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed)
|
سلامات يا صفية
تعرفي رجال السودان ديل ما شغالين بقوانين ولا دستور
شغالين بالمزاج ؤبث...
سنة 1985 علق نصار مدير شؤون المستخدمين في مصلحة الثقافة
على طلب وظيفة لي.. لا اوصى باخذها نسبة لاكتظاظ
المصلحة بالعنصر النسائي.. تعليق صغمبتوتي حرمني من حقي
الدستوري.. بعدها بشهرين عينو زميلي في ذات الوظيفة,,,
الزول دا بس شغال بمزاجو
لانه اليجبو ليها العم ود العم دي الجنسية..
ما شهادة الميلاد....
عشان كدا عمل قوانين بدون منفذين بتبقى كلام جرايد.
الايام دي حاسة انه المرأة السودانية بقت واعية ومتحضرة جدا
البحتاج لتوعية اسع الذكور ديل..
الومين امباورنق بكون اعرج لو عندنا جنس الرجال ديل..
في ورشة عمل عن المرأة والسلام
في واحدة من الهند عندهم مركز بقدم ورش وتوعية لرجال
البوليس عشان يحفظوا حقوق الموقوفين..
فيها دروس نفسية وقانونية
ياريت نحنا بعد دا نعمل مركز لتوعية الذكور ونفهم الحقوق
الدستورية للمرأة لانهم ما جايبين خبر..
في واحد مستنير ومتعلم حد التعليم عنده مشكلة مع زوجته
قالي حيجبها بيت الطاعة كيتا تكويها
نصحته بعدم مشاهدة المسلسلات المصرية كثير. التحية للحلوة ايثار
واخواتها..قولي ليها بكرة حيكون احلى...
وليك التحية
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: د.نجاة محمود)
|
دكتورة نجاة
ازيك
وشكرا على التحية والمرور
Quote: تعرفي رجال السودان ديل ما شغالين بقوانين ولا دستور
شغالين بالمزاج ؤبث...
سنة 1985 علق نصار مدير شؤون المستخدمين في مصلحة الثقافة
على طلب وظيفة لي.. لا اوصى باخذها نسبة لاكتظاظ
المصلحة بالعنصر النسائي.. تعليق صغمبتوتي حرمني من حقي
الدستوري.. بعدها بشهرين عينو زميلي في ذات الوظيفة,,,
الزول دا بس شغال بمزاجو
لانه اليجبو ليها العم ود العم دي الجنسية..
ما شهادة الميلاد....
عشان كدا عمل قوانين بدون منفذين بتبقى كلام جرايد.
الايام دي حاسة انه المرأة السودانية بقت واعية ومتحضرة جدا
البحتاج لتوعية اسع الذكور ديل..
الومين امباورنق بكون اعرج لو عندنا جنس الرجال ديل..
في ورشة عمل عن المرأة والسلام
في واحدة من الهند عندهم مركز بقدم ورش وتوعية لرجال
البوليس عشان يحفظوا حقوق الموقوفين..
فيها دروس نفسية وقانونية
ياريت نحنا بعد دا نعمل مركز لتوعية الذكور ونفهم الحقوق
الدستورية للمرأة لانهم ما جايبين خبر..
في واحد مستنير ومتعلم حد التعليم عنده مشكلة مع زوجته
قالي حيجبها بيت الطاعة كيتا تكويها
نصحته بعدم مشاهدة المسلسلات المصرية كثير. التحية للحلوة ايثار
واخواتها..قولي ليها بكرة حيكون احلى... |
تعرفي يا دكتورة
هي ما اصلها القصة ما منفصلة ما بين واضعي القوانين وايدولوجياتهم والمؤسسات التي تقوم بالتنفيذ حيث لا يلتزم المعني بالنص القانوني مع انه في هذه الحالة هي فعلا مدعمة بقانون ان اثبات البنوة لا تقوم بها الام بل هي من حق الاب
وان كانت القضية في الوعي فقط او قضية اجرائية لها علاقة بالمؤسسة النقول يجب التوعية، ولكن حين يكون القانون واللوائح التفسيرية تكرس على عدم المساواة تكون الطامة الكبرى
وبالتاكيد مواجهة اي قضية يسبقنا وعينا بها ومقدرتنا على التصدي لها فهنا فعلا انا احيي ايثار لانها وعت على التمييز الذي مورس ضدي
ومعا من اجل قوانين وعادات وتقاليد ومؤسسات منصفة للمراة
وشكرا مرة اخرى
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed)
|
وهذا الموظف هو ضحية قانون اسلامي متخلف في وضعه للمراة بالدونية الموجوده
وهو يعرف ان المراة لو فاس ما بتكسر الراس
واهلنا في شرق الجزيرة عندما تركب امراة وحيدة في بوكسي يتشائم الجميع ويتخيل ان البوكسي سوف ينقلب
ويقوم احدهم بوضع طوبه لكي تحفظ حياة الركاب من العارض ؟؟؟؟؟؟؟؟؟
رؤية اخري في الزواج وفقا للشريعه الاسلامية التي تبيح التعدد
يقول لك القائل اذا زوجتك قلت ادبها ادبها بزواجك من اخري
وهو يفهم ان المراة مجرد وعاء فقط تقضي وطرك وتطير تشوف عيشتك
ما فهمه هذا الموظف هو مفهوم الكثير منا لدونية المراة لكن انا اسالك سؤال صريح
اذا الثقافة الاسلامية والدين يحضنا علي فعل ذلك ما هو العمل؟؟؟
انا ارفض هذا السلوك المضر بعدم الاعتراف بحق المراة الانسان
ويجب مساواتها في الحقوق والواجبات شهادة ميراث وتولي المناصب القيادية اسوة بالرجل او اكثر منه
تحياتي
وانت شفتي حاجه ل قدام
سوف تسمعي ان المره دي البوديها تتحاوم شنو؟ بره بيتها
وده حالك انت المتعلمه والمثقفة وشاقه دروب الحياة بفهم وعلم
تخيلي امراة لم تنال حظا من التعليم ماذا تفعل الاقدار بها؟؟؟؟
انظري لمساة سناء بعد الحرق ذهب الرجل مختالا تزوج ويقضي العسل بينما تقضي سناء المراة الحنضل
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Sabri Elshareef)
|
استاذ صبري سلام
اولا شكرا على المداخلة القيمة والمليئة لكن بس عندي شوية تعليقات
اول حاجة مالك دايس بنزين شدييد كدة براحة شوية شوية
وكدي النشوف النقاط اللي اثرتها واحدة واحدة
Quote: وهذا الموظف هو ضحية قانون اسلامي متخلف في وضعه للمراة بالدونية الموجوده
وهو يعرف ان المراة لو فاس ما بتكسر الراس |
هو ليس ضحية قانون اسلامي وحده لان هذه القوانين موجودة قبل 1983 اذن هو ضحية مجتمع باكمله كما اسلفت شعاره المرة كان بقت فاس ما بتقطع راس مش؟
Quote: واهلنا في شرق الجزيرة عندما تركب امراة وحيدة في بوكسي يتشائم الجميع ويتخيل ان البوكسي سوف ينقلب
ويقوم احدهم بوضع طوبه لكي تحفظ حياة الركاب من العارض ؟؟؟؟؟؟؟؟؟ |
في نفس اتجاه ثقافة تكرس لدونية المراة
| Quote: رؤية اخري في الزواج وفقا للشريعه الاسلامية التي تبيح التعدد |
وهنا تاخذنا الى قضية اخرى ليست منفصلة ولكن يمكن تناولها في سياق او بوتس اخر تعدد الزوجات وهناك الكثير من الاراء التي تخالفه والاف ممن يؤيدونه ولكن كلخا تنصب في ان من قام على تاويل وتفسير النصوصو القرانية كانوا ينظرون الى مصالحهم الخاصة (وهم طبعا رجال ) ومن ومصلحتهم هذا التعدد
| Quote: يقول لك القائل اذا زوجتك قلت ادبها ادبها بزواجك من اخري |
تقول المقولة المرة بدقوها باختها وبرضو في نفس السياق لدونية المراة
Quote: ما فهمه هذا الموظف هو مفهوم الكثير منا لدونية المراة لكن انا اسالك سؤال صريح
اذا الثقافة الاسلامية والدين يحضنا علي فعل ذلك ما هو العمل؟؟؟ |
هذا الفهم مترسخ نتيجة لعادات وتقاليد اما الفهم السليم في اعتقادي على الاقل للدين الاسلامي هو مبني على قيم الانصاف والعدل بدليل ان الله الر العادل القاسط لم ساوى بين الرجال والنساء في التكاليف وبرضو هي قضية ضائكة وعقدة تحتاج مزيدا من العقول لاثراءها
Quote: انا ارفض هذا السلوك المضر بعدم الاعتراف بحق المراة الانسان
ويجب مساواتها في الحقوق والواجبات شهادة ميراث وتولي المناصب القيادية اسوة بالرجل او اكثر منه |
اتفق معك انه اسلوب مرفوض وفهم مرفوض وقوانين مرفوضة ولكن هل يكفي الرفض لوحده من اين نبدا ومن نخاطب اسئلة محيرة فعلا؟
| Quote: تخيلي امراة لم تنال حظا من التعليم ماذا تفعل الاقدار بها؟؟؟؟ |
علمنا ام نعلم حقوقنا تظل القضية محلك سر لا يجدي تعليم ولا وعي بل هي منظومة متكاملة يجب ان نناضل ونناضل ونعمل على تغييرها
شكرا على المرور
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: عبود عبد الرحيم)
|
سلام يا صفيه قبل شوية كنت مع صديقة عزيزه وهى مطلقة وأم لطفلين عاوزة تطلع جنسية لواحد من اولادها ..اهاااا طبعا لازمن و حتما من حضور الوالد او من اى شخص من اخوانه او اولاد عمومتها..يعنى باختصار اى زول يحمل اسم العائله من الذكور..والوالد اجارك الله مركب مكنة جنجويدى..قعدنا نلت و نعجن انا وهى عن امكانية اتمام المهمة دى من دون غزوات ... جيت منها القى بوستيك ده فى وشى
دى قصة ما بتنحل يا صفية سنظل تحت هذا القهر ماشاء الله للسياسة فى بلادنا ان تلف بنا فى دوائرها المغلقة
اقعدى عافية
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Siham Elmugammar)
|
استاذة سهام
سلام
وين انتي يا اختي خليتي اللمة بتاعت البوردابيات ولا شنو؟
Quote: سلام يا صفيه قبل شوية كنت مع صديقة عزيزه وهى مطلقة وأم لطفلين عاوزة تطلع جنسية لواحد من اولادها ..اهاااا طبعا لازمن و حتما من حضور الوالد او من اى شخص من اخوانه او اولاد عمومتها..يعنى باختصار اى زول يحمل اسم العائله من الذكور..والوالد اجارك الله مركب مكنة جنجويدى..قعدنا نلت و نعجن انا وهى عن امكانية اتمام المهمة دى من دون غزوات ... جيت منها القى بوستيك ده فى وشى
دى قصة ما بتنحل يا صفية سنظل تحت هذا القهر ماشاء الله للسياسة فى بلادنا ان تلف بنا فى دوائرها المغلقة
اقعدى عافية |
نفس السيناريو يتكرر يوميا مع نساء مختلفات في ظروف مختلفة
لذا وجب التنبيه
شكرا ليك على ايراد القصة وفعلا كلنا يحتاج ان يحكي ويحكي للتوثيق اولا ثم لكي لا ياتي احدهم ويقول ماذا تبقى لنساء من حقوق ليطالبن بها
كمان تستفحل المشكلة مع المطلقات لانه اصلا الطلاق حدث نتيجة لخلافات وويظل الاطفال وحقوقهم ادوات الصراع او لتصفية الخلافات بين الزوجين ولذا غالبا ما ترضى المراة ان تواصل حياتها الزوجية مع شدة الاختلاف عشان زي ما بقولو اهلنا "الاطفال قيد الهوان" تستحمل عشان تنعم بيهم معاها. بجد حاجة مزعجة مؤلمة وتحتاج اننا نتحلى ببصيص امل براق عسى ولعل امكن واظن يوما ما احفاد احفادنا يحصلن على مساواة في النوع
شكرا ليك على المرور
صفية
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed)
|
استاذ ابو جهينة
سلام
Quote: تحياتي يا إيثار و ربنا يحغظك
أمك دي أصلك ما تخليها. زرزريها كدة في أي حاجة تخطلر على بالك. و سؤالك دة أول الغيث.
صفية كيفنك |
والله بجد اسعدني جدت تساؤلها لانه ينم عن ذهنية نقدية تحلل وتحس بالاشياء فلها التحية مرة اخرى
واكيد ورائهن الكثير ليتسائلن عنه فقط نامل في ان يجدن طريقا ممهد لايجاد اجابات شافية وحلول وافية للتمييز ضدنا
شكرا على المرور
صفية
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed)
|
سلام يا دكتورة ،، أول مرة حأكتب ليك مداخلة،
حقيقي في إشكالية إما في القانون ، أو في تطبيقة/ وفي إشكاليه أيضا في تطبيق الشريعة لتتماشى مع متطلبات العصر.
تأشيرة الخروج لازم موافقه الأب،
الجنسية، البطاقة، جواز السفر ،، إلخ....
بأحس بغبن شديد إنه المرأة لا زالت تحت رحمة قانون ذكوري يعطي الرجل (أو بعض الرجال) حقوقا لا يستحقها، أو على الأقل لا يعطي المرأة حقوقا كاملة.
حتى أنا بعد العمر الطويل دة وبعد المعافرة الكتيرة دي، لا زلت أحتاج موافقة الوالد كتابة عند السفر (الله يديه الصحة والعافية وطول العمر)، دي ما مشكلة ( أنا بالطبع بأستأذنه وبأخد مباركته لكن ما تبقى شرط رسمي وكتابة )
لكن بأفتكر إنه المرأة لا تعرف حقوقها كاملة ، وفي تعتيم وتضليل متعمد من الرجل ( أو بعضهم علشان ما نعمل مشكلة) إنه المرأة ما تعرف أبسط حقوقها ،
أعرف واحدة بنية إنفصلت عن زوجها بعد 5 شهور من الزواج ، وجات راجعة السودان بجنا في حشاها. الراجل برة السودان. طفلتها الآن عمرها 3 سنين. البنية المسكينة كانت عايزة تخلص قراية خوفوها أهلها إنها لو طلعت من البيت الراجل حيكون عند الحق يقلع البنت منها،، طلبت من الأب يصرف على البنت ، أهلها قالوا ليها نفس الإسطوانة إنه لو صرف عليى بنته حيكون لديه الحق في نزعها ،، والآن عايزة تشتغل ،، نفس الإسطوانة المشروخة.
والمسكينة مصدقة.
المرأة المطلقة في السودان مظلومة ومغيبة تماما عن حقوقها ،
توجد فتاوى وإجتهادات كثيرة في الشريعة وفي القانون تعرضت لكثير من التغيير لتتماشى مع العصر، ولكن الملاحظ إنه أي فتوى أو قانون له علاقة بتحرر المرأة أو يصب في مصلحتها لم يجد عليه جديد إلا قليلا،، مع إنه كثير من البلاد العربية والإسلامية حدث تطور كبير في تطبيق الشريعة والتشريعات لتتماشى مع العصر وإعطاء المرأة بعض وليس كل حقوقها.
هو موضوع متشعب فيه نقاط كتيرة ،، الحضانة ، الأوراق الرسمية ، النفقة ، متى يا ربي يعتد بالمرأة إنها ممكن تكون كيان مستقل قائم بذاته ولديها إعتبار؟؟
هل أجرؤ على هذا الحلم؟؟؟
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed) (Re: Safia Mohamed)
|
العزيزة صفية
الشوق مطر
والله بنتك ايثار طلعت جندرية خالص والبنت عمة
أما أنا فقد حدث معي النقيض مع ابنتي زينب عندما كانت في السابعة من عمرها
وقد كنت عاطلة عن العمل نتيجة لمفاهيم مماثلة بدولة الامارات حيث كانت الوظائف في مجال الطب البيطري
قاصرة على الذكور فقط وقد باءت كل محاولاتي لايجاد وظيفة بالفشل وبما أن ابنتي منذ نشأتها وجدتني امرأة بلا هيئة
فقد جاءت في أحد الايام من المدرسة وهي تنوء من حمل الحقيبة الدرسية التي يفوق وزنها العشرين كيلو ولواجبات التي
تحتاج لأكثر من خمس ساعات لانجازهاجاءت لتحدثني بقرار عدم عودتها للمدرسة مرة أخرى وعندما بدأت في مناقشتهابأن
مستقبلها في الدراسةأجابت ببساطة :ما مشكلة ممكن أكون أمية مثلك
وهذه كلها محن التمييز ضد النساء
| |
|
|
|
|
|
|
|
|
|
Re: هنئوا معي ايثار ابنتي على سؤالها ال في الصميم (Re: Safia Mohamed) (Re: Safia Mohamed)
|
العزيزة صفية
الشوق مطر
والله بنتك ايثار طلعت جندرية خالص والبنت عمة
أما أنا فقد حدث معي النقيض مع ابنتي زينب عندما كانت في السابعة من عمرها
وقد كنت عاطلة عن العمل نتيجة لمفاهيم مماثلة بدولة الامارات حيث كانت الوظائف في مجال الطب البيطري
قاصرة على الذكور فقط وقد باءت كل محاولاتي لايجاد وظيفة بالفشل وبما أن ابنتي منذ نشأتها وجدتني امرأة بلا هيئة
فقد جاءت في أحد الايام من المدرسة وهي تنوء من حمل الحقيبة الدرسية التي يفوق وزنها العشرين كيلو ولواجبات التي
تحتاج لأكثر من خمس ساعات لانجازهاجاءت لتحدثني بقرار عدم عودتها للمدرسة مرة أخرى وعندما بدأت في مناقشتهابأن
مستقبلها في الدراسةأجابت ببساطة :ما مشكلة ممكن أكون أمية مثلك
وهذه كلها محن التمييز ضد النساء
| |
|
|
|
|
|
|
| |
Safia Mohamed
العوض المسلمي
بشير حسـن بشـير
Ishraga Mustafa
عبود عبد الرحيم
Siham Elmugammar
ابو جهينة
عواطف ادريس اسماعيل
Ahmed Abdallah
سناء الصباغ
فيس بوك
تويتر
انستقرام
يوتيوب
بنتيريست