|
|
 كوميديا السيا ضه
|
المستمعين في كل مكان
اخييكم من داخل الملعب الاخضر
وانقل لكم علي الهواء مباشره
مجريات مباريات الفريق القومي السوداني
ضد الفريق القومي السوداني
في (التصفيات الختاميه لمجوعه الموت)
والتي نيثها حصريا علي هذا الموقع وكده
ف الي مجريات اللعب
ونحن في الدقيقه اتنين من عمر المباراه
والكوره في دايره السنتر
وبتتمر للصادق لاعب الفريق القومي السودامي
والصادق بمشي ناحيه اليمين
وبرجع ناحيه اليسار
وتاني بمشي ناحيه اليمين
وبرجع ناحيه اليسار
ومقطوووووووووعه
والصادق واقع الارض
وبتتجه الكره ناحيه الظهير الايمن حسن
وحسن معروف لاعب مراوغ
وبستحوز علي الكره كتبر
وبحاورر
وبحاورررر وبحاول يمرر لي اللاعب خليل في الناحيه الغربيه من الملعب
و
مفطوووووووعه
وخطييييييييييييييييره
وهدف اول في المرمي السوداني
وحسن واقع الارض والي خارج الملعب
في الدقيقه عشره من عمر المباره
نتمني السلامه لكل اللاعبين وحنشوف حسن حيقدر يواصل اللعب
ولي لا
ونواسل
تتلعب من دايره السنتر
وبتتمرر
ناحيه اليسار
للظهير الابسر المخضرم
اللاعب نقد
ونقد برجع لي ورا
وبرجع لي ورا
ليه بانقنق
مقطووووووووعه
وهدف تالت في المرمي السوداني
الكره في دايره السنتر وبستلم قلب الدفاع عبد الرحيم
وبرجع لي حارس المرمي صلاح اللي بدخل بعنف علي الكوره
وحكم المباراه الدولي بحذرو من اللعب العنيف مع الخصوم
وبياخد كرت اصفر
طؤيله جهه اليمين وبستلم اللاعب علي في وسط الملعب
وعلي صانع العاب جيد ومهمتو توزيع الفرص للاعبين
لكن من عيوبو عدم اللعب بالاطراف والتركيز علي وسط الملعب
ولو تم تنزيع اللعب علي الناحيه الشرقيه والجنوبيه الغربيه من الملعب
والتركيز علي اللعب بالاطراف لارهق الفريق السوداني كل خصومه
بستلم علي
وبمرر لي جون
ولعبه حلوه
وتمريره ذكيه
وجون بمرر لي ادوارد زادوارد عندو 40 مباراه خارجيه
وبحاول ادوارد يلعب جهه اليسار
بستلم عبد الواحد من الناحيه الغربيه من الملعب
وبمشي عبد الواحد وخطيييييره
وبمرر لي خليل
وخليل بتوغل بالكوره ناحيه وسط الملعب ومن الناحيه الشماليه الغربيه
وبصطدم بي قلب الذفاع عبد الرحيم
وعبد الرحيم واقع الارض وسليمه
رجال الاسعاف داخل الملعب
وتكتل دفاعي وبمر خليل من الناحيه الغربيه
وخطببببببببببببببببببببببببره
وبلعب كوره عاليه عاليه عاليه
مالهاش معني
ضربه مرمي لصالح الفريق الخصم
شايف رجل المرمي الليبي بقول مافبش حاجه
رغم انو الجمهور بصيح انو في تسلل
مراقب المباره المصري بتكلم مع الحكم الامريكي
وبتواصل اللعب
توقف قليل شايف حكم المباراه واقع الارض
وفي بلنت فعلا الحكم حسب ضربه جزاء لصالح الفريق السوداني
وبتقدم قلب الدفاع عبد الرحيم للعب ضربه الجزاء
الله الله الله ايه البحصل
بلعب البلنت (هيد) عن طريق الراس
اول مره اشاهد ضربه جزاء تتلعب عن طريق الراس
وتطلع الكره خارج الملعب لصالح الفريق الخصم
وقلب الدفاع لاعب قوي لكنه لايجيد اللعب بالراس
ويركز علي اللعب بالرجل اليمني حيث تمرس علي التسديدات القويه المباشره
بتوقف اللعب قليلا وبعض الفوضي علي المدرجات
وعلي كنبه الاحتياطي اللاعبين ميرغني وياسر واخرين لا اتبين ملامحهم
والحكم يخرج البطاقه الحمراء للاعب كول الذي لم يلمس الكره كثيرا
وهرج ومرج
وانتهز هذه الفرصه لاحدثكم قليلا عن نشاه وتطور الفريق القومي السوداني
وفريق السودان القومي فريق عريق لكنه لايجيد الكره الحديثه
وقد لعب كثيرا في التصفيات العربيه والافريقيه
وقد نال البطوله العربيه وفقا للتصنيف العربي في العام 1967 في الخرطوم
حبث انتصر بثلاث اهداف دون مقابل وقد احرز الاهداف حسبما اذكر
هدفين للاعب ازهري وهدف للاعب المحجوب الذي استطاع ان يسيطر ويتغلب ببراعه
علي اللاعب المصري ناصر والسعودي فيصل
لكن الفريق القومي لم يقدم كثيرا في مباريات دوري افريقيا
وعلي العموم هو فريق يحتوي علي عناصر جيده من اللاعبين
لكن ينقصه الانسجام والتدريب وتوظيف قدرات اللاعبين
وتلاحقه مشكلات التدريب الاجنبي كما ان التشجيع في الملعب اصبح ضعيف جدا
ودلك لغلا سعر تذكره الدخول ولاستياء الجمهور واصابه معظم الجماهير
بالملاريا والايدز وبسبب الخوف من سقوط المقصوره والمدرجات
لا ادري الي اي مدي يتجدد الامل في انتصارات فريقنا القومي
لكن نتابع مجريات اللعب
ونحن في الذقايق الاخيره من عمر المباراه
والنتيجه الهزيمه المتكرره 16-صفر
|
|
 
|
|
|
|
|
|
|
|
Re: كوميديا السيا ضه (Re: طارق الأمين)
|
Quote: وتلاحقه مشكلات التدريب الاجنبي كما ان التشجيع في الملعب اصبح ضعيف جدا
ودلك لغلا سعر تذكره الدخول ولاستياء الجمهور واصابه معظم الجماهير
بالملاريا والايدز وبسبب الخوف من سقوط المقصوره والمدرجات
لا ادري الي اي مدي يتجدد الامل في انتصارات فريقنا القومي
|
بكره احلي
| |
|
|
|
|
|
|
|
|
|
Re: كوميديا السيا ضه (Re: humida)
|
| Quote: عيســـي جاري والناس جارين وراهو ..!! |
حميده والله مداخلتك ماوقعت لي
وماعرفت عيسي دا ياتو
لكن والله ضحكت ضحك
شتاره الجمله تشبه طبيعه المباراه
حميده حميده حميده
التحكيم كيف؟
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
Quote:
بلعب البلنت (هيد) عن طريق الراس
اول مره اشاهد ضربه جزاء تتلعب عن طريق الراس
وتطلع الكره خارج الملعب لصالح الفريق الخصم
وقلب الدفاع لاعب قوي لكنه لايجيد اللعب بالراس
ويركز علي اللعب بالرجل اليمني حيث تمرس علي التسديدات القويه المباشره
|
...
..
.
اعاده بالبطئ
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
يخيل لي انت قاصد
بكره اح لا
كدي اعد يانعيم نشوف
ولي قصدك يلغو الدوري ماعارف
ويعملو الرياضه الجماهيريه
ولي امشي الحصاحيصا انا
ولي شنو؟
تسلم
بكره ما بعيد
واادي رجيه
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
كمال علي الزين
شااااايفك بتشجع اللعبه الحلوه
لكن في ذمتك
اسي دي كوره يشجعوها
لو عندك اقتراح لي تسجيلات لاعبين
خش تووووش ولايهمك
اصلو المباراه لسع تجريميه
هي بس سم اللهي
اقصد تجريبيه
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
ألأخ/طارق.....
المعلق....ما بطال..
مافى سيرة لكنبةألآحتياطى..عبدالله خليل..وسوار الدهب..والمقبول...الناس ديل لاعبين من غير إحتياطى....عمومآ الدفاع مكرب..دفاع شعبى..أما الجمهور..ام درمان عشق الكورة..مفروض يدوهو ا الكاس
المباراة دى شكلها زى المعاد كدة....والنتيجة معروفة...مودتى...
إسماعيل محمد احمد عباس...
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
يا طارق
بما انو حميده اتاخر وما جاك راجع عشان يوريك حكاية عيسى جارى
والناس جاريين وراهو دى
فأنا ح اسمح لى نفسى بشرح الحكايه حسب فهمى ليها
واظن انو حميده بيقصد عيسى صباح الخير لاعب المريخ السابق واحد
ابطال مانديلا
وفى مباراه اظن كانت مع بتروناج الكنغولى فى الكنغو قام عيسى
استلم الكوره من النص وانطلق نحو المرمى ويطارده من الخلف لاعبى
الكنغو وحاور عيس كل من قابله وحتى حارس المرمى واحرز هدف من اروع
الاهداف , وكان بيذيع فى هذه المباراه الرشيد بدو عبيد
وكان بيقول ( عيسى جارى والناس جاريين بى وراهو )
وازكر جدا انو الرشيد بكى عقب ذلك الهدف وهو يصف فى قصة الهدف
وازكر ايضا انو تم تسجيل تلك اللحظات الخالده
وتم بث ذلك التسجيل لذلك الهدف فى الاحتفالات الحاشده لنادى المريخ
فرحا بالفوز بكأس مانديلا وازكر انو الجماهير تفاعلت يومها مع التسجيل
الذى بث فى ستاد المريخ وكرم يومها الرشيد بدوى عبيد بنجمه من الذهب الخالص
ـــــــــــــــــــــــــــ
والله اعلم
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
Quote:
رجال الاسعاف داخل الملعب
|
رجال الإسعاف ديل ما صينين
وإستخدمو " حق التخدير الحقنة "
الكورة دي ملعوبة حصحاص عشان كده الإصابات بتكون جامدة
لكن موضوع عيسى ده تعابني
لأنو عيسى ده بلعب نضيفة
الجابو هنا شنو ما عارف
والله اعلم
او كما قال
| |
|
|
|
|
|
|
|
|
|
Re: كوميديا السيا ضه (Re: وليد محمد المبارك)
|
Quote: حيييييييييييييييييييييييييي انا
كابو كيف ؟ |
وليد ياوليد ياحرف الام
مشتاقين ياعمك
قت لي لندن ومانشستر
والله بس فضل ليك تشرب السجاير
ولي تحلق صلعه
انا بخصوص السؤال فانا فعلا اسال معك
كابو كبف؟؟؟ ووين؟؟؟
لي شهور لاشفتو لاقريت ليهو
اوعي تكون قضيتنا سخنت معاهو
حقو نمشس نسال منو
تاسيا بالرسول الكريم مع اليهودي
نقول ليهو ياهيثم
مالك يقيت ما بتجي تكب الوسخ؟؟
| |
|
|
|
|
|
|
|
|
|
Re: كوميديا السيا ضه (Re: Siham Elmugammar)
|
Quote:
و عمر ماشى بالكوره و يحاور جميع الاعبين
يحاول يقطعها منو حسن
لكن يا سلام يا سلام على على
بشيلها منو قبل ما يضقل بيها ذاتو
و بيباصيها لعمر
و عمر ماشى و ماشى و بيحاور و بيحاور
و بخش الصادق
عمر جارى و الصادق جارى وراهو ..
عمر جارى و الصادق جارى وراهو ..
عمر جارى و الصادق جارى وراهو ..
ده المشهد فى المعلب لكن و اضح انو احدى الكاميرات ناقلاهو مقلوب
الصادق لازال بيحاول
ويا سلام يا سلام يا سلام على اللعب
عمر بيباصى و بيشوت كوره عرضية
الصادق بثبتها بصدره و يراضيها
غريييييييييييييييييبه غريببببببببببببببببببببببببببببه
الكورة طرشقت فى وش الصادق ورمتو بعيد خااااااارج الملعب
الصادق على الاض
والمسعفين الذين نقلو عبدالرحيم لم يعودو بعد
ولا زال الصادق مرمى على الارض خارج الملعب
و داخل الملعب بتستمر المباراة
عمر بيمسك الكورة من جديد
و
ااااى ده اللعب ده اللعب ده اللعب يا عمر
|
سهام يامجمر كيفك
ليك وحشه
لقيتك شوافه انت قاعد في ياتو صايد وبتعلقي
لاني ماشابفك بي جاي
ومتعاقده مع ياتو قناه
عاوزين تعرف لانك في الوسف وصافه
وفي التحليل حلاله
وحلاله
ونسي اهلو مانسانا
اووووو جب جب جب
| |
|
|
|
|
|
|
|
|
|
Re: كوميديا السيا ضه (Re: tarig almakki)
|
Quote: لكن موضوع عيسى ده تعابني
لأنو عيسى ده بلعب نضيفة
الجابو هنا شنو ما عارف[/QUOT
جابوهو حميده وغلي
ولعبوهو في الحصاص دا
الله يجازي اللي كان الحصب
باطارق تحياتي
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
طارق .....
نمتطى رحلات سودانيز اون لاين....
من السبت الى الجمعه....
ولم نرك فى اى من رحلاتها
فى الفترة الماضية....
هل سوء الاحوال الجوية ...
هو ماابعد طائرتك عن مطارنا ...
ام درت حول مطارنا ...لتنفد الوقود
ثم تعاود الهبوط ..
لك خالص الود
| |
|
|
|
|
|
|
|
|
|
Re: كوميديا السيا ضه (Re: ناهد بشير الطيب)
|
Quote: نمتطى رحلات سودانيز اون لاين....
من السبت الى الجمعه....
ولم نرك فى اى من رحلاتها
فى الفترة الماضية....
|
ياناهد سلامات يامنقه
عليك الله اليومين دبل اعفيني من امتطاء اي حاجه حرفها الاول ( سو)
عشان سو الاحوال الجويه وغير الجويه
فاديني فرصه وبمتطي معاكم
مع تجايا عطره
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
حوّلت القناه عشان نسمع المباراة بصوت الرشيد بدوى عبيد ..
لقيتها قاطعه ..
عشان إنت وصفك فيهو عدم حياديه و إنحياز واضح !
طارق الأمين ...... إنت فلته ،
لقيتنى كيف ؟؟
| |
|
|
|
|
|
|
|
|
|
Re: كوميديا السيا ضه (Re: مصدق مصطفى حسين)
|
طارق ( وش نهره ) !!
ما دايرين ما دايرين ادونى كورتى
كورة ما فيها ولا مراة ؟ مافيها زول من دارفور ؟؟؟؟ ولااااااااا جنوبى واحد ؟
بالعدم قبطى ؟؟ ولا ادروب ؟ وكلهم مسلمين ؟ ياخى دى كورة شنو دى ؟
يالك من عنصرى ذكورى واثنى وبتتكلم ساى ,,,,,,,,
ـــــــــــــ
شك القصة دى من الاول احسن ليك
يعنى بالعربى كدا خت الكورة واطة ..
بعدين ناس فوق السبعين ديل لعبو كيف ؟؟ كان فى تزوير ؟؟
كلمنى برااااااااااى ما بكلم ..
| |
|
|
|
|
|
|
|
|
|
Re: كوميديا السيا ضه (Re: مصدق مصطفى حسين)
|
Quote: طارق الأمين ...... إنت فلته ،
لقيتنى كيف ؟؟ |
اقيتك ياحبيب خليت عدم حياد الفريق وقبلت علي المذيع
لقيتك خاتي الخمسه في الاتنين ومحتار من شكل ماتشا فظيع
لا عليك
في امل انو النور يقطع او الكشافات تحرق عاين لمن تضرب حاجه
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
| Quote: والنتيجه الهزيمه المتكرره 16-صفر |
بعد النتيجة وفي المؤتمر الصحفي للفريق صرح المدرب المخضرم عمر والذي يدرب الفريق منذ العام 89 قائلاً :
نعم خسرنا النتيجة و النتيجة ما مهمة المهم كسبنا الإحتكاك ..
الفريق الخصم بصدد رفع شكوى للفيفا لأن المنتخب السوداني قام بتغيير أكثر من الحد المسموح به للاعبين حيث تنص المادة حداشر فقرة سبعة إنو عدد اللاعبين المسموح بتغييرهم خلال المباراة يكون ثلاثة لاعبين في حين إنو المنتخب السوداني قام بتغيير 7 لاعبين بداية من الدقيقة 56 وحتى الدقيقة 89 (قبل النهاية بي دقيقةواحدة) مع العلم إنو المنتخب كان بيلعب كورة (أوروبية) قبل الدقيقة 56 لكن يبدو إنو تدخل المدرب أضر بالمنتخب ولو واصل المنتخب بنفس التشكيلة البدا بيها قبل الدقيقة 56 فقطع شك كان شلنا كاس العالم ..
ظاهرة غريبة شهدتها المباراة عندما قام الحكم بطرد اللاعب رقم 5 نميري بالبطاقة الحمراء على الدقيقة 85 ليعود اللاعب لأرضية الملعب مرة أخرى وسط تصفيق الجمهور في الوقت بدل الضائع في محاولة لتعديل النتيجة لكن الظاهر الزمن ما حا يسعفو ..
وللحقيقة فإن اللاعب أبو الجاز قدم تابلوهات رائعة وهو يشق دفاعات الفريق الخصم قبل أن يتم تحويله لمنطقة الدفاع ليقل مستواه وربما يتم تغييره في اللحظات القادمة ..
المباراة شهدت العودة القوية الطيب سيخة بعد الإصابة التي لحقت به عند إصطدامه باللاعب رقم 9 الملقب بي طيارة ..
| |
|
|
|
|
|
|
|
|
|
Re: كوميديا السيا ضه (Re: عمر الفاروق)
|
المتداخلين والمتداخلات
القاطعين تذاكر والداخلين ملح
القاطعين شرط والقاطعين الطعم
شكرا لتدخللم وسنعود
ختما نعود
للقريه الغناء للكوخ الموشح بالورود
النخل والصفصاف والسيال زاهيه الثمار
تزغرد الجارات والاطفال ترقص والصغار
سنابل القمح المنور في الحقول وفي الديار
لا لن نحيد
| |
|
|
|
|
|
|
|
|
|
Re: كوميديا السيا ضه (Re: طارق الأمين)
|
ياخي نقد ده ما بنقنق
بس ما بيباصو ليهو
حسع عليك ذمتك دي
إسمو جا كم مرة؟
يعني ما ميمكن تدي لاعب النص باص في كورعين السنتر فورود
ولا ميمكن تدي الهداف باص في ضهرو
كلامك ده كلام زول داير يشطب الناس ساكت
(بحسب إمتلاككم -للكرسي- البِلحس الناس زي أسماء في حياتنا)
يا طارق الصُلعي إنت
| |
|
|
|
|
|
|
|
|
|
Re: كوميديا السيا ضه (Re: Rihab Khalifa)
|
طروووقي ... تسلم,
وكلما تسلم ... تظهر,
وكلما تظهر ... نفرح.
... أها عرفتك { شانك }
وده ... بالمناسبة عندها
قصه ... سأحكيها فى حينها.
ياخ المباراة ده مدورة من
سنة دو ... فك التسجيلات
متين ياخ.
تعلم ما تقول لقرائك هنا,
لكن دينا خالد ده عندها شوية
مزاج مايل للجندر ... فقول ليها
ما في مباراة فى الدنيا ده بشتركوا
فيها رجال ونساء فى نفس الوقت, لكن
في دوري للرجال وآخر للنساء كذلك.
شكلهم { كنساء } ما بحبوا وما بعرفوا
إلعبوا بدونا { كرجال } ... ول أقول
ليك ... أديها كورتا ياخي, على وزن
... لكم دينكم ولي دين.
طارق ... كلما تمر إسفيريا, تجدني
أرتفع معنويا ... وليتنا نلتقي مجددا
على دروب الصحافة ... الحبيبة/الحنينة.
... مع مودتي
| |
|
|
|
|
|
|
|
|
|
Re: كوميديا السيا ضه (Re: HAYDER GASIM)
|
| Quote: لقيتك شوافه انت قاعد في ياتو صايد وبتعلقي |
انا قاعدة وييييييييييييين؟؟؟
الرسول هسه انت ما شايفنى ...اها اها طلعت فى الشارع ..و رفعت ليك ايدى
| |
|
|
|
|
|
|
|
|
|
Re: كوميديا السيا ضه (Re: Siham Elmugammar)
|
| Quote: الرسول هسه انت ما شايفنى ...اها اها طلعت فى الشارع ..و رفعت ليك ايدى |
هام قولي بسم الله وادخلي جوه
بس مستعجله لي طلوع الشارع
حلي الشارع يفضي شويه ياخ
بتجيبي لبنا الهوا
خشي جوه سريع قت ليك
ماتقوم تدقشك لينا حاجه
ولي عربيه راسا مقطوع بي فوق
جوه
| |
|
|
|
|
|
|
|
| |
على محمد على بشير
naeem ali
omer osman
كمال علي الزين
حسين محي الدين
humida
Abd Alla Elhabib
ismeil abbas
tarig almakki
Siham Elmugammar
ناهد بشير الطيب
دينا خالد
عمر الفاروق
ASHRAF TAHA
Rihab Khalifa
HAYDER GASIM
Ashraf el-Halabi
فيس بوك
تويتر
انستقرام
يوتيوب
بنتيريست