|
|
 هل انت مثقفاتي
|
لازم تحب ابو عركي
لازم تتكلم عن مشكلة دارفور
لازم تحب اغاني مصطفي سيد احمد
لازم تحب محجوب شريف وتعرف حاجة لغناء العزلة ضد العزلة
لازم تعرف الحب في زمن الكوليرا
لازم تتكلم عن الهامش والمركز
لازم تستعمل مستوحش اللغة
اذا انطبقت عليك الشروط اعلاه فانت مثقفاتي كامل
|
|
 
|
|
|
|
|
|
|
|
Re: هل انت مثقفاتي (Re: khaleel)
|
اسمع
حابي اكون لكن ما عارف اكون كيف
عموما كتر خيرك على الوصفه دي
Quote: لازم تحب ابو عركي
لازم تتكلم عن مشكلة دارفور
لازم تحب اغاني مصطفي سيد احمد
لازم تحب محجوب شريف وتعرف حاجة لغناء العزلة ضد العزلة
لازم تعرف الحب في زمن الكوليرا
لازم تتكلم عن الهامش والمركز
لازم تستعمل مستوحش اللغة
|
قلت ليك الوصفه دي بلقاها وين وياربي مقاسي بتلقي
ولا اشتري 2 وارقعن
في سوق واقف في ؟؟
ولا ما في؟؟
لو ما متاكد اسأل صاحبك الامريكي داك يمكن يعرف لينا عنها حاجه
الله معاك..
| |
|
|
|
|
|
|
|
|
|
Re: هل انت مثقفاتي (Re: khaleel)
|
| Quote: تعرف الفتاة التي طارت عصافيرها |
مني دي يا خليل
انت عايز معانا مشاكل ولا عايز تجيب لينا هوا
| Quote: هذه الوصفات تنطبق عليك بالكامل |
قول والله
طيب ده ما استثمار ابن كلب
_______________________________
عالم خليل عالم داقس خالص
| |
|
|
|
|
|
|
|
|
|
Re: هل انت مثقفاتي (Re: هشام آدم)
|
| Quote: والبنطلون الجنز الوسخان (لزوم التعبير عن حالة الإحباط العامة) |
دي ما مثقفاتي دها مفلس وما عندو حق الصابون وبنطلونو واحد
| |
|
|
|
|
|
|
|
|
|
Re: هل انت مثقفاتي (Re: khaleel)
|
اها ودي اضافة للوصفة اعلاه
مستلزمات المسغفاتي
جينز قديم .... تشيرت معولق . و شنطة كيف كيف كدة (قماشة او جلد مليانة ورق و كتب ما مرتبة في الكثير من الاحيان ) . و حفظ كميات من الاسماء الغريبة لمؤلفين و كتب كدة .. و السرحة اثناء الكلام مع برمة الشعرة (يمسكها المسغفاتي اثناء مايتكلم ودي دلالة التركيز الشديد وكدة )
و ماتنسي .. النحاسة 
| |
|
|
|
|
|
|
|
|
|
Re: هل انت مثقفاتي (Re: Sahar Yousif)
|
Quote: جينز قديم .... تشيرت معولق . و شنطة كيف كيف كدة (قماشة او جلد مليانة ورق و كتب ما مرتبة في الكثير من الاحيان ) . و حفظ كميات من الاسماء الغريبة لمؤلفين و كتب كدة .. و السرحة اثناء الكلام مع برمة الشعرة (يمسكها المسغفاتي اثناء مايتكلم ودي دلالة التركيز الشديد وكدة )
|
ولازم اديك احساس انو بفهم اكتر منك
| |
|
|
|
|
|
|
|
|
|
Re: هل انت مثقفاتي (Re: khaleel)
|
| Quote: ولازم اديك احساس انو بفهم اكتر منك |
اكييد طبعا
و الشئ الغريب انوا طاشي و دايش ..وفي نفس اللحظة مركز و عامل فيها فاهم حاجات كتيرة كدة ..
دالحين اسعلكم ... الثقافة دي ذاتها شنو ...
الزمن دة جد غريب .. حتي المصطلحات و الكلمات تغيرت و بقت مدلولالات لحاجات تانية ...!!
| |
|
|
|
|
|
|
|
|
|
Re: هل انت مثقفاتي (Re: د.نجاة محمود)
|
كتب منعم الجزولي في هجاء المسقفاتية
حى قيوم وقيوم حى
اذا عتبات بيوتنا اتوحمت للضى
اذا ترباس معارفنا انقفل فى فكرة راجية الرى
اذا حاصرنا حتى غنانا
فى علب المعانى الخايبة
والمدن المكهربة بالكلام النى
لاغازلنا بت جيرانا فهمت شى
ولا فهمن بنات الحى
2
بتحبو شان مبهورة بيهو
وبالكلام من خشمو يترترت
اذا خشمو الكلام فقعو
يكعوج فى عباراتو
وتقول بلة الكلام نقعو
تغرود ليهو بى بسماتها فى الندوات
ويسبل ليها فى الكلمات
تقول اتنين مساطيل
لفوا ( نص )
ضربوهو وانصقعو
ولو عاينت فى الامثال
تجد ان الطيور على اشكالها ( وقعوا )
حروب الخنفشاربة ضد الحداسة وما بعدها
| |
|
|
|
|
|
|
|
|
|
Re: هل انت مثقفاتي (Re: د.نجاة محمود)
|
وما تنسى يا عمك
من اهم شروط المثقفاتية
الحديث عن الله و عن الهوس الجنسي لدى الإسلاميين
و تحشر كلمة " الحراك " و " رفد الحوار" في نص كلامك
ناهيك عن سيرة وجع الروح و نار الكتابة البتجذبك كالفراش عشان تحرقك
وتاني شنو تاني شنو؟ أيوة...
مصطلحين تلاتة بتاعين فلفسة
| |
|
|
|
|
|
|
|
|
|
Re: هل انت مثقفاتي (Re: محمد البشرى الخضر)
|
Quote: ناهيك عن سيرة وجع الروح و نار الكتابة البتجذبك كالفراش عشان تحرقك
وتاني شنو تاني شنو؟ أيوة...
مصطلحين تلاتة بتاعين فلفسة
|
ايوة ود البشري
ولازم تلقي مرافي وسفن ونورس وسمندل
| |
|
|
|
|
|
|
|
|
|
Re: هل انت مثقفاتي (Re: khaleel)
|
| Quote: اذا انطبقت عليك الشروط اعلاه فانت مثقفاتي كامل |
انت قاصدني أم ود الصايم؛ أم ود الفاروق
غايتو ديل مثقفاتية شديد
ولو قاصدني ؛ بجيك تاني
شكراً خلّي العيش حرام
| |
|
|
|
|
|
|
|
|
|
Re: هل انت مثقفاتي (Re: غزلان إدريسي)
|
واذا كنت في قعدة وفيها نقاش معقد
من الضروري بتكون بتصلح السفة في يدك زي نص ساعة وانت بتتكلم
ثم تسفها وتواصل في الكلام والتنظير بدون اهتمام
| |
|
|
|
|
|
|
|
|
|
Re: هل انت مثقفاتي (Re: عبدالكريم الامين احمد)
|
| Quote: ثم تسفها وتواصل في الكلام والتنظير بدون اهتمام |
بعدين يا كيكي
لو كان الموضوع مفتوح عن هاشم صديق
المثقفاتي ممكن اقول ليك ( ياخي هاشم اشتغل شغل سمح خلاص)
مع ملاحظة انو هاشم دها ممكن هاشم ود تامنفلو
| |
|
|
|
|
|
|
|
|
|
Re: هل انت مثقفاتي (Re: khaleel)
|
بعدين لازم اكون اسطوانات قديمة وموسيقي بتاعة بتهوفن
وتتكلم شوية عن فان جوخ ولازم اكون عندك راي في الرموز بتاعة البلد
| |
|
|
|
|
|
|
|
|
|
Re: هل انت مثقفاتي (Re: khaleel)
|
بعدين لازم تتكلم في الرسم السريالي
وانو اللون الاضافي في اللوحة دي شوش علي الظل الجاي من شبكية الزول البعاين..
ولازم برضو تعتقد بان الرسام مفروض يقلل من مساحة خيال المشاهد
عشان يتنج فن منحاز للشعب
| |
|
|
|
|
|
|
|
|
|
Re: هل انت مثقفاتي (Re: عبدالكريم الامين احمد)
|
Quote: بعدين لازم تتكلم في الرسم السريالي
وانو اللون الاضافي في اللوحة دي شوش علي الظل الجاي من شبكية الزول البعاين..
ولازم برضو تعتقد بان الرسام مفروض يقلل من مساحة خيال المشاهد
عشان يتنج فن منحاز للشعب |
بعدين يا كيكي يجيب ليك كلام كبار
ضبابية وشفافية وروي بنفسجية واقحوان وزهرة القرنفل وزهرة اللوتس
وجناح امجكو
| |
|
|
|
|
|
|
|
|
|
Re: هل انت مثقفاتي (Re: khaleel)
|
الحبيب خليل
ولازم أثناء النقاش تحشر جملتين او تلاتة انجليزية من ماركة I could not have agreed more و better late than never و كلمتين او تلاتة من ماركة simplistic و artistic ..الخ
| |
|
|
|
|
|
|
|
|
|
Re: هل انت مثقفاتي (Re: khaleel)
|
خيو ، خليلو سلامات:من حيث البنيوية الفكرية للوجه الحداثوي للبوست، بعتقد انو البوست يعني لامس مفاصل العقل اللاواعي المفترض انو يتحد مع جوانيات التكنيك التفكيكي للوحدة الجشتالتية التي عليها انبني الوعي الكلاسيكي القديم الجابو لينا العم هوجو في معرض نقده لاجتماعيات ابن رشد، ومقارناتو مع ديكارت في ما اختص الاستبطانية(الاستبطان-استفزاز الزول عشان يقول في السرو)، من جهة ومغالطات بافلوف لنظريات فرويد لجهة تفكيك الاناالاعلى وتاثيرات الطفولة على الوعي الوسيطي من جهات اخرى، ولاااااب لاااااب لااااااااابب.
شفتا نجر زي النجر الفوق دا، ضروري عشان تكون مثقفاتي، ضف الى ذلك كلمتين او تلاته بالانجليزي على شاكلة، اورنيتيشنس(توجهيات) كليغوو(زميل) فوكس اوف اتنشن(يلفتلو انتباهو) وعشت يا خليل يا كبيرا للمثقفاتية..
| |
|
|
|
|
|
|
|
|
|
Re: هل انت مثقفاتي (Re: محمود الدقم)
|
Quote: خيو ، خليلو سلامات:من حيث البنيوية الفكرية للوجه الحداثوي للبوست، بعتقد انو البوست يعني لامس مفاصل العقل اللاواعي المفترض انو يتحد مع جوانيات التكنيك التفكيكي للوحدة الجشتالتية التي عليها انبني الوعي الكلاسيكي القديم الجابو لينا العم هوجو في معرض نقده لاجتماعيات ابن رشد، ومقارناتو مع ديكارت في ما اختص الاستبطانية(الاستبطان-استفزاز الزول عشان يقول في السرو)، من جهة ومغالطات بافلوف لنظريات فرويد لجهة تفكيك الاناالاعلى وتاثيرات الطفولة على الوعي الوسيطي من جهات اخرى، ولاااااب لاااااب لااااااااابب.
شفتا نجر زي النجر الفوق دا، ضروري عشان تكون مثقفاتي، ضف الى ذلك كلمتين او تلاته بالانجليزي على شاكلة، اورنيتيشنس(توجهيات) كليغوو(زميل) فوكس اوف اتنشن(يلفتلو انتباهو) وعشت يا خليل يا كبيرا للمثق |
الدقم
بنية الوعي بتاعتك مثقفة خالص وعجبتني في الحتة دي
| |
|
|
|
|
|
|
|
|
|
Re: هل انت مثقفاتي (Re: khaleel)
|
بعدين ياخلي
ضروري تتكلم عن تجربة الاقليات في هايتي..
وبنية وبالجنبة كده تدي الناس لمحة عن كورال عمال القصب في الريف الكوبي..
وتعمل مقارنة بتاعة (بنية وعي ) مع كورال عمال القصب في كنانة
| |
|
|
|
|
|
|
|
|
|
Re: هل انت مثقفاتي (Re: عبدالكريم الامين احمد)
|
Quote: بعدين ياخلي
ضروري تتكلم عن تجربة الاقليات في هايتي..
وبنية وبالجنبة كده تدي الناس لمحة عن كورال عمال القصب في الريف الكوبي..
وتعمل مقارنة بتاعة (بنية وعي ) مع كورال عمال القصب في كنانة |
ايوة ويكون عندك فكرة عن القبارصة الاتراك والقبارصة اليونان
وابادة الهنود الحمر وعند التنقيب في بحر قزوين ومشكلة خليج الخنازير واغتيال كينيدي
وانتحار مارلين مونرو وما تقول مانشيستر يونايتد
تقول مان يونايتد بس
| |
|
|
|
|
|
|
|
|
|
Re: هل انت مثقفاتي (Re: عبدالكريم الامين احمد)
|
ولازم اكون عندك راي في النظام وتستعمل كلمة طغمة وعصابة وجلاد وتنكيل وتكبيل
وتكميم
وتعرف التجارة التفضلية ونادي السبعة الكبار وتعرف شوية عن التنس وسيرينا وليامز
ولازم الريف الانجليزي اكون ليهو وقع خاص في نفسك
| |
|
|
|
|
|
|
|
|
|
Re: هل انت مثقفاتي (Re: khaleel)
|
وبعدين لو كنت مثقف اسلامي..
لازم تقول التنظيم
وتقول اخواننا في الشيشان
واخوانا ف حماس
واخوانا في البوسنة
واخوانا في الصومال
وتقول التنظيم العالمي....
وتقول قوي الاستكبار العالمي..
وتقول اخونا اسامة
اخونا ايمن الظواهري
| |
|
|
|
|
|
|
|
|
|
Re: هل انت مثقفاتي (Re: عبدالكريم الامين احمد)
|
وومكن تعمل فذلكة عن البطريق والسمندل وتتكلم عن العجوز والبحر لارنست هيمنجواي
ورائعة ديستوفسكي ووممكن تستعمل من قاموس كيكي
موغل ودهشة ومدارات
وتتكلم عن درب العشق في جلقني
| |
|
|
|
|
|
|
|
|
|
Re: هل انت مثقفاتي (Re: khaleel)
|
برضو يا ابو الخل لو كنت مثقف تاصيلي..
لمن تجي الخليج تلبس جلابية وشال من النوع ابو كديس
ولو مشيت امريكا تخش ليك في بدلة بيضاء ومكوية
لزوم حداثة التاصيل...
ولو جاك زول في مكتبك تقدم ليهو بلح
| |
|
|
|
|
|
|
|
|
|
Re: هل انت مثقفاتي (Re: ناصر البطل)
|
تمشدقُ وتصنيف من أرواح مستثغفة وغير معنية بكفاح الجماهير ولا بمعاناتهم
التوقيع:
مثقف ومحلل سياسي وأديب و عضو جمعية المحافظة على الدُب الكندي من الإنقراض ومناصر لحقوق (القواينة*)..
* القواينة من gay تم تعريب جمع مذكرها(الغير) سالم لتأخذ من المصطلح السودانوي المعروف قوته ودِقة وصفه..
___
كيكي وخليل ديل مهندسين مندسين و حاقدين كمان..
| |
|
|
|
|
|
|
|
|
|
Re: هل انت مثقفاتي (Re: ناصر البطل)
|
ولازم تتكلم عن المسرح الاغريقي والفلاسفة اليونان والمدينة الفاضلة لافلاطون وتتكلم عن ارسطو
وشهريار وطلوع الصباح
وبعد كدة اكون حق الصعوط ما عندك وبتقرا الجرائد ملح
| |
|
|
|
|
|
|
|
|
|
Re: هل انت مثقفاتي (Re: khaleel)
|
| Quote: كيكي وخليل ديل مهندسين مندسين و حاقدين كمان |
انو وصحبي الكاشف ديل ناس قريعتي راحت ساكت..
لكن يا ياسر تعال شوف الناس المثقفاتية..
لازم تتكلم عن اتفاقية(ايتا) للطيران ولوحصلت ليك مشكلة في المطار تزكرها في حثيثات الجوطة بتاعتك مع ناس الخطوط..(وتقول ايتا في الحتة دي قالت كيت كيت)..
بعدين تتكلم البنفسج في شعر حسن ماكردة بروية ذات ابعاد اركلوجية وتوضح انها السبب في تفكك الخطاب الاسلاموي في الشرق الاوسط الجديد
| |
|
|
|
|
|
|
|
|
|
Re: هل انت مثقفاتي (Re: عبدالكريم الامين احمد)
|
| Quote: تمشدقُ وتصنيف من أرواح مستثغفة وغير معنية بكفاح الجماهير ولا بمعاناتهم |
ياسر طيفور
لازم تكون عارف حركات النضال ضد الامبريالية وتعرف لوممبا وجيفارا وصراع التبت ومشاكل
الاقليات المسلمة في تايلاند وتتكلم شوية عن ابوسياف في الفيلبين والارهاب في جزيرة بالي وانفصال تيمور الغربية وانضمام استراليا للاتحاد الاسيوي
لكرة القدم
ولازم تعرف شوية عن التقنت وابعشرين والكنار ولقيط القطن ودق العيش
والطرق الحديثة لعمل المريسة
| |
|
|
|
|
|
|
|
|
|
Re: هل انت مثقفاتي (Re: khaleel)
|
واهم شي يا مثقف تكون علي دراية كاملة بالهلال الشيعي في ايران وسوريا والعراق ولبنان
وعن عدد القنابل الموجودة في مفاعل ديمونة
وعن توقيع عقد مورينهو مع انتر ميلان وعن خلاف شداد والارباب وعن غرق بطيخ خالي عباس
بالفيضان بعد اخذ سلفية كبيرة من البنك الزراعي
| |
|
|
|
|
|
|
|
|
|
Re: هل انت مثقفاتي (Re: khaleel)
|
ولازم وضروري تعرف الاسير الاسرائيلي جلعياط شاليط ومقايضته بمروان البرغوثي
وعند البطيخ في الشوك وقرع ود العباس المائة بقرش
| |
|
|
|
|
|
|
|
|
|
Re: هل انت مثقفاتي (Re: khaleel)
|
ولازم تعرف العواقب الوخيمة التي ستعترض لها بيونغ يانغ في حالة عدم انصياعها للقرارات
الشرعية الدولية وتعرف شوية عن الحوافز التي قدمها الغرب لايران لوقف تخصيب اليورانيوم
وكتير عن اصابة عبد الجليل ود ابريش بعد انقلب بيهو اللوري بالقرب من الطالباب
| |
|
|
|
|
|
|
|
|
|
Re: هل انت مثقفاتي (Re: khaleel)
|
خليل وكيكي
مالكم نسيتو الطشمة النضيفة..
والكلمات الإنقليزية بين قوسين في متن الكتابة بالعربية..
____
ما زلت عند رأي: كيكي وخليل مهندسين مندسين وكمان هلالاب..
| |
|
|
|
|
|
|
|
|
|
Re: هل انت مثقفاتي (Re: Yassir Tayfour)
|
Quote: مالكم نسيتو الطشمة النضيفة..
|
ودي كمان يا ياسر ثقافتها عينة..
اول شي كمثقف لازم تشرب ويسكي ونوع نضيف لو قاعد (كعبود خارج الحدود)
ومزتك تكون جبنة مضفرة وزيتون وتجيب تلج في صحن كبير وفيه معلقة وكم علبة بتاعة بيرة مجدعة في التربيزة لزوم التبريدة...
واما ان كنت (عبود داخل الحدود) وجوه البلد العرقي بتاعك لازم يكون من ست عرقي محددة وضروري تنظر ليها كنموذج ازمة الهامش في ظل سطوة المركز ولمن تجي تشيل عرقيك منها تتكلم معها كلام كبار كبار..
وهي المسكينة تقول لييك (سحييي(صحي) يا ولدي) بدون ما تفهمك بترطن في شنو
| |
|
|
|
|
|
|
|
|
|
Re: هل انت مثقفاتي (Re: khaleel)
|
**
*
دة كلو كوم
نسيتو اهم حاجه العنوان لازم يكون
هل انت مثقفاتى...خليل نموذجا(قراة خارج النص)
وللان انا ما عارف النص ده الفوق ولا التحت؟
السؤال موجها للاخ عبدالكريم الامين احمد..
*
**
| |
|
|
|
|
|
|
|
|
|
Re: هل انت مثقفاتي (Re: sumah)
|
Quote: دة كلو كوم
نسيتو اهم حاجه العنوان لازم يكون
|
لا بد ولابد من الالمام بحرب النجوم والصواريخ البالستية وانفجار المام تشرنبل
| |
|
|
|
|
|
|
|
|
|
Re: هل انت مثقفاتي (Re: khaleel)
|
| Quote: وللان انا ما عارف النص ده الفوق ولا التحت؟ |
هلا يا سمعة..
والنص البكون مقصود هو النص الفوق..لانو الراس بكون خفيف وما اظن تحصل النص التحتاني..
وفجاة ومن اول كاسات يبداء الكلام عن فجيعة المدي في شعر حسن ماكردة والرؤية البنفسجية في غناوي فيروز والحتة دي زي بتعمل للزول (ادابتيشن مع واقع البوح)...
وبعد شوية تتعتقد ان القعدة دي انت زي شفت تفاصيلها لمن قريت (ملحمة غرامشي) رغم انو ال(الباك قراوند) هناك (قريي اللون)...وتربط القصة دي بالسلطة الحاكمة وتتكلم عن التخزيل في الصف الوطني
وتنبذ زي كم نفر كده نبذ(كعب خلاص) رغم انك قبل القعدة دي بكم ساعة كنت بتضحك معاهم..
ثم تتم باقي القعدة لقلقة وكلام الطير في الباقير
| |
|
|
|
|
|
|
|
|
|
Re: هل انت مثقفاتي (Re: khaleel)
|
افتكر كفاية ياشباب
لانو الوضع بقي زي محايث لحاجات عندها علاقة بالمعرفة الهشة وفي الحتة دي بقي في هجوم علي اركيولوجيا التناص
اعتقد انكم انسو الفكرة لمجابهة واقع ثيولوجي محتاج تضاد عبر رؤيا موحدة للحاجات
اعتقد
| |
|
|
|
|
|
|
|
|
|
Re: هل انت مثقفاتي (Re: خالد سند)
|
Quote: افتكر كفاية ياشباب
لانو الوضع بقي زي محايث لحاجات عندها علاقة بالمعرفة الهشة وفي الحتة دي بقي في هجوم علي اركيولوجيا التناص
اعتقد انكم انسو الفكرة لمجابهة واقع ثيولوجي محتاج تضاد عبر رؤيا موحدة للحاجات |
نعم خالد سند
هناك ارتباط وثيق بين ثوار التاميل في سريلانكا واحذية ايمليدا ماركوس وانعدام عيش الفترتيتة
في سوق ابوعشر
| |
|
|
|
|
|
|
|
|
|
Re: هل انت مثقفاتي (Re: خالد سند)
|
Quote: واما ان كنت (عبود داخل الحدود) وجوه البلد العرقي بتاعك لازم يكون من ست عرقي محددة وضروري تنظر ليها كنموذج ازمة الهامش في ظل سطوة المركز ولمن تجي تشيل عرقيك منها تتكلم معها كلام كبار كبار..
وهي المسكينة تقول لييك (سحييي(صحي) يا ولدي) بدون ما تفهمك بترطن في شنو |
____
والله كلامك سحي
| |
|
|
|
|
|
|
|
|
|
Re: هل انت مثقفاتي (Re: Yassir Tayfour)
|
ياسر طيفور
المثقف سابقا كان يتعاطي الشراب النظيف ولا يقرب الصناعة المحلية
وذلك لعدم التزامها بشروط الايزو واتفاقيات التجارة الحرة والتجارة البينية والكوميسا
وان كان لابد فعرقي مجدة وعبدالله اب اتنين يحل كثيرا من المعادلات
| |
|
|
|
|
|
|
|
|
|
Re: هل انت مثقفاتي (Re: khaleel)
|
بعدين لازم شوية معلومات عن الحيوانات المنقرضة الديناصورات وتعرف شوية عن هجرة الطيور
من السكا الي جزيرة برنكو محلية ود عشيب
| |
|
|
|
|
|
|
|
|
|
Re: هل انت مثقفاتي (Re: khaleel)
|
المظهر العام
دقن لجام وجلابية ملونة
والتحدث باعجاب عن هوغو شافيز وعناده لامريكا والتحدث باعجاب
عن مصطفي ود الفقراء احسن واحد بعرف (اجلي ) المخاوة في الكتشينة
| |
|
|
|
|
|
|
|
|
|
Re: هل انت مثقفاتي (Re: khaleel)
|
عيوب المثقافاتي انو دمو تقيل ولازم ياحد دروس في خفة الدم
وعليه ان يختار مواضيع دمها خفيف
ممكن اقول
(مجدي عبد الغني تلاتين سنة بلعب في الاهلي القاهري اعزب وعندو ولدين)
وكدة
| |
|
|
|
|
|
|
|
|
|
Re: هل انت مثقفاتي (Re: khaleel)
|
نجي للاغاني
المثقافاتي لازم تكون له حصيلة ثرة من الاغاني
لازم يعرف الاطلال لابراهيم ناجي
ويعرف
البنسلين يا ترمجي
لعثمان برتيتة
| |
|
|
|
|
|
|
|
|
|
Re: هل انت مثقفاتي (Re: khaleel)
|
من علامات المثقافاتي الكبري
لما امشي ازور ناس واجيبوا ليهو عصير
بقول معليش انا (عامل دايت)
ياخي قوم بلا (دايت بلا فقري معاك)
| |
|
|
|
|
|
|
|
|
|
Re: هل انت مثقفاتي (Re: khaleel)
|
Quote: الحبيب خليل
ولازم أثناء النقاش تحشر جملتين او تلاتة انجليزية من ماركة I could not have agreed more و better late than never و كلمتين او تلاتة من ماركة simplistic و artistic .. |
طبعا يا جعفر اسماعيل الكلام بالانجليزي بتم الجرتق ولو بتكلم عن سفرة بالطيارة
اقول لاندق وتيك اوف ورن وي والايرو داينمك
واعمل ليك فيها عباس بن فرناس
| |
|
|
|
|
|
|
|
|
|
Re: هل انت مثقفاتي (Re: NGABY AJOOZ)
|
وماتنسى ياخليل : الصيرورة ، ومابعد الحداثة وتفكيك البنية الآيدلوجية لأنفلونزا المجتمعات المتخلفة ، ورامبو والتأويل الأوتقراطي للتقاليد وأثنوغرافيا الشعب وهرمنوطيقيا الجدل ، وماكس فيبر وعلاقات الانتاج بين أغنية (راجل المرة حلو حلا) والبنية التحتية للإقتصاد السوداني ، وفوبيا قفة الخضار ... وهلم جرا
| |
|
|
|
|
|
|
|
|
|
Re: هل انت مثقفاتي (Re: محمد جميل أحمد)
|
| Quote: وماتنسى ياخليل : الصيرورة ، ومابعد الحداثة وتفكيك البنية الآيدلوجية لأنفلونزا المجتمعات المتخلفة ، ورامبو والتأويل الأوتقراطي للتقاليد وأثنوغرافيا الشعب وهرمنوطيقيا الجدل ، وماكس فيبر وعلاقات الانتاج بين أغنية (راجل المرة حلو حلا) والبنية التحتية للإقتصاد السوداني ، وفوبيا قفة الخضار ... وهلم جرا |
محمد جميل
ولازم الانسان اساس التنمية ولابد ادخال الحزم التقنية والميكنة وادخال معاني
لنصرة الملهوف وفضل الظهر .
ولابد من التحدث عن تنظيم الاسواق في محليات صقع الجمل وود لميض وسوق ام كدسو
| |
|
|
|
|
|
|
|
|
 Re: هل انت مثقفاتي (Re: khaleel)
|
لازم ألبس نضارة بيرسول
وشنطة سانونايت زي ما بقولو..
وأقول بالله أعمل لي جستفيكيشن للموضوع دة !!
مش مثقفاتية ونص كمان ؟
| |
|
|
|
|
|
|
|
|
|
Re: هل انت مثقفاتي (Re: عواطف ادريس اسماعيل)
|
Quote: لازم ألبس نضارة بيرسول
وشنطة سانونايت زي ما بقولو..
وأقول بالله أعمل لي جستفيكيشن للموضوع دة !!
مش مثقفاتية ونص كمان ؟ |
يا عواطف المثقافاتية لازم تتكلم عن الجندر والمساواة واجازة الوضوع
وايهما احسن لتطويل الشعر (sunsilk) والكركار
| |
|
|
|
|
|
|
|
|
|
Re: هل انت مثقفاتي (Re: khaleel)
|
خليل الجميل
وانت ماشي بعيد ليه؟
أنظر حولك! ستجد أطنانا من هكذا عبارات ، مع الاعتذار لأعضاء البورد المحترمين/ مات (الله يرحمه).
| Quote: ولازم تلقي مرافي وسفن ونورس وسمندل |
بمناسبة النوارس دي ، أحد رفاق الغربة، كان يصر على قرض الشعر (وقد فعل!)، باعتبار أن الشعر فرض عين. وقد طبع ديوانا من أغرب ما قرأت في حياتي، من حيث ... كل شيء.
المهم ... هذا الرفيق (في الغربة  ) كان يستخدم كلمة "نورس" على أنها نوع من الزهور.
رغم أن أكثر ما تعجّ به تلك البلاد من الطيور هو النوارس.
لك ولقراء البوست ... باقة نوارس.
وما تيسّر من الجرجير.
| |
|
|
|
|
|
|
|
|
 Re: هل انت مثقفاتي (Re: محجوب البيلي)
|
Quote: بمناسبة النوارس دي ، أحد رفاق الغربة، كان يصر على قرض الشعر (وقد فعل!)، باعتبار أن الشعر فرض عين. وقد طبع ديوانا من أغرب ما قرأت في حياتي، من حيث ... كل شيء.
المهم ... هذا الرفيق (في الغربة ) كان يستخدم كلمة "نورس" على أنها نوع من الزهور.
رغم أن أكثر ما تعجّ به تلك البلاد من الطيور هو النوارس.
لك ولقراء البوست ... باقة نوارس.
وما تيسّر من الجرجير. |
| |
|
|
|
|
|
|
|
|
|
Re: هل انت مثقفاتي (Re: محجوب البيلي)
|
Quote: بمناسبة النوارس دي ، أحد رفاق الغربة، كان يصر على قرض الشعر (وقد فعل!)، باعتبار أن الشعر فرض عين. وقد طبع ديوانا من أغرب ما قرأت في حياتي، من حيث ... كل شيء.
المهم ... هذا الرفيق (في الغربة ) كان يستخدم كلمة "نورس" على أنها نوع من الزهور.
رغم أن أكثر ما تعجّ به تلك البلاد من الطيور هو النوارس.
لك ولقراء البوست ... باقة نوارس.
وما تيسّر من الجرجير. |
البيلي هل النورس هل البلوم والله انا ما عارف النورس دها شنو
لكن بعرف ود ابرق وعشوشة وام قديلو
| |
|
|
|
|
|
|
|
|
|
Re: هل انت مثقفاتي (Re: محجوب البيلي)
|
والله يا ود البيلي
طلعت مثقف كبير لكن عليك بالتزود بالمعرفة في مجال علم اللاهوت ونظريات
النشوق والدمر
ومعرفة السبب في ارتفاع اسعار اراضي قرية صالحة ريفي الفتيحاب
| |
|
|
|
|
|
|
|
|
|
Re: هل انت مثقفاتي (Re: khaleel)
|
ولو كُنت مثقفاتي لازم تكون بتركلِس في
( أتنيه ) تلك القهوة التي تعجُ بالمثقفاتية
و
شجرة ( الزهاجة )
وعلى أطراف مكتبة البشير عبادي
وتكون حاضر ليك 3 أو 4 معارض تشكيلية على الأقل
في المركز الثقافي الفرنسي
وماتهتم بالشكليات وتهتم بالمنطق والجدليات والتاريخ
ولازم تكون ضارب ليك كم كتاب من كتب
(غابريال غارسيا ماركيز )
وهيغل والفن
ولازم تكون حاسي بالقضية الوطنية ومدرك تماما لأبعادها الثقافية
| |
|
|
|
|
|
|
|
|
|
Re: هل انت مثقفاتي (Re: هشام الطيب)
|
Quote: وماتهتم بالشكليات وتهتم بالمنطق والجدليات والتاريخ
ولازم تكون ضارب ليك كم كتاب من كتب
(غابريال غارسيا ماركيز )
وهيغل والفن
[/QUOTE
ولازم يا هشام تكون بتعرف كتير في الكورة
وتعرف الكلاسيكو في العالم ريال مدريد وبرشلونة انتر وميلان مان يونايتد وارسنال
الاهلي والزمالك
صقر الجديان والبواسل بمحلية كنينة البئر
| |
|
|
|
|
|
|
|
|
|
Re: هل انت مثقفاتي (Re: khaleel)
|
بعدين لازم تعرف انو الصراع العربي الاسرائيلي هو ناموس الكون
وتتكلم عن مشاكل الفقر والمرض في القارة السمراء
وتشجع تجربة ناس حلة شعلوها في توصيل الكهرباء من العون الذاتي
| |
|
|
|
|
|
|
|
|
|
Re: هل انت مثقفاتي (Re: khaleel)
|
فى البدايه آآآ آآآآ مساء الخير ( لزوم الواحد مايكون زى بقية خلق الله ويقول السلام عليكم وكده )
حقيقى ياخليل شكل البوح بتاعك خيالى ... وأنا زى دائر أقول فى الحته دى أنه سرمديه الفهم المعاصر للثقافه الديموميه والتلاقح الفكرى السلبى واتجاهات ىالحياة العصريه المعاكسه ...مع كل المرمات البقت زى النوارس دائما ماتشكل جدليه فى فهمنا للحته ديك....
عموما ... انا كنت بقول شنو ؟؟
تسلم
| |
|
|
|
|
|
|
|
|
|
Re: هل انت مثقفاتي (Re: Mohamed Moatasim)
|
Quote: حقيقى ياخليل شكل البوح بتاعك خيالى ... وأنا زى دائر أقول فى الحته دى أنه سرمديه الفهم المعاصر للثقافه الديموميه والتلاقح الفكرى السلبى واتجاهات ىالحياة العصريه المعاكسه ...مع كل المرمات البقت زى النوارس دائما ماتشكل جدليه فى فهمنا للحته ديك....
عموما ... انا كنت بقول شنو ؟؟
تسلم
|
محمد معتصم
طرحك فيه كثير من الميكافيلية ولم تراع نظرية اقتصاد الحر وعليك بالاطلاع علي
روايات الفريد هتشكوك والبيركامي
ولو غشيت سعد قشرة كيس صعود معاك من الجمري لخالك خليل
| |
|
|
|
|
|
|
|
|
|
Re: هل انت مثقفاتي (Re: khaleel)
|
.
ايدا ... لكن قريت (اشكاليات الحضاره وسندباد).
...
والمعنى واضح فى شبكية الزول البيعاين ومارق زى الجلد النازف عرق.
بس انا كنت براعى لى الفهم المعكوس وفردة نعالى التانيه.
| Quote: ولو غشيت سعد قشرة كيس صعود معاك من الجمري لخالك خليل |
ياسلام على الجمرى...حاجه (أوريجينال) خالص.
| |
|
|
|
|
|
|
|
|
|
Re: هل انت مثقفاتي (Re: Mohamed Moatasim)
|
| Quote: ياسلام على الجمرى...حاجه (أوريجينال) خالص |
عموما المثقافاتي بسف الصعود ملح وما بشتري التمباك
يقول كلام عن معركة لينيجراد وهزيمة هيتلر
وبعد اقول سفة يا حريف
| |
|
|
|
|
|
|
|
|
|
Re: هل انت مثقفاتي (Re: khaleel)
|
اهم شي برضو لازم تتكلم عن سالف كيتا..وماكبا وكوفي..
وتلبس لباس الافرقة الكنغولي داك...وتتكلم عن الوعي الافريقي في الذاكرة السودانية
حبوبتك نموذجا
| |
|
|
|
|
|
|
|
| |
khaleel
Sahar Yousif
فيصل عباس
rosemen osman
هشام آدم
محمد البشرى الخضر
حسين محي الدين
عبدالفتاح أبوشيمة
سلمى الشيخ سلامة
عبدالكريم الامين احمد
Gaafar Ismail
محمود الدقم
ناصر البطل
Yassir Tayfour
sumah
خالد سند
NGABY AJOOZ
محمد جميل أحمد
عواطف ادريس اسماعيل
محجوب البيلي
Ahmed Yousif Abu Harira
mamkouna
Mohamed Moatasim
فيس بوك
تويتر
انستقرام
يوتيوب
بنتيريست