|
|
|
 Re: التـــراضـــــــــى ، كاراكاتير (Re: El hadi A.bashir)
|
أخوى El hadi A.bashir
عاطر تحياتى
لم أفهم قصدك تماما ...
ما الذى تشبهه بمدرسة الأستاذ حسين خوجلى :
ما أقدم عليه السيد/ الصادق المهدى ؟
أم هى كاراكاتيراتى ؟
على كل فأنا أحترم السيد الصادق المهدى و كذلك أحترم الأستاذ حسين خوجلى ،
و لوجهة نظرك إحترامى أيضا ، شكرى و تقديرى لمرورك .
| |
 
|
|
|
|
|
|
|
|
Re: التـــراضـــــــــى ، كاراكاتير (Re: مصدق مصطفى حسين)
|
يا مصدق :
الولية مشكلته (توب) جديد ولا شيتاً تاني 
.........................
ياهم ديل يا مصدق ..
المسحوقين .. الغلابى .. أهلي
ياخي والله العظيم شكل (العنقريب) وقميص (البيت) اللابساهو أمي الفوق دي يقطِع القلب ...
ومركوب عمي ......
يا الله يا مصدق ..
أهلنا مسحوقين والله يكون في عونهم
ودي ياها رسالة كل (أهل ) بلدي الآن ...
نحن شن همانا تتراضو ولا (تتهلكو) ...
ياخي حتى حاجاتنا بسيطة ..
لقمة هنية (هينة) و(باغة) زيت ترجع من الدكان إنشاء الله (نص) بس سيد الدكان ما يرجع (المُرسال) .. مافي دين جديد سددوا العليكم ....!!!!!!!!!!!!
يا للحزن يا مصدق ...
عنقريب ؟؟؟؟؟؟؟؟؟؟
وفي ناس (كل) يوم يتم فتح مطعم فاخر من سلسلة عالمية معروفة عشان (يتجاوزو) ويكتنا وشرموطنا وكسرتنا ويعيشوا (برستيج) إجازاتهم الخارجية ؟؟؟؟؟؟؟؟
(وياخي السودان ده مٌقرف خلاص ) قالها وهو يلامس بيديه الناعمتين سلسل (فالصو) يتدلى فوق شعر صدره الناعم وهو يحادث (البوي فرند) الجالسه قدامو ) !!!!!!!!!!
عنقريب يا مصدق ؟؟؟؟؟
والخوخ والمشمش والرمان صار (عولاق) مفروش ومغطى من الشمس بالبروش لي الناس العندها قروش ؟؟؟؟؟
الأرزقية أصحاب الهتافات !!! هتافات يا مُصدق كل فترة طعمها مختلف وشكلها مختلف وكلها (دعوني أعيش !!!!)
عواليق الحلة (زمان) .. وأفندية البلد هسي ؟؟؟؟
حرقت دمي يا مصدق ..........
نحن البراضينا منـــــو ؟؟؟؟؟؟؟؟؟
| |
|
|
|
|
|
|
|
|
|
Re: التـــراضـــــــــى ، كاراكاتير (Re: عمران حسن صالح)
|
الحبيب عمران
تعرف بمداخلتك البليغه دى زكرتنى قصة الراجل المشى لى عرضحالجى
يصيغ ليهو الشكوى عشان يقدمها للمحكمه و بعد ما إنتهى من كتابتها
بدأ يقرأها عليهو و الراجل مندهش مما يسمع ... و بعد ما إنتهى قام
قال ليهو : بالله عليك أنا مظلوم ظلم قدر ده و ما عارف !
لك و للوطن الجميل أطيب التمنيات .
| |
|
|
|
|
|
|
| |
حسين محي الدين
El hadi A.bashir
Yassir Tayfour
نيازي مصطفى
سلمى الشيخ سلامة
طارق عبد اللطيف نقد
عمران حسن صالح
فيس بوك
تويتر
انستقرام
يوتيوب
بنتيريست