|
|
|
 Re: نادية عثمان انتي جد ملاك (Re: انعام حيمورة)
|
نعومة كيفك خيتي .....
| Quote: عمدة انت برضو صافي النية !! |
ده بس من أصلك الطيب ياطيبة القلب والوجدان ...
| Quote: لما تجي الخرطوم ليك علي اعزمك في محل البيتزا دا .. |
الله يعمر جيبك دائماً يارب .. عارفك ما بتقصري . أها بيتزا سينغل ولا فاميلي ذي بتاعت البشير ؟!!!
| Quote: اهة ليك علي بيتزا فاميلي كمان .. |
تعرف ياالبشير يا أخوي .. إنعام دي مخها يوزن بلد ، وبتعرف كيفن تلخبت الكيمان وتطلع منها ذي الشعره من العجينة .. فيا أخوي نقوم نتفق أنا وإنت طالما هي عازمانا نحن الاثنين ( الاثنين ولا الثلاثاء ... )  ، أها علشان نأكل أنا وإنت بيتزتين ( ده لو كفتنا الواحدة في العزومة ) لما تعزمني بقوم أنا إتصل عليك وأقول ليك تعال الساعة كده.. أها نقوم ننسق بالجوال .. إنت تدخل بعد ما نبدأ في الأكل علشان ماتقوم تقول ليك خلاص إنت جيت وتشملك في العزومة دي ... أها طبعاً ماح تقدر تعتبرها ليك عزومة لأنك جيت متأخر شوية وتقوم تأكل معانا وهي غصباً ح تزيدها .. أها يوم عزومتك إنت كمان تقوم تبرمجها معاي بنفس السيناريو مع بعض التعديلات البسيطة خوفاً من مفاجأتها .. أها شفت كيف . بس ما تقول ليها علشان ما تعمل حسابها في الحته دي .. سمح !!! ( سمح دي بتاعت نادية ) علشان ما تقول سرقتها منها ( حقوق الكلمة محفوظة ) 
مودتي للعزومة والبيتزا .
عماد
| |
 
|
|
|
|
|
|
|
 Re: نادية عثمان انتي جد ملاك (Re: عماد محمود علي)
|
Quote:
أنا غايتو عاجباني البيتزا الوراك دي ...
مودتي لك ولها وللبيتزا كمان .
عماد |
أدام الله الود بينكما اختي انعام والتحية عبركم للمتألقة نادية عثمان .
عماد اخوي
سلام
والله ماسبقك عليها زول
من قبيل نقرأ في البوست ده ونشوف في الصورة الضاااااااااااااااحكة دي أصلو ما لاحظت للبيتزا دي .
على الرغم من عشقي للبيتزا علما بأنني بدأت أكلها وحبها على كبر .
لك ولانعام ولنادية وللبيتزا كل الود
| |
|
|
|
|
|
|
|
|
|
Re: نادية عثمان انتي جد ملاك (Re: نادية عثمان)
|
الاخت نادية عثمان
تحية وسلام
بسلم عليك أنا ما دام بخلتي علي بالتحية .
طبعا ناس اللغة بقولوا انو حرف ( الواو ) حرف عطف ولا تفيد الترتيب .
كتبت مخاطبا الاخ عماد
Quote:
لك ولانعام ولنادية وللبيتزا كل الود |
والتحية أصلا ليكم أنتم ( عماد و انعام و نادية ) لكن البيتزا بس دخلناها معاكم ساكت لزوم المقبلات .
وقد حيا الاخ عماد قبلي البيتزا :
Quote:
أنا غايتو عاجباني البيتزا الوراك دي ...
مودتي لك ولها وللبيتزا كمان .
عماد |
| |
|
|
|
|
|
|
|
|
|
Re: نادية عثمان انتي جد ملاك (Re: البشير دفع الله)
|
البشير دفع الله
سلامات وكيف الحال والأحوال
عساك بخير وصحة جيدة
كيف الأهل والوالد والوالدة وهل الإبنة سماح مازالت تواصل دراستها بشكل جيد
وماذا عن المنزل الذى لم يكتمل بنيانه في كافوري وهل أرسلت مبلغ الخمسة مليون لبناء الحديقة  
البشير ياخ معقولة بس أنا أبخل عليك بالتحية
تسلم يازول ياراقي وحبابك مليون البيت بيتك
| |
|
|
|
|
|
|
|
|
|
Re: نادية عثمان انتي جد ملاك (Re: البشير دفع الله)
|
Quote: أدام الله الود بينكما اختي انعام والتحية عبركم للمتألقة نادية عثمان .
عماد اخوي
سلام
والله ماسبقك عليها زول
من قبيل نقرأ في البوست ده ونشوف في الصورة الضاااااااااااااااحكة دي أصلو ما لاحظت للبيتزا دي .
على الرغم من عشقي للبيتزا علما بأنني بدأت أكلها وحبها على كبر .
لك ولانعام ولنادية وللبيتزا كل الود |
البشير اخوي
اهم شي انك تكون ما رجعت لاني خليتك جاي وخليت ليك تلفوني ..
اهة ليك علي بيتزا فاميلي كمان ..
لك التحية والتقدير والاحترام
| |
|
|
|
|
|
|
|
|
|
Re: نادية عثمان انتي جد ملاك (Re: انعام حيمورة)
|
Quote:
البشير اخوي
اهم شي انك تكون ما رجعت لاني خليتك جاي وخليت ليك تلفوني ..
|
اختي العزيزة انعام
لك التحايا والود
رجعت من الخرطوم يوم 23 مايو وقضيت اسبوعين بس في الخرطوم .
أصاب أسرتي الصغيرة بعض الأمراض نتيجة لتغيير الجو والحرارة الشديدة , ولم يتماثلوا للشفاء وقتها
فقطعت اجازتي وأخذتهم وعدت لأبها , والآن هم بخير , وقد كان بودي بالفعل أن أتصل عليك , ولكن قدر الله .
وخيرها في غيرها .
كل الود ولي عندك بيتزا متى ما عدت .
| |
|
|
|
|
|
|
|
|
|
Re: نادية عثمان انتي جد ملاك (Re: البشير دفع الله)
|
Quote: أصاب أسرتي الصغيرة بعض الأمراض نتيجة لتغيير الجو والحرارة الشديدة , ولم يتماثلوا للشفاء وقتها
فقطعت اجازتي وأخذتهم وعدت لأبها |
سلامتهم والله لكن دا شغل حنكشة شديد كان تخليهم يزيدوا مقاومتهم شوية
عودا حميدا
| |
|
|
|
|
|
|
|
|
 Re: نادية عثمان انتي جد ملاك (Re: البشير دفع الله)
|
أخي الجميل البشير
نعم أخي وصديقي وشقيقي ...
تسلم يارب ...
| Quote: والله ماسبقك عليها زول |
الله يديك العافية ...
| Quote: من قبيل نقرأ في البوست ده ونشوف في الصورة الضاااااااااااااااحكة دي أصلو ما لاحظت للبيتزا دي . |
تعرف لفتتني ليها ضحكة نعومه دي ... إنعام دي دائماً بتكون مبتسمة حتى في زحمة المواصلات ... بس لما تلقاها ضاحكة كده وضروسها ظاااهرة فأعلم أن وراء تلك الضحكة ( وجبةدسمة ) ....
| Quote: على الرغم من عشقي للبيتزا علما بأنني بدأت أكلها وحبها على كبر |
يا أخوي الله يديك طولت العمر ويخلي ليك أسنانك وتأكلها كل يوم كمااااان .
| Quote: لك ولانعام ولنادية وللبيتزا كل الود |
هسه الفوق ديل كلهم جميلين مدخلني معاهم مالك ... لزوم حفظ من العين ولا شنو !!!
مودتي لك برااااك عزيزي ....
عماد
| |
|
|
|
|
|
|
|
|
 Re: نادية عثمان انتي جد ملاك (Re: نادية عثمان)
|
أوو بورو .. أيغي سليميري يا الله ..
ندوية كيفك .....
| Quote: ياعمدة خليك محدد ياخ !! |
من الشمال تحدها زهرة القرنفل ومن الجنوب تحفها الياسمين ، ومن الشرق يحيطها الفل ومن الغرب اللوز . وفي طياتها كل أنواع الزهور .
| Quote: لو أنا حقاً ملاك يبقى مستخسر فيني الأجنحة ليه ياحقار |
ياستي ملااااك غصباً عني وعنك ... بس حكاية الأجنحه دي قلنا نقصقص ليك ريشك ده علشان ما تطيري من البوست ده .
مودتي لبيتزة إنعام ...
عماد
| |
|
|
|
|
|
|
|
|
|
Re: نادية عثمان انتي جد ملاك (Re: انعام حيمورة)
|
كلما أشاهد الاستاذة نادية في الفضائية أتذكر رد الشقيق مهند عندما كان صغيرا وقد جهز نفسه لحضور برنامج الاطفال في التلفزيون ..
ظهر وجه أحدى المذيعات وكانت روعة في الجمال والاناقة وقالت : يلا يا حبابي الحلوين تعالوا معانا لنشاهد برنامج الاطفال ..
فرد مهند .. حلوين نحن ولا حلوة انتي ياخ !!!
أها يا مهند دي لو كانت نادية كنت قلت شنو ؟
| |
|
|
|
|
|
|
|
|
|
Re: نادية عثمان انتي جد ملاك (Re: علاء الدين حيموره)
|
علاء الدين حيمورة ود أمي حنّانة وأبوي حيمورة الطيب سلام
Quote: كلما أشاهد الاستاذة نادية في الفضائية أتذكر رد الشقيق مهند عندما كان صغيرا وقد جهز نفسه لحضور برنامج الاطفال في التلفزيون ..
ظهر وجه أحدى المذيعات وكانت روعة في الجمال والاناقة وقالت : يلا يا حبابي الحلوين تعالوا معانا لنشاهد برنامج الاطفال ..
فرد مهند .. حلوين نحن ولا حلوة انتي ياخ !!!
أها يا مهند دي لو كانت نادية كنت قلت شنو ؟ |
هو بالله مهنّد صحبي الصغيروني ده من يومو شِفت كده
الله يجازي محنك ياهنودي ياخ !!
| |
|
|
|
|
|
|
|
|
|
Re: نادية عثمان انتي جد ملاك (Re: علاء الدين حيموره)
|
Quote: كلما أشاهد الاستاذة نادية في الفضائية أتذكر رد الشقيق مهند عندما كان صغيرا وقد جهز نفسه لحضور برنامج الاطفال في التلفزيون ..
ظهر وجه أحدى المذيعات وكانت روعة في الجمال والاناقة وقالت : يلا يا حبابي الحلوين تعالوا معانا لنشاهد برنامج الاطفال ..
فرد مهند .. حلوين نحن ولا حلوة انتي ياخ !!!
أها يا مهند دي لو كانت نادية كنت قلت شنو ؟ |
غايتو انت واشراقة اصلوا ما بتنسوا القصص دي ..
فعلا يا نادية مهند دا كان عندو قصص عجيبة ..
ومن الآخر كدة حلوة انتي ياااخ !!
| |
|
|
|
|
|
|
|
|
|
Re: نادية عثمان انتي جد ملاك (Re: نادية عثمان)
|
نعومة الحنينة حمداً لله علي سلامة الوصول لارض الوطن
انتي نادية دي شربتك شنو في مصر ؟؟ والله إلا يكون عصير قصب
علي كل حال نادية تستاهل ريدتنا ومحبتنا وليالي هوانا
قال ليك كسير تلج تقيل
ربنا يديم المحبه بين الناس أجمعين يا إنعام
| |
|
|
|
|
|
|
|
|
|
Re: نادية عثمان انتي جد ملاك (Re: Tabaldina)
|
تبلدينا ياتبلدي الحنون
Quote: نادية عثمان .. عسل بنقط ..
طق .. طق ..طق
وكل ينظر من زاويته |
أغايتو زمان ادونا أنواع الزوايا حادة ومنفرجة .. لكن زواية تبلدينا دي ماأدونا ليه 
| |
|
|
|
|
|
|
|
|
|
Re: نادية عثمان انتي جد ملاك (Re: Tabaldina)
|
| Quote: وأنا شنو فى نظركـ ؟؟ |
انت صديق عزيز - قطيم - حقاني - جنك وجن زول يوديك حتة توسخ عربتك
دلوع امه !!
Quote: نادية عثمان .. عسل بنقط ..
طق .. طق ..طق |
| Quote: وكل ينظر من زاويته |
ولولا اختلاف الزوايا لبار النظر !!
ومشتاقين
| |
|
|
|
|
|
|
|
|
|
Re: نادية عثمان انتي جد ملاك (Re: انعام حيمورة)
|
| Quote: نادية عثمان انتي جد ملاك |
وبهواك يا ملاك وهواك ملكنى
وبهواكم جد انت ونادية
Quote: وكلو بالحُب والضمير الأبيض ببقى حلو سمح ؟!
|
دى اجمل عبارة اقراها
والنية زاملت سيدها
عشان كدة خلوها بيضاء وحلوة زى ضحكة نادية عثمان
لكم الود
ام وضاح
| |
|
|
|
|
|
|
|
|
|
Re: نادية عثمان انتي جد ملاك (Re: essam&amal)
|
في هذا الزمن المترب بالكره والحقد وكل ماهو شين .. نفرح حينما
نجد انسانا في طيبة الاخت نادية .. فهي تعطي الفرح لكل من حولها
وهذا ماعرفته فيها من اول لحظة .. .. فلها التحايا ولك اخت انعام
| |
|
|
|
|
|
|
|
|
|
Re: نادية عثمان انتي جد ملاك (Re: essam&amal)
|
ام وضااااح
| Quote: وبهواكم جد انت ونادية |
وحقيقة لكي معزة خاصة عندي وعند انعام حفيظ كمان
| Quote: دى اجمل عبارة اقراها |
انا برضو عجبتني جدا وحقيقة ما احسن من بياض النية ونقاء السريرة .. دعوة للجمال ..
| Quote: والنية زاملت سيدها |
لك المودة والتقدير الى ان نلتقى قريبا جدا
| |
|
|
|
|
|
|
|
|
|
Re: نادية عثمان انتي جد ملاك (Re: انعام حيمورة)
|
انعام سلام
عارفه يا انعام زي ناديه دي ما كتيرين فاعمال الخير دي
ربنا بهيئ ليها ناس محددين "حببهم في الخير وحبب الخير اليهم "
وبدون رياء يا انعام انتي وناديه فوله وانقسمت نصين
وما خايف علي ناديه دي الا من عيون ناس المنبر المفتحه دي 
ناديه دي ملاك برجلين .نزل من ياتو سماء وعاش بيننا فعاش في عالمنا
ولكنه تميز بحب الخير وضيافة المريض
يا اختي ناديه دي تخسر وتتصل وتسال من الناس المرضي وتزورهم كمان
ياخي دي فترة وجودها في السودان زارت الملاجئ وشالت الايتام علي كتفها
وجهزت برنامج للاطفال ولا اذيع سر انها كانت تنوي تميل البرنامج للاطفال
من ماهيتها
| |
|
|
|
|
|
|
|
|
|
Re: نادية عثمان انتي جد ملاك (Re: انعام حيمورة)
|
كيفك يا انعام وحمدلله على السلامة
| Quote: نادية عثمان انتي جد ملاك |
مفروض لمن تجى توصفى الملاك لزول تقولى ليهو
الملاك دا بيشبه نادية عثمان كدا
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
ما ببالغ ( انا شايف كدا )
أحمد العمار
| |
|
|
|
|
|
|
|
|
|
Re: نادية عثمان انتي جد ملاك (Re: انعام حيمورة)
|
العزيزه لنعام صباح الخيرات
Quote: العوض
يظهر امتحانات البت مخلياها مختفة ..
لكن ليك علي اضرب ليها واعرف الحاصل شنو ..
تسلم يا سيدي |
مهما يكن فان لها قلم يفتقده رواده بالمنبر
اسال الله ان تكون بخير وان يوفق ابنتها بالنجاح
وشكرا للاهتمام
وبلغي ناديه تحايانا
| |
|
|
|
|
|
|
|
|
|
Re: نادية عثمان انتي جد ملاك (Re: عبود عبد الرحيم)
|
اخي عبود سلام
نستاذن اختنا انعام ونرد
Quote: شايفك بقيت حريف في رفع الفيديو... يا العوض أخوي ...
يعني الواحد يطمئن لمشاهدة سهرة تأبين عثمان حسين هنا |
..
اخوك خلاص خبره والسهره باذن الله بتوضيحاتها ستكون معاكم
والشكر في المساله دي لاخونا معاويه حسين
| |
|
|
|
|
|
|
|
|
 Re: نادية عثمان انتي جد ملاك (Re: انعام حيمورة)
|
العزيزة إنعام
والاخوة المتداخلين ...
بعدإتصال هاتفي مع الملاك الطاهر ( نادية ) ، وجدت أنها والحمد لله شمت العافية .. كانت متوعكه شوية ... وكمان إمتحانات ( إيمو ) شغلتها زيادة إضافة إلى أرهاق العمل .. بس هي الحين بخير وبتبلغهم كثير سلامها وبتقول ليكم بأنها مشتاقه ليكم جميعاً وح تجيكم واحد واحد بعدما تخلص ( إيمو ) الامتحانات وهي تكون كمان بلغت كل العافية لأن الجلوس الكثير أمام الكمبيوتر برهقها زيادة ...... حمد لله على السلامة أيتها الملاك الطاهر .. وفي إنتظار عودتك .
مودتي لكم جميعاً .
عماد محمود
| |
|
|
|
|
|
|
| |
انعام حيمورة
البشير دفع الله
رشا سالم
علاء الدين حيموره
هاشم أحمد خلف الله
عبود عبد الرحيم
essam&amal
baha eassa
العوض المسلمي
waleed500
انعام عبد الحفيظ
أحمد الشايقي
khaleel
رأفت ميلاد
بابكر التوم
محمد عادل
فيس بوك
تويتر
انستقرام
يوتيوب
بنتيريست