دعاني الشفيف اللفيف تروتسكي للقعدة .. حاولت أتخارج منها شبكني ليك مسِجات ضربت أجِس نبضو يوم القعدة اللي هو الليلة و أزوغ قبل ما أقول بِغِم قال لي أوعك تكون عايز تعتذر .. قلت الأمر لله نمشي نمشي .. خراب خراب (للطبع طبعاً) سِجن ذاتو مافي مُشككلة .. و بالمرة نشوف عوالم الشفافية و الليالي السرمدية و القعدات المُعتّقة بالأصوات الشجية و الطلعات البهية و القلوب الندِية ، و قلنا ندخُل النادي من أوسع أبوابو و نِتفشفش شوية و نِتفشّة شوية و ننتعش و ننتفِش و نديها لون تاني و ناخد سِكة غير و نشوف آخرتة.
المهم كانت القعدة المصورة:
المكان: الفتيحاب منزل الصديق الصدوق الخلوق تروتسكي (رغم إعتراضه علي عدم إنزال البوست بحجة الأضواء و كِدة) الحضور كان أنيقاً و رائعاً روعة ضيافة تروتسكي لنا و تِرحابه بِكرمٍ سوداني أصيل ، تشكيلة غريبة و فريدة و مُتنوِّعة تحكي اللحظة فيها عن حالها
الفنان البيغني الغنية دي جد فنان و أخوكم كان قاعِد لِزقو و آخر مُتعة و سجلت ليهو بالموبايل و الكلام دة كان قبل شوووووووووووووية بس و حنحكي
بس ما يجيني الزول الإسمو صلاح داك ويوقل حنستفيد شِنو من البوست دة؟
أنا عزلت الأغنية دي بالذات عشان صديقي البِقا فجأة شفيف كبير و كان بيتوسل لأغاني الجابري فقلت أعمل فيهو معروف و أخُتها ليها أوريهو الشفافية كيف
و بقول ليهو برضو:
يا فاروغ كُن بخير
حنشرح بالصور و أنتم تستمعون
05-25-2008, 10:25 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
وحاتك قلبي كان ماكلاني ، لانو اصلو حسيت بانو وعودك فارغه على وزن الفاروغ بتاعك ده . . ياخ عشان عمر المستهبل ده تقوم تشيل حالنا كده ، وانت عارف الشغلة دي انا رافضها رافضها ... غايتو اكلتها في حناني لكن نسوي شنو اهو بالهم قبلنا. .
------ بعدين لاننسى ان احي سنيري المبجل دكتور طلال الجريقني..(يبدو لم يظهر في الصور).. اما الضيف هو حضرت الافكاتو حسام الجريقندي.. بالاضافة الى ناصر البطل الظاهر في الصورة الثالثة.. الشى الاخر كم فقدنا وكم انا متحسر بقدر لمتنا الحُلوة على افتقاد (شول).. وبنقول ليهو من الف سلامه عليك والجاتك في مالك سامحتك..
قنبلة سماحة (شول) في الطول والعُلا.. . حظنا العاثر حرمنا..
التحايا النواضر..
05-26-2008, 07:50 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
وحاتك قلبي كان ماكلاني ، لانو اصلو حسيت بانو وعودك فارغه على وزن الفاروغ بتاعك ده . . ياخ عشان عمر المستهبل ده تقوم تشيل حالنا كده ، وانت عارف الشغلة دي انا رافضها رافضها ... غايتو اكلتها في حناني لكن نسوي شنو اهو بالهم قبلنا. .
------ بعدين لاننسى ان احي سنيري المبجل دكتور طلال الجريقني..(يبدو لم يظهر في الصور).. اما الضيف هو حضرت الافكاتو حسام الجريقندي.. بالاضافة الى ناصر البطل الظاهر في الصورة الثالثة.. الشى الاخر كم فقدنا وكم انا متحسر بقدر لمتنا الحُلوة على افتقاد (شول).. وبنقول ليهو من الف سلامه عليك والجاتك في مالك سامحتك..
الشفيف تروتسكي
شاكرين والله القعد الجميلة رغم إنو الجماعة عندهم راي في كلمة قعدة دي ، حقيقي طلعتنا من أجواء النكد والواحد ليهو زمن طويييييييييل ما قعد قدام زول بيغني مباشرةً كِدة
و التوثيق كان لازِم
و العتبي كلها للدكتور طلال إن لم تلتقطه عدسة الكاميرا
و التحايا للأفاكتو الأستاذ المُهذّب حسام الجرنقدي (أهوي العيون السودا جابت آخرو )
و للأخ ناصر البطل الكان لابد من العدسة
و كنا عايزين شول يكون مشرِّف برضو
و علي قول الشفيفين:
التحايا النواضر
05-26-2008, 07:28 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
نجضت خلااااص يا علاء ؟؟؟ يا خسااااااااااااااارة .. ضاعت القضية .. وضاع سكان الهامش الذين إعتمدوا عليك .. وضاعت الجلابة وتمشدق المعارضون .. وسقطت شجرة توت أخرى .. ياااااااااااا لعجبي !!!! ياااااااالأسفي.. كم حزينٌ انا لأجلك يا صديقي.. وكم حزين لموت الشهداء في معاك صيف العبور والميل اربعين .. نعم ضاع دمهم هدراً .. أين أنت من أحداث الخرطوم حتى تحتفل وتغني وترقص؟ أين أنت من هجوم خليل السافر وجموعه العملاء المرتزقة ؟ يااااااااااااااااااااااااااااه ..هل هذا فعلاً علاء الدين الذي أعرف؟؟؟؟؟ لكم محبط انا يا صديقي !!!! ياخ مالك مع الوهمة ياخ ؟؟ يا زول والله بختكم عديييييييييييل كده !! قعدة بي حسن شرف الدين !!!!! بالله يا علاء الدين ما بتعرف حسن شرف الدين ود أمبدة (على ما اعتقد) وأحسن زول بيغني حقيبة والراجل شرايطو مالية السوق.. حسن شرف الدين من مدرسة دار فلاح للغناء الشعبي والراجل للحد البعيد فيهو فكرة من حسين شندي !! أها لقيتني كيف عليك الله مش ضب بتاع فنانين وساكي الحفلات ؟ انت قايلني ناقد فني سااااااااااي كده ؟ بالمناسبة تورتسكي قطع شك جاب ليكم شاي( المغرب ) بعد صلاة (العشاء) .. لأنو كان عازمنا فطور (الصباح) فجابوا لينا غداء (العصر)!! تخريمة : يا اخوي شاي مغرب دي ما بيقولوا عليها قعدة بيقولوا عليهو عيد ميلاد ..القعدة بنزلا ليك هنا عشان تأمن وتقتع بي ناس الرياض ..ما شايف تمبس صورتو عاملة كيف؟
05-26-2008, 07:41 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
والله لكن لِقيتك فايت ولد أم ردمان الجِنو رقيص في حفلات ود الأمين داك إسمو من؟
إنت شرامي عدييييييييييييييييييييل يا عمر
و المصيبة الناس مغشوشة قايلاني أنا الشرامي و ما عارفين إنو الآية عكس
هسي إنت الجوطة دي كلها و ما عاينت للأغنية دي ياخ
أنا أشيل و أسجِّل و أمنتِج في الصوت و أنقي فيهو و أصريت إنو دي تنزِل مع ناس (القعدة) قلت ليهم عشان صحبي عمر شايفو حايم يتسول أغاني الجابري و أنا عايز أكفيهو شر السؤال
تجي تشبكني تمبس وصورتو و عيونو و القعدة شنو و شاي المغرب كيف؟
أنا تِمبِس دة تاني ما بجيب سيرتو في لساني
لمّة ليك فوقي خلق الله و قعد يتفرج
شوف هسي الشِبكة البهناك ديك
تخريمة:
والله يا عمر أنا ثقافتي في الحاجات دي صفر كبير لكن جد الزول دة غنّاي ، أنا كنت مضرِّب بعد الكوبلي الأول من الأغنية الأولي أرفع يدي و أقول للجماعة سوري عندي مواعيد لكن والله كان عندي شغل وزول مواعدو فِعلاً أول ما الزول دة فتح أنا فتحت ليك لأي حاجة و إنطربتة و بقيت أنا الكورس و غنيت ليك معاهو غُنا و جا ناذر غنّا لينا غنيتين بعد إلحاح مني (بقيت سيد القعدة) و عملت ليك معاهو دويتو إبداع
ياخ فاتتك بس
05-26-2008, 08:01 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: أنا أشيل و أسجِّل و أمنتِج في الصوت و أنقي فيهو و أصريت إنو دي تنزِل مع ناس (القعدة) قلت ليهم عشان صحبي عمر شايفو حايم يتسول أغاني الجابري و أنا عايز أكفيهو شر السؤال
اخوك قاعد في معمل 2 وعامل الصوت كتااااامي وما سامع اييي شي خليني لمن ارجع مكتبي سمح ؟ يا حليل مكاتبنا الفوق والشغب بي اللاب توب بتاعك .. هيييييييييييييييييييييييه ايام والله .. تخريمة : ياخ بفتش في شوارع الرياض كلها على كورولا كحلية ما لاقيها انت الليكزس بتاعتك دي وديتها متحف ولا شنو ؟
05-26-2008, 08:14 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: اخوك قاعد في معمل 2 وعامل الصوت كتااااامي وما سامع اييي شي خليني لمن ارجع مكتبي سمح ؟ يا حليل مكاتبنا الفوق والشغب بي اللاب توب بتاعك .. هيييييييييييييييييييييييه ايام والله ..
ياخ والله ذكرتني أجواء عجيبة يا عمر ياخ مالك يا سلااااااااااااام
Quote: ياخ بفتش في شوارع الرياض كلها على كورولا كحلية ما لاقيها انت الليكزس بتاعتك دي وديتها متحف ولا شنو ؟
تعرِف من إتعطلت بي ورا الدوائية الليلة و أنا بكرة مُغادِر ما سمعتة عنها خبر ، الزول الإشتراها ذااااااااااااتو غير الألف ريال ما شفتة منو هللة و عفيتة ليهو لله و الرسول زوبة حبيبتي ياخ
مرة قبضني ليك بتاع المرور جنب الببسي في شارع الملز و أنا ماشي علي المكتب أقبُضك أقيف تيييييييييييت صفارة وقفت ليك و فتشت رخصتي مافي .. العربية أصلاً ما شافت ليها ورق أهااااااااااااااا
جاني ليك و قال لي : هويتك أها دي كنت شايلة مرقتها ليهو قام طوالي نطة و قال لي : أوراق السيارة ياخ إتكيفت ليك كيف لما قال لي (السيارة) قمت طوالي ركبت ليك مكنة بي إم دبليو و قلت ليهو و أنا نافِخ جضومي و حادِر ليهو: تابعة للشركة يلة أوصِف ليك حالتو:
فغر فاهه و ارتفعت حواجبه أعلي الأعين التي تدورت و تحورت و ارتسمت إبتسامة دهشة علي وجهه و قال بسرعة: إيش اتقووووووووووول؟ هذي الشبح تابعة للشركة؟ قلت بإصرار: نعم .. نعم فقال مستنكراً: هاااااااااااااااذي فرددت بنعم
قام كشف لي بي استغراب كِدة و قال لي: روح يا شيخ روح الله يهديك
و عفصت ليك الأبنص دة لما المكنة دار تجيني ناطة
05-26-2008, 08:19 AM
معتصم محمد صالح معتصم محمد صالح
تاريخ التسجيل: 07-14-2007
مجموع المشاركات: 7293
حبايبنا سلامات اول شئ بشكر الاخ معتز على الدعوة الحلوة ونشكره على الجهد الذى بذله من اجل انجاح الجلسة (علاء الدين قعدة ممكن يتخيلوها فيها بلاوى) وان شاء الله نردها ليك فى الجايات
حقيقة تعرفت فى هذه الجلسة على اخوة جدد اضيفهم للذين تعرفت عليهم سابقا بواسطة هذه المنبر والذين كانوا ومازالو اخوة بحق وحقيقة
وتشرفت ايضا فى هذا اليوم من معرفة علاءالدين يوسف ومحمد الاسباط وطلال ووناصف وكل من لم يساعدنى ذاكرتى من الاخوة الذين تعرفت عليهم لاول مرة
وتحية خاصة للفنان الذى اطربنا حقيقة يستحق الاشادة والتحية
تانى بجى
05-26-2008, 09:20 PM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
Quote: اول شئ بشكر الاخ معتز على الدعوة الحلوة ونشكره على الجهد الذى بذله من اجل انجاح الجلسة (علاء الدين قعدة ممكن يتخيلوها فيها بلاوى) وان شاء الله نردها ليك فى الجايات
حقيقة تعرفت فى هذه الجلسة على اخوة جدد اضيفهم للذين تعرفت عليهم سابقا بواسطة هذه المنبر والذين كانوا ومازالو اخوة بحق وحقيقة
وتشرفت ايضا فى هذا اليوم من معرفة علاءالدين يوسف ومحمد الاسباط وطلال ووناصف وكل من لم يساعدنى ذاكرتى من الاخوة الذين تعرفت عليهم لاول مرة
وتحية خاصة للفنان الذى اطربنا حقيقة يستحق الاشادة والتحية
ولا كفارة إسفيرياً يا دوت يا مجاك؟ الفيك إنعرفت الأستاذ والصديق علاء الدين ... سعدت جداً بمعرفتك. إين أخى المغيرة الأمام (فى المنبر بالإنجليزى الما بنعرفو) كل الشكر على التلفون يا جميل ويا فنان كمان ظاااااطو (يا حليلك يا هبانى). الأستاذ والصديق تروتسكى ... الشكر كل الشكر من أجل الدعوة التى حالت الظروف النفسية والصحية والمناخية والإضطرارية دون الوجود فى هذه الكوكبة الفريدة ... بس زعلان منكم ... نستا ده مالو ما كلمتو شكراً على الذكرى وتذكركم لاخوكم المغلوب على أمرو من سك التامين لى وجع الجسم (من الحادث) لى عدم تلبية العيزومة (عشان بى لقيمات) لى كلو ... اها يا حبايبى. بورداب الخرطوم!!! (خاصة الجو العزومة) أحبكم كلكم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء الدين يوسف علي محمد
زول ساكت
معتز تروتسكى
.
عمر الفاروق
معتصم محمد صالح
دوت مجاك
شول اشوانق دينق
المغيرة الأمام (فى المنبر بالإنجليزى الما بنعرفو) كل الشكر على التلفون يا جميل ويا فنان كمان ظاااااطو (يا حليلك يا هبانى).
فيس بوك
تويتر
انستقرام
يوتيوب
بنتيريست