|
|
|
 Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: ismeil abbas)
|
Quote: هاشم....
أولآ ألف حمدآ لله على السلامة
http://متي سوف تعود أُستاذ نا وشاعر نا الجميل المرهف ها...ثل هذه الاغنيات..؟؟؟
كما وعدناك يا عمدة..وعاد هاشم..ولم يعد السيد الميرغنى للسودان حتى ألأن
إسماعيل محمد احمد عباس... |
صديقي اللدود سمعة الفنان
عاجز عن الشكر لسؤالك الدائم وها قد عدنا من تاني لنلتقي بلاحباب فالشوق دفاق
ومحبتكم ساكنة في الاعماق شكراً للتحية صديقي الوفي سماعين.
| |
 
|
|
|
|
|
|
|
 Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: Alsa7afa_30)
|
Quote: حكمت علي بالنكران
و عارف قلبي ليك بريد
و لو تعرف عذابي البي
و انو الفرقة ما بالإيد
محال تظلم قليب رادك
تقول سابك براكَ وحيد
وراك صبح هزيل مهموم
خلاص روّح زمان الريد
.
.
.
عودة قوية يا أبو أحمد .. |
حسام الدين الجميل اسعدني مرورك الانيق
واطربتني ابياتك الشعرية الراقية
واعتذر في التاخر عن الرد مشاغل العمل وكده
ليك وحشة قوية قوي يا وجيه
| |
|
|
|
|
|
|
|
|
 Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: نهي محسن أبوراس)
|
Quote: أخي الجميل هاشم
والله مشتاقيييييييييييييين
ليه الغيبة الطويلة دي..؟؟؟
ماعارف انو البورد مظلم في غيابك؟؟
ياريت ماتحرمنا من وجودك معانا...
وماتحرمنا من إبداعاتك النحن في شوق دائم إليها...
مودتي |
اختي الحبيبة عاشقة الجمال نهي
والله انا كمان مشتاق ليك كتير
ومشتاق لنفحات بوستاتك المتعقة بأغاني الحقيبة
ربنا إنشاء الله يجمع كل الناس الغائبين حتى تتكمل
بهم البهجة والسعادة والهناء
كوني دائماً بخير وما زلنا نطمع في المزيد من إبداعاتك
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: هاشم أحمد خلف الله)
|
ـــــــ
| Quote: لــيـه اخـتـرتـا يـا نـاكـر تـعـذب قـلـبـي بـالـتـحـديـد |
أخترتك من زمان
لي زماني ..
بتغريدو وإحساسو
رماني..
من دقات قلبو
أهداني..
صابر علي هجرو
سبقني وإشتكاني..
يا أناني ..
باقي عطرك سكبتو
في كياني..
أبكي من ظلمو
وأعاني ..
ماسلاني بهمسو
جفاني..
زايد علي طناشو
وتاااني ..
من زلال مياه حنينو
ما رواني ..
الجرح ياقلبي ضمو
تكفيني نيراني ..
آآآآآهـــ يا أنيني
أهرب من الحلم وسرابو
والعمر كلو فاني ..
والعمر كلو فاني ..
مرحباً بعودتك شاعرنا المرهف أبو أحمد...(منور) والله ..!؟
وسلامي
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: علاء الدين حيموره)
|
Quote: تعرفوا يا شباب كده يا دوب المنبر راق وبقى لذيذ وما عايزين تاني اي كلام يعكر صفو المنبر ..
عودة الاخ الشفيف / هاشم الى المنتدى مرة اخرى تكون بمثابة فرش جسور التواصل بالمحبة والالفة ..
شكرا اخي هاشم وما عدمناك ..
بس نرجو التواصل في هذا الكلام الجميل ..
مودتي ولام أحمد واولادها التحية والاجلال .. |
ابو هبة الله يا ريت والله المنبر يبقي كلو حب وكلو صداقة واخاء
ايه نستفيد من المهاترات والصراعات الغير مجدية
اشكر لك لطفك وإحساسك بأن الحب هو الحل الوحيد
| |
|
|
|
|
|
|
|
|
 Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: مجدي عبدالرحيم فضل)
|
اخي الحبيب هاشم
سلام على روحك الطيبة
أكانت أستراحة شاعر عاشق يقتفي أثر جنياته الملهمات في عبقر ؟ أم عاشق غاضب عاد بع زوال الهجر نشوانا؟ .. الكلمات جميلة و بها جرس يغنى فلا غرو إن لُحنت وترنم بها صيدح وهزار .. ولكن حال الشعراء والعشاق سيان في الهوى فما نقول أن أحوالهم لا تخرج عن:
شموعٌ
ودمعٌ
ونبضٌ
ونارٌ
وماءٌ
وروحٌ تشظت وعمرٌ يتيمٌ كلعبةِ طفل ٍ وطفلٌ يئنُ ووخزةُ ذكرى ، اذا سافر الوعي خلف الحروف التي طوقتها سفوح الحكايا وراحت بعيدا على ذمة الوصف حيث الرواية ُ حيث يقال :
وكان ....
وكان ....
وصار....
ولما ....
ولكن لماذا تطوق ( كان) ؟ , ولمّا تطوق جميع الذي (كان ) (صار) ..
وتحياتي ومودتي لكل الثلة الراقية الرقيقة التي سبقتني بالمداخلة .. ولكني أفتقدت ابوجهينة !!
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: ابوبكر يوسف إبراهيم)
|
Quote: اخي الحبيب هاشم
سلام على روحك الطيبة
أكانت أستراحة شاعر عاشق يقتفي أثر جنياته الملهمات في عبقر ؟ أم عاشق غاضب عاد بع زوال الهجر نشوانا؟ .. الكلمات جميلة و بها جرس يغنى فلا غرو إن لُحنت وترنم بها صيدح وهزار .. ولكن حال الشعراء والعشاق سيان في الهوى فما نقول أن أحوالهم لا تخرج عن:
شموعٌ
ودمعٌ
ونبضٌ
ونارٌ
وماءٌ
وروحٌ تشظت وعمرٌ يتيمٌ كلعبةِ طفل ٍ وطفلٌ يئنُ ووخزةُ ذكرى ، اذا سافر الوعي خلف الحروف التي طوقتها سفوح الحكايا وراحت بعيدا على ذمة الوصف حيث الرواية ُ حيث يقال :
وكان ....
وكان ....
وصار....
ولما ....
ولكن لماذا تطوق ( كان) ؟ , ولمّا تطوق جميع الذي (كان ) (صار) ..
وتحياتي ومودتي لكل الثلة الراقية الرقيقة التي سبقتني بالمداخلة .. ولكني أفتقدت ابوجهينة !! |
اخي الحبيب والاديب الاريب دكتور ابوبكر
لا تكتمل سعادتي إلا بمداخلتك الممتعة والهادفة والتي استشف من معانيها الحكم وصدق القول
عدت انا لاني إفتقد حبكم وعدت لاني اجد نفسي وسطكم عدت وانا اعلم مقدار حبكم
وعبرك ارسل التحايا لاخينا المبدع ابو جهينة
شرفني مرورك الانيق
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: emad altaib)
|
Quote: أخترتك من زمان
لي زماني ..
بتغريدو وإحساسو
رماني..
من دقات قلبو
أهداني..
صابر علي هجرو
سبقني وإشتكاني..
يا أناني ..
باقي عطرك سكبتو
في كياني..
أبكي من ظلمو
وأعاني ..
ماسلاني بهمسو
جفاني..
زايد علي طناشو
وتاااني ..
من زلال مياه حنينو
ما رواني ..
الجرح ياقلبي ضمو
تكفيني نيراني ..
آآآآآهـــ يا أنيني
أهرب من الحلم وسرابو
والعمر كلو فاني ..
والعمر كلو فاني ..
مرحباً بعودتك شاعرنا المرهف أبو أحمد...(منور) والله ..!؟
وسلامي
|
أزرع طيب تلقي الطيب لانو عماد ابوه الطيب
ياخي والله يا عماد عاجز جد عن وصفك ومدحك
ياخي والله كلك حلو .. وبس كفاية كده
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: محمد عبد الماجد الصايم)
|
Quote: يا عمك
حمد لله ع السلامة ياخ
بركة الشفناك وفكيت الدبرسة
ياخ المنبر دا بدون غاوون زي العربية بدون دركسون |
ود الصائم الرجل النقي ياخي والله الشوق بحر ماليهو حد
واشكرك جزيل الشكر علي الإتصال الهاتفي في فترة غيابي
وسعيد انا ايضا بتواجدي بينكم هنا
| Quote: ياخ المنبر دا بدون غاوون زي العربية بدون دركسون |
الله يجازي محنك يا ود الصائم والله ضحكتني جنس ضحك
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: سلمى الشيخ سلامة)
|
Quote: ليه اخترت يا ناكر تعذب قلبى بالتحديد؟
صحى ليه يعنى ؟ |
لسع منتظر الإجابة زيك كده يا سلمي !!
Quote: وسعيدة انه القصيدة اتلحنت
والاهم الملحن منو ؟ |
لحنت القصيدة انا بإحساسي الدفين
Quote: وتستاهل كل خير يا جميل
وحمد لله ع السلامة يا اجمل زول
محبتى |
يشهد الله اني مشتاق ليك كتير وقلبي
منقبض خاصة وانتي تمري بمرحلة إستشفاء
ربنا يعجل لك بالشفاء ونشوفك معانا دائماً
في هذا البيت السوداني الماهل ولك من الحب
اطنان , ترقبي اللحن قريب جداً إنشاء الله
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: mohmed khalail)
|
Quote: اخي المرهف هاشم..
اي كانت الاسباب لغيابك ففي الليلة الظلماء يفتقد البدر..
افتقدناااااك بشدة..
وكان لسان حالنا يغني عن السؤال ولكن الان نستطيع ان نغني..
بعد الغياب..
بعد الليالي المره في حضن العزاب
عاد الحبيب المنتظر عوداً حميداً مستطاب
حمد الله على السلامة يا فنان |
اخي الحبيب المرهف محمد خليل
ياخي والله انا كمان إفتقدتكم وحنيت ليكم
وربنا ما يفرقنا من بعض وتكون قلوبنا كلنا
مع بعض يجمعنا حب الوطن وحبنا لبعضنا البعض
فالحياة جمالها ورونقها بألاهل والاصدقاء الاوفياء
شكراً جميلاً يا جميل .
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: بت العزازه)
|
Quote: هكذا نحن حين يداعب الشوق أوتار قلوبنا
عازفا لحن الحنين على انين الاشتياق
فى ليالى الفراق
بوح راق كزقزقة العصافير وقت الشروق
وكالندى حين يلامس سديم الورد
شكراً على هذه الرحلة الجميلة التي قادنا إليها حرفك الماسي ..
نتظر القادم بشغف أراه اكثر جمالاً ..
لك وللاسرة بطرفك باقة ورد |
ما أجمل تعبيرك يا بت العزازه وما انقي كلماتك
سعدت إيماء سعادة بمروك الانيق واحمد الله ان كان
لكلماتي وقع في نفوس بعض الناس , شكراً جميلاً
| |
|
|
|
|
|
|
|
|
|
Re: لــيـه اخـتـرتـا يـا نـاكـر تـعـذب قـلـبـي بـالـتـحـديـد (Re: سيد محمد احمد سيدنا)
|
Quote: الاخ العزيز هاشم
اولا حمدا على سلامة العوده
( رغم انى غير متابع )
لكن رجعت لينا صبا الايام وحنان القلوب زمان
ولهفة الشوق وادمان الحبيب كمان ياالللللللللللله.
ما احلااااااااااااااااااااااااااااااااااااااااك .
تحياتـــــــــى
|
ازيك يا ابو السيد زارتنا البركة والله
الحمد لله انو القصيدة هبشتك وكده
وبعدين يا خي انت لسع صغير وجاهل
حب وكتر من الحب عشان تكون سعيد علي طول
شرفني حضورك الراقي يا معلمي .
| |
|
|
|
|
|
|
| |
هاشم أحمد خلف الله
لؤى
ismeil abbas
emad altaib
هند محمد
awad okasha
Alsa7afa_30
الطيب شيقوق
نهي محسن أبوراس
مجدي عبدالرحيم فضل
علاء الدين حيموره
محمد عبد الماجد الصايم
mohmed khalail
سلمى الشيخ سلامة
وضاحة
حسين محي الدين
ماجدة عوض خوجلى
سيد محمد احمد سيدنا
شهاب الفاتح عثمان
فيس بوك
تويتر
انستقرام
يوتيوب
بنتيريست