|
|
 وطن ارخص ما فيهو الانسان .. انجاز حكومتو ظلط وكباري وتفاح وفقر لعامة الشعب ..
|
بالامس القريب ده جيت راجع من وطني الغريب الى غربتي ....
والغريب في الامر ونحن على سطح تلك الباخره المصريه التعيسه ...
هتف احد الغبش الغلابه المغيبين ( دي احسن حكومة انجزت للسودان وشعبوا )
دائما ما تسمع هذا الكلام في ونسة المغتربين المندهشين بثقافة الاستهلاك في دول الخليج
سالتو قلت ليهو الانجاز شنو قال لي شوارع الظلط والكباري واي حاجه تشتهيها بتلاقها التفاح
ده مفروش في الشوارع ( يخرب بيت دي طريقة تفكير ) وتاني يا جماعة الناس دي بتتعامل مع
السودان ده بياتو فكرة هل هو الخرطوم وبس وكمان امدرمان بره القصه ...
حلفتا ليهو بالله العظيم قلتا ليهو في حله اسمها الفزره فيها مدرسه فيها استاذ واحد
ورواكيب وطلاب بدون كراريس قال لي كذاب وانت بتكره الحكومة ...
قلتا ليهو جيت لسواكن دي بالجو ولا بالواطه ... قال بالواطه ... طيب يا عميان البصيره
ما شفتا الرواكييب الفي طرف الشارع والجوع في عيون اطفال تلك القرى وهم يردمون الطريق
لترمي لهم ببعض ملاليم او قطعة خبز ...قال السودان ده ما بتنمى في يوم و ليله قلت ليهو
ده البجيب المشاكل ....
والله يا جماعة الزول يسمع كلام المغتربين المساكين ديل يحلف يقول الحكومة دي تحكمنا مليون
سنه قدام .... يا جماعة بلد الناس تموت فيها ذي الجراد وما يلقوا زول يشيلهم من الشارع
ساكت زلط شنو وتفاح شنو ...
|
|
 
|
|
|
|
معتصم ود الجمام
قيقراوي
فيس بوك
تويتر
انستقرام
يوتيوب
بنتيريست