|
|
|
 Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
| Quote: بعد ان حل ضيفا كريما عزيزا علينا ، سوف نلتقيه في امسية الخميس القادم لنستعيد بعذوبة صوته وشجى اغنياته شيئ مما اصاب حياتنا من جفاف وكآبة |
اخي الفاضل سيف تحيات و (حسد)
هذا الرجل الفنان فيصل عبد اللطيف اينما حل ملأ المساحات والساحات بهجة وفرحاً والقاً
هذا الرجل يمتلك صوتاً متفرداً ونادراً .. وفي رأيي ورأي الكثيرين ان فيصل هو امتداد لجيل العمالقة
لالتزامه وانضباطه في الأداء وتفرده وتميزه .
المهم حقاً انا حاسدكم لكن برضو بتمنى ليكم قضاء لحظات ثرّة مع هذا المبدع ..
وتحياتي لكل البورداب بمسقط وعلى رأسهم (الولد الشقي) الطيب شيقوق والراقية اسماء الجنيد ولك جل ودي يا سيف
| |
 
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: امير عوض الجمري)
|
العزيز امير الجمري
انا معجب بفيصل منذ نعومة اظافره ( لان فيصلا لم يعاصر نعومة اظافري ) واتفق معك ان فيصل فنان يختلف كثيرا عن ابناء جيله ، فللرجل امكانيات صوتية غير محدودة ، ومقدرة عالية على التطريب والشجن ، وقد اضرت به فتره هجره للسودان وجمهوره لسنوات طويلة كان بامكانه خلالها ان يثبت مكانته بين عمالقة الغناء في السودان بانتاجه و اغنياته الخاصة ، وفي راييي لا تزال الفرصة امامه ، ومع ذلك فقد احببنا فيصل وهو يشدو لعثمان حسين والطيب عبدالله وصالح الضي طيب الله ثراه .
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
أخي سيف،
فيصل عبداللطيف (فيصل الصحافه) فنان يشجي كل مستمع ويسعد الروح المُعَنَّى بحق ، فهو صوت
يسري في خلايا القلب ويبقى فيها طويلا ، وظني أن هذا منبعه الموهبة الإلهية أولا كما أن فيصل يتقن
ويجوِّد ما يؤديه لدرجة (تزعج) من يشهد (البروفة) فلا مكان لعازف لايعرف الصبر ويحفظ اللحن ويعزف
بمستوى عال في فرقته. هذا على صعيد الطرب ولكن فيصل وجد له مكانا في القلوب بسبب سماحة
النفس والأدب الجم والهدوء الواثق الذي يزينه أضف إلى ذلك أناقة لاتخطئها العين.
مازلت أذكر طرفتك يا سيف التي حكيتها لي أنك كلفت أحدهم أن يتعاقد مع فيصل لحفل زواجك ويبدو أنه سمع منك الإسم خطأ(...الصحافة) وفوجئت في حفلك الموعود ب (...) الصحافة ونحمدالله أنه كان حفلا بهيجا أيضا ومافي مشكله يا مولانا ممكن يعوضك ليها تاني.
تسعد مسقط بالفيصل الجميل فهو ، كما قال الجمري ، إمتداد للفنانين من الزمن السمح.
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: محمد المرتضى حامد)
|
تحذير :
أوعو يغني ليكم ( نورة ) لعثمان حسين ..
أو يشبك في : ( يا مشوار .. يا رايع , كون أول بدون آآآآآآآآآآآآآخر ) ..
أو لإبن البادية : ( بكيت من جوه قلبي )
و لو غناهم .. ما يغمض عيونو نهائي ..
بيعوقكم إن فعل ..
مرتضى يا صاحبي ..
أما أنت ..
فانج بجلدك من فارهات غناء هذا الولد المهبوش ..
عارفك .. ح تنهمر لواعجك ..
و يتفرق دمك بين .. الحبايب .
ـــــــــــ
فيصل يا صاحب ..
لعنة الله تغشى الكافرين
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
( ما ليا غيرك حياة
يا أسمر ..
يا خمري الضيا
إنت حياتي
يا دارس يا فاهم
معنى الحياة
من أدبك ليك حارس
من غير رياء
يا ناعس يا ناعس
يا ملاك يا لابس
توب الحياء
إنت حياتي
في حسنك الملون
كم من سحر مكون
واحد نعاس في جفونك
وواحد ظهر في عيونك
وواحد مشرب لونك
اعجبت بيهو
ونظمت فيهو روح اغنياتي
ما شوهوك بي فصادة
على الخدود السادة
طبيعي خلقة ربك
ما دايرزيادة
مع لونك الاسمر
ورد الخدود محمر
لا بدرة لا احمر
الوان محاسنك زي ما هي
انت حياتي
ما ليا غيرك حياة
يا اسمر يا رمز الضياء
انت حياتي )
....
الزول فيصل ده .. نهائي ما يغني النصيبة دي يا سيف ..
نصيحة لوجه الله تعالى .
بتذكر , من الشهداء في ليلة إستماعنا لفيصل و هو يقصف وقارنا الفشنك بهذه الطامة :
أزهري صالح , كمال بشير , أنور صالح , عمار السنوسي , صفوت كامل , قاسم القاضي , أبو آمنة ..
و آخرين من دونهم .. الله يعلمهم ..
و كنت أول الشهداء .. و آخر الكابسين لهذا الفيصل ..
جراء الوجع الدخلو فينا في الليلة تلك ..
و الرياض صيفية المساء رميئذٍ ..
و نحنا عرايا الأرواح يا ربي يا سيدي ..
.......
فاعتبروا يا أولي الألباب .
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
| Quote: وقد اضرت به فتره هجره للسودان وجمهوره لسنوات طويلة كان بامكانه خلالها ان يثبت مكانته بين عمالقة الغناء في السودان |
نعم يا سيف دي (نكبتنا في فيصل) لكنه سيعافينا بلا شك وسيعود بنا نحو الطرب الأصيل حتماً.. وفيصل أهل لذلك وانا اراهن عليه .
ويا سيف قول ليهو في واحدة من جلسات الاستماع امير الجمري طالب طلب خاص اغنية (زورق الهم) وهي من الحانه لترى وتسمع وتشهد ما يكتنز هذا الجميل في دواخله من ابداعات وجمال بلا حدود.
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
Quote: الزول فيصل ده .. نهائي ما يغني النصيبة دي يا سيف ..
نصيحة لوجه الله تعالى .
بتذكر , من الشهداء في ليلة إستماعنا لفيصل و هو يقصف وقارنا الفشنك بهذه الطامة :
أزهري صالح , كمال بشير , أنور صالح , عمار السنوسي , صفوت كامل , قاسم القاضي , أبو آمنة ..
و آخرين من دونهم .. الله يعلمهم ..
و كنت أول الشهداء .. و آخر الكابسين لهذا الفيصل ..
جراء الوجع الدخلو فينا في الليلة تلك ..
و الرياض صيفية المساء رميئذٍ ..
و نحنا عرايا الأرواح يا ربي يا سيدي .. |
يا سلااااااااااااااااااااااااااااااااااااااااام يا عماد على عمارتكم الجميلة الفي الملز وحوشكم الظريف وطوطحانيتو الفي النجيلة..
كانت ايام جميلة بحق وحقيقة ..
رحم الله انور صالح يا عماد صديقي وشقيقي وخليلي.
فيصل الكلاشينج حقو دائماً مليان ذخيرة .. وشغال رششش .. والشهداء كتاااااااااااااااااااااااااااااااااار
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: امير عوض الجمري)
|
عماد،
مشكلتي أني لا أتوخى الحذر ولا أراعي تحذيرات السلامة،
شرفني فيصل في زيارته السابقة لمسقط بعدة زيارات في منزلي وكان يؤدي البروفات فطلبت إليه أن
يؤدي ، مع الأوركسترا المسقطية ، أغنية أداها بالعود مرة واحدة وهي أغنية الرائع صلاح محمد عيسى وكلمات مهدي محمد سعيد التي تطربني حد الهذيان (حبيب كان في الماضي يواسيني).
تردد كثيرا لكنه أخيرا أناخ راحلته فيها وأبدعت الأوركسترا وقدم فيصل عملا بشتني يا عمده وقال لي .. ثكلتك أمك.
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: محمد المرتضى حامد)
|
Quote: الزول فيصل ده .. نهائي ما يغني النصيبة دي يا سيف ..
نصيحة لوجه الله تعالى . |
قلت ليك يا عماد إنت ما (شفت)النصيبه دي:
شربنا من رحيق الصد والهجروذبنا في سماء الحب والفكر
جميل كامل الأخلاق والقدر إذا ما لاح في الإشراق كالبدر
وطيب الزهر من أنفاسه يسرى سكرنا منه مرات ولم ندرى
********
حبيب كان في الماضي يواسيني بإشفاق وأشواق يناجيني
فصد منه يكويـــــني ووصل منه يحييــني ويشفينــي
تركني في دجى الأحلام حيرانا وقلبي يرسل الآهات ألوانا
حزين دامع العينين ظمأنا
داير تلحقا؟
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: امير عوض الجمري)
|
الله يا أمير ..
الموت نقاد .. و عزّال ..
أنور صالح كان ريحانة الأصحاب ..
فارق بهدؤ ..
زي عاداتو ..
اللهم أرحم أنور .. و ارحمنا .
أيام يا أمير .. الملز و الغنا و الرفقة الطيبة , و القرقرة من جوه القلب ..
عارف .. فيصل ما مغني و مبدع و كفاية .. هذا المواطن كان الوحيد القادر يغتصب مني الضحك الحقيقي من جوه ..
سكنا في نفس البيت و متين يا ليل تجي و نخش في الجلاليب و العود يتسلطن مطعم بقفشات فيصل و نكاتو القاطعا من راسو ..
تخمة من المحبة الكبيرة و الرفقة المنزهة إلا من صفا كامل و سمح ..
فيصل جافاهو النوم في يوم ما ( حال الناس المرهفة دي حالة ) .. أديتو حباية تساعدو على النوم - كانت بتساعدني برضو - من بعد ما أصر و إتعكلت و بقى لي في رقبتي ..
نام من ليلتو ديك لتاني يوم بالليل .. كل مرة ندخل الأوضة نطمئن عليهو .. و هو متوك و شخير و محن ..
المهم .. قاعدين المسا شلة أصحاب في حوشنا أب جنينة داك و مدورين ونسة لذيذة ..
يجيك زولك مارق .. يعاين لينا مسافة و وشو ينعل قفاهو ..
يأشر لي : ميتينك و ميتين حبوب المجانين اللاتك ديل .. إن شا الله تديهن لي نسيبتك .
و رجع نام تاني .
و قد كان وسيم العبارة .. خجول و حيي .. نكره يومنا لما تضم القعدة حسان مليحات ..
فيسحرهن بالصوت و الغناء و الطرب الجميل .. ثم بملاحته و الوسامة في روحه و خلقه ..
و أجري منو يا أمير لو غنى و هو منطلق الروح بفعل الصحبة و حلاوة الرفقة ..
ساعتها .. يمرقك الله من قفزه فوق عيون الغناء .. من دي لي دي .. من دي .. لي دي
فيفجعك فجعاً عن سابق إصرار و عنية و إمعان في حفر بير روحك حتى تجيب موية عيونك .. و تعرف الله واحد .
غايتو يا ناس مسقط ..
أرجو الراجيكم .
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: حسن طه محمد)
|
غالبية الاخوة الفنانين الذين زارو مسقط عادوا إليها مرة اخرى
ولكن ألاخ الفنان فيصل يبدو انه شرب من توتيل مسقط حتى الثمالة
وطيب الزهر من أنفاسه يسرى سكرنا منه مرات ولم ندرى ...
فكانت عودته أسرع ، لأنه يعرف أننا متشوقون ...
للتعاطى مع روحه الراقية ، وفنه الاصيل ،،،
مرحب حبابك فيصل واليوم السعيد الليلة جابك ...
الوجيه ابو السيوف ،،،
حسك دائما موجود وإن أتى من خلف الابواب
ليك وحشه ...
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
Quote: الله يا أمير ..
الموت نقاد .. و عزّال ..
أنور صالح كان ريحانة الأصحاب ..
فارق بهدؤ ..
زي عاداتو ..
اللهم أرحم أنور .. و ارحمنا . |
والله يا عماد انا لغاية اسي ما مصدذق ويخيّل لي اني لو مشيت الخرطوم 3 في لحظة حا الاقيهو بي طلتو البهية المعهودة .. كنا نلتقي كثيراً في الخرطوم 3 نتسامر نستطعم ونمطّق بالونسة .. وبعد داك ننصرف انا وهو (الامتدادا والكلاكلة) .. واجمل ايامنا قضيناها مع بعض في الامتداد بيت ناس صاحبنا هشام تاج السر (ضبة) .. وقتها عرفت فعلاً ان الله اكرمني حد الكرم بمعرفة هذا الأنور الصالح (رحمه الله رحمة واااااااااااااسعة).
| Quote: فيصل جافاهو النوم في يوم ما ( حال الناس المرهفة دي حالة ) .. أديتو حباية تساعدو على النوم - كانت بتساعدني برضو - من بعد ما أصر و إتعكلت و بقى لي في رقبتي .. |
اتاريك يا عماد ده انت العلمتو ليهن .. اسي وحاتك كل ما يطير ليهو النوم يقول ليك عندي حبوب بت كلب جداً ويقول ليك بتاعت حساسية.
نام من ليلتو ديك لتاني يوم بالليل .. كل مرة ندخل الأوضة نطمئن عليهو .. و هو متوك و شخير و محن ..
المهم .. قاعدين المسا شلة أصحاب في حوشنا أب جنينة داك و مدورين ونسة لذيذة ..
Quote: يجيك زولك مارق .. يعاين لينا مسافة و وشو ينعل قفاهو ..
يأشر لي : ميتينك و ميتين حبوب المجانين اللاتك ديل .. إن شا الله تديهن لي نسيبتك .
و رجع نام تاني . |
ههههههههههها .. غايتو هو زول مسخووووت بالحيل .. بس اوعة تكون قلت ليهو (آمين).
Quote: و قد كان وسيم العبارة .. خجول و حيي .. نكره يومنا لما تضم القعدة حسان مليحات ..
فيسحرهن بالصوت و الغناء و الطرب الجميل .. ثم بملاحته و الوسامة في روحه و خلقه .. |
صدقت والله يا عمدة
Quote: غايتو يا ناس مسقط ..
أرجو الراجيكم . |
وانتو برضو يا ناس الدوحة ارجو الراجيكم .. واكتبوا وصاياكم .. لأني عرفت منّو انه من مسقط جاي عليكم يا عمدة.
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: امير عوض الجمري)
|
اهلا ومرحبا بالاخ فيصل الصحافة بمسقط والشكر للاخ المقدم م/ محمد عثمان محمود والذى كان له الفضل الكبير فى وجود فيصل بيننا ... ولقد تعرفت بفيصل كانسان اول مرة فى زيارته السابقة لمسقط حيث جمعنا منزل العزيز المضياف محمد عثمان محمود ... عرفت فى فيصل اخلاقه العالية وادبه الجم واحترامه للجميع ...فيه كل الصفات التى ننشدها فى الفنان السودانى الكامل من ثقافة وتواضع واحترام للفن ... فيصل امتداد لجيل الرواد ... طلبنا منه ان يقيم حفلاته بالاورغن نسبة لصعوبة تجميع العازفين وندرتهم فى مسقط لكنه رفض واصرّ على تقديم اعماله متكاملة ... فكان له ما اراد ... اهلا ومرحبا بك فيصل فى مسقط وشكرا اخى سيف حمدنا الله على هذا البوست
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
| Quote: الساعة 11 مساء سمعته يترنم بالموبائل ورميت كل العندى ومهرول عليهو وبجيكم راجع |
شقاشيقو يا لذيذ والله ليك وحشة
انت اقعد اتجارى لي انصاص الليالي كده لمن تقع ليك في حفرة .. وعارفك بتريد الحاجات السمحة يا شقاشيقو .. لكن خفف شوية انت بعد كده الحلو بقى خطر عليك .. اعمل حسااااااااااااااااااابك
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
| Quote: واعجبتني مساجلات عماد عبدالله وامير نرجو المواصلة . |
اخونا العزيز الاستاذ سيف الدولة ..
لك التجية والتجلة
عماد وانا تربطنا علاقات وطيدة وكبيرة وجمييييييييييييييلة جدا بالرائع فيصل .
وعماد بالذات يكتنز الكثير والكثير من المحصول الفيصلاوي ولهما ذكريات منتهى الجمال والروعة ..
ونحن عبرك يا استاذ سيف نتمنى ان نوفي هذا الانسان الفنان الذي لايبخل بنفسه ولا بفنه على احد ودائم ما يستجيب لطلبات الناس وكثييييييييييراً ما تكون على حساب اشياء ثمينة تخصه لكنه يضحي بكل نفيس وغالي في سبيل ارضاء الغير .. ومهما قلنا ومهما وصفنا لن نوفيه حقه.
فله ولكم منا كل التحية والتقدير والحب والاحترام ونتمنى ان تقضوا اوقاتاً سعيدة وجميلة في حضرته .. بس ما تبخلوا علينا بالشرائط .
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: عبدالقادر علي عبدالرحيم)
|
الاخ سيف لك التحيه وانت تفتح هذه النافذه الرحبه ليمر من خلالها هذا النسيم العطر
(فيصل) ليعطر سمانا بصوته الرخيم وادائه الرائع واختياره الرفيع ...
جاري العزيز امير ودحامد الجمري فيصل مثال يحتذي به في الوسط الفني كما تعلم اعرفه
جيدا وهو اول من مد يده لي بضمي لنادي شباب بوهين بالخرطوم جنوب ولكن الدراسة منعتني
فهو شخص تحترمه قبل فنه بما يتمع به من ذوق رفيع ,,,من اكثر الفنانيين تأدبا وتهذيبا..
له تحياتي واشوقي عبركم ومع امنياتي لكل الاحبه بمسقط قضاء ايام جميلة مع هذا البلبل
تلبسوا توب العافيه
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: saif addawla)
|
الاخ الفاضل سيف وجميع الاخوة والاخوات المتداخلين
يا حظكم بوجود فيصل الصحافة بينكم والله إنا لنحسدكم
فيصل فنان متكامل ( مهذب وخلوق وخطاط وملحن ومطرب من الطراز الاول)
كنا نتمني ان يكون بيننا في السعودية مرة اخري ولكن كل شئ مقدر ومكتوب
اتمني له كريم الاقامة في مسقط وربنا يعدل طريقو .
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: soma)
|
مير الجمري
مولانا سيف
| Quote: انت اقعد اتجارى لي انصاص الليالي كده لمن تقع ليك في حفرة .. وعارفك بتريد الحاجات السمحة يا شقاشيقو .. لكن خفف شوية انت بعد كده الحلو بقى خطر عليك .. اعمل حسااااااااااااااااااابك |
انتوا عارفين فيصل بصوتو الحنين والحلو ده انا الليلة ماشي اطلب منو نمة دوبيت عديل كده.
والله يا المرتضى هسع فيصل ده اكان عمل ليهو رمية حقت دوبيت ما بجنن اى زول ولو قام بعد النمة يخلفها بياطير يا ماشي لى اهلنا ها زووووووووول
هييييييييييييييع
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: الطيب شيقوق)
|
النبى فيكم كان ما سجلتو لينا حفلة الليله
صوت سااااااى بس...
ما لازمنا فيديو زاتو
***
عليكم الله يا ناس امير ولا مرتضى
ما تنزلو لينا اغنية فى البوست ده
ولا استعين بخبرات اجنبية خارج البوست؟
الحقنا يا لؤى ويا صحافة جيبو لينا غنية من فيصل الجميل
****
تخريمه
Quote: والله يا المرتضى هسع فيصل ده اكان عمل ليهو رمية حقت دوبيت
ما بجنن اى زول ولو قام بعد النمة يخلفها بياطير يا ماشي لى اهلنا
ها زووووووووول
هييييييييييييييع |
آآ شيقوق هوى ها العريبى كيفنك
الليلة الحفلة بى فيصل الصحافة. مش الجاغريو
قال دوباى قال
هسه بنادى ليك ابو بكر الرطانى يضحك فيك
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: soma)
|
سوما
Quote: عليكم الله يا ناس امير ولا مرتضى
ما تنزلو لينا اغنية فى البوست ده
ولا استعين بخبرات اجنبية خارج البوست؟ |
مالك يا سوما ما قلت عليكم الله يا ناس امير ولا مرتضى ولا شيقوق ولا عارفاني ماني فزع في منعطفات التقنية الحديثة ؟
الليلة حالف اسجل ليك منو نمة يا سوما ومحل الرهيفة تنقد .
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: soma)
|
سوما
Quote: غممممممممممض عويناتك ودوبى ان شاء الله تقول ليه....
الليـــــــــلة.. اللــــــــــيلة العريبى جانا مشاقق
شــــــق الحنك لى ست الشلوخ ومطاااااااااارق
ود شيقوووووووووووق شرق بنوتنا بالافرنجى وحالق
وبالبلدى وحات الخوة ضمممممممممممة مفاااااااااااااااااارق
هيــــــــع على قولو |
الله يمسخك ضحكتيني نامن اوردلب وقعت
الليلة حالف بالضحكة دى اجيب ليك النمة من حسو الحنييييييين وطاعم ده -
كمان يا سوما اكان هسع لقى مناحتك حقت المرثية الغناها عصام كان فك دستورك طاااااااااب
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: الطيب شيقوق)
|
| Quote: الله يمسخك ضحكتيني نامن اوردلب وقعت |
بركة يا يابا الضحكت ..ان شاء الله ديمه فرحان
لكن ان ما سجلتو لينا الحفلة ما عافية ليكم كلو كلو
اوع واحد فيكم يجينى ناطى يقول لى والله ما قرينا كلامك
اتمنى ليكم سهرة حلوة مع الزول الرائع***
مشاققة
سيف حمدنا الله كيفك يا ابو العريس
تلقاك لاااااااافى هسه شىء ترتيب وشىء ضيافة
ياخوى اعمل حساب الكريع..
وخلى المراسيل لى ناس ود شيقوق ودالى الحبوب
تحايا يا فيصل واوع تكمل الغنا السمح لى العزابة النبى فيك
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: sumah)
|
مولانا سيف
الاخت سوما
والله كانت ليلة الامس بقاعة مطعم بيروت قمة في الروعة والابداع .
لقد اطرب الاخ المبدع فيصل وقار الجميع فلم اشاهد شخص جالس على مقعده من بداية الحفلة وحتى نهايتها التي لم نشعر بها ابدا .
كان الحت الرهيب من الجميع حتى المصريين العاملين في الفندق حركهم ذلك الابداع الفني الجميل وتركوا خدمة الضيوف واختلطوا مع الجميع رقصا وغناءا.
لكم تمنيت ان يرتجل الاخ فيصل اغنية ارترية عشان ............. هييييييييييييييييع
| |
|
|
|
|
|
|
|
|
|
Re: فيصل عبداللطيف ( الصحافة ) ، نسمة في صيف مسقط (Re: الطيب شيقوق)
|
Quote: انت الايام دى مغبي بيك موسم الهجرة للسودان
الناس رقل رقل منتظرين تطلعي ليهم التذاكر وما بتشوفي المعوج من المكلوج |
اسكت ساى وحات خوتك من البيت شغالة .. /24 ساعه
والعجب كان بقى عندك مسافر زى سيف حمدنا الله
ولا الطيب شيقوق ..
عليه العوض ومنو العوض
**
دحن خبرت لى واحد من رجال القانون الفوق ديل
| |
|
|
|
|
|
|
| |
saif addawla
امير عوض الجمري
محمد المرتضى حامد
Emad Abdulla
محمد عثمان محمود
الطيب شيقوق
حسن طه محمد
الفاتح الجنيد
Ahmed al Qurashi
الزاكى عبد الحميد
عماد شمت
هاشم أحمد خلف الله
لؤى
sumah
abdulgafar mohd saeed
فيس بوك
تويتر
انستقرام
يوتيوب
بنتيريست