|
|
 كــــــــــــــــذب من قال ان سودانيز اون لاين فى تدهور(((((يادكتور)))))
|
عليكم السلام
نقاش وجدل حدث حول تنفيذ القوانين والتشدد فى تطبيقها
قال صاحب البوست ((الحار ))فى لقاء بوردابى ببحرى!! ((سودانيز من بدايتها 2002-2003-2004-2005-2006-2007-2008 اليوم فى طريق الهبوط والنزول لكن انا اقول له
لايمكن لوطننا الثانى ان يكون بما تتصور لانه يمتلك من المواهب والاقلام التى تحفظ حقه وتصون ما تسميه با الهبوط
حاجة اخيرة
لاتقارن بين سودانيز اون لاين وصحيفة الشمار والبوبار (الدار) لانه فرق شـــــــــــــــــــــــــاسع بين الوطن والشمار ((((الشمار حرقنى))))
تسلم يا دكتور وربنا يخليك (((للطعميه)))
|
|
 
|
|
|
|
|
|
|
 Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: توفيق عبد المجيد)
|
خالص التحايا
الزميل
almogira alemam
والجميع
ده منو التمرجي ده تطير عيشتو انشاء الله...
هي اون لاين دي هينة و لينة ، ده من الاتجرأ ويقول فيها كدي (استغفرتك يامالك روحي)..
انا عايز اضيف ، مع تقاطع لمداخلة ناذر ، انا شخصيا ماعارف حتة نقاش الموضوع هنا ولا هناك دي لكن البعرفو البوست ده حسسني اني زي الونسة ونسة ، لكن ماجههته الدكتور ده جهجة السنين ..
تتعلى انت يا يابا وماتتدلى ، رنا كده يخليك ليك اون لاين دي ويخليها ليك ويخليكم لي بعض (((ويخليكم ليينا انتو الاتنين)))..
انا لو عندي وكت صدقني ، بقيف معاك في البوست ده الف احمر نشدها للتمرجى ده لمن يقول الرووب لكن تصدق انا (((شمار))) البوست ده جاني في محلي لانو لى بعد سنة الله (تعلم) ماكنت حاعرفوا لكن تقول شنو ربك ودي حكمتو نعمل شنو ياولدي....
اها تبلدينا وينو ؟ عشان يطير صوف التمرجي ده نتف.. .
بعدين صحى تعاااال النسعلك انت التمرجي ده مش كان معاكم هناك وقال نقتو دي كلها هناك ، انت وتبلدينا مالكم ماالقمتوه حجر...
نحي تبلدينا...تعرف انا زولك ده لو مابزعل كنت اندحت ليك فيهو كيف لكن خليها مستورة براهو باقي حيل.. .
---------------------
شول اشوانق دينق
ياخ انت بقيت قدر ما القاك في زقاق بتذكر كلامك ده بقعد اضحك ولو براي ، اها ماقلت لي التمرجي ده نعملو شنو ؟
اقتراحاتك ، في اطار ذاتى ولاب لاب لاب لاب .. ..
لانه هكذا احب الله العالم حتى بذل ابنه الوحيد لكي لايهلك كل من يؤمن به بل تكون له الحياة الابدية
اامين ، اها لقيتنى كيف مابنفع معاكم.. .
الموضوع ده ناقص Dut. .
وماتنسى رسل لى شي لو سب دين.. .
--------------
توفيق عبد المجيد
اسالني دبل !!! ودي الاجابة ...
* حذرت وزارة الرزارعة بولاية بادن فورتمبيرج الالمانية من خطر بالونات الهواء على الاطفال بعد ان اكتشفت خبراؤها انها تحتوي على مواد تسبب السرطان.
* حذرت دراسة كندية من القلق الشديد قد يسب الكوابيس للاطفال.
---------
المغيرة.. الداير اقول ليك باختصار فقط
عفوا ايها السيد الجليل..لم يكن لنا سابق عهد مع التصفيق خارج تضاريس الكهوف حين ترغمها حاسة التعبير عن اجاشة داخليه؛ على ترجمة احتفائها المرهف بواسطة وسيلة هى خيط صارخ من الاهتزاز والامتنان ؛ فقد كان الرسم هو الاطار الملائكي الذى لاحتمل غير فكرة بسمة يافعه بقيت ضمن الاشواق ..
وتعرف انا لو اشتغلت معاك بي نظرية ((حاولت انساك وقلبى زاد في جروحو ورينى كيف الحي بفارق روحو)) حنتعب التمرجي ده شديد. ..
وزي ماقال ناذر نتلاقي ...
التحايا النواضر..
| |
|
|
|
|
|
|
|
|
 Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: almogira alemam)
|
Quote: عفوا ايها السيد الجليل..لم يكن لنا سابق عهد مع التصفيق خارج تضاريس الكهوف حين ترغمها حاسة التعبير عن اجاشة داخليه؛ على ترجمة احتفائها المرهف بواسطة وسيلة هى خيط صارخ من الاهتزاز والامتنان ؛ فقد كان الرسم هو الاطار الملائكي الذى لاحتمل غير فكرة بسمة يافعه بقيت ضمن الاشواق ..
وتعرف انا لو اشتغلت معاك بي نظرية ((حاولت انساك وقلبى زاد في جروحو ورينى كيف الحي بفارق روحو)) حنتعب التمرجي ده شديد. .. |
شُكراً تـروتسكي ...........كنت ماسك لي صفقات خيالية وبقطــع فيها (أخش البوست ده ...لا ما أخش ...اخش ..لا ما أخش ...أ ...لا ما أ ....) جيتني بالكلام الفوق ...... ده ...جدعت باقي الصفقات ..........وأصريت بكل عناد الأشجار (ما حأخش) ..........بس .....
...........
...........
............
شــول شايفك نمت من (البتاع) أها الليلة أنا رفعتو ليك ..بكرة كيف ؟؟؟؟
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: ناذر محمد الخليفة)
|
نحن هنا...
اها في جديد.. الزول ده لمه في الدكتور ده ولا سه نتف ريشو ولا الموضوع حصل فيهو شنو ؟!!؟
العزيز
Ahmed musa
ابوحميد ياسيدي يديك العافية ، وماعارف زي ماقلنا شكلها بقت زي حكاية كلب السرة. .
عايزك ابادلك كلام حلو لكن بقيت بخاف عديل كده في ناس هنا زي الصقور منتظرين الافتراس والطعمية..
ولي بكرة دي بحلها الف حلال ، بكرة ناذر برفعوا مامشكلة تب ، خلينا نحن اولاد النهار ده...
---------
شباب عليك دينكم خليكم جادين الزول ده عندو كلام داير يقولوا وقضية عايز يناقشها ، بس بكون منتظر تبــــلدينا وكده. .
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: معتز تروتسكى)
|
..
.
شنو ووين تبلدينا ؟؟
تبلدينا لمن يجى ؟؟
ومنتظرين تبلدينا؟؟
انت يا مغيرة يا اخوى فى شنو ؟؟
معتز وشول ديل رايحه ليهم باسطة مش ؟؟
انا بعرف الغرابة والجنوبيين بحبو الباسطة شديد؟؟
لكن ناذر وانت مالكم ؟؟
بتتوحموا على شوربة ولا حاجة ؟؟؟
بعدين قضية شنو ؟؟
القضية الوحيدة قضيتك دى يا تروتسكى .. شابكنا القوانين وتفعيل القوانين
بوست جاد الناس ما بتخش ..
ما عرفنا نعمل شنو ؟؟ انا والملكـ لو لقينا فيك فرصة كان جدعناك بقنبلة ؟؟
والله الملكـ عندو قنبلة الود دا طلع داهية .. انا ما عارف رخيت صحبتو ليه ؟؟
شول يا فردة ..
عليك الله اولاد العرب ديل براحه عليهم بنفقعوا ..
ما شافو ليهم جنوبين تيمان ولا جنوبي رباطابي ..
________________
البتاعات دى بتوديكم فى دهية انا بقيت زول ملتزم وعلى وش باب
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: شول اشوانق دينق)
|
Tabaldina
اخيرا جيت لمن قرب صاحبك ده يغني ليك ((عليك الله وحات الريد))
وكمان..
Quote: شنو ووين تبلدينا ؟؟
تبلدينا لمن يجى ؟؟
ومنتظرين تبلدينا؟؟ |
ماهو شابكنا تبلدينا ، تبلدينا وبطيخ .
مسكين وجاهل قايل القبة تحتها فكي. .
| Quote: (((تبلدينا))) خش وجهجه المعلم |
&
| Quote: يعنى كلام تبلدينا صـــــاح |
&
الخ...
بعدين في ذمتك ياتبلدينا اسي المحتاج للباسطة منو انا وشول ولا انت..
اما هو ناذز مالهم دي اسال منها ناذر شخصيااو ربما كما قلت بتتوحموا على شوربة ولا حاجة
الشى الاخر الملك هو مالو داير يكتلني عديل ، انا يوم واحد نضمت في قعداتكم دي مالناس دي كلها تنضم لمن فترنا بس الليله بقت علي ولا عشان انتو اساسا دايرين الكلام المعسول ..
بعدين اهو شول كلامو كان واضح بانى قليل الكلام ، داهية تاخدك انت والملك...انا مارخيت صحبتو لكن انتو عايزين سيد التوب والتياب وانا شايفني خاتي لي باندا. .
القضية الوحيدة ماقضيتى ، والدليل انا بديك الكلام ده..
أزمة وسطحية العقل المثقف
نجد أن بداية السطحية تتجسد في انحراف معظم المثقفين الذين أصبحوا يكرسون جهود لكتابات صحفية وإعلامية الطابع بعيدا عن الأبحاث الجدية؛ سواء كانت فردية أو جماعية ، حيث نجده مسئول إلى حد بعيد عن استمرار الأوضاع الراهنة حيث الأنظمة المتخبطة في فراغ ثقافي وحضاري وتغيب الضوابط الفعلية لها من الطابع المعنوي الفكري والحضاري والأخلاقي ، ولا توجه سياسيا عميق الجذور يمكن أن يضئ الطريق إلى تصرف عقلاني وحكيم...الخ..
ده موضوع طويل اقتصرت ليك منو المقدمة لانو بجسدك زول فاعهم وواعي وعايز تتلهي ماكنا بنتلهي لكن ماقدر ده، وخلي شول يجي يتجنن فوقي يشبكني ديالكتيك وماتعرف شو. .
| Quote: البتاعات دى بتوديكم فى دهية انا بقيت زول ملتزم وعلى وش باب |
يازول بتوديك انت في داهية براك ، هو حمل ناذر وشول ياخ ديل انا معاهم زي الشافع ، لكن الزيك ده انا بتصعلق عليهو لانو حيل مافيك. .
Quote: أأأأأأخ براحه يا تمرجى لم يلتئم الجُرح بعد !!
بسبب تأثير البتاعات |
ماقلنا ليك الحب طريق قاسي وصعيب من اولوا....
Quote: يا رفقاء الدرب والنضال انى اراكم تدهورون الموقع بعدم جديتكم وهزلكم
لذا لا بد من الصرامة والموضوعية وعدم الابتسام حتى وان احتل
خليل ايتالى بيتزا .. وشرب الشاى فى دليشيز ..وردد ملاسي هذاالمنبر هيلنا ما هيل زول .. |
هيا يا انا خلاص بقت علينا شوف عليك دينك رمتنى بداها وشنو ماتعرف..!!!
بعدين انا جيبت سيرة خليل ولا عباس ، ياخ ركز معانا ..
خليل يجي يمسك القصر الجمهوري ،ده حق مشروع بالنسبة ليهو هي البلد دي حقت منو!؟
ماكل زول عايز يجي يتلب بقت على ود الناس ده..
المهم انسى وخلينا في موضوعنا..
الحاجه التى فى اتساع الحقول والمضامين والقبيلة والاهه التى تقترف خطيئه البحث عن سكون داخل سور الوطن..لقد كان بامكان الرجل ان يتسع لاربعه واربعين امراءه كما الحال الذين يتخذون من ناجرهم مصائد حقيره لتاليف المراهقه ؛ومثلما هى متعة الذين يطرحون احاسيس النساء على اوترهم ويلعبون عليها وفى مقدمة كل منهم نقطة ضعف ..
الكلام ليك يالمنطط عينيك. .
----------------------
شول اشوانق دينق
تعرف انا اكتر شى مضايقنى شنو ياصديق ؟
العنوان بتاع البوست، لكن الباقي ماشغال بيهو شغلة..
غايتو اقدر الخص كلامي بحديثك ادناه..
| Quote: وإنت يا المغيرة... شنو كل يوم تعمل ليك مس...كول فى البوست وتقوم تكب الزوغة؟ |
ياولدي ابدا وقول كلامك بس لانو انا مشكلتى الزمن وكده...
التحايا النواضر...
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: almogira alemam)
|
الحاجة التانية يا مغيرة ..
يا حبيب أنا إسمي ناااااااااذر ,, بالذا ضنب ، مش ناااازر بالذا تمساح !! لمن ولدوني أبوي سماني نااااذر وضبح لي تورين كبار واحد أبيض والتاني بيجي ، ولو ما مصدقني أسأل عمنا عضو المنبر كوستاوي ... هو كان الضباح اليوم داك ..
صنفرة :
بس للاسف بعد الضبيحة إستغل الفرصة بتاعت الزحمة وزاغ بالجلد والكوارع !!وأنا أصلو ما عافي ليهو العملية العملا يوم ولادتي دي كان ما دفع لي حقهم بالإضافة للفوائد طوال الخمسة وعشرين سنة الفاتو !!
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: معتز تروتسكى)
|
المغيرة .... نعيب زماننا والعيب فينا وما لزماننا عيب سوانا. لماذا لا نكون عمليين؟؟؟.إن الدولة هي التي تحدد معايير التعامل داخل المجتمع بسنها للقوانين والنظم التي لا تدع لأي كان مجالا لتجاوزها، بمعنى أن الدولة هي التي ترسم الطريق وعلى الآخرين التقيد به، وحين تختفي مظاهر التمييز في كل مؤسسات الدولة بما فرضه القانون حينها سينسحب الأمر على التعامل الإنساني في المجتمع عموما وشيئا فشيئا ستختفي المظاهر التي تعوق التعايش السلمي بين فئات المجتمع، وهذا ستحققه فقط العدالة التي تفرضها الدولة ممثلة في كل هيئاتها ومؤسساتها. إن العدل والضرب بيد من حديد على أيدي المخالفين لقانون أجمع عليه الناس سيحد كثيرا من المظاهر المرفوضة. سياسة إقصاء الآخرين لا تجدي نفعا ولن تجدي نفعا، وإذا لم تتوحد الرؤى فلا مجال للتخلص من عبء الماضي، وما الذي يجعلنا نتغنى بالماضي غير أننا نريد أن ننبه إلى أننا ناجحون وأن المرارات الحاضرة قد سببتها المؤامرات الخارجية وما إلى ذلك، هذا فقط في نظري ما يدعونا إلى التغني بماضينا الذي كان وكان لنثبت حقيقة نحن أدرى بأنها مجرد أكذوبة!!! .لماذا لا نتخلص من عقدة أن على الآخرين أن يروا مدى نجاحنا لماذا لا ننجح لأجلنا فقط؟؟؟ .لماذا نضيع الوقت الثمين في محاولة إقناع الآخرين بأننا لا نخطئ وأننا نجيد العمل ووو!!!.
السودان في مفترق تأريخي ومأزق تأريخي كما يقول كتاب المرحوم محمد أبو القاسم حاج حمد. إن الأمم اليوم تتوحد في أطرها الجغرافية لأن مقاييس القوة تغيرت وتوحدت في أطرها الإقتصادية وفي شتى مجالات وضروب الحياة لأن الأمر يتطلب والضرورة تحكم وتم تجاوز الكثير من أجل أهداف أسمى وأرفع من أن يتم تناسيها بسبب الخلافات اليسيرة أو التي لا يحكمها منطق!!! الشركات صارت تتوحد لتنشئ كيانات إقتصادية كبرى تتمتع بسلطات تجعلها تعيش في المرحلة المقبلة، في كل مكان الناس تتجاوز خلافاتها الصغيرة وتنساها ولا نقول تتناساها بل تنساها لتتوحد نظرتها وصفوفها لمواجهة القادم من الأيام والتي تتخطى تحدياتها إمكانيات الكيانات المنفردة، العالم الآن يتوقف ليرى آثار العولمة وما زالت دولنا في المربع الأول وتبحث نظريات عفا عليها الزمن، وقريبا ستتجاوز الكثير من الكيانات التي قرأت الوضع بصورته الصحيحة مسألة حزبي وحزبك في ظل وضع يدفع العالم لتكون الكلمة فيه للاقتصاد والذي هو علم في الأساس بدأ يتجاوزنا ويتجاوز مقدراتنا لأننا ما زلنا نناقش ونناقش ولم نصل إلى حل في النقاش في عالم تخطى مسألة النقاش لأنه لا مجال للنقاش !!! المجال فقط للأفكار والأفكار العلمية والعملية والتي يمكن إخضاعها للتجربة والتنفيذ وفق إستراتيجية تعرف أين وكيف ومتى تصل لأهدافها، والرؤية بدأت تتضح ولكن نحن لا نرى ولا نريد أن نرى، أليس الأمر ببساطة أن يتنازل كل شخص عن أطماعه ويضع يده في يد الآخرين من أجل شعب لم يوكله ليتحدث عنه أو ليستجلب له حقوقا يهدرها هو معظم الوقت بوضعه العراقيل والمشاكل في الطريق!!!.
الناس بدأت تعمل والسودانما زال محلك سر وما زال يظن أن العمل هو الصراخ في القنوات أو في منصات الخطابة، من الذي يصرخ الآن غير العاجزين؟ ولا شخص يصرخ غير ساسة العالم الذي تجاوزه الزمن فيملأ الدنيا ضجيجا حتى يوهم نفسه بأنه موجود وأنه يعرف كيف يدير السياسة ويدير البلاد والعباد. حتى الإعلام ما زال يقبع في مكان عفا عليه الزمن، وكأني بأساطينه عندنا ينسون أن هناك الكثير من الوسائل والوسائط الإعلامية التي تجتاح الأجواء وإن تطور التقنية في مفهومه العصري يتخطى ما يدعى بالتطور بإستجلاب الكاميرات الجديدة وإنشاء الأستوديوهات المواكبة للموضة لنخدع أنفسنا بالتطور والتقدم والريادة في وقت أصبح فيه التطور يعني تأثيرك على الآخرين بقوة تعطي نتائج مبشرة تكافئ الجهد المبذول. إن خضنا في كل المجالات التي تحتويها الحياة العصرية اليوم لوجدنا أننا ما زلنا نعيش في الزمن الماضي وأن الاجدر التي نظن أنها كفيلة بحمايتنا لا تسوى شيئا وليست موجودة في الأساس. إن حبنا لبلادنا لا يعني أن علينا أن نقوم بتمجيد أنفسنا ومحاولة الإيهام بأننا الأفضل فنحن هكذا نخدع أنفسنا بداية في حين أن الآخرون لا يكترثون لهذا، ونحن نجهد أنفسنا في محاولة إثبات أشياء نعلم في قرارة نفوسنا بأنها تنافي الواقع.إن الدول تتقدم بفكرها الجاد وبخطى جادة نحو أهدافها ولم تعد تحلم بما يتجاوز قدراتها بل تعمل وفق منهجيات قصيرة وطويلة المدى ووفق خطط مدروسة لا تسمح لشئ بتعكير صفو هذا العمل ولن تأتي مفاجآت غير محسوبة كأن ينقض شخص على الحكم في أي لحظة ليوقف كل المشاريع ويمسح كل ما سبق إنجازه ليكتب من جديد وباسمه هو لتدور الساقية وهكذا دواليك. إننا شعب آفته النسيان كانت ومازالت، ننسى أن نميري قد فعل الكثير مما جعل بلادنا تترنح حتى حينه!!! ؛وسننسى أن الإنقاذ قد تفتت البلاد بعد أن فتتت العباد!!! وسنظل ننسى لأن الحق العام إحتكره أفراد يعطون أنفسهم حق العفو دون الرجوع لصاحب الأمر أي الشعب الذي دفع الثمن غاليا!!! .ودون تفويض من الشعب يعطي أحدا الحق ليعفو باسمه أو يعاقب باسمه. ما أسوأ الإنقلابات وفي ظني أنه لا يوجد لها تبرير مهما كان، وإن أعطيت نفسك هذا الحق لم تعتبره منزوعا عن الآخرين؟!!. يا لهذا الشعب المسكين الذي تتلاطمه الأمواج وياليته كان السبب!!! ،حينها سيكون يدفع ثمن ما جنته يداه ولكنه الآن يدفع ثمن أفعال أفراد يلتقون على كوب شاي ليقرروا مصيره. لست متشائما ولكن لا أرى أن من بين سياسيينا من قلبه على البلد بل ربما كان قلبه على حزبه أو مصلحته. تقول لي انا قصرت في سودان اون لاين (الوطن المجاز)؟!؟!؟
the end.
الى حين..
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: معتز تروتسكى)
|
Quote:
عــــــــــــــــام
عام جديد ومازال الكذب ينبت فينا مع سبق الإصرار ؛ بمساعدتنا منا ؛ ولسنا عازفين عن الالتقاء بالصدق فى حقل قافية إستمرأت الشوق والحنين واللهفة ؛ لقد كانت لحظة المزواجة الفذة بين وطن هو كل الحب وامرأة هي وسلية الحب؛ وقفة الشكر الصادق ان توفر فينا لعناصر السماء التي كللت قوائم الارض ببعض قدسيتها فتكالبت زغرودة الانكسارات ؛ فاهتز بحر الاصرار ؛وعلى شواطئنا نحن الذين لانملك احتياطيا كافيا من الاحاسيس نتوجع به مع هذا الوطن وانفسنا ؛ فكان اغترابنا داخل مصابيح بيوتنا وهتفنا بكل جوارحنا لمزيدا من النفاق.....
عام قادم..كان بامكاننا ان نستمتع بكل المتاح فى كل الاوقات وبكل الجوارح والصراح..
عام مضى متى سنحترم انفسنا من داء الابتذال والتسول والتقليد ؛ متى عندما كان الاحترام نفسه لنفسه احتفال باحترام نفسنا لغيرنا ؛ احترام غيرنا للانفسنا حين احتمل الحزن الناس وارض واحتوي الام المكان والانسان....
عام ذهب كان يعمل بقوة فى مساعدتنا على الاحتفاظ بتوازننا النفسى ، كما لو انه طبيب احتفل بالكلمة المرهفة بدلا من المشرط المؤلم ؛ فحين يكون للفرح في مناهله مثلما للامطار الاخرى فى غيومه؛ فالذى لايتجرد ؛ ولا يستقل قطار التوبة من الانحياز يذهب في غيبوبته المنتهية؛ ويذوب فى شروده المواتي...
لم نعد نملك دليل اتهام ضد الاقامه والنيل والكلمات ..ليس لنا اى مكان في الكتب المقدسة كي نتحكم فى قوانين الانتصار واحتضارات اللغه والنفس ومعامل التوتر ..سانحة فلسفية جادة ينقلنا إليها موال الترابط الشديد بين الاناقة والمظهر والاناقة والجوهر والزيف والحقيقة...
إذن ماهي العلاقه بين النفس والتراب !!!
ماهى العلاقة بين الابتسام والنيل !!!
عام اتي ...الان يمكننا التسكع ؛ أين نسكن ؛ والعدم جاء يبنى وشم دمعته هنا..أين يقضى الورد والرمل معا عطلة فى اخر الاسبوع؟!!؟...
عام...هاتف محافلنا فكان الفجر ليل ؛ والضؤ ليل ؛ والانسحاب من الرهان متاهة جادة لتثمير الظلام ؛ كان يقول لنا ان الوقت مغمور بجلستنا المحدودة لانتهاء الصيف ؛ وانننا لن نعرف سكون حصانها الابيض قبل تدفق الانهار وصدق الوعد.. وقبل تزاحم الاطفال فى الافراح يجترون مانهضمه..
فهل حقا قد مات عام..؟
هل مات وصار الزمن مشتعلا ..ورنا فى سوأد اليأس نشتاق للاحباط ولانجد قشعرة تمتعنا ببعض الرعش ؟!؟...
(لنا الحمى وعلى أحوالنا الحمى) ..ورغم مرارة اللحظات تكتنف الاحاسيس الرمادية ؛ لنا الطوفان والفيضان ؛ فلا تشهق من الحسرة ياوطنا يعيد وقائع الأحياء بكل الحب للموتى ..لاتحزن على مطر توقف من اعالينا وهذا الحب انبته جلالُ غمامه الباقى ؛ وهذا الكف مرتفع كعادته الى انحاء ذكرانا ...
فصفر العيش أن نبدو بلا هالة تؤكد إننا نمضى الى الغاية التى من أجلها عشنا وفى تحقيقها عانينا ثم عانيينا ثم متنا من فرض النفاق الذى يعترينا...
هل حقا ذهب عام....!
وهل حقا اننا صرنا عراة من ماضمين الحقائق ..! وحفاة ناكل الاشواك بالافواه حتى تهضم الاقدام مشوار المصير..!!
هنا ايضا عام..
ارتوى منه العمق ؛ ونضربها ورود الخواطر الحرة المروية بالتماس الرؤية الاخرى فى اطروحة مطر تالية ؛ كما لو أنه يزيد بها خصوبة الخاطر تمهيدا لنبت الأمل الذى يعتنق صوفية التوحيد فى غيمة؛ هي الحلم الاخر بتمدد السماء فى رحاب مكان ليس لغير الدموع ؛ولكن للامنيات الحُلوة... |
| |
|
|
|
|
|
|
|
|
 Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: معتز تروتسكى)
|
في انتظارك ياحبيبي رايح ارعاك بحناني القى في قربك سعاتى وانسى تعذيبى وهواني ....
&
وانا ياعلي ودايراك تجي ، دايراك تجي وتعال وبمطار ابوظبي
ووين انا تعال انا وتعال لى هنا..
ومعليش لو طولت عليك لاني بالكاد بلقي فرقة اخش النت فقلت اكبو كلو مرة واحدة وهكذا.....
وزي مالقت ليك انا ممتعض من عنوان البوست لانو معنون بي مصطلحات مابحبها ابدا زي (دكتوروماشابه خليك معاي عادي وكده انا كده بكون مرتاح)...
-----------
شوية خستكة..
قنبلة دي قنبلة...
سماحة الزول في الطول والعلا دي قنبلة..
التحايا النواضر...
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: almogira alemam)
|
تروتو ..!!
بلاحة بلاحة على الولد !!
يا المغيرة ..
الصورة التحت دي :
ما تقول الاحمر دا حلبي من حلب المسالمة ..
دا مستر سكود عارف وظيفتو شنو ؟!!
دا مستشار كبير في شئون المعلوماتية وخبير في تصمميم مواقع النيت ، جا السودان مستشار لي واحدة من شركات الإتصالات وصصمم الموقع بتاع الشركة .. وبحكم وظيفتو تابع الكتير من المواقع السودانية عبر برامج ترجمة مواقع متطورة من تصميمو شخصيا ، ومن ضمن المواقع التابعا ولي هسي بإنتظام موقع سودانيز أون لاين دا !!
الصورة في رحلة ترفيهية عملناها ليو على شرف إنو إتصل بي وطلب مقابلة ناس معينين من كتاب المنبر أعجب بي كتاباتم حول المواقع السودانية ورسالتا ومن صمن الناس الطلب مقابلتم معتز تروتسكي بالإسم .. وفي اللقاء دا ادانا معلومات وإحصائيات عن الموقع وزوارو ودرجة الإهتمام بيهو في المجتمع الامريكي أنحنا لمن إتخلعنا .!!
والخواجة دا معجب بي كتابات تروتسكي وإنتشارو فيي محركات البحث .. وذكر شهادة إنو معتز دا أفضل من يكتب في مواقع الحوار السودانية.. إنت هسي جرب في قوقل أكتب تروتسكي أو تروتو أو اي حاجة وشوف النتيجة ..
المهم ..
أنا يا المغيرة أي رابط بختو ليك في الموقع دا ما تتجاهلو .. لا زم تقراهو بي عناية تامة ومنها تتعرف وتفهم الكلام البيقولو معتز دا كويس ..
سمح .!!
| |
|
|
|
|
|
|
|
|
|
Re: كــــــــــــــــذب من قال ان سودانيز اون لاين فى تدهور(((((يادكتور))))) (Re: almogira alemam)
|
مشكور يا تروتوسكى ويا نازر
اولا: انا ما بدعى الكمال فى حب سودانيز اون لا ين تمام ... المهم انا لمن كتبت البوست كان قصدى انتقد جزء معين فى كلام معتز وهوان سودانيز ((((الوطن الثانى)))) يا معتز ماهو الشى السئ للدرجة دى انا معاك فى الموقع فى السمح +وفى الكعب لاكن الهجة الاستخدمها معتز شوية زعلتنى لاكن انا مابقلل من قدرات معتز وقلمه النير وهو احد الاقلام التى كنت اتكلم عنها
بعدين الخواجة ده اختار معاهو تبلدينا ومعتز وانت يا نازر كلام طيب والله ربنا اديكم العافية
العفو والعافية يا معتز اعتقد انو اي واحد فينا فهم الاخر كان قاصد شنو
| |
|
|
|
|
|
|
| |
almogira alemam
ناذر محمد الخليفة
شول اشوانق دينق
توفيق عبد المجيد
معتز تروتسكى
Ahmed musa
Kostawi
فيس بوك
تويتر
انستقرام
يوتيوب
بنتيريست