شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد

مرحبا Guest
اخر زيارك لك: 03-29-2024, 06:59 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-13-2008, 07:45 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد

    قطعا لم تقصد حركة العدل والمساواة وعلى راسها الدكتور خليل ان ردود الفعل السياسية من الاحزاب السياسية وقيادتها ومؤسسات المجتمع المدني ستكون كلها في خندق واحد مع المؤتمر الوطني
    وهذا ما لمسناه من استنكارهم جميعا لما حدث... وتاييدهم قطعالموقف حكومة الوحدة الوطنية وعلى راسها طبعا المؤتمر الوطني...
    وايضا هذا الاجماع الوطني بمثل هذه الصورة لم تحدث حتى ادبان توقيع اتفاق السلام الشامل مع الحركة الشعبية.....
    قطعا هذه اكبر خسارة لحركة العدل والمساواة واكبر مكسب منحته هي بنفسها بدون قصد طبعا للمؤتمر الوطني....
    ***اكثر المشاهد ايجابيا رغم الخسائر في الانفس والممتلكات كان موقف الحركة الشعبية والتي تعاملت بوعي سياسي كبير فقداول شئ اعلنته هو تأجيل مؤتمرها العام...
    **** ثم كان الموقف القوي من حزب الامة وعلى لسان السيد الصادق المهدي والذي خرج علينا بتصريح وبيان معبر ورزين وفيه رسالة واضحة وقوية جدا
    *** طبعا في الاساس لا ننسى الموقف الشعبي (هنا لا اقصد المؤتمر الشعبي) بل موقف المواطنين الذين رغم الهلع والفوضى العارمة التي اصابتهم الا انهم تصرفوا بوعي وفهم كبيرين ... كما خرجت المسيرات ومواكب الشجب والادانه في كل ولايات السودان تقريباحتى في ولايات دارفور الكبري
    *** لم نكن ننتظر اكبر من هذا رغم الخسائر ....
    *** الاجماع الوطني بهذه الصور والتي كما ذكرت (لم تكن حتى بعد توقيع اتفاق السلام الشامل والذي انهى حرب دامت 22 اكثر من عاما )ما كان ليحدث ولا يخطر على بال احد وبهذه الصورة الا لو لا قدر الله والم بالسودان مصاب وامر جلل(سياسي اقصدهنا)
    *** شكرا دكتور خليل على ما منحته للسودان .......... طبعا من غير ان تقصد
    واتمنى ان يستغل المؤتمر الوطني الجو والمناخ السياسي الذي ساد وسيود في ما فيه خير للعباد والبلاد...

    ميادة
                  

05-13-2008, 07:52 AM

امير عوض الجمري
<aامير عوض الجمري
تاريخ التسجيل: 04-25-2006
مجموع المشاركات: 2560

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد

    ويا ريت د. خليل ذاتو يرجع ويجلس في طاولة المفاوضات والحوار ويجي معاه عبد الواحد والناس تقعد وتتفق ونعيش في اماااااااااااااااان وسلااااااااام عشان يكون فعلاً اجماع يا ميادة.
                  

05-13-2008, 08:23 AM

رشا سالم
<aرشا سالم
تاريخ التسجيل: 08-24-2006
مجموع المشاركات: 2605

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: امير عوض الجمري)

    Quote: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد


    العفو يا ميادة نيابة عن حركة العدل والمساواة..لكن خلينا جادين..

    مش لو جات حركة العدل والمساواة ولا الجن الاحمر ودخل الخرطوم..

    نحنا الجماعة ديل ما عندنا معاهم اي اجماع ..ونحن دي مقصود بيها الشعب

    السوداني كلو..جوه الخرطوم وبرا الخرطوم..وماممكن نبقي ساذجين

    ونعتقد انو حكومة الانقاذ الفارمانا ليها عشرين سنة(حيتمو الشهر الجايي!)

    والكتلت اضعاف مضاعفة من السودانيين في كل الانحاء..جنوب وشمال وشرق وغرب

    وكل دا حصل تحت شتي المسميات..ما حنكون بالسذاجة دي ونعتبرها الحكومة المنقذة

    من براثن حركة العدل والمساواة..

    ياخ بالحساب البسيط ..الحكومة دي من سنة حفرو البحر موقفه اي حاجة عشان خاطر التسليح

    والتموينات الحربية بحجة حرب الجنوب ..وبعد داك بحجة حركات دارفور..

    طيب ليه حركة العدل والمساواة تصل الخرطوم وانت نص ميزانيتك تجهيزات عسكرية؟

    لو اخدوك علي غفلة_ودا مستبعد_تبقي مشكلة كبيرة

    ولو انت قاصد تستدرجهم جوة العاصمة تبقي المشكلة اكبر

    يعني بتعرض حياة المواطنيين للخطر عشان تجي جاري بعد داك وتنقذهم وتستعرض

    بأنك انقذتهم؟؟

    وعشان توريهم انهم لو طلعو من تحت عبايتك حيجوهم ناس الحركات بتاعين دارفور

    ويطلعو زيتهم؟ طيب ناس المؤتمر الوطني ديل ما ممطلعين زيتنا لينا عشرين سنة..

    فرقت شنو؟؟حلال عليهم وحرام علي الباقين..؟؟

    يا ميادة يا اختي حركات الكيزان دي نحنا فترنا منها..

    نحنا ضد الحرب في دارفور..

    وضد الحرب في شرق السودان ..

    وضد الحرب في جنوب السودان..

    وضد التهميش الحاصل في قري الجزيرة وشمال السودان..

    نحنا ضد سلطة المركز وتهميش الاطراف..

    وبرضو ضد تحويل كل مناطق السودان لمناطق حرب..ومنها الخرطوم

    وضد حكومة الانقاذ وشريكها الضعيف..ولما اقول حكومة الانقاذ

    بقصد الجزئين (المنشية والقصر)

    وحكومة الانقاذ دي ما بيلمنا معاها ولا ابونا آدم!وربنا ما يجيب

    يوم جمعتنا معاهم..قال اجماع قال!
                  

05-13-2008, 10:02 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: رشا سالم)

    Quote: نحنا الجماعة ديل ما عندنا معاهم اي اجماع ..ونحن دي مقصود بيها الشعب السوداني كلو..جوه الخرطوم وبرا الخرطوم..وماممكن نبقي ساذجين ونعتقد انو حكومة الانقاذ الفارمانا ليها عشرين سنة(حيتمو الشهر الجايي!) والكتلت اضعاف مضاعفة من السودانيين في كل الانحاء..جنوب وشمال وشرق وغرب وكل دا حصل تحت شتي المسميات..ما حنكون بالسذاجة دي ونعتبرها الحكومة المنقذة من براثن حركة العدل والمساواة.. ياخ بالحساب البسيط ..الحكومة دي من سنة حفرو البحر موقفه اي حاجة عشان خاطر التسليح والتموينات الحربية بحجة حرب الجنوب ..وبعد داك بحجة حركات دارفور..طيب ليه حركة العدل والمساواة تصل الخرطوم وانت نص ميزانيتك تجهيزات عسكرية؟
    سلامات يا رشا .. والله بقرا في كلامك قعدت اضحك .. لانو الخطاب المتشنج دا قلناهو اكتر من مليون مرة .. وقريناهو مليون مرة هنا دا .. وبقيت في ناس محددة كدا لما اشوفه اونلاين بتوقع انها ح تجي تكتب الكلام دا ..
    يا رشا خليك كدي في مسالة الشعب السوداني كلو دي .. يا ستي انا وإنت القاعدين هنا ديل وغيرنا القاعدين بره في كل ثانية بعيشوهو بعيدين من الحدث بتضيع منهم تفاصيل بي مليون سنة .. شكل الحياة .. لغة التعامل .. نفسيات الناس .. شكل المجتمع من حوالينك .. صعوبات الحياة .. مغرياتها .. والكثير من الاشياء البعيدين عنها .. الأمر المعروف ان بعد حادثة الاثنين بعد مقتل جون قرنق .. حصل الحصل .. وكانت العملية اسوا من الحصل قبل ايام في امدرمان بكتير لي سبب واحد المواجهات كانت مباشرة بين المواطنين والمدنيين حصلت اقتحامات في البيوت وقتل وتنكيل من الطرفين .. وهو امر كان متوقع من وصول جون قرنق وتعامل بعض العقلية البسيطة مع هذا الأمر والافرازات الظهرت وعبت الشارع واستثمره للاسف الشديد العنصر الاستخباراتي بعقليتو الكيزانية وقدر يوظفه .. وكانت النتائج ظاهرة في الشارع تم احتواء الموقف بسرعة .. من قبل القوات النظامية المختلفة ومن مليشيات الجبهة التي لا يعرفها البعض هنا .. او لا يعرف ماهي مهامها ولا يعرف اي ايدلوجيه هي تدفعهم .. مليشيا الجبهة التي اتحدث عنها هي بالطبع ليست قوات المجاهدين بتاعت الدفاع الشعبي وخليكم واقعيين واعرفوا الحاصل دا .. لانو شهداء رمضان اول من نزل الشارع في الساعات الأولى من الصباح وقابلهم كانت هي طلائع هذه المليشيا ..
    في احداث المهندسين تكرر الوضع بصورة اخرى جهل القوات التي قامت بالمشكلة واعتدت على المواطنين استثمر ايضا من قبل الجهات الاستخباراتية وقدرت توظف الموقف لصالحه وللاسف الشديد اتعاملت معاها القوة المتحصنة وسط الاهالي .. بمبدا رد الفعل فكان ان تم دكهم بنوعية السلاح الذي تتسألي اين هو الآن .. وايضا هذا من ضمن الاشياء التي لا نعرفها بحكم بعدنا عن الواقع .. كل الحوادث التي قامت الحكومة بتوظيفها خلقت راي شعبي وتضخم في الميديا وهم احسن ما يعرض نفسه ويروج لها وفي ناس عديل خاتنهم للكلام والاقناع .. اهالي المهندسين الذين قدموا الأكل والشرب للقوات التي دكت المنزل على قوات مناوي شريك الحكومة .. هم نفس الأهالي الذين زغردوا للجيش في الطرقات قبل ايام والتحموا معهم لان ما تعرضوا له يجعلهم ينحازون حتى للشيطان .. لان الهدية القيمة التي قدمها مرتزقة الحرب لا تقدر بثمن ..
    ربما امنياتنا العراض كمتضريين من هذه الحكومة من لحظات بيانها الأول إلى تاريخ كتابة هذه الاسطر تجعل منا ان نتعلق باي قشة .. وفي بالنا الكثير الذي مرينا به من تطورات للقهر والظلم .. لكن الا تري أن قهرنا حملناه بداخلنا إلى الآن .. ؟ حملنا قهرنا والتمنيات .. البتقول بكره الحكومة بتفوت .. وبكره بتنتهي .. كلو كلام ساكت .. مليون حركة من الداخل تم قمعها .. مليون محاولة تخريبية تم خمدها في وكرها .. ثم أخيرا غزو خارجي .. لم تتضح معالمه إلى ألان ولا تفاصيله الدقيقة .. بصرف النظر عن حركة العدل والمساواة .. دعينا نسلط الضوء على عرابها خليل .. وسيرته الذاتية وغموض شيخهم الترابي في حديثه بعد الاعتقال .. وانباء عن اعتقالات وسط القوات المسلحة .. كل هذا يؤكد أن هناك لعبة كبيرة خطط لها بعناية وطبخة ما استوت ..
    Quote: يعني بتعرض حياة المواطنيين للخطر عشان تجي جاري بعد داك وتنقذهم وتستعرض بأنك انقذتهم؟؟ وعشان توريهم انهم لو طلعو من تحت عبايتك حيجوهم ناس الحركات بتاعين دارفور ويطلعو زيتهم؟ طيب ناس المؤتمر الوطني ديل ما ممطلعين زيتنا لينا عشرين سنة.. فرقت شنو؟؟حلال عليهم وحرام علي الباقين..؟؟
    .. ايوة كلام صاح ..
    ما فرقت .. إنتو بتنسو بسرعة لييه ..؟
    معسكرات التجييش وارتال المجاهدين الكان على راسهم خليل ابراهيم دا .. ما كانت بترسل افواج للمحرقة في الجنوب شباب في عمر الزهور .. واحدين مساكين بتمسكو في الشارع بقعدو في المعسكر خمسة واربعين يوم بس يضربو ليهم طلقة واحده يودوهو باليوشان والهاركليز للجنوب علشان يموتو في حرب عصابات .. كل القادة بتاعنهم عندهم مقولة مشهورة حفظه ليهم الترابي .. تلاتة ارباع السودان يموت .. ويبقى لينا الربع كفانا .. الما مات اتقطع .. والما اتقطع جن .. والما جن ياهوندا قاعد يكتب الآن بي كيبوردو من الخليج او بينظر من أوروبا بعدما (فلفل) شعرو .. يا ماسك ليهو مسدس ينزين يا بيغسل صحون وبيوصل بيتزا .. أو سايق تاكسي ممكن يشوف الموت مليون مرة في الثانية ..
    لذلك
    عادي جدا انو يضحو بي الشعب السوداني الفضل وهو زاتو الفضل ليهم منـو؟؟ .. يضحو بيهم علشان يفضلو هم وبعداك يلعبوا شطرنج مع بعض الفايز فيهم يدو كاس طويل ..


    احي صمود امدرمان وابرياء امدرمان وهم يزودون عن بقعتهم .. ويردون العدوان

    سلامات يا مياده كمال ..
                  

05-13-2008, 05:07 PM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: رشا سالم)

    يا دكتورة رشا
    ازيك
    سلامات
    عليكي الله ما تخلي اختلافك مع الحكومة يخليكي ما تشوفي الحقيقة بعين بصيرة
                  

05-13-2008, 05:01 PM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: امير عوض الجمري)

    Quote: ويا ريت د. خليل ذاتو يرجع ويجلس في طاولة المفاوضات والحوار ويجي معاه عبد الواحد والناس تقعد وتتفق ونعيش في اماااااااااااااااان وسلااااااااام عشان يكون فعلاً اجماع يا ميادة.


    استاذ الجمري
    سلامات
    اقصر الطرق لتحقيق الاجماع الوطني هو ان يكون لدينا حس ووعي بالامن القومي
    يعني اذا كان حرب الجنوب طوال الـ 22 سنة الاستمرت فيها ما فكروا يقتحموا الخرطوم او ينقلوا الحرب اليها تجي الحركات المسلحة في لمح البصر يقوموا بهذا العمل الصبياني وبثلة متشردة لا تعرف ان تميز بين مرفق مدني وعسكري
    هذا قمة الجهل وعدم الوعي


    شكرا
    مرورك اسعدني

    اختك ميادة
                  

05-13-2008, 08:28 AM

essam&amal
<aessam&amal
تاريخ التسجيل: 11-15-2003
مجموع المشاركات: 2579

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote: Quote: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد


    تحياتى ليك
    ام وضاح
                  

05-13-2008, 08:39 AM

منتصر ابراهيم الزين
<aمنتصر ابراهيم الزين
تاريخ التسجيل: 11-21-2005
مجموع المشاركات: 334

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: essam&amal)

    ليس دفاعا عن خليل ولكن
    منحكم الاجماع الوطنى كزولة كوزة ,اكيد ماواعية ,كرزق يوم واحد, المؤتمر الوطنى مافقده
    من تماسكه لن يعيده اليه التفاف الدبابين فى التسعيان , ودة بعيدا عن الحسابات العسكرية
    هذا الاجماع المفترض لن يتحقق طالما ذاكرة يونيو لن تنمحى من ذاكرتنا الى قيام الساعة
    موقف الحركة الشعبية الفاصل بينكم استفتاء جنوب السودان اها الباقى




                  

05-13-2008, 10:33 AM

ود الباوقة

تاريخ التسجيل: 09-21-2005
مجموع المشاركات: 47163

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: منتصر ابراهيم الزين)

    الاخت ميادة اصابت كبد الحقيقة .. الان هناك توحيد للجبهة الداخلية والتفاف وتأييد من كافة الشعب السوداني لقواتنا المسلحة والقوات الامنية الاخرى .. وهى كلها تصب كلها في مصلحة حكومتنا الرشيدة بعون الله ..

    وحكومة الانقاذ دي ما بيلمنا معاها ولا ابونا آدم!وربنا ما يجيب

    يوم جمعتنا معاهم..قال اجماع قال!


    دكتورة رشا .... اهدي شوية وطولي نفسك .. في هجمة الاوباش دي تراصت كل الصفوف وقالت كلمتها موالاة ومعارضة كلهم ادانوا واستنكروا هذا الهجوم الغادر على وطننا ...

    الاخت ميادة ارمي قدام ولا تلتفتي الى الوراء ....


    ود الباوقة
                  

05-13-2008, 11:26 AM

رشا سالم
<aرشا سالم
تاريخ التسجيل: 08-24-2006
مجموع المشاركات: 2605

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: ود الباوقة)

    Quote: حكومتنا الرشيدة بعون الله


    حكومتك براك يا اخوي..البتخلي الحركات المتمردة

    تصل الخرطوم ..وهي كانت بتستنكر دخول الحركة الشعبية للكرمك!

    حكومتك براك البتتاجر بدم اهلنا في السودان ..

    دي لا حكومتنا ولا رشيدة يا كيزان!

    Quote: دكتورة رشا .... اهدي شوية وطولي نفسك .. في هجمة الاوباش دي تراصت كل الصفوف وقالت كلمتها موالاة ومعارضة كلهم ادانوا واستنكروا هذا الهجوم الغادر على وطننا ...


    الاوباش ديل ماهم ذاتهم كيزان..اكلو معاكم وسفو قروشنا وبعد

    ما حصلت المشاكل وطلعوهم من الوزارات..اتزكرو انو عندهم

    اهل مهمشين ومفروض يدافعو عنهم!

    هسه بقو اوباش؟ماكانو معاكم دبابين وبيكتلو في اخواننا

    الجنوبيين وقلتو مجاهدين وشهداء..قبل ما يجي شيخكم

    قبحه الله ويفتي بأنهم فطايس..!

    قضية المهمشين في كل السودان واضحة وما دايرا ليها درس عصر..

    وما ضروها الا المثقفاتية البيقودوها..

    حكومة البشير ماسكة ثروات السودان وبتقسم للكيزان الزيكم ديل

    كان جلابة ولا غرابة..والشريك الكنا فرحانيين بيهو..انتهت

    امالنا فيهو بموت جون قرنق..وما فضل لينا غير ذوي الاطماع

    البياكلو من اموال اهلهم ولا همهم تنمية ولا غيرو في الجنوب

    وناس دارفور ما لقو ناس يقودوهم غير امثال د.خليل الدباب

    السابق..

    غايتو حالة عجيبة..

    (عدل بواسطة رشا سالم on 05-15-2008, 11:10 PM)

                  

05-13-2008, 05:09 PM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: essam&amal)

    Quote: تحياتى ليك
    ام وضاح




    ام وضاح

    شكرا على المرور
    تحياتي ليكي وللجميع
                  

05-13-2008, 10:35 AM

امير عوض الجمري
<aامير عوض الجمري
تاريخ التسجيل: 04-25-2006
مجموع المشاركات: 2560

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote: نحنا ضد الحرب في دارفور..

    وضد الحرب في شرق السودان ..

    وضد الحرب في جنوب السودان..

    وضد التهميش الحاصل في قري الجزيرة وشمال السودان..
                  

05-13-2008, 12:59 PM

بدرالدين كاجوري
<aبدرالدين كاجوري
تاريخ التسجيل: 08-12-2005
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    الاجماع الوطني بهذه الصور



    ياتو صورة الصورة المقلوبة الانتي عدلتيها

    الامة والحركة وغيرهم ديل حراس الرمة

    والحكومة الحارسة الوطن لي هسة مخلوعة وبتهضرب وماعارفة الحاصل شنو

    ودا ماغريب كان رئيسها القائد يوم ضربت مصنع الشفاء قال طيران اتي من الشمال

    اللة يديك العافية ياميادة واهلنا الطيبين
                  

05-13-2008, 01:55 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    والله صدقت يا ميادة
    الحكومة دي قدر ما تقرب تقع ونقول خلاص البديل قرب
    تجينا مجموعة من الاغبياء تتسبب في رفع أسهم الحكومة زيادة
    أسع عليك الله بالمنطق كدة
    لو افترضناانه المواطنين ديل
    قاموا اتضامنوا وشالوا الحكومة دي

    بكل مكوناتها من كيزان ومؤتمرجية وحركة شعبية وتجمع وشيوعيين واحزاب وناس عاديين
    لو افترضنا كنسوهم بانتفاضة شعبية
    هل نرضى ان يكون البديل خليل بتاع اللاعدل ولا مساواه ده .
                  

05-13-2008, 01:57 PM

محمد عادل
<aمحمد عادل
تاريخ التسجيل: 07-19-2006
مجموع المشاركات: 14734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: عمر التاج)
                  

05-13-2008, 05:55 PM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: محمد عادل)

    الاخ محمد عادل
    سلامات
    اولا مبروك التخرج
    اكلتوا التورته كيف
    البرنامج كان حافل ووصلنا شريط منه
    ان شاء الله بس ترجعوا البلد ويكون احتفال اخر كبير بيكم



    ثانيا شكر على المرور على ا لبوست والاضافة
                  

05-13-2008, 09:19 PM

محمد عادل
<aمحمد عادل
تاريخ التسجيل: 07-19-2006
مجموع المشاركات: 14734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    الاخت مياده
    كيف احوالك
    والله التورته كان تمام ولقد شاركنا الاستاذ كمال الفرحه
    والله كويس
    مافى اى مشكله اول مانصل البلد حنتصل بيك
                  

05-13-2008, 02:09 PM

Nasr
<aNasr
تاريخ التسجيل: 08-18-2003
مجموع المشاركات: 10759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    يا تو إجماع وطني البتقولي عنو دا؟؟؟؟؟
    لمتين نحن في تزوير إرادة الناس؟؟؟؟؟
    متين لفيتي علي الناس والقوي السياسية وسألتيهم رأيهم؟؟؟؟
    مش كفاية التعدي علي الديمقراطية وإرادة الناس الحرة والتي عبرت عنها في إنتخابات حرة نزيهة؟؟؟
    مش كفاية نهب البلد بترولها وأرضها وعرضها؟؟؟؟؟
    بأي منطق عايزين تقنعونا أنو البشير وعبدالرحيم ونافع وصلاح قوش أحسن لينا من خليل ؟؟؟
    هذه أستراتيجية أمنية وإعلامية فاشلة...
    ردوا علي السؤال المهم؟؟؟ كيف إخترقت حركة العدل والمساواة العاصمة بهذه السهولة؟؟؟؟؟؟
                  

05-13-2008, 02:16 PM

قرشـــو
<aقرشـــو
تاريخ التسجيل: 02-05-2002
مجموع المشاركات: 11385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    العزيزة مياده

    لك التحية

    هكذا يتحدث العقلاء ...
    وهكذا تقاس الأمور ...

    وحقا المحنة اظهرت المعادن الاصيلة من المزيفة
    وقد ظهر القادة الحقيقين من المنتمين زورا وبهتانا للقيادة

    حقا لاول مرة يتضامن الناس جميعا معا وبكل تمايزهم

    وليت هذا التوحد يدوم وليت هذا الوفاق يستمر

    اكرر شكرى لك ولوعيك الوطنى .....
                  

05-13-2008, 02:22 PM

Ahmed musa
<aAhmed musa
تاريخ التسجيل: 07-08-2007
مجموع المشاركات: 16669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote:
    يا تو إجماع وطني البتقولي عنو دا؟؟؟؟؟
    لمتين نحن في تزوير إرادة الناس؟؟؟؟؟
    متين لفيتي علي الناس والقوي السياسية وسألتيهم رأيهم؟؟؟؟


    والله يا نصــــــــــــــر القصــــــة مادايرة ليها (لفة) ........ وتتعب البِنية .......الجماعـة ديل جوا برااااهـم التلفزيون ...........وكلهم قالوا لا لماحدث يعني زي ما تقول (أجمعوا) على رفض العنف ضـد الوطن .................
    .......
    ......
    ........
    Quote:

    مش كفاية التعدي علي الديمقراطية وإرادة الناس الحرة والتي عبرت عنها في إنتخابات حرة نزيهة؟؟؟
    مش كفاية نهب البلد بترولها وأرضها وعرضها؟؟؟؟؟
    بأي منطق عايزين تقنعونا أنو البشير وعبدالرحيم ونافع وصلاح قوش أحسن لينا من خليل ؟؟؟
    هذه أستراتيجية أمنية وإعلامية فاشلة...
    ردوا علي السؤال المهم؟؟؟ كيف إخترقت حركة العدل والمساواة العاصمة بهذه السهولة؟؟؟؟؟؟


    اها دي يا أبوالشباب موضوعات تانية ........وفي بوستات مازالت مفتوحة ليها ......ميادة بحسـب فهمي البسيط إتكلمت عن (جُزئية) معينة حول الإجماع الوطني ............وإن كان البوست حول الإجماع الوطني ..واشياء أُخرى .......لأدلينا كلنا فيما جئت به ..........
                  

05-13-2008, 02:32 PM

ebrahim_ali
<aebrahim_ali
تاريخ التسجيل: 02-05-2002
مجموع المشاركات: 2968

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: Ahmed musa)

    وشكراً كثيراً ميادة على هذا الدرس الوطني البليغ
    واصلي وما تهتمي لهؤلاء الأوباش لاهم لهم ولاقضية سوى جعجعة ونضال لا يتعدي حروف الكيبورد

    يالسلام على النضال الجديد
    تراجي السعودية نيو لوك ((دكتور رشا)) دي جديدة لنج

    ضحكتني لمن عايز اقع من الكرسي من نضالكم المزعوم وهوسكم في احلام ظلوووووووووووط
                  

05-13-2008, 02:41 PM

Nasr
<aNasr
تاريخ التسجيل: 08-18-2003
مجموع المشاركات: 10759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    قال أحمد موسي
    "الجماعـة ديل جوا برااااهـم التلفزيون ...........وكلهم قالوا لا لماحدث يعني زي ما تقول (أجمعوا) على رفض العنف ضـد الوطن ................."

    القوي السياسية والشعب السوداني كلهم جوا برااااااهم التلفزيون عشان يعلنوا إجماعهم الوطني؟؟؟؟؟

    دي ما دايرة تعليق.....

    بس ملاحظة عامة

    شايفين الديكتاتوريات بستهين بعقول البشر لياتو درجة؟؟؟؟؟
                  

05-13-2008, 02:59 PM

ابوالقاسم ابراهيم الحاج
<aابوالقاسم ابراهيم الحاج
تاريخ التسجيل: 10-14-2005
مجموع المشاركات: 2543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: Nasr)


    مع احترامي لرايك ياخت ميادة

    اسمحي اقول لايوجد بل ازادت المرارت

    واذداد الانقسام وما نشاهده هنا وغيره خير دليل على ذلك
    اذا كنت تقصدي اجماعكم انتم كنخبة نيلية حاكمة وتسعى الاى الحكم وجلابة هذا صحيح

    ولكن كسودانيون عموما لا والله الوضع تازم وربنا يكضب الشينة


                  

05-13-2008, 03:00 PM

عماد موسى محمد

تاريخ التسجيل: 03-17-2008
مجموع المشاركات: 15955

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: Nasr)


    كتبت الأجت الفاضلة/ميادة:

    Quote: قطعا لم تقصد حركة العدل والمساواة وعلى راسها الدكتور خليل ان ردود الفعل السياسية من الاحزاب السياسية وقيادتها ومؤسسات المجتمع المدني ستكون كلها في خندق واحد مع المؤتمر الوطني
    وهذا ما لمسناه من استنكارهم جميعا لما حدث... وتاييدهم قطعالموقف حكومة الوحدة الوطنية وعلى راسها طبعا المؤتمر الوطني...
    وايضا هذا الاجماع الوطني بمثل هذه الصورة لم تحدث حتى ادبان توقيع اتفاق السلام الشامل مع الحركة الشعبية.....
    قطعا هذه اكبر خسارة لحركة العدل والمساواة واكبر مكسب منحته هي بنفسها بدون قصد طبعا للمؤتمر الوطني....
    ***اكثر المشاهد ايجابيا رغم الخسائر في الانفس والممتلكات كان موقف الحركة الشعبية والتي تعاملت بوعي سياسي كبير فقداول شئ اعلنته هو تأجيل مؤتمرها العام...
    **** ثم كان الموقف القوي من حزب الامة وعلى لسان السيد الصادق المهدي والذي خرج علينا بتصريح وبيان معبر ورزين وفيه رسالة واضحة وقوية جدا
    *** طبعا في الاساس لا ننسى الموقف الشعبي (هنا لا اقصد المؤتمر الشعبي) بل موقف المواطنين الذين رغم الهلع والفوضى العارمة التي اصابتهم الا انهم تصرفوا بوعي وفهم كبيرين ... كما خرجت المسيرات ومواكب الشجب والادانه في كل ولايات السودان تقريباحتى في ولايات دارفور الكبري
    *** لم نكن ننتظر اكبر من هذا رغم الخسائر ....
    *** الاجماع الوطني بهذه الصور والتي كما ذكرت (لم تكن حتى بعد توقيع اتفاق السلام الشامل والذي انهى حرب دامت 22 اكثر من عاما )ما كان ليحدث ولا يخطر على بال احد وبهذه الصورة الا لو لا قدر الله والم بالسودان مصاب وامر جلل(سياسي اقصدهنا)
    *** شكرا دكتور خليل على ما منحته للسودان .......... طبعا من غير ان تقصد
    واتمنى ان يستغل المؤتمر الوطني الجو والمناخ السياسي الذي ساد وسيود في ما فيه خير للعباد والبلاد...

    ميادة


    هذه معظمها-ان لم تكن كلها- حقائق كالشمس في رابعة النهار.

    ونسأل الله أن يهدي الحاكمين لأحسن المواقف التي تحفظ-باذن الله- للبلاد

    دينها، وأمنها، وعزتها وكرامتها وقيمها.وطبعا هذا الاجماع الذي

    حصل ليس دافعه لأن الناس اقتنعوا بطرح الحزب الحاكم ولا غير الحاكم،

    وانما لأن القضية المشتعلة اياها قضية وطن، وعرض، وأمان.

    والشكر للأخت ميادة، وللجميع.
                  

05-13-2008, 05:28 PM

Bashasha
<aBashasha
تاريخ التسجيل: 10-08-2003
مجموع المشاركات: 25803

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    الجلابية ميادة،

    يالك من مسكينة!

    قصدك احزاب الكرتون الجلابية؟

    اتوحدت؟

    اها او بعد داك؟

    نعيم الابارثيد حيدوم؟

    بي زي الشايفاهو ده؟

    كل الدم المسفوح ده رايح هدر، عشان تفضلو كارنها؟

    يالك من ساذجة بحق!

    نجي لي جرد الحساب:

    الجيش، قوامو منو؟

    اكبر احزاب الجلابة، ياتو؟

    الغمة؟

    قواعدو منم؟

    البسحلو الان في شوارع كيغالي رواندا الجلابة؟

    برضو قتي لي اتوحدتو؟ مش؟

    تاني الاحزاب ياتو؟

    حزب الخديوية، الاتحادي؟

    قاعدتو الشرق؟

    اها والشرق، بنج الاستلاب الجلابي فكا من زمن!

    ماذا تبقي للجلابة ليتوحدو حولو او فوقو؟

    عارفة، دي كيلارك زعيم دويلة الابارثيد في جنوب افريقيا كان ابعد نظر من تجم بجم، تنابل الجلابة الاغبياء، الملتفين حول دي كلارك الجلابة، العوقة البشير!

    خلوكان في ترهاتكم دي، والمرة الجاية القالعين حقوق الاغلبية، ياما سيادا بجوكم في غرف النوم في القرير مش ضواحي امدرمان!

    البصيرة ام حمد، تور امتيازات الحظوة قريب براكي، حتقطعي راسو!

    واصلي، قشة ما تعتر ليكي!
                  

05-13-2008, 05:41 PM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: Bashasha)

    بل العنوان يا ميادة كمال
    يفترض ان يكون :
    Quote: شكراً دكتور خليل... شكرا حركة العدل والمساوا ... فقد منحتنا اجماعاهامشيا.... بدون ان تقصد
    اها لعلمك نحن في نظرنا انه الوحده الحققها د.خليل ابراهيم لاهل الهامش لا يعادلها شيئا وشدوا حيلكم التقيل جاي وراء كان ما اديتوا الناس حقوقها.
                  

05-13-2008, 05:50 PM

mayada kamal
<amayada kamal
تاريخ التسجيل: 08-31-2007
مجموع المشاركات: 8015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: Bashasha)

    الاخ بشاشا
    الاخت تراجي



    شكرا للمرور او رفع البوست.

    مقدرين انزعاجكم
                  

05-13-2008, 06:09 PM

Ahmed musa
<aAhmed musa
تاريخ التسجيل: 07-08-2007
مجموع المشاركات: 16669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote:
    القوي السياسية والشعب السوداني كلهم جوا برااااااهم التلفزيون عشان يعلنوا إجماعهم الوطني؟؟؟؟؟

    دي ما دايرة تعليق.....

    بس ملاحظة عامة

    شايفين الديكتاتوريات بستهين بعقول البشر لياتو درجة؟؟؟؟؟


    نصــــــــــر ياخوي أنا ماقلت الشعب أنا قلت القٌوى السياسية وبمتابعتي للتلفزيون أن سلفا : الصادق المهدي: الإتحاديين: أحزاب مختلفة بعدا المؤتمر الشعبي أعلنوا رفضهم لما حدث ..الشعبي لاحقاً أعلن موقفه الرافض ................ ده القاصوا أنا
                  

05-13-2008, 07:15 PM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: Ahmed musa)
                  

05-13-2008, 08:13 PM

Frankly
<aFrankly
تاريخ التسجيل: 02-05-2002
مجموع المشاركات: 35211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote: قطعا لم تقصد حركة العدل والمساواة وعلى راسها الدكتور خليل ان ردود الفعل السياسية من الاحزاب السياسية وقيادتها ومؤسسات المجتمع المدني ستكون كلها في خندق واحد مع المؤتمر الوطني
    وهذا ما لمسناه من استنكارهم جميعا لما حدث... وتاييدهم قطعالموقف حكومة الوحدة الوطنية وعلى راسها طبعا المؤتمر الوطني...
    وايضا هذا الاجماع الوطني بمثل هذه الصورة لم تحدث حتى ادبان توقيع اتفاق السلام الشامل مع الحركة الشعبية.....
    قطعا هذه اكبر خسارة لحركة العدل والمساواة واكبر مكسب منحته هي بنفسها بدون قصد طبعا للمؤتمر الوطني....
    ***اكثر المشاهد ايجابيا رغم الخسائر في الانفس والممتلكات كان موقف الحركة الشعبية والتي تعاملت بوعي سياسي كبير فقداول شئ اعلنته هو تأجيل مؤتمرها العام...
    **** ثم كان الموقف القوي من حزب الامة وعلى لسان السيد الصادق المهدي والذي خرج علينا بتصريح وبيان معبر ورزين وفيه رسالة واضحة وقوية جدا
    *** طبعا في الاساس لا ننسى الموقف الشعبي (هنا لا اقصد المؤتمر الشعبي) بل موقف المواطنين الذين رغم الهلع والفوضى العارمة التي اصابتهم الا انهم تصرفوا بوعي وفهم كبيرين ... كما خرجت المسيرات ومواكب الشجب والادانه في كل ولايات السودان تقريباحتى في ولايات دارفور الكبري
    *** لم نكن ننتظر اكبر من هذا رغم الخسائر ....
    *** الاجماع الوطني بهذه الصور والتي كما ذكرت (لم تكن حتى بعد توقيع اتفاق السلام الشامل والذي انهى حرب دامت 22 اكثر من عاما )ما كان ليحدث ولا يخطر على بال احد وبهذه الصورة الا لو لا قدر الله والم بالسودان مصاب وامر جلل(سياسي اقصدهنا)
    *** شكرا دكتور خليل على ما منحته للسودان .......... طبعا من غير ان تقصد
    واتمنى ان يستغل المؤتمر الوطني الجو والمناخ السياسي الذي ساد وسيود في ما فيه خير للعباد والبلاد...

    ميادة


    الأخت الفاضلة ميادة كمال

    بارك الله فيك

    وحقاً هذا ما حدث إلتف الشارع السوداني كله بجميع مكوناته وسحناته وممله صفاً واحداً لدحر العدوان والبغي

    الشعب السوداني كافّة دحر العدوان الخارجي والعملاء المترزقة وقتلهم وهم تحت تأثير المخدرات والحبوب المنشطة وشرّدهم شزر مذر

    هذا الشعب لا يعرف العنصرية ولا يقاتل من أجل الهوية

    هذا الشعب لا يعرف الإستكانة ولا الخيانة ولا المهانة

    هذا الشعب شعب أبي يرفض الظلم وأن يكون للغزاء ذراعاً أو أذانا

    تحياتي لك شعب السودان

    وألف مبروك لكم دحر العدوان

    هللوا شرقاً

    هللوا غرباً

    هللوا جنوباً

    هللوا شمالاً

    مع أخوانكم في أم در أمان

    كمال
                  

05-13-2008, 10:22 PM

Bashasha
<aBashasha
تاريخ التسجيل: 10-08-2003
مجموع المشاركات: 25803

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)

    Quote: ارسل الموضوع لصديق
    نسخة سهلة الطبع


    بيان هام حول اعدام الطالب محمد احمد ابراهيم



    اليوم الثلاثاء 13 \5\2008 حوالي الساعة الواحدة ظهرا وامام المواطنيين في امدرمان السبيل تم اعدام الطالب في جامعة امدرمان الاسلامية \ محمد احمد ابراهيم 24 سنة من مدينة نيالا .



    اذ نعذي اسرته واهل دارفور عامة لفقدانه اثر اطلاق الرصاص عليه من قبل ما يسمي (قوات العاصمة ) قوات الخاصة لصلاح قوش والزبير بشير طه وهما ارهابيين وياتي العزر اقبح حيث قالت الشرطة – شرطة امدرمان ان الشاب ابدي مقاومة وان الدولة في حالة حرب وان شعره يوحي انه مع المجموعة التي ضربت امدرمان يوم السبت وانه مختفي وملاحق منذ ذلك اليوم.



    حيث رفضت الشرطة تصويره وعرضه للشعب السوداني ليظهر بشاعة النظام في التعامل مع مواطني دارفور حيث ضرب باكثر من رصاصة في جميع اجزاء جسمه .



    لا ننصح لاصدقائه واقربائه وكل محبيه واهل دارفور لتقديم العزاء لان جهاز الامن يعتقل المعزيين من امام الشارع المؤدي الي منزله وان يكتفي المعزيين بالبقاء في منازلهم في انتظار مصيرهم المجهول الذي هو بيد المجموعة الارهابية برئاسة صلاح قوش – نافع – علي عثمان- محمد عطا والذين يستهدفون تفريغ العاصمة ودارفور من شعب دارفور .



    ان عملية اعتقال اكثر من ثلاثة الف مواطن من دارفور وزجهم في بيوت الاشباح واخرين تم اعدامهم خارج القضاء يمثل بداية النهاية لما يسمي الدولة السودانية والتي ظللنا نقول انه لا بد من اعادة تكوين الدولة علي اسس جديدة.



    صورة الي :

    الصحف ووكالات الاعلام المحلية والدولية

    بعثة الامم المتحدة في السودان

    بعثة الاتحاد الافريقي والامم المتحدة في دارفور

    منظمة العفو الدولية

    منظمة مراقبة حقوق الانسان





    الثلاثاء 13\5\2008

    منبر دارفور الديمقراطي

    Darfur Democratic Forum – DDF

    مكتب مراقبة حقوق الانسان
                  

05-13-2008, 10:33 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكراً دكتور خليل... شكرا حركة العدل والمساوا ... فقد منحتنا اجماعا وطنيا .... بدون ان تقصد (Re: mayada kamal)





    الأخت ميادة كمال

    قراءتك تستند إلى مشاهد من سطح الاحداث

    ما حدث في الأيام الماضية قد يؤدي الي إنقسامات داخل المؤتمر الوطني دعك من إجماع وطني



                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de