|
Re: يجب طرد العمالة الاجنبية من السودان وتعيين السودانين. (Re: وانجا)
|
Quote: صباح إزيك
يا صباح زى كلامك ده فى دول العالم الأول بتتبناه الأحزاب اليمينية والمتطرفة ضد الأجانب وبتدخل بيه النازية الجديدة معاركها الإنتخابية
وزى عنوان البوست ده لو إتكتب فى أى جريده بتقوم الدنيا وما بتقعد
يعنى هسه لو العالم مشى بى الكلام ده فى كم سودانى حيروح فى الرجلين؟ |
ما عارف يا وانجا انتا قصتك شنو مع النازية والاحزاب المتطرفة؟؟
وبعدين اى دولة فى العالم يمينية او يسارية او شرقة او غربية او حتى نازية لها قوانين تحفظ للمواطن حقة
ووظيفة حرة يعتاش منها ولم نسمع بان هذا الطرح يعتبر تطرفا او نازيا او يقع تحت اى مسميات كالاتى تفضلت بها
ارجو مراجعة معلوماتك
تحياتى
هشام
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
الاخت الكريمه صباح حسين...
انتو اطردوا الاجانب من بلدنا والاخرين يطردوا السودانين من بلدانهم... مش ياها دي المعادله ولا انا غلطان...
تعرفي انا متزوج لي انجليزيه... كلما تسمع لاي واحده من صحباتها انها قدمت لوظيفه ورفضوا ليها بتقول والله حقوا يطردوا الاجانب... عارفه انا بعمل شنو ... طوالي بمسك البس الولد ... والبس انا زاتي... وهي تقوم تسكلب... (اييام نوت ميننق يو) وانت ما اجنبي والحنك العاضى داك... عارفه يا اختى العزيزه ... انحنا عندنا مشكلة عماله مدربه وده مهم في عجلة التطور... وبعدين ياختي صباح... نحنا جديدين في قصة العماله الاجنبيه دي... ياها كل السنتين الفاتو ديل ولا انا غلطان... الناس ديل ممكن بس الناس تعاين ليهم بس وتتعلم... عارفه القروش الشغالين بيها الناس ديل كلها جايه من بره... المشكله دي بتحل بكل سهوله ويسر عندما نصل لمرحلة الثقة بالنفس بتوطين وتشجيع راس المال المحلي بدون تغول الكيزان ومافيا السوق السوداء ...
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Elsanosi Badr)
|
Quote: يعنى هسه لو العالم مشى بى الكلام ده فى كم سودانى حيروح فى الرجلين؟ |
Quote: عارفه يا اختى العزيزه ... انحنا عندنا مشكلة عماله مدربه وده مهم في عجلة التطور... وبعدين ياختي صباح... نحنا جديدين في قصة العماله الاجنبيه دي... ياها كل السنتين الفاتو ديل ولا انا غلطان... الناس ديل ممكن بس الناس تعاين ليهم بس وتتعلم... عارفه القروش الشغالين بيها الناس ديل كلها جايه من بره... المشكله دي بتحل بكل سهوله ويسر عندما نصل لمرحلة الثقة بالنفس بتوطين وتشجيع راس المال المحلي بدون تغول الكيزان ومافيا السوق السوداء ... |
صباح با صباح إزيك
عليك الله أقري الكلام الفوق ده وفكري فيهو
وصدقيني الناس دي لو خلت معيط النجيلة الأجانب ديل أديهم شهور
معدودة .
تحياتي وتقديري
صلاح واسبه
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
صباح ... تحية و إحترام ... تساؤلك مشروع و إنفعالك له ما يبرره ... مع إحترامي لرأي الأخوة المتداخلين ... هذا الكلام مطبق حتى في دول الإتحاد الأوروبي ... و هناك أيضاً بأن الأولوية لمواطني دول الإتحاد ... المسألة لما تكون بتتعلق بالعمالة الهامشية ... السودانيين أولى ... هم لا يضعون ضوابط لإنتقاء كفاءات لإستقدامها للعمل بالسودان ... و شركات التوظيف هي المستفيد دون إكتراث بوضع السودانيين ... دول الخليج كانت منذ عقود قبلة لطالبي العمل ... اليوم بدأت بالتوطين لأن المواطن أحق بخيرات بلده ... إذا كان العامل المستجلب ذو خبرة نادرة فمرحباً به طالما أن ليس هناك سوداني مؤهل يؤدي وظيفته ... أما إن وجد كادر سوداني لا غبار عليه من الناحية المهنية فيجب أن تكون الأولوية له ... و لي عودة ... ( بدون إنفعال )
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
مساء الخير يا صباح بطبعى أؤمن بالأمميه وحق أى أنسان لعمل فى أى مكان فى العالم ,طالما أحترم قوانين وأعراف المكان الذى يعيش فيه,وبوسيلة كسب شريفه .. يهاجر الناس أوطانهم وأسرهم وأصدقائهم ,لأسباب عده ومن أهمها العامل الإقتصادى..ولأن الأنسان بطبعه طموح,ويفعل كل شئ من أجل حياة أفضل ,تجدينه يرحل ويهاجر ويكد ويعرق ,ليوفر لصغاره ,ما كان ليس متاحا له..لذلك يأتى الناس الى السودان مثلا ويرضون بما لا يرضى به السودانى..ففى بلده الاصلى يعتبر كثيرا,ويسد الف طاقه حوجه,لإبن له أو قريب.. خذى مثلا أى سودانى مغترب..تجدينه يعيل أكثر من أسره ,ويحمل مصاريف أكثر من طالب ,علاوة على أسرته الصغيره,لمن استطاع اليه سبيلا.ولنفترض أنه يعمل طبيبا .فهل ستسمح له إمكاناته بعمل أى شئ ? فرضنا أنه نائب أخصائي.. 1.مجوع عمله فى المستشفى الحكومى مع النبطشبات وon call زائدا كل البدلات والعلاوات =1250 جنيه سودانى 2.يعمل فى مستشفى خاص بعد الظهر1000جنيه 3.متوسط عدد الساعات التى يعملها فى اليوم 16ساعه وله يومان أجازه فقط فى الشهر. 4.حصيله كل ذلك ماديا 2500 جنيه على أحسن تقدير,ولنقل أن أبواه على قيد الحياة وله أخت واحده أرمله ولها أطفال,وأخ يدرس فى الجامعه ,فهل هذا يكفيهم,مع أنه يعمل أكثر من تور الساقيه?إذا ما العمل ?إما أن يجعل من مهنته تجاره,أو يزيد ساعات العمل وهو غير ممكن,لأن طاقته البدنيه لاتسمح,أو يهاجر.. خلاصة القول نحن لا نستطيع أن نبيح لنفسنا ونحرمه على غيرنا..ولعن الله الحاجه وقصر اليد.
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
الاخت صباح حسين
عارفة يا صباح انا عشت في الخليج فترة طويلة من حياتي ، اكتر حاجة كانت مؤلمة هو الحديث المستمر عن ( العمالة الوافدة) وكانما العمالة الوافدة هي عمالة تاكل وتشرب مجانا دونما مقابل يمكن في السودان نسبة العطالة عالية ، لكن هل فكرتي لماذا يلجأ اصحاب العمل الى استخدام عمالة اجنبية ؟؟ لانه بصراحة كتير من المهن بتحتاج الى حرفية عالية و اهمها قدرة على ساعات العمل الطويلة ودي اشياء بتفتقد الى حد كبير في العامل السوداني ، وده ما بيعني انه العامل السوداني غير ماهر ولكن الاجيال الحالية ما بتهتم بمسالة انجاز عمل بشكل دقيق غير انه السوداني ميال جدا الى الاهتمام بالمجاملات الاجتماعية على حساب ساعات العمل ودي اشياء بتؤثر على الاداء والانتاج العمالة الوافدة في السودان لها نفس وضع العمالة الوافدة السودانية الموجودة في اي مكان في العالم
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: maia)
|
Quote: قناة دريم الفضائية ومن خلال البرنامج الناجح الذى تقدمه الاستاذة منى تلك المذيعة الانيقة الجميلة المثقفة والمحاوره النبيهه التى تعرف متى يكون السؤال وطرح الافكار هكذا عودتنا عبر كل حلقات برنامجها ولكن حلقة الثلاثاء الفات عن الاستثمار المصرى فى السودان ضيوف الحلقة السفير السودانى بالقاهرة ولفيف من العلماء واهل الشأن الزراعى بمصر المؤمنه بشقيهما الرسمى والشعبى . كانت صور حيه من مشروع الجزيرة وهو يحتضن مجموعة من المصريين يحملون المعاويل ويدفعون المكنات الزراعية لتعمر الارض الى هنا كانت الصورة طبيعية وحين سؤال مذيع ميكرفون برنامج العاشرة مساء لهم كانت المفاجأة تحدثوا عن فرحتهم بأمتلاك كلن منهم خمسة افدنه بعد عام لتتحول الى عشرة افدنة بعد عامان وهكذا دواليك والشروط حسب زعمهم اخضرار الارض وانتاج المحاصيل يعنى اراضى السودان اصبحت فى زمن الانقاذ ببلاش. نواصل |
.
هل السودانين لايعرفون الزراعه نفس الامكانيات التى تقدمها الدول للمستثمرين الاجانب يمكن
تقديم التسهيلات للمواطنين.يمكن تمليك المشاريع للمغتربين . وليس للمصريين.
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: maia)
|
الأخت مايا ... تحية و إحترام .. كلامك عن الإحساس بالحزن عند الكلام عن العمالة الوافدة مقبول إذا كان هناك انكار لما قدمته هذه العمالة ... أنا أعمل حتى اليوم طبيباً بالحرس الوطني السعودي ... أرى الخطى الحثيثة نحو التوطين ... و أعلم أنه في اليوم الذي تكتفي فيه المملكة من الأطباء سيكون طبيب سعودي أولى مني بوظيفتي ... و يتبقى لي إحساسي بأني قد أديت عملاً إيجابياً في مكان ما ... و يومها سأحزم حقائبي بكل رضا و أتوجه لبلدي لأقدم لها خدمتي مشفوعة بمخزون خبراتي ... علينا تقبل العالم بشكله الحالي ... هناك دول ... كل دولة هي مكان محكوم بقوانين تسمح لأشخاص محددين بالعيش على ترابه ... هؤلاء هم الأولى بفرص العمل ... و نكرر بأن العمالة التي لا تتوفر لدينا فليتم إستجلابها ... أما أن تأتي بشخص مهارته هي عمل أشياء يمكن أن يقوم بها أي إنسان ( مثل أعمال النظافة و العمل بوظائف يدوية بسيطة بالمصانع ) فالسوداني أولى بها... و ستجدي من بين السودانيين من سيعمل كالأجنبي طاما أن الخصخصة حدثت و الشركات مملوكة لأناس لا يجاملون في سبيل مصلحتهم ... أم ماذا تريدون للسوداني أن يفعل ... يموت جوعا؟؟؟ أم يقف أمام أبواب السفارات و يتسول فيز الدخول و هو ليس مرحباً به في أي مكان بعدما استعدت حكومتنا دول العالم برفع الشعارات المعادية للكل ( حتى الدول العربية ) ... أما الأممية فهي أمنية أن يأتي يوماً تكون لنا أرض لكل البشر و يكونوا أحراراً بالتواجد و العيش و العمل في أي مكان على أرض الله ... و لكن حتي يحدث هذا فالسودان للسودانيين ....
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: كمال ادريس)
|
الأخت صباح
تحياتي
Quote: وقعوا لطردهم وتعيين السودانين. قالوا الزاد لو ماكفى اهل البيت يحرم على الجيران |
السودان إستقبل الضيوف من كل الإتجاهات شرقا و غربا و جنوبا و شمالا .. في كل بقعة من السودان بنجد ناس قعدتْ و إستوطنتْ و تزاوجت و تصاهرت .. و إتقاسمنا معاهم اللقمة بمبدأ ( الفقرا إتقاسموا النبقة ) الآن النبقة أصبحتْ بحجم بطيخة ... فقط نريد قسمة عادلة للبطيخة .. و تقنين العمالة الوافدة بحيث تحفظ حقوقهم و حقوق من يستقدموهم.
دمت
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
.. .
Quote: يجب طرد العمالة الاجنبية من السودان وتعيين السودانين |
دعوة غير موفقة تماما يا صباح .. لانى لو اتحقق دا مع اى دولة وقامت اتعاملت بالمثل حتلقي عندك الاف العطالة فوق ما الديك يعنى اتصورى فى كم سودانى فى السعودية ومصر والخليج ؟؟
مثلا لو طردت المصريين رسمياً .. فى مصر فى ما لايقل عن 4 مليون سودانى مليون وظائف هاشمية و2 مليون رجال اعمال ووظائف وسط وفوق الوسط ومليون طلاب وعطاله المصريين الان هنا باللعدد .. بعدين السودان - داخل السودان - يفتقروا للخبرة .. فلابد من وجود الخبرات فى المرحلة الحالية
السودانيين يا صباح غير مؤهلين كما ان سياسة التعليم انتجت خريجين غير اكفاء خصوصا فى التعامل مع التكنلوجيا واللغة والاجهزة والمعدات الحديثة لابد من الاحتكاك والممارسة حتى يتحسنوا
السودانيين غير طموحين ولا يسعون للتطور والتحسين للاسف الشديد غير مجتهدين فى اكتساب الخبرة او تحسين المستوى والاداء او حتى اللغة
السودانيين عندهم انفه وغرور غريب وفى الفاضي مثلا نحنا عينا حوالى 15 عامل لوظائف بسيطة اوفس بويز ومنظفين للمكاتب ( فراشات ) و...الخ والله ما بشتغلوا وعنيدين ولو كلمتو يقوم فيك وينهر .. معانا اكتر من الاجانب بعتقد انك بتستفزو مش دا عملو فى النهاية اضطرت الشركة تنهى عقودهم وتتعاقد مع شركة سودانية عارفة العمال كلهم بنغاله بشتغل شغل تمام وبسمع التوجيه وممكن ينظف ليك المكان ويقضى الامر عشرات المرات بدون كلمة او ضيق ودى ما عندنا ..
السودانيين بقوا زى السعوديين داير من يبدا يبدا مدير .. مسالة العافية درجات وخطوة خطوة ما عندو اما وظيفة فوق ولا يقعد يقطع فى النجيلة ويحلم بالوترى .. ويتسكع فى الاسواق والمطاعم والحفلات..
الصينين والبنغاله والهنود والاتراك والسوريين ديل شغالين بالجد جزء باموالهم وحزء بخبرتهم خليهم يطوروا البلد ويحسنوهت وناس يكسبوا شوية خبرة بعد داك مظاهرة واحدة برجعوا
تحياتى؛
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
الخت صباح ازيك
تعرفي قبل فترة تم تناوا موضو شبيه اهذا في البورد ويمكنني تلخيص المداخلات في المحاور الاتية: يوجد خطان مع او ضد اللي مع تواجد العمالة الاجنبية رؤاهم تتمركز حول العولمة والعالم اضحى قرية صغيرة وراس المال يهمه الانتاج وهو ما تغتفره كثير من العمالة اجنبية من افتقارها للمهارات او ع م التزامها بالعمل والانتاج اما اللي ضد بيروا ان السودانيين اولى بجيك صادة اوضح راي بس الرئيس طالبني في التلفون لازم ارد ليه
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
تحياتي واشواقي شكرا على البوست وفعلا بوست مهم بس الحاصل الحاصل انو العاماله السودانيه للأسف ما فيها خير وانا واحد من الناس عندي تجربه مع العماله السودانية ف السودان ولمن تعبته شديد جبته مصريين خلاصوا الشغل باحسن واجود واقل التكاليف ليه لانو العامل السوداني لمن اجيبه يشتغل لي شغل دا ما درس واحد يشتغل ساعه ويقيف ساعات داير يفطر داير يسف صعود داير يدخن التلفون وبعده دا كله اخلاقه في نخرته وشغله اخير عدمه انا جربته العماله السودانيه في اكتر من مشروع ابسط واحد انهم يركوبوا لي مطبخ 4 شهور ما عارفين يركبوا مطبخ وكل يوم مطلعين انو في مسما ناقص وحديه ناصه والمطبخ ما كامل لمن تعبته خلاص وصرفته مبالغ خياليه جبته 2 مصرين من الطائف شارع المشتل والله العظيم في يوم واحد كان المطبخ راكب وعلى احسن وجه وغيره وغيره دا ابسط حاجه بعدين العماله السودانيه ما عنده اهتمام لانوا ما تعبان فيها ايه يعني لو خسرة او باظت وبيشتغل من غير نفس 24 ساعه زهجان وما عنده استعداد انه يتفاهم لكن انا ما بقول انوا مافي سوداني ما بيشتغلوا لالالا ابدا والله في نا تتلف ايديهم في حرير بعدين العماله الاجنبيه مهمه في اي ودله في العالم في جميع المجالات لانها بتساعد في تحسين وضع البلد وسمعه كويسه للبلد وليك التحيه والتقدير
| |
|
|
|
|
|
|
Re: يجب طرد العمالة الاجنبية من السودان وتعيين السودانين. (Re: Sabah Hussein)
|
صباح حسين سلام
بمعرفتي الاكيده بما يفعله هؤلاء العمال في الخليج وبالضروره نقله الي السودان فانا ابصم بالعشره لطردهم
اما فهمي في ذلك ان العماله هذه لايمكن ان تقارن بالعماله السودانيه في الخارج فالسودانيون مؤهلون ومتعلمون ولا يستطيع كائن من كان ان يجد بديلا مناسبا لهم اما هؤلاء فمرضي واصحاب عاهات ويجدون من الدوله ما يجده المواطن فالمواطن السوداني لايعيش اسرته فقط ولكن تمتد اسرته واقاربه وحتي جيرانه فحرام ان يحرم من هذا العمل لاجل عامل رخيص الاجر
واتمني ان نوجه هذا الامر لوزارة العمل لتشديد عمل الاجانب وهذا ما نتمني
| |
|
|
|
|
|
|
|