|
|
 حسين خوجلى يصف الشوايقة بتربية نسوان
|
أحتفاءاً بالذكرى الخمسة والعشرون لرحيل القامة والهرم والمنطقة الوسطى بين المدرسة الرومانسية والواقعية إسماعين ود حدالزين .
دائما يظهر لنا بعمامته المنتفخه ويحشر نفسه فى مناطق لنا فيها أشواق وتداعى ووجد ودائما كعادته لايستطيع أن يجلس دون تاجيج نيران أزمته مع كل ماهو أمدرمانى ، شيوعى ، شايقى
اليوم فى الفضائية السودانية حسين خوجلى مقدم البرنامج ولايحب سوى ان يُسمع إلا صوته ولاتشاهد إلاصورتة ، تداعى الفنان القامة حمدالريح وقال الغريب أغلب الشعر المغنى من الشوايقة اتململ حسين وختف الكلام وقال الغريبة ان كل الشوايقة تربية نسوان
الحديث لعبدالمطلب الفحل صحيح ونحن بنعتز بيده تصور أنا مابذكر صورة والدى واضحة ،أمى ربتنى كما كل البشر أتعلمت منها الصمود الجسارة الصبر تاجيل الحزن، نكران الذات، كل القيم الجميلة .
الحديث هنا لحسين خوجلى : أنا هنا عايز اطرح قضية الناس يتكلموا حولها يقصد( حسن بابكر، حمد الريح، مهيرة بنت الراحل المقيم ، عبدالمطلب الفحل)
توقف انتاج أسماعيل حسن عندما هجره وردى وان وردى هو الذى اظهر أسماعيل الى الجمهور الحديث لازال لحسين.
لايدرى حسين ان الخلاف الأدبى كان المُتضرر الوحيد منه المستمع السودانى
فشل برنامجه كما عادتة فى الحديث عن ودحدالزين أستاذ من اساتذة هذا الجيل من الشعراء السودانين اصحاب المدرسة الرومانسية. والكثير من الشعراء الشباب الآخرين مدينون له بالشيء الكثير. وهو قمة من قمم الشعر السودانى الغير مغنى مرحلة بين الشعر الرمانسى الذى أتى بوا أسفاى والواقعى الذى بدا ببناديها
|
|
 
|
|
|
|
|
|
|
|
Re: حسين خوجلى يصف الشوايقة بتربية نسوان (Re: james)
|
اكيد اخوى عبد الحافظ
انو حسين خوجلى لا يقصد ما ذهبت اليه انت بعنوان هذا البوست
لان حسين خوجلى لديه اراء جد جميله فى الشايقيه وذلك رغم
لنى لم اشاهد الحلقه المزكوره
واتذكر من ما قاله عن الشايقيه وعن شعرهم وعن حياتهم
فى ايام لها ايقاع حينما استضاف الفنان القامه الكابلى
وحينما غنى كابلى اغنية مروى وتحدث عن مروى
وختف الكلام حسين خوجلى وقال الشايقيه حديثهم العادى يعتبر
شعرا ويعيشون الشعر ويتنفسون الشعر
واحاسيسهم عاليه جدا ويصورونها فى اشعار حنينه تؤثر فى الاخرين
وتطرق الى ان الاغنيه الشايقيه لم تعد حكرا على الشايقيه وحدهم
بل اصبحت يستمع لها كل السودان
وقال فى تلك الحلقه الكثير والمثير عن الشايقيه
لذلك يبدو لى بأنك لم تفهم مغزى حديثه جيدا
| |
|
|
|
|
|
|
|
|
 Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
سلامات يا عبد الحافظ،
شاهدت كثيرا من الحلقة وكانت جيدة بالرغم من إدارة حسين خوجلي لها.. عبد المطلب الفحل تحدث عن قيمة تربية أمه له حيث نشأ يتيما، فقال أن أمه عندما تودعه للذهاب إلى المدرسة الوسطى الداخلية لم تكن تبكي كما تفعل بقية النساء وذلك حتى لا تشعره بالضعف أمامه.. يا لها من امرأة..
أما حمد الريح فقد قال الحقيقة وهي أن الإبن حتى سن 13 سنة تقريبا يكون أغلب وقته مع أمه وهذه حقيقة يجب أن يعتز بها الإنسان..
ياسر
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: هشام المجمر)
|
الاخ المحترم عبدالحافظ سعد الطيب..
تحية وسلام..
انا شاهدت جزء من البرنامج..وللأسف منعتني
ظروف قاهرة من متابعته حتي نهايتو..
انا ما حسيت بالاحساس بتاعك دا..بل علي العكس حسيت
انو كان بيقول الكلام دا وقاصد بيهو الفخر مش التقليل
من قدر رجال الشوايقة..
وكان جينا للحق,مالها تربية النسوان؟ عيبا لي!
معظم السودانيين اتربو علي ايد امهاتهم او حبوباتهم
و ما اتعلموا الحال المايل..
وحسين خوجلي كان تعليقو انو الشاعر العملاق اسماعين حسن
كان يعرف بأسم والدتو حد الزين بنفس القدر البيعرف بيهو
ك اسماعين حسن..
عموما تربية النسوان انا بعتبرها مفخرة لي شخصيا..
لك الود...
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
الأخوة المرور
الأخ صاحب الخيط ...
في كل العالم تقوم النساء بالتربية ويكون الطفل لصيق بوالدته حتى السنة الثانية عشرة ,.... هذا يحدث في كل العالم وليس حكراً على السودان فقط .....
لا غضاضة فيما قاله حسين خوجلي فلا يعتبر هذا الكلام سب أو تقليل من شأن أحبابنا الشوايقة .....
كلنا تربية نسوان ونفخر بيها ..... وتربية النسوان بتعلم الأخلاق والحمد لله .....
أخوكم اسامة
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
كلنا تربية نساء ونفتخر بهن ايما افتخار
ولكن اعتقد أن حسين خوجلي لم يوفق في إختيار المفردة ووضعها في الإطار الصحيح حيث قال اعتقد ان الشوايقة تربية حريم وهذه الجملة تعطي انطباعاً سالبا للسامع ولكن لا اظن أنه يعني الإساءة
القومة لاسماعيل حسن الذي ساهم بشعره الراقي في تشكيل وتوحيد وجدان الشعب السوداني
والتحية والتجلة لتلك الارضبة الخصبة التي انجبته وما زالت تنجب المبدعين تباعا
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: Abdel Aati)
|
Quote: وقال الغريبة ان كل الشوايقة تربية نسوان
|
طيب والمشكلة شنو هنا؟؟
البشرية دي من زمن سيدنا موسى، تربية نسوان (فرددناه إلي أمه كي تقر عينها ولا تحزن) القصص 13* وعيسى، ومحمد صلعم، وإنت ماشي لحدي انا الماشاقي ده.
*
*
يا زول انت ما مؤمن؟
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: الرفاعي عبدالعاطي حجر)
|
تربية النسوان في مفهوم الجلابةتعني
انو الولد يطلع مهزوز في كل شئ يعني خيبان وما عندو مواقف وبجري ساعة الشكلة تدور خاصة في الحفلات
وبشتكي زملاه في المدرسة للمدرسين وبمشي يكلم امو في كل كبيرة وصغيرة وبحب يرقد مع اخواتو
وايدو مفدوعة وسدرو مو مواسة مع سدر الرجال وكلامو مرخرخ وحنكوش ودموعو في
طرف عينو وحاجات تاني حامايني
اها انتو رايكم شنو يا الشوايقة في الكلام ده
الراجل والله مو قاصدكم انتو .
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: ALazhary2)
|
| Quote: حسين خوجلى الحريص جدا فى اختيار المفردة الدالة على المعنى الأيحائى |
عشان كده بس حسين لايمكن ان يكون قد قصد ما تعتقد
اختلف معه جدا ... لكني احترمه بنفس القدر
اتمنى ان يتم إنزال الفيديو الخاصى بالحلقة حتى لا نرميه بما ليس فيه
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: ALazhary2)
|
الاخ العزيز /عبداللطيف..
لك التحية والاحترام .. اخى لربما تود لفت القراء بأختبارك الغير موفق للعنوانعلى شاكلة المانشتات الصحفية ولكن لا تورد الابل هكذا (اوزن ايهما الاكثر ضررا كثرة زوارك ام الفتنة) ..وارى كلامك فيهو الكثير من الايحاءات التى لا اعتقد الاستاذ حسين خوجلى يقصدها وكما قيل (الفتنة اكبر من القتل ..وهى ايضا نائمة لعن الله من ايقظها) ..فلننتبه لما نكتب وعنك بعض الهمزات واللمزات التى بدأت تظهر كما ذكرها الاخ الازهرى ..لك الود والتقدير
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: على اسماعيل)
|
Quote: الاخ العزيز /عبداللطيف..
لك التحية والاحترام .. اخى لربما تود لفت القراء بأختبارك الغير موفق للعنوانعلى شاكلة المانشتات الصحفية ولكن لا تورد الابل هكذا |
يازول انا ما صاحب البوست
انت لاطش سلك اليوم
البوست حق اهلنا الشوايقة وجحا اولي بلحم تورو
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
.
الأخ عبد الحافظ
خالص تحياتي ..
كنت من المتابعين لهذه السهرة إكراما لسيرة الشاعر الكبير أسماعين حسن،
وحسب متابعتي لا أرى أن الأستاذ حسين خوجلي قد ألمح بما جعلته عنوانا لهذا
الخيط، كما أرجو أن أضيف أن الرجل كان يجيد طرح الأسئلة ويقوم(بإستعدال)
أحاديث الضيوف، وبإستثناء مساهمات الناقد الزبير ومختار دفع الله، يمكن القول
أن مساهمات بقية الضيوف لم تكن في مستوى الأسئلة التي قدمت ولم ترقى بالطبع
لأفق الحوار الذي سعى له مقدم السهرة، أقول ذلك إختلفنا أو إتفقنا مع أفكار
الرجل ..
هنالك ملاحظات كثيرة حول بعض ما طرح في تلك السهرة، فقد لفت إنتباهي تحامل
إبنة الشاعر أسماعيل حسن (اسمهامهيرة على ما أظن) حين قالت: أن وردي كان
محظوظا بإلتقائه بالشاعر أسماعيل .. الخ، وحتى في بقية حديثها وجدتها تسعى
لتنفي أي مساهمة للفنان وردي في التعريف بالقيمة الكبيرة والباسقة لكتابات
أسماعين حسن، حتى تمت إعادة صياغة حديثها بشكل مقبول من الحضور!!
أيضا لم يعجبني تعبير الفنان حمد الريح أن لقاْء أسماعيل حسن ووردي تم بالصدفة!
وغير ذلك الكثير .. والكثير
عموما أحيلك للحديث القيم الذي تفضل به حسين خوجلي وهو يتناول العبقرية
المبدعة في ثنائية أسماعيل حسن ومحمد وردي.
مع خالص إحترامي
سيف اليزل
.
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
Quote: الأخ/ ابوبكر
طلب توضيح مهم ومشروع جدا
هل أختيار العنوان هو إعتراض علي
تربية النساء؟؟؟؟ |
شكرا للرد والتوضيح .. فقط اردت ان اشير الي ان غالب اهل السودان رغم اختلاف جماعاتهم الاثنية اصلا وقبائلهم الا ان في عروقهم تجري دماء من كل هذه المجموعات قان لم تكن صلة رحم مباشرة فهي مصاهرة وهكذا وامل نستفيد من هذا التمازج لخلق مجتمع سوداني متجانس قادر علي ان يخرج البلاد من وهدتهاوالتناحرالذي اججت نبرانه جهوية وحب للسلطة وانانية جعلت بضع مئات من الاف هي القادرة علي ان تعيش بحبوحة قل ان تجدها في اغني الدول والبقية تبحث عن الفتات ...
مودتي
ابوبكر
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
لا أعتقد ان حسين خوجلى قصد ذلك استهجانا او تقليلا!
لولا الأمهات السودانيات لما فلحنا!
نساء مكافحات صابرات قنوعات شريفات صفات تميزت به المراة السودانية حتى صارت علامة فارقة لها وماركة تجارية!
70% من نساء السودان فى وقتنا الحاضر امهات وآباء فى نفس الوقت!
اغلب اهل الشمال والشايقية خصوصا هاجرو الى المدن بسبب ضيق الارض الزراعية للعمل فى الشرطة والجيش واعمال البناء ومن ثم تحملت المراة فى الشمال عبء التربية ونهضت به ايما نهوض!
جنى
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: طارق جبريل)
|
| Quote: وانا شايقي وامي شايقية |
أمانه ماظهرو رجال!
ياطارق خلو روحكم رياضيه.
يعني عاوزين تزاحمونا في الحموشيه
والعواره؟حقو تفتخرو لما يقولو
تربية نسوان لأنهن ربن رجال.
الحلقه انا ماشفتها وخلونا نفترض
حسن نية الرجل الذي ربم عنى (الحنيه)
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: طارق جبريل)
|
استفزني المقصد السئ الذي فُهم به كلام الاستاذ حسين خوجلي ..
من أجمل السهرات التي حضرتها في حياتي رغم ملاحظاتي على تحيز بعض الضيوف ومحاولة عدم القرأة الموضوعية مثل مهيرة بنت اسماعيل حسن التقليل من دور وردي في العلاقة العبقرية بين العبقريين .. وردي وسماعين ودحد الزين ..
سياق الكلام الذي حاول صاحب البوست أن يخرجه من سياغه..
بدأ حسين خوجلي حديثه بأن اسماعيل حسن هو الشاعر الوحيد الذي نعرف اسم أمه .. ودا دليل لحبه وعظيمه لها ولأنها كانت مربيته,,,,لذلك كان لها تأثير قوي على شخصيته.. " وفي هذا وفاء ما بعده وفاء"
وقال أعتقد أن الشوايقة ( لا أود أن يفهم كلامي خطأ) تربية حريم أو نسوان .. وعلل ذلك بأن اهل الشمال غالباً ما يهاجر لسنين طويلة وتكون الأم هي الأم والأب .. وكذلك قال حتى لو توفي الزوج نجد أن الشايقية غالباً لا تتزوج وتبقى مع أبناءها وتهبهم عمرها..
ملاحظة حسين خوجلي صحيحة مأئة بالمائة..
وأضيف اليه .. حتى في وجود الأب تأثير الأم الشايقية على أولادها قوي جداً ..
التحية للأم الشايقية التي أخرجت لنا رجال بحجم اسماعيل حسن ...وروتنا من حنانها الذي انتج كل الحنين الذي يتغنى به أهل السودان ..
حسين خوجلي من أروع الناس البيقدموا برامج تلفزيونية ثقافية ..
يعلم حسين خوجلي تماماً الثقافة السودانية ..
له قدرة عالية ولغة ذات حساسية عالية على التعبير الذي يريده .. وقد عبر حسين خوجلي عن هذا الأمر بما يعنية تماماً وهو معني ايجابي
تماماً .. ولا يحتمل كلامه أية تشويش أو معنى سالب .. ولو كان ذلك كذلك لما افتخر كل الحضور بأنهم تربية نسوان وان أمهاتهم هن اللائي
صغن وجدانهن.. أي حب ووفاء هذا..
وعشان كدة نجد رجال ونساء الشوايقة أوفياء لأمهاتهم....أحياء وأموات ..
يا صاحب البوست لا أدري إن كنت فهمت كلام حسين خوجلي غلط أم انك تقصد أن تؤلب الشوايقة على حسين .. على العموم أنا شايقية وحضرت السهرة ولم أفهم ما فهمت بل دمعت عيناي من حديثه الذي تطابق مع واقعنا....وتذكرت من اسرتي من ضحت بشبابها ولم تتزوج بعد وفاة زوجها وبقيت بينهم.....التحية لهن جميعاً...
لكم التحية
والتحية لحسين
والتحية لسماعين ود حد الزين ..
والتحية لطارق ود بت أبودية
ولأمهاتنا ولمن يقدرهن حق تقدير ...
ــــــــــــــــــــــــــ
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: القلب النابض)
|
شكرا على المرور
لاأشكك فى حضورك الحلقة
لاكن ماكتبتى وليس نصا هو جزء من رد عبدالمطلب الفحل
ولايمكن ان يكون عبدالمطلب وحمد الريح برضو مافهموا
وردوا على كلاموا
أرجو تقرائى بوستات المتداخلين الذين شاهدوا اللقاء
أرجعى للنص المكتوب فى البوست
وقلت سابقا لايمكن ان يفهم النص خارج السياق
أما أدباء وفنانى بلادى لم نكرمهم حتى الآن سيأتى يومهم
والكلام القالوا حسين قلت سابقا فيه ذم لطرفين الأم والرجال
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: القلب النابض)
|
| Quote: وقال أعتقد أن الشوايقة ( لا أود أن يفهم كلامي خطأ) تربية حريم أو نسوان |
يعنى أعترفت بأن هذا الكلام إتقال وأنا فهمت غلط
أرجعى الى كل الثقافات السودانية وأثبتى أن هاتين المفردتين(حريم ‘ نسوان)
تستعمل لرفع قيمة المرأة وليس من تقليل شأنها أرجعى لعون الشريف قاسم‘ عبدالطلب الفحل
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: بشير أحمد)
|
انا بختلف مع حسين خوجلى سياسيا
لكن فى الحتة دى غالبا هو حاول يمجد المراة الشايقية
لانه فى فهم فى السودان بيعتقد انه المراة الشايقية ذات شخصية قوية وزولة شدائد يعنى independent woman
ويا ريت
الكلام ده يحصل ويعم كل السودان
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: Elsamani A.Malik)
|
العزيز عبدالحافظ سعد الطيب
سلام
بالرغم من إتفاقى مع من يقول أنه يفخر بتربية النسوان لأنها طبيعة الأشياء ، وهذا موضوع آخر ، إلأ أننى أتفق معك فى سوء نية وسوء قصد حسين خوجلى ، لأننى عندما أتذكر شتائمه اليومية للسيد محمد عثمان الميرغى والسيد أحمد الميرغنى ، بالكاريكاتير ، أيام الديمقراطية الثالثة( أيريل 1985) ،فى جريدته ألوان ، لا أتردد فى وصفه بسوء النية وسوء القصد من وراء الكلمات ، وهو الدقيق فى التعبير ...
وأقول : من الذى ربى شخص يخصص صحيفته لشتم الناس ؟....
السادة الميرغنية لم ينزلوا لمستواه ولم يردوا عليه آنذاك ...
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: AnwarKing)
|
موضوعنا مع حسين لم ينتهى
ولايمكن ان يحى ذكرى قامات بلادى
ولاسلطته
لم نحى ذكراهم حتى الآن
ماذا قال أسماعين
من السجانه تباريني
نتقاود تقادميني توصيني
وتاني جديد توصيني
وتبكي كتير كتير وغزير
عشان مشواري لي مكوار
عارفك يمه خايفه علي
ورغم الشيب تلوليني
وفي حجرك بنوم يا يمه تفليني
تخاليني تحجيني
******
حَدَّ الزِّينْ
وَيَاحُدُودْ حُدودْ الزِّينْ
حَدّ الزِّينْ
بِنَيَّةْ شيخْنا إسْماعِينْ
نِغِيمْ نَايَنْ
بَعِيدْ وحَزِينْ
مَرَاكبْ القُدْرَه
شَايْلاَتَنُّه
يَامَا شَالَنْ الطّيبينْ
ونِحْنَ
عَلى ضِفَاف الشُّوقْ
عَذَابْنَا
نَودِّعْ الرّاحْلِينْ
نَلوِّحْ
فِى الهَوَى بى دينا
بى آهَاتْنَا
بى دَمْعَاتْنَا
خَايْدِينْ
فى الرَّبوُبْ وَ الطِّينْ
وَمَا قَادْرِينْ
نَفُوتُو قَدَرْنَا مَا قَادْرِينْ
حِليلِكْ
يَا حُدودْ الزّينْ
حِليلِكْ
يَا قَمَرْ دُورينْ
يَا هَدَّايَا
يَا ضَوَّايَا
يا أمْ الوِّليدْ وَ الزِّينْ
فُراقْ وَاحِدْ
بكُتْل الزّولْ
وكيفْ يَا يُمَّه
إنْتُو اتنينْ
خَلّيتُونَا
فِى دَرْب الضَّيَاعْ
ضَايْعِينْ
مِنُو اليًا
..يُمَّه
فِى شَهْرينْ
فَقَدْ أخْتُه
وحَيدَةْ دَارْنَا يَايُمَّه
((جَوَاهِرْنَا))
وفَقَدْنَاكْ
إنْتِى فىِ شَهْرينْ..؟؟
بَقُولْ للدُّنْيَا
مَافُتُّونَا ..يَا حَنِّينْ
بَشُوفْكنْ
يُمَّه فىِ الزُهَّادْ
يرَتِّلوُا
فىِ الضُّحَى وَيَاسِينْ
بَشُوفِكْ يُمَّه
رَاىْ العينْ
وِكِتْ
((مِنْدَلِّى غَاشِى (( السَّابْ
((وَمَاشِى ((جَرينْ
ويَا أعْرَقْ مِنْ الأعْرَاقْ
خُلاَصَةْ أهْلَنَا الطَّيبْينْ
((كُلْنكاكُول))
فىِ الشِّمَالْ ..بِبْكىِ
وفُوقُو
اتْحَزّمُوا الصَّالْحِينْ
وكُلّ الفَاتُوا قُبَّالِكْ
عَلى بَابْ الخُلودْ
وَاقْفِينْ
((حُسُونَه))
ينَقْرِشْ الطَنْبُورْ
حِسَارْ الآخْرى
زَادُو ..حَنِينْ
((جُمَال البَّاشَّا))
تِتْلَقَّاكِى
فِى سُوقْ ((المَقَلْ)) فَارْشِينْ
وشُوفِى
مِهِيَرة)) سِتْ الخِيلْ ))
وسِتْ الفِى الدُّرُوعْ خَايْدِين
بَنَاتْ الحُورْ
صُفُوفْ وَ صُفُوفْ
يَسَوَّنْ
فِى العَديِلْ وَ الزّينْ
يَا العَارْفينْ
وَمَا عَارْفينْ
دِى حَدّ الزّين
بنَيّة شيخْنَا إسْمَاعِينْ
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
بلادي
******
بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل..
كان أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟
ريحة التراب
والله ياريحة التراب
شديتنى للماضى البعيد
عبر الزمان
فى اللا مكان
عبر البكون
جوه اللى كان
مشوار غريب
حفيان
وطيت جمر ام لهب
الروح تهيم
فوق النجوم
والفانى
.. مطمور فى التراب
والله ياريحة التراب
كيفن يكون درب الوصول
لى ساحة ما شقاها زول
من دونى دونك
ألف باب
وكم حجاب
وكم ستور
مندلى يا ريحة التراب
أصلى مليت العذاب
جيتا خايد فى الضباب
شوق ليالى الغربة
فى اعماقى داب
الحنين
جوه جوفى
قصة ما شافت كتاب
الصغيرون..
بى شقاوة الدنيا يا ..يمه شاب
والله يا ريحة التراب
العطش يبس لهاتى
جيت أهاتى
جارى
لى موية الرهاب
والله ياريحة التراب
جيتا تعبان
داير ارقد داير انوم
انسى نفسى
والشقى القاسيتو
فى وادى الهموم
داير ألولى النسمة
بى فرحة صغير كره السموم
والله ياريحة التراب
ريحة التراب. والله يا ريحة التراب
لازم
أوصل مهما كان
أوعى..
!!.. ما توصينى كنا وكان زمان
الزمان
يا أصلى ماليه أمان
ونحن فى ساحاته
!!.. زى خيل الرهان
والله يا ريحة التراب
لازم أوصل مهما كان
حتى كان
سدت سواعد الليل
!!..دروب الكون وما خلت مكان
حتى كان جار القدر
!!.. شدانى فى قاع الزمان
مو ضلام الليل بشيلو
!!.. وبمشى لى فجر الأمان
يا سلاسل القدرة
ما برضى الهوان
بمشى فوق المستحيل
!!..بقدل وبتبختر كمان
لازم أوصل
لى مشاتل ريدى
فى أرض الحُنان
والله يا ريحة التراب
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
أحنُّ إلى خبز أُمي
وقهوةِ أُمي
ولمسةِ أمي ....
وتكبرُ فيَّ الطفولةُ
يوماً على صدر يومِ
وأعشق عمري لأني
إذا مُتُّ ،
أخجل من دمع أُمي !
خذيني ، إذا عدتُ يوماً
وشاحاً لهُدْبكْ
وغطّي عظامي بعشب
تعمَّد من طهر كعبكْ
وشُدي وثاقي .. بخصلة شَعر ..
بخيطِ يلوِّح في ذيل ثوبكْ ..
عساني أصيرُ طفلا
طفلا أصيرُ ...
إذا ما لمستُ قرارة قلبك !
ضعيني ، إذا ما رجعتُ
وقوداً بتنور ناركْ ..
وحبل غسيل على سطح دارك
لأني فقدتُ الوقوفَ
بدون صلاة نهارك
هَرِمْتُ ، فردّي نجوم الطفولة
حتى أُشارك
صغار العصافير
درب الرجوع .. لعُش انتظاركِ
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: Mohiedin Sir El Khatim)
|
Quote: بالخشوعِ المحضِ والتقديسِ والحبِ المُقيم
واتّضاعٍ كاملٍ في حضرةِ الروح السماويِّ الكريمْ
التحياتُ لها.
ليتَ لي في الجمرِ والنيران وقفهْ
وأنا أشدوا باشعاري لها
ليتَ لي في الشوكِ والأحجارِ والظُلمه زحْفه
وأنا اسعى بأشواقي لها
ليتَ لي في زمهريرِ الموتِ رجْفه
وأنا ألفظ أنفاسي لها
ليت لي من ألمٍ طاغٍ مَخفّهْ
وأنا أحملُ قرباناٍ لها .. وهديه
فأنادي بإسمها الحلو بلهفهْ
لك يا أمَّ السلام.
والتحية
وجبيبني في الرِّغامْ
التحياتُ الزكياتُ لها ، نفسُُ زكيّه
رسمُها في القلبِ كالروضِ الوسيمْ
صنعتنا من معانيها السنيه
وستبقى منبعَ النورِ العظيم
|
(صلاح أحمد إبراهيم)
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: نصر الدين عثمان)
|
شكراعلى المرور الرائع الكريم
لكل شباب بلادى وأماتى الحنان
واهديكم نفس من أنفاس الشاعر
محمد طه القدال
أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني
خَلّني أبدا مُسداري
وأودي قفايا لي داراً بِقَتْ مِي دَاري
جِيتَا ..
وجِلْدِي بينو وبين عضايا الشّحَمَة
إلا النّار بِقَتْ قِدّامي
جِلْدِي اللّيلة بينو وبين عَضَايَا المافي
إلاّ تراني شَوّالْ الكِبِسْ
نِفّيخْ جَراريب الوَرَمْ هَدّامِي
في جِلدي الورم قُولَنْلي
واللاّ صَحِي الورم عَضّامِي
سفريتك مِي في النيّة
ماها الكانت محريّة
خابراكْ عِرِّيفْ ..
ذم العُربانْ واللاّ قِيام الوردية
مالكْ ؟؟؟
تَرْيَانْ ومندِّي
كاسي الكِتّان والهندي
قولَكْ كِكّيفْ ترجى البيشان
واللاّ الغُربة البي الزِّنْدي
برقاً عِبْدِلِّي الوَزْنِ
يا طاشْ .. يا جاب المُزْنِ
فَرِّقْ يا الضّيفْ
فِعْل الغَضْبان ..
أم فِرْفيرات الحُزْنِ
وشِنْ القَعدة
يا أبو السُّرة
شِنْ القَعدة في ضُل العمارات أم كمرةً برّة
ضُقْنا الحَنْضَل اليانكي
وبَلَعْنا المُرّة
كِمْلَتْ كوتة التُّمبَاك
صَقَعْنا الجِّـرّة
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة ..
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
تبقى قَدُر مسالك الرّيدة
وما لاقانا من يغبانا في البحر الفَدَرْ تحتاني
ناس عارفاها
ناس عارفاكا
ناس عارفاني
نادينا القعوي والبُلْطي
قرقور السّمَك ودّانا لي دابي الخُشَشْ
نادينا عُمّال الطّمِي
عُمّال الطّمِي الصّارقيلا
والقَرْمُوط
وود الموية
وفُتْنَا عليها
كانت نايمة
عَجّال البحر حارساها
كانت نايمة بين حجرين وضُل ساسوية
وعُمّال الطّمِي الصّحونا لّمُو حصى البحر
قسموهو ياتْ من كان سبع جمراتْ
دابي الخُشّة قال :
أدُّوها في الجمرات تلات سبعاتْ
قُلْنا :
أدُّوها في الجمرات تلات سبعاتْ
مَسَكْنَا دَرِبْنَا
وعُمّال الطّمِي الصّحوها
خابرين الدّروبْ
مَرَقوبنا في مُشْرَعْ مسارب الضّيْ
لقينا الدُّنيا تترجّانَا
قُوقَا القِمْري
خَوّى صِقيرْ
وعَوّى حِديْ
وعُمّال الطّمِي الصّحونَا
لَمُّو على البعرفو الصّيْ
حَصَى القيزان
دوابي الدّارْقَة
والسِّحْليّة
والنّاسْ التِّحِتْ
النّاسْ التِّحِتْ خابرين عَمايْل اليَانْكي
مَرّة معونة لي اللّغّاف
ومَرّة دَوانْكِي
شِنْ معناهو جيبها إن كان ملوهو بوانكي
وصوتها مكتِّمو القَرَبين سيوف وسَوانْكِي
قولَنْ لي الأَخْلو ديارو
دمّكْ فَرْهَدْ في نارو
غَوّرْ في الأرض
طارو صَقْرين
أولاد الأرض ما طارو
لحمي غَطّى بِنْ عَمِّي
شو صار حالو يا إمِّي
منديل العِرْضْ في بيت الدِّينْ
دمِّي ما يخلِّي دمِّي
إنّا من دير ياسينْ
صِرْنا في جِزْر التّين
عَمْ نسقى بعضْ
حُبّ الزّيتونْ بدّو يرجع للطينْ
صابرا تحت الدورية
صابرا فوق الدورية
صابرا فوق الدورية
يا حال الضِّدْ
لحم الطِّفلين نابت غُصنْ الحريّة
جِذْري مو في شاتيلا
ما قال حالي يا ويلا
حِنّا في الأرضْ
أرضِ فلسطين
يا إمِّي هيلا هيلا
يا إمِّي هيلا هيلا
يا أُمِّى هيلا هيلا
هيلا
هيلا
هيلا
هيلا وهيلا يا ابو السُّرة كُجْ العين
تخبر الشّينة من الزّينْ
تَفُرْز الطّاري من السّاري
يا ابو السُّرة كُجْ العينْ
ومدُّو صباعك السّبابي
قول لي الغَافي يا زول هويْ
وهوي يا غافي يا زول هويْ
أرخي الغُردة للعَنّافي
شِدْ القمري بالحوبابي
في مسدارنا
شِلْنا نهارنا
في إيدنا من ساسو البحر عقدينْ
مَسَكْنا دَرِبْنا
وعُمّال الطّمي الصّحونا
خابرين الدِّروب مرقوبنا في مُشْرع مَسَارب الضّيْ
لقينا الدُّنيا تترجّانا
قوقا القِمري
خَوّى صقيْر
وعَوّى حِدَيْ
وكُنّا جماعة
دابّات الأرض والسّايمة
عَوّامة البحر والطّيرْ
وحتى الغيمة قصّاصة الأَتَرْ
فوق راسنا شايفة الدّربْ
ضِنيب اليَانْكي
قال القمري لي الضُّليلة :
خَلِّكْ صاحية زوغ اليانكي لا يودِّرنا
قال الدّابي :
إن يغباها ما بيغباني
ولمّا الشّمْ مودِّعة غاربة
وَصّتْ جملة الصّقّار عيونهنْ كَارْبة :
أبقو أَلِفْ
بَفوت لي المِتْلَكُنْ ناهضينْ
وفوق ديناب عريباً غادي
قال السِّحْلي لا تغشوهو
ديل عُربانْ توابع اليانكي
وخَلُّوها العريب الغايبة
السّراقْ طبيقو معاهو
تيجاناً عروشها الخروعْ ..
الهَشْ ..
العَويشْ
الناّر تَعَلِّبْ فوق عُقَال العَرْشْ
ولا خَسّانا بي هادي العروش الهـُرْبة
يا ابو السُّرة .. لا عَقّالْ
مسكنا دربنا
وعمال الطمي الصحوها
خابرين الدروب مرقوبنا من وادي الضلمة
الكان
وعقب لمينا في باقي الجمع
قاصين دريب اليانكي
سنور الغيب في الكونغو
وصبراً من جنوب أمريكا
ومن كلهاري ديباً ضاري
والتمساح وليد أمازون
ونمراً في النمور كمبودي
وام رَخَمْ الله مكسيكية
ولمّ لميمنا
لمّ لميمنا والشّمش البتوقد فوقنا
شدّ شديدنا لا التِّمثال مَشيّلْ روقنا
عَالَم حُرْ يدوعِلْ فوقنا
لي يوم سوقنا
نبصُق فيهو .. في عينيهو جَرْ واسوقنا
يا شمسي طِلِّي .. طِلِّي
شاوري عَ بيتي دِليِّ
كَيّال الكيل .. ختياري ماتْ
ظِلِّي عَمْ يحرس ظِلِّي
عَادِلْ عَ خَييّ ميلي
خَييّ ما يحمل شَيلي
ما خَفّ الشّيلْ
تاني المرّات ناطِرْ رصّاصِي سيلي
عيني في الفيل ما ظِلّه
كِلْنا ندريه ما نضِلّه
يا ويل الويلْ
نرمي الجمرات عَدِّ المستشْهِدْ كِلّه
نرمي الجمرات عَدِّ المستشْهِدْ كِلّه
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: نصر الدين عثمان)
|
من زمان عاوز اعرف العلاقة بين ربطة العنق
ولي عنق الحقيقة .......
بتخيل انو الزول السوداني مجرد مايربطها بربط معاها حاجات كتيرة
واحد بيربط مكنة عالم والاخر شاعر وأظرفهم المعارض عندما يكون مكرب (دلقان الرقبة)
ربونا النسوان المشكلة وين؟؟ والله ابوي كنتا بشوفو من سنة لي سنة
ولنفترض ان حسين خوجلي قصده سئ ماضيرنا نحن لاننا نعتز باماتنا واخواتنا
ستات الشاي.. فطارات المدرسة.. الدايات ..بتاعات التعداد
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: نصر الدين عثمان)
|
إخواني... حضرت ندوة واحدة لحسين خوجلي.... أتذكر منها كلاما سفيها لن أذكره واخر ساذج!!!
" الفصل كان فيه الميرغني والصادق وساره. يعني لو الواحد فيهم جا الطيش يكتبو ليه في نتيجتو التالت!"
ومنذ ذلك الحين لم اتعب نفسي بقراءة مقال سياسي له...
ثمة اشياء كثيرة سرقها الاكلون من كل الموائد من مستحقيها....
لا تربطنا اي صلة بالشوايقه لكن بعيدا عن همز حسين خوجلي الذي عادة ما اشك بنواياه
- ايها الشوايقه... امهاتكم عظام... طوبي لكم بهم!! وطوبى لنا بكم!!
وبالمناسبة كل عقائد القهر والاستبداد والدكتاتورية التي مرت بالشعب السوداني واجهتها الامهات اكثر من الاباء!!
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: صلاح أبودية)
|
لقد حضرت الهرة ..
وعبد الحفيظ يصر على تشويه الكلام الجميل
بالمنطق كيف يكون حسين خوجلي يتكلم عن سماعين ود حد الزين وقول ربته حد الزين بفخر ويقول انو الشاعر الوحيد البنعرف اسم أمه ويكون مقصده سلبي ..
انتو بتفهموا كيف بالله ..
التحية ليك يا صلاح ... ولي العزيزة أمنا كلنا بت أبو دية ..
والشايقية لما تربي ولدها ما بترضى بيه غير راجل ...
لا تحاولوا تغيير الحقيقة
كونوا صادقين مع انفسكم ...
حسين خوجلي لك التحية ...
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: عبدالحافظ سعد الطيب)
|
القلب النابض
لك التحية والود ...
ياعبد الحافظ هات من الآخر نحن عارفين معظم البوستات البتتفتح هنا القصد منها الإثارة ولا شى آخر ...
ورينا إنت تعاوز تثير الشوايقة على حسين خوجلى ول أنصار حسين خوجلى على الشوايقة ول كلو على بعضو...؟
وكلهم ما فيهم كلام .
وبرضو ما جاوبت على سؤالى :
إنت شايقى ...؟
ول رباك أبوك..؟
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: صلاح أبودية)
|
| Quote: أها في الحالة دي .. حا يعمل شنو ؟؟؟ |
دى يالصادق صديق يرد
عليها السيد حسين وانت الصادق
| Quote: ول أنصار حسين خوجلى على الشوايقة |
ديل منو
ياراااااجل ... دي صعبة شويه
Quote: إنت شايقى ...؟
ول رباك أبوك..؟ |
بشجع اللعبة الحلوه
كان مافهمت كلام الناس الفوق ديل
| Quote: عشان ما نفهمك غلط ياعبد الحافظ ورينا إنت فهمت غلط شنو والصاح شنو |
الغريبة انا ماتسرعته
ودونك سؤالى الواضح
المتسرع أنته
ورديت عنهاأنته
والمدافع عن السيد حسين أنته
عرفته روحك أقل من وزن الريشة
| |
|
|
|
|
|
|
|
|
|
Re: حسين خوجلى يصف الشوايقة بتربية نسةان (Re: عبدالحافظ سعد الطيب)
|
الاخ / عبد الحافظ
لك التحية ولكل الاخوة المتداخلين ...
اولا يجب علينا الا ننكر مخزون حسين خوجلي من المعلومات وتناوله فيما يفهم مبتعدا عن المهاترات وطريقة حديثه اللين لين جسمه ...
اذا كانت الاشارة بريئة كان يمكن ان تعضد بالجمع ( الشوايقة كلل اهل السودان ربتهم امهاتهم )
ولكن ربما الاستثناء هو الذي جعل علامة الاستفهام اقرب من المرور بحسن نيه في صياغ هذا التعبير
ببقى علينا ان نتسائل وسؤالا مشروعا عن اي المقاصد كان يرمي .. هل تربية النساء على شاكلة ( ثالثهن وفي الحنة والدخان مشاركن ) ؟
ام بقصد صناعة الام للابن ونظرتها في ان يكون اكثر الصبيان رجولة ..
ولكن وفي كل الحالات وللضمان ( انو الشوايقة لا يقلون رجولة ابدا من سائر قبائل السودان ) حتى لو ربتهم امهاتهم ...
وببقى الفهم في معنى الرجولة نفسها .. وما هي ؟؟؟
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: طارق جبريل)
|
Quote: دى يالصادق صديق يرد
عليها السيد حسين وانت الصادق |
شكراً يا عبد الحافظ ...
لكن تصدق وتؤمن بالله .. إنو سؤالي دا ما منتظر عليهو رد ..
بقدر ماهي علامة إستفهام أوقفتها شاخصة هكذا في نص الطريق .. فقط للفت الإنتباه .
لفت إنتباه للظنون الفايحة في البوست دا فوحان البومبان في مظاهرة ليها ضل ..
وأيضاً (وللإحتياط كدة) لفت إنتباه للأستاذ موضوع البوست إذا فعلاً صدق ظنك فيه وكان ضامراً في نفسه شئ ..فعساه يمر من هاهنا فتكون لفته لطيفة له ولنا .. فكلنا خطأ وخيرنا التواب ..
أبو فتحية
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
اعتذر لك يا عبداللطيف كنت اقصد صاحب البوست طبعا فلك العتبى حتى ترضى
Quote: يازول انا ما صاحب البوست
انت لاطش سلك اليوم
البوست حق اهلنا الشوايقة وجحا اولي بلحم تورو |
اولا طالما الاخ عبدالحافظ طرح البوست فى هذا الفضاء الاسفيرى الطلق فحكاية تورو ولحمو دى تبقى مافى (يعنى البوست مطروح للنقاش ) ..وكمسلمين علمونا رد تحية الاسلام باحسن منها او بمثلها ..لكن يا زول (يا زول دى استعارة منك لو تسمح) ماك شايف انك انت الوحيد الشايت ضفارى فى البوست ده وبتحاول تثبت للكل العكس وانو الاستاذ حسين بقصد ما ترمى اليه ..احسن ظنك بالآخرين ..قال لحم تورو قال سبحان الله .. لكن يا عبداللطيف القضامة ما عندك !!! فتك بعافية..
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: ALazhary2)
|
الأستاذ حسين خوجلي صاحب قلم رائع وصحفي حصيف وحتى برامجه التلفزيونية بها الكثير من الحرفية .... كلمة تربية نسوان أعتقد أنها شرف قصده في هذا العصر الذي بدأ يعي دور المرأة .... بعدين دائما الأمهات موجودات مع الأبناء في البيوت والآباء في العمل بمعنى أن الوقت الذي يقضيه المرء مع أمه أكثر من الذي يقضيه مع أبيه وبذلك كلنا تربية نسوان وبنعتز بتربية أمهاتنا وخالاتنا وحبوباتنا ... ولو جيت للنسوان والشايقية ... أشهر إمرأتين في تاريخ السودان واللتان لا يختلف سودانيان في الاعتزاز بهما هما عجوبه ومهيره بت عبود .... أها مهيره دي شايقيه مأصله ومفصله ومشلخه كمان ... يعني الشوايقه ساهموا في تاريخ السودان بحبوبتنا مهيره .... التحيه للزميل الاعلامي حسين خوجلي الذي أعطى المرأة حقها الذي هضمته ثقافتنا السودانية في التربية ... وفي ديننا ( الجنة تحت أقدام الأمهات ) و ( ما أكرم النساء إلا كريم وما أهانهن إلا لئيم ) وكل هذه المزايا لم تنلها المرأة إلا بسبب التربية وتوابعها السابقة واللاحقة ... فيا أخي رجاء الاعتزاز بأنك مثلنا ( تربية نسوان ) لكن ( نسوان ماليات هدومن ومركزن ) تحياتي
عبدالدين سلامه
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: ABDELDIN SALAMA)
|
حضرت جزء من هذا البرنامج ولم احضر ما اتى به الاخ عبدالحافظ
ولكن اريد ان اقول بان السودان بلد المراة قبل ان يكون بلد الرجل ابتداءا بمملكة كوش وكل المماليك التى مرت على السودان قبل دخول العرب السودان , وثقافة المراة عورة وثقافة المراة مكانها التكل (المطبخ) وثقافة فلان ود المراة لتقليل من شان فلان او علان هذه ثقافة للاسف اتت الينا مع الثقافة العربية الجاهلية الوافدة .......
حسين خوجلى انسان كوز عروبى ومتعنصر على الثقافة العربية الاسلامية على حساب الثقافات السودانية الاخرى و هو الذى رد على ضيفه الدنقلاوى الكوز فى برنامجه السابق عندما قال الدنقلاوى بان اطفال الدنقالة تخلوا التحدث باللغة النوبية وبلهجة الدناقلة , رد عليه حسين خوجلى ( هذا مما يسرنا)!!!!!!!!!!!!!!!!!!!!!!!!!
الى الكيزان والعروبين الذين يطبلون لحسين خوجلى , لماذا يسر حسين خوجلى بعدم تحدث اطفال الدناقلة بلغتهم الام؟!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
أخويا عبدالحافظ سعد الطيب
كلام بيزعل!!!
أنا شايقي وربتني أمي بعد وفاة الوالد يسين بحر وأنا عمري عشرة سنوات
لكني ما تربية نسوان
أنا ود أمي موش تربية نسوان
والشايقي ما هو تربية نسواااان
عندنا الولد البيقولو عليهو تربية نسوان..... ياولد باطل يا خايب (مخنث أو رجولته ناقصه) ودي نبذة عديلة وشينة
وولد أمه,,, الولد الحنين المطيع البيعمل بوصية الرسول (ص) في حسن الصحابة - وده شكر للولد ما بعده شكر
وإن كان حسين خوجلي عاوز يشكر شايقي كان قال عليه دا ود أمه... أو تربية أمه.
أو كان عاوز يشكر الشايقيه كلهم كان قال ديل تربية أمهاتم...... موش ديل تربية نسوان
والفرق واضح هنا متل الشمش --- وانا ما برضاها من إزاعي قدير ذي حسين خوجلي. فأما عليهو أن يصحح نفسه أو يعتزر
ود أمه/المخلص
محمد يسين الخليفة محمد الحسن تليب - الشايقي
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: Mohamed Yassin Khalifa)
|
حسين خوجلى من المثقفين القلائل مش فى السودان وبس بل فى الوطن العربى اجمع
وهو مشبع بكل ما هو جميل فى الفن والشعر والادب
بغض النظر عن توجهه وميوله الحزبية التى لا تلغى ذلك ..
هذه الحلقة شهدها ملايين البشر ولم يفهم كل من شاهدها مثل ما فهمه فاتح البوست
لا تحملوا الاشياء اكثر من حجمها
وارحمو انفسكم
والفتنة اشد من القتل
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: ghariba)
|
محمد الجزولي
لو المقام ماسمح ليك انته يسمح لي منو
والشوق بحر
راجع ( الماسنجر )
Mohamed Yassin Khalifa
كلامك سديد مابتدخلو الريبة
فعلاً الكلام واضح متل عين الشمش
واهلنا قالو
البغلبك اصلو انظر دليلو
ghariba
يفتح عليك الله ياخوي
ويتوب عليك من كل افكار عاطلة وغريبة
غريبة ياخ
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
حتي اليوم لم افهم الغرض من الموضوع
هل المطلوب الرأي في ما قاله حسين خوجلي
أو المطلوب الرأي في حسين خوجلي
اذا كانت الاولي
قال من قال امك
قال ثم من قال امك
قال ثم من قال امك
لكن ان يكون الشوايقة بالذات قد ربتهم امهاتهم
فهذا موضوع يستحق الدراسة
فهل هو المدح أم الذم ؟
اما اذا كانت الثانية
فحسين خوجلي دعامة من دعائم المشروع الحضاري الانقاذي
ولايمكن اختزاله في هذه الحيثية الا من باب تأليب الشوايقه ضده
سؤال بس
لكن اخير الواحد تربيه امه
ولله يربوه اولاد الحلة الكبار؟
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: osman righeem)
|
لايهمني لونه السياسي ولاتهمني مواقفه السابقة التي رصدتها له .. ما يهمني هو ما قاله في هذا اللقاء والذي هو مادة لهذا البوست ... هو أنصف المرأة وهذا شرف نعتز به ... ودعك من حسين خوجلي لو طلع اليوم ( يهود براك ) وقال المرأة السودانية إمرأة عظيمة هل سنرفض قوله بسبب مشاكله في القضية الفلسطينية ؟؟؟ بعدين مهما كان موقف حسين السياسي فإنه في النهاية قال كلمة حق ... وحتى في القرآن ( قالت اليهود ليست النصارى على شيء وقالت النصارى ليست اليهود على شيء ) هل نقول أن الطرفين كاذبين قياسا بمواقف سابقة نحفظها لهم ؟؟؟
حسين خوجلي أفضل من الكثيرين لأنه يعلن موقفه السياسي بوضوح ودون نفاق حتى لو إختلفنا معه فيه ولكنه مع ذلك والشهادة لله أفضل من يميز بين اللون السياسي والعلاقات المهنية والشخصية ... وأنا أشهد أن جريدته ( ألوان ) يكتب فيها الشيوعييين والكيزان وكل الأطياف ...
هو بغض النظر عن لونه مهني في النهاية وأنا لا أنتمي لاتجاهه السياسي ولا لأي إتجاه ولكنني أنتمي لاتجاهه المهني وما أوردته هو الحكم عليه مهنيا حتى لا تختلط عليك الأمور ... ومجددا أنا أصر على رأيي هو أنصف المرأة وما قاله كلام يتشرف به كل إعلامي وكل سوداني
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: محمد الجزولي)
|
Quote:
أسجل إستنكار وإدانة لكلمات الغمز واللمز (السخيف) التي سطرها بعض الزملاء تجاه الأستاذ حسين خوجلي والتي بدأها الأخ جيمس
.
عيب ياناس عيب . |
اختلف مع الأستاذ حسين خوجلي اختلافا كليا في الأفكار واشياء اخرى ..
لكن استغرب اننا اصبحنا تفتقد (الادب) في نقدنا ، واستخدام اساليب ولغة رخيصة
تجاه من نختلف معهم ..واين الوازع الأخلاقي لهؤلاء الذين يسطرون هذه اللغة المرحاضية هنا ..
واتمني من الذين يستخدمون المنديات لمجرد التبوال ان يعفونا من هذا .. فليس هنالك مكان لمزيد من النشادر ..
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: ABDELDIN SALAMA)
|
Quote: ما هو داك الفيل بتطعن فى ضلو لى شنو ؟؟؟
ولا الحوص .. سلامة العينين |
هوى نحن فاتحين البوست ليشنو والجاب ضل فيلك
وانت الصادق ليبقرتنه شنو
| Quote: وجحا اولي بلحم تورو |
اقولو ياسجم السجم انا ذى قرايتك ماقريت
لكن عيوناتى بفرزن الوريقة البيضة من لون القلم
Quote: وما أوردته هو الحكم عليه مهنيا حتى لا تختلط عليك الأمور ...
ومجددا أنا أصر على رأيي هو أنصف المرأة وما قاله كلام يتشرف
به كل إعلامي وكل سوداني |
هوى أنت أختلط عليك البقر
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
Quote: ما هو داك الفيل بتطعن فى ضلو لى شنو ؟؟؟
ولا الحوص .. سلامة العينين
Quote: هوى نحن فاتحين البوست ليشنو والجاب ضل فيلك
وانت الصادق ليبقرتنه شنو |
....
وانت الصادق ليبقرتنه شنو]....افصح !!!!!!!!!
طيب اشرح اكثر ويبدو ان الفهم مقسم زى الارزاق تماما..
* انت فتحت بوست وتستنكر ما قاله الاستاذ حسين فى الشوايقة تربية نسوان حسب زعمك (همزاتك التى تريد بها ما تريد) .
* اها هنا اقصد ايه دخل اهلنا بدارفورو اقحامهم بالموضوع ؟؟؟؟؟؟؟؟؟؟؟ وقع ليك ولا نشرح اكثر ؟؟
Quote: وجحا اولي بلحم تورو
Quote: اقولو ياسجم السجم انا ذى قرايتك ماقريت
لكن عيوناتى بفرزن الوريقة البيضة من لون القلم |
اها يا الما سجم انت ..اذا ما فهمت ورينى عشان ما تقوم تفهمها على وزن ( انا شفت الهرة ) ...
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: وضاحة)
|
باين عليك يا الما سجمانت ما فهمت سؤالى ولا ماك قادر ....
المهم انت رديت على مداخلتى بالاتى :
Quote: الفتنة الفى دارفور رايك فيها شنو
اللهم طولك ياروح |
وانا هنا بسألك بالدغرى كده (خلى الفيل وضلو وشفت الهرة و ...الخ بعيد) ..
دخل دارفور بالبوست ده شنو ؟؟؟؟؟؟؟؟؟؟؟؟؟؟؟؟
واتمنى المرة دى اجد منك اجابة واضحة ..
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: عبدالحافظ سعد الطيب)
|
Quote: هو يا جماعة فى السودان فى راجل ربى اولادو؟
الرجال ديل كلهم تربية امهاتهم
والآباء دايما مشغولين بحاجات تانى
ده كان الحاصل و البيحصل لغاية يوم الليلة ويوم باكر |
هشام ود نعمات
انا صغير فى الحلة كان اسمى ود الشايقية لعلهم كانوا يقصدون القبيلة ابى كان دائما على سف بحكم مهنته ولكنه كان صائما
شديد الاعتزاز بتربية امى وهى موجودة معى هذه الايام فكما قال شكسبير ليس هنالك وسادة انعم من حضن الأم ولا وردة اجمل من ثغرها!
الخيل تجقلب والشكر لى حماد!
تحيتى للحاجة نعمات المربية الفاضلة
جنى
| |
|
|
|
|
|
|
|
|
|
Re: حسين خوجلى يصف الشوايقة بتربية نسوان (Re: على اسماعيل)
|
عبدالحافظ سعد الطيب.........
..
اها ياالعامل فيها طناش !!! التحتانى ده عنوان بوستك ولا كمان ما انت الكتبتو؟؟
| Quote: حسين خوجلى يصف الشوايقة بتربية نسوان |
طيب هنا كده ورينى ( ده سؤال منتظر اجابة) :
دخل دارفور والفتنة و ..الخ .. الدخلتها فى بوستك ده شنووووووووووووووووو؟؟؟؟؟؟؟؟؟؟؟؟؟؟؟؟؟؟؟؟؟؟؟
ما تتخيل انو الاجابة على الموضوع ده مهمة قدر كيف !!! وأكيد لك اسبابك ، اها الاسباب دى انا عايزها..ما فضل الا الانت الليتكلم فى دارفور عجائب والله ..انا فى الانتظار وما بتوقفنى الا الاجابة فاهم يا الما سجم انت
| |
|
|
|
|
|
|
| |
عبدالحافظ سعد الطيب
james
على محمد على بشير
حسين محي الدين
AnwarKing
Yasir Elsharif
كمال عكود
هشام المجمر
رشا سالم
ابوعبيدة حسن محمد
Osama Mohammed
علي سيد همد
Abdel Aati
abubakr
عبدالله كع
الرفاعي عبدالعاطي حجر
عبد اللطيف السيدح
ALazhary2
حيدر حسن ميرغني
jini
صلاح الأحمر
طارق جبريل
القلب النابض
بشير أحمد
Elsamani A.Malik
kh_abboud
ناظم ابراهيم
Ro3ah
نصر الدين عثمان
شمهروش
مدثر محمد عمر
صلاح أبودية
الصادق صديق سلمان
علاء الدين حيموره
خالد حاكم
محمد الجزولي
Mohamed Yassin Khalifa
ghariba
osman righeem
amar adam
عبداللطيف حسن علي
وضاحة
فيس بوك
تويتر
انستقرام
يوتيوب
بنتيريست