|
Re: الـشــمـات تـعـالـوا ... ما بـيـشــمـت الـبـفـوز هــلالــو !!! (Re: جمال السنوسي)
|
Quote: يا هاشم اخوي انحن فزنا رجالة نحن لعبناطرب ما بنلعب كورة عتالة وقت الحارة ديك بدلنا كل محالة اي شماتة فينا الليلة مافي مجالا |
يا جمال ياخوي والله مافي شماتا فكر في كلامي القلتو ما تغمز السنارا السؤال لسه قائم قبال تركبو الطيارا شوفو الغلط كان وين الكورة فوز وخسارا
Quote: ( بالله معاك حبة بركة وموية ملح من البحر بتفيدكم في صوتكم الشامت ده) |
بعد ده كلو كمان بتشكي , ياخوي اقبلو النصحية والله غالية سيبك هسع من بركة ومن موية البحر , ركزو في المبارة الجاية والله ما ساهلة .
| |
|
|
|
|
|
|
Re: الـشــمـات تـعـالـوا ... ما بـيـشــمـت الـبـفـوز هــلالــو !!! (Re: محمد علي ياسين)
|
Quote: الاخ جمال السنوسي : دائما نتمنى لكم الفوز ولكن ولكن قال الاخ هاشم أحمد خلف الله :
Quote: المبارة الجاية حتماً حا يكون هناك سؤال
والله يا جمال سؤالا صعب بالحيل الله يقدركم عليه ونتمنى لكم الفوز |
محمد ود ياسين كترها (ولكن ولكن) عشان فوز الهلال خلا الوصفا (جناين) نحن هلالنا فووق ارفع رويسك وعاين هلالنا الزعيم ساكن قلوبنا مداين
جمال
هلالابي من المهد الى اللحد
| |
|
|
|
|
|
|
Re: الـشــمـات تـعـالـوا ... ما بـيـشــمـت الـبـفـوز هــلالــو !!! (Re: عامر تيتاوى)
|
Quote: عامر تيتاوي : مبروك فوز الهلال ياجمال برغم المصاعب التى رافقت الفوز العريض على صنداونز لكن الهلال كبير وجالب الفرح والامتاع ولكن المهمة لن تكن سهلة فى جنوب افريقيا ونتمنى ان يكون هلالنا هناك كالعهدبه |
أهلا وألف مرحب بي عامر التيتاوي والهلال يا زعيم بدخل قلوبنا يداوي من ناس شماته والوصفا بالـ (بركاوي) وانا شايف قريب استادهم حيبقى خلاوي
تسلم يا عامر يا اصيل
| |
|
|
|
|
|
|
Re: الـشــمـات تـعـالـوا ... ما بـيـشــمـت الـبـفـوز هــلالــو !!! (Re: جمال السنوسي)
|
جيمي ... أنا والله كنت عيان لي شهر لكن غلب الهلال ده أمبارح كان دواء ناجع وبقيت أصرخ ذي المجنون وأترس بي الشقة .. والله فقدت عديل كده ... لكن الحمد الله ما خذلونا ... وده الضحية رغم ستة بعد المية ... الكلام ليكم يا لمنططين عينيكم.
تخريمة:
لكن والله يا جمال ... بقيت ودالرضي بس ... يديك العافية.
تخريمة: شوق شديد والله يا جمال
| |
|
|
|
|
|
|
Re: الـشــمـات تـعـالـوا ... ما بـيـشــمـت الـبـفـوز هــلالــو !!! (Re: جمال السنوسي)
|
Quote: ألأخ/جمال..
الحمدلله مرقنا منها..والله يستر...
لابد من إعادة الترتيب..فريق بجى فيهو 4..ممكن يدخل فيهو هدف فى بلدو...
الله يصبرنا ويطمنا..
مودتى..
إسماعيل محمد احمد عباس... |
إسماعيل الوجيه وجاهتك فايتا حدودا وطبعا قبيلة الهلال بالفرح موعوده هندسوا الفن لعب واتغنو بي انشودة ونغمة (سيد البلد) من زمان موجودة
تسلم يا اسماعيل ود عباس
| |
|
|
|
|
|
|
Re: الـشــمـات تـعـالـوا ... ما بـيـشــمـت الـبـفـوز هــلالــو !!! (Re: جمال السنوسي)
|
جمال ...صباحك بنكهة الفراولة ... يا عسل إنت .. وأنا برضو بهديك الأبيات الجميلة دي في حب وعشق الهلال سيد البلد منقولة من جريدة المشاهد للشاعر يوسف ابورزق الله يحفظه
الهلال العسل هلال الشموخ البيك هايمه شجوني ما اتوصف جمالك يا الحدث الفريد الكوني الهلال معشوقي وحبي الكبير ومجنوني الهلال داري الهلال عنواني الهلال تلفوني الهلال العظيم الشايله جوه عيوني فريق النجوم البي فنهم سحروني لولاه الهلال كيف ياحياتي تكوني وآسفاي لوما الازرق شعاري ولوني الازرق نطق قال انا الهلال سموني اتلألأ في الافق كل الخلق عرفوني جلاد الخصوم الفرق جميعا دوني المارد المخيف الاندادي ما يجاروني انا الصرح الفي البلد شمل ماعوني بوتقة فيها انصهر الشريفي والتكروني انا التحفه البي فرح القلوب خصوني مقامي رفيع خيار البلد حبوني انا المكلف برسالة الكرة او صوني انا الماضي الديبه وحمد والعوني انا الحاضر سيدا وكرنقو وروني والقادم احلي يا احبابي انتظروني اخوان سيدا ديل بي لعبهم عجبوني ابدعوا في الكفر بالعزف الفريد بهروني السمعة الكبيرة ليها هم قادوني الفضل ليهم يرجع مع الكبار ساووني انا البطل الكل الدول عرفوني في مصر الحبيبة معروف لكل فرعوني ومعروف للزامبي والليبي والكمروني وفي دول الخليج ياما نثرت فنوني انا الزعيم المن اندادي واسع بوني في قبضتي الممتاز وعليه عاضي بسنوني الوصيف بالسنين معاي في سباق مارثوني الممتاز عهدة حتظل في حفظي وصوني انا سيد البلد منية لي البعشقوني انا صاحب الشعبية جمهوري كبير مليوني جمهورا بي حفي وريده لي جنوني مين لغيري السيادة يا امة ماتوروني؟ ارتدت العالمية ناس الفيفا تب خبروني وبي تصنيف نزيه مع اعتي الفرق عدوني بالتصنيف بقت الزعامة حق قانوني مين بيها الجدير بصراحة ماتجاملوني؟ انا العشق الفي قلوب الاهلة سكوني انا بعبع مخيف اندادي مابرجوني انا المنا البطولات ناس لاراش حرموني مين غيري البطل يا اهل الفكر افتوني؟ انا الهيلي الزعامة من زمن ولدوني برد بالانتصار علي كل من سبوني قول للمرجفين البي السخيف وصفوني رويدا رويدا عن قريب ستروني انا اعظم الكتاب بالقول الكريم مدحوني اقلاما جريئة ماخابت فيها ظنوني صرت محل احترامهم في القلوب وضعوني كالاساتذة النعمان حسن وعبداللطيف البوني المدرب القدير العارف كل شئوني هيرون ريكاردو الساحر الامزوني بي بصماته الواضحة كل الخصوم هابوني يا حلاوة عرضي ياحلاوة قوني يحفظهم الكريم الفي القيادة رعوني حاشاهم القصور اهتمام كبير اولوني أبدا ماتوانوا كل ما اريد اعطوني وفروا مستلزماتي وحلوا كل ديوني انا شوكة الحوت للاندادي ما بلعوني انا للخصم عفنة صبانها يور وينوني انا السم الهاري الاعدايا ما شربوني لكن لعشاقي عسل بمزااااج لحسوني
شفت الكلام ده كيف ... والله يتم لينا الفي مرادنا ... بالمناسبة .....الأربعاء دي يتزكرني الأربعة إياها بتاعت ناس زاهر مركز. أقعد عافية
| |
|
|
|
|
|
|
|