يمكن..

مرحبا Guest
اخر زيارك لك: 03-28-2024, 10:48 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-25-2008, 01:49 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يمكن..

    أمشي ياحنيّة أمشي
    أمشي لي قلبي ورفيقو
    كم بشيل من يومي دمعو
    وكم بخفّف عنّو ..ضيقو
    شوفي بعد الغيبة كيف
    سايق القسوة ف..طريقو
    امشي ياحنيّة ليهو
    طفِّي في الأشواق حريقو
    أبقى عادل في قليبك
    وأبقى أسأل مين صديقو
    ياني متأكّد..جوابك..
    ياني.. أسبابو وسريقو
    ماقصدو يتعب لي قليبك
    أو يسبِّب..ليهو....ضيقو

    أمشي ياحنية برضو
    حومي في مُرسال بريدو
    أمشي ياحنية عندو
    أمشي للزول البريدو
    يوم قفلت عليهو ..قلبك
    ساقت الأشواق ..وريدو
    كنت في دنياك لاهي
    لاهي عن أحوال نديدو
    ليه مُجافي وفي سلامو
    خوفي لو بتخاصمو..ايدو
    ده النخل قالد سماهو
    وفي السلام ..فدَّع..جريدو
    وأيه يعني لو يشتاق سلامك
    وفيها أيه لو كان تعيدو
    عارفو قلبك..مافي..منّو..
    وقلبو انت براك وحيدو
    فيها أيه لو شخص عادي
    شاف هواك أملو وجديدو
    انت بس أسأل قليبك..
    مين حبيبو..ومين هو..سيدو..
    مين بقضي الشوق في حزنو
    ويوم تطِل ..ببقالو..عيدو
    مين بشوف أفراحو..ضحكك
    لو تغيب الهم..يزيدو
    وحياة هواك تسأل هواك
    مين بسمِّي هواك..شهيدو

    أمشي ياحنية ليهو
    شيلي أفراحك..هديّة..
    لو جفاو صدّاك..تاني..
    أبقي أرمي اللوم..عليَّ
    ودِّي ليهو سلام محنّة..
    ومامهم مردودو ليَّ
    شيلي ليهو الشوق محبّة
    منِّي ليو كمّين تحيّة..
    أمشي ياحنيّة يمكن..
    شوقو يزداد..لو..شويّة..
                  

04-25-2008, 02:03 PM

عبدالله داش

تاريخ التسجيل: 02-17-2007
مجموع المشاركات: 1454

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    شوفى لى أسباب غيابو
    وجيبى لى عذرو وجوابو





    فى مسيرك يا الهِبيبْْ
    سلميلى على الحبيب


    وانا بين ( يمكن )
    والممكن والممكن
    طفت فى رائعة
    الخليل عليه الرحمه
                  

04-25-2008, 02:40 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: عبدالله داش)

    Quote: شوفى لى أسباب غيابو
    وجيبى لى عذرو وجوابو


    ماشفنا أعذارو فــ غيابو
    احنا عاذرنّو وحبابو


    داش نهارك سعيد
                  

04-25-2008, 04:06 PM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)


    تماضر
    إزّيّك

    كمّلتي الكلام

    حلوة حروفك
    فيهم روعة






    وفيهم لوعة

    ـــــ
    أنا في البعيد مشتاق لهمسة من الوطن يا نسمة

                  

04-27-2008, 08:54 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: لؤى)

    لؤي..وحلوة طلتك

    مودتي
                  

04-25-2008, 09:09 PM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: أمشي ياحنيّة أمشي
    أمشي لي قلبي ورفيقو
    كم بشيل من يومي دمعو
    وكم بخفّف عنّو ..ضيقو
    شوفي بعد الغيبة كيف
    سايق القسوة ف..طريقو
    امشي ياحنيّة ليهو
    طفِّي في الأشواق حريقو
    أبقى عادل في قليبك
    وأبقى أسأل مين صديقو
    ياني متأكّد..جوابك..
    ياني.. أسبابو وسريقو
    ماقصدو يتعب لي قليبك
    أو يسبِّب..ليهو....ضيقو

    أمشي ياحنية برضو
    حومي في مُرسال بريدو
    أمشي ياحنية عندو
    أمشي للزول البريدو
    يوم قفلت عليهو ..قلبك
    ساقت الأشواق ..وريدو
    كنت في دنياك لاهي
    لاهي عن أحوال نديدو
    ليه مُجافي وفي سلامو
    خوفي لو بتخاصمو..ايدو
    ده النخل قالد سماهو
    وفي السلام ..فدَّع..جريدو
    وأيه يعني لو يشتاق سلامك
    وفيها أيه لو كان تعيدو
    عارفو قلبك..مافي..منّو..
    وقلبو انت براك وحيدو
    فيها أيه لو شخص عادي
    شاف هواك أملو وجديدو
    انت بس أسأل قليبك..
    مين حبيبو..ومين هو..سيدو..
    مين بقضي الشوق في حزنو
    ويوم تطِل ..ببقالو..عيدو
    مين بشوف أفراحو..ضحكك
    لو تغيب الهم..يزيدو
    وحياة هواك تسأل هواك
    مين بسمِّي هواك..شهيدو

    أمشي ياحنية ليهو
    شيلي أفراحك..هديّة..
    لو جفاو صدّاك..تاني..
    أبقي أرمي اللوم..عليَّ
    ودِّي ليهو سلام محنّة..
    ومامهم مردودو ليَّ
    شيلي ليهو الشوق محبّة
    منِّي ليو كمّين تحيّة..
    أمشي ياحنيّة يمكن..
    شوقو يزداد..لو..شويّة..


    قولي للحنية شكراً
    القليب عارف طريقو
    والسؤال مقدور عليهو
    اصلو ريدتك من نصيبو
    في هواك دائماً معذب
    اصلو عارف مين حبيبو
    وعارف إنو بغيب وبرجع
    حافظ الشوق في وريدو
    خلي نار الشوق تأجج
    ما هي ظاهرة في لمس إيدو
    نوري الساحات محنة
    وابقي منو وابقي فيهو


    تلقي جنبك كان ضهبتي
    وتلقي في عينيك تحدي
    وتلقي في جواك ساكن
    والفرح في عيونو ببكي
    ضمدي الجرح البتاورو
    بدموعك كان قِدرتي
    خلي فرح الدنيا يبقي
    بكلمة منك وتاني تبدي
                  

04-27-2008, 09:17 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: هاشم أحمد خلف الله)

    Quote: قولي للحنية شكراً
    القليب عارف طريقو
    والسؤال مقدور عليهو
    اصلو ريدتك من نصيبو
    في هواك دائماً معذب
    اصلو عارف مين حبيبو
    وعارف إنو بغيب وبرجع
    حافظ الشوق في وريدو
    خلي نار الشوق تأجج
    ما هي ظاهرة في لمس إيدو
    نوري الساحات محنة
    وابقي منو وابقي فيهو


    القليب غلطان كمان
    براو بودِّر في طريقو
    بمشي للزول البِكون..
    قلبو في إيدين..سريقو
    فاكر الريد بي زهورو
    لي كل نسيم بطرح..رحيقو؟
    القليب بس مالكو واحد
    اسمو بطلع في شهيقو
    والمحبّة الشايلة رسمو
    زايدة في الأشواق حريقو
    لو صحيح الريد بيسمو..
    أسمى..يحفظ..لي..رفيقو..
                  

04-25-2008, 10:16 PM

Rasha Hatim
<aRasha Hatim
تاريخ التسجيل: 05-01-2006
مجموع المشاركات: 1681

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: أمشي ياحنية ليهو
    شيلي أفراحك..هديّة..
    لو جفاو صدّاك..تاني..
    أبقي أرمي اللوم..عليَّ
    ودِّي ليهو سلام محنّة..
    ومامهم مردودو ليَّ
    شيلي ليهو الشوق محبّة
    منِّي ليو كمّين تحيّة..
    أمشي ياحنيّة يمكن..
    شوقو يزداد..لو..شويّة..



    تفتكري يمكن؟؟؟؟








    انا غايتو بستنى نتيجتك وبعدين بتسلف الوصفة دي منك..
    وقالوا السعيد يشوف في اخو
                  

04-27-2008, 09:19 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Rasha Hatim)

    Quote: وقالوا السعيد يشوف في اخو


    كنا متخاصمين والأولاد زايد البتاعة الفوق دي صالحونا على بعض



    _
    الرد ده خط دفاع وكده
                  

04-25-2008, 10:40 PM

emad altaib
<aemad altaib
تاريخ التسجيل: 12-27-2007
مجموع المشاركات: 5300

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    ــــــــــــ
    راجيكي ديما يالحنية
    تزرعي في قلبي العشم
    ومن نبضه تدي حبيبو
    حسه نشوة ريدة.وهمسو
    تلقيهو ساكن في محرابو
    الحب روحو خاشع في صلاتو
    ابقي المحبة في جبينو
    سلمِ باللهفةذاتهاوانينو
    يمكن بُعدالمسافه يحننو

    اهٍ ياغربة وجعتي فؤادو
    هواهوهواياقطاري قطارو
    السكة ديماشوق واتعابو
    في لحظة وِقِفْ صنفورخيالو
    يحكي الذكري دعاش وامطارو

    إتشابت الحنية وجاتو
    بعد ماشربت الصبرذاتو
    سايقه القمره اللي قدرو
    تمشي حافية علي دربو
    وجضة ريدي حبيبك عاد وحاتو


    تماضر النجمة دي هدية ليك مني ..
                  

04-27-2008, 09:22 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: emad altaib)

    Quote: هواهوهواياقطاري قطارو


    وكت ركبتو نفس القطر بتتلاقو


    شكرا على النجمة
    لونا سمح
                  

04-26-2008, 05:49 PM

ismeil abbas
<aismeil abbas
تاريخ التسجيل: 02-17-2007
مجموع المشاركات: 10789

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: أمشي ياحنية ليهو
    شيلي أفراحك..هديّة..


    تهادو تحابو

    حتى لو بالفرح..

    وألأبتسامة صدقة..

    بداوى الجرح..

    أختنا تماضر ..
    ما طولتى الغياب..ما هى الأسباب..؟

    دا موفور مودة وحبة عتاب.

    إسماعيل محمد احمد عباس...

    (عدل بواسطة ismeil abbas on 04-26-2008, 05:50 PM)

                  

04-27-2008, 09:25 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: ismeil abbas)

    Quote: ما طولتى الغياب..ما هى الأسباب..؟

    سماعين
    سلامات وتحيّات كتيرات
    أنا موجودة وشايفاك من سويسرا لي المدام والولد اللمّاح ماشاءالله و....البلوتوث

    مودتي التي تعلم
                  

04-26-2008, 09:39 PM

Alsa7afa_30
<aAlsa7afa_30
تاريخ التسجيل: 02-06-2003
مجموع المشاركات: 6618

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                  

04-27-2008, 04:49 AM

mohmed khalail
<amohmed khalail
تاريخ التسجيل: 06-14-2007
مجموع المشاركات: 4509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Alsa7afa_30)

    Quote: أمشي ياحنية ليهو
    شيلي أفراحك..هديّة..
    لو جفاو صدّاك..تاني..
    أبقي أرمي اللوم..عليَّ
    ودِّي ليهو سلام محنّة..
    ومامهم مردودو ليَّ
    شيلي ليهو الشوق محبّة
    منِّي ليو كمّين تحيّة..
    أمشي ياحنيّة يمكن..
    شوقو يزداد..لو..شويّة..

    عودي يا حنية ليها
    للبنية الســمهرية
    وردي ليها الشوق مضاعف
    وبرضو مليارات تحية
    وقولي ليها ما نسيناك
    بس ظروفنا قست شوية
    فليه تشككي في المودة
    خلي عندك حسن نية
                  

04-27-2008, 09:43 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: mohmed khalail)

    حسام..الصحافة
    غايتو قدر ماحاولت أرد عليك تحت مداخلتك ماقدرت شكلو الأغنية فيها مشكلة..
    شكرا كتير على : فيها أيه؟؟


    Quote: عودي يا حنية ليها
    للبنية الســمهرية
    وردي ليها الشوق مضاعف
    وبرضو مليارات تحية
    وقولي ليها ما نسيناك
    بس ظروفنا قست شوية
    فليه تشككي في المودة
    خلي عندك حسن نية


    ماجاتني منّك أي تحيّة
    لاسلاماتك بتوصل
    لا الصباحات النديّة
    يمكن الحنية فاتت
    لي زول سواي ..وما إليّ؟؟
    ولو ظروفك قاسية انت
    أقسى الغياب طبعاً عليّ
    أبقى واصل وماتغيب
    ياخي واصل لو شويّة
                  

04-27-2008, 04:55 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: شيلي ليهو الشوق محبّة
    منِّي ليو كمّين تحيّة..
    أمشي ياحنيّة يمكن..
    شوقو يزداد..لو..شويّة..


    تماضر اختنا الخنساء
    صباح الخير

    كميات من الشوق والمحبه وكم تحية كده صباحيه
    وانشاءالله شوقك وشوقنا يذيد كمان وكمان


    كمين تحيه
                  

04-27-2008, 05:27 AM

ابوبكر يوسف إبراهيم

تاريخ التسجيل: 05-11-2006
مجموع المشاركات: 3337

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: ناهد بشير الطيب)

    أمشي ياحنية ليهو
    شيلي أفراحك..هديّة..
    لو جفاو صدّاك..تاني..
    أبقي أرمي اللوم..عليَّ
    ودِّي ليهو سلام محنّة..
    ومامهم مردودو ليَّ
    شيلي ليهو الشوق محبّة
    منِّي ليو كمّين تحيّة..
    أمشي ياحنيّة يمكن..
    شوقو يزداد..لو..شويّة..

    الأخت الحبيبة الرقيقة
    تماضر الخنساء

    سلام على روحك الطيبة

    يستشف أفق التلقي أن الرمز يغوص في كينونة الانوات المتحركة تحت الفضاء تخلق رؤية توحد (الانا) مع رمزها جميعا فمن المفاصل الرئيسة للسردية نتستشف أفق التلقي بأن الرمز يغوص في كينونة الانوات المتحركة تحت الفضاء إلى أكثر حركات النفس بدائية ويلامس بذلك الوتر المشترك بين المبدع والمتلقي وكأن المتلقي تشمم عبير عطر هبت به نسائم الغروب ، وقال في نفسه هذا عطر القادم من بوح المبدعة الدفيق فالكل يتحدث عنه .. أختي لك الورد عقد والياسمين سوار لك ..والشمس تاج لك وكل النجوم التي في المدار طالما كان هذا بوحك الذي يضيء عوالم الوجدان يا جنية من عبقر. مودتي

    (عدل بواسطة ابوبكر يوسف إبراهيم on 04-27-2008, 09:03 AM)

                  

04-27-2008, 09:46 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: ابوبكر يوسف إبراهيم)

    أبوبكر العريس..السمح

    شكرا للكلمات الطيبات الجايات منك


    مودتي
                  

04-27-2008, 09:45 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: ناهد بشير الطيب)

    ناهد
    ليك أحلى تحيّة
    وشوق فاضح ومامكتوم
                  

04-27-2008, 06:31 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: يمكن..


    يا ربي؟
                  

04-27-2008, 09:48 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: عمر الفاروق)

    اللابس البمبي

    Quote: يا ربي؟


    بما انو السؤال ماموجّه ليّ
    فننتظر الاجابة سوا
                  

04-27-2008, 09:29 AM

محمد عثمان

تاريخ التسجيل: 11-10-2006
مجموع المشاركات: 6534

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    شووووووف ..

    عجائب الدنيا كيف.. و كيف بقينا بنحملهاا
    بى اوامر الشوق رضينا.. و اصلو لاازم نقبلهاا
    سوقى.. يا حنية سوقى ..
    سوى ذي ما تسوى فوقى
    امشى يا سكتنا عدى
    اصلو مابى الشوق يهدى..!!!

    نحنا عشانك يا محنة .. نرضى مجبورين نطاااوعك
    و نفرش الازهار دروبك ..
    و المصير رضيااان يبايعك
    و أى سكة نواصلهاا
    لما بكرة نحصلهاا

    يلا روح يا شوقنا عدى..
    روح مكان ما تهدى .. هدى..!!!
                  

04-27-2008, 09:53 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: محمد عثمان)

    Quote: يلا روح يا شوقنا عدى..
    روح مكان ما تهدى .. هدى..!!!


    انت ماملزمني حدي
    بس
    تشيل
    فوقي
    وتودِّي

    ماكفاية الغيبة ديييك؟؟ الفيها كمّلت الخطاوي
    وللدروب الطايلة ديك أصلي عاد ماكنت ..ناااوي
    ده
    المقدّر
    مابي إيديّ
    أصلو..كان..مكتوب..عليّ..
    بمشي خلفك ياارادة
    بس..
    مكان..
    ماتودِّي...ودِّي..
                  

04-27-2008, 10:00 AM

Safia Mohamed
<aSafia Mohamed
تاريخ التسجيل: 07-21-2007
مجموع المشاركات: 2365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    استاذة تماضر ازيك
    اظني دخلت بالغلط لقيت ليك الكلام كلو كبار كبار
    بنفهموا
    ونحسوا
    لكن ما بنقدر نجاريه
    لك التحية
    وانت
    تملاينا فرحا
    شكرا ليك ولكل من زاد مساحات الفرح جوانا

    غايتو بس فريجة ساي معليش ياها قسمتنا القسمة لينا الله


    ام محمد
                  

04-27-2008, 10:26 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Safia Mohamed)

    صافية نهارك سعيد

    كان خشيتي غلط بكون ده أجمل صاح حصل لينا
    خشي ساي نحنا زيّك ماناس الكلام الكبير

    مودتي
                  

04-27-2008, 10:14 AM

Tareq Siddiq

تاريخ التسجيل: 07-17-2007
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: مين بقضي الشوق في حزنو
    ويوم تطِل ..ببقالو..عيدو
    مين بشوف أفراحو..ضحكك
    لو تغيب الهم..يزيدو
    وحياة هواك تسأل هواك
    مين بسمِّي هواك..شهيدو


    تماضر الخنساء

    السهل الممتنع جداً بل المستعصي على السهولة .. لكنه ينسكب فينا طااااااااائعاً رقراقا ...!!

    مودتي ...!!
                  

04-27-2008, 10:27 AM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Tareq Siddiq)

    طارق
    والكلمات البتمشي على النمارق


    أسعدني احساسك كل الود
                  

04-27-2008, 10:56 AM

Salah Waspa
<aSalah Waspa
تاريخ التسجيل: 11-21-2006
مجموع المشاركات: 1139

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    متاضر ( عارفها غلط وكلو منك )




    ممكن ألحن ?



    روووعة !!






    تحياتي لبنياتي السمحات ديل






    صلاح
                  

04-27-2008, 01:27 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Salah Waspa)

    صلاح انت لسه معلّق مع الميم؟؟ وزووول برييدك زيي مااافي


    انت قول ساي بدون تلحن
    الكلام برااو بجينا ملحن ومُغنّى
    شفت الحنك ده كيف؟

    Quote: تحياتي لبنياتي السمحات ديل

    ديل ولد وبنوتة وتحيّاتك وصلت
    انت برضك وصل تحياتي للبنيات الحداك


    كل الود
                  

04-27-2008, 11:06 AM

حسين محي الدين
<aحسين محي الدين
تاريخ التسجيل: 09-21-2007
مجموع المشاركات: 2852

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    مزيكا!!!!
    تماضر
    طولنا ما غنواتك الحلوة

    فشكرا جميلا
                  

04-27-2008, 01:33 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: حسين محي الدين)

    حسين شكرا على القراءة والطلّة


    كل الود
                  

04-27-2008, 01:49 PM

Salah Waspa
<aSalah Waspa
تاريخ التسجيل: 11-21-2006
مجموع المشاركات: 1139

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: ديل ولد وبنوتة وتحيّاتك وصلت


    لكن يا تماضر ماااإتلومت مع صحبي دا

    حسي أسوي شنو أوعى يكون ميني بوردابي ويقرأ كلامي

    وكان ما قراه أووووعي تبقي قوالة وتبوظي علاقتي بالزول ده .


    ربنا يحفظهم ياخ وعينا باردة
                  

04-27-2008, 02:17 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Salah Waspa)


    ده ود طاعم مابزعل
    زي أمو
                  

04-27-2008, 02:40 PM

Salah Waspa
<aSalah Waspa
تاريخ التسجيل: 11-21-2006
مجموع المشاركات: 1139

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: زي أمو



    بلاهي شوف دي !! ماصدقت


    في جاه الملوك .. يلا مضطرين نسكت بس رشوة وكده يعني

    ما ماسكه علينا زلة .. لو لخبتنا معاك حتوري صاحبي مداخلتي (ضاحك)



    في إنتظار مزيد من الإبداع keep it up





    صلاح
                  

04-27-2008, 06:47 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: Salah Waspa)

    Quote: في جاه الملوك




    ملوك الشويّة دي؟؟



    صلِّي عالنبي بس

    فرصة الواحد يقشر بي أولادو
                  

04-27-2008, 07:57 PM

mohmed khalail
<amohmed khalail
تاريخ التسجيل: 06-14-2007
مجموع المشاركات: 4509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: فرصة الواحد يقشر بي أولادو


    واللسه ما عندو يقشر بي شنو ؟؟؟؟؟
                  

04-27-2008, 09:00 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: mohmed khalail)

    Quote: واللسه ما عندو يقشر بي شنو ؟؟؟؟؟


    بي صور أولاد معارفو
    صُدق لك بواحد صورة قشرة من صور البرنس الفوق ده

    ربي يديك زيّو قول يامين!
                  

04-29-2008, 06:27 AM

Salah Waspa
<aSalah Waspa
تاريخ التسجيل: 11-21-2006
مجموع المشاركات: 1139

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يمكن.. (Re: تماضر الخنساء حمزه)

    Quote: ملوك الشويّة دي؟؟



    بالله الفردة ياخد في الشبال بجاي وأنا ماعارف ?

    من أمبارح مادخلت النت وفاتني أشوف الرطاني ده على الهواء


    تبارك الله وحصوة كبيييرة في عين الما يصلي على النبي


    قولي ليهو خالو صلاح قال ليك عندي من الخمسة بنات إتنين مقاساتهم

    بتجي عليك ولا يهمك نقي بس .
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de