|
|
 نرجسية طلاب وخريجي جامعة الخرطوم
|
وخوفاً من التعميم المخل دائما اقول (بعض)
أم الجامعات (ما قلنا حاجه)
كلية غردون الجامعية (فوق راسنا من فوق)
لها دور كبير سياسياً ومعظم خريجيها هم الان في اعلى الدرجات الوظيفية والسياسية (مقبول الكلام ده)
لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك
ده كله متفقين عليهو ومافي خلاف وممكن كمان اكون في حاجات كتيرة ناسيها...
لكن ده كله ما بيعفي من إحساس الزهو والبريق الذي لاتخطئه العين لمه تسال واحد انت قريت وين او بتقرا وين؟
ويكون رده جامعة الخرطوم!!!
اما لو اديتوا فرصة وبدأ يحكي عن البركس وسينما النيل الازرق والـ late فيومك كمل
ولو حكى ليك عن البروفيسور او البروفيسورة الانجليزية التي كانت تدرسهم فانت بلاشك قد امتعته جدا في هذه الجلسة ..
واذا دار الكلام عن الجرائد الحائطية والاركان والمظاهرات فكان الله في عونك ...
يا ايها البعض !!!
ترفقوا بنا يرحمكم الله
|
|
 
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
أخي الطاهر.. المشكلة الكبرى ليست نرجسية الخريجين، بل شيوع هذه النرجسية للتحول إلى عنصرية تجاه خريجي الجامعات الأخرى الذين توصد الأبواب في وجوههم عندما يتقدوا للالتحاق بهيئة التدريس، وكأن حواء الجامعات لم تحبل إلا مرة واحدة لتنجب جامعة الخرطوم وتحولت بعدا إلى عقيم! والنتيجة: أن الجامعة أصبحت تدور في فلك ذاتها وتنتج المعرفة نفسها دون أن تستفيد من تجارب الآخرين ودون أن تتيح للطلاب فرصة الاستفادة من تجارب وعقليات مغايرة... أتت جامعة الجزيرة لتفوز عليها بالضربة القاضية في العديد من المجالات.. وهاهي جامعة السودان تجعلها تردد بكيفية يائسة: "كان أبي.. كان أبي"
واقع جامعة الخرطوم يذكرني بواقع كرة القدم السودانية ضمن محيطها الإفريقي.. عندما كان الأفارقة يغطون في نوم عميق انتصرت الكرة السودانية إفريقيا وعربيا.. وعندما أفاقوا تراجعت الكرة السودانية لتجلس على الكراسي الغانية!
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
أخي الطاهر ..
الليلة مالك قبلت علينا كده ؟؟؟!
يسسسسسسسسسسسسسسسسسسم الله ...!!
لكن كلامك في محله ...
بس ألا يكفي كل ما ذكرته عن جامعة الخرطوم ( الجميلة ومستحيلةحتى وقت قريب ) من أن يرمي بظلاله على خريجها والدارس بها ؟؟!
يعني بعد كل ما جادت به ذاكرتك عنها ... ماذا تتوقع مننا ؟؟؟
يعني أنا معاك في بعض خريجيها مزودنها شوية ..
لكن ، لو راجعت (العينة ) الكانت بتدخل جامعة الخرطوم لوجدت أنها ( أصلاً ) مختلفة قليلاً ...
أرجو أن تضم هذه مع الثوابت والمعطيات التي إستهللت بها البوست ...
بس طبعاً الحال إنقلب مع غيره من أحوال كافة مناحي الحياة بالسودان ...
ويا حليلكم يا الطاهر ويا حليل صاحبك أبو صلعة المغطيها بالطاقية ؟؟!!
و (قسماً بالله ) زولك ده فاتنا بي هناك ...!!
والله ده لو كان خريج الخرطوم إلا نشوف لينا بلد ..!.!.!.!
تحياتنا للعيال
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: عثمان دغيس)
|
الدغيس
و (قسماً بالله ) مشتاقين
| Quote: لكن كلامك في محله ... |
بالله قول للناس ديل وانا قاصد فئة معينة عندهم فهم انو جامعة الخرطوم وخلاص الباقي ديل ما فاهمين اي حاجه...
لا ياخي الكلام ده ما كده وياما طلعوا ناس من جامعة الخرطوم مافاهمين التكتحهم ويجي واحد يقول انو خريجي الجامعات التانية الواحد بيكون حاضر 3 محاضرات وبينجح وياخد شهادة...
لك التحايا والود وتحياتي لعلوب وخلي يورينا رايه شنو في الكلام ده
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: محمد الأمين موسى)
|
الاستاذ محمد الامين
والمتداخلون الرائعون (خريجي جامعة الخرطوم)
صباح الخير لكم جميعاً بتوقيت السعودية
وساعود للرد عليكم جميعاً
كويس انو انا لسه عندي باسورد للرد - قالوا الايام دي بكري مركب وش أسد واقل حركة كده كده وتاح تراح
اخي محمد الامين من الذين عايشوا هذا الاحساس والذي قد لايلحظه المعنيون بالامر
كما قال معظم المتداخلون ادناه بان الجميع يحق لهم الفخر والزهو بجامعاتهم
اوكي ما قلنا حاجه لكن ادونا فرصة علي الاقل نفاخر معاكم
وقللوا شوية بس مراعاة لمشاعرنا بهذا الفخر والزهو
وبعدين وتحديدا بتكلم عن ايام دراستنا كل الاساتذة الكانوا بيدرسوا في جامعة الخرطوم هم نفسهم من يدرس في الجامعات الاخرى وازيد بان بعض المحاضرات مثلا كانت تدرس جماعية لكليات اخرى
يعني مافي فرق بين الاستاذ الجامعي الذي يدرس في جامعة الخرطوم والجامعات الاخرى
بعدين وسائل وطرق المعرفة نفسها اتغيرت
فمن غير المعقول ان تركنوا لذلك الماضي التليد وخلاص
فلك التحية اخي محمد الامين علي التاكيد علي هذا الاحساس واختم باقتباس جميل من مداخلتك القيمة:
| Quote: واقع جامعة الخرطوم يذكرني بواقع كرة القدم السودانية ضمن محيطها الإفريقي.. عندما كان الأفارقة يغطون في نوم عميق انتصرت الكرة السودانية إفريقيا وعربيا.. وعندما أفاقوا تراجعت الكرة السودانية لتجلس على الكراسي الجانبية! |
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
أفاخر وأباهي بأنني أحد خريجيها .
جامعة السودان الاولى التي بها القلوب متيمة وحلم كل طالب سوداني .
عندما كنت أطلب من سائق الحافلة أن يوقفها عند مدخل الجامعة كنت أشعر بزهو وفخر ويا أرض إنهدي ماعليك قدي .
يحق لخريجيها أن يرمقوا خريجي غيرها من علِ
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: ALazhary2)
|
وما العيب فى الفخر بجامعة الخرطوم من خريجيها
لعلمك هذا الفخر من قبل الطلاب بجامعاتهم موجود فى كل الدنيا
1 - خريج هارفارد يفتخر بجامعته من دون الجامعات الامريكيه الاخرى ويتحدث عنها بزهو
2 - حتى فى مصر خريج جامعة القاهره الام يفخر بجامعته من دون الجامعات الاخرى
واستطيع ان اعدد لك ايضا جامعات فى بلدان كثر يتفاخر بها طلابها مع الجامعات الاخرى التى فى بلدانهم
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: wadalzain)
|
Quote: لكن ده كله ما بيعفي من إحساس الزهو والبريق الذي لاتخطئه العين لمه تسال واحد انت قريت وين او بتقرا وين؟
ويكون رده جامعة الخرطوم!!! |
اه منك يا ظالم...
وكما قال ود الزين
من حق اي انسان ان يفخر بجامعته
ويبدو ان الاخ عاوز الناس بدون زهو او بريق(عاوزهم سليقة كده لييييه يارجل؟؟)
شي تاني
كلامك الفوق ده ونسة
ولا دراسة ولا سنو ولاحابي غلغلة واذية ناس لا جدعوك ولا جابو طوب..!!!
هذه الجامعة اجمل ما قيل في خريجيها
هو التواضع
واقولها لك صادقا وعن قناعة وتجربة
التواضع هو العامل المشترك بين خريجي تلكم الجامعة
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: فتحي البحيري)
|
البحيري تحياتي
اها بس انا قاصد القليل ده
| Quote: ودا النوع البكون خشاها بالغلط !! |
يعني في ناس بخشوها بالغلط طيب وصلنا لنتيجة من النتائج المطلوبة
نشوف تاني الناس البيطلعوا زي ما خشوا وفاكنها ديلك
لك عاطر التحايا
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: عبدالكريم الامين احمد)
|
عبد الكريم تحياتي
Quote: ويبدو ان الاخ عاوز الناس بدون زهو او بريق(عاوزهم سليقة كده لييييه يارجل؟؟)
|
يعني الزول لو بقى بدون زهو وبريق طوالي يبقى سليقة
Quote: كلامك الفوق ده ونسة
ولا دراسة ولا سنو ولاحابي غلغلة واذية ناس لا جدعوك ولا جابو طوب..!!!
|
ونسة سااااي وتجارب شخصية
Quote: هذه الجامعة اجمل ما قيل في خريجيها
هو التواضع
واقولها لك صادقا وعن قناعة وتجربة
التواضع هو العامل المشترك بين خريجي تلكم الجامعة |
بتتكلم عن ياتو جامعة انته !!
لك الود والتقدير
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: wadalzain)
|
ود الزين لك الود والتقدير
ليس هناك اي عيب في ذلك ...
ولكن برضو بحدود وله شنو رايك
يعني الفخر لايصل لدرجة انك تسقط البقية
ولايصل انك تتصدر اي مجلس للحديث عن جامعة الخرطوم
ولايصل للكبر
وما سبق ليس بالطبع كل من تخرج من جامعة الخرطوم ولكنه كما قلنا (البعض)
واحاول توصيل رسالة لهؤلاء (البعض)
ولك كل الاحترام والتقدير
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: ALazhary2)
|
الازهري تحياتي وتقديري
| Quote: يحق لخريجيها أن يرمقوا خريجي غيرها من علِ |
ده كلام ده يا الازهري !!!
ليه من عل ياخي --- قول غير كده
| Quote: كنت أشعر بزهو وفخر ويا أرض إنهدي ماعليك قدي |
اها ده واحد من اسباب كتابة البوست ده
يازول خفف الوط شوية
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
الأخ الطاهر
زي ما بقولوا (كل فتاة بأبيها معجبة). لا أرى أي غضاضة في أن يفخر خريج جامعة الخرطوم بها ما لم يتعد ذلك إلى الحط و التقليل من شأن غيرها. أي إنسان في الدنيا يحب الحديث عن ما يحب. إذا حدثتني عن جامعة الخرطوم ستطرب فؤادي بلا شك و يا حبذا لو كان الحديث عن الهندسة. و بنفس القدر أحب الحديث عن روضتي و عن مدارسي التي درست فيها و عن حلتي... ما العيب في ذلك؟ ياخي إحساس الزهو و البريق الذي لا تخطؤه العين ديل الغلط فيهم شنو؟ مع خالص التحايا.
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: Elawad)
|
الاخ العوض لك خالص التحايا
| Quote: لا أرى أي غضاضة في أن يفخر خريج جامعة الخرطوم بها ما لم يتعد ذلك إلى الحط و التقليل من شأن غيرها |
انت قلت اجمل عبارة في البوست ده
وهذا هو المقصود
لك الود
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: سوسن عبد الله)
|
سوسن لك الود
اعتقد ممكن تتفقي معاي في انو ليس هناك استحالة حالياً
بالمعنى القديم الذي اطلقت عليه التسمية
وليس هناك اي اعتراض علي الزهو والافتخار
ولكن:
في حدود إحترام باقي الكليات والجامعات وخريجيها
وليس كما قيل في عبارات كثيرة يمكنك الرجوع اليها في هذا البوست فقط
فما بالك بالذي لم يقال
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: حمد فتح الرحمن)
|
العزيز الطاهر سلامات
ياخي ذكريات جامعة الخرطوم
لايمكن ان ينساها او يتناساها خريجوها طالما احدهم
على وجه هذه البسيطة جمعتنا بشباب وشابات من مختلف
اصقاع السودان دون ان يحس احدهم باي فوارق.
يا سلام ياخي ذكرتنا البركس والله ايام يا زمان.
حكاية غطرسة ونرجسية دي الا عند قلة وافتكر حالات شاذة
تحياتي
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: smart_ana2001)
|
سمارت انتي
| Quote: الدكاتره ديل فعلا نرجسيين و براين |
وشهد شاهد من اهلها
| Quote: لو كان عندك اصحاب فى هندسه كنت ح تقول ان ناس جامعه الخرطوم ديل اجدع ناس |
جزء من ناس هندسة ما بيقصروا برضوا بتاخد نصيبك...
مداخلة طريفة ولك كل الود والتقدير
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: محمد الطيب يوسف)
|
ذي ما قالو ليك الصفوة .. هي الجميلة ومستحيلة
وكلنا فخر وزهو بأننا من طلابها ..
بالله إنت لما امتحنت الشهادة ما كانت أمنيتك الأولى إنك تدخلها ؟ بصراحة كدة ؟
| Quote: لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك |
شايفك اتجاهلت أهم ركن من الجامعة .. الركن الغربي .. (نحن غرب السنتر .. أخلاقنا حلوة وسكر ..) عرفتها أكيد
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: محمد الطيب يوسف)
|
لا عزيزي
طلاب هذه الجامعة
كانوا وما زالوا
قمة في الوطنية والايثار والتواضع
إلا قلة لا تحسب عليهم
اذهب إلي اي مكان في العالم
ستجد خريجيها
مميزين في كل شي
لانها غير الجانب الاكاديمي
كان متوفر فيها السياسة والثقافة
والحياة الاجتماعية التي انصهر
فيها جميع ابناء السودان
شرقه وغربه وجنوبه وشماله
فكان الطالب غير تميزه الاكاديمي
يمتاز بصفات رائعة
اكتسبها داخل الجامعة
نواصل ....
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: osama idris)
|
الاخ اسامة تحياتي
السياسة والثقافة والنواحي الاجتماعية (الجانب غير الاكاديمي)
متوفرة في كل الجامعات الاخرى ولسنا هنا بالتشكيك في وطنيتهم
ولكن نتحدث عن البعض منهم مزود الحكاية حبتين وبينظر لخريجي الجامعات التانية نظرة دونية وتقليل من شانهم الاكاديمي ومن نواحي اخرى...
بس
لك التحايا والتقدير
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: محمد الطيب يوسف)
|
الجميلة ومستحيلة
عايز تقارنا لي بجامعات أخرى تمنحك الدرجة العلمية وأنت لم تحضر ثلاث محاضرات طوال العام ولا تعرف درب المكتبة بي وين . دا لو كان في مكتبة طبعاً.
ويكفيها فخرا أن منتسبي بعض الجامعات الأخري كانوا يأتون للتجول في حرمها تبركاً بهاويخلطون جكسها باعتبار أنهم من كليات الأطراف.
ويكفيها فخراً أن داخلياتها كان معظم سكانها من منتسبي الجامعات الأخرى، يتعمون بالنوم (ملح) في غرفها ويستمتعون بطيبات سفرتها ويشربون الحليب ويأكلون الكاستر بعد الوجبات.
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: shammashi)
|
shammashi
لك التحايا والود
معقولة بس ده كلام يتقال في حق جامعات تانية خرجت افذاذ
| Quote: عايز تقارنا لي بجامعات أخرى تمنحك الدرجة العلمية وأنت لم تحضر ثلاث محاضرات طوال العام ولا تعرف درب المكتبة بي وين . دا لو كان في مكتبة طبعاً |
اها يا اخوانا شوفو النرجسية زاتها هنا في البوست ده ولسه ما مشينا بعيد
| |
|
|
|
|
|
|
|
|
 Re: نرجسية طلاب وخريجي جامعة الخرطوم (Re: الطاهر عثمان)
|
أخوي الطاهر عثمان ...
ما عارف ليه جنيت شديد على نااس جامعة الخرطوم كدا...
تصدق انت واضح وصريح جداا ..
انا بعرف نااس كتيرر بيكرهو جامعة الخرطوم وبالتالي ينعكس ذلك بان ينفرو من خريجي الخرطوم ..
وانا مدرك تماما ان الجامعات الاخرى فيها كتيرر من التميز والمتميزين..
لكن تبقى جامعة الخرطوم هي طموح كل ممتحن شهادة سودانية...
طموح كل اب لابنه...
طموح كل ام لولدها ...
بصراحة انا بفتخر جداا بجامعة الخرطوم وبفتخر اني خريج اسكول وبقولها بمليء فمي ...
بس ابدا لو جاني اي خريج من اي جامعة ...سوداني او غيره ما بقدم عليه خريج الخرطوم الا حسب الخبرة وامكانياته ...
صدقني الواحد بيكون امين جدا في مقابلات التعيين ..
والله العظيم انا بحاول اجد فرص لخريجي الكمبيوتر من مختلف الجامعات السودانية في اماكن العمل بالامارات...
وبتيح ليهم فرصة التنافس والامتحان وعندي امثلة لكتيرر من الزملاء الاستفدنا منهم جداا من علمهم وهم خريجي جامعات تانية...
عندنا نابغة اسمه مجتبى مبروك خريج الجامعة الاهلية قمة في الكمبيوتر ...والان مقيم بامريكا ..
لكن دا مابيمنع اني اميل لجامعتي وافتخر بها ..
كما افتخر اني درست ابوكدوك المتوسطة المتميزة وبالمجموع ..
ودرست بمجموع تفوقي المؤتمر الثانوية ..
وهيييييع درست جامعة الخرطوم (الجميلة و....) )..(
تحياتي ..
لكن ممكن تسأل الناس ليه بتكرهنا ونحن بنحبهم ..
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: Mohammed Ibrahim Othman)
|
الاخ محمد ابراهيم عثمان
مافي زول والله بكرهكم وانا القدامك معظم اصحابي شديد من جامعة الخرطوم
ومنهم عثمان الدغيس وتداخل معنا في هذا البوست
لكن تظل داخل معظمكم النتيجة بانه خريج جامعة الخرطوم لايعلى عليه
مع انه مثلا كمثال وليس للحصر
قانون الفرع متميز جدا
محاسبين الفرع لايعلى عليهم
طب الجزيرة واعلام الاسلامية
وغيرها من الكليات والجامعات الاخرى
لك التحايا والتقدير
| |
|
|
|
|
|
|
|
|
 Re: نرجسية طلاب وخريجي جامعة الخرطوم (Re: الطاهر عثمان)
|
Quote: أم الجامعات (ما قلنا حاجه)
كلية غردون الجامعية (فوق راسنا من فوق)
لها دور كبير سياسياً ومعظم خريجيها هم الان في اعلى الدرجات الوظيفية والسياسية (مقبول الكلام ده)
لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك |
بعد الكلام القلتو إنتَ زاااااااااااتك..بعضمة كي بوردك..
و ما دايرنا نتنرجس..؟؟!!!
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
يا الطاهر عندي واحد صحبي .. بعد ما اتخرج من جامعة الخرطوم
يوم ركب تاكسي من السوق العربي ...
بتاع التاكسي قال ليهو وين ؟
صاحبي قال ليهو شارع الجامعة ؟
بتاع التاكسي قال لسهو ياتو جامعة ؟
صاحبي قال ليهو هو في كم جامعة مسمين الشارع بإسمها ؟
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: محمد عبدالرحمن)
|
الاخ الطاهر.. سلامات
لا اعتقد انها نرجسية ولكنه حب عميق لمكان لن ينساه
كل من يمر به بكل تفاصيله واضاءاتها التي تبقي ما بقي العمر
وفي هذا الحب والتعبير عنه قد يختلف الناس ..
غايتو متاكدة الناس الانت قاصدهم ديل ما ناس اداب
اميرة
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: اميرة الحبر ادريس)
|
الاخت اميرة الحبر
ياسلام علي ناس آداب - طبعا بيقعدوا في كافتيريا قانون اكتر حاجه
عندي مجموعة كبيرة من اعز اصدقائي منهم وتحديدا الدفعة التي تخرجت في 95 و 96
والله يا اميرة انا اصلا ما مختلف مع كل المتداخلين في احترامي للذكريات الخاصة بالمكان وفي خصوصيته وفي حق اي شخص ان يعتز بهذه الذكريات .. لكن لو رجعتي لبعض المداخلات بس الموجودة هنا حتعرفي انا قاصد شنو وقاصد ياتو ناس من الكوكبة الكبيرة ..
لك التحايا والتقدير
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: محمد عبدالرحمن)
|
غباشي تحياتي للعودة مرة اخرى
قلته لي شارع جامعة الخرطوم اسمه صاح ؟
وائل طه محي الدين تحياتي وتقديري
الاخ محمد عبد الرحمن
اجمل ايام العمر كانت هناك
دي عبارة عن ذكريات خاصة بيك وبمجموعة
وممكن انا تكون اجمل ايام عمري دراستي في كلية تانية او جامعة تانية
والاتنين متفقين
اما (الماقرا هناك فاتوا الكتير) فدي اعتقد كتيرة شوية وما متفقين فيها
وبدون زعل برضو زي ما قلنا لوائل
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
الحبيب الطاهر
كل ما ذكرته أعلاه صحيح , ولكن ده براهو ما السبب .
لعلها الجامعة المدلل طلابها بأمر الدولة منذ القدم
داخليات مجهبزة نوعيةأكل لا يجده أكثر طلابها في بيوتهم , كلينيك خااااص
رعاية وعناية لعدد قليل من الطلاب هم طلابها يجعلهم يشعرون بالفعل أنهم ( نخبة ) .
أما الآن وقد أصبح عدد طلاب السيكشن الواحد في كلية الطب 115 طالب بعد أن كانوا بالكاد بعض وثلاثين .
يتبين لك أن المسعلة زادوها جردل موية , والدلع رااااااح , ولكن البعض ما زال يعيش على أطلال الماضي .
وأما أنفة خريجيها غير المبررة فواضح وضوح الشمس , بس أطلع فوق راجع بعض المداخلات ناس أزهري اتنين وانت ماش .
مخارجة من بوست الشكل ده :
لي خال بروف يدرس بجامعة الخرطوم منذ أكثر من ربع قرن كان يفتخر ويذهو بذلك
أما الآن فانه يفخر بأنه يتعاون مع جامعة الأحفاد وجامعة مامون جميده .
......
لو واصلت في زي كتاباتك دي يوم من الايام بتجيني وتقول لي اتوسط لي عند بكري يرجع لي الباسويرد
كل الود ولو لقيت طريقة أمرق علينا
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: البشير دفع الله)
|
الأخ بشير دفع الله :
| Quote: وأما أنفة خريجيها غير المبررة فواضح وضوح الشمس , بس أطلع فوق راجع بعض المداخلات ناس أزهري اتنين وانت ماش . |
والله أعتقد طالما الأنفة دي إجتمعت في كل طلابها وخريجيها فهي أكيد منطقية ومبررة ..
يمكن الما سمحت ليه ظروفه بدخول جامعة الخرطوم بيشوفها غير مبررة .... والشاف ما ذي السمع
بعدين .. ومع إحترامنا وتقديرنا لكل جامعات بلادي وغيرها ، فخر طلاب جامعة الخرطوم قبل ما يكون نابع منهم ، بتشوفو في عيون الآخرين .. لما واحد يسألك بتدرس وين؟ وتقول ليه في جامعة الخرطوم ..
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: ابراهيم محمد الحسن)
|
Quote: Quote: أم الجامعات (ما قلنا حاجه)
كلية غردون الجامعية (فوق راسنا من فوق)
لها دور كبير سياسياً ومعظم خريجيها هم الان في اعلى الدرجات الوظيفية والسياسية (مقبول الكلام ده)
لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك
بعد الكلام القلتو إنتَ زاااااااااااتك..بعضمة كي بوردك..
و ما دايرنا نتنرجس..؟؟!! |
Quote: والله أعتقد طالما الأنفة دي إجتمعت في كل طلابها وخريجيها فهي أكيد منطقية ومبررة ..
يمكن الما سمحت ليه ظروفه بدخول جامعة الخرطوم بيشوفها غير مبررة .... والشاف ما ذي السمع
بعدين .. ومع إحترامنا وتقديرنا لكل جامعات بلادي وغيرها ، فخر طلاب جامعة الخرطوم قبل ما يكون نابع منهم ، بتشوفو في عيون الآخرين .. لما واحد يسألك بتدرس وين؟ وتقول ليه في جامعة الخرطوم .. |
الحمد لله الذي جعلني من خريجاتها..
بس يا اخوانا البوست دا شايت وين؟؟ 
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: حليمة محمد عبد الرحمن)
|
| Quote: بس يا اخوانا البوست دا شايت وين؟؟ |
البوست دا مناسبة جميلة يا حليمة وجدها أبناء هذه الأم الرؤوم ليردوا لها بعض جمائلها
فمحبة جامعة الخرطوم مترسخة في وجدان ( أبنائها ) ولا أقول خريجيها كمحبة الإبن لوالدته
لذلك نقولها ثلاثاً
أصاب من قال بتواضع أبناء هذه الجامعة فـ ( معظم ) من عرفت داخل وخارج السودان من أبنائها يزين طبعهم مع غزير علمهم تواضع يندر أن تجد لن مثيل .
شكراً الطاهر فالقلب ما انفك يخفق كلما رأى إسمها أو سمع عنها
فهذا البوست في نهاياته إحتفائية مستحقة
وفرح وفخر أبناء بأمهم
وحق لهم
__________________
الطاهر
لو جاز لك أن تصدق أن أحدهم قد إلتحق بجامعة الخرطوم ( بالصدفة )
فأرجوك لا تصدق أنه قد إستطاع أن يستمر فيها ويتخرج ( بالصدفة )
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: عبدالكريم الامين احمد)
|
عارف يا كيكي
انا خمسة سنوات في الجامعة دي بآكل special Meal لأنو كان عندي القولون وكنت باسكن بحري. يعني في الويك إند باتغدى حتى أمشي بيتنا وأجي راجع للعشاء وتاني أقطع الكبري كداري أرجع بحري 
عندي واحد صاحبي كان مضايقني ضيق شديد في ال special وكان متيم بواحدة قريبتو في معهد الدراسات الإضافية وهي مجسكة ليها معيد وهو ما عارفأ.
يوم جايين طالعين بشارع النشاط شفناها قاعدة في بيت القزاز. قمت قلت ليهو يا عز الدين ناس فلانة قالن البت دي مكسرة فيك وبس راجية منك كلمة والموضوع حيظبط. فياخي أمشي خش في الموضوع طوالي قبل البنية ما تذهج وتطير منك.
قام طوالي لف على بيت القزاز ومشى ليها.
أنا مشيت ضربت ليك الاسبيشال ومشيت اتغتيت ورقدت في داخلية الرهد.
البنية ظبطت ليك أخونا شاكوش تمام وقالت ليهو أنا والله مرتبطة.
صاحبي جاء السفرة ما لقى غير باقي طبيخ. قام ملا ليهو صحن وجاء لقاني متغتي راقد في الغرفة.
قال لي قوم يا خ...
فتحت وشي كشحني بالطبيخ في وشي وقال لي شاكوش وعدم special يا تافه؟؟؟
الجامعة كانت حلوة بالعلاقات الإنسانية الفيها والأنشطة الثقافية .
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: shammashi)
|
| Quote: فتحت وشي كشحني بالطبيخ في وشي وقال لي شاكوش وعدم special يا تافه؟؟؟ |
خيانات تقيلة ياشماسي
والمعيد ما ليهو حق يخرب علي صاحبنا
طبعا زي صحبك ده بدون عرفة ومن اول ربع ساعة الواحد بتعاطف معاهو بالذات في قصة العميد الخارطو ده.
ولو في طريقة تبوط للمعيد ده كورتو برضو ما بنقصر فيها
معيدين اخر زمن يقلقوك ويحموك الترس في التيوتريال وكمان يخرتونا في الجكس
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: عبدالكريم الامين احمد)
|
Quote: اعتقد بان اجمل ايام طالب الجامعة هي التي يقضيها في الاجازة
يساكك الكورسات الصيفية
يقيم الاسابيع الثقافية
يساهم في علاج الاخريين
يشتغل طلبة عشان يبني مدرسة ويبني جامع يبني قطية لزول فقير
الجامعة يا الطاهر يا اخوي بتعلم حب الناس والاهتمام بكل المجتمع الحولك.... |
عبد الكريم الكلام ده طبعا مافيه خلاف وكلام عام ينطبق علي كل الجامعات الاخرى وفيه نشاط ثقافي واجتماعي وخدمة مجتمع وقوافل وكل حاجه ... مافي جديد في الكلام ده
باقي المداخلة عبارة عن ذكريات جميلة عايشتموها وعايشنا مثلها ايضا في جامعات اخرى
Quote: وياحليل اعمامك الحرس
والكبابست
وعمال الصفر
والطباخين
والغسالين والفراشين
وياحليل عمر اومو وميرغني وبابكر وكل الناس الكانت عايشة بود وتسامح
ويااخي ياحليل جكس الجامعة النضيف الفاااااهم داك
|
لك التحايا
قلته لي عايز تنرجسها
ياخي خلاص كفاية فك لينا ثلاثاشرك
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: البشير دفع الله)
|
الحبيب البشير دفع الله
اها الحمد لله جاء زول شوية ياكد كلامي ده او يدعمه
وانا متاكد انو ما قصدته مفهوم وواضح لجميع من تداخل ولكن
تاني يجيبوا لي سيرة الذكريات الجميلة القضوها هناك وما مختلفين معاهم في دي ابدا
ولو عملنا تلخيص للبوست ده حتلقى في عدد مقدر منهم اعترف بوجود هذا الاحساس
وفي واحد وله اتنين اكدوا الاحساس ده رسمي واعلنوها صريحة
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: الطاهر عثمان)
|
انا ما اتخرجت منها.. وزرتها مرات قليلة.. لكن زوجي درس فيها.. ووالدتي اتخرجت منها.. ووالدي درس، ودرّس فيها... ولم ار منهم سوى التواضع الجم تجاه انفسهم، والفخر العميق بالجامعة..
وحاة الله لما اشوف الصورة بتاعت المكتبة ديك، قلبي برف...
بختكم
بنت الحسين
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: ابراهيم محمد الحسن)
|
هلا ابراهيم محمد الحسن
وكويس انك مرابط بجاااي كهندسي عريق
والناس ديل احنا فكينا ليهم القيد بطيبة وتواضع ونكران ذات
ولكن لمن القصة تجيب ليها انطباعية هشة والتجني علي عالم كامل وترصد
هنا بقي جنون ما وراء الميدان الغربي بتركبنا والمكشن بلا بصل بظهر...
اسوء شي انو الانسان يبني ارائه مهما كانت قيمتها علي انطباعية ويعممها علي الجميع بدون
تقدير وبدم بارد...
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: عبدالكريم الامين احمد)
|
عبد الكريم
الله لا جاب المكشن بلا بصل ياصديق
والمسالة ليست تعميم كما قلت في اول البوست
هي عبارة عن تجارب كثيرة مرت بي وعكستها لكم
وقد اكون مخطي وتستطيعون إقناعي
وقد استطيع ان اعكس لكم جانب لا تعرفونه ولم يقله لكم أحد من قبل
Quote: ويعممها علي الجميع بدون
تقدير وبدم بارد... |
ارجع بس كده لمداخلاتي جميعا ووريني تعميم واحد اصدرته
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: ابراهيم محمد الحسن)
|
بتتذكروا يا جماعة سنة 88 لما الطلاب اتبرعوا بوجبة فاطورهم لمدة اسبوع
لاخوانهم في المويلح ومرزوق والشيخ ابو زيد...وكانوا بمشوا بنفسهم
يوزوعها عليهم ويجوا راجعين من غير ما يفكر الواحد ياخد قرمة وااااااااااحدة
من سندوتش؟
وبتتذكروا في نفس السنة لما كانت توتي مهددة بالغرق لما مشينا اشتغلنا
يوم كامل ردم.. شكلنا صفا طويلا اوله عند كوم تراب الردمية الضخمة واخره..
كان بعدد طلاب الجامعة..تقريبا..كنا كلنا بنات واولاد نعمل
ما زلت اذكر كيف كانت بصات كوسو تقوم بترحيل الطلبة الى توتي...
وظللنا نعمل حتى المساء.. حينها لم يكن هناك رغيف كافي...
فشمرت نساء توتي عن سواعد الجد وعاسن الفطير.. وظبطنو بالفول..
كانت احلى وجبة اكلتها في حياتي..
في الوقت الذي غاب فيه المسئول تماما..
بتتذكروا كمان لما سلوكنا دا شجع ناس اللاماب، فجاءوا ذات مساء يستنجدون بنا...
وسمح لبصات كوسو بدخول داخليات الطالبات والمناداة عليهن بالميكرفون للخروج
لنجدة اهلهن..
وظللنا نعمل في الظلام.. هذه المرة لم يكن هناك تراب كافي لعمل الردميات..
مسكت اخوات عزة الكواريك والعزم وظللن يحفرن في بعض الحيشان لاستخراج ترابها
طيلة ذلك المساء وكان الماء قد وصل لبعضهن..
مازلت اذكر زميلي من الاتجاه الاسلامي انذاك والذي كان ينظر الى ركوب البنات ببعض السخرية
وكيف ان سخريته تحولت لاحترام عميق حين عودتنا..
المذكر الكلام دا يبقي دفعتي...يجي بجاي..D
تلك هي شذرات من بعض المشاهد التي تحكي روعة طلاب جامعة الخرطوم...
وتلك هي الجامعة التي افخر كثيرا باننا جلست في الـ102 في يوم من الايام وتتلمذت
على ايدي رجال ونساء خطوا اسمائهم باحرف من نور في خارطة الوطن الثقافية...
وتظل الخرطوم هي الخرطوم.. والجامعة هي الجامعة .. مهما تحولت كثير من الداخليات
الى جامعات..
ويظل الامل يحدو كل طلاب السودان بالدخول الى جامعة الخرطوم ,ونيل شرف الانتماء اليها..
ببساطة يا اخوانا وروني واحد او واحدة قبلوها في الخرطوم وقال/ت ما عايزها/عايزاها..وقدم/ت استقالتها
منها لاحدى جامعات الداخل؟؟؟:
بت الحسين ما قلتي الا الحق..
للجامعة سحر خاص،
لا يتذوقه الا اولئك الذين صالوا وجالوا بين عرصاتها..
| |
|
|
|
|
|
|
|
|
|
Re: نرجسية طلاب وخريجي جامعة الخرطوم (Re: حليمة محمد عبد الرحمن)
|
| Quote: المذكر الكلام دا يبقي دفعتي...يجي بجاي.. |
متذكرين بالحيل ياحليمة
وسنة السيول والامطار ايضا تبرع كل طلاب الجامعة وبكل حب بوجباتهم الي المواطينين في اطراف الخرطوم
وعمل الكثيرين كمتطوعين في توزيع الاغاثات
هذا قليل وكان هو واقل واجب ممكن ان يقدمه ذلك الطالب النحيف (كما وصفهم الطيب صالح ذات يوم)
انتي يا حليمة دفعة المرحوم الخواض
اذن انتي خريجة 88
الدفعة القدامنا بسنتين
البوست ده صدمني بالجد لاني عارف وكنت شايف حجم الانتماء بتاع معظم الناس او كل الناس الانا بعرفهم
للشعب ده وتواضعهم الجم...
وممكن يكون في زول (اود) وتكبر باسم الجامعة علي اخريين
ولكن حتما ليس هي الاغلبية كذلك...
| |
|
|
|
|
|
|
| |
الطاهر عثمان
محمد الأمين موسى
فتحي البحيري
ALazhary2
wadalzain
Mohammed Ahmed Saeed
عبدالكريم الامين احمد
محمد البشرى الخضر
Elawad
غباشي
MOHAMMED ELSHEIKH
حمد فتح الرحمن
smart_ana2001
ابراهيم محمد الحسن
osama idris
Siham Elmugammar
Mohammed Ibrahim Othman
حسن طه محمد
mamkouna
Waeil Elsayid Awad
وائل طه محى الدين
محمد عبدالرحمن
اميرة الحبر ادريس
البشير دفع الله
حليمة محمد عبد الرحمن
عاطف عمر
مريم بنت الحسين
Kabar
wesamm
elsawi
فيس بوك
تويتر
انستقرام
يوتيوب
بنتيريست