|
بورداب الرياض والدمام : كانت ليلة بطعم ( الوجد ) بمشاركتم .. ( كمية صور ) ..!!
|
بالأمس احتفلت وأسرتي ونفر من الأصدقاء بـــ ( سماية ) طفلتنا الجديدة .... تضافرت العديد من العوامل لجعل تلك الليلة من أجمل ما يكون .... الأجواء الربيعية المميزة التي تشهدها المدينة هذه الأيام ... التفاف الأحباب والجيران والاصدقاء حولنا للاحتفال بالمناسبة ... اكتمال روعة الاحتفال بمشاركة رهط جميل من بورداب الدمام والرياض ... مشاركة أحالت ( طعم ) المناسبة إلى مزيج مغاير بنكهة مختلفة ... ( تسامرنا ) و ( اكلنا ) و ( رقصنا ) كما جاء في ( كتالوج ) المنبر ... تعالت روح المودة والأخوة الصادقة التي لا يطالها الزيف ... ومحبة تجلت في الحركة والسكون على حد سواء ... صدح الأنيق سيف نورين بأعذب الألحان بمشاركة - تدل على التمكن - .. من العازف الرائع بابكر والزميل النبيل لؤي شمت ... صلاح ( قلاووظ ) اظهر دقة واحتراف في ضبط الــ ( ساوند سيستم ) ... ساهم قرشي بإضافة لونيته الخاصة بمشاركة لاقت الاستحسان ... الزميل صداح عبيد كان مسك الختام بأدائه الهادي الفريد ... امتناني وشكري اللا متناهي لكل هؤلاء الرائعين... فقد احِلتم الليلة الى ( حُلة ) من النضارة والبهاء ... دامت افراحكم
|
|
|
|
|
|
|
|
Re: بورداب الرياض والدمام : كانت ليلة بطعم ( الوجد ) بمشاركتم .. ( كمية صور ) ..!! (Re: awad okasha)
|
صديق الموج .. اليوم ده فاتك عدييييل ... مدورين ( ويست ) من صباح الرحمن ... وتجمع بتاع ناس حلوة ونضيفة وغُنا سمح ... والكبسات وصواني الباسطة والفواكة والمشروبات ... يد الغدر والخيانة كان ليها دور كبير في عدم حضورك غايتو يوم لا يُنسى ... جيتك تسعدنا في اية وقت يناسبك ... اها بورداب الدمام جايين الرياض الاسبوع الجاي ... بنلقى لينا طريقة عشرة عشرتين معاك ؟؟
_______________________ تتربى في عزك .. الاخبار وصلتنا
| |
|
|
|
|
|
|
Re: بورداب الرياض والدمام : كانت ليلة بطعم ( الوجد ) بمشاركتم .. ( كمية صور ) ..!! (Re: awad okasha)
|
Quote: يعني يا عوض في داعي هسع تقول ( سـماية ) .. كان تقول ( عرس ) البت .. شـرطا عينا والله ..!! هسع يعني تاني اقول لـ( حمد ) دا شنو .. يشيل ويتبسم اليوم كله .. دردقتنا عديل للناس ديل ..!! |
حميده عرس البت عديل كده ...!!! ياخ الناس ديل سموا لي بتي ... في بوست في المنبر ده ... حمد ما تشيل هم ابتسامتو ... لانها ابتسامة طبيعية ( وش مفقوع من الضحك ) ... كفاية انو الجماعة عارفين .. انك جيت البحرين في شغل ... ورغم كده ما قصرت ومريت علينا ... عشان تشاركنا الفرحة ... TAKE IT EASY
| |
|
|
|
|
|
|
|