شعراء وشاعرات منبرنا معا كل يوم قصيدة

Quote: و ما أتيتُ إذْ أتيتُ .. و لكنَّ الشوقَ حَكَمْ الشوقُ .. كلَّ الشوقِ .. ولا شيءَ غيرُ الشوقِ .. كان عهداً و قَسَمْ .. فسعيتُ نحوَك هَرْوَلَةً .. يحدوني الندم فَـقِفْ بقِِفَارِ الذكرى .. و دياجير الظُّلَمْ .. و إحْفرْ بأظافر الصَّفْحِ الجميل ( نبْعاً ) .. ثم اغْتَسِلْ بِطُهْرِ تَلَهُّفِي من كلِّ إثْمْ .. ما جفوتُ .. لم أدِرْ للريحِ وجهي .. أسْنَدْتُ ظَهْري المُنْهَك ( لجِذْعِ ) براءتي .. و ( هَزَزْتُهُ ) .. فتَسَاقَطَ رُطَباً من شَجَنْ .. فألْزَمْتُ قلبي مِحْرابَ صبْرٍ .. ما تَغَشَّاهُ الوَسَنْ لَمْلَمْتُ جُرْحِي .. لم يَشُبْ حُبي وَهَنْ .. و طَوَيْتُ روحي في رحابِ ليلٍ مُدْلَهِمْ.. و أنْزَوَيْت في رُكْنِ تَرَقُّبِي .. كطائرٍ مجروحٍ .. بعد الشَّدْوِ الرَّخِيمِ .. وَجَمْ ما سَلَيْتُ .. و ما نسيتُ .. و لم يأتِ بُعادي من عَدَمْ .. هذي حكاياتي .. و سِفْرِي المكتوب دَوَاةً و قلم .. أوْحَيْتُهُ قوافياً صادقاتٍ من سِحْرِ الكَلِمْ أمْليْتُه لك سطراً تِلْوَ سطْرٍ .. فكن وحدَكَ لي .. خـصْماً و حَكَم فلا تقسو كما قسوتَ .. ( و كَمْ قسوتَ كمْ ) ... أتذْكُر ...؟ إن نَسيت .. فأنْصتْ لِوَجِيبِ هذا القلبِ المُحْتَدِمْ .. أتسْمعْ ؟ فذاك شلال ُصَبَابةٍ لا زال ينسابُ لحناً و نَغَمْ .. تُعاتِبُني .. أعاتبُكْ .. تخاصِمُني .. أخاصِمُكْ .. فنعودُ سادِرَيْنِ .. نعود على مَتْنِ العَشَم ثم ماذا ؟ ها قد أتيتُ ... فالشوقُ حَكَم .. و هو الآمر الناهي .. همسْتُ له جهْراً : سمعاً و طاعة .. صرختُ هامِسةً : لبيك يا لهفة .. كرّرْتُها ألْفَ نَعَمْ ففي بلاط العشْقِ النبيل .. أنا و أنت .. رعايا و حَشَمْ .. فأمْدُدْ كفَّكَ المَمْهور بالعُتْبى .. و هاك عناقي الممزوج دمعاً و دمْ ... أعْرِفُكَ يا توْأمَ الروحِ .. ( و كمْ أعْرِفُكَ أيَا أنت كمْ ) .. فستأتيني طَّوْعَاً .. إذا ما الشوقُ نادَى و حَكَمْ .. و قَسْراً سيأتي بك المدفونُ بين الحَنَايا .. و المحفورُ في الوجدانِ رَسْمَاً و وَشْمْ .. أتيتُ .. فتعالَ .. تعالَ .. فهو حتماً قد حَكَمْ ... تعالَ .. فقد أتيتُ ..ألا تَرْضَى بِمَنْ حَكَم ؟ *** جلال الدين داود ( أبو جهينة )

Quote: ** تكويـــــــن ** يا شمس التكوين وحاتك أنت كوني حيث أنت كوني مكان ما اخترت دنيا الصمت معقل الرفض كوني فراشة رافضة الظلمة كوني أنثى رافضة تعيش في ضل راجل وتكون حرمه دايره تكون في قلبو أصعب منية بتشكل لحياته كل الدنيا يا شمس التكوين لما تكوني في دنيا الناس أنت الفوق أنت الأصعب وأنت الأبعد بتكوني في دنياي أنت الأجمل وأنت الأقرب وبتكون عينيك منبع فكره أول خطوة تودي لبكره ما الكون ما خد من عينيك الحكمه يا شمس التكوين كوني شمس كل ما تغيب تطلع أحلى كوني حلم لي زولا داير يلحق ضوء النجمه كوني أمل في ابعد حتة بنجيهو بشوق الرحلة كنتي في زمن معاني تديني مبادئي في الزمن الزيف كنت النكرة يالاديت الطير من حسك أجمل نغمه كل متجينى صورتك شايلاها النسمة بستلهم من روحك وحي الكلمة يا شمس التكوين كونتك جواي أمال منتظره بتراقص روحي بنشوة كونتك فرشة تلون في أيد رسام تديهو ألروعه كونتك وتر تلحين في عود فنان يحكليو الغنوة وشتلت تكوينك معاي همسة حنين لي قلب إنسان غارق في الدمعة يا شمس التكوين يا نور في حياتنا رافض تشرق تبين راجنو انفجار التكوين ضوءك من سنين وخطانا في دربك ما بتلين وساعة شروقك كانت لحظة انفجار التكوين ... 21/مايو/2001

Quote: صمتك أعذب .. من هديل عصفور حزين صمتك كلام ومن بحور عذب الكلام شايل حنين وأشعار موشحة بالعبير إلفة وغرام وأشواق مسافر زول حزين برسل سلام شايلو النسيم بفوح ورد ونور ياسمين صمتك رسايل شوق دفين مكتوبة بقطر الندى صحت أشواق السنين صمتك درر منظومة بى خيط من وِلف مجدولة فى توب من حرير صمتك .. أنبل من حزن لحظة فراق ..آلم الضمير صمتك .. أصوات الخرير لحن المساء وبسمة حنين صمتك أجمل من حلم رقتك همس النسيم ياسيدى .. بصمتك وقف نبض الكلام إتبكموا الناس الفصاح اتعلموا البوح الدفين لو كل زول برقتك عالمنا أجمل من حلم والدنيا تصبح جنتين نتعلم البوح الدفين من صمتك الدافئ الحنين أبلغ كلام أروع حنين .. هند محمد

Quote: ولهان انا وقبلك صحي بالله كيف شلتا الفرح او حتى حسيت العيون؟ وفرحته زي كل البشر واشتقتا لي زولا وقف في روحي لخبط للشجون وسرحته ارسم في وشيك مرات يرقرق زي وهج جواي ويفتح الف لون ومرات احسك سر جديد لي زول بريد قلبك شديد ومعاكي هزاهو السكون واشتاق يضحك لي الفرح جواكي... يديكي الحنين ويعلمك سر الجنون ولهان انا ولهان انا وقبلك صحي لامسني في جوه القلب احساس يشكك لي اليقين؟ احساس ينسيني الزمن والسكة والتعب الوقف جواي وعشعش بالسنين وفرحته بي جيتك.. وجد تاورتي لي كل الشجن في لحظة.. صحيتي الحنين داهمني شوق عينيكي ديل في الوحدة والليل الطويل وفضلتا احضن لي ايدين الفرحة اتحسس وشيك اتبع مشيك وانادي ليك وانتي المعاي جوه العنين ساكناني من زمنا امس محفورة في جوة العروق عطرا بيرشح ياسمين ولهان انا .. واشتقتا ليك.. احتجتا ليك.. وريني بس القاكي وين؟ ولهان انا عبدالله وداعه الامين لندن 12.01.2006

Quote: البيني وبينك سر حزن القصائد ووجع الم جوف حروفها مولع في حشاها نار كمائن لامن تأن وتمشي عليك من غير ارادة وتتاوه ريد وانتي جائة من رحم الغيب بشارة امل البيني وبينك بحر شوق واسع ممتد مهيج فيض مشاعرو رياح الشوف مقومة ودار امواجو مد فائت الحد ملاحق السحاب وسادي الافق شاقيهو عليك بي مركب عشق وانشدخيال طيفك وطن في موال غنى المركبية ساعة قلبي ليك يحن ويسرح في سواحل حروفك ويموت في الشوف شوق ويذيد في الشوق جن ويرسم عيونك في خاطرو مدن حب ومراسي ريد ويشتهي قيف رموشك حضن منابع جوف الحقيقة لي فرح الوصول فيهو ترتاح مقاديف وجدانو من تعب السفر وقساوة الزمن الصعب البيني وبينك سوهاد الليل ولحظة صدق في صباح راسم صورتك شبق طالة فيهو ملامح قصائدك ضؤ شمس مفرهد زهرة حب ومالي المكان حنين ضؤ احساسك ورد البيني وبينك توارد خواطر في روحين جسد نواح غنى الطير في الغربة وطن فرح ضحك لعب اطفال تحت المطر البيني وبينك ما بين الغيم وشهقة ارض هم غبش واكثر من حلم يوليو/2007

(عدل بواسطة nassar elhaj on 09-04-2007, 05:59 PM)

Quote: اعتزار يا زهرة هامسة بالاريج مدفق نداك حنين للفراش هداني في سكة مدن عينيك تعب السفر وطول الطريق وخطوات المجهول اه من همسك في السحر ليلو ساجي تتنفس نجومو حسيسك نغم وطن المنافي خلاني ليك من تاني احن واشتاق لي حنين صوتك البتاوك من بين كلامك وجوه اهت الم حروفك وبين حزن رموشك وصوت موسيقة همسك تلولي جواي نواح وتر شجن غناي وشرخ قلبي سؤال نازف دم مدفق علي سهولك انهار كيف فقدتك ؟ وانا الفي محرابك راهب عشق كم عبدتك كم ساجد حب مرتل بي مزامير ريدك وانشد من خوفك عدم ودرويش في حضرتك راقص بي تجلي ومدور مع دقة قلبك نوية زكر مدد...مدد داير يعتزر ويهلل باسمك ويزوب في الزكر ومولع نار التقاوي اشواق وراسم في لوحو صورتك زهرة صباح الحب يا وطن روياها غيمة مشطفه بالرزاز رجلين قوس قزح صغير ومتمراها بي خيوط ضؤ الشمس غاسلة تعب عرق الغبش حزن الرواكيب الفي الضهاري دموع الاطفال جرح الوطن ويتبتب حنين همسك وجع القصائد ساعة تيكي وتنوح وليك تحن وتتاوه من جرح خاطر البوح ولاكن جيتك من تاني مزنب تائب وعاشق تايه قدامك مفضوح سارق شهد عيونك ولون كحلك البنفسج متمني يتولد طفل من تاني طالع من رحم حبك معمد بي شذاك وملفوف بي حرير كتاباتك ويرتاح بين مساحات صدرك حزن التعب الجواي والقى الامان وحلمي الخرافي ويضحك بي همسك الامل الفي دنياي وجاني تاني نفس السؤال كيف فقدتك ؟ اهرب منو ليك وارجع اسرح مع الخيال واسابق في السراب واقابض في المحال ملامح طيفك ويلاوني في الخيال نفس السؤال القاهو شارد مني وماشي علي ويقول بي صوت واضح مرات هامس كيف فقدتك ؟ وتلاوحني زكراك من بعيد ابكي واحن واناتي تشتاق في الشوق تجن ساعة يغلبني الجواب اغرق في الحزن واردد في الجنون نفس السؤال كيف فقدتك ؟ ما انا وانتي والعصافير الجميلة الزمن كان ابتلانا من زمان بي شقى الحب والسفر وحمدنا بي المطارات ومحطات القطارات وقلق الواعيد الانتظار وخضنا في بحر الريد حفاية ومتماسكسن ومرات خائفين وغرقنا في موجة عشق حد الركب وتاني ارجع اعيد واكرر ومرات اتحائل و اغير ملامح نفس السؤال انا ليه فقدتك وكيف الرجوع لي سكتك لي زولا وراك غرق 2007

Quote: تجليات غيبية الوهم هو سئ ليس كائنا في الوجود. اسطورة من نسج خيالنا. كذبة كبرى يطرحها عقلنا. نسكنها قلوبنا. ثم نصدقها ونقدسها. هو شئ نصنعه بايدينا. حين نفشل في مجارات الطبيعة. وطرح الاسئلة الجريئة. والتعمق في الاشياء الجميلة. هو شئ كان عابق في دواخلي ثم وهن وارتحل. مع صرخة الرضيع لبن وتفجر الامال محن ومع اشتها اليتامة حضن وهن وارتحل. فكنتي الحقيقة. فكل شئ عقلي واقعي. وواقعي ان تكوني الحبيبة. اذن انتي الصدفة لان لي وجودك ضرورة. اسمئها احيانأ الوطن وانا الان لا امن الا بقدس اجلال عينيك . سر وجود الكائنات. ونهداك السابحات اروع اياتك. يزاد يقيني حين اراك. شفتاك منجاتي. وفي جسدك صلواتي وزوباني في ذاتك فضميني راهبا في محرابك او درويش ولها في رحابك

Quote: افارق حرفك النديان واشيل الليل سهاد وزحيح ومابقدر ومابقدر

(عدل بواسطة مجدي مسعد حنفي on 09-10-2007, 03:18 PM)