تعرف يا صديق زول برااااهو في هذا الليل لا يحركه إلا سؤال كمثل سؤالك. فقط حرف نداء ومنادى، والغرض -حتماً ليس النداء- أعرف يا صديقي لكنها أحوال أخر، وعوالم أخر. وانا الآن وحدي أنادي: ياااا دنيا!!
معاوية.. قديماً -ليس قديماً جداً- قال رشيد الضعيف: (كيف يترك الليل وحيداً في الليل.. الكون غافل عن هذا الخطر الداهم...) ، هل تأملت يامعاوية في كيف يكون الليل - بالفعل- قاسياً وخطراً حين يكون وحيداً ؟ وأنت الآن يا صديقي حتماً وحيد، وإن كنت في زفة عريس، فالوحدة ليست في كون لا أحد معك. وأنك في ليل تُرك غفلة وحيداًً .. والدنيا أعجب من أن نناديها بهذا الاستغراب. وتصاريفها مريعة حد الضحك.. ونقول حين الموت: اييييييييييييييييه، دنيا.. ونقول عند انقلاب الحال: دنيا.. ونقول عند الضجر وعند الحزن وعند حراق الروح، يا دنيا.. ، وتظل هي "الدنيا"، ولا أعرف ما هو الأعلى، فهذه الدنيا -التي هي مقابل الحياة- وهي على علاتها أعلى وأغلى وأجمل ما وُهب لنا. ، وفيها ما فيها.. ، دم بخير يا صاحبي، وبكرة يمكن.. ، محبتي
01-02-2008, 11:56 PM
Raja Raja
تاريخ التسجيل: 05-19-2002
مجموع المشاركات: 16054
كرفس يا ابن الحلال مالك معاي محل اقبل القاك اخوي هل هذا هو محمد النصري ولا زول تاني المشترك بيننا يا صديقي شرك كبييييييييييير وكبير جدا ما بقدر اوصفوا ليك ... المهم كل سنه وانت طيب وجميل,,, وجروحك كلها بريانه ... بريانه .. يا كرفس والله ما عارف اقول ليك شنو ولا مالي لكن خليها كده بس اظنك فهمتني مع انو انا ما فهمتني احبــــــــــــــك ولبدري الياس الامنيات معتصم
01-03-2008, 01:26 AM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
Quote: كرفس يا ابن الحلال مالك معاي محل اقبل القاك اخوي هل هذا هو محمد النصري ولا زول تاني المشترك بيننا يا صديقي شرك كبييييييييييير وكبير جدا ما بقدر اوصفوا ليك ... المهم كل سنه وانت طيب وجميل,,, وجروحك كلها بريانه ... بريانه .. يا كرفس والله ما عارف اقول ليك شنو ولا مالي لكن خليها كده بس اظنك فهمتني مع انو انا ما فهمتني احبــــــــــــــك ولبدري الياس الامنيات معتصم
معتصم ود الجمام ،أدروب العزيز
يا جميل أشكرك كتير علي تضامنك
و كل الجميلين الزيك كدا العارفين كل الأخبار ..
و إنت عايزني أقبل وين يا معتصم غير عليكم ؟
و أخت همومي و أرجاكم إنتوا أصحابي تدلوني ؟؟؟؟؟
01-03-2008, 01:56 AM
معتصم ود الجمام معتصم ود الجمام
تاريخ التسجيل: 04-22-2003
مجموع المشاركات: 3261
انكرب يازول كلها سته شهور وتقول دنيا طيب لمن تقفل السنة تقول شنو ؟؟ عيدك سعيد عامك اسعد اخد ليك لفة في السينمات والمسارح ديل عندهم اجمل مسارح العرائس في العالم لف يازول ياتربادوور مودتي
كرفس بي وقفه جد ساسقت طمبرت الوصال لامن حشا الوتر انفصل لو ضهر عصافيرك الم غير وجع مرق اللحون يافاطني تلقيني الولد مهموم بالحنين من تبه مهموم بي رضاك اتخبا طواف في سماك القبة آآآآآآآهـ يا فاطني ماني غريب إلا البلد غربة بدري الياس الخليفة
كرفس كل سنة وانت اجمل يا صديقي ولو انو ما نحن البنخفف المصاب ، ممكن للبعد احكامه ، وممكن ما اتوفر الوقت الكافي لنتحكر في قلبك الحنييين ياصديق .. عوافي هي الذكريات تنهشني ولاتكتفي إلا بان تحولني دون رحمه الي شخص منحول ( وبلا فايدي ) وزمان قالها لي بدري النغتف هو الصورة الحقيقية لي .. لانني ادمنت الحزن حتي صرت في الشوارع بلا ملامح ولا وجيع ..
03-16-2008, 10:35 PM
Salah Waspa Salah Waspa
تاريخ التسجيل: 11-21-2006
مجموع المشاركات: 1139
Quote: والدنيا أعجب من أن نناديها بهذا الاستغراب. وتصاريفها مريعة حد الضحك.. ونقول حين الموت: اييييييييييييييييه، دنيا.. ونقول عند انقلاب الحال: دنيا.. ونقول عند الضجر وعند الحزن وعند حراق الروح، يا دنيا..
وفوق ده كله أنا لمن أقو ل إييييه دنيا تجي دنيا بتي جارية أيوة يا بابا !!
تعرف يا معاوية أول ما رسى الإختيار على إسم دنيا قلت والله
لو واحد ساكت زهج وقال والله دنيا بت كلب بس نشوف لينا عضم نكده .
تحياتي معاوية وزي ما قالت أختنا الغالية رجاء بكرة أحلى
صلاح واسبه
03-16-2008, 10:42 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
الدنيا..!!! والله حاجة عجيبة لاتعرف تشكرها لاتعرف تهجوها..
زمااااااان أيام ما كان في مجلة صباح والصبيان وعمار بتذكر إني قريت لي قصيدة لذيييذة بتوصف الدنيا والحقيقة ماعارفاها كلمات منو غايتو الله يطراه بالخير مين ماكان...قال فيها: رايحة وزايلة مافيها زول يفهمنا تمضغ فينا تاكل لا إحتجينا لا إتكلمنا ولما شفنا فيك يافانية كل عشمنا.. مالقينا فيك يادنيا إلا سجمنا.!!!
ياربي الكلام ده صحيح؟؟
مودتي
03-17-2008, 08:09 PM
elnadeif elnadeif
تاريخ التسجيل: 07-17-2002
مجموع المشاركات: 172
الاعزاء الجميلين العزيز كرفس من الواجب الاحتفاء بك في كل ملمة لانك اجمل الجميلين ولك محبه خاصة.. احتفاءنا بالنصري جبري لان صوته منبق في المسام .. متشربو العرق .. وان كنت في كامل الوتر تسترخي بمجرد ما تسمع صوته ولكن من الواجب اكثر ان نحفظ الحق الادبي لشاعر اغنية دنيا .. ذلك الشاعر المرهف خالد عبد الله بخيت من ولاد المقل اتخيل لي .. وكما يحلو ان ينادية محمد النصري بظلي .. لانه يكاد لا يفارقه والذين لا يعرفون خالد عبد الله بخيت .. فله اغنيات كثيرة مثل - دنيا - حزن الحراز - سافري - لا ترحلي - والكثير كما لا اخفيكم سر بأنه ملحن جيد وعفوا ان اطلت .. وعفوا اكثر .. ان حدت عن موضوع البوست فقط اردت ان امنح حق الغني للشاعر وعشتم
النضيف؟ لا حولاااااااااااااااا ، واللاااااااااااهي صِحْ دنيا... ، "ومن حزني وجراحي سااكت أقول نِصِحْ .." على قول حبيبنا "صديق محمد طه" ، كعادتي "مسامحك يا حبيبي.." "طالما الدنيا ياها الدنيا وطالما ياني ياني انا ياني".. ، معليش يا الناس الهنا. لكن ده ما جنا النضيف ياخي أسوي شنو؟ ، مبروك علينا وعليكم زوغة البوست ده من "كراكة" الأرشفة.. ويا كرفس وينا جيتك لينا؟ ،
وتاني يا جنا النضيف يا اباذر، وحيات زموناتنا الجميلة ياني وياها المحبة ما نقصت "هللة"..
Quote: كرفس بي وقفه جد ساسقت طمبرت الوصال لامن حشا الوتر اتفصد ولو يحني ضهر عصافيرك خلاف وجع اللحون يافاطني تلقيني الولد مكتوف بالحنين من تَبّا لاهاي بي غناك لا شبّا مهموم بي رضاك إن خبّا طوّاف في سماكي القبة مو شايف بلاك في الجبة آآآآآآآهـ يا فاطني ماني غريب إلا البلد غربة *** بدري الياس الخليفة
معليش يا زرزور كانت محتاجة لبعض التعديلات.. ويا الله عليك، لسه مدردرة معاك؟ أحلف علي إنك ولد.. ، محبتي التي تعرف..
05-26-2008, 10:31 PM
معاوية كرفس معاوية كرفس
تاريخ التسجيل: 03-19-2004
مجموع المشاركات: 1340
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية كرفس
Muna Khugali
Raja
معتصم ود الجمام
خضر حسين خليل
نهال الطيب
محمد سنى دفع الله
salma subhi
عمرو كمال ابراهيم
ريهان الريح الشاذلي
Waly Eldin Elfakey
elnadeif
Salah Waspa
طارق جبريل
Magdi Ahmed Elsheikh
نها محسن أبورأس
عبدالمنعم حسن الفحل
فيس بوك
تويتر
انستقرام
يوتيوب
بنتيريست