|
Re: قــرد نــدى القلعــة..." كجنتك مع التحية" (Re: امير مصطفى احمد)
|
سى جى وين انت ليك وحشة قلت لى القصة فيها (إن) طبعا انت متخصص طبيب بيطرى وبتعرف الحركات حقات القرود مش؟ غايتو عليك الله ورينا القرد الكبير حقنا وحقكم مالو قال يوم يطلع فى راسنا ويوم فى راس فلسطين والتكنو مافى (قرد غيرو ) اخر طلعاته قال داير يبقى (صلاح الدين الايوبى ) اها الايوبى داك زاتو ما كان عربى كردى عديل وحات الله ما سوى سوات حقنا دا قال وفعل يعنى المعنى يعنى هسى وكتين قاموا وقعدوا على الدنمارك دى عشان زول غبى واحد ناس السكرى العيانين ديل حيداويهم بشنو ؟ بجيب ليهم انسولين من وين؟ ودى البلد الوحيدة البتصنع الانسولين فى العالم غايتو شلاقة ما شفنا زيها
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سلمى الشيخ سلامة)
|
سلمى الشيخ سلامة يا حمامة
القمرة في ليلة تماما
من يوم قبلتي غادي من الخرتوم
النار ولعت وقامت فيهو القيامة
قلتي لي متخسس قرود؟
في الحالة العلي دي باقي قربت اتقلب قرد....
وقرد لي قرد يفرق
وانا يفرق ظاطا
وحالي العلي حال القرود
يا بنية حي
جهجهتني الدنيا ام قدود
يا بنية حي
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
سجيمان يأخى وينك , والله فقدناك بشده , وفقدنا كتاباتك الحلوه دى , بالله ماتغيب كتير , بعدين برضو شوف ندى أذا بتستغنى من الكلب ,, برضو فى وأحد أخونا قال مستعد يشتغل كلب , وبرضو لوجه الله , وما عايز قرش ولا تعريفه بس عشان يحرسها من القرد الجديد , لانو ده يمكن بجر حاجات تانيه غير البطانيه ,
| |
|
|
|
|
|
|
Re: قــرد نــدى القلعــة..." كجنتك مع التحية" (Re: كمال سالم)
|
Quote: انا نضمي كلو فوق القريد اللليللا |
قلنا الليلة ماشاء الله سجيمان براءة!!!
Quote: وكان الوظيفة فضت انا بجي اشتغل قرد لا قرش لا تعريفة... |
جينا لقيناك قاعدلك فوق راي (:
Quote: اطردي الكرور يا ندى يا اختي... |
كمان جابتلها شتيمة للحيوانات المسكينة دي ياسجيمان أخوي!! والله دي ماسبقك عليها زول في المنبر دا (:
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
يا سي جى كيفك بس عندى تصحيح لى كلامك لانو الحلقة او السهرة كانت فى قناة هارمونى وليس قناة الشروق لكن خلينى من القرد انت ما شوفت المزيعتين مبحلقات فى ندى القلعة كيف والله التقول بعاينو فى نانسى بت عجرم ولا هيفاء وهبى خلعة شديدة خلاص .ززززززززز
لك التحية
| |
|
|
|
|
|
|
Re: قــرد نــدى القلعــة..." كجنتك مع التحية" (Re: مدثر محمد احمد)
|
سجيمان
التحية لك انا عملت بوست عن الحلقة بتاعة ندويا دى لكن احلى حاجة عجبتني انها اتبلمت بالتوب ومشت السوق المركزي واحد هناك قاليها والله ديل عيون ندى القلعة ذاااااااااااااااااتها
والاحلى يا مثر قصة المذيعات المحاصلة ليهم حالة بتاعة ذهللة ، مش كان مذيعة واحدة تكفي بدل ما الجعيلي يرسل 2 من بقرو ديل ،، المعذرة لصاحبات الوزن التقيل
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
Quote: اطردي الكرور يا ندى يا اختي... وكان الوظيفة فضت انا بجي اشتغل قرد لا قرش لا تعريفة... |
صاحبى البوم..والله من يوم عرفتك ماكنت ظانى بتوحشنى قدر ده. مخير الله..يضع وحشتتنا فى اضعف خلقه .. نرجع للنضم.. هى البنت دى ما سمعت بالمثل البقول: القرد فى عين ندى سجيمان.. مفروض طوالى من بكرة تشيل موزتك وتمشى عليها.. يعنى تجيها بى (حقك)،،،
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
Quote: مفروض طوالى من بكرة تشيل موزتك وتمشى عليها.. يعنى تجيها بى (حقك)،،، |
ندي عندها مزرعه حقت موز في لاغوس مادير موز سوداني ضارب
وبعدين هي مانعه القرد حقها مايكل من الشارع
عشان كدا يا سي . جي مادايراك ولامحتاجه ليك بي بلاش
ولا بي قروش ........
تبكي بس عين قطرة والتانيه مس
تحياتي
| |
|
|
|
|
|
|
Re: قــرد نــدى القلعــة..." كجنتك مع التحية" (Re: عبدالله كع)
|
سي جي سلامااااااااااااااااات
كيفنك كده
شنو يعني مطنشنا ونحنا معاك في أرض (الوتن) الغالي ياخ ؟!!
Quote: قالت في سهرة في تفلزيون الشروق " |
اها دي غلط ثم غلط صححها قوووووام من أجل الحق الأدبي والملكية الفكرية والكلام الكبار ده لأنو القناة كانت هارموني وليست الشروق سمح ؟
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
والله يا سجيمان قلنا يمكن كراعنا حارة ، مما جينا فى البورد ده إختفيت وين مشيت ما بنعرف ،، أها يا دوب قدرنا نضحك ونضحك ونضحك لامن قلنا كفا من هذا البوست الخفيف الظريف الجميل ،، قلت لى كراع فى الشرق وكراع فى الغرب ؟؟ والله يوم كده فى جنينة الحيوانات فعلاَ قرد عمل نفس الحركة دى وقام طلّع المايك من جيبه والسلك كان مشدود ،، أها ناس الخرطوم قاموا جارين وهم يكتمون الضحكات ،، فعلاَ كما قلت : قرود قليلين أدب ،، الله يعينا غايتو .
ماهر
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
صدقتى يا نادية (متل النضم دا ما بجيبوه فى القومى ولا فى الشروق)!! السعال دا داير رد : (مظيعات ) هارمونى ديل مخلوعات كدى خبارن اول مرة يشوفنلهن مرة سمحة كدى بتنضم فى القرود ولادايرات يجيبنها فى حفلة الة طهور ترقص لهن عفيت منك ااااحنان (بت بلو بلو ) نجضتيها نجاض )!!! ****** بالمناسبة يا سي جي مان ( بلو بلو قالت كيتا فى ندى دى دايره تسعالها جريو )!! دحين ابتعرفلك جريوا كدى ضكران اهم شى الشحم دا واللحم دا والذى منو !!! ******* سعال تانى قرد ندى دا (مطّهر )!!!انت كطبيب بيطرى اتخيل لى بتعرفو ان بقيت شفتو !!!
| |
|
|
|
|
|
|
Re: قــرد نــدى القلعــة..." كجنتك مع التحية" (Re: 7abib_alkul)
|
عزيزنا سي جي ، تحياتي ،
والله برضو شوقنا ليك بحر ودميرة، جيدن جيت وبركة الجيت وبعودتك حوشنا نور .
Quote: يا النسناس....
ويلك من الله و ويلي من الناس |
عارف ، من زمان وأنا بكره القرود ومكجنن شديد ، لكن بعد حلقة ندوية في هارموني ، واعترافها بسعايتا للقرد وحبها له ، طوالي تحولت كراهيتي لقردنا إلى محبة ، مش قديماً قالوا: (الناس على دين مطرباتا)!
عشان كده حبينا القرد:
يا النسناس .. حب ندوية ليك.. خلاني أحبك تاني .. فيك الاحساس ، وكلك نسناس ..
مودتي ،
( ليمو)
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
سجيمان عادل سلام
وماذ قالت عن حملة الجوازات الأجنبية من السودانيين... الذين يحملون في يمناهم الجواز السوداني وفي يسراهم جواز دولة أجنبية (والمغتربين)
وقد اصبحنا كلنا غرباء في وطن امسى اسيرا بايدي هؤلا اللصوص ولم نجد غير المنافي لتسد رمقنا في بلد يموت فيها اغلبية الناس جوعا ومرضا وهناك من يموت من التخمة
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
اجمل الحلوين /دكتور عادل السحيمااااااااااااااااااان مشتااااااااااااااااااااقون ياماااااااااااااااان
الا قولي انت يااخوي مش اتهكرت.....؟ ولا القرد الاتهكر.....؟ ولا يمكن ندي اتهكرت وبقت بلوبلو.....؟ يمكن اكون انا الاتهكرت وبقيت بكري ابو بكر.....؟ اسحب باسوورد ...احذف بوست..... علي وزن ( افتح سس.... ؟ اشد سس....!) باقي انا مؤدب وديل مابقدر اكتبن كاملات. بس عليك الله تاني اكان عاوز تطول الغيبة اديني خبر عشان اعمل فيها سي جي الجديد. متواصلين معاك ....النشوف القرد ده مودينا ويييييييييييييين....؟
كل الود هارون دياب
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
إزيـــــــــــــــــك يا دكتور
ما هو هرون أخوي دا ظاتو اللي خلاّنا نشرد من بوستنا المجهجه دا
جاب لينا ست القرد بتاعتك دي؛ قمنا خفنا من القَرّادة ، والناس القُرادة
قمنا صوف..
يا اخي داير خدمة تحيي لينا موات بوستيك بتاع المغتربين داك الهجمو فيه هبوية؛ كنا عايزين نخشّو لكن دفلوه.
خلينا نشوفك يا عسل.
أبوشيمة
| |
|
|
|
|
|
|
Re: قــرد نــدى القلعــة..." كجنتك مع التحية" (Re: سجيمان)
|
الأستاذ الفاضل سجيمان... تحيات طيبات تغشاك وزوار البوست الكرام
الفنانة ندي القلعة فنانة جميلة(يعني سمممممممممممممممحة بالبلدي دي) وتمتلك كل مقومات الفنانة السودانية الشاملة من صوت قوي ورائع..وحضور طاغ..وخفة ظل...ودلال...يعني بالعربي كاملة من مجاميعو.. مهما حاولت بعض الألسنة تنالها إلا وأن تاريخها لم ولن يتأثر طالما أن مسيرتها الفنية تعتمد علي الثقة المطلقة في نفسها وحبها الشديد لعملها...
مودتي
| |
|
|
|
|
|
|
|