|
دعواتكم لزميلنا المفكر د.الباقر العفيف بالشفاء العاجل
|
|
 Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف ... سلامات ياخ ..
عن جوبا .. لا حولاااااااااا الواحد يكتب شنو ويخلي شنو ؟؟؟
الـ C's والـ B's وقاعات ناس الطب A's والكلاكلات K's ... المكتبة ... النيوهول .. القرين فيلدج ...
السماني هول ... وإجتماعات الجنرال أسمبلي ...نادي الأساتذة ... حفلات نادي الطلاب .. رحلات بليانغ والمدرعات ...
المطر .. والليل .. أكثر حاجات كثيفة في جوبا ...
الأساتذة .. د/ طومبي ، د/بوب ، بروف / أجانق ،أ / ماريال ، أ/ جون ماشيك ، مس / تيري (ديل جزء من ناس كليتنا)..
حديقة الموارد ... وخلط المذاكرة في العصر ...
التستات ... لا حولااا لغاية هسع الواحد قلبه مقطوع ...
السيمستر يبدأ .. يعد أسبوع تخش في تقييمات الـ Course Work والشباب مكسرين في المكتبة ... كتب الـ Short Loan محجوزة بالأسابيع ..
ونتائج السيمستر الثاني ... وجرسة ناس الموارد مع بروف / هينسي ... وأشطر ناس ... مملحقين فقط .. أما البقية ... المحظوظ من يتم تربيته للسنة ... والآخرين مدسمسين خارج الجامعة ....
الجلابة ... وعلاقاتهم مع الطلاب ... وعزومات يوم الأحد ...
...
...
عبد اللطيف .. الكلام كتير ... ياريت يستمر البوست ... وينضم إلينا د/ بوب ، محمد حلا (أعضاء البورد) .. وغيرهم ..
آملين أيضاً .. من سيد الحوش ... المساهمة بقبول عضوية الكثير من أبناء وبنات جوبا .. الراغبين في الكتابة والإنضمام ..
على رأسهم .. العزيز د / طه كروم ..
وكذلك كتاب الجيران ... هاله الكارب ..
...
| |
 
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Baha Elhadi)
|
ماي كوليق حاتم يوسف
احي فيك ذاكرتك القوية
وفي الحقيقة دخلتني في شجون ماكنت خاتيها في بالي لكن حتكون مهمة لتداعي الذاكرة
لكن والله الكبر دخل وهسع ما متذكر كليتك كانت شنو ياحاتم يوسف..ساعدني شوية وانااتم ليك
الباقي..
لو لاحظت خليت بداية البوست فاضية عشان يجوا الناس القدام ودعوت د.طه كروم ولكنه لم يرد
حتي الان..
انا متذكرك ياحاتم وكنت صديق قريب وياريتك تبدأ التوثيق ونترك ليك حرية الاختيار
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: عبد اللطيف .. الكلام كتير ... ياريت يستمر البوست ... وينضم إلينا د/ بوب ، محمد حلا (أعضاء البورد) .. وغيرهم ..
آملين أيضاً .. من سيد الحوش ... المساهمة بقبول عضوية الكثير من أبناء وبنات جوبا .. الراغبين في الكتابة والإنضمام ..
على رأسهم .. العزيز د / طه كروم ..
وكذلك كتاب الجيران ... هاله الكارب ..
|
الصديق حاتم
الذين ذكرتهم مهمين جدا وياريت يجوا يكتبو
وكل الطلاب الذين لم نعاصرهم
ونترحم علي روح الشهداء اروب دينق عضو الحزب الشيوعي وابراهيم جوليو عضو الحزب ايضا
ونديم علي عضو الحركة الشعبية الذي توفي اثناء مفاوضات نيفاشا وكان صديق شخصي لنا
وللكثيرين من الطلاب وقتها..سوف نوثق لمجهوداتهم وكذلك الزميل ابراهيم الباشا
وعبدالله جمعة..سنوثق لاتحاد86-87 آخر اتحاد قبل عودة الاتحاد في السنوات القليلة الماضية والذي
كان تحالفا بين الجبهة الديمقراطية ورابطة الطلاب الجنوبيون(جوسو)..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Mahjob Abdalla)
|
الأخ عبد اللطيف
شكرا على فتحك هذا البوست .. قبلها كنت فاكر نفسى الوحيد "تاع جوبا" و أنا ودرو سمبلة فى منبر دا مع ناس تاع جامآت كتير جى دى ..
سلام و شكر كتير لى إتّاكوم
أعتبر نفسى محظوظا لأننى درست هناك .. و أفاخر بذلك .. و قد هيّج الأخ حاتم ذكرياتى و أعادنى للوراء لأعوام عدة .. والذاكرة قد فعل بها الزمن ما فعل .. تبخر الكثر و بقى القليل حتى إسمى الذى عرفت و إشتهرت به هناك كدت أنساه "على بحر"
سأحاول أن أنخر فى طين الذاكرة .. و أعود
وسلامى للأخ كرومة و الأخت هالة الكارب .. و الأخ أنور محمد أحمد الحاج أيضا عضوا هنا
على الحلاوى "على بحـر"
1980-1985
..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Anwar Elhaj)
|
الاخ الطاهر عثمان
ولسه انا بادي ماجستير إدارة أعمال مع مركز التعليم عن بعد
واتمنى ان اتعرف علي مجموعة من نفس الدفعة
او اذا كان MBA سابق من جامعة جوبا
بهاء تجده فوق عمل ماجستير ترجمة
وعلي العموم المطلوب التوثيق للفترة التي درستها ومن كانو زملاء
والحياة الطلابية والسياسية التي زامنتها وغيرها
نشكرك علي المساهمة طمعا في المزيد من المداخلات وخليك معنا..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote:
الأخ عبد اللطيف
شكرا على فتحك هذا البوست .. قبلها كنت فاكر نفسى الوحيد "تاع جوبا" و أنا ودرو سمبلة فى منبر دا مع ناس تاع جامآت كتير جى دى ..
سلام و شكر كتير لى إتّاكوم
|
علي بحر الساخر ود الحلاوين صاحب ابراهيم التني المستهبل داك
وطالب الاقتصاد الكان قدامنا بسنتين ولا واحد تاني
ياخ سلامات واشواق كتيرة كده
نحن المحظوظين لقينا زول قديم يسهل لينا المهمة
اكيد انك كنت قريب للبدايات(كم وسبعين) وتتذكر حاجات كتيرة عن بداية
ميلاد الروابط الاجتماعية وروابط الكليات وبداية ظهور التنظيمات السياسية
ومشاكل الجامعة وذكربات جوبا والكمبس الخ
يلا انحت ذاكرتك ..وبالمناسبة الاخوان الجمهوريين كانوا انشط الناس
حسب ما سمعنا
لك كل المحبة
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: يا عبداللطيف...
انت عبداللطيف زول الموارد و لا من العيال الصغار ...
علي كل حال زكريات حلوه و علي كلام حاتم يوسف... هناك الكثير... |
ياهو زاتو
يامحجوب دفعة 84 the intensive english course المجموعةِA
انت دفعتي ياخي واذكر اسامة وعمر عبدالقيوم والجعلي والحكاية ماشة!!
بجيك لاحقا
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: على بحر لك تحياتى و أشواقى .. أنا رجعت من جوبا قبل أقل من أسبوع بعد حضور مؤتمر الحركة الثانى . و ألأشجان بالكوم و مبانى الجامعة و الناس الجميليين و كل الأشياء نوستالجق للآخر .......
|
انت انور الحاج المن كوستي؟؟ الزول الزرناه انا وجمال توفيق ومبارك
وعادل سعد يوم حفل الكابلي ؟؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Mahjob Abdalla)
|
Quote: انا دفعه وراكم مع ناس محمد موسي (ود مدني) ناس الكدرو ...
اول دفعه بدأنا الدراسه في الخرطوم |
احييك يامحجوب ومحمد موسي لو عارف ليهو طريقة وصلنا ليهو
ياخ مدني دي ما عندنا فيها ذكريات خطيرة وقويةايام البحوث الزراعية والاسابيع الثقافية
مشينا لو ما كل اغلب بيوت الزملاء وقتها ..والناس دي وين هسع بتتذكر منهم منو؟
بعدين يا محجوب انا ما عايز ابدأ التوثيق للتجارب السياسية عشان ما اكتب من وجهة نظر
محددة..احسن اكتبو انتم.
في ايام الجامعة في الخرطوم كانت في قضية اعادة الاتحاد وقضايا تكوين الروابط الاكاديمية
والاجتماعية مثل رابطة طلاب الخرطوم وكانت نشطة وقتها وهي الروابط التي سمحوا بها..
وعجز روابط الكليات عن اداء دورها بسبب العقبات الادارية المقصودة
والعقليات التي كانت تسير الجامعة وتعادي الطلاب مثل بروفسر محمود ومن سبقه الخ
اكتب لنا يامحجوب عن كافة الفترة التي قضيتها في مختلف الجوانب وسوف اساعدك بالمداخلات
لك محبتي
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الأحباب / أهل جوبا ...
أدناه مساهمة أولية من د/طه كروم ... على وعد بالمزيد من المساهمات .
Quote: جامعة جوبا بتفردها الجغرافى وتميز مناهجها أعطت طلابها المركز المرموق الذى يحتلونه الان أينما وجدتهم ؛ ولقد كانت إضافة نوعية بالتخصصات التى بدأت بها ولهذا متسع قادم .جوبا بسحر عجيب وبحى أطلع بره وبعد إضافات بسيطة على مبانى أحدى مدارسها بدأت هذه الجامعة المميزة , الماء بالفنطاز والكهرباء مولد حتى العاشرة فى أحسن الاحوال والترحيل على شاحنة داف وعدد أثنين مايكروباص .هذه الظروف وأخرى إدارية كثيرة ساعدت علىمزج طالب الجامعة وزيادة جرعة التحمل عنده فى زمن كانت الدراسة الجامعية ترف مفرط
التوثيق يبدأبهذه الخلفية وسأحول التغطية غير إسترسال ممل بقدر الامكان. إن البداية السياسيةللنشاط الظلابى كانتفى أواخر عقد السبعينياتبعد رحيل موءسسها البروغيسور السمانى عبد الله يعقوبوفى أجواء إتفاقية أديس أباباعلى شاكلة شمال /جنوبوالتى بدأت محاولات خلخلتها بوصول دفعة 79/80فى محاولة لمجاراة تنظيمات الحركة الطلابية بجامعة الخرطوم وإن تأخر تكوين الاتحاد الاول بسبب اللغة لعامين حتى تم الاتفاق على أن تكون اللغة الانجليزية هى لغة الدستور والعربية للمخاطبةوجاء الاتحاد الاول برئاسة محمدالخبر عبد الرحمن واجهته جماعة الدعوة الاسلامية وساندته إدارة بروفيسور عبد الرحمن أبو زيد وعميد الطلاب وقتها الاستاذ / مكايا لومرى وفى الجانب الاخر كانت رايطة الطلاب الجنوبيين {جوســـا} وقلة من الجبهة الديمقراطية منهم سيف الدولة موسى وبابكر { إبن الجزيرة أبا} وتنظيم الطلاب الجمهوريين بزعامة الاستاذ عصام خضر
بوصول الدفعة التالية بداية الثمانينات بدأ نشاط الروابط الاقليمية مما ساعد على إبراز الدور الاجتماعى للجامعة فتكونت رابطة الاقليم الاوسط بقيادة حسن طمبلوجمال عبد الله { رحمه الله} وطلاب الاقليم الغربى بقيادة فاطمة عبد الرحمن الرشيد { لها الرحمة } ورفضت الادارة أولا تكوين رابطة لطلاب الخرطوم حتى تعيين المرحوم فوزى أحمد عبد المجيد عمادة الطلاب فتكونت برئاسة عثمان محمد على طه { تكتكة}
وأصبحت الجامعة تفور نشاطا ويتفرق طلابها أثناء العطلات بنشاط مماثل بمناطقهم المختلفة ....
نواصل بعدها عن على بحر ..على ويكة..على كلنك..وعلى فنطازيا وأشياء جميلة مبعثرة
أخوكم دكنور / طه كــــــــــــــــروم
المدينة المنورة / السعودية
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
ودي مساهمة وردتني عبر الايميل
Quote: اخى بجامعة جوبا
هلا تكرمت بنشر مساهمتى فى البوست التوثيقى لجامعة جوبا لانى لست عضوة بسودانيز
اونلاين وقد وجدت ايميلكم فى البروفايل خاصتكم ولك شكرى .
بداية تحياتى لجميع طلاب وخريجى جامعة جوبا فى جميع اصقاع الارض - تلك الجامعة المتفردة والتى
( يجسد شعارها ( الانتماء والتميز العلمى ) المعانى الحقيقية لكل من انتمى لهذه الجامعة الفتية والمميز فى هذه الجامعة العلاقة الحميمية التى تربط الطلاب فى جميع الدفعات وكل الكليات منذ تأسيسها فهم كالجسد الواحد فى تلاحمهم وارتباطهم .ا
امال نورين الدفعه90/91 كلية الاقتصاد والدراسات الاجتماعية - ( دار البشائر ) المعسكرات بسوبا وحاليا احضر الماجستير فى الترجمة فى ذات الجامعة
وتحياتى عبر هذا البوست لبعض الزملاء من خريجى الجامعة بمختلف الدفعات:
جمعة محمد كوكو - خريج كلية الموارد الطبيعية - جيولوجيا مقيم حاليا بامريكا
الجيلى العجب - موارد - جيولوجيا- يعمل بالصين
نجوى اسماعيل - تربية- تعمل بسلطنة عمان
سميرة موسى آرمين- تربية - تعمل بجامعة جوبا
دار السلام عبدالله -موارد - انتاج حيوانى - -استاذه
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: الطاهر عثمان)
|
الرائعين حاتم يوسف و د.طه كروم
لكما محبتي:
الظاهر انو يا حاتم يوسف دكتور طه كروم ضيع الباسورد بتاعو ودي خسارة
كبيرة خلاص ؟ ولاخير فينا ولا في خالد العبيد كان ما حليتو المشكلة دي
لكن برضو البركة فيك يا حاتم يوسف جبت لينا مفاتيح البداية من مكنة
عملاقة زي د.طه كروم وما اجمل البداية..كلام ولا في الاحلام..
حقو زاتو بعد ده انا اعتبر مهمتي انتهت وأطلع من البوست لخبازينو
معقولة ياخ اتخرج بعد تمانية سنة(بدون تربيت)!! واسمع بتوثيق طه كروم ده لاول مرة
والله نحن كنا قاعدين ساي!! لكن تابع لينا باقي الكلاوي من كروم عشان نعرف نحن كنا بنقرا وين!!
وبمناسبة الجمهوريين وين الدكتور عبدالله عابدين الموسوعة..بيني وبينو صداقة وفكر وحاجات
كتيرة.عندما سافرت الدوحة لقيت الفاتح الابوابي -الله يطراه بالخير-وعرفت منه ان عبدالله عابدين
ترك العمل في مستشفي حمد ومشي لندن ومين ديك ما سمعت عنه حاجة..
وعمر خيري لاقيتو وكنت متواصل لما كان شغلو مرتبط بالمغتربين..وسلمي الطيب لقيتهاصدفة
مديرة لحملة مكافحة المخدرات بوزارة الصحة..وكثير من الناس الجميلين نرجع لهم فيما بعد
وزي ما قال كروم ناس جوبا متميزين في كل المجالات..
لكن يا حاتم كدي خلينا نذاكر الوثيقة الاولي لطه كروم ونشوف الدروس والعبر المستفادة..
ونتواصل
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبدالمجيد صالح)
|
يا الله .... جامعة جوبا وذلك العميد الشرس الكارب. وصدق من قال لكل مسمى من إسمه نصيب. ذقنا الويل فى عهده ... مركز اللغات والترجمة 2000 - 2001 ومن ثم الترفيع الى الدراسات العليا، والذى كان قمة التحدى . .... يا الله ايام لا تنسى حقيقةً
المحاسب ود بلدنا الاخ محى الدين عباس مريسيل .... ذلك الشخص المثالى الذى وقف بجانبى فى احلك الاوقات، خاصة وبعد ترفيعى للدراسات العليا بتلك الجامعة العريقة. لقد آزرنى وشال معاى فى راس العود كما يقول اهلنا ... له التحيه اجلها.
لك التحيةاطنان اطنان لإفرادك هذا البوست الرائع.
وسأعود وفى جعبتى الكثير عن تلك الجامعة الفريدة فى نوعها، وانا الآن أجتر بعض روائع الدكتور الذى كان يدرسنا مادة اللغة العربية وهو يغوص فى معلقة امرئ القيس ولقد كان مبدعاً وهو يقف على هذه الجزئية:
فمثلك حبلى قد طرقت ومرضع ** فألهيتها عن ذى تمائم محول
إذا ما بكى من خلفها إنصرفت له بشق ** وتحتى شقها لم يحول
صدقنى كانت عندى ايام لها ايقاع خاص واعدك بانى سأعود للغوص فيها واسترجع الحلو والمر منها.
تحياتى لك بلا حدود
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
والله ياعبد اللطيف كتبت مداخلة طوييييييلة ... طشت وين ماعارف !!!!!
المهم ..
Quote: خالد فضل الصحفي في الصحافة ومجلة الخرطوم الجديدة دفعتنا
هسع ما عارفو وين
|
خالد فضل ... ياسلاام ياخ ... لسه متواصلين معاه ... ولسه بيعافر في السودان ...
خالد فضل وتوأمه / أبو المعالي ... أكثر الناس تهذيباً في دفعتنا ...
...
أمس عملت مكالمات طويلة مع الشباب - بدر الدين الشيخ - كوستي (محاسبة)، عثمان فضل (الموارد) ود/ عمر عثمان ..
...
يدك معانا .. طه كروم لغاية هسع ماعنده باسوورد ... وبكري مطنش تماماً ...
...
واحده من أغرب حاجات جامعة جوبا .. العلاقات بين الناس .. وأنا برلوم بتذكر كويس جداً ...
النقاشات الحادة في الـ Roun Tree وطوالي بعد نهاية الركن ..تلقي نفس الجماعة كلهم ومع بعض يشربوا في الشاي عند أمية ويضحكوا !!
...
عبد اللطيف ... ياخي ملامحك ماقادر أتذكرها كويس ... زح لينا صورة البدلة دي وخت صورة عادية عشان تنذكرك كويس .
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
حاتم يوسف
انا ما خاتي صورة بدلة ولا حاجة
الصورة البتتكلم عنها دي ما حقتي ده شقيقي بدرالدين من تورنتو
والصورة اتغيرت بصورة زهرة بتنتح ..النت ده جن ولاشنو!!
لكن حارسل ليك صورة حديثة عشان تتذكر!
| Quote: بدر الدين الشيخ - كوستي (محاسبة)، عثمان فضل (الموارد) ود/ عمر عثمان |
ياسلام علي الذكرتهم ديل بالجد الاكثر تهذيبا في الجامعة وفي المنبر رغما عن انهم ليسو
اعضاء فيه!!لكن اسمائهم كفاية لينافسو!!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الاخ عبد اللطيف دي مداخلة تانية وردتني عبر الايميل وياريت لو تعمل ايميل يقدر ناس جوبا يتواصلوا معاك فيه
| Quote: الاخ الطاهر كيف حالك استائذنك في ان توصل تحياتي لكل طلاب وخريجي جامعة جوبا وتحية خاصة للاخ عبد اللطيف حسن علي وكتر خيرو داير يرجع الذكريات وانا علي استعداد للمساهمة معكم احمد رمرم كوستي |
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: الطاهر عثمان)
|
احمد رمرم الاستاذ المحامي انت لسه في كوستي!
حاشية:الطاهر عثمان الايميل بتاعي واضح في الملف الان
ونعتذر لك عن شئ من الضيق..لكن انت برضو من جوبا ولما تفضي من الفي
ايدك محتاجينك ياعزيز..هل كنت منقطع الصلة عن الجامعة.لا اعتقد
بعدين انت قلت ايام حلوة الله يديم طعمها والبوست مفتوح لكل من احب
ودرس في جامعة جوبا..
الله يرحم د.ابوزيد لقد كان نشطا جدا منذ ان عرفناه والاختلاف الفكري
لم يكن يوما عائق دون تواصلنا الاجتماعي الحميم كعادة طلاب جوبا
ونترحم علي روح الزميلة سمية الجوخ الانسانة والفنانة المرهفة ونقول
للمسرحي ا لرشيد احمد عيسي زوجها شد حيلك والبركة فيكم..
ويا حاتم الذاكرة والسريرة النقية قلت لي شنو(حاكم وو)
ياخي اعدت لي الحياة!!وطيب الادروب طيفور وين..يا زول والله في جنس عجايز
زي آدم الصادق هسع في الجنينة او نيالا مع منظمة ادرا..
احمد رمرم منتظرك في الايميل
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
من النهايات العظيمة لأحد طغاة الكيزان في الجامعة .. عابدين بتاع التربية ...
عابدين الكوز الثقيل .. وكادر العنف للكيزان ... تسلق سريعاُ بعد الإنقاذ ووصل مدير الأمن في الإستوائية ...
وطبعاً منتهى الجبروت والإفتراء ... وأعتقد أنه واحد من الذين عذبوا الزميل / محمد حلا ... في المعتقل ..
والآن يقسم لكل من يقابله أنه نادم على كل ما فعله لتثبيت هذه الحكومة ... بعد أن تم طرده من الأمن .. وفقد كل شي ..
اللهم لا شماته .. وكما تدين تدان .
...
...
وكذلك من دفعتناالكوز / ناجي دهب ... ضاقت به الأرض الآن بعد أن تطاول في البنيان ... اللهم لا شماته .
...
...
قابلت د/ شوقي حربي ... لأجده مختلفاً تماماً عن ذاك الكوز .. الكادر الخطابي للكيزان .. أحسست به بعيداً عن كل مايجري في البلد ..
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
آآخ .. مالكم فتحتم علينا بابا من الأحزان .. صباح اليوم تذكرت هذا البوست و بدأت أستعيد أسماء ظلت فى الذاكرة .. و كانت هى أوّل من تذكرت سنيرتنا النابغة الهادئة و المتميّزة .. و سألت نفسى أين هى الآن؟ فمثلها لابدّ أن تكون عالمة .. و آخر أخبارى عنها أنّها ذهبت للتحضير فى فرنسـا .. و كانت الفاجعة حيث علمت من حديثكم أنها فارقت دنيانا .. رحم الله فاطمة الرشيد رحمة واسعة
أروب دنق .. ذاك الخلوق .. أهو الآخر فارق دنيانا .. نسأل الله له الرحمة .. و أين أخيه وزميلنا بلابك دنق و أروب دنق الصغير
أبوزيد .. كيف لى أن أستعيد ذكريات جوبا و لا أذكرك .. و كيف لى الحديث عن رابطة طلاب الأقليم الأوسط و لا أذكرك .. كنت الدينمو المحرك لها و لكل الليالى الشعرية فى الجامعة .. بكيت حين رأيت "المرحوم" تسبق إسمك الجليل .. نسأل الله أن يتقبلك فى عليائه .. أدرك أنك ترفل فى نعيمه .. فخلوق مثلك ما خلق إلا لذلك.
دعونى أكفكف أحزانى .. فالحزن على أستاذى فاروق كدودة لم يكن الأخير
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: احييك يامحجوب ومحمد موسي لو عارف ليهو طريقة وصلنا ليهو |
تعرف انا حأسأل عثمان عبدالقادر منو لاننا علي اتصال ...
عموما شوف لينا ناس بدرالدين و عادل و ناس ال DH ود ابكر و طارق
و بالنسبه لناس دفعتنا ديل يأ اخي انا عايز اكلم بكري يسجلهم لينا بالجمله كده...
احمد كنانه
حسيب
عثمان عبدالقادر
و..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Mahjob Abdalla)
|
Quote: من النهايات العظيمة لأحد طغاة الكيزان في الجامعة .. عابدين بتاع التربية ...
عابدين الكوز الثقيل .. وكادر العنف للكيزان ... تسلق سريعاُ بعد الإنقاذ ووصل مدير الأمن في الإستوائية ...
وطبعاً منتهى الجبروت والإفتراء ... وأعتقد أنه واحد من الذين عذبوا الزميل / محمد حلا ... في المعتقل ..
والآن يقسم لكل من يقابله أنه نادم على كل ما فعله لتثبيت هذه الحكومة ... بعد أن تم طرده من الأمن .. وفقد كل شي ..
اللهم لا شماته .. وكما تدين تدان .
...
...
وكذلك من دفعتناالكوز / ناجي دهب ... ضاقت به الأرض الآن بعد أن تطاول في البنيان ... اللهم لا شماته .
...
...
قابلت د/ شوقي حربي ... لأجده مختلفاً تماماً عن ذاك الكوز .. الكادر الخطابي للكيزان .. أحسست به بعيداً عن كل مايجري في البلد ..
...
|
عبدالله عابدين والناجي عبدالله امنجية قطاع الطلاب
مسؤولين عن الاغتيالات في صفوف الطلاب في تلك الفترة مثل التاية وسليم وطارق
وقضايا التعذيب في المعتقلات وبيوت الاشباح
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عزيزى أنو الحاج .. ولك من الشوق أعظمه
حدثنا عن أرض الجمال تلك و كيف وجدتها بعد السلام .. و كيف هى حالها الجامعة ..
أنت و كرومة أفضل من يؤرخ لتلك الحقبة و حراكها السياسيى .. فكنتم جزءا منه .. أما نحن فدعونا نهترش عن "كطع الظلط" .. و نأتى على ذكر صلاح كوستى و فنطازيا و صبرى الحاج المحسى و يوم جئ بمنديلن محمولا على الأعناق فى نهار يوم ما وركن النقاش تحت الشجرة فى ذروته .. حدثونا عن الأنتماء و التميّز الذى ساهمت فيه سياسات الجامعة .. عن السلام الذى تميّزنا بها و كيف كانت العلاقة بين فايز "جماعة الدعوة" و عصام "الجمهورى" .. و النكسة التى أصابت الجامعة بعد أن تولى إدارتها د. عبد العال عبد الله عثمان
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
شكرا علي بحر لرجوعك
والله يرحم من رحلوا من دنيانا ويطول عمر من بقوا احياء
قبل ان نصل الجامعة منتصف السبعينات من القرن الماضي جرت احداث عنف سببهاكما علمنا اسبوع
ثقافي لجماعة الدعوة الاسلامية-واجهة الكيزان.وكان الترابي في مقدمة المدعوين وسبب الاحداث
كما دعوا فيما بعد- منتصف الثمانينات- كوادرهم في الخرطوم بعد الانتفاضة ليتحدثوا عن
مواضيع الساعة وتفاجئوا بالجبهة الديمقراطية علي علم بالزوار قبل ان يصلوا وبالوثائق!!
بالنسبة لاحداث العنف التي ذكرتها اعلاه من اختصاص طه كروم.
عام 85 ونحن في الintensive english course دعا مجموعة من الناشطين سياسيا منهم كروم
واسعد البرير وابو الشوش واروب دينق وجون كايرو وماكور وديفيد وآخرين الي ضرورة قيام
جمعية عمومية لصياغة اقتراحات بصدد تكوين لجنة تخاطب الادارة وتشرع في تكوين الاتحاد
الموقوف..ولما لم تتجاوب الادارة مع مطالب الجمعية العمومية قررت الاعتصام في ديسمبر
1985 وتم ايقاف الدراسة..ومن اطرف الاقتراحات في الجمعية العمومية كان اقتراح killing the vice chancellor
وكالعادة تشغيل ميكروفونات الاغاني الوطنية التي تلهب وجدان الطلاب في متل هذه الاحداث
في اليوم الثاني او الثالث لا ادري تم اقتحام الجامعة بواسطة البوليس لفك الاعتصام
عند هذه النقطة نحتاج لمداخلات الكثيرين..لانني لا اذكر التفاصيل..
ولكن تم تعليق الدراسة وقفل الجامعة..
وتواصلت الانشطة في العام التالي حيث شهد العام1986 ذروة النشاط الطلابي السياسي واركان
النقاش المكثفة من تنظيمات الجبهة الديمقراطية والكيزان ورابطة الطلاب الجنوبيون ومؤتمر
الطلاب المستقلون وحزب البعث وحزب الامة ورابطة ابناء جبال النوباوالجمهوريون وتبلور
العمل السياسي حول برامج سياسية تميز كل تنظيم عن الاخر وبدا يحدث استقطاب شديد لجماهير
الحركة الطلابية في الجامعة..
تزامن مع هذا النشاط السياسي الذي صبغ الجامعة بالوان التنوع المبدع تزامن معه نشاط
آخر ثقافي للروابط الاجتماعية وحفلات ورحلات ترفيهية علي مستوي الروابط الاجتماعية وروابط
الكليات وكانت اجمل ايام الجامعة التي شهدناها..
أفرزت هذه الانشطة المتسارعة تكوين لجنة الانتخابات التي ستشرف علي اجراء الانتخابات
وجري ذلك في تظاهرة كبيرة في قاعة السماني عبدالله (السماني هول)كما هو الاسم الطلابي
لها..
وقبل ذلك اتضحت التحالفات السياسية من خلال فرز المواقف..حيث تحالفت جوسا مع الجبهة
الديمقراطية Alliance of National Forces واظنه شبيه لANF في جامعة الخرطوم وقتها
وتحالف الاخوان المسلمون(كانوا يسمون انفسهم الاتجاه الاسلامي)مع مجموعة من الطلاب الذين
كانوا حائرين او متنكرين لاي تنظيم سياسي وظهروا فجأة كطلاب مستقلين احرار!وكنا نعرفهم
وعدد قليل من طلاب حزب الامة..
وفي جو هذا الاصطفاف السياسي ظهرت الامكانات الهائلة لتنظيم الجبهة الاسلامية في الخر(.........)م
(امكانات مادية)حشدوا بها عينة الطلاب التي لايخاطبها الا المال والطعام..
ولم يشفع كل ذلك عندما اعلنت لجنة الانتخابات الفوز الكاسح للتحالف الوطني بجميع مقاعد
الاتحاد ال35 .ليكون الفارق كبيرا في الاصوات بين اخر فائز في قائمة التحالف واعلي عدد
من الاصوات في طرف تحالف الاخوان.
ونواصل ماترتب علي هذا الفوز
ولكن نتمني قبل الاسترسال ان يفيدنا الدكتور طه كروم بما يفيد في ربط السابق باللاحق
لفائدة التوثيق والاجيال القادمة..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
سلام لناس جوبا في الرايعين..
اها الجامعة رجعوها جوبا ولا لسع؟.. لأني داير اقرا فيها..
كتر خيرك يا عبد اللطيف يا صديق..
و شايف الأصدقاء محجوب و على الحلاوي.. كل مرة زايغين..
كايس على ناس اقتصاد الكانوا في 1997.. جنب السلمه..(ما تفهمني غلط يا عامر جابر.. عندي كراس شعر رايح بي هناك.. باقي اليومين ديل قررت ارجع للشعر)..
حقيقة اريد أن اعرف عن مجتمع جامعة جوبا..و تجربة الناس القروا فيها..
نديكم شوية من ناس الدلنج..
استاذنا عادل أزرق (موارد)..
على شميلا..
رابح عثمان باوا..
عبد المنعم اسكيمو (اتفصل في تلك الأحداث)..
و من المتأخرين شوية ..
حسن البله المكي..
رجاء قدف..
المهم..
تحية ليكم..و البركة فيكم في الزملاء و الزميلات الذين غادرونا..
كبر
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Kabar)
|
Quote: كايس على ناس اقتصاد الكانوا في 1997.. جنب السلمه..(ما تفهمني غلط يا عامر جابر.. عندي كراس شعر رايح بي هناك.. باقي اليومين ديل قررت ارجع للشعر)..
|
الحرامى فى راسوا فى ريشه
______________
وانا اقول يا ربى انا طالع لى منوا 
انا جايكم يا جماعة خلى الكبار يجوا الاول
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Kabar)
|
الصديق كبر:
احييك بحرارة علي ايراد هذه الاسماء الجميلة
عادل ازرق(موارد)
علي شميلة(اقتصاد)
رابح عثمان(موارد)
عبدالمنعم اسكيمو
وحسن البلة(اظنو كوز)
ورجاء قدف (صديقة المرحومة سمية الجوخ)
يازول انت حقو تنزل الانتخابات (الجاية)دي كان بقت صحي وانا بضمن ليك الفوز!
شايف عندك قاعدة جماهيرية عريضة في كل حته..
Quote: شايف الأصدقاء محجوب و على الحلاوي.. كل مرة زايغين..
محجوب متواصل لكن ما عايز يكتب في الموضوع التوثيقي يكون كره الحكاية المملةدي
وعلي بحر ابو نظارات هسع تكون سماكتها زادت وعايز زول يشوف ليهو!! ماقادر يستحضر
عبداللطيف ده منو..
|
شكرا علي المرور وارقد عافية..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: عبدالله عابدين والناجي عبدالله امنجية قطاع الطلاب |
عزيزى عبد اللطيف .. طبعا بتقصد عابدين و ليس عبدالله عابدين
عابدين الكوز بتاع الطقيّع/المناقل
أمّا د. عبد الله عابدين فهو الجمهورى الخطيب المهذّب .. و قد ظهر فى الفترة التى تلت عصام خضر .. هو و الأخ أبو بكر على صالح دفعتنا فى الاقتصاد .. و قد كان ساخرا جدا
بالمناسبة .. حاولت أتذكرك إنتا و حاتم لكن فشلت .. هل أنتم دفعة منال الله جابو و أحمد شعيرية و بشير ليما بتاعين جمعية هواة المسرح أم الدفعة التى تلتهم و بدأت عامها الأول فى الخرطوم ثم إنتقلت لجوبا
و من دفعتنا أذكر أربعتنا فى الأحصاء .. أنا و عبدالرحمن بساطى و عزالدين ذوالنون و صلاح ود الفاشر .. و من التخصصات الأخرى فى إقتصاد .. ياسر العاتى و عثمان أكرود و أرو الياس .. سآتى لذكر كل الدفعة بالتفصيل و طبعا لن أنسى عمر خيرى و مها عشارى و كلمنت واى واى .. و اشهر الشخصيات فى عهدنا نيكولا سايمون فتاكى و حكايته الشهيرة مع "البندق" يوم تنصيبه رئيسـا لأتحاد الكيزان .. الأتحاد الذى ظهرت فى عهده النكسة الكبرى يوم إنقسم الناس لمعسكرين .. الشرقى و الغربى .. و أعتقد أن زميلنا حسين أركو مناوى هو أخ منى أركو مناوى
صديقى العزيز كبر .. لقد خلعنا عليك العضوية الفخرية بشرط أن تدفر لينا منال هنا .. و منتصف هذا الشهر سأغادر فى إجازتى لأوتاوا .. و لو فى إمكانية تعالوا إحتفلوا معانا بى كندا داى
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Ali Alhalawi)
|
| Quote: حاولت أتذكرك إنتا و حاتم لكن فشلت |
علي بحر ... ياخ نحن أول دفعة قلبت مقاييس الجامعة ... حيث إعترض وإستاء كوامر الجامعة أمثال / البراد والحاكم .. من أسماء
طلاب هذه الدفعة .. وقالوا (الجامعة باظت .. بقت تجيب حناكيش)
نحن ياسيدي 85 وأول دفعة تأخد الإنتينسف كورس في الخرطوم ، حيث كانت بقية الدفعات تاخده في جوبا وبعضهم في نيروبي ....
أعتقد ناس /بشير ليما (الأنصاري الجدع) الدفعة القدامنا..وكذلك منال الله جابوا الزولة الرائعة وصديقتها (حكاية غريبة)...
...
...
عاصرنا مجموعة / عمر خيري ومها الفيل
...
| Quote: عزيزى عبد اللطيف .. طبعا بتقصد عابدين و ليس عبدالله عابدين |
تماماً ... د/ عبد الله عابدين ... ليس هو المقصود ... وأنما المقصود الكوز / عابدين (بتاع التربية) ..
...
المرحومة د/ فاطمة الرشيد ... درستنا لمدة قصيرة بعد رجوعها من فرنسا ... رحمها الله .
...
المرحومة / سمية الجوخ ... أجمل صوت نسائي سوداني على الإطلاق ... وغنائها بصوت خافت في اللاب ...
...
| Quote: حكايته الشهيرة مع "البندق |
الكلمة دي مافي زول بيعرفها غير ناس جوبا ...
...
من الشخصيات الفريدة برضه .. مولانا د/ هشام المشرف ... أنصار السنة ، كان يتمتع بإحترام الجنوبيين بشكل غريب في الجامعة ..
وأيضاً من أولاد الطب د/ روميل ... والله تشوفوا في رمضان عادي رابط عمته مع شلته وعزومات رمضان وإفطار .. ومستحيل تعرف أن مسيحي إلا من إسمه فقط !!!
...
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الأخوة خريجي وطلاب جامعة جوبا، التجاني الحاج صديق عزيز ومن خريجي جوبا يود أن يتواصل معكم
بكري
ــــــــــــــــــــــــــــــــــــــــــــــــــــــــ
يا ناس جامعة جوبا كيف إيتكم،،، سلام تأكم كلو
أولاً وقبل شئ أنا التجاني الحاج عبدالرحمن من كلية الموارد الكان فيها ناس ود أبكر الـ DH الشهير (بالله عليكم الله فتشو الزول دا وين، الواحد إشتاق لـ DHtivity بتاعتو)، ولأنني لست مشتركاً في المنبر، فقد تكرم مشكوراً أخ عزيز هو بكري الجاك بإيصال صوتي من خلال حسابه . ذلك لأنني لا أستطيع أن أرى رفقاء أعزاء يتذكرون أياماً جميلة وأسكت. ودعوني أتذكر...
أول حاجة ياعبداللطيف كيفك وكيف أحوالك عساك بخير وإنشاء الله ما تكون بلغت أرزل العمر، وينك ياراجل في الدنيا دي،،
حاتم يوسف الولد الوجيه، كيفك يا دفعة، والله الواحد إشتاق ليك وإشتاق لي أيامنا مع فيصل السمين، أشرف القصير، عماد عبدالله، ثائر إبراهيم، وليد الريح، محمد يعقوب، محمد حلا، خالد فضل، والزميلات الجميلات، مها معاوية، جميلة حسن عبدالرحمن، أيمان فتح العليم، أميمة الطاهر.
وبعدين السناير بتاعيينا، طه كروم، أسعد البرير، عادل شريف، عاطف عبدالمجيد(جودو)، هالة الكارب، بنات الحلاويين (واحد كانت دفعتنا، والتانية سنير) منال الله جابو د. مريم الكندري أنس أحمد الحسين والقائمة تطول.
الواحد بترحم على أرواح الأخوة: الشاعر المرهف أروب دينق، والأخ تسوا نديم علي، فقد كنا أنا والأخ نديم سوياً في آخر لجنة دستور في الجامعة، وشكراً ليك يا عبداللطيف وريتنا برحيل الأخ الفاضل أبراهيم جوليو.
يا جماعة الواحد ما عارف يقول شنو، لكن والله رجعتونا سنين وياحاتم وعبداللطيف شكراً ليكم وإعتبروا دي مني مجرد تحية لغاية الواحد ما يلم نفسو ويتكلم عن ذكريات الجامعة وتاريخها.
يا جماعة أنا قاعد في أسمرا، الإيميل بتاعي: [email protected] ، تلفوني: 002917113063
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: هل أنتم دفعة منال الله جابو و أحمد شعيرية و بشير ليما بتاعين جمعية هواة المسرح |
صحيح !84
آخر دفعة حضرت الكورس في جوبا
ومن دفعتنا ابراهيم الكرسني وبشير ليما والنفيدي( وحكاية غريبة)وعمر عبدالقيوم وجعفر وعادل
تاور وادم الصادق ومنال الله جابو واميرة نوري و(ابوردا)وماكور وديفيدواحمد مكرونة وعلي شميلة
وعثمان فضل وسيد وعلي مرسال واسماعيل(محاضر الان) واخرين لاتسعفني الذاكرة الان..
والناس الذكرتهم ديل يا علي بحر بعرفهم كلهم وعاصرتهم..
طيب كدي اتذكر الناس الكانو بيتكلمو في اركان النقاش ممثلين للجبهة الديمقراطية هناك
في جوبا..قطعا ستتذكر طه كروم والشهيد اروب دينق وانشراح محمد احمد وماكور وشخص اخر هو
عبداللطيف.
ثم تاتي الدفعة التي تلينا وبها عدد كبير من كوادر الجبهة الديمقراطية منهم متحدثين
في الاركان مثل محمد حلا ونوال كامل محجوب ومنهم كوادر اخري مثل احمد رمرم وامال وسفيان وعادل
سعد ومبارك ..
والمرحوم ابراهيم الباشا وريتشارد والمرحوم ابراهيم جوليو وادم الصادق والامين العربي وجمال توفيق
مكرونة( وابوالشوش وعمر خيري ونادرة حسن علي وعمر خيري وحمزة الحجاج واحمد النور وبوب
وهؤلاء قدامي)..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عامر جابر..حبابك يا صديق
Quote: الحرامى فى راسوا فى ريشه
______________
وانا اقول يا ربى انا طالع لى منوا |
يازول هوي أنا ما سرقت.. انا بس جيت اعاين..!
وقف حركات المرجفين..و طابور القلق ده ياخي..!
غايتو اتذكرت.. برضو كراس الشعر داك.. كان معاهو كراس تاني فيهو سبع قصص قصيرة..و انشاء الله ما ينفعهم (ناس جوبا الشالوا كراساتي.. طبعا)..
كبر
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Kabar)
|
صديقي عبد اللطيف .زحبابك
Quote: يازول انت حقو تنزل الانتخابات (الجاية)دي كان بقت صحي وانا بضمن ليك الفوز!
شايف عندك قاعدة جماهيرية عريضة في كل حته.. |
كتر خيرك..
يا اخوي هو دي قاعدة جماهيرية كانت زماااااااااان.. و الليلة الواحد كن مشى حلتهم.. يقولوا ده منو الغريب الحايم في نص الحلة دي..
شكرا ليك..و منتظرين حكاويكم و غناويكم..
كبر
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Kabar)
|
صديقي على الحلاوي..حبابك
و الشوق بحر..ياخي..
| Quote: صديقى العزيز كبر .. لقد خلعنا عليك العضوية الفخرية بشرط أن تدفر لينا منال هنا .. و منتصف هذا الشهر سأغادر فى إجازتى لأوتاوا .. و لو فى إمكانية تعالوا إحتفلوا معانا بى كندا داى |
كتر خيرك على العضوية الفخرية..و بنمسك فيها قوي..
الصديقة منال.. اليومين ديل بتقم ربايط..و بتقع ربايط.. استعدادات ساكت للسفر .. لأنو عندها نية تنزل السودان..تشم كتاحة شوية و تجي راجعة (شفت الشعب السوداني ده لذيذ كيف.ز يقولوا ليهو الدنيا ربيع .ز يقول ليك السودان اولى)..
شكرا على الدعوة..و نفكر فيها بصورة جادة.. لأني الفترة دي كن ما سافرت.. ما اظن تاني قريب..
و نعتذر لناس جامعة جوابا.. في المقاطعة (قصدي مقاطعة المداخلات)..
و نسمع منكم..
كبر
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: و شايف الأصدقاء محجوب و على الحلاوي.. كل مرة زايغين..
كايس على ناس اقتصاد الكانوا في 1997.. جنب السلمه..(ما تفهمني غلط يا عامر جابر.. عندي كراس شعر رايح بي هناك.. باقي اليومين ديل قررت ارجع للشعر)..
حقيقة اريد أن اعرف عن مجتمع جامعة جوبا..و تجربة الناس القروا فيها..
|
العزيز كبر...
الواحد بس بشوف الويكند القدامنا ده ... لو لقي زمن يجي يمسك البوست ده
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Mahjob Abdalla)
|
كتب محجوب
Quote: العزيز كبر...
الواحد بس بشوف الويكند القدامنا ده ... لو لقي زمن يجي يمسك البوست ده |
الويكند قريب وحنشوف يا محجوب..
اصلو الشغلة عايزة الناس يحكو عن ذكرياتهم زي برنامج اولاد دفعة زمان في الرادي
او برنامج عمر الجزلي (حماكم الله) البيودي التوج طوالي!!(اسماء في حياتنا)المخصص لناس
معينين اوشكو علي المغادرة!!
بعدين ما انت وعلي الحلاوي بس الزايغين ,برضو امير جابر قاعد يتحجج بالناس الكبار
والكبير الله!..
لو اتاخرتو اكتر من كده انا ح اجيب صاحبي كبر يوثق ليكم الما دايرين تقولو ده
اعتبروه تهديد واي حاجة..!!
بالنسبة لمنال موجودة في كندا ولو دخلت البوست ده
يحيي فضل الله ... يتألق فى تورنتو ... شي مسرح ... وشي شعر ... وشي نثر.
ح تلقاها علي حافة صورة جنب خواجة
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الأخوات والأخوة :
رغم قصر المدة التي قضيتها في مركز جوبا للغات والترجمة بريادة العالم الفذ:
بروفسور صلاح الكارب
لكن هذه الفترة أعطتني انطباع جيد جدا عن مكونات هذه الجامعة التي لا تشبه الجامعات الأخرى
قرب الطلاب من الأساتذة الله يطراهم بالخير :
أستاذ صلاح الصافي
أستاذ محمد الحسن ( ترجمة قانونية )
أستاذ محمد أحمد هشام
أستاذ: دكتور عبدالله محمد أحمد
أستاذ : عجبان
وكثر غيرهم مروا علينا في هذا المركز المتفرد
من الصدف الغريبة في هذا البوست:
أن يرد ذكر صديقي الللدود الساخر حتى من نفسه
ابراهيم التني ود الجزيرة وقد عملنا معا أزهي سنوات العمل بالثانويات في تندلتي
وبنت دفعتي آمال نورين في الترجمة
أي نافذة للتداعي فتحتم
أشهد الله أن أيامي بهذا المركز لا زالت شاخصة أمام ناظري
هذا المركز الآن على قمته دكتور بول شول دينق
ومعه بروفسور صلاح الكارب
آمال ألا ينقل هذا المركز من مكانه
فهذا المركز يوفر فرصا للدراسة لمجموعة هائلة من الناس لا تمكنهم ظروف العمل من الانخراط في دراسة راتبة ومنتظمة
لي عودات
ولمونا في التني الساخر
بهاء /طوكيو / ترجمة جوبا 2005
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
هذه رسالة من الصديق التجاني الحاج عبدالرحمن
Quote: الأخ عبداللطيف تحياتي وأشواقي المسخنة خالص
والله أنا لي أكتر من 8 سنوات بفتش لناس جوبا وما لاقيهم، لقيت محمد يعقوب ود. عماد عبدالله (ود حي الزهور) شغال في السعودية، وبدل نتكلم في ذكرياتنا، كل مرة يرسل في أدعية، وحاجات زي دي.
المهم، وينك إنت في هذا العالم الملئ بالإحباطات؟؟
أنا في أسمرا وبعد مرمطة طويلة إستمرت قرابة الستة سنوات في جيوش المعارضة السودانية (قوات التحالف السودانية) بالجبهة الشرقية، أستقريت وأشتغلت في منظمة أنا أحد المؤسسين بتاعينها بإسم
مركز القرن الإفريقي لبناء السلام، وشغالين في مجال تدريب منظمات المجتمع المدني والأحزاب السياسية وبناء قدراتها.
تحياتي إلى كل الأخوان
Eltigani Elhag Abdelrahman
Director of Programs
Peacebuilding Centre for the Horn of Africa - (PCHA)
Asmara, State fo Eritrea
|
وضعناها هنا ليراها الاصدقاء
والتجاني لايستطيع ولا في مقدوره ان يكتم حبه لجوباالمكتوب في دمه
بالخط العريض في ذمة الحاضر وصية!!
واعرف حبه هذا جيدا منذ كنا طلابا وليس مجرد ذكرياتنا مهما كانت
برضو ترديدا بيالم!
بل هو حب العميري الذي يغنيه الاستاذ مصطفي:
كانو بتمنوك لو ترتاحي لحظة علي الجرح
حبوك حب..قدر الخيال ما مد ايدو علي السحب..
كل خاطر كان بريدك..الا ريدك كان رسول الدهشة في كل الديار
وانا زي عوايد الشعر فارس..شد خيل الالفه ليك
مربوط علي ضهر البداية..القالو آخرها بين يديك
وسرحت ياهون تهون ..
اشان اجيك..
كان اصل يوم لحقولك ..كت بريدك ومشتهيك
انكسر فيني الترجي
ونلت من سفري الودار
بس عايز اقولك يا اصيلة
لو تعب فينا المغني
وانكسر وتر التمني
لو تسدي علينا طاقات البشاير وانهزم يوم التجني
اجيك لا هماني شئ
عندك وقفت من المشي
وغرقت في اول بداية
غرقت في اول بداية
التحية ليك تجاني وارجو التواصل والكتابة
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الاخ بهاء منذ دخولك البوست اول مرة جرت مياه كثيرة تحت الجسر
Quote: ابراهيم التني ود الجزيرة وقد عملنا معا أزهي سنوات العمل بالثانويات في تندلتي
وبنت دفعتي آمال نورين في الترجمة |
ابراهيم التني فعلا استاذ كيمياء عمل في تندلتي
واعتقد سافر اليمن لكنني ساعرف ذلك من خلال ادم الصادق ود الجزيرة ابا
عندما يعود من الجنينة
امال نورين عندها رسالة في اعلي البوست مرسلة عن طريق ايميل الطاهر عثمان.
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Baha Elhadi)
|
وهنا رسالة جديدة من امال (الناس الصغار) منظر شنو يا امير!
Quote: الاخ / عبداللطيف
طالما الكبار ما دايرين يتكلموا اخير نتكلم نحنا الصغار ( حلوة دى)
رغم انه تجاربنا ما كتيرة لكن برضوا راى يمكن يوثق لفترة معينة
طبعا الاكاديميات الشديدة وزحمة المحاضرات دى اول حاجة بتواجه طالب جامعة جوبا وبتذكر لما جينا برالمة للجامعة عرفونا بانه اى كليه من الكليات الخمس فيها (بعبع ) يعنى لازم تعملوا حسابكم منه وبالنسبة لناس اقتصاد كان البعبع ( جون مشيك ) الله يطراه بالخير وده استاذ المحاسبة - المهم فى السمستر الاول كان بدرسنا اصول المحاسبة وقام عمل لينا (تست) و صحح الكراسات ورجعها - الطريف انه كان بينده على اى طالب عشان يستلم كراسو طبعا الواحد قلبوا بيدق وحالة قلق وخوف شديد المهم نده على معظم الاسماء! واحتجز مجموعة من الكراسات ، وقال اى زول ما سمع اسمه يجينى بعد المحاضرة - طبعا انا كنت من ضمنهم ، وبعد داك طبعا ما استوعبت المحاضرة بتقول فى شنو؟ وبقيت اخد وادى يا ربي انحنا عملنا شنو عشان يحجز كراساتنا وليه احنا بالذات؟؟؟؟؟؟؟؟؟ . بعد المحاضرة طبعا بتعرف الناس البتهول ليك المواضيع وجوا يواسوا فينا واحنا بنرتعش من البعبع اللى حا نقابله وانا من غير مبالغة بقيت ابكى بكاء شديد وبقوا يحنسوا فينا المهم فى النهاية قشقنا دموعنا واستجمعنا القوى لجون مشيك ، فلما دخلنا عليه وجدت انه درجتنا كويسة وعالية كمان بس كان عنده ملاحظات بسيطة لصالحنا - المهم طلعنا من عنده ونحن ننفجر من الضحك وقلنا لنفسنا صحى برالمة والله
|
اول ملاحظة في كلام امال انو الناس الكبار ما عاعيزين يجو
وانا اتغق معاك يا امال واشكرك علي المساهمة
وابتداءا من الان لن يكون هناك ترتيب محدد ومن يبحث عن تاريخ تطور
الجامعة الاكاديمي والسياسي والاجتماعي يمكنه تتبع البوست في جوانبه
المختلفة ويمكننا الاشارة الي الترتيب في حينه..
كل ذلك حتي لاينتظر الطلاب الحاليون وخريجي التسعينات..
لكن يا امال برلمتك جات خفيفة واحمدي الله عليها
لو كنت في جوبا كان شلتي شنطتك من المطار لي داخلية الطلاب راسا
وده حصل فعلا لبعض العاملين فيها كبار هسع..
وحنجي للحكاوي دي وارهاب الtest وassignment فيما بعد
نرجو مزيد من المشاركة؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
ورسالة للاخ بهاء من الصديقة امال
Quote: الاخ بهاء الدين -كيف حالك
والله صحى الحى بيلاقى
والله ايام الدراسة بمركز الترجمة ايام لا تنسى حقيقة واتخيل الواحد يطلع من الشغل ويمشى للمحاضرات المسائية ويطلع بالليل حاجة صعبة لكن ايام لها ايقاع حقيقة ونعم الاساتذة الاجلاء اللى تفضلت بذكرهم كانت لهم افضال كثيرة علينا فى الترجمة وامدونا بكل ما عندهم ،ومن الحاجات الطريفة بتذكر استاذ محمد الحسن كان ضاغطنا شديد - طبعا لمصلحتنا -وياربي بتتذكر يا بهاء الدين لما استاذ محمد الحسن طلب منناا واجب وقمنا اتذمرنا فقام قال لينا انتو ما صغار وما فى زول اقل من 25 سنة. قمت انت طوالى رديت عليهو وقلت ليه يا استاذ الجماعة ديل كلهم over 30!!!
|
ما شاء الله علي نشاط ناس قسم الترجمة
وعقبال الباقين!!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: صحف الاخوان الحائطية التي
اصدروها علي عجل الي الجنوبيون ووصفتهم بالرعاع والاوباش والارهابيون فانفجر العنف!! |
أعتقد أن صحيفة الكيزان وكانت تعلق قرب المشرحة تحدثت عن سيطرة الدينكا على جوسا ... وإعتبار أن جوسا تعبر فقط عن الدينكا ...
أدى هذا الأمر الى غضب شديد جداً في كوادر جوسا فمزقوا الصحيفة ... وكانت هذه بداية العنف الفعلي ..
..
..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
أدناه مساهمة من الأخ/ حاتم هواري ... من القادمين الجدد..
Quote: العزيز/حاتم
تحية طيبة ومشتاقين
أتابع البوست الذي تم فتحه بواسطةالأخ/ عبداللطيف ودعوته الكريمة لتواصل خريجي/ات جامعة حوبا...والتوثيق لجامعة عريقة لها ما يميزها ويجعلنا نفخر بالانتماء اليها ، أقرا بانتظام ما يكتبه الزملاء بالمنبر.. محمد حلا ومحجوب عبدالله هم من السناير الذين عاصرناهم بالجامعة ، أنا دفعة 89 (89-CN-25)...كلية الموارد ....أعتقد انها كانت سنة مفصلية في تاريخ الجامعة...الجامعة ما قبل الانقاذ....والجامعة ما بعد الانقاذ...وكنا آخر الدفع التي إحتفظت بحق الاعاشة والسكن والدراسة باللغة الانجليزية...بصراحة كنا آخر الدفع الذين يملأون بالكاد بص عند القبول ...ويكفيهم تاكسي عند التخريج (مقولة لـ د. النزير ممكن؟؟ لا أذكر)...
من السناير محجوب عبدالله ، محمد يعقوب ، محمد موسى ، نادر الطهطاوي ، بدرالدين+عادل أبوالشباب، غاندي ..من السنيورات أميمة فيشريز ، انتصار عطبرة ، سارة غابات ، ومن جيولوجيا الأخوات توحيدة و رشيدة
من الدفعة الصادق شنتور ، حاتم نيالا ، محمد خضر ، علي غلفان ، محمد مختار (وردي) ، بينيت خميس ، وليري جونسون
ومن الزميلات نشوى (البركة فيكم في د.أبوزيد) ، رجاء مدني ، هيلين بوني
جامعتنا جامعة عريقة وتستحق التوثيق لها ...
مشكور يا حاتم
حاتم فتح الرحمن الهواري (البروف)
خريج موارد – قسم الجيولوجيا (89ـ 1995)
[email protected]
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
ودي رسالة من الهام الجيلي
Quote: الاخ عبد اللطيف
اجمل تحيه
قريت كل كلمه كتبت فى سودانيز ون لين عن جامعة جوبا بكل لهفه وشوق
ما اظن تتزكرنى انا الهام الجيلى اقتصاد
انا متزكراك لانو بعد اتخرجت من الجامعه اشتغلنا انا ومحمد احمد عبدالله مع بعض كنت بقول لمحمد انا كنت بخلط فى الجامعه بينك وبين عبد اللطيف بس عبد اللطيف وسيمح ارسل ليك صورتى مع الدفعه فيها احمد زين. اقبال هارون. فضل الله ود الرشيد الله يرحمه
سيف الدين على مهدى فاطمه باشرى عماد سنطه خديجه صديق وهشام محمود
انا الان فى امريكا فى ولاية كلورادو
متزوجه ولى ابن بعمل فى ماجستير عن المنظمات الغير حطوميه
ياريت نتواصل ونسمع منكم
ولك ولكل فرد من جامعة جوبا كل الود والشوق
الهام الجيلى كوستى |
الهام الجيلي نحييك عبر الاف الكيلومترات اسفيريا
ومعقول اسمك المميز ده يتنسي! لكن الصورة في ذهني مشوشة شوية
ومحمد احمد عبدالله فعلا كان بيشبهني دي كانت ملاحظة المرحومة سمية الجوخ
ومنال الله جابو..الذي صادفت محمد احمد عبدالله بصحبتها اخر مرة في التسعينات لكن اشك في صحة
الوسامة دي لاني لما لاقيتو اخر مرة كان انيق ومهندم وانا اغبش زي الطالع من قبر..ومازلت.
ح امسك في وعدك بالمواصلة قوي..
الصورة مع المجموعة ضرورية عشان نتذكر الدفعة دي ..الله يخلي ليك ولدك
| |
|
|
|
|
|
|
|
|
|
حديث الذكريات حول جامعة جوبا (Re: عبداللطيف حسن علي)
|
الإخوة والأخوات والأصدقاء والأبناء
أنا سعيد بأن أطالع وأشارك فى حديث الذكريات حول جامعة جوبا. وقد كتبت فى العام الماضى بعض الإنطباعات بمناسبة مرور 30 عام على افتتاحها. وبطبيعة الحال، تركز إهتمامى على جوانب فى تلك التجربة من موقع مختلف عما تطرق إليه جل المساهمين فى هذا الحوار. وبدون شك نحتاج لمشاركة أفراد عديدين من العاملين والأساتذة والطلاب لتسجيل تجارب واحدة من أكثر مؤسسات التعليم العالى حيوية ومثاراً للإعجاب.
وسوف أعود للكتابة والمداخلة بقدر ما يسعفنا الظرف. وشكراً للأخ الذى بادر باطلاق هذا الموقع. وقبل كل شىء حزنت كثيراً لفقد أشخاص عزيزين ونابهين مثل فاطمة عبدالرحمن الرشيد وهى بلا شك من أميز خريجى الجامعة. كذلك تخطف الموت كزيتو جوزيف أدوهو فى أعجل من لمح البصر. و أطبق علينا الحزن فى السنوات والأشهر الماضية بالموت المفاجىء للدكتور فوزى عبدالمجيد ولحق به صديقنا العزيز ومديرنا السابق عبدالرحمن أبوزيد وقبل نهاية العام الماضى رحل عنا فاروق كدودة وكان عالِماً وعَالماً بحاله. و كانوا إلى جانب نخبة من النساء والرجال الأفذاذ من ركائز هذه الجامعة.
وشكرا لكل من أعاد الينا ذكريات تلك الأيام الحافلة.
| |
|
|
|
|
|
|
|
|
|
Re: حديث الذكريات حول جامعة جوبا (Re: A/Magid Bob)
|
نشكر الروفيسور عبدالماجد بوب /كلية الاقتصاد
| Quote: وقد كتبت فى العام الماضى بعض الإنطباعات بمناسبة مرور 30 عام على افتتاحها. وبطبيعة الحال، تركز إهتمامى على جوانب فى تلك التجربة من موقع مختلف عما تطرق إليه جل المساهمين فى هذا الحوار. وبدون شك نحتاج لمشاركة أفراد عديدين من العاملين والأساتذة والطلاب لتسجيل تجارب واحدة من أكثر مؤسسات التعليم العالى حيوية ومثاراً للإعجاب. |
هذا ما نرجوه ..
سياتي كل هؤلاء بزخمهم ويكتبوا حياة جديدة لزكرياتهم وخلدونها هما كما عاشوها اول مرة
من كل اصقاع الدنيا..فالذكريات في القلب لاتشيخ ..بل تصبح طاقة خلاقة تمنحنا القدرة
والامل في مواصلة ما تبقي من مشوار في الحياة..
وكما عبر العملاق قارسيا ماركيز
Quote: لو شاء ربي أن يهبني حفنة حياة أخرى , فسأرتدي ملابس بسيطة واستلقي على وجه الأرض عارياً , ليس من جسدي وحسب بل من روحي أيضاً، وسأبرهن للناس كم يخطئون لو اعتقدوا انهم لن يكونوا عشاقاً متى شاخوا ، فهم لا يدرون انهم يشيخون اذا توقفوا عن العشق .
للطفـــل ســـوف أعطي الأجنحة ، لكنني سأدعه يتعلّم التحليق وحده ، وللكهول سأعلّمهم ان الموت لا يأتي بسبب السنّ بل بفعل النسيان .
لقد تعلمت منكم كثيراً أيها البشر... تعلمت ان الجميع يريدون العيش في القمة غير مدركين ان سرّ السعادة في كيف نهبط من فوق . وتعلّمت ان المولود الجديد حين يشد على اصبع أبيه للمرّة الأولى يعني انه أمسك بها الى الأبد . تعلّمت أن الإنسان يحق له أن ينظر من فوق الى الآخر فقط حين يجب أن يساعده على الوقوف .
بل تعلمت منكم أكثر ! لكن ، قليلاً ما سيسعفني ذلك ، فما ان انهي توضيب معارفي سأكون على شفير الوداع .
قل دائماً ما تشعر به وافعل ما تفكّر فيه .
..
|
مع الشكر لعماد عبدالله
| |
|
|
|
|
|
|
|
|
|
Re: حديث الذكريات حول جامعة جوبا (Re: عبداللطيف حسن علي)
|
الهام الجيلي
اعتقد صديقتك مني كوستي (مني مصطفي حامد شقيقة الدكتورة اشراقة مصطفي حامد عضوة البورد
المشهورة)..ومني كوستي كانت فنانة مرهفة صاحبة صوت وذوق عالي في الاختيار..
غنت الاسابيع الثقافية للجمعيات الطلابية وبشكل خاص رابطة طلاب الخرطوم.. آخرها كان الاسبوع
الثقافي الناجح جدا (ما عدا لجنة طعام الحناكيش بتاعين الرياض-الطبخو البامية بالطول)
وتوحيدة بت مدني السوريبة..هسع ديل بقوا نسوان كبار ومروقات..
بمناسبة اسبوع كسلا وين جدو..مش جدو كان رئيس الرابطة؟ آخر مرة لاقيتو في شركة Gape للصمغ
العربي..وقبلها في زواج دكتورة اشراقةوايوب مصطفي بصالة الفروسية...
ياسلام علي كسلا !!ما في زول يحكي عن الرحلة ديك من مشت لغاية ما جات..دي عايزة عماد يعقوب
او محمد حلا..ويا تري ما زالت كسلا كما رايناها ام قضت عليها الانقاذ كما قضت علي غيرها
من المدن البقت اشباح!! والجوع القعد مرتاح !!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
هذه رسالة من الصديقة منال ..و بتسلم عليكم جميعا..و توعد بالمشاركة..لاحقا..
Quote:
Dear Mohamed,
Could you please thank every one asks about me until I get back to them, I have billions stories when it come to Juba University, I am not really that old but I know any one being mentioned or participated in the post, I am a people-oriented person just kidding.
Where to start !!!!. many names, and I am too sad to participate I can't believe the number of the wonderful colleagues who passed away. I promise when I come back from Sudan I will start.
Salaam to every one, specially my dear friend and colleague Abdel Lateef Hasan, we used to call him with his full name even if we were talking to him face to face. Thanks Majoub, Ali Bahar, Kabar, Hatim, Karoum and the lost friend and Commander Altigani Alhaj Where is Mohamed Yagoub? and Al-Thair? does any one know or hear any thing about my friend and colleague Hikaya gareeba her real name is Egbal Alhadi Eisa Alhassahisa, Amani Mohamed Ibrahim Bahry Almazad Igtisad, Nadia Takoona, Amani Medicine, Tawheeda and Fardous (the twins) Hanan Alsoudia, Margrate, Faiza Ahmad, Paula, Bazileka, Hiba Talha, Mona kasala, Elham Igtisad, Gaafar, Anaas, Omar, Hasan Kassala, B. lima, and many many others, sorry for those I did not include, memory issues.
Abdelateef the lady in the picture wasn't me you must mixed up, Majoub was right I am really far from Hamilton, we only communicate through the phone.
I will do my best to meet as many as I can of Juba graduates upon my trip to Sudan
Thanks
Manal Allagabo
|
كبر
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Kabar)
|
الصديق كبر
دائما تجينا بالمفيد وتقطع قول كل خطيب
لكن عضوية فخرية ما ح تكفي كبهارات للبوست ده نحن عايزينك كامل الدسم
| Quote: Hikaya gareeba her real name is Egbal Alhadi Eisa Alhassahisa, Amani Mohamed Ibrahim Bahry Almazad Igtisad, Nadia Takoona, Amani Medicine, Tawheeda and Fardous (the twins) Hanan Alsoudia, Margrate, Faiza Ahmad, Paula, Bazileka, Hiba Talha, Mona kasala, Elham Igtisad, Gaafar, Anaas, Omar, Hasan Kassala, B. lima, |
والله قدر ما حاولت اتذكر اسم (حاجة غريبة) ابا يجي اقبال الهادي كلية التربية الرائعة جدا
وانا متاكد ما ح تزعل من الاسم المنحوت من شقاوة الايام الجميلة ديك..وذكرتينا بالاسماء
الرائعة من بنات وابناء دفعتنا لك التحية علي الذاكرة الوفية ..
| Quote: Abdelateef the lady in the picture wasn't me you must mixed up, Majoub was right I am really far from Hamilton |
طبعا دي مبالغة لو دي ما انت؟؟ لانهاmirror image .
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف ... ياخي تصدق يادوب بعد الصورة حتى إتذكرتك كويس ... كيفك .. وكيف أيامك ؟؟؟
بعدنا كتير من البلد لكن قبل حوالي سنتين إتلمينا لمة جميلة لناس جوبا بالمساء في نادي الشرطة ببري ..
رتب اللمة / عادل شريف وعصام الجعلي ... كانت لمة جميلة جداً ... كمية من ناس جوبا القديمين ... ونتمنى تتكرر في الصيف ده بإذن الله.
...
إلهام الجيلي الجميلة بت كوستي ... سلام من هنا لغاية أمريكا... آخر مرة قابلتك في بدايات مساء تعيس في مطار الخرطوم ..
في عام 97 .. وأنا في طريقي للغربة السيئة .. وكنت آخر شخص من ناس جوبا أقابله ...
وينك وين أيامك ... دايماً في البال بضحتك الدائمة ... ماذا فعل الزمن بك وبفردتك /إقبال ... تحياتنا لها إينما كانت .
...
منال الله جابو ... والله زمان ... ليكي وحشة وشوق شديد ... وبالجد بنسأل معاك عن فردتك حكاية غريبة .. اتمنى نسمع عنها..
عن باقي مجموعتنا .. محمد يعقوب عرفنا أنه في هولندا ... وياريت واحد من بورداب هولند يلكزه لينا للبوست ده ...
د/ثائر في السعودية في منطقة قرب المدينة المنورة .
...
التجاني الحاج (الكج) أو الكجاني ... الشوق مطر جوبا الكتير داك ...لسه في إنتظار مشاركات أكثر...
...
أغرب معلومة أن منى كوستي هي أخت د/ إشراقة ...!!! منى كوستي الزولة الغناية ... يا سلام .
____
في عام 2005 تقريباً حصلت لمة جميلة جداً لناس جوبا في نادي الشرطة ببري وكان من الحضور / أسعد البرير ، عادل شريف ، حمزة الحجاج
عبد القادر النور ، أحمد زين ، د/ محمد عبد السلام ، د/ عمر عثمان ، عبد الرحيم أحمد علي، عبد الله الطيب ، سيف الدين علي مهدي آخرين ، ومن الزميلات / دينا أبوبكر ، إيمان فتح العليم ،أميرة البصيري .. وأخريات ..
ونتمنى أن تتكرر نفس اللمة في الصيف ده لو ربنا سهل ...
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
يا حاتم
Quote: في عام 2005 تقريباً حصلت لمة جميلة جداً لناس جوبا في نادي الشرطة ببري وكان من الحضور / أسعد البرير ، عادل شريف ، حمزة الحجاج
عبد القادر النور ، أحمد زين |
شفت التحتم خط ديل هم
1- من بداوا الشغب في 84 وتسببوا في تجميد 48 طالب عن الدراسة
2- وتسببوا في احداث 86 بطريقة ما
3- جمعوا الناس في بري وطوالي توفت سمية الجوخ
برضو تقول لي لمة جميلة؟؟!
ديل عوارض وبس
والله يستر الصيف القادم ما يقرضو زول مننا!
| Quote: عبد اللطيف ... ياخي تصدق يادوب بعد الصورة حتى إتذكرتك كويس ... كيفك .. وكيف أيامك ؟؟؟ |
ايامي خليها ساي..
نحنا عايشين هواية ساكت!
بعدين انت ذاتك شوف ليك صورة قبل ما تكمل فترة شبه الانفراجة دي!
نكتة قديمة:
واحد شيوعي بيكره زمن نميري كره شديد جدا
وحصل انقلاب من الانقلابات الكتيرة ديك لمدة 3 ساعات
واخونا كان نايم
لما صحا قالو ليهو حصل انقلاب 3 ساعات وفشل
قام كورك فيهم:
ياخ بالغتو والله يعني ما ننعم بالحرية ولو 3 ساعات!!
خلينا يا حاتم نشوف صورتك البلد ما عندها ضمان
واليحصل يحصل
| Quote: د/ثائر في السعودية |
صحي ناس جوبا! ما في زول جوه نهائي..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
وهنا رسالة من فرجينيا
الدكتور قسم السيد يوسف خريج جوبا
Quote: Dear Abdelatif and others.
Assalamu-Alikum.
Thank you so much for opening this nice poster. It is really an excellent idea. It gives a great chance for all graduates of Juba University to know news of each other (who and where) beside a great joy, fun, and excitement of reliving a pleasant moments and memories of college years.
Gasmelseed Yousif Ahmed. Medicine group 1983.
Elmanagil City.
Now Living in North Virginia.
USA. E-mail address: [email protected]
My group.
1- James Sosso
2- Tongue
3- Festos
4- Elameen Elawad
5- Salma Eltayeb
6- Fisal Awadalla Awadelkarim
7- Romel Willam Girgis
8- Fahim Eltayeb Abdelkarim Zumrawi
9- Mohamed Adelssalam Norain
10- Mohamed Maheldeen
11- Jalal Ali Bilal
12- Ahmed Elshokry
13- Atif Abdelmageed
14- Abdelmonim Noh Osman
15- Mohamed Elsidig Elkhidir
16- Shawgi Osman I brahim Harbi
17- Amir Abdalla Hamza
18- Nida Elsadig
19- Manal Babikr Adelrazig
20- Hanan Elsanosi
21- Asma Adam Issa
22- Ilham Osman
23- Mary
24- Sumia Kimair
25- Nahla Elsyed Anass
26- Mohamed Ali
27- Abdelazeez Abdalla.
I wish one of this group with an access to Arabic keyboard could write about the Nile
trip/cruse from Kosti to Juba . I am sure it will be a good add.
With my greeting to all Juba University Graduate, staff and students.
Gasmelseed.
|
نحييك يا دكتور وكل القائمة الطويلة
نحن اول دفعة افتقدت متعة السفر بالباخرة
لكن يوجد هنا في البورد من يسرد تلك الرحلات الرائعة دون شك
واعتقد علي بحر او كروم..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الأخ عبد اللطيف :
تحياتي لك وأنت تفتح هذه المسارب
وأهو سنارتك غمزت وجابت كمية ما شا ءالله من خريجي جوبا
ربنا يزيدهم
كثيرون يطالعون ولا يملكون باسوويرد للدخول
المهم :
في مركز جوبا للغات
يبدو لي ا، الأمر مثل بقية كليات جوبا
مزيج متجانس من كل أنحاء السودان
درس معنا وزراء من جنوب السودان ولم يشعروننا بأنهم وزراء كنا اخوة ولا زلنا
على اتصال بهم لم ينقطع
نوعية الدراسة في مركز جوبا كانت ولا زالت مساء
مما يوجد فرصة لكثير من العاملين الراغبين في تطوير
مقدراتهم العلمية
الدراسة 3 يوم في الاسبوع وكانت 4 في بداية الكورس
لا تتخيلوا كيف يكون الناس في شوق للقاء بعض
عقب يوم عمل شاق
هناك موظفون من مختلف التخصصات
تجمعهم قاعة واحدة وتخيل التبادل المعرفي الذي يمكن أن يحدث بين الناس
والتلاقح؟
آمال :
يا صديقتي
بحكم أني كنت الألفة وكدا
( مش لأني أكبركم )
لا يمكن أن أنسى أي شيء مر بي في هذا المركز
وتحديدا أستاذي وفخري
محمد الحسن ( الترجمة القانونية ) لم يقابلني من هو ضليع فيها
مثله ومقولته الشهيرة :
27 years of legal translation
لا ينُسى مطلقا
وكان يدرسنا بطريقة اللعب الألملني الضاغط
ما في رحمة ولا راحة
واجب واجب
شغل شغل
ترجم ترجم
ولا زمته الدائمةآ شفت كيف؟
هذا زمن لا يعود
فقط يا آمال نبكي ونتحسر عليه
وما بقول العشناه كان
والله أيام يا جوبا
آمال :
عندي صور جميلة جدا بدءا من البروف وانتهاء
بعمي اسماعيل البواب وخالي الدينكاوي
وسامي
ودكتور شول دينق
وأستاذ هشام
سأنزلها تباعا
لاثراء البوست
عبداللطيف :
يا كافي البلا لحد الآن ما شفنا صورة
الجماعة خايفين من عامل السن ولا شنو ؟
آمال :
بالأمس كنت أتحدث مع محاسن جحا ( البنك الزراعي )
[email protected]
[email protected]
4-3-2-621
Ichikawa _ Shiohama _ High Town
Chiba Ken
Tokyo
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Baha Elhadi)
|
شكرا بهاء علي مساهماتك المتصلة
نتمني الا تنقطع
Quote: عبداللطيف :
يا كافي البلا لحد الآن ما شفنا صورة
الجماعة خايفين من عامل السن ولا شنو ؟
|
كم وخمسين ديل كبار يا بهاء!!
وفي اجمل من صور الناس الكبار علي الاقل يطمنونا نحن الاصغر شوية
انو لسة الطريق قدانا فيهو فسحة امل..
والغريبة ما زول محتفظ بصور لمباني الجامعة والرحلات والمناسبات
المختلفة ولا تكون ضاعت..غايتو نحاول كلنا يلا شدو حيلكم..
Quote: درس معنا وزراء من جنوب السودان ولم يشعروننا بأنهم وزراء كنا اخوة ولا زلنا
على اتصال بهم لم ينقطع
نوعية الدراسة في مركز جوبا كانت ولا زالت مساء
مما يوجد فرصة لكثير من العاملين الراغبين في تطوير
مقدراتهم العلمية الدراسة 3 يوم في الاسبوع وكانت 4 في بداية الكورس
لا تتخيلوا كيف يكون الناس في شوق للقاء بعض
عقب يوم عمل شاق
هناك موظفون من مختلف التخصصات
تجمعهم قاعة واحدة وتخيل التبادل المعرفي الذي يمكن أن يحدث بين الناس
والتلاقح؟ |
والله ده كلام مغري جدا كلو كده عشان الواحد يلتحق بيهو
اصلنا قاعدين ساي بالامسيات
ونعتبر دي دعوة للجميع..
يا بهاء في واحد من المثقفين الفلسطينيين قال الشعر لايمكن
ترجمته..لانه يحتاج ان يكون المترجم شاعر علي الاقل وانه حينئذ
يجد نفسه قد كتب نصا شعريا جديدا بدل ترجمة النص المطلوب
هل الكلام ده صحيح ام سوفسطائية متقفاتية ساي؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Baha Elhadi)
|
ناس جوبا الرائعين كروعة الاسم والتاق لاين للجامعة
تحيات العطرة
أولا انا عايز اخلي الناس العجائز ديل يدونا شوية من العندهم وبعدين لما تجوا
لأول فترة التسعينات ح تلقوني في أعلي القائمة وطبعا للذكريات حديث وحديث
وح الم ليكم ناس كتار كدا من جامعة جوبا ما زلت اتواصل معهم لاني عاصرت من دفعات 89 ولغاية دفعات اواخر التسعينات في كلية الاقتصاد بجامعة وكل ناس دفعتنا بجامعة جوبا (دفعة 92)
الذين عاشوااسوأ فترات جامعة جوبا من تشرد وخلافه
أبوطالب القرشي
كلية الاقتصاد
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Baha Elhadi)
|
احداث العنف تتكرر في جامعة جوبا كل عامين كان ذلك سائد في الثمانينات ويصاحبها اقتحامات
الشرطة والجيش.. فبعد احداث العنف التي توقفنا عندها بين طلاب جوسا وجماعة الدعوة الاسلامية
دعا اتحاد الطلاب الي وقف العنف ونقل المصابين من جماعة الدعوة الي المستشفي..
ثم اخذ المدير موسي محمود موسي من داخل قاعات الB"s ينادي عبر الميكروفون الي وقف العنف
وتمت الاستجابة من طلاب جوسا..تجمع الطلاب ليستمعوا الي خطبة المدير..ثم طلب ممثلين عن
الاطراف المتصارعة لتهدئة الخواطر..بدا ممثل جوسا هادئا وقال كلمته متوافقة مع مطلب
التهدئة ولكن ممثل جماعة الدعوة محمد صديق بدا بالتهليل (الله اكبر) رغم انهما تسببو
في العنف بسلوكهم المستفز كما ذكرنا..هذا التهليل كاد يفجر العنف من جديد..
في هذا الجو كان علي الطلاب ان يجلسوا لامتحانات السمستر الاول لعام 87 ..وكانت تتواصل
كذلك اجتماعات الادارة الاستفزازية مع المكتب التنفيذي للاتحاد..حتي وصلت الي طريق
مسدود عندما اشهر المدير لائحة سلوك الطلاب في وجه اعضاء الاتحاد بل ونفذ تهديده بحل الاتحاد
وتجميد اعضائه ال35 في بادرة عبرت عن عجزه واوضحت انه ليس سوي اداة تنفذ برامج ومخططات
الجبهة الاسلامية التي ادعت من خلال كوادرها في الاجهزة الامنية ادعاءات مضحكة ومثيرة
للاشمئزاز من شاكلة ان الاتحاد ينسق مع الحركة الشعبية في افشال عمليات الجيش المتحركة
من جوبا.!!
عقد الاتحاد جمعية عمومية للطلاب واوضح موقفه..وكانت هناك تهديدات باعتقال طلاب الاتحاد
رغم قرار التجميد..فكان معظمهم يقضي الليل خارج الجامعة عند الاصدقاء بالمدينة..
بعد كذا يوم تم شحننا في طائرة بضاعة الي الخرطوم!! كان في شهر يوليو تقريبا من عام87
ولم تستمر الجامعة طويلا حيث شهدت سلسلة مؤامرات من جماعة الدعوة والامن ادت الي اغلاقها
وتجميد اعضاء الاتحاد عامين.. واستمر الاغلاق حتي عام90
سنواصل تحركات الاتحاد في الخرطوم بالمذكرات والطعن الذي قدمه للمحكمة الجزئية الادارية
في قرار المدير..ولجنة الصحفيين ولجنة الثمانية بالجمعية التاسيسية في الديمقراطية
الثالثة..وقرار الاعتصام امامها..وكيف تحول مكتب صغير في مبني الدراسات الاضافية
الي مكان نشط تنطلق منه محاولاتنا في مقاومة القرار الظالم..ودور الشخصيات الوطنية
مثل الاستاذ الصحفي محجوب محمد صالح رئيس تحرير الايام وامين مكي مدني بالتجمع الوطني
الديمقراطي ووساطاتهما في هذا الخصوص..
وللاسف الشديد لايمكن لذاكرة شخص واحد الالمام بكل زخم هذه التفاصيل وما زلنا ندعو
للمشاركة في توسيع هذه الخطوط العامة للاحداث التي كانت تجري انذاك؟؟
وندعو كافة الطلاب والخريجين من كل الاتجاهات للمساهمة بارائهم وسرد ذكرياتهم عامة
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: جاء في خاطري العزيز يوحنا ... رئيس رابطه الموارد في تلك الفتره... و هو دفعتنا...
اكثر ما اعجبني يوم التخرج ... فقد متوشحا بعلم السودان... و كانت لفته بارعه جدا منه...
ما زلت احتفظ بصوره التخرج تلك و سوف انزله هنا "After Scanning" |
يا سلام عليك يا محجوب يوحنا زميل وصديق ورجل يملك عزيمة قوية جدا
رغم ظروف الاعاقة الجزئية في ساقه وكان نشطا سياسيا واجتماعيا
داخل وخارج الجامعة واذكر تحركاته مع الطالبة القوية شول عندما انفجر الصراع القبلي
بين الدينكا والنوير او الشلك لا اذكر وكان يتحرك مع مسؤؤلين في ولاية الخرطوم لاحتواء
الموقف..
وكان متوشحا بعلم السودان..ياله من رائع!!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
رسالة من زين العابدين حسن محجوب
Quote: بسم الله الرحمن الرحيم
الأخ الأكرم عبد اللطيف حسن علي
السلام عليكم و رحمة الله تعالي و بركاته
قد لا تعرفني و لكن يكفيك و يكفيني اننا من خريجي جامعة جوبا تلك الرائعة الفريدة المتفردة كما كان يقول دائماً مديرها الاسبق المغفور له بإذن الله البروفسير عبد الرحمن ابوذيد (JUBA UNIVERSITY IS UNIQUE) و هي كذلك.
افادني الآخ الأكرم د.طه كروم بهذا البوست، و عندما مررت علي البوست تداعت اشرطة زكريات كثيرة متعددة متداخلة متشابكة فكل مايمر شريط تتداعي لزاكرة اشرطة اخري فيكون من الصعب عليك ان تستمر في الأول و هذا ما زكره الأعزاء حاتم يوسف و أمير جابر. و لكن دعني اقول
جوبا رائعة جوبا في القلوب و في الحنايا باقية جوبا في المدائن جامعة
اسماء وردت في هذا البوست كنت اتمني ان القاها و لو للحظات و لك اشكر علي اتاحة الفرصة لنا لنلتقي عبر هذا البوست. علي مصطفي الصديق ابن قرية الصداقة ،الهام الجيلي، انور محمد احمد الحاج منال الله جابو،كروم................او استاذنا الجليل دكتور بوب
الناس الوهج الرائعين جد خريجي ،طلاب و اساتذة جامعة جوبا ،التحية و التجلة لكم و لك من كتب و سيكتب في هذه البوست.
لجامعة جوبا وقع خاص في نفوس جميع من درس فيها و طعم اخص يتزوقه من درس بها في ايامها الاولي بمدينة جوبا عروس الجنوب.
مداخلة استاذنا د. بوب تجعلني ابدأ مشاركاتي بالعلاقات الاجتماعية بين الطلاب والأساتذة بالجامعة فقد كانت هذه العلاقات مميزة و متفردة و لا تجدها الإ في جامعة جوبا . فعلي الرغم من الضغط الأكاديمي الذي كنا نجده من الأساتذة داخل قاعات الدرس من اختبارات و مقالات و بحوث و غيرها. إلا ان هذه العلاقة خارج قاعات الدرس كانت علاقات متميزة لا تجدها الإ في جامعة جوبا فقد كان اساتذتنا دوماً في الخدمة توجيه و ارشاداً و كانت بيوتهم و جيوبهم مفتوحة لنا في كل الاوقات.
في السنة الاخيرة لنا بالجامعة 1985 كنت اسكن و معي بعض الإخوة مع استاذنا المرحوم حسن فضل المولي ذلك المربي العظيم الذي كان يعاملنا كإخوة صغار راعية و توجيها و لا انسي كيف انه كان يصر علي أن يعد لنا الشاي بنفسه و بشكل يومي . لا انسي ابد ما قام به د. بوب معي وانا مريض بالملاريا و كان منزله مجاور لمنزل استاذ حسن الذي غادر للخرطوم. كيف ان كان يأتي بالطعام و الفواكهة لي و يتأكد من انني انتاولها. لم يكن وحده بل اكاد اجزم بان معظمهم إن لم يكن كلهم كانوا كذلك ازكر علي سبيل المثال لا الحصر د. بكري محمد علي (حاولت الإتصال به في لندن و علمت انه غير عنوانه ارجو من لديه تلفون له ان يرسله عبر هذا البوست) ، المرحوم د. فوزي ، السناري، أمنا دز دار السلام بابكر ، الأمين محمد سليمان و غيرهم .
أخي طه ارجو ان تجد هذه المداخلة طريقها الي البوست و أعد بالمشاركة في رفع هذا البوست عاليا علو جامعة جوبا و مكانتها في قلوبنا.
زين العابدين حسن محجوب
خريج جامعة جوبا 1985
محاضر قسم الفيزياء كلية التربية – جامعة جوبا
فترة بحثية بجامعة نوتنغهام بريطانيا
ت:00447748060937
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: افادني الآخ الأكرم د.طه كروم بهذا البوست، و عندما مررت علي البوست تداعت اشرطة زكريات كثيرة متعددة متداخلة متشابكة فكل مايمر شريط تتداعي لزاكرة اشرطة اخري فيكون من الصعب عليك ان تستمر في الأول و هذا ما زكره الأعزاء حاتم يوسف و أمير جابر. و لكن دعني اقول
جوبا رائعة جوبا في القلوب و في الحنايا باقية جوبا في المدائن جامعة
|
اننا لانعبر النهر الواحد مرتين!!
اتفق معك الزميل القديم والمحاضر بكلية التربية
Quote: زين العابدين حسن محجوب
خريج جامعة جوبا 1985
محاضر قسم الفيزياء كلية التربية – جامعة جوبا
فترة بحثية بجامعة نوتنغهام بريطانيا |
لم اكن اذكر سوي افراد والان كانني ما زلت في الجامعة..
ما رايك في هذا المثل المكتوب علي جدران الحواري والازقة وغرف البيوت
والفصول الدراسية بالمدارس والبصات والسجون والحراسات :-
( اذكرونا فالذكرة ناقوس يدق في عالم النسيان )
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الأخ عبداللطيف، هذه مجرد ذكريات حتى أتفرغ للكتابة بصورة أكثر ضبطاً
الأخوة الأحباء
تحياتي
قبل أن أبدأ في التأريخ للصراع السياسي بالجامعة إستأذنكم في الحديث عن أشخاص كانو بالنسبة لي رموز مهما إختلفت منطلقاتنا وكنت ـ ومازلت ـ أكن لهم الكثير من الإحترام والود.
ذات مرة، وعلى ضفاف بحيرة فكتوريا بكمبالا إلتقيت السنيرة هالة يس الكارب، ودار بيننا حوار ذكريات ملئ بالشجن عن الجامعة، وشخصيات كثيرة جمعتنا معهم صداقات حميمة مازلت أذكرهم وكأني أراهم أمام عيني، لم تبهت صورتهم في ذاكرتي أبداً، ولم يخالني حولهم شك الملكة بلقيس عندما سألها النبي سليمان عن عرشها، ومنهم السنيرة منال الله جابو والراحلة سمية الجوخ، أميمة عثمان، ناديا تكونا، ومحمد أبكر (ود أبكر الـ DH)، طارق، الصديق أبوزيد (عليه الرحمة) وكثيرين.
وكلما قفزت جوبا إلى ذاكرتي في خضم زحمة الحياة، تترأى أمامي صورة سمية وقد كانت لديها قناعة كاملة بأنني شخص يستحق العناية لإهماله الشديد في الدراسة فعقدت تحالف مع أميمة عثمان، وناديا تكونا لإرغامي على المذاكرة، وفي ذات مرة تفضلت الراحلة المقيمة بدعوتي لتناول شاي مسائي جميل بالداخلية وذهبت وكانت معها السنيرة منال الله جابو والتي تكفلت بعمل اللقيمات بالعسل، وفي تلك الليلة غنت سمية كما لم تغني من قبل، فبقيت هذه الليلة محفورة في ذاكرتي إلى الأبد.
على الجانب الآخر كان ود أبكر على قناعة تامة بأنني شخص مفقود فيه الأمل ومن الأفضل عدم الدخول معه في أي صداقات لأني ودون أدنى شك "حيدسمسوني"، وكان إن ظهرت نتائج آخر العام وكنت واحداً من 39 طالباً بكلية الموارد "باصو" الأمتحانات، من أصل 80، والطريف في الأمر أن ود أبكر كان حريصاً جداً على يمشى البورد ويتأكد من أنني أخدت "ديسكو" وقد خابت آماله، ولاحقاً توطدت صداقاتنا من خلال الشكلة في تربيزة الهارت. فلهؤلاء جميعاً محبتي الأكيدة، ولمن لم يأتي ذكرهم أيضاً.
الصراع السياسي بالجامعة:
لا أختلف كثيراً مع ما أورده السنير الأكرم د. طه كروم، فهو أقدم مني بالجامعة وأكثر معرفة مني بتاريخها، ولكني سأستعرض الفترة التي عايشتها.
الكتل السياسية البارزة في الجامعة خلال الفترة من 1986 ـ 1987، كانت، جوسا (JUSA)، ليسا، الجبهة الديمقراطية، مؤتمر الطلاب المستقلين، حزب الأمة، جماعة الدعوة الإسلامية، الحزب القومي. وقد تشكلت التحالفات حول ثلاثة قوائم خاضت انتخابات الإتحاد كانت على النحو التالي: جوسا، الجبهة الديمقراطية، الحزب القومي، الكتلة الثانية ضمت: المستقلين، ليسا، حزب الأمة، الكتلة الأخيرة كانت جماعة الدعوة الإسلامية. فازت قائمة التحالف التي ضمت جوسا والجبهة الديمقراطية والحزب القومي وترأس الإتحاد السنير جون كايرو، السكرتارية العامة كانت للسنير أروب دينق (عليه الرحمة)، الثقافية كانت للدفعة نوال كامل محجوب.
كان هذا الأتحاد من أميز الإتحادات التي مرت على تاريخ الجامعة على الإطلاق، إذ شهدت الجامعة في أيامه نشاط ثقافي وسياسي لم يسبق له مثيل. تم تجميد هذا الأتحاد وفصل أعضائه لخلاف بينه وبين الإدارة حول مقر الأتحاد، وكان مدير الجامعة في ذلك الوقت هو بروفسيور محمود موسى محمود. ولهذا الخلاف قصة.
مقر الأتحاد الأساسي كان يسمى بنادي الطلاب، وكان يقع بالضبط في وسط مباني الجامعة شماله تقع داخلية النيو هول، جنوبه المكتبة، وشرقه الصفرة وغربه مشرحة كلية الطب. قامت إدارة الجامعة ببناء دار للإتحاد خلف داخليات القرين فيلدج وميدان الكورة. ونشب خلاف بين الإتحاد وإدارة الجامعة حول هذا المقر، فبينما ترغب إدارة محمود في تحويله لعمادة للطلاب، أصر الأتحاد على بقاء الدار في مكانه وملكية الطلاب له، على أن تكون الدار الجديدة هي دار تضم مكاتب الأتحاد، وتقام فيه الأنشطة الكبيرة (الإحتفالات وغيرها)، لكن إدارة الجامعة أصرت على إنتقال الإتحاد بكامله لمقره الجديد وحدثت إحتكاكات بين عمادة الطلاب والإتحاد في هذا الموضوع. حاولت العمادة نقل أثاثها لهذا المقر وأصر الأتحاد على عدم إستغلال العمادة لهذا الموقع كمكاتب لها، لأن هذا الموقع بناه الطلاب بأيديهم.
تصاعدت الخلافات حتى وصلت المرحلة التي إتخذ فيها مدير الجامعة محمود قراراً بفصل 42 طالباً، أعضاء الإتحاد الـ 30، و12 آخرين أذكر منهم دفعتي محمد عبدالرحمن حلا. والطريف في الأمر أن واحداً من المفصولين لا أذكره ورد أسمه في قائمة المفصولين، وهو في ذاك الوقت لم يكن بالجامعة، ولم يكن متواجداً بجوباً أصلاً(!). جمد العام الدراسي وتم ترحيل الطلاب إلى مناطقهم.
عندما عدنا في يونيو من عام 1988 بدأنا الدراسة من غير إتحاد، وفي ديسمبر من نفس العام تأسست لجنة الدستور لأن محمود موسى محمود كان يرى أن سبب الخلاف يكمن أصلاً في أن دستور الإتحاد يمنحه صلاحيات لا يستحقها. خلال تلك الفترة لم أكن جزء من هذه اللجنة، والتي بدأت عملها لتعديل الدستور وبرز صراع أعضاء اللجنة وإدارة الجامعة. فقد كان واضحاً إن إدارة الجامعة غير راغبة في قيام الإتحاد، بينما كان أعضاء اللجنة يصرون على هذه المراجعة وقيام الإنتخابات وبدأت هذه المماحكات من إدارة الجامعة حتى وصلت نهايتها القصوى في 1992 بالخرطوم وأدت مرة أخرى لفصل 32 طالباً كنت أنا ضمنهم، وأذكر منهم، المرحوم إبراهيم الباشا، شهاب علي يوسف، حمزة فاروق أحمد العباس وآخرين.
وللتاريخ سأروى حادثة غريبة تقف كمعلم على درجة التآمر التي كان يمارسها أعضاء جماعة الدعوة الإسلامية (الجبهة السلامية بالجامعة آنذاك). الإجتماعات الأخيرة للجنة الدستور مع إدارة الجامعة كانت بالمقر الدائم للمعسكرات بسوبا، وتحديداً في مايو 1992. حضر من جانب إدارة الجامعة، بروفسيور موسس مشار د. عبدالمنعم (كان عميد كلية التربية)، وعلى ما أعتقد المرحومة د. فاطمة الرشيد. من جانب الطلاب كان شخصي، عبدالرحمن رابح من كلية الإقتصاد، المرحوم نديم علي، العجوز آدم الصادق.
ودار نقاش عنيف حول ضرورة إجازة الدستور من قبل الطلاب والدخول في إنتخابات لتكون الإتحاد إذ لم تكن هناك خلافات حول مسودة الدستور التي قمنا بإعدادها. كان موقف د. عبدالمنعم متشدداً ووقف بروفسور موسس مشار (كعادته) موقف الحكيم الذي يحاول أن يصل إلى حلول. في هذا الإجتماع تم الإتفاق على أن يتم التوقيع على هذه المسودة وإجازتها من قبل اللجنة وإدارة الجامعة، ومن ثم الدخول في ترتيبات إنتخابات الإتحاد، وحدد التاريخ والمكان، بمكاتب تنسيق شارع (3).
وأذكر إننا ذهبنا (شخصي، عبدالرحمن رابح، كان هناك ثالث لا أذكره على وجه التحديد فهو إما شهاب على يوسف أو المرحوم إبراهيم الباشا). في هذا الإجتماع، كان من المفترض وحسب الإتفاق أن يقوم مدير الجامعة الجديد محمد أحمد على ذو الخلفية الإسلامية (تم تعينه مديراً للجامعة، وإستلم موقعه خلال 24 ساعة فقط !!!!) بالتوقيع على نسخة الدستور. فوجئنا في هذا الإجتماع بوجود بروفسيور محمود موسى محمود، وأذكر أنني سألت بروفيسور محمد أحمد علي ما السبب من وجود بروفيسور محمود في هذا الإجتماع وهو لم يعد مديراً للجامعة (؟)، فرد بأن وجوده مرتبط بعملية التسليم والتسلم، وقد أدركت لاحقاً بإننا كقيادات للطلاب كنا جزء من هذه العملية، أي أن بروفيسور محمود كان يسلمنا لمحمد أحمد على حتى يقوم بالواجب. وبالفعل وفي هذا الإجتماع طلب بروفيسور محمد أحمد على مهلة لدراسة الوثيقة، فكان ردنا أن لا معنى لهذا الطلب، لأن هذه المسودة تم فيها العمل منذ ديسمبر 1988 بين إدارة الجامعة والطلاب، وهناك إتفاق على توقيعها بواسطة مدير الجامعة اليوم. بالرغم من ذلك أصر على طلب المهلة، وعلق بأنه ليس لديه خلاف مع الدستور وقيام الإتحاد، فقط لأنه جديداً على إدارة الجامعة ويريد أن يتعرف على بيئتها. وقد قبلنا بهذا الطلب.
بعد يومين فقط من هذا نتيجة إضراب الطلاب بعد نما إلى علمنا أن إدارة الجامعة تماطل في التوقيع على الدستور، قام مدير الجامعة محمد أحمد علي بفصل 32 طالباً، وقامت أجهزة الأمن بإعتقال 3 طلاب أثناء خروجهم ببص الجامعة من سوباً في طريقهم للكدرو خلف المركز الإسلامي، شخصي، ومعي حمزة فاروق، وبشير من كلية التربية والذي إعتقل فقط لتشابه القميص الذي يلبسه بقميص العجوز آدم الصادق والذي كان مستهدفاً بهذا الإعتقال. وقد أشرف على عملية الإعتقال عابدين فضل المولي (هناك خلط بين د. عبدالله عابدين كادر الجمهوريين، وعابدين فضل المولى كادر جماعة الدعوة الإسلامية) والذي كان يسمى في الجامعة بطائفة السيخ.
لاحقاً ألتقيت عابدين فضل المولى ثلاثة مرات الأولى في نفس يوم الإعتقال عند التحقيق لأنه هو من أشرف على التحقيق معي وسلمني خطاب فصلي من الجامعة بمكاتب الأمن، الثانية في يوم خروجي من المعتقل، حيث ذكر لي بأنه سيتم الإراج عني اليوم، والأخيرة إلتقيته صدفة بالسوق العربي بعد أعوام من الحادث وقال لي حينها أنه ترك الأمن ويعمل في التجارة.
Eltigani Elhag Abdelrahman
Director of Programs
Peacebuilding Centre for the Horn of Africa - (PCHA)
Asmara, State fo Eritrea
P.O. Box: 9257
Tel/Fax: + (291)-1-127630
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
يا حاتم دا كان اجمل مدخل لما فيهو من صدق ودهشة وحب!:-
Quote: عبد اللطيف ... سلامات ياخ ..
عن جوبا .. لا حولاااااااااا الواحد يكتب شنو ويخلي شنو ؟؟؟
الـ C's والـ B's وقاعات ناس الطب A's والكلاكلات K's ... المكتبة ... النيوهول .. القرين فيلدج ...
السماني هول ... وإجتماعات الجنرال أسمبلي ...نادي الأساتذة ... حفلات نادي الطلاب .. رحلات بليانغ والمدرعات ...
المطر .. والليل .. أكثر حاجات كثيفة في جوبا ...
الأساتذة .. د/ طومبي ، د/بوب ، بروف / أجانق ،أ / ماريال ، أ/ جون ماشيك ، مس / تيري (ديل جزء من ناس كليتنا)..
حديقة الموارد ... وخلط المذاكرة في العصر ...
التستات ... لا حولااا لغاية هسع الواحد قلبه مقطوع ...
السيمستر يبدأ .. يعد أسبوع تخش في تقييمات الـ Course Work والشباب مكسرين في المكتبة ... كتب الـ Short Loan محجوزة بالأسابيع ..
ونتائج السيمستر الثاني ... وجرسة ناس الموارد مع بروف / هينسي ... وأشطر ناس ... مملحقين فقط .. أما البقية ... المحظوظ من يتم تربيته للسنة ... والآخرين مدسمسين خارج الجامعة ....
الجلابة ... وعلاقاتهم مع الطلاب ... وعزومات يوم الأحد ...
...
...
عبد اللطيف .. الكلام كتير ... ياريت يستمر البوست ... وينضم إلينا د/ بوب ، محمد حلا (أعضاء البورد) .. وغيرهم ..
آملين أيضاً .. من سيد الحوش ... المساهمة بقبول عضوية الكثير من أبناء وبنات جوبا .. الراغبين في الكتابة والإنضمام ..
على رأسهم .. العزيز د / طه كروم ..
وكذلك كتاب الجيران ... هاله الكارب ..
... |
كل سطر فيهو ضجة الشوق والتداعي..
وريحة ناسنافي دهاليز مشاوير الذاكرة..
بحثت عنها ركن ركن يمكن طيوفم/ن اخريات الزمن تمر..
تملا البوست بالحنين ومر الشجن..
ارجع للاجندة بتاعتك الرميتها لينا زي القنبلة ومشيت دي!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
نسأل وبشده عن د/ عصام الشيخ ... وفرمالته (مافي حتة رسالة واحدة)....
طارق الأبوابي .. وجرسته من إمتحانات الإنترميديت.... وهتافه الشهير قبل دخول قاعة الإمتحانات (الموت سمح ماتخربوا بالرفسي)..
طارق ود الإقتصاد .. كابتن الجامعة في القدم وبطل الجامعة في الشطرنج ...ومنافسه محمد ابوطربوش عليه الرحمه....
عبد الوهاب العقلي ذاك الصوفي الرائع ... هشام أبوالشوش المتمرد على كل أنظمة الجامعة ولوائحها ....
فريق الـ Sunday لكرة القدم ... عربية الموية الضخمة (نادية) وماهو سر هذه التسمية؟؟؟؟
...
عند قدومنا في بداية السنة الأولى .. كانت الأنفس مليئة بالحذر من الطرف الآخر ...
وظهر التوتر في الكثير من المشاكل بين الجنوبين والشمالين ... إستمر ذلك لفترة بسيطة جداً ...
ليكتشف بعد ذلك كل طرف الآخر ... وتبدأ الونسة بحذر ثم تمتد للمذاكرة والمساعدة في الواجبات ...
وبعد ذلك تناول الشاي جماعي عند (أمية) قرب بوابة الجامعة ..
وأشهد أنني أول مرة في حياتي سمعت عن رؤية شكل السودان الجديد كان من السنير / بكري بدوي .. وذلك في عز أزمة الإتحاد ..
ومحاولة الكيزان تغبيش الصورة .. وإظهارها بمظهر الشمال والجنوب ...
في تلك الفترة كان قادة التحالف يتكلمون ويحلمون ويحملون فكرة السودان الجديد ..
...
وفي عام 86 أو 87 تقريباً ... كانت المشكلة الشهيرة للدينكا مع المنداري ... وكانت أيام سيئة للدينكا..
حيث كان المنداري يترصدوهم في قرب الجامعة لضربهم ... وكنا نساعد الدينكا كثيراً.. بجلب مايحتاجونه من دكاكين أطلع بره ..
أذكر من الرائعين في دفعتنا .. سارة كليتو .. وأخوها أيزاك كليتو ... وكواثي أكول (شقيق لام أكول ) ...
....
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
| Quote: نسأل وبشده عن د/ عصام الشيخ ... وفرمالته (مافي حتة رسالة واحدة).... |
ماتذكرت حاجة!
لكن كان في طالب طب سنير قديم جهجتو اغنية الفنان محمد احمد (موارد)ود الجزيرة ابا
الاغنية كانت بالاوركسترا(ضمن فاصل كامل)
لمحمد ميرغني:
انا والاشواق في بعدك بقينا اكتر من حبايب!!
وهو طالب رزين وعاقل جدا
لما خش يبشر كان واضح انو الغنية لخبتت حساباتو والناس قعدت تكورك!!
وبرضو في طالب طب اسمه بكري (غير بكري بدوي)
بالمناسبة انا شايف بكري ده بيجسد علمانية سودانية!! بدون تنظير وجوطة؟
انت قاصد الفاتح الابوابي..لقيتو في الدوحة قطر 1999 متزوج وله اطفال
| Quote: طارق ود الإقتصاد .. كابتن الجامعة في القدم وبطل الجامعة في الشطرنج |
طارق بطل الشطرنج الايام الاخيرة كان قرفان مننا بدون سبب! ونحن علي اعتاب التخرج وهوخريج
سلفا ..حضر ماجستير في الغابات
| Quote: ومنافسه محمد ابوطربوش عليه الرحمه |
الله يرحمه ويغفر له
ابطربوش (حزب البعث)
| Quote: هشام أبوالشوش المتمرد على كل أنظمة الجامعة ولوائحها |
وين يا زول؟ والله بقي مؤدب ادب!!
الزواج والاطفال.. استاذ كيمياء مشهور في العاصمة القومية
وجون كايرو مدير الكمبوني الخرطوم(مربي كبير ومسؤول كما عرفناه رئيسا للاتحاد)
| Quote: فريق الـ Sunday لكرة القدم |
متذكر sunday اوsunrise ما عارف المهم كان فريق الكيشة
وشروط التسجيل فيه الشتارة في كرة القدم واليجيب قون بيرفدوه !!
كان يضم المدير وفني المعمل السمين داك (عندو معانا انا ومنال والمرحومة سمية الجوخ قصة طريفة)
| Quote: عربية الموية الضخمة (نادية) وماهو سر هذه التسمية؟؟؟؟ |
نادية التكونا ولا منو؟
| Quote: وكنا نساعد الدينكا كثيراً |
ذكرني بنائب رئيس الاتحاد او السكرتير الاكاديمي..بات معاي انا ومحمد حلا ايام المشكلة مع المندارة عند واحد قريب
محمد حلا وقال انو في الظروف ديك الخرطوم بالنسبة ليهو زي سويسرا في استتباب الامن!!
التحية ليك يا حاتم (اكتب ما تشعر به وفكر فيما يجب ان نعمل)!!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: انت قاصد الفاتح الابوابي |
لا ياخ ... طارق الأبوابي ...طاااااارق ... ود طب الزول النحيف ،صاحب أسامة التخين ود شندي ... وهو فعلاً قريب الفاتح الأبوابي ..
Quote: طارق بطل الشطرنج الايام الاخيرة كان قرفان مننا بدون سبب! ونحن علي اعتاب التخرج وهوخريج
سلفا ..حضر ماجستير في الغابات
|
والله ياعبد اللطيف ... ذاكرتك أصبحت خربة تماماً ... ياخ نقصد طارق حسن ود المسعودية بتاع الإحصاء ... الزول الشاااطر وهادئ جداً جداً
وأنا برلوم سكنت معاهم فترة طارق وود الرضي ووبرير ... والله حسيت كأني ساكن مع أخوالي الكبار ,,,, ناس عاقليين وواعين ..
وأول مرة أشوف طالب يمتحنوهو إمتحانات تخرج ... وهو في سريره .. حيث كان طارق مريض جداً ... وفي نفس الوقت كان أكاديمياً مميز ..
Quote: Quote: عربية الموية الضخمة (نادية) وماهو سر هذه التسمية؟؟؟؟
نادية التكونا ولا منو؟ |
ياخ عربية الموية الصفراء .. الصهريج الكان بينقل الموية من بره الجامعة لصهريج الجامعة ... كان إسمها (العربية بس) نادية
كدي نحاول نشوف الناس الأقدم مننا ... عن معنى الأسم ده.
Quote: : نسأل وبشده عن د/ عصام الشيخ ... وفرمالته (مافي حتة رسالة واحدة)....
ماتذكرت حاجة |
يالله يا عبد اللطيف ... عصام الشيخ برضه من مدني ... وكان في نهائي طب ... الزول الجميل جداً .. وفي كل حفلات الجامعة ..
طوالي لازم يشارك بــ ( مافي حتة رسالة واحدة ..واحدة ...واحدة ...بيها أتطمن شوية ...شوية ..شوية ..و....)
....
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف..حبابك
و حباب الأصدقاء و الصديقات ناس جوبا..
اها ساعدونا بالشرح شوية.. عشان نكون في الصورة..
من خلال كلامكم.. جوسا دي وقعت لينا.. لكن " ليسا" دي تب ما خبرناها..وورد ذكرها في مساهمة صديقنا التجاني الحاج..
ياخي لكن اسامي التنظيمات ما عندكم..
صحيح ناس جوبا الشغلانة دي عارفنها.. لكن الجماهير دايرة مساعدة لو امكن..
بعدين يا عبد اللطيف ذكرت أن الأخ حسن البله المكي (كوز على ما تظن).. ولا استطيع ان اجزم لك بالضبط.. لأن حسن صديق طفولة و عمر درسنا المرحلة المتوسطة في الدلنج.. و كنا على تواصل مستمر في المدينة..و معرفتنا اصبحت معرفة بين الأسرتين..و كنت اشاركه كثيرا من همومه..و لقد عاني كثيرا و تقلبت به صروف الحياة.. حيث ابتدأ بكلية الموارد.. ثم قطع الدراسة.. ليلتحق بالجيش.. ثم عاد..للدراسة في جامعة جوبا..و كان في كلية التربية..و كان طول الوقت.. يحلم بأن يلتحق بالكلية الحربية.. لا ادرى بالضبط فكرته شنو.. و اظنه التحق بها فيما بعد..
طيلة هذه الفترة لم اعرف له ميول سياسية..و لكن يا صديقي عرفة الحلة ما ها زي زمالة الجامعة..و قد يكون في ظروف الحياة الطلابية.. تقلبت موازينه بعض الشئ..و لكن لغاية 1998 اخر لقائي به.. لم اعرف له نشاط سياسي..
واحد من المناشط العالقة بالذكرة.. اسبوع طلاب و طالبات جامعة جوبا بمدينة الدلنج في التسعينات (1995 على ما اعتقد)..و كانت لفتة جميلة جدا..و تفاعل معها اهالي الدلنج.. لأن جامعة جوبا متميزة في تجربتها و معاناتها..و كان اهل الدلنج مندهشين من كون طلاب و طالبات جوبا لهم معاناتهم الطويلة في التشرد القسري..و رغما عن ذلك لهم القدرة على التفاعل مع قضايا اهلهم..و دي واحدة من الحاجات الجميلة..
و لي قدام..
كبر
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Kabar)
|
كبر سلامات وشايفك طولت المرة دي ما ظهر ليك زول في القوائم الفاتت دي كلها ولا شنو
ليسا او LISSA
Liberal South Student Association
رابطة الطلاب الجنوبيون الاحرار
ونشا في ظروف اعتقد انها نتاج تقسيم النميري الجنوب الي ثلاثة اقاليم هي
الاستوائية وبحر الغزال واعالي النيل ووجد بعض الناس من الاستوائية اقليم منفصل مصلحة لهم
وتضم ليسسا معظم ابناء الاستوائية وكانو يعارضون جوسا كثيرا علي اساس ان الدينكا يهيمنون
علي جوسا وبعض الظرفاء منهم قال في ندوة ان العرب ويقصد الشماليون يعملون علي اسلمة وتعريب
اهل الاستوائية Islamization and Arabization of Equatorian people ويعمل الدينكا علي
دنكنة اهل الاستوائية Dinkanization of equatorian people
ولكنهم كانو يتوحدون في كثير من المواقف..
الغريب ان ليسا تحالفت مع جماعة الدعوة في الانتخابات التي فاز بها التحالف.
Quote: بعدين يا عبد اللطيف ذكرت أن الأخ حسن البله المكي (كوز على ما تظن).. ولا استطيع ان اجزم لك بالضبط.. لأن حسن صديق طفولة و عمر درسنا المرحلة المتوسطة في الدلنج.. و كنا على تواصل مستمر في المدينة..و معرفتنا اصبحت معرفة بين الأسرتين..و كنت اشاركه كثيرا من همومه..و لقد عاني كثيرا و تقلبت به صروف الحياة.. حيث ابتدأ بكلية الموارد.. ثم قطع الدراسة.. ليلتحق بالجيش.. ثم عاد..للدراسة في جامعة جوبا..و كان في كلية التربية..و كان طول الوقت.. يحلم بأن يلتحق بالكلية الحربية.. لا ادرى بالضبط فكرته شنو.. و اظنه التحق بها فيما بعد..
طيلة هذه الفترة لم اعرف له ميول سياسية..و لكن يا صديقي عرفة الحلة ما ها زي زمالة الجامعة..و قد يكون في ظروف الحياة الطلابية.. تقلبت موازينه بعض الشئ..و لكن لغاية 1998 اخر لقائي به.. لم اعرف له نشاط سياسي..
|
عندما رجعت ذاكرتي للوراء عرفت انني اخطات وكنت أقصد حسن الطيب السكرتير الاجتماعي لاول
اتحاد واعتذر لحسن البلة عن الخلط يا كبر..
الحمدلله تداركنا الاتهام الخطير ده وتشكر علي التنبيه!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اها جينا... لكن مع التأكيد علي الزوغه في اي لحظه...
اذكر ادخال لائحه جديده في اواخر عام 93 و هي "لائحه سلوك الطلاب" و التي كانت تحتوي علي مجموعه كبيره من القوانين و التي من شأنها اسلمه السلوك او ما شابه ذلك...
و بموجب هذه اللائحه تم فصل الطالب بشير"حزب امه | تربيه" من الداخليه و ليس الجامعه...
و تم ايقاف البطاقه التموينييه ... ايضا...و لكن ذلك لم يكن كافيا ... حيث استمر الطالب في المضايره مع زملائه في الغرفه و اخرين..
فاتي قرار اخر ... بمصادره سريره و عليه مغادره الغرفه...
كان ذلك كله علي يد احد تم تعيينهم كسئؤل الرياضه في الجامعه و الذي اصبح مشرفا لداخليه الكدرو...
كان هذا الشخص هو اول من قابلت كاحد خريجي المعهد العالي للتربيه الرياضيه...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف ... مشاركة متينة من إبن خالي العزيز د/ متوكل الأحمر..
Quote: الاخوان ..عبداللطيف وابن عمتي حاتم..وجميع الاخوة المتداخيلن والقارئين لهذا البوست الجميل من مختلف العصور والاجيال بدا من العصور الطباشيرية وعصر الديناصورات والمنقرضين والعصور القديمة وصولا للاجيال الحديثة والاجيال المعاصرة واجيال لا نعلم عنها شيئا..الله يعلمهم.
وشكرا يا عد اللطيف علي الفرصة الاديتها للناس للتداعي والحكي الجميل وللتواصل وايضا لتواصل السابقين واللاحقين وتابعيهم باحسان..ولطالما ما قرات هنا في المنبر ذكريات ناس جامعات مصر وناس جامعة الخرطوم وكنت دائما اقول لم لا نحن..ناس تاع جوبا..خاصة ونحن نملك تجربة ثرية جدا ومميزة وذلك لاختلاف الظروف التي يعيشها ناس جوبا وهي ربما التي تعطيهم تميزا خاصا..يعني اذا ما انا غلطان زول جوبا ده تقدر تميزو من وسط الزحمة ..اذا صح التعبير.
فشكرا جميلا(علي راي صديقي منعم شوف,الله يطراه الخير اينما كان) وشكرا برضو يا محمود مصطفي لانو بنداءك العملتو لمنال الله جابو ..سخنت الناس..ومنال دي موكد من رموز الجامعة العصية علي النسيان.
نحن نعيش لنتذكر ونتذكر لنحكي..ما متاكد القالا منو.اظن ماركيز,مع فتح هذا البوست ومشاركة كروم ودخول التجاني ,الزول استفزا ذاكرتو وحاشارك معاكم ببعض الذكريات الاجتماعية لناس دفعتنا وممكن لقدام مع الجامعة ككل.
انا د/متوكل ابراهيم احمد الاحمر او متوكل الاحمر([email protected])
وطبعا انحنا اخر دفعة قرات في جوبا,يعني دفعة87 والتي اصبحت دفعة واحدة مع دفعة86 اللي لقيناهم او حصلناهم في السمستر الاول لسنة اولي واظنها لم تكن السابقة الاولي ..كان ايضا هناك دفعة 81+82 ولاحقا دفعة 89+90 وكلهم بقوا دفع واحدة بقدرة جوبا الغريبة .
لا انسي ذلك اليوم في نوفمبر 1987 وتلك الوجوه المتفائلة والضاحكة بمرارة والمتوجسة في نفس الوقت من الذهاب لجوبا في تلك الايام …مطار الخرطوم..نايل سفاري.. واول الغيث انو حنسافر جوبا مسطحين في طائرة كارقو(وهذه لمن لا يعلم طائرة بضائع عديل كده)..وقتها يا نايل سفاري يا الهركليز بتاعة الجيش(يعني كخيار ام خير التي لاخيارها خير لا الموت اخير) واظن الدفع القبلنا كان بسفروهم بسودانير وكده.. يعني جات علينا وسودانير وقفت عشان الحرب..ويا قارئي الكريم من الاجيال اللاحقة.. طائرة الكارقو هذي اكرمكم الله.. بوينج707 فارغةمن المقاعد الا من ستة مقاعد في الامام واظنها كانت لعلية القوم..وبها قضيبين زي بتاعين السكة حديد عشان صواني البضائع وبها شبكات ضخام لتثبيت جولات السكروماشابه من ما غلا ثمنه من بضائع الشمال,وكان نصيبنا شحنة سكر..والشباب سطح فوق السكر زي الما حاصل حاجة,كلنا بنات واولاد ما عدا رجاء عدالمنعم(اقتصاد) كانت الوحيدة الكانت راكبة في المقاعد لانو اخوها صاحب الكابتن واخوها علي ما اذكر كان اسمو صديق ,جا لقانا قاعدين انا وابشر الكارثة فقام وصانا عليها.
طبعا من قبلها الناس كان بدات التعارف في مركز الجامعة في الخرطوم2 من ايام المعاينات,فاغلب الوجوه كانت مالوفة .
ايامها كان التوزيع للجامعات عن طريق الراديو وحتي الان اتذكر طريقة اذاعة اسماؤنا في دفعة طب وكنا 15 زائد قبول الجامعة للاخوة الجنوبيين وكانو 8 .
كان نصيبي من معرفة الايام الاولي في مركز الجامعة..عامرتاج الدين وامين محمد عباس(طب)والاخوات اميمة يس وهويدا(كانت شغالة في مركز الجامعة قبل ما تلتحق بالجامعة وتقبقي دفعتنا)واخرون..وطبعا قبل ديل كلهم الزول الشقي د/ابشر عبد الرحمن ابشر ود المتمة وشندي وتوتى .. وطبعا من اول يوم كده اتصاحبنا واتفقنا انو نسكن مع بعض والصحبة الياها غاية يوم الليلة وهو الان في بريطانيا يدرس للتحضير في الطب الرياضي(اصلو مهووس كورة وهلال).
وبرضو من اكتر الناس ظهورا وقتها الاخوان الصادق سيد احمد وحافظ المعراج(اقتصاد) كانو اجتماعيين جدا وجنهم هزار وضحك ..رغم انهم تكوزنو في مقبل ايامنا في الحادثة الشهيرة..المهم انهم خلو الجامعة وواصلو في جامعة الخرطوم ..الصادق(اظنو قانون) وحافظ(اداب) ,لهم التحية وين ماكنوا.
هناك ميزة في جوبا انو الناس لاتتنكر لبعض..او هكذا اظن!
نرجع لطائرتنا واصواتها المخيفة ..يعني الناس ديك مش كانو بيبالغو يعني ده ما مسموح بيهو في كل الدنيا مافي اي flight safety ولامن يحزنون..وهاك يا اية الكرسي والمعوذتين وقل هو الله احد..وكذلك باقي الماثورات.. من العمر واحد والجاتك في روحك سامحتك والموت سمح ما تخربو بالرفسي وهكذا.. والقصة بعد شوية تحولت لغناء بعد ان امن الناس مكر نايل سفاري..
المهم يا سادتي الكرام ..نحن في الجو وفوق جوبا وتحتنا الارض ملاءة خضراء يشقها بحر الجبل ..النهر الثائر..لوحة عديل كده,وكان يوم حار من ايام نوفمبر1987 ..ننزل لنجد بص الجامعة واللوري في انتظارنا ومعهم ناس عمادة الطلاب..نصل الجامعة عصرا وتصرف الاسرة والمراتب والناموسيات من المخزن والي داخلية القرين فلدج حيث مثوي البرالمة.
علي ما اذكر كانت الجامعة مجمدة ما عدا من الخريجين السناير ونحن لدراسة الintensive English course و السمسترالاول او جزءمنه لحين الحقانا دفعة 86 .وكانت الدفع الموجودة هي الخريجين فقط يعني في الطب دفعة 80 ومن تاخر معهم,وفي موارد دفعة81+82ومن تاخر معهم,وفي اقتصاد وتربية دفعة 83 ومن تاخر معهم.
كان علي راس ناس طب ..الرجل الاشهر بجامعة جوبا.. د/طه ادريس الحاج كروم الشهير ب كروم (الزول المسوؤل عن تلاتة قفلات للجامعة وعن تجميدين زي ما قال احدهم واظنها اشاعة ساكت),برضو كان هناك د/عبد الوهاب العقلي(الزول البرهاني وكان ساكن ليهو في اوضة وبرندة براهو-بتاعة طب الطيران- وكان صديق للبرالمة..اين هو الان؟) وتاني د/عصام الشيخ ( مدني)
ود/وهيبة وبرضو د/ميرغني من الحصاحيصا (كان زول لعاب مع اخلاق ضيقة في الكورة) وكان في ناس كبار كده كنا بنحترمهم شديد د/محمد جابر ود/محمد الياس(اخصائى كبير بتاع نساء وتوليد واستاذ جامعي) ..وبرضو بذكر زول مهذب جدا.. د/عبدالله عابدين( ومن الصدف يا حاتم انو مع ناس احمد اخوي في كاردف في ويلز واحمد طبعا سالو مننا لكن ما اذكرنا ..كالعادة البرالمة بذكروا السناير وليس العكس .. المهم هو الان psychatrist قال لي انو محير الخواجات اي امتحان دخلو بكون outstanding ..اصلو ناس جوبا نجيضين) وتاني غيرهم لاا ذكر ..
وناس موارد ..حسبو crops ونادرة حسن علي وصديق البرالمة رحمة الله ,صاحب الاغنية المشهورة بيها بتاعة ابراهيم حسين وكجراي ..خلاص يا قلبي كان خاصم ضميرو يحاسبو خليهو
,في اي لمة لازم تكون الاغنية دي حاضرة ..يغنيها بصوته الجميل واحساسه العالي ,طبعا هو بعد داك ناسبنا لانو تزوج بت دفعتنا الاخت/انتصار حلفاوي(موارد-جيوجيا).
اما اقتصاد فعلي راسها الصديق وصديق الجميع عادل شريف (الصليب الاحمر..نمرة 2 بعد الخواجة) وهو طبعا من الطف الناس المروا علي جامعة جوبا ومحبوب من الجميع ودائما بيكون عارف اخبار ناس جوبا وبيتواصل معاهم ..وطبعا علي ايامنا كان بيلعب كورة في فريق الاعمال الحرة طيش الدرجة الاولي في جوبا ,وذكر عادل لازم يجي الزول الاجمل اسعد البرير(من الناس المتهمين من قبل صاحب هذا البوست بانهم كانو بيقفلوا الجامعة) ..واسعد الزول الجميل وحريف الوست عند ناس صلاح دهلة في حي السينما..مكتوب بخطو الجميل في باب غرفتهم في داخلية طهران..كلام الفيتوري:
وانا من انا ..
سوي رجل خارج الزمن
كلما زيفوا بطلا..قلت قلبي علي وطني.
وهو الان في لندن وبيكون خلص الدكتوارة وناسب ناس الاراضي المنخفضة .
وبرضو ناس بكري بدوي واحمد زين والطيب القضارف(شتارة),هشام رامبو وانس شندي..سناء سنار وعبدالله العيكورة وجبارة واظن الفاتح الابوابي وهند عثمان(ما متاكد)..وغيرهم..
اما في تربية ..اتذكر زاهر(مدني) وهو اول زول زارنا في الغرفة وكنا ساكنين انا وابشر وعامر(تمساح) ..زارنا اول يوم وصلنا فيهو ..ومن الحاجات الطريفة انو ابشر بعد كم يوم اشاكل معاهو ..طبعا ابشر كان سليط اللسان واتحلت المشكلة لكن ابشر وقع في غيرها كتير وكلو بسبب لسانو الطويل..تحياتنا لزاهر(اين هو الان؟)
وتاني زول زارنا من السناير كان عادل شريف .. وكان عندنا مسجل وكنا مشغلين مدن عينيك لمصطفي سيد احمد .جا وقعد معانا وقال اظنكم برالمة ما ساهلين.
برضو في تربية كان هناك الاخوان مجدي عسكر وعابدين الطقيع(اساطين الكيزان في تلك الايام ) وكان ساكنين في داخلية النيوهول في الجانب الجنوبي وكان عندهم تلفزيون وفيديو بيجيبو فيهو افلام ظهور الاسلام والرسالة ودي طبعا مداخل الدردقة للتجنيد,بهذه الطريقة البدائيةو الفجة, غايتو انحنا كانوا قنعانين مننا لانهم طوالي صنفونا وريحونا ..اظنهم شافونا بنمشي غرفة ناس كروم وبكري بدوي واحمد زين وطبعا الاخوة الكرام ديل براهم تهمة وكمان يشوفوك في غرفة ناس عادل واسعد.. عاد دي تاني دي عايزة ليها سؤال ..التهمة لابسة لابسة وامرنا لله..
للكلام بقية ..بنواصل...
متوكل
|
| |
|
|
|
|
|
|
| |
عبداللطيف حسن علي
amir jabir
Hatim Yousif
Baha Elhadi
الطاهر عثمان
Mahjob Abdalla
Anwar Elhaj
عبدالمجيد صالح
على احمد النعيم
Kabar
Bakry Eljack
A/Magid Bob
فيس بوك
تويتر
انستقرام
يوتيوب
بنتيريست