دعواتكم لزميلنا المفكر د.الباقر العفيف بالشفاء العاجل
|
|
 سياحة في الوعي البشاشي الغريب الاطوار والانماط.....!!
|
Quote: عبدالكريم الامين
فهمك لي موضوع الموهبة، للاسف محدود او متواضع شديد، تواضع افقك!
كقاعدة اي بني ادم يولد وهو موهوب يا مسكين!
الفرق في فرص الصقل لهذه الموهبة دي، عشان ماتبرز، او هنا الدور الحاسم، يعود للنظام الاجتماعي الاقتصادي والسياسي، ثم الدولة او تركيبتا كتحصيل حاصل!
لهذا، وكتحصيل حاصل، ايضا، نجد الرموز البتمثل نموذج الموهبة المتداول، جلابة!
لوما جلابة، فمستلبة جلابة، زيك كده للاسف!
علي كده، المعيار للموهبة، والموهوبين، دايما جلابي!
لدرجة، يستحيل معها، بروز موهوبين، ماجلابة، او من الهامش!
بالذات لو الموهبة المهمشة دي، كانت ذات نزعة تحررية!
نجي لي زويلنا، يحي انطوانيت، كنموذج للموهبة في دويلة، للاقلية، القايمة علي الفصل "العنصري":
نعم يحي فنان موهوب، ولكن هل ده كفاية؟
قطعا لا.
المحك، علي الاقل بالنسبة لي بشاشا، الموهبة دي كانت موظفة في شنو؟
في تكريس واعادة انتاج، قيم دويلة الاقلية، النازية؟
طيب هتلر زاتو كان موهوب، وكذلك الترابي!
علي كده، نقد موهبة العقل الجلابي، يحتاج لي قدر من التحرر، من استلاب هذا الوعي الاستعماري، او انت بالذات، كمهمش، او مستلب جلابة، ما تتتوفر فيك الشروط دي!
فبطل انبهار، بي مواهب الوعي الجلابي!
مع خالص الود! |
دي وجبة صباحية وباقة بشاشية تمتعنا برويتها في هذا الصباح
وكما يلاحظ عزيري القاري انها مشتملة علي كل ملامح اللغة البشاشية من مستلب وجلابة وضيق افق
مع ملاحظة خلوها من (كاره ذاتو).. وهذا ما نطالب به بشاشا كحق من حقوق المستلب لم يصرف الي في اطار
مكيال بشاشا الغريب وعجيب(اين كاره ذااتو بتاعتي يا بشاشا اين)..!!!
كل ما سبق اعلاه ليس هو الموضوع الاساسي (كما يقول الشهير عمر اومو)..
ولكن فليكن الموضوع هنا هي سياحة في العقل البشاشي وخطابه الاسفيري وتسخيره كما يدعي لقضايا الهامش
وملامح الاستلاب عند بشاشا والمعايير التي يصرف بها مثل هذه الاورشتات,,,
وقد نكون مستلبين ولا ندري في استلاب جلابي حاد ومزن...وبشاشا بمواهبة الالهية اكتشف فينا هذه الاشياء
لذا نطالبه ان اراد حوار ان ياتي ليبين لنا الاستلاب وتعريفه للجلابة (وهل هو ليس بجلابي) حسب تقيسمه
الكيماني لصراع الهامش والمركز...
بشاشا انت مدعو ومطلوب بحضورك كالهة يتبجح ويحمل قوالب (بري كاست) يستطيع تلصيقها لكل من يقول بغم
في خلاف للراي معاك...ونعود
|
|
 
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
لا شي ذاتي يا بشاشا طالما الامر هو قضايا الهامش والتنظير لها ومحاولة الاسهام مع اخريين لايجاد حلول لمعضلتها ..
لذا اري انك مطالب بتوضيح ملامح الاستلاب (ملامح الاستلاب عند بشاشا) طبعا مع استخدام الاستلابومتر بتاعك
الشهير..عشان نعرف احنا واقفين وين من قضايا الهامش..0
وكذلك ي بشاشا وقد ما نفكك يطريقتنا الخاصة خطابك والوعي بتاعك تجاه قضايا الهامش بيكون من الضروري تدينا انت (سيد الساس والراس وسيد الهامش ذاتتو) ملامح النظرية بتاعك الجديدة وممكن تلفق معانا ونجي ندق ليك نوبة كحيران بشاشية رعديدة..
| |
|
|
|
|
|
|
|
|
 Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: لذا نطالبه ان اراد حوار ان ياتي ليبين لنا الاستلاب وتعريفه للجلابة (وهل هو ليس بجلابي) حسب تقيسمهالكيماني لصراع الهامش والمركز...
بشاشا انت مدعو ومطلوب بحضورك كالهة يتبجح ويحمل قوالب (بري كاست) يستطيع تلصيقها لكل من يقول بغم في خلاف للراي معاك...ونعود |
يا كيكي ..
مالك شوف ليك سلفة يا اسبرين تروح بيها الحمى دي ..
بشاشا شنـو العايزو يجيك ليبين لكم ..؟؟
ياخي بشاشا دا كان في قديم الزمان عندو بورد حقو براهو الكلام دا زمان .. زمان خالص قبال البوتجازات والكبريته وتقنية (المقنيتة) .. الزول دا كان البورد بتاعو بيولع ليهو نار بأن يفرك على اعواد الخشب يا يجيب ليهو حجرين ويطقهم مع بعض والشرارة الناتجة ينفخ فيها ويولع نار ويجيب ليهو (فيليه) من قطعة الماموس المعلقه في مدخل الكهف .. ويعمل ليهو (ماموس بانيه).. يتعشى ويسف ليهوسفه من نباتات الخشخاش من ضهر كهفو .. ويمشي ينوم
الزول دا محنط الافكـار ومحنط المخ .. ومحنط الانسانية .. يظهر عرقياً كما يحلو له ولما يمشي الخرطوم اجازة يسردب .. يعني بي صراحة كدا .. الزول دا نحن بنعتبرو من الكائنات الخرافية ومحتفظين بيهو في المنبر دا لعرضه في صندوق زجاجي ومرات مرات بنكب ليهو موية مطعمه بي ملح وسكر نبات ونديهو (بخه) بي بعض محاليل التحنيط لنحافظ عليهو كثروة قومية..
ياكيكي انا بعتقد فيك زول مفتح .. بديك لحدي مداخله واحده المداخله التانية بصنفك (وهم) واستعين في ذلك بأدوات التصنيف الحايمه هنا دا ..
بعد الرد التاني لو فهمت حاجة انا اشوف لي (ماموس) وحجرين وكهف .. (ووبر) ديناصور اعملو بنطلون جينز فيهوتلاتة جيوب وعريض من تحت ..
ارخي يا كيكي .. ارخي ياخ الله يهديك ..
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: tmbis)
|
| Quote: ياخي بشاشا دا كان في قديم الزمان عندو بورد حقو براهو الكلام دا زمان .. زمان خالص قبال البوتجازات والكبريته وتقنية (المقنيتة) .. الزول دا كان البورد بتاعو بيولع ليهو نار بأن يفرك على اعواد الخشب يا يجيب ليهو حجرين ويطقهم مع بعض والشرارة الناتجة ينفخ فيها ويولع نار ويجيب ليهو (فيليه) من قطعة الماموس المعلقه في مدخل الكهف .. ويعمل ليهو (ماموس بانيه).. يتعشى ويسف ليهوسفه من نباتات الخشخاش من ضهر كهفو .. ويمشي ينوم |
تعرف يا تمبس يبدو انها لعنة ودرملية صحبي التاني الجلابي المستلب المتفوق علي في الوصف البشاشي
برعواتي وكاره ذاتو(يعني ود رملية اربعة دبابير واخوك يادوب (فرت دبورة) مستلب جلابة وبس..)
الكائن الالهي بابشاشا ده مش عادل تماما....
يا تمبس يا صديقي ..
كل قبة تعتقد بان هنالك فكي تندل يجلس القرفصاء فيها من اول عكة (تتخيل او عكة) تكتشف بان الفكي نعم موجود ولكنه فكي (قاعد ام فكو) وحاملا لقوالب من زمن الانجليز بلصقها لكل من مر بالقرب منه
(وحتي لو قال لييهو ازيك يا فكي)
فعلا يا تمبس اخوك فاره وجنقو جورو كمان في الجزئية البشاشية دي لحدي ما هجم النمر البشاشي في لحظة ونيف..
بشاشا يا تامبا موذي في خطابه الاسفيري وعدواني ومتوتر توتر عالي ويبدو انها فعلا يعاني من ازمة فكرية حادية والامور جايطة عندو جوطة بيلو وتكر
ولكن رغم كل ذلك سنظل في انتظاره في نظريته الكوشية الجديدة واحتمال الزول ده من امس لحدي الليلة
جدد في ادوات الوعي الفكري بتاعو وجاب جديد يمكننا ان نتبع كحيران بشاشية كيكية تضرب النوبة ضربا فتئن وترن
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
كيكي العزيز
لك كل الود والتحايا في هذه الصائفة الرهيبة,,,
أحي دائما أجد عند دوحك متكأ ألوذ به وسيل دفاق
من الحكاوي المبدعة والخط الرصين ,,,
ركز معنا في صنع الفرح لأمة تحتاجه، ولعمري فرحها
كامن في نسيجها هذا .....
لا تحيد ولا تنصرف عنا بقضايا الهامش والمركز فإنها صنعة
قذرة لمن أراد لنا فراق بين؛؛؛
تأمل هذا المقطع للشاعر السعودي الرهيب فطيس;
((( وتدري إيش أبيض من خفوقك؟؟؟ عباتك)))
لا تجرنا للوراء ياكيكي بلييييييزز،،،
الركوست موجه لأخي عبد الكريم الأمين أحمد فقط!!!!
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبد اللطيف بكري أحمد)
|
Quote: تأمل هذا المقطع للشاعر السعودي الرهيب فطيس;
((( وتدري إيش أبيض من خفوقك؟؟؟ عباتك)))
لا تجرنا للوراء ياكيكي بلييييييزز،،،
الركوست موجه لأخي عبد الكريم الأمين أحمد فقط!!!! |
هلا يا عبداللطيف
وكل الود والتقدير يا عبداللطيف واتمني ان تكون بخير وعافية..
ومافي جر للوراء يا لطيف ولا ينبغي له ان يكون ابدا..
ولكن اجترارنا للحديث مع بشاشا هو في مجمله امرا ايجابيا كما اري ولعله يفيدنا في فهم امره الغريب
هذا ونري اين احنا واقفين من قضايا اهلنا من منظار عدسته غريبة شوية يبدو انها استعصعت علينا قليلا...
اقسي الاشياء يا عبداللطيف هي ان توصف باشياء تبدو في فكرك ومنهجك كفر وتزدري كل معينك ووجدانك
ولمجرد الاختلاف في الراي في اول مداخلة...
قد يكون بشاشا محقا والله اعلم لذا انا ادعوه هنا حتي يشرح لنا نظريته علنا نستفيد ونصلح مسارنا الفكري ان اقتنعنا باشيائه تلك...
وكل الود يا عبداللطيف
ولاتنزعج ابدا يا صديقي فلن يكون الامر هنا شيئا يجر الامور الي الخلف ابدا في كل الاحوال
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: طلحة عبدالله)
|
كيك بجيك انا انفع؟؟؟
الامير الكوشي مشغول ورسلني مندوبة كيف؟؟
وينك يعني ما جيتنه في بوست الشهادة بتاع
المطلوبين فيه ناس جامعة الخرطوم ولا عامل ما شايفه؟؟؟
وفي ناس ماكنت حتى بعرف انهم درسوا هناك ولكنهم حضروا وشهدوا.
هل حدث عنف جهوي بتاريخ رداستك هناك؟؟؟؟
نحتاج شهادتك. وجيب معاك ااخوك عبد اللطيف بكري ده ذاته وتعال.
يا كاره ذاته!
مش قلته عايز بشاشا يصرفها لك اها صرفتها ان بدل فاقد تنفع؟؟
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Tragie Mustafa)
|
الامير الكوشي مشغول ورسلني مندوبة كيف؟؟
هلا تراجي وحبابك
وانت ذات يا تراجي حقو تبلي راسك لاني شايفك مع بشاشا ده (بتقومو بخس وبتقعو كرانجو) ورامين راسكم سوي
وده مثل من الهامش اتحدي بشاشا الكوشي ده يجي يشرحو هنا ده
في بوست الجامعة يا تراجي انا اول زول مشي ليك وادليت بشهادتي هناك
Quote: سلام ياتراجي
وكنتي قد طلبتي ان نفيد في شان الصراع السياسي في الجامعة واوكد علي بعض ما جاء في حديث كبر بان الامر لم يكن جهويا في كل الفترات التي حضرناها وايضا ما تواتر في الفترات التي سبقتنا..
ولكن في بعض الاحيان وفي فترات الصراع في الجنوب وفي ايامات الحمي الجهادية كانت تبدو بعض التحرشات الكيزانية ضد بعض الاخوة في (الاي ان اف) وان كانت هذه التحرشات المبكوتة لا ترقي لتسميتها ملامح لصراع دائم وثابت.....
ثانيا..
بالنسبة للاحداث التي جرت موخرا في الجامعة واستهداف بعض الاخوة من ابناء دارفور كل من اراد التامل فيها عليه بمراجعة خطبة عمر البشير العصماء عقب الاقتحام الخليلي ودعوته الي اطلاق ايادي الاجهزة الامنية والايادي المساعدة بالقبض علي كل من ينتمي الي العدل والمساواة... وهنا يبرز
في الشارع العريض طبقت هذه الصيحة البشيرية واتت بالكثيرين من ابناء دارفور الذين لا ناقة لهم ولاجمل في امر العدل والمساواة..
والان يذهب الكومر الكيزاني الي ردهات الجامعة ايضا لتاديب كل الدارفوريين (سمبا هارت) حتي تثبت عدم انتمائك الي هذه الحركة...!!
خلاصة الامر ما جري امر يجري في دماء التنظيم الكيزاني منذ عقود من زمان النشاط الطلابي من غدر
وتامر... وما حادثة بشير الطيب ببعيد رغم عدم وجود شبهة جهوية في تنفيذها ولكن تعكس مقدرة وحرفنة
الكوز الجامعي في الغدر وتصفية الخلاف باسنان السيخة والمطوة |
ياتراجي كاره ذااتو بتاعتك دي ما بتحل الاشكال
فانا داير اسمعها من كيبورد بشاشا حتي اقتنع باني اصبحت جلابي زيينة
ومن بكرة افصل لي جلابية بيضاء ومكوية والتحق بركب الجلابة ..واطلع ليك عين اهل الهامش الرعاديد
ديل واسوق لي انتنوف في خط الجنينة كاس زالنجي وبالعكس
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: خالد عبد الله محمود)
|
| Quote: قلت لي طلعت ( مستلب جلابة)؟؟؟ |
نعم يا ابوالخلد
فلقد استلمنا صباح هذا اليوم الفورماني البشاشي علي جناح الاسفير
ويبدو ان ادوات بشاشا في توزيع الاستلاب قد تطورت قليلا عكس ما ذكر تمبس
واعتقد بانه ياتي الي القول (ايرث) ثم يمارس الزوم اوت
ثم الزوم اوت...
وطل عليه في يومه هذا بكل اسف شرقنا الاوسط واشاره سهمه الاسفيري بكل اسف الينا ...
ويهتف قوقله الايرثي
هنا يوجد مستلب جلابة
(الحمد الله الما طلعت جرقاس جلابة) لانو دي لو قالها كان الليل انا وبشاشا ده مع باقي الليل ده
بنكون في بلنجات في حواري ايزونا ولا وين كده ماعارف..
...
كاره ذاتو بتاعتك دي يا خالد ما مطابقة للمواصفات العاليمة البشاشية
فعشان كده (سمح الكاره ذااتو في خشم بشاشا وبس)..!!
انا لو منو اسجلها في الملكية الفكرية واقعد
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمود الدقم)
|
| Quote: سلامات يا قريبك: قلتا كيف؟ انو عايز حوار مع الغفير بشاشا؟؟ اكان وصلت مع الغفير دا لقواسم مشتركة ابقي ان برجع السودان بسودانير(وجه ضاحك للاخير). |
هلا يا ود ابوك
وياخي الالمي بتاع الزول ده الليلة خنق القنطور بتاعي من الصباح
ومارس معاي لغته الجاهزة القوالب..
وقلت ياخي كدي قبل ما نظلم الاله الكوشي ده نديهو فرصة للحوار والنقاش
حتي يبين لينا ملامح الاستلاب ....
غايتو لو جاء يا الدقم عفيناك (تب) من السفر بسودانير البقت بتقع كع كرع دي
وفيها حريقة كمان(ميتة وخراب بيوت)...
غايتو الليلة الزول ده لو جاء حيشهد المنبر ده اكبر مهرجان لتوزيع
جلابي
مستلب جلابة مع الناس الجوني ديل...
كل الود ياالدقم...
وانشاء الله ما نجيك في يوم استلابي وعدم تلصيق كاره ذاتك
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمد عبدالرحمن)
|
Quote: ماعارف دي يقولو ليها كفارة ولايقولو ليك الجاتك بدون (كاره ذاتك) سماحتك
الزول ده عدواني ياخ وكره الناس الهامش ذاااتو
ولو بطريقتو دي يانا الراحلين بكرة ده من كمبو كديس وساكنين العمارات شرق..
وانشاء الله الهامش ده يضوي ليهو |
ههههههههههها والله يا كيكي انت اعسل زول في البورد دا لووووووووووول . عمك بشاشا يا كيكي طلق
تصدق بالله اهل بشاشا لما جو الخرطوم قايل سكنوا وين ؟؟؟ّّ
اشتروا اراضي في سكن عشوائي بالحاج يوسف ود دهاشه وسموه فريق المحس كان المويه بجيبوها ليهم اولاد البطاحين بالكارو تم تخطيطها لاحقا وادخال المويه والنور وغالبا يكون بالعون الذاتي . سيد بشاشه ما عايز الناس تعرف انه زول مهمش متل باقي خلق الله بيحلم انه جلابي وذو حظوه بالميلاد
حظوه شنو دي السيدها بيسكن المايقوما محطه تزعه علي قول اساسي 
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: doma)
|
| Quote: اشتروا اراضي في سكن عشوائي بالحاج يوسف ود دهاشه وسموه فريق المحس كان المويه بجيبوها ليهم اولاد البطاحين بالكارو تم تخطيطها لاحقا وادخال المويه والنور وغالبا يكون بالعون الذاتي . سيد بشاشه ما عايز الناس تعرف انه زول مهمش متل باقي خلق الله بيحلم انه جلابي وذو حظوه بالميلاد |
هلا يا دومة وحبابك
ويبدو انو بوستي ده الليلة غاب وجاب والله..
وبشاشا يا دومة في قوالبه الجاهز دي وخطابة الاسفيراني (حلوة الاسفيراني دي) تلاحظ انو في حاجة (ما ياها) وفي حلقة مفقودة..
دربكة كده
وتوتر
وشتيمة
وعض اسفيري كمان
في النهاية بلصق ليك (مستلب- وجلابي) ومعاها كلو الود بالجنبة كده..
ومافي مشكلة يسكن بكان ما يسكن لكن ما يجوط لينا راسنا بمفاهيم وخزعبلات
وخرمجة ما انزل الله لها من سلطان..
وهو زي ما قلت لمحمد عبدالرحمن ما عندو علاقة بالهامش ده (التكتحة)...
....
وبعدين ياخي مركز بالهامش دي بالزندية وقلع وهمبتة اسفيرية ولا شنو
فكر ووعي وقضايا وانتماء اصيل واحترام حتي للمركز ذاتو او الهامش
وصراع عادي بحصل في كل الدنيا دي له ملامحه الواضعة وسماته...
..
عند بشاشا الامر (غير) علي قولة اهلنا القطريين (طبعا دي مقصودة في اطار استلابي العروبي)
عند بشاشا القصة اقرب الي منهج ود ضحوية..(همبتتة الهامش )
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: doma)
|
Quote: بشاشا دا عنده امجاد متخيله عن الجلابه وبس .
الهامش عند بشاشا هامش عرقي |
والله يا دوما راسنا شطب ذاااتو...
لو هامش عرقي ننادي لمهرجان لقياس ووزن الشلاليف (فيس تو فيس)...
ولو الزول ده عاوز كمان يتحكحك في الجلابة واصحاب الحظوة علي حساب الهامش
ببقي اليشوف ليهو هامش تاني اليمشي
يلصق لناسو كاره ذاتو ومستلب وشنو شنو كده ماعارف..
...
موضوع بشاشا ده داير ورشة علي مستوي عالي من متخصصين في قضايا امراض الصراع ما بين الهامش والمركز
كمال بشاشا نموذجا
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمد عبدالرحمن)
|
| Quote: خليل ومن لف لفه رجاء الامتناع عن التدخل |
ياريت يا محمد عبدالرحمن ناس خليل واولاد الجلابة المساخيت ديل
ما يجونا بجاي (انا ما ناقص هبايب واستلاب يا زول هوووي)
ويبدو ان الهواء زاتو جاي من مباراة يوتيوبات زي ناس ابو الخل دي
فبالله قول ليهم كما كنت..!!!
وبعدين الهامش التاني وين اوع تقول لي بشاشا
الزول ده انا مشكك لخدمته لقضايا الهامش وانتمائه ذاااتو للهامش
حتي ياتي هنا ويثبت لينا العكس وساعتها سنعتزر له
ونسبح بحمد كاله اموني رعي كوشي مهمش
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: بشير أحمد)
|
Quote: عشان تاني ماتسمي مربوطة
وتحرق الاتو.
وانتبه للسيك. |
هلا يا دكتور وحبابك في يوم الاستلاب الدولي..
وانا يا بشير مستغرب بالجد للالية بتاعة قياس الاستلاب بتاعة بشاشا دي
ومحتار فيها ونفسي اعرف الشغل بتاعها والسيستم
لاني ذاتي في ناس في منبر ده عاوز اقول ليهم يا مستلبين ويا كارهين زواتكم
بس (بدي اعرف) ايش لون القصة دي...
وياريت بشاشا يمر علينا بجاي وينفحنا بنفحات اومنية رعية بشاشية كوشية
يخلينانتنور حبة عند اللزوم
وكل الود
يا جلابي
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: سلمى الشيخ سلامة)
|
Quote: لانه الزول البعرف السودان الجد مابقول جنس الكلم (النى ) دا
والنى للنار يا ود امى |
هلا يا سلمي وحباب الجلابة حبابكم
ويبدو ان بشاشا عبر وسائطه الالهية وبمساعدة قوقل اكتشف بانني كنا في حي الجلابة في المجلد
وانتي عارفة يا سلمي في الحي ده
فيهو فلاتة-بقارة - دينكا- ناس جاية من الشمال وفيهو ناس من الشرق
هو من اروع الاحياء من ناحية تعايش وخوة وحتي وقت قريب لاتري لاين ينتمي عمك فلان او خالة فلانة
فالكل يتعايش بتسامح وبدون استعلاء عرقي او طبقي زائف..
هكذا كنا نري الاشياء وفي مناحي كثيرة من السودان....
ولكن عند شيخ بشاشا ده (دستورو بشكل تانيي)..
حرم (عشة كبريتة) ما تدق دستور زي بتاع بشبش ده
..
عشة كبريتة دي قالوا مرة بتاعة دستور لم تعمر كثيرا في الملاعب الدستورية
لانها كانت شترة في القصة دي فالنسوان كجننها لانها لا تستطيع جعلهن يرقصن رقيص حتي الثمالة
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
ياكيكى ..
نجى للجد ...مصيبة السودان ان البعض يريد ان يستبدل
عنصرية بعنصرية مضادة وهنا تكمن المأساة ..نقر ونعترف
بأن اهل الثقافة المسمى عربية مارسوا استعلاء عرقى
وثقافى غير مبرر فى الماضى ..وهذا يجب الاعتراف به
والاعتذار عنه ..وجاء اهل الانقاذ وهم (نخبة نيلية حاكمة)
كما يسميها دكتور احمد عثمان حاولوا فرض ثقافة احادية
ومشروع تأصيلى واحد على جميع اهل السودان ..وكان نتاج
طبيعى لهذه الممارسة حالة (اللاوطن) التى نعيشها الآن ..
المطلوب للخروج من هذه الازمة ليس استبدال عنصرية بعنصرية
مضادة ..بل السعى لايجاد مناخ (وطنى) معافى يضمن للجميع
حقوقهم فى الثروة والسلطة وفى التعبير عن ثقافتهم بحيوية
دون حجر ...الخطاب المطروح هنا من (بعض) من ينتمون لاهلنا
الواقع عليهم الظلم والاستعلاء الخطاب المطروح للاسف خطاب
منفر وضار ويخلق استقطاب مضاد ويستفيد منه (كتاب النخبة الحاكمة
) فهو المبرر الموضوعى لتسويق خطابهم العنصرى المقيت ..
من مثل هذا الخطاب يقتات الطيب مصطفى واسحق فضل الله وغيرهم
من (كتاب الفتنة) ..نعلم تماما الظلم الذى يتعرض له اهلنا
فى دارفور والعنصرية القذرة التى واجهتهم من قبل انصار
النظام ..نعلم انتهاكات حقوق الانسان فى دارفور وفى معتقلات
النظام فى الخرطوم ...الانتهاك اليومى لآدمية اهل دارفور
اصبح معلوم وواضح ...لكن رغم كل ذلك نطالب بضبط الخطاب
وتوجيهه توجيه امثل يخدم القضية ولايخصم منها ..فالقضية
عادلة مافى ذلك شيء ..وعدالتها تستوجب خطاب عادل ومنصف ..
ضبط الخطاب وضبط مصطلحاته ضرورة ملحة وواجبة منعا
للاستقطاب ..
ياكيكى يمكن يكون حديثى بعيد (شوية) عن مسار الحدث سبب
البوست لكن اعتبر ان اصل كل ذلك ماذكرته اعلاه
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمد عبدالرحمن)
|
Quote: المطلوب للخروج من هذه الازمة ليس استبدال عنصرية بعنصرية
مضادة ..بل السعى لايجاد مناخ (وطنى) معافى يضمن للجميع
حقوقهم فى الثروة والسلطة وفى التعبير عن ثقافتهم بحيوية
دون حجر ... |
نعم يا محمد عبدالرحمن
الجد جد والضحك ضحك وفي امر بشاشا ايامنا الي الجد اكثر...
نعم ايضا اتفق معاك في مجمل كلامك وتكويم البني ادميين علي اساس عرقي امر سابح في التدني في معايير الانسانية عموما..
وهذا الخطاب كان (تحت الهبوت) في الامر السوداني ولكن بكل اسف الانقاذ وتداعيات رغبتها في السلطة والثروة اوجدت له كوهة ونافذة طل بها واصبح لغة لصراع جلب معه صراع مضاد او خطاب مضاد
فاورثت الوطن تشتتا حتي علي مستوي المفاهيم بقضايا الهامش...
مثل بشاشا بقالبه الجاهز هو من الضحايا الرائدة لهذا الخطاب وبمثل اسفيره هذه يوطن له ويجعله ديدن للصراع بعيدا عن قضايا الحريات والمواطنة التي تحترم (الاضان الحمراء) والشلوفة الغليظة جميعا في
فريم وطن واحد يحقق لكل شخص احلامه وحقوقه بعيدا عن هذا الفكر الهدام..
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: doma)
|
| Quote: لووووووووووووووووووووووول يقطع شيطانك يا كيكي ما فضل فيني فشفاش |
هلا يادوما
كمان ازيدك من الشعر بيتين ننادي ايضا بحضور المصيبة الاسمها
(الدي ان دي) ونمشي انا هو حجل بالرجل لمعامل الجامعة ونكشف ...
...
مادام دي النظرية بتاعة الهامش عند بشاشا فدي يا دوما مقترحاتي لفك الاشتباك
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
| Quote: يعني ود رملية اربعة دبابير واخوك يادوب (فرت دبورة) مستلب جلابة وبس.. |
هييييع... كان كدا أنا مشير عديل.
عبد الكريم يا عزيزي لا تحزن بشاشا دا يظن أنه بخزعبلاته هذه هو المقياس لتصنيف الناس. حتى أبناء الهامش الحقيقيين الذين بذلوا الغالي و الرخيص من أجل حقوق أهلهم لم ينجو من سرايح بشاشا (كنت عايز أكتب سهام بشاشا لكن استكترتها عليهو).
بعدين يا كيكي ياخي انت راجل مهندس و السلامة أولا... الدعوة للسياحة في اللاوعي البشاشوي دي دايرة ليها لبس خاص... أقل حاجة أقنعة واقية من الغازاتالكريهة و السامة... و تحصين مضاد للشتائم العنصرية... لأنه بشاشا ممكن يرميها بكل بساطة يا فرخ يا كاره ذاتو. و طبعا بشاشا لا يشتم بس بقول ليك الفيك زي شنو مثلا؟ يا تافه... يا صرصور...
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Elawad)
|
| Quote: بعدين يا كيكي ياخي انت راجل مهندس و السلامة أولا... الدعوة للسياحة في اللاوعي البشاشوي دي دايرة ليها لبس خاص |
هلا يا العوض هلا..
وحبابك في مدارات الاستلاب
ومهندس دي العوض حنخليها علي جنبة كده
فالمقام مقام تهميش ..
وللتحليق في مدارات بشاشا سنرتدي هدوم (لاحظ هدوم وليس بملابس) هدوم مهمشين..
واعتقد بانني ساختار ملابس الجرو بنزين (وهم اطفال شفط البنزين في الشوارع)
فنيلة مقطعة ومليئة بالثقوب نملية بس ومتسخة
واعتقد بانني علي ان البس رداء مثقوب من خلفه اسوي بجيوش كابيلا عند دخوله الشهير الي الكنغو
وعفوا يا العوض ان قلت بان الرداء سيكون علي اللحمية وبس..
بشاشا حتي نحلق في مداراته لابد من التجوال معه بهذه الاشياء...
حتي نري ماذا هناك...
وكل الود يا مشير جلابي هندسة
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
شكرا ع. الكريم،
مستلب جلابة:
المقصود، ابنة او ابن الهامش، البتغمص شخصية الجلابي، بالذات طريقة التفكير، الي درجة يستحيل معها التمميز مابين المهمش بتسكين الميم، والمهمش بكسر الميم.
للاسف اخونا عبدالكريم انت من النوع ده، ولكنك استلابك لطيف، اوما كثيف كما هو حال الD.J تمبوشي!
كمثال، اذا يحي فضل الله او الطيب صالح او غيرو، رمز من رموز ضروب الابداع، الجلابي، فالمهمش المتحرر من استلاب الجلابة، لا ينظر لهؤلاء الا كرموز للاقلية المهيمنة عليهو، بل العكس، لايملك كقـــاعدة الا احتقار من يحترمه، جلاديه!
باعتبار هؤلاء، الاوتاد المثبتة لجبال الظلم، والامطار الرافدة، لانهار الدموع، والمشارط المتسسبة في تفجير شرايين، شلالات الدم!
لهذا انت كمثال موزع مابين نيل رضا جلاديك عليك، او مابين الانحياز الكامل لمشروع ثورة التحرر من هيمنة الاقلية.
من الجانب الاخر الجلابي بدورو، ك"عبد حبشي" مستلب عربيا، ولهذا نجد الوهابي مثلا يتقمص شخصية محمد بن عبدالوهاب، والبعثي، صدام، والناصري، عبد الناصر، والشيوعي ستالين، لاكمال النصف الاخر، من مرجعية الاحتلال الثنائي، للوعي الجلابي!
نقيف هنا، او نسمع منك.
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Bashasha)
|
| Quote: للاسف اخونا عبدالكريم انت من النوع ده، ولكنك استلابك لطيف، |
مرحب يا بشاشا وحبابك ..
مداخلتك هنا والمرفقة في بداية البوست تعكس كلمة واحدة في جوهرها هنا وهناك..
هي الاستلاب..
استنادا علي الاعجاب بكتابات يحي فضل ...
وقبل ان نحلق بعيدا يا بشاشا في الحوار الذي اتمني ان يطول حتي اري هذه التهمة التي لو تدري كم هي خطيرة وقاسية ...
اطالبك بالاتي..
1- اطروحة جادة وعميقة تبين كتابات يحي فضل الله (وهي المقياس الذ اعتمد عليه الاستلابومتر بتاعك)
اوضح لنا مكامن الدعوة الي السطوة الجلابية في كتابات يحي فضل...حتي تكون واضحة العيان للجميع
وتعضد بها اتهامك ...!!
2- اري ان الاستلابومتر بتاعك قد بين بانني (مستلب حمي خفيفة) في نتيجة سريعة لا ادري كيف امازجها
بالتهمة الاخري التي اطلقتها وهي (انحيازي لمشروع الهامش ثم نيل رضاء جلاديني)... ودي في مجملها
تهمة ايضا تقراء كخيانة لمشروع الهامش...
3-هنا ايضا نحتاج لكلام عن مشروع تحرر الهامش الذي تعينة واي مشروع منهم تقصد في ظل مدارس تحرر الهامش العديدة فلسفيا وفكريا...
حتي لا تطيش السهام هنا وهناك...
اتمني ان تنطلق من هذه الملامح الثلاثة
وتكلم عزيزك القاري عن اثبات تهمة انت اطلقتها ..
في الانتظار
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Bashasha)
|
| Quote: كوم، من جراد الجلابة، للبوست ورد! |
كل من مرة بهنا يا بشاشا اخوة اعزاء واخوات بررة
نتفق معهم في كثير من القواسم..
جوهرها وطن الحريات
والحقوق
والمواطنة
والتساوي في كل الاشياء ليس علي اسس عرقية متخيلة في العقد الراكد من التفكير...
انه ابناء وطن يسمي السودان واحسبهم جميعا خاليين من عقدة الجنس واللون
ولا توجد عقد اثنية في وعيهم..
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: كوم، من جراد الجلابة، للبوست ورد!
مامغذي هذه التظاهرة الجلابية؟
مغاذي حقيقة، وليس بمغذي واحد! |
سلامات يا عبدالكريم الأمين
والله بتغاظ لمن ألقى الناس بتناقش بشاشا في البوستات البكون عايز يخربها
بجدكم كنتوا بتناقشوا بشاشا في كتابات استاذنا يحي فضل الله !! بتبالغوا
النظرية شنو ؟ كان ممكن يطلع بكلام مختلف ؟ ولا يعني ممكن يقتنع بأنه البكتب فيه دا كلام فاضي !!
الرد على بشاشا وجع للراس والأعصاب مامنه فايده وبخرب البوست اكتر لانه بلقى مجال يجي تاني وتالت ورابع
______
نهال كرار من سرب جرادالجلابة
وجوكي حمير الجلابة
كارهة ذاتها برضو
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: نهال كرار)
|
| Quote: الرد على بشاشا وجع للراس والأعصاب مامنه فايده وبخرب البوست اكتر لانه بلقى مجال يجي تاني وتالت ورابع |
هلا يانهال وحباب الجلابة الكارهين ذااتهم ذااتو
تخيلي مشيت بوست يحي فضل الله بهناك..
ولقيت زولنا بشاشا ده متحكر وشايل ليها بمبان بتاع (جلابي- مستلب- كاره ذاتك)
وكلو زول بجي ماري ساكت بطرف بطرف البوست بلصق ليهو واحدة من الكانات دي..
يا بشاشا ازيك...لصقك جلابي
يا بشاشا روق...لصقك مستلب
يا بشاشا ..ياخي لا برضو يلصق ليك كاره ذاتتتك...
لاعب ماتش كبير ولصق اكبر كمية تجارية من بضائعه الاسفيرية البلوشية دي.....
اها انا قلت اجرب حظي وامشي اقول ..
طوالي لصق لي من طرف الشنطة يا مستلب ومستلب جلابي...
فدحين يا زولة انا داير اعرف اعراض وملامح الاستلاب المستوحاة من مداخلة واحدة
ومستوحاة من كتابات يحي فضل الله دي شكلها كيف (باقي الاستلاب قالوا اتطور)
وكل الود والتقدير ويانهال
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
يا بشاشا..
مادام انت جيت قبل شوية
وبدل ما تشبكنا عييك وعاك
وانا شربت مرايس في دنقلا ولا في الباوقة..
...مدخل حواري معاك واضح المعالم..
تعال قول لي يا زول يحي فضل الله في الحتة الفلانية العلانية قال
هوووي يا جلابة استلبوا (وجيب دليلك)..او قال في القصيدة العلانيا ايضا اشار او المح بمثل هذا الاستلاب..
وبالمناسبة ده المدخل الاول فقط..
فهنالك المزيد من المداخل في انتظارك علي قارعة الاستلاب..
فهل تكرمت عزيزي الاله بشاشا
محدثا عزيزك القاري..
عن استشفاف الاستلاب من كتابات يحي فضل..
وانا لمنتظرين
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: وكلو زول بجي ماري ساكت بطرف بطرف البوست بلصق ليهو واحدة من الكانات دي..
يا بشاشا ازيك...لصقك جلابي
يا بشاشا روق...لصقك مستلب
يا بشاشا ..ياخي لا برضو يلصق ليك كاره ذاتتتك... |
انت شيوعي استاليني مستلب .. انت كوز خم وصر .. انت حزب امه ولا إتحادي طائفي دردق سيده
انت بعثي ناصري مستلب برضو .. انت ولا حاجة من ديل لازم تكون كاره ذاتك أو يبقيك كوز كاره ذاته برضو
جلابي أو جرقاس جلابة ومستلب
أها ياربي نطير وين ونمشي وين 
شيخنا بشاشا العالم بماتخفيه القلوب .. بركاتك ياشيخنا
ممكن تبقينا محبين لذاتنا دي .. أصلها بقت تعابنا .. لامي عليها الإستلاب والجلبنه وكره الذات كمان
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: نهال كرار)
|
Quote: انت شيوعي استاليني مستلب .. انت كوز خم وصر .. انت حزب امه ولا إتحادي طائفي دردق سيده
انت بعثي ناصري مستلب برضو .. انت ولا حاجة من ديل لازم تكون كاره ذاتك أو يبقيك كوز كاره ذاته برضو
جلابي أو جرقاس جلابة ومستلب |
كدي يانهال نمشي شوية ونحاول ندي بشاشا ده مساحة ولو شوية
ونفترض انو عالم وجاب مصطلحات جديدة في فتح علمي بشاشي جديد..
البعرفوا انو اي زول جاب حاجة او كلمة جديدة في الدنيا دي بضع ليها تعريف وبحاول يملك الناس ادوات
المعرفة بيها..
ولكن في قصة بشاشا يبدو انه قد تشابه عليه البقر(ولكن ليس بقر بكري)
وانا ما داير اصل لنتائج في امر بشاشا ده سريعا لكن تتخمر في راسي الان عدة افكار
اعلاها صوتا هي انو هذا الرجل الاله القصة في راسه جايطة جوطة شديد
والمعايير بتاعتو كلها لفت (ياكافي البلا معايير رايت سسساكت مافي)
حتي ذلك الزمان سنظل في انتظاره هنا وطويلا,..
حتي نري الية العمل الاموني رعي الكوشي في زمن ازمة وعي التهميش الذي اصبح ملاذا للسابلة
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
الأخ عبد الكريم
تحياتى
كنت بصدد فتح بوست بطولة بشاشا ولكن عدلت عن الفكرة بعد أن رأيت بوستك هذا.
فاسمح لى أن أشاركك البوست..
بشاشا إنسان يعانى من Delusion
وسأناديه فى مداخلاتى اللاحقة ب Mr Delusion..
وإذا جازت ترجمة Delusion لوهم سيكون مستر وهم..
وسأبدأ بالتعريف العلمى ل Delusion:
A delusion is a belief that is clearly false and that indicates an abnormality in the affected person's content of thought. The false belief is not accounted for by the person's cultural or religious background or his or her level of intelligence. The key feature of a delusion is the degree to which the person is convinced that the belief is true. A person with a delusion will hold firmly to the belief regardless of evidence to the contrary. Delusions can be difficult to distinguish from overvalued ideas, which are unreasonable ideas that a person holds, but the affected person has at least some level of doubt as to its truthfulness. A person with a delusion is absolutely convinced that the delusion is real.
وبشاشا لديه نوع محدد من الDelusion ويسمى Grandiose Delusion وتعريفه:
Grandiose delusion: An individual exaggerates his or her sense of self-importance and is convinced that he or she has special powers, talents, or abilities. Sometimes, the individual may actually believe that he or she is a famous person (for example,Abraham Lincoln ). More commonly, a person with this delusion believes he or she has accomplished some great achievement for which they have not received sufficient recognition
وسأتابع..
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: بشير أحمد)
|
دعنا نضع بروفايله هنا:
Quote: الملف الشخصي ل Bashasha
اللقب: Bashasha
: .
عدد البوستات: 8711
تاريخ التسجيل: 08-10-2003
محل الاقامة: California, Los Angeles
: Not shown
عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=63
اكلات مفضلة: Gurasa Bay Waika
الاسم الحقيقى: Kamal Awad Osman Salih Bashasha
التلفون:
الجامعة/المعهد: MBA,Cand
الحالة الاجتماعية: Married
العنوان الدائم: 2236S.Garey Ave
Pomona CA 91766
U.S.A
الفنان المفضل: Samira Dunia
اللون السياسى: Afrocentrosim
النوع: Male
الهوايات المفضلة: M
الوظيفة: President of Kush Corp
تاريخ الميلاد: عييييييييييييييييييك! بعد المسابقة انشاء الله!
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل: 2
عدد الاطفال:
معلومات اضافية:
مكان العمل:
مكان الميلاد فى السودان: Dongola |
ومايهمنا فيه اللون السياسى والوظيفة.
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Balla Musa)
|
| Quote: دعنا نضع بروفايله هنا: |
كويس يا بله انك جبت بروفايل الزول ده
علي الاقل نتنور عن الاله بشاشا في اطار اهتمامنا الجديد عن
وعي الجوطة والخربتة الاسفيرية في زمانات هذا الرجل بشاشا..
واتخيل لي المهنة واللون السياسي حتخدم قضيتك في الوهمة الفي شكل هامش
ام انجليزي ديك وحتساهم في تشريح الحالة
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمد الطيب يوسف)
|
Quote: جرقاس الجلابة كاره نفسه ماسح أحذية الترك كيكي
ستظل راكضآ خلف أسيادك الجلابة
حتي تحفي قدماك
وسيظلون ينظرون إليك علي أنك أقل منهم
فما أنت إلا جرقاس لأسيادك
وأنا مكسح الآن
ولك أن تتنفس الصعداء
شالوم |
ياخ والله يا ابوحميد كلامات بشاشة دي انا بقترح انها تكون النشيد القومي للمهمشين في كل العالم..
شوف بالله فيها تاريخ مثلا اتراك
وفيها اسياد_-جلابة
وفيها شعور بتاع دونية...اسيادك
وفيها جرقسة..
انا بعد البوست ده عندي واحد تاني بعنوان
الجرقسة علي مستوي العالم ورائد المصطلح بشاشا..
وفيها دعوة للاسترخاء تنفسوا االصعداء..(هو طارح خيار بتاع صراع مربوط بيهو هو وبس
بشاشا موجود جلابة ومستلبين بكونو ما مرتاحين
بشاشا كسح جلابة ومستلبين وجرقاسين وجرقاسات يتنفسوا الصعدا
يعني محور الكون في الصراع هو الاله بشاشا
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Kostawi)
|
Quote: أيه كرانجو دي يا جدع
قوموا بلا هامش معاكم
نحن ناس المدن النضيفة و بنقول:
نقوم بالجرجير و نقع في الآيس كريم |
كرانجو دي يا كوستاوي منتظرين بيها امون رع بشاشا عشان يشرحها
لعزيزو القاري..
...
انت عارف الاستلاب ده بكون جاني من كورايك
الجرجير
الجرجير
وبشاشا لقط القصة دي وجاوزها مع المثل بتاعك الحنكوش ده
ولصق لينا واحد مستلب بالطوه..
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: طلحة عبدالله)
|
[QUOTEالمتجلبن المتخبط في اللا إنتماء ,الفاقد لكينونتو ,المسترق وعيا وفكرا وشخصية .المجولب من زمن حفروا البحر الكاريبي, كيكي ..
ازيك ..[/QOUTE]
غايتو يا طلحة يا خليت لي صفحة ارقد عليها
مافضل ليك الا تزبطها مرة واحدة وتقول لي يا مريخابي
......
بشاشا زولي دي شايفو بتزاوق جاي جاي ومركز مع خالد كودي في معركة استلابية اخري
غايتو البعرفوا انا خالد كودي برسم الناس عرايين لو زعل شديد..
لكن احنا هنا بنضقل بالكيبورد ده كددددددده
وفي النهاية برضو بنرسم بيهو وبنشلين كيبوردنا وبنمشي
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: وصحبك يا اميرة مسكين ساكت (قاعد في السهلة بدون كاره نفسو)
فتضامني عليك الله ووري بورداب الدوحة كمان بالله يعملوا لي كشف بتاع بتاع (كاره ذاتك |
غايتو ياكيكى الناس كلها بالة روسينا وراجين صف الحلاقة..
يعنى اسى نضامن معاك ولا انعام ولا مع دومة?
هامش بقى مشبوه شديد..
كامل تضامنى مع كيكي ى محنته...
وين ود البشرى وود الصايم لمزيد من التضامن
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Amira Elsheikh)
|
كيكي
من نقاشاتي مع بشاشا إكتشفت شئ عجيب خالص، إنو بشاشا (جلابي) حتى أخمص قدميه.
قول لي كيف يا عزيزنا القارئ أها النقول ليك وأسمع كويس
الحقيقة الأولى هي أن بشاشا وأسرته ينتمون ثقافياً إلى الشمال ( الجلابي حسب التعريف البشاشي) والذي مارس الإستعلاء على الآخرين في السودان، ولكن بشاشا بوعيه خرج من ذلك الإستلاب وأصبح مدافعاً شرساً عن الهامش وقضاياه واهله.
طيب المشكلة وين عزيزنا القارئ
المشكلة إنو بشاشا كجلابي سابق (وكاره لذاتو) ومستلب، حينما عاد إليه رشده حاول أن يعوِّض تلك الفترة (الجلابية الإستلابية)، دون أن يقضي فترة النقاهة الكاملة والتخلص من أهم الامراض (الجلابية) وهي (عقدة الإستعلاء الجلابي العرقي والعنصري)، فعندما أصبح يدافع عن المهمشين رأى بحكم (العقلية الجلابية المُستَبطَنة في وعيه)، أنه سيقود الهامش لأن أبناء الهامش غير قادرين على قيادة أنفسهم.
وبهذه العقلية الإستعلائية، أصبح بشاشا يدير معاركه، لذلك بدأ أول ما بدأ بمحاربة أبناء الهامش أنفسهم الذين لا يدينون له بالولاء المطلق ولا يتبنون خطابه. لأنهم يشكلون خطراً على قيادته للهامش هنا في سودانيزاونلاين.
والسلاح الذي يستعمله بشاشا دائماً هو يضعك في موضع الدفاع عن نفسك وعن (عدم إستلابك وكرهك لذاتك)، وهذا هو الإسقاط الذي يعانى منه بشاشا نفسه، لأن بشاشا (كجلابي)، لا يمكن أن يجلس في مقعد التلاميذ ويستمع لأهل الهامش ويتلقي منهم دروس. فالدور الأساسي لبشاشا (كجلابي) هو أن يكون سيداً والآخرين عبيد له ولأسرته، حتى وإن كان (وعيه الظاهر) يعرف الحقيقة ويُنكِرها، فإن وعيه الباطن يقول له أشياء أخري.
ومن هنا نخلُص عزيزنا القارئ للآتي:
1- بشاشا (جلابي سابق) كان يحمل جينات (الإستعلاء العرقي والإستلاب وإستعباد الناس).
2- نتيجة لإصطدام بشاشا بالواقع الأمريكى الابيض (وإعتبار بشاشا نفسه عبد أفريقي ليس إلاّ) أُصيب بشاشابصدمة جعلته ينتبه لحقائق (الإستعلاء العرقي).
3- بالرجوع لتاريخه الشخصي بعد الصدمة إكتشف أن ما واجهه في أمريكا، هو نفس ما واجهه بقية السودانيين من أهل بشاشا.
4- قرر بشاشا أن هذا الوضع يجب أن يتغير وبسرعة.
5- في محاولته لتغيير الوضع أعلاه نسي بشاشا أن يغيّر نفسه.
6- طرح بشاشا نفسه كقائد لحركة الهامش هنا في المنبر (لأنه يجب أن يكون سيداً وله عبيد وأتباع).
7- الروح (الجلابية) والتى تحرك العقل الباطن لبشاشا لا ولن تري الآخرين إلاّ أتباعاً له، لأن العقل (الإستعلائي) لا يمكن أن يقبل بالآخر.
8- لذلك الخطة كانت في مهاجمة أي قلم من أقلام الهامش (نعم عزيزنا القارئ الهامش) لأنها تشكل خطراً على سيادته، خصوصاً إذا تبنت وجهة نظر مخالفة له.
وسنعود عزيزنا القارئ مع قراءات متقدمة (للجلابي) بشاشا.
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Bashasha)
|
Quote: مرحب يا بشاشا وحبابك ..
مداخلتك هنا والمرفقة في بداية البوست تعكس كلمة واحدة في جوهرها هنا وهناك..
هي الاستلاب..
استنادا علي الاعجاب بكتابات يحي فضل ...
وقبل ان نحلق بعيدا يا بشاشا في الحوار الذي اتمني ان يطول حتي اري هذه التهمة التي لو تدري كم هي خطيرة وقاسية ...
اطالبك بالاتي..
1- اطروحة جادة وعميقة تبين كتابات يحي فضل الله (وهي المقياس الذ اعتمد عليه الاستلابومتر بتاعك)
اوضح لنا مكامن الدعوة الي السطوة الجلابية في كتابات يحي فضل...حتي تكون واضحة العيان للجميع
وتعضد بها اتهامك ...!!
2- اري ان الاستلابومتر بتاعك قد بين بانني (مستلب حمي خفيفة) في نتيجة سريعة لا ادري كيف امازجها
بالتهمة الاخري التي اطلقتها وهي (انحيازي لمشروع الهامش ثم نيل رضاء جلاديني)... ودي في مجملها
تهمة ايضا تقراء كخيانة لمشروع الهامش...
3-هنا ايضا نحتاج لكلام عن مشروع تحرر الهامش الذي تعينة واي مشروع منهم تقصد في ظل مدارس تحرر الهامش العديدة فلسفيا وفكريا...
حتي لا تطيش السهام هنا وهناك...
اتمني ان تنطلق من هذه الملامح الثلاثة
وتكلم عزيزك القاري عن اثبات تهمة انت اطلقتها ..
في الانتظار |
يابشاشا بلاش تتحايل علي الحوار
قولي ياهو الفوق ده..!!
انت من عليه القول واقراء الكلام الفوق ده كويس وجاوبنا عليه لو سمحت
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
| Quote: يابشاشا بلاش تتحايل علي الحوار |
تحايل؟
ليه بس اتحايل او من متين بنتحايل؟
علي كل، وضحنا ليك معني مصطلح استلاب فيي قاموسنا، ولكن ما سمعنا منك.
بالنسبة لي يحي فضل الله ده ماموضوعي هنا، وهو مجرد مثال او ما مقصود بذاتو.
انت ياخي ما ممكن كمان تحدد لي اتحدث كيف عن رؤيتنا!
هذا غريب شوية.
عندك اي استفسار عن كلامنا بصفة عامة مرحب بيهو، ولكن ماعندي الشغلة بي يحي فضل الله.
اذا عايز تواصل موضوع بوست حيدر فامشاك هناك في محلو حفظا للسياق الجا فيهو كلامنا عن يحي.
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Bashasha)
|
| Quote: ليه بس اتحايل او من متين بنتحايل؟ |
حتي ولو كنت ما بتتحايل الان بدت عليك ملامح واعراض التحايل..
ويلاكا وين يازول ...؟؟؟احنا حنقعد هنا ده
وعاوزين روية بشاشية علمية (لاحظ لعملية دي) عن الاستلاب الجلابي في كتابات يحي فضل كمقياس لاستلابي الجلابي (ده مش جوهر كلامك والنظرية الانطلقت منها انت يا سيد بشاشا)..!!
عندك مدخل تاني وملمح تاني لقطتو الاستلابومتر بتاعك جاي ولاجاي جيبو لصقوا هنا...
حتي ذلك الزمان ساظل هنا اطالبك واربط الموضع بكتابات يحي فضل لننا هناك اتلقينا وهناك اشتبكنا
فانا جيت منبهرا بكتابات يحي فضل كما تدعي انت اذن انا مستلب...
كب لي نموزج ولو واحد من كتابات يحي فضل...!!
واياك ان تجيب لي سيرة الطيب صالح او حسن فرعون لانك بالتاكيد ماعارف راي فيها حتي الان والا تكون انت عالم بالغيب...
...
وبعدين ما افرض عليك طريقة ولا يحق لي
ولكن كمان من حقي اري استنادك في التهمة الاستلابية دي جاي من وين..؟؟ ومتين؟؟؟
وكيف..؟؟وليييه؟؟؟ وفي ياتو جزئية...
عشان تاني يا بشاشا لمن تقول لزول كلام خليك قدرو واثبتو والا تكون ان رجل تفتري علي الناس كذبا
وبتمارس في قهر للمخالفين ليك في الراي عبر اكاذيب وهنا بتكون لا تختلف عن اي ديكتاتورية حايمة في الدنيا حتي التي تجثم علي صدر السودان...
وبعدين عشان ما تقول لي سياق وما ادراك ما سياق
عندك الفرصة هنا تبدا السياق العايزو انت هنا ومن جديد
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
| Quote: ولكن ماعندي الشغلة بي يحي فضل الله. |
وبعدين حسع يا دوبك خلاص بقي ما عندك شغلة بي يحي فضل الله..
ده مش يحي فضل الانت ماخدو كقياس تحدد بيهو مدي تقارب او تباعد الناس من الهامش وقضاياهو
فجاة كده نكرتو وقفت بعيد وعملت شخيت....
لمن اقول احتيال علي الحوار اكيد ما بتبلا عليك يا بشاشا
فانا بكون مستند علي زوقانا ت زي دي...
كيف الله قدرك تقول ما عندي شغلة بيحي فضل
وانت متهمني بالاستلاب لامر يخص كتابات يحي فضل الله..؟؟؟؟؟
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: المقصود، ابنة او ابن الهامش، البتغمص شخصية الجلابي، بالذات طريقة التفكير، الي درجة يستحيل معها التمميز مابين المهمش بتسكين الميم، والمهمش بكسر الميم.
|
أنظر عزيزي القارئ كيف ينطق العقل الباطن لبشاشا (الجلابي)، وهذا بالضبط ما قلناه عن بشاشا، فطريقة التفكير (الجلابي)، بتاع إنو هو السيد والآخرين هم عبيده أو رعاياه هي بالضبط (طريقة تفكير بشاشا)، والذي يريد من أبناء الهامش أن يتبعوه ويعترفوا له بأنه السيد (إقرأ الأمير)، ولذلك وخوفاً على تلك السيادة فهو يهاجم المتمزين من أبناء الهامش (مثل يحي فضل الله).
ونواصل مع (الجلابي غير الواعي بجلابيته) سيدنا بشاشا.
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الصادق اسماعيل)
|
| Quote: أنظر عزيزي القارئ كيف ينطق العقل الباطن لبشاشا (الجلابي)، وهذا بالضبط ما قلناه عن بشاشا، فطريقة التفكير (الجلابي)، بتاع إنو هو السيد والآخرين هم عبيده أو رعاياه هي بالضبط (طريقة تفكير بشاشا)، والذي يريد من أبناء الهامش أن يتبعوه ويعترفوا له بأنه السيد (إقرأ الأمير)، ولذلك وخوفاً على تلك السيادة فهو يهاجم المتمزين من أبناء الهامش (مثل يحي فضل الله). |
هلا يا الصادق
وبشاشا لو منتظر ناس الهامش يتبعوهو فعليه الانتظار طويلا..
وليس لانه جلابي ..
ولكن بالتاكيد لانه فاقد للمنهج والبوصلة وبعيد كل البعد عن المصلحة الحقيقية لاهل الهامش
وكذلك يتلاحظ تضاءل موهبتة الفكرية في انتاج امر ذا بال في دعم الحراك الهتم باشكاليات الهامش
ومدارسه النضالية في السودان بالتحديد
يعني القصة ما جوطة وقوالب اسفيرية تطلق هنا وهناك وعيييك عاك..
فسوري مستر بشاشا (تراي اقين)
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
مؤكد ان باشا لا يستحق كل الهلماتنة دي قول لي ليه ؟؟؟
قلت لي ليه ؟؟
لانو هو وعلى حسب ما علمناه منه انه عاق بوالديه !!!
قل لي كيف ؟؟
قلت لي كيف ؟؟
ايواااااااااا .. بشاشا عند مداخلته في بوست الرق قال ان اهله اخبروا والداه ان يأمرو بشاشا بان يكف عن الحديث في امر العبيد والرق والمملوكين لاهله ...
بشاشا يقول ( ولكن هيهات ) ..
فهو قد أساء في المقام الاول لوالديه ووضعهم في حظيرة من يدافعون عن الجلابة مالكي العبيد ولا نستبعد ان يكون هنالك من العبيد في حوشهم الصغير ورعوا بشاشا نفسه ...
| Quote: نعم الكلام المنشور من قبلنا في هذا الفضاء، حول هذا الموضوع، مرصود بدقة، من اهالي منطقتنا بدنقلا، وقد حاولو في السابق، تاليب والديي، علينا، حتي نصمت، ولكن هيهات! |
<a href="http://www.sudaneseonline.com/cgi-bin/sdb/2bb.cgi?seq=post&board=160&msg=1212028828&rn=41" target=_self>Re: نعم الشمال والوسط النيلي عنصريون ما رسوا الاسترقاق
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: علاء الدين حيموره)
|
| Quote: مؤكد ان باشا لا يستحق كل الهلماتنة دي قول لي ليه ؟؟؟ |
هلا يا علاء وحبابك
تخيل بشاشا بستحق التصدي ليهو بقوي كمان
لانو بتكلم ومتبني بعنقلة واحدة من اكبر بورالصراع في السوداني
وحتة فيها كلام كثير فزي خرمجتو دي لو انتشرت تاني لا حلنقي سودان بهامشه ومزكز,,
ياخي ده شايل ساطور وبكوم في الناس
ده جلابي
ده مستلب
ده عبد حبشي
ده جدو بلال بن رباح
ده عبد بنغالي...
قمة الاسفاف والتخلف والتدني في الوعي بقضايا حاجة اسمها وطن بلم ناس من اثنيات والوان متباينة
والخطاب بتاعو ده طبعا عالميا مهزوم وخطاب بتاع ناس بعانوا من اشياء ذاتية
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الجيلى أحمد)
|
Quote: موش ياهو منطقك القديم ذاتو..??
نفس الفكرة البائسة ,
بضعة إجراس وإطلال,
وحروف مبعثرة يصعب معها معرفة وجهك,
هل أنت مسخ
أم إنسان |
هلا يا الجيلي
وهذا هو الامير والاله الكوشي في منهجة (العينة)
يصل الي النتائج من خلال العموميات...امر مضحك وقد يثير حفيظة كل دارسي الفلسفة علي مستوي العالم
والموسف بانه احدهم...
تعميم التهمة...ثم تمميع الحوار
ثم لب لب..
جلابي
مستلب..
اي منهج واي فكر هذا يا امون رع بشاشا هامش
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: esam gabralla)
|
| Quote: بشاشا هو القائل، انو اول الجلابة، فبلاش تدليس! وهو القائل انو فرقو من بقية جلابتو هو وعيو بي حقيقة "وعيو" الجلابي، لا اكثر ولا اقل! فياخي بطل استقوال للناس، عشان بس تنتصر لي روحك شغل فش غباين! دي مقدمة بث! |
طبعاً عزيزنا القارئ ستري هنا تطبيقاً حياً لتحليلنا لعقلية بشاشا، فهو لا يكلف نفسه قراءة ما كتبناه، ونحن قلنا أن (عقل الجلابي الباطن) عند بشاشا هو ما يحركه، ولأن بشاشا رغم وعييو (الظاهر) بـ(جلابيته)، إلاّ أن عقله الباطن هو الذي يحركه.
فمن عاش سيداً والناس عبيد له لا يمكن أن يتخلص من هذه الأشياء بسهولةن خصوصاً في عقله الباطن.
وسنعود بصور أفضل عزيزنا القارئ وبالبرا هين من كلام بشاشا الذي سيقوله في الرد علينا في هذا البوست فقط (وليس الأرشيف) لأن العقل الباطن يعمل أكثر عندما يكون الشخص في حالة دفاعز
نحن الآن عزيزي القارئ في إنتظار سيدنا بشاشا لتحليل خطاباته
في الإنتظار
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الصادق اسماعيل)
|
Quote: يعني القصة ما جوطة وقوالب اسفيرية تطلق هنا وهناك وعيييك عاك..
فسوري مستر بشاشا (تراي اقين) |
كيكي
هنا مربط الفرس، فبشاشا يعتمد إعتماد كلي على تلك القوالب الإسفيرية. وسنتحف عزيزنا القارئ بتحليل نفسي (لسيكلوجية الجلابي الواعي بجلابيتو وكيفية إستصحابها معه بدون وعيه) وكما قلنا من خلال ردوده التى سيبذلها لنا هنا (حصرياً) في هذا البوست
| |
|
|
|
|
|
|
| |
عبدالكريم الامين احمد
smart_ana2001
Yassir Tayfour
tmbis
طلحة عبدالله
Tragie Mustafa
خالد عبد الله محمود
بشير أحمد
محمد عبدالرحمن
doma
سلمى الشيخ سلامة
Elawad
طارق جبريل
حيدر حسن ميرغني
Bashasha
Balla Musa
Kostawi
Ammar Eldaw
الصادق اسماعيل
علاء الدين حيموره
الجيلى أحمد
فيس بوك
تويتر
انستقرام
يوتيوب
بنتيريست