تماضر هل علمتي اننا نفقتدك ومكانك شاغر!!

Quote: نفتقدك وتفتقدك كل القيم السمحه التي تحرصين على بثها من خلال كتاباتك.... نفتقد المحنه الفي حروفك ومقدراتك الفذة في التناول لاي شأن وكل شأن...بحروف تماضر... بيقبى ليه نكهة خاصة...

Quote: خمسة دقايق نهرت البنات ..ويسرى وباقى فصلها وقلت ليهم تدونى كمبيوترى حتى قاموا قلت اقول ليكم ياجماعة انا فى لكن الكمبيوتر بقى حق الشعب ..ما بقى حقى ... شكرا يا تراجى على سؤالك الرقيق عنى ومش انتى براك معاك بعض الآخرين الاستفسروا منى بالتلفون والافتقدونى ما يفقدوكم بى شينه ... يسرى طلعت أولة الدفعةداخلة ثانوى عالى ونحن لينا تلاتة يوم بنستحمل فى المصيبة دى ..الفصل كلو ساكن معانا وانا حللى بوخا لاوى وعربيتى قربت تبرك من السواقة والافراح المتسلسلة ... وسيرين قبلها بشوية نجحت نجاح باهر ودخلت MIT لدراسة الماجستير ...وناهد وبنت عمها نشوة اتخرجوا ب High Honors من جامعاتهم ...ناهد بالمناسبة هى ثالثة الاثافى من عرايس النيل واذا كانت سيرين واحدة تانية تبقى التالتة هى سارة الصاعدة بجدية فى سلم المجد الموسيقى ...ونحن موعودين بزيارتكم يا تراجى فى هاميلتون لتقديم عمل نتمنى انه يظهر بمظهر جديد فى مسيرة الفرقة "شهر تمانية" ده ما خلانى ما أفرح لى سالى وهى بتجيب لينا مريود اضافة حلوة للعايلة .. والتهنئة هنا موضوصولة لصديقة عمرى بنت خالتى مريم ..(ماعارفة بعد بقت حبوبة دى ممكن الزول يصرح بكلام زى ده) الفرح برضو ما نسانى أحزن على وداع أبونا المربى الفنان عبد الله محى الدين الجنيد ...والد صديقاتنا واخواتنا واخوانا وبيتهم كان مرتعا لافراح شبابنا ...أدام الله عمر زوجته الحبيبة ليلى ...وجعل مأواه الجنة وألهمهم الصبر والسلوان مبروك كمان يا دومة على وليدك وعقبال سارية ولدى بعد الدكتوراه ... وبرضو من الاخبار الهامة فى محيط الأسرة ان الشقيقة أميمة شيخ الدين قد نالت درجة الدكتوراه وهى فى مجال الرق والجندر فى السودان ..رسالة قيمة ومصادر قوية وعمل جاد ومقدر منك يا أكيمة ..الف مبروك ... الفرح برضو ما نسانى ا أحزن على رحيل الفنان عثمان حسين فنان الاجيال باهى الأداء ... وما خلانى ما أنزعج للأحداث المؤسفة الاخيرة الحصلت فى السودان ونتائجها الوحشية والعنصرية التى عادت تلتهم سنين العمل الجاد من أجل الانتهاء منها ...وقد أعجبنى مقال فضيلى جماع شاعر الجمال ..وموقفه الواضح الشجاع من قضية العنصرية ...وما خلانى الفرح بى يسرى برضو انساكم وأهى الافراح والاحزان ، تختلط كما ألوان السماء فى مدينتنا ...ومن قال أن الحزن يمنع الافراح أو الافرح يمنع الحزن ...مادرى حقيقة الحياة ... وبرضو منتظرين أوباما يفوز .... لا أتابع تماما كل الاحداث بسبب مشغوليتى ...ولكننى أفتقد الانتماء لهذا الجسد الكبير ...جسد الكتابة هنا ..وجسد الألم الممض الذى يربطنا بوطن فى أما هو حافة الهاوية أو فى منحنى التغيير .... الله يولى من يصلح محبتى لكل من يسأل عنى ...وسأجاهد لكى أمتلك (لاب توب) وأدمس لأولادى الكمبيوتر وينتهى هذا الصراع ونواصل ما كان من انقطاع لكم عامر قلبى ومودتى.

Quote: الزول بقى يشوف الدنيا كلها بصل ومصاريف ومشاوير ..الرومانسية دى نسينا شكلها كيف

Quote: شكرا لكل الحبايب

Quote: ...وسأجاهد لكى أمتلك (لاب توب)

Quote: ...ونحن موعودين بزيارتكم يا تراجى فى هاميلتون لتقديم عمل نتمنى انه يظهر بمظهر جديد فى مسيرة الفرقة "شهر تمانية"

وووووب علينا يا تماضر بعد العمر ده كله جايني تلبشونا بلوليه الحبشيه؟؟
اها يختي لعمك فنادق مافي لكم تعالوا عندنا تشرفونا وتأنسونا وتنورا بيوتنا.

(عدل بواسطة Tragie Mustafa on 06-23-2008, 04:45 AM)

Quote: اجييييييي....كدي يختي قولي لي قومي ابدائي الرجيم وافكه العسيمه الفيني دي من منبر بكري...وانكت (فوطي) واشتري لي سيف من العندو..اصلا بنياتكم ديل لما بيرقصوا بجاوي انا بتلبش ويمكن يكون فيها طلعت مسرح كمان!

منووووووو... تراجى...؟؟؟؟ معقووووووووووول ....
كدى ادعك عيونى ...ياسلام على المزاج الرايق ده
بالله ادينا باقى الليلة ده بالمزاج الحلو ده ....


قتلى يمكن فيها طلعة مسرح

Quote: منووووووو... تراجى...؟؟؟؟ معقووووووووووول

(عدل بواسطة صلاح شعيب on 06-23-2008, 05:30 AM)
(عدل بواسطة صلاح شعيب on 06-23-2008, 05:43 AM)

Quote: ومع ذلك تحتاج تراجي أن تجرب التخاشن مع مولانا "خدر" في مناكفات فنية لتثبت له أن الفنانين "كرومة وسرور" اللذين وضعا لبنات الغناء يتحدران من ما يسمى بـ"Indigenous Tribes. والعهدة على الراوي د. طراة وآخرين ..وأن اسماعيل عبد المعين هو أبن الهامش..وأن من وضع أغاني موسيقى الجلالات العسكرية هو أبن الهامش عمنا عوض مرجان..وأن بالمفهوم الاوسع لأبناء الهامش ، وفقا للسودان الجديد" فإن وردي ومحمد الامين وزيدان وعركي ومصطفى سيد أحمد وعبد القادر سالم وعبد الرحمن عبد الله وموسى أبا وصديق عباس وكمال ترباس وعبد العظيم حركة وعمر الشاعر وابراهيم حسين هم أبناء الهامش الذين كانوا ينافسون الفنانين المولودين في المركز ابراهيم عوض وعبد الرحمن الريح والجابري..ولولا الهامش لترهل الغناء.. ويا مولانا خدر المركز لا عندو ايقاع ولا آلات. فإيقاع الدليب بأنواعه السبعة المركبة والطمبور ليس هو من أنتاج المركز أو المستعربين..المركز لا عندو تمتم ولا ريقي ولا فرنقبيا ولا مردوم..ولا نغمة سيكا ولا حبة نهوند..و الحمد لله في "أم كيكي" التي هي "أحن" من الكمان..ويا تراجي قولي ليهو العود برضو ما حق المركز ..المركز قاعد أم فكو لا إخترع بيانو..ولا شيلو..ولا دربكا..وياريت لو كان سنتر الخرطوم عندو آلة زي البالمبو ولا الوازا ولا حتى صفارة القصب.. ويا بت استاذنا بشير الطيب، والذي لا يعرف الناس هنا من هو، ويا تماضر.ويا خدر إتضامنوا مع الهامش بمفهوم السودان الجديد وحتلقوا نفسكم إنتو أقرب إلى الهامش من حبل الوريد..

ثم ما اظنكـ بتصدق لو قالوا ليكـ طارق ابوعبيدة قلل من شأن (ام كيكي) و و صفها بذات الوتر الواحد
لاني و لانكـ عارفين انو لا تفضيل لالة علي الاخري ( كما هي الثقافات) و لكل الة دورها
و نكهتها و طعمها (كما النساء) .. فياخي ده ونسه بيني و بين اختكـ دي بنفهما نحن و المتابعين لي مناكفاتنا دي .


طيب بعد ما قلنا الكلام المافيهو فايدة كدي خلينا نقول الفيهو زبدة .. يا صلاح شعيب يا صاحبي الحميم الفرقت
بيننا المهاجر ,, كلامكـ الفوق ده جت عليهو انا ما متفق معاكـ فيهو او قل ضدكـ عديل عارف ليه
لانكـ مستند فيهو علي ما يسمي الهامش بمفهوم السودان الجديد (لاحول ولا قوة إلا بالله)
السماهو الهامش والسودان الجديد منو ؟ و ليه ما شاورتونا ؟ دايرننا نتضامن و نذوب فيهو معاكم ساي ؟
انتو قايلنا تمومة جرتق ؟
عمري ما تخيلت انكـ ممكن تنجرف وراء الدعاوي الجهوية دي يا صلاح ( و ده صوت لوم ليكـ)

السودان الجديد ده يا صلاح لو ما اعتمد علي الوحدة في التنوع الانشرط حلقنا و نحن بنبشر بيها من زمن الجامعة
ديكـ .. دي طرفي منو (سياسة ولا موسيقي) ,,
كيف يا صلاح و دون ان يرف لكـ جفن تجنح لتقسيم موسيقانا وفقاَ لاعراق روادها؟
لا و كمان التقسيم مافيهو معيار مسقط رأس او قبيلة او جغرافيا ,, تقسيم طلقيت ساي , طيب
ودالفكي جا من كبوشية و ابتدع اغنية الحقيبة ,, وفقاَ لمنهجكـ الفوق ده تبقي اغنية الحقيبة اغنية
هامش و تمرق امدرمان منها ملوص
يا صاحب تعرف انو مافي زول قدر يتجرأ قبل كده و يصنف الغناء السوداني ده كما تفضلت ؟؟ كل من
تناول الموضوع بالبحث او النقاش التف علي المسميات .. الحقيبة اغنية (امدرمان) المدرسه الفنية
الاولي روادها فلان الانجز كيت و كيت و علان الاننجز كيت و كيت موش فلان المنصوري و علان البني عامراوي
نقطة تانيه مهمة و انا مستغرب فيكـ لسه .. من متين مركزنا كان عندو تاريخ ؟ عشان يكون عندو موروث
موسيقي او غنائي اصلا ؟؟
صلاح .. انت نصيح ؟

برجع ليكـ عشان نناقش كلامكـ عن المزيكة بعد ماالخُلعه الدخلتني من مداخلتكـ دي تروح

Quote: شكرا يختى ...لكن بينى وبينك كده قنعانة منه ماااااالو؟؟ ما تسمينى بيهو ساى كان كركعوبة ...

Quote: ..ولولا الهامش لترهل الغناء..

Quote: نفتقد المحنه الفي حروفك ومقدراتك الفذة في التناول

Quote: ما تكونى ساكنة فى السودان كمان ...يجينا بعد 6 شهور

...

Quote: ...وانكت (فوطي) واشتري لي سيف من الهنود..اصلا بنياتكم ديل لما بيرقصوا بجاوي انا بتلبش

تراجى شكيتك على الله..انتى مشيتى كندا بفوطك ؟!

تصدقى الأيام دى لولية قامت على ..من فوطة نادية عثمان الصفراء ديك
وقررت انو أسعى لى مجموعة فوط (بكل الألوان ) ..
شفتى الدساتير دى كيف ؟!

دستوووووو يا اولاد ماما..

Quote: يا ستي هامش شرق السودان خيرو كتير في الثقافة السودانية عموما..وكيف نسيتي محمود أبو بكر الصاغ..وعبد العظيم حركة..وترباس "الفلاني" القام حفر بعد غزوة خليل وطلع أغنية "جند الوطن خاضو المعارك بالدماء" بتاعت المرحوم عثمان الشفيع.. ومن الشرق جاء كجراي. والنورعثمان أبكر وحسان أبوعاقلة..وأدريس الامير..وعبد الوهاب هلاوي..وعمر الشاعر والفاتح كسلاوي الطلع أجمل أغنيات عبد العزيز المبارك..ولو أتذكرتا آخرين حاجيك صادي..مع تحياتي

Quote: وبرضو منتظرين أوباما يفوز

Quote: وإتذكر مرة دربت لي واحد صحفي من الاقليم الاوسط..والوكت داك لامن كنت بكتب في الجرايد كان طالب متوسطة في "قوز الناقة". وبعد عقد من الزمان لاقيتو في الخرطوم في زيارتي الاخيرة وصار صحفي مش بطال ..وعندو منصب وقعد يتناقش معاي حول مفهوم السودان الجديد ويقول لي إنتو "ناس الهامش" ما عندكم حل خلاف الاندماج مع الاحزاب السياسية..تخيلي..!!

...

عم شنبو:

Quote: بعدين انا زاتي عادل ده خليتو خلاص

أدينى الأمارة..

Quote: إنحيازي للحب الأحوص ..

Quote: و ضد المشاعر الليبرالية .

ياخ نحنا أى شى ليبرالى معاهو..
ماعدا ما يسمى بالحزب الليبرالى السودانى..
ياخ ديل كرهونا سيرة الليبرالية ذاااتها..

Quote: ..... الفيدرال إكسبرس كويسين .. بيوصلو سريع سريع .

يا زول ما تبقى عشمان شديد كده فينى..
انا كان عندى (ابرة) ولا (بنسة) فايضة ما برسلها ليك..
كيتن فيك انت بالذات ..