|
دعواتكم لزميلنا المفكر د.الباقر العفيف بالشفاء العاجل
|
|
 Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
هلا ابو شيبة
وحبابك
والعواء الما بيها دي الليلة يا ابو شيبة اتحزم والتزم ليهاكويس..
وقول واحد عواء من خالك كيكي..
اولا مرحب بالسيد السكرتير الاعلامي للجالية في واحدة من قضايا جاليتنا هنا علي ارض المنبر..
وولا اريد ان اقراء امرك هذا في اطار نعي مبكر مبكر لدورة الجالية الحالية
ولكن هذا هو حال الدنيا كل دورا اذا ما تم نقصان....
فالجالية الحالية يا ابو شيبة وانت سيد العارفين جالية تختلف عن كل الجاليات السابقة في سوداني قطر
فهي جالية اتت عبر الصناديق والاقتراع..
وانت طبعا لمصلحة عزيزي القاري ايضا منتخب من قطاع الاعلاميين..
وكما هي اتت عبر الديمقراطية والشفافية ايضا يجب ان تنتهي دورتها بكل شفافية وديقراطية واتباع الاسس اللائحية ودستور الجالية..ويطبق بكل رحابة سعي..
بالتاكيد ليس هنالك رغبة في الكنكشة في المناصب ولا تمديد التكليف دون مبررات قانوينة
..
القانون
الدستور
الديمقراطية
واحترام اللوائح يا ابي شيبة هو شعارنا...
ولك التحية
....
| |
 
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
| Quote: الانتخابات لأني ما رئيس اللجنة القومية للانتخابات |
هلا يا ابو شيبة
والونسة معاك شكلها كده ح تحلو..وانت عارف خالك كيكي ده بحب الونسات الطاعمة الزي دي..
1-هل في لجنة دائمة لانتخابات الجالية يا ابو شيبة(ووين اللجنة دي)..!!
2-ولا اللجنة التنفيذية هي البتحدد مواعيد الانتخابات وتقول فلان وعلان هم لجنةانتخابات
(مين البكون لجنة الانتخابات يا ابو شيبة)..؟؟ سؤال بري..
جاوبني بلا زعل وفاوضني بلا خجل عشان حبة حبة الليل نعدو..
وممكن بعد داك نمشي لباقي الموضوع...
وطبعا انا لسع قاعد اسالك كناطق رسمي يا ابو شيبة فورينا الدستور بقول شنو هنا؟؟
طبعا لو ظهر بان هنالك لجنة انتخابات دائمة فطبعا السوال اكيد بكون انا موجهو غلط وبعتذر
ولكن لو بقي اللجنة التنفيذية هي من تحدد كل هذه الكورجة ففي هذه الحالة انت يا الناطق الرسمي
هو من يجاوب ولا شنو...؟؟
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالكريم الامين احمد)
|
Quote: طبعا لو ظهر بان هنالك لجنة انتخابات دائمة فطبعا السوال اكيد بكون انا موجهو غلط وبعتذر
ولكن لو بقي اللجنة التنفيذية هي من تحدد كل هذه الكورجة ففي هذه الحالة انت يا الناطق الرسمي
هو من يجاوب ولا شنو...؟؟ |
العزيز أبو ونسة حلوة الباشمهندس كيكي.
أولاً ما هي اللجنة التنفيذية ؟ أنا أجاوب ،، اللجنة التنفيذية هي التي انبثقت عن المجلس الخمسيني للجالية المنتخبة في دورتها الحالية 2006/2008 وبانتهاء الأجل (المحتوم) لا يكون للجالية أي دخل في تحديد موعد الانتخابات وإنما عليها تسليم الراية ،، لكن تسليم الراية لمن؟ إما لمجلس جديد يتم انتخابه وإما لمجلس تسيير يتم انتخابه أو اختياره أو تعيينه ( كلو وارد ).
أما بالنسبة لسؤالك عن اللجنة القومية فأنت أعلم الناس بها وبرئيسها وأعضائها وهي المعنية بأمر الانتخابات متى وكيف تكون ، فرئيسها سعادة السفير السابق أحمد بن يوسف التني بقوميته المعهودة وتضم في عضويتها قانونيين وشخصيات عامة من أهل الحل والعقد، وقد ارتضى بها الجميع للبت في أمر الانتخابات ووضعت دستوراً ينظم هذا العمل.
عليه فإن المكتب التنفيذي تنتهي مهمته بإنتهاء ( الأجل المحتوم ) فإما عقد انتخابات عامة في موعدها وهذا ما نأمله ليكون تسريح المجلس الحالي بإحسان أو مجلس تسيير لإمساك بمعروف لأمد محدد ريثما يتم تنظيم الانتخابات العامة ،، هذا والله أعلم.
أنا معاك والليل مازال طفلاً يحبو.
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
| Quote: وإنما عليها تسليم الراية ،، لكن تسليم الراية لمن؟ إما لمجلس جديد يتم انتخابه وإما لمجلس تسيير يتم انتخابه أو اختياره أو تعيينه ( كلو وارد ). |
اذن عزيزي ابو شيبة اللجنة التنفيذية هي من عليها ان تسلم؟؟
هي من عليها شنو...ان تسلم..!!
ولمن؟؟
ليس بالتاكيد ورود ذكر للجنة انتخابات ذكرت
1-لجنة تسير معينة او منتخبة..
اذن يا ابو شيبة لجنتنا هي من تحدد امر هذا التسليم وشكله حسبما ورد في كلامك اعلاه..
فبالتالي هي من تحدد مواعيد الانتخابات
وبالتالي انت الناطق الرسمي هو من عليه الرد علي سوال العضو كيكي اعلاه كناطق رسمي.
....
سوال علي خفيف..
هل لجنة التني هي لجنة دائمة لادارة الانتخابات في جالية الدوحة حسب التعريف الاساسي في لائحة تكونينها؟؟ام انتهت صلاحيتها عقب الانتخابات السابقة؟؟
اسئلة للتامل والاجابة
لا زال الليل طفلا يا ابو شيبة..
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
| Quote: هذه اللجنة (دائمة ) والدليل على ذلك قبول المكتب التنفيذي للجالية بالاحتكام إليها لعمل ميثاق ينظم العلاقة بين الجالية والسفارة ، ألا تذكر هذا الكلام الذي تم مؤخراً بعد جوطة الاستقلال إياها. |
لا يا ابو شيبة
ما هكذا تنشاء اللجان..!!
بالتاكيد اي لجنةمكونة بتكون عندها صلاحيات ومدي زمني
وقبول التحكيم من قبل اي طرف لا يجعل منها لجنة دائمة للانتخابات الا ان يصدر ذلك صراحا في امر تكوينها...
هل صدر في امر تكوينها يا ابو شيبة بانها لجنة دائمة للانتخابات
السوال واضح عزيزي ابو شيبة..
وانا ماشي انوم وبكرة لو ربنا مد في العمر بجي بدري بتونس معاك
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
| Quote: لامانع لو الجماعة مكنكيش |
هلا يا قرفصاء
ويازول قول بسم الله..
كنكشة شنو البتقول عليها .!!
دي ديمقراطية ياهجو وظاهر انو القصة دي ما واقعة ليكم كثير..
بالتاكيد مافي هناك اي رغبة للكنكشة ولاتشبه التيار المنادي بسطوة الجالية الديقراطية
ولو عندك نقد تاني غير كنكشة دي حقو تقولو وما تضيع زمنك...فالمبداء مبداء يا هجو
....
وطبعا لو في محاولة كنكشة فهي اكيد من السيد السكرتير الاعلامي اخونا ابو شيبة
لانو شايفو ماعاوز يجاوبنا عن مواعيد الانتخابات كناطق رسمي منتخب
مرة
1-شابكني اجل وكتاب
2-ومرة لجنة انتخابات
3-ومرة لجنة شعبية....
يا ابو شيبة السوال مرة اخري..
من يحدد مواعيد ولجنة الانتخابات
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: هجو الأقرع)
|
الاخ هجو لك التحية
الكنكشة كانت ايام جماعتكم
الشاهد علي ذلك مجلس المدرسة السبق كم سنة ؟
التميد ليهو كان من ناس الللللللللللل
اما عن الفشل هذه الجالية يكفيها فقط مشروع تعمير المكتبة السودانية لو سمعت بيهو
لكنكم اعداء المعرفة وانصار التجهيل
بالامس القريب كل الناس اشادوا بهذا المشروع وعلى راسهم سعادة السفير
فقط لم نلحظ اي واحد من اعضاء المؤتمر الوطني
ولي قدام من اجل النور والمعرفة يا جاليتنا
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
الاخ ابوشيبة لك التحية
ولمداخليك خالص التحية
اولا اللجنة القومية انتهت بانتهاء الانتخابات وتكوين جالية ديمقراطية
واعلن هذا في اول اجتماع مجلس
ثانيا حلوة الجالية تحت مظلة السفارة
ويحكم الجالية نظام اساسي هو المرجعية
يا ناطق باسم الجالية بحكم النظام الاساسي للجالية ارجع للنظام الاساسي فيه كيف تتكون لجنة الانتخاباتالقادمة
ام بخصوص الكنكشة دي كانت زمان ايام مطعم فخر الدين
ايام التوافق وما ادراك ما التوافق
وجاييك تاني باذن الله
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: كمبورة)
|
هلا يا ابوشيبة,,,
ا الفصل الاول..
المادة (11)
من النظام الاساسي للجالية السودانية بدولة قطر...
دورة المجلس..
1- دورة المجلس عامين ميلاديين وتبداء من تاريخ الاعلان رسميا عن نتائج انتخابات المجلس الجديد
2-عند انتهاء دورة المجلس المحددة في البند (1) اعلاه يتحول المجلس الي لجنة تسيير لمدة لا تتجاوز الثلاثة اشهر يتم خلالها
اجراءالانتخابات للمجلس الجديد.
3-يتم اجراء الانتخابات بواسطة لجنة يتم تشكليها بلتنسيق بين السفير ورئيس الجالية وذلك قبل وقت كافي من موعد الانتخابات.....[/red]انتهي...!!
اعلاه يا ابو شيبة هي المادة 011) من النظام الاساسي للجالية السودانية والمجاز وموافق عليه من قبل الجميع وتم انجازه بواسطة لجنة التني وبموافقة الجميع...
ابو شيبة انت ايضا تمتلك هذه الورقة.. وكناطق رسمي باسم الجالية يفترض ان تكون ملما بها وبكل تفاصيلها...
طرحك يا ابو شيبة لهذا الموضوع بهذه السطحية التي طلت في ردودك ليس في راي بالامر اللائق من السكرتير الاعلامي بالجالية السودانية الذي يفترض ان يملك العضوية المعلومة الصحيحة وبكل شجاعة
من الشفافية وخدمة مفهوم الجالية الديمقراطية التي نحلم بها وبنكران ذات....
وساعود اليك يا ابو شيبة لتفكيك ردودك اعلاه وبمزاج اعتقد الان بانه سيكون عالي
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالكريم الامين احمد)
|
| Quote: يتم اجراء الانتخابات بواسطة لجنة يتم تشكليها بلتنسيق بين السفير ورئيس الجالية وذلك قبل وقت كافي من موعد الانتخابات.....انتهي...!! |
قال كيكي ،، ومن أقر ذلك ، اللجنة القومية التي قال عنها كمبورة أنها انتهت بنهاية الانتخابات ولازلتم متشبثون بها في المفاصلة الأخيرة ،، والآن تنكرون دورها وتتملصون منها ،، صحيح تعش رجباً ترى عجبا.
صدقني وبما أنني أمين إعلام هذه (الجالبة للانشقاق) فإنني زاهد في مواصلة العمل معها،، ومبروكة عليكم كان تسيروها تلاتة شهور ولا تلاتة سنة وصحيح زي ما قالوا أهلنا (العرب) عايرة وأدوها سوط.
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: كمبورة)
|
| Quote: اولا اللجنة القومية انتهت بانتهاء الانتخابات وتكوين جالية ديمقراطية |
| Quote: ثانيا حلوة الجالية تحت مظلة السفارة |
كمبورة ،، كيفنك ،، بشويش بشويش يا ود ملوك العز.
طيب أنا يمكن شايت غلط وريني إنت يا تفتيحة ماهو الجسم الشرعي الذي تستند إليه هذه الجالية ، ولا هاملة ومطلوقة إنتو لو ما بتحترموا عقل المقيم السوداني ما بتحترموا أيضاً قوانين البلد المضيف ،، تشيلوا الأوراق المروسة الفيها اسم الجالية تحت مسمى السفارة وتردحوا بيهو هنا وهناك قايلنها (ندية)ولمن زرزروكم عشان تسلموا الأوراق قمتوا تجقلبوا وجريتوا للجنة القومية الإنت الآن بتقول إنتهت بانتهاء الانتخابات عشان تضع ميثاق بينكم وبين المظلة الشرعية بعدما ظليتوا ترددوا (الجالية مستقلة ولا علاقة لها بالسفارة).
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
| Quote: وهذا ما نريده ،، نريدها شفافة وواضحة ولخبتت الكيمان مافي داعي ليها |
هلا يا ابو شيبة
عن اي لخبتت كيمان تتحدث يا ابوشيبة وانت السكرتير الاعلامي الذي يفترض ان تكون علي راس الرمح في شان الجالية ولكن لانراك الا في المناسبات الرسمية واحتفالات السفارة(طبعا من حقك ان تعكس احتفالات السفارة السودانية اوغيرها) ولكن السؤال والدهشة تاتي عندما تهتم بعكس نشاط السفارة وتهمل بل تتعمد اهمال عكس انشطة الجالية يا ابو شيبة...لماذا يا ابوشيبة؟؟
1-الم تكن ولازلت انت السكرتير الاعلامي
2-ولماذا لانري او نقراء لك شانا يخص الجالية التي اتخبتك لهذه المهمة وقبلها انتخبك قطاعك الصحفي لهذه المهمة..؟؟
اسئلة يا ابو شيبة للتامل والنظر في تعاملنا مع هذا الجسم الذي ايتنا اليه عبر تكليف..؟؟
اين انت ياالسيد السكرتير الاعلامي...أين؟؟؟
جميل ات تغطي امور السفارة من سكرتيرنا الاعلامي ولكن الاجمل والامثل بل الامر السوي هو ان نري سكرتيرنا الاعلامي علي راس الرمح في انشطة جاليته...
لماذا انت بعيد يا ابو شيبة افيدني افادك الله..؟؟
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالكريم الامين احمد)
|
الاخ الكريم كيكى ، اعرف اننى اتحدث فى غير المطروق هنا ، لكنه الاهم حسب اما اظن ، منذ اول يوم لكم ولما بيننا من ود قلت لك ان( لحم الرأس ) لن ينجح فى عمل الجاليات ، الديمقراطية بلها و اشرب مويتها ، لا يفهم من كلامى اننى ضد التنوع ، لان لحم الراس اتى باجندته الخاصة ، وظهرت الخلافات و تبدولت وجهات النظر هنا و تبين مدى الهوة ، حيث وجهت تهم للبعض ، تعرف ان بعض اعضاء الجالية ومن خلفهم بعض اصحاب الاجندة الخاصة ، هم اول من تنكر للسيد محمد الحسن الوزير المفوض الذى اشرف وباقتدار على نجاح عملية انتخاب الجالية ، وفى هذا يمكن الرجوع للاخ معتصم الطاهر ، لذلك قلت ان جالية تحسبها جميعا و قلوبها شتى ، تصبح فضيحة فى كل شى ، قلت لك ان الجالية محتاج لرجال تدفع من جيبها الخاص عشان تمشى الامور ، يا كيكى انتم من اول يوم ركبتم الباص الخطا ، كيكى انت تعرفنى جيدا وطالما نصحت من على البعد ولكن كنتم فى قمة النشوة ، دار بيننا نقاش ليس هذا مكانه وكنت لكم ناصح امين، وللاسف كانت الجالية تدار من غير اهلها ، كان البعض يوجه البعض من خلال اجندته الخاصة الامر الذى جعل شكلكم محرج فى مواقف كثيرة ، انت تعرفها ولن استطيع ايرادها هنا حفاظا على اشياء كثيرة ، انتم تخلطون العام بالخاص و ساعدكم بعض اعضاء الجالية من منافسيكم فهل تفسر لى كيف رفضتم ادانه غزوة الموز ، ولو ان منافسوكم تواجدوا و تحلوا بالصبر لتمت الادانه ، لا تقول لى هذا شأن سياسيى ، لانكم فى هذا الشان تخطيتم الخطوط الحمراء ، وكان منظر الجالية فى غاية السوء يوم......... المهم اخى الكريم امل ان تكونوا استوعبتم الدرس وعلمتم ان الشعارات لا تقدم للناس شيئا ، كثيرون من جماعتكم كفروا بالجالية ، التى ظنوها لعبة شليل فى ليلة مقمرة . والله انا ساكت من زمن وبشوف مش بسمع، و الله لو ان منافسوكم عقلوها هذه المرة و يتركوا لكم الجمل بما حمل لعرفتم ان الله حق . كيكى اعرف مدى قصوركم بالحبة و غيابكم عن اشياء كثيرة ، كانت تستدعى تواجدكم المعنوى فقط ، ولكن ........ راجع برضو بالمزيد
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: هجو الأقرع)
|
| Quote: فهل تفسر لى كيف رفضتم ادانه غزوة الموز ، ولو ان منافسوكم تواجدوا و تحلوا بالصبر لتمت الادانه ، لا تقول لى هذا شأن سياسيى ، لانكم فى هذا الشان تخطيتم الخطوط الحمراء ، وكان منظر الجالية فى غاية السوء يوم......... |
من وجهة نظري أن الامتناع عن إدانة غزو أم درمان كان موقفاً مشيناً ، لا يليق بالجالية رغم أن للممتنعين مبرراتهم .
عمل أدانته كافة الأحزاب السياسية الكبيرة - عدا الشيوعي حسب علمي - بل حتى المنظمات و الحكومات المعادية لحكومة
السودان ، تتقاعس الجالية عن إدانته ؟! ، علماً بأن المعارضين لقرار الإدانة كانوا أكثر بصوتين من المؤيدين .
كان يمكن أن يصدر بيان إدانة لاتخاذ العنف أسلوباً للوصول للمطالب ، و بصيغة متحفظة تحفظ للجالية حقها في استنكار
تلك الغزوة المشؤومة .
** الامتناع عن الإدانة لم يكن لمبدأ عدم زج الجالية في القضايا السياسية ، و كان ذلك واضحاً من خلال مناقشات
عدد من الممتنعين ، الأمين العام أكد أحقية الجالية في اتخاذ مواقف من القضايا الوطنية العامة و قرأ نصاً من
النظام الأساسي ، الواقع العملي يؤكد التناقض في قول رئيس الجالية و من وافقه القائل بالنأي بالجالية عن الأمور
السياسية ، حيث تجلى ذلك في أكثر من برنامج و موقف أشار الأخ هجو و الأخ أبو شيبة لبعضها ، و أضيف أن المكتب
الثقافي أجاز إقامة ندوة عن قانون الانتخابات و سيركز المتحدثون على حق المغتربين في الاقتراع ، و أنا أيدت
و وافقت على هذه الندوة من خلال المكتب الثقافي ، و لكن ذكرتها مثالاً على التناقض و الكيل بمكيالين .
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
ابو شيبة سلام
اللجنة القومية انتهت بانتهاء الانتخابات
صحح معلوماتك وشوف منو القال نرجع للجنة القومية ايام المفاصلة ذي ما قلت
لعلمك من اتصل برئيس اللجنة هو الوزير المفوض سابقا وسعادة السفير حاليا
ورئيس اللجنة موجود وممكن تساله
نحنا اول من يحترم العقول ونحترم كل القوانيين عليه نقول النظام الاساسي هو المرجعية
نحنا ما كنا بنردح يا السكرتير الاعلامي للجالية
انت اظنك ضيعت القلم الاخضر
اسال وشوف ملابسات يسليم الاوراق انت صاحب الحظوة الاعلامية لدى السفارة وجاييك لسع ما خلصت قرب
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: كمبورة)
|
كمبورة ،،
| Quote: اللجنة القومية انتهت بانتهاء الانتخابات |
بكرر نفس كلامي السابق.
Quote: صحح معلوماتك وشوف منو القال نرجع للجنة القومية ايام المفاصلة ذي ما قلت
لعلمك من اتصل برئيس اللجنة هو الوزير المفوض سابقا وسعادة السفير حاليا |
أولاً معلوماتي صحيحة 100% ومحمد الحسن اتصل بناءً على اقتراحكم بعد جرستكم إياها ،، وتكريمكم للجنة مع تكريم الدبلوماسيين أكبر دليل على ديمومتها.
| Quote: نحنااول من يحترم العقول ونحترم كل القوانيين عليه نقول النظام الاساسي هو المرجعية |
أنتم آخر من يحترم العقول لأنو عندكم رأي في أي زول إلا ناسكم ، أما القوانين فلا تتحدث عنها خاصةً قوانين البلد الآوتكم وفتحت ليكم آفاق الحرية حتى تناسيتم أنكم (غرباء) فأتيتم بمن يشتم (قطر) على خشبة مسرح نادي الغزال ويصف حكام الخليج بأبشع الأوصاف ،، وتجاوزتم قوانين البلد المضيفة بتسولكم عند أبواب الهيئات والمؤسسات ترجون الدعم المالي مستقلين اسم السفارة وأرقام هواتفها وفاكسها الذي كشف تجاوزاتكم.
| Quote: نحنا ما كنا بنردح يا السكرتير الاعلامي للجالية |
أمال كنتو بتسكسكوا.
| Quote: انت اظنك ضيعت القلم الاخضر |
ضحكتني ،، شديد يا كمبرة ،، القلم الأخضر قول للقال ليك قلمك الأخضر القلتلي رشح بيهو أبوتفة لو إنت مفتكر نفسك شفت وتفتيحة أنا فايتك مسافة والقلم يا الحبيب دفست بيهو واحد من دروايشكم وعشان إنت كنت متابع خليت الغطا (الأخضر)على قلمي الأزرق وخليتك بمزاج تعيش الدور بينما من قام بهذه المهمة زي ما أسلفت واحد من (طير يلي) على قولة الخليجيين وبعد ما كتب اسم صاحبكم رجع لي القلم ،، وقلمي (طلق) ما اختار غير من يسحتق(محمد بشير) ولولا غياب الخليفة كان إنت وأمثالك شربتوا ومارويتوا،، وقول لصاحب القلم في الانتخابات الجاية لمن تدي واحد قلم ياريت يكون بيشبهكم من النوع(الأحمر) ويكون كلو أحمر ومن النوع الكبس الما فيهو غطا ضروري جداً جداً تميز بين الشقي والشفيف والغبي والحريف ،، أنا ما من النوع البتيسو ،، أناأتيس (بتشديد الياء )مليون واحد من أمثاله وأمثالك ، وأنا لو كنت انتخبت زولكم أبوتفة ما كان كاجرتو وضربت ليهو الطاولة، في الحادثة المشهورة ،، أنا ما من النوع البدي ضهري لقناعاتي ،، وأنا اللؤوم مش راس مالي لكني مايشيلو من بالي.
ضروري توصل الرسالة دي للقال ليك مع علمي إنو متابع و(المحرش مابكاتل).
| Quote: اسال وشوف ملابسات يسليم الاوراق انت صاحب الحظوة الاعلامية لدى السفارة |
الملابسات تابعتها أول بأول وعارف الجقلب منو والهدد منو والوقف مع الحق منو.
| Quote: وجاييك لسع ما خلصت قرب |
حبابك عشرة يا كمبرة.
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
كتب الغواصة :
Quote: ضحكتني ،، شديد يا كمبرة ،، القلم الأخضر قول للقال ليك قلمك الأخضر القلتلي رشح بيهو أبوتفة
لو إنت مفتكر نفسك شفت وتفتيحة أنا فايتك مسافة والقلم يا الحبيب دفست بيهو واحد من دروايشكم
وعشان إنت كنت متابع خليت الغطا (الأخضر)على قلمي الأزرق وخليتك بمزاج تعيش الدور
بينما من قام بهذه المهمة زي ما أسلفت واحد من (طير يلي) على قولة الخليجيين
وبعد ما كتب اسم صاحبكم رجع لي القلم ،، |
طيب يا معلم
انت هل سألت نفسك ، ليش الجماعة طالبوك بالتصويت بقلم مميز
باللون الأخضر ، مع ان الجميع صوتو بالأزرق ؟
الإجابة بسيطة طبعآ
عشان مابيثقوا فيك
وبي كلامك الموجود في المقتطف أعلاه
أكدت إنك زول غير مؤتمن
تاني جاييك
فأركز
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
ابو شيبة سلام منو القال ليك اتصل محمد الحسن
نحنا قلنا الوزير المفوض سابقا الوزير حاليا صعبة دي يا خي عوض حسين هو الذي اتصل بالتني
نحنا ما قدمنا اقتراح
وتكريمنا للجنة القومية هم يستحقون التكريم لما قدموه
لا تتكلم عن التسول انت بالذات نحنا نفذنا برامجنا من اشتراكات العضوية ارجع للمسؤل المالي
اول مرة اعضاء الجالية يدفعوا اشتراكات
وهل الجاليات السابقة كان الاعضاء يدفعون اشتراكات ؟ اظنك عايشتها وعايشناها
اما مسالة القلم الاخضر حانحكيها بالتفصيل شيل الصبر انت ناسي انك كنت جالس بجانبي في الاجتماع
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
الاخ الكريم كيكى ، اعرف اننى اتحدث فى غير المطروق هنا ، لكنه الاهم حسب اما اظن ، منذ اول يوم لكم ولما بيننا من ود قلت لك ان( لحم الرأس ) لن ينجح فى عمل الجاليات ، الديمقراطية بلها و اشرب مويتها ، لا يفهم من كلامى اننى ضد التنوع ، لان لحم الراس اتى باجندته الخاصة ، وظهرت الخلافات و تبدولت وجهات النظر هنا و تبين مدى الهوة ، حيث وجهت تهم للبعض ، تعرف ان بعض اعضاء الجالية ومن خلفهم بعض اصحاب الاجندة الخاصة ، هم اول من تنكر للسيد محمد الحسن الوزير المفوض الذى اشرف وباقتدار على نجاح عملية انتخاب الجالية ، وفى هذا يمكن الرجوع للاخ معتصم الطاهر ، لذلك قلت ان جالية تحسبها جميعا و قلوبها شتى ، تصبح فضيحة فى كل شى ، قلت لك ان الجالية محتاج لرجال تدفع من جيبها الخاص عشان تمشى الامور ، يا كيكى انتم من اول يوم ركبتم الباص الخطا ، كيكى انت تعرفنى جيدا وطالما نصحت من على البعد ولكن كنتم فى قمة النشوة ، دار بيننا نقاش ليس هذا مكانه وكنت لكم ناصح امين، وللاسف كانت الجالية تدار من غير اهلها ، كان البعض يوجه البعض من خلال اجندته الخاصة الامر الذى جعل شكلكم محرج فى مواقف كثيرة ، انت تعرفها ولن استطيع ايرادها هنا حفاظا على اشياء كثيرة ، انتم تخلطون العام بالخاص و ساعدكم بعض اعضاء الجالية من منافسيكم فهل تفسر لى كيف رفضتم ادانه غزوة الموز ، ولو ان منافسوكم تواجدوا و تحلوا بالصبر لتمت الادانه ، لا تقول لى هذا شأن سياسيى ، لانكم فى هذا الشان تخطيتم الخطوط الحمراء ، وكان منظر الجالية فى غاية السوء يوم......... المهم اخى الكريم امل ان تكونوا استوعبتم الدرس وعلمتم ان الشعارات لا تقدم للناس شيئا ، كثيرون من جماعتكم كفروا بالجالية ، التى ظنوها لعبة شليل فى ليلة مقمرة . والله انا ساكت من زمن وبشوف مش بسمع، و الله لو ان منافسوكم عقلوها هذه المرة و يتركوا لكم الجمل بما حمل لعرفتم ان الله حق . كيكى اعرف مدى قصوركم بالحبة و غيابكم عن اشياء كثيرة ، كانت تستدعى تواجدكم المعنوى فقط ، ولكن ........ راجع برضو بالمزيد
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
سلامات يا عبد الرحمن:
الان وضحت الرؤيا تماما انت تتبني خط المؤتمر الوطني ورؤاه وهذا حقك ولكن كان يمكنك ابانه هذا الطرح من اول لحظه حتي لا ندور في حلقه مفرغه.
الان يمكن لهذا الحوار في هذا البوست ان يستمر بين رؤيه المؤتمر التي تمثلها كتاباتك ورؤيه القوي الديقراطيه, فقط ارجو ان يبتعد الجميع من الشخصنه والغمز واللمز
الرجل يطرح رؤيه المؤتمر الوطني بكل بوضوح وهذا من حقه يجب ان نفد اطروحاته بعيدا عن الشخصنه واظننا قادرون علي ذلك
لان الهدف - علي الاقل من جانب القوي الديقراطيه- هي وجود واستمراريه جاليه ديقرطيه منتخبه
ولنا عوده
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: Omar Bob)
|
سلامات عمر بوب
أين هي رؤية المؤتمر الوطني فيما كتبت أعلاه ؟!
و أين هو الغمز و اللمز ؟!
أنا عضو منتخب بمجلس الجالية الحالي
و من حقي أن أدلي بدلوي كالآخرين
نعم الجالية تسير بلا برامج مجازة
حتى الآن و قد شارفت دورتها على الانتهاء !!
و قد قلت ذلك في آخر اجتماع للمجلس الخمسيني
**الأخ رئيس الجالية اتصل بي مشكوراً قبل يومين
لمدة نصف ساعة يشيد بمواقفي الواضحة حيال بعض
القضايا التي أخالف فيها المؤتمر الوطني
و لي فيها رأي مستقل كان آخرها مشاركتي باسم
جمعية القرآن الكريم في تكريم الجالية للدبلوماسيين
و كان الموقف حساساً تبعاً للمفاصلة بين المؤتمر و مخالفيه
و الأمين العام للجالية قال في اجتماع جالية إنني صادق
في تعاملي و أنطلق من مواقف وطنية متجردة ، هذا رغم
مناكفتي لهم ، لا تكن ملكياً أكثر من الملك !!
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
سبحان الله
ناس أعضاء جالية خلو جاليتم في ضهرم ومباريين السفارة من مائدة لي مائدة ومن حفلة لي حفلة وجايين يقولوا الجالية أخفقت ومش عارف أيه .
الإخفاق جا لمن إنتو إنخزلتو عن الجالية ومشيتو باريتو الجماعة
الإخفاق جا لمن شفتو ظلم السفارة وأيدتوهو
الجالية يا سادة يا كرام كانت تعمل بلا دعم
الرجال الإنتو بتتكلمو عنهم بي إخفاقاتم ديل كانو بيدفعو من جيوبهم عشان الإمور تمشي
ولازالو بيسددو في فواتير قديمة رفضت سفارتكم المزيونة تسديدها
شابكيننا إخفاقات وكنكشة
" الفيك بادربو والعليك إتناسا "
غايتو !!!
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
كتب الباشمهندس عمر بوب :
Quote: سلامات يا عبد الرحمن:
الان وضحت الرؤيا تماما انت تتبني خط المؤتمر الوطني ورؤاه وهذا حقك
ولكن كان يمكنك ابانه هذا الطرح من اول لحظه حتي لا ندور في حلقه مفرغه.
الان يمكن لهذا الحوار في هذا البوست ان يستمر بين
رؤيه المؤتمر التي تمثلها كتاباتك
ورؤيه القوي الديقراطيه,
فقط ارجو ان يبتعد الجميع من الشخصنه والغمز واللمز
الرجل يطرح رؤيه المؤتمر الوطني بكل بوضوح وهذا من حقه
يجب ان نفد اطروحاته بعيدا عن الشخصنه واظننا قادرون علي ذلك
لان الهدف - علي الاقل من جانب القوي الديقراطيه- هي وجود واستمراريه جاليه ديقرطيه منتخبه
ولنا عوده |
اول حاجة زي ما مولانا عبدالرحمن شال الموضوع لنفسه
فانا معتمدا على تطابق الاسماء بعتبر الشخصنة والغمز واللمز
مقصود بيها انا
مع اني قلت كلامي بوضوح شديد
وكلام كان لازم يتقال
عشان المعلم ابوشيبة
ارهقنا جدا
مع انو كان واضح من الوهلة الاولى
بس ناسنا ضللونا
وجماعتنا بتوع الطلبة ديلاك قالوا زولنا
وود الزبير قال ضامنو
وصورو لينا وضعو وكأنه خلافات شخصية مع البعض
وكنا منذ تلك اللحظة الأولى بنقول الزول غواصة
هسع ريحنا وجانا عدييييل
ف بتسدى فيهو الجهجهة
وبعدين بنستعدل الموضوع
وفقآ لطلبك يا هندسة
ولعلك لاحظت يا هندسة
إننا لم نتولى الكيزان الواضحين بأي إهتمام ولا أدنى تعليق
هم يسوا سواتهم
ونحن نسوي سواتنا
بس ناس الولوة
بنتصدى ليهم
لغاية ماتحصل الولولة
تاني تعال الجبل
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: أبو ساندرا)
|
غايتو اى شيوعى يعيش فى الخليج و يكذب او يتحرى الكذب ، دائما بالنسبة لى مش صفر على الشمال ، انا غايتو يوم بتذكر زنقت لى شيوعى هنا تلفوناتى اصلها ما وقفت ، الوسطاء كانوا بقولو الشيوعى ما قصدو قمت مسحت البوست ، ما بتقدروا لاننا على ارض صلبة ، فى زول متنفذ فى الجالية و اتحداه ان يكذبنى بان قلت له لو مرت عليكم اى ازمة مالية خلونى معكم وسهمى من سهمكم ولكن نحن ا صلو قرشونا دى ما حرام . او الجماعة فى جيوبيهم عقارب ، يا اخونا( عاوزين الاربعمائة ريال حقتنا)
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: أبو ساندرا)
|
(*)
لا أخفي إستمتاعي بقراءة هذا البوست , وكنت محقاً بإعتذاري لقريبي (أبوشيبة) , وأكرره , فقد ثبت أنه
أوضح من من يكرمون (السفير) ويطبلون له , ويتنازعون بين (المعارضة) و(الموالاة) ..
أسطورة (لقلم الأخضر ) دي , هدمها الآن , أثبت أن (أبوشيبة رجل شريف) ..!!
(حتى يثبت العكس) ..!!
وحقيقة الرئاسة , كان أولى بها (محمد بشير) بعد أن ثبت أن (أبوتفة) بتاعنا مصرج الكورة , وماعارف
نفسو في ياتو موقع , ..
على الأقل (محمد بشير) كان طبل ولا والى ياهو زولهم , لكن كعب طبيل ناسنا وشين ومهين ..!!
________________________________________
واصلوا , مع التنويه لقريبي الآخر (إبي ساندرا إنو مايشيل وش القباحة(جعلية) ساي ..!!
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
هلا يا ابو شيبة
يا ابو شيبة انا عاوز اكون معاك محدد ومبدئي ..
انت ياخال جيت في البداية وقلت انتخابات ودقيت كيت وانا دقيت معاك كيتة برضو
ووصلنا لانو القصة فيها لائحة وقانون كههيي..
شوية شوية وكل ما اغيب عن البوست اي القاك يا ابو شيبة لابس (لباس تاني نمنة) وغيرت الموضوع بقدرة قادر الي نقد الي اشياء انت مشارك فيها بحكم اللائحة والقانون والبحكمك كعضو لجنة تنفيذية منتخب
يعني الليلة الجالية دي لو حنقت ليها زول وفطستوا زتتتت انت بتكون مسائل...
ضروري ولمصلحة النقاش الفوق ده كلو اثبت الاتي
1- قرار رفض الادانة هو قرار صدر بالية اللائحة التي تحكم اللجنة المجلس وبكون بحكم هذا ملزم ليك انت والطقي وكل اعضاء الملجس واي كلام في الحتة دي بكون فيهو اتهام واضح بالخروج عن الموسسية والعمل النقابي النضيف...احنا ملزمين بحكم مشاركتنا في صناعة هذا القرار بالدفاع عنه وبقوي لانو القرار ده طلع مننا جميعا,,,,,(دي الديمقراطية يا سادة فنارها صعبة وقاسية ولاتحمل اللولوة)..
2- تاني شي يا ابي شيبة..
من الضروري تبين لينا قرار او حاجة مصيرية في طيلة فترة هذه الجالية صدرت او طلعت دون الاتفاق او التصويت عليها في اللجنة التنفيذية...
3-بعد ما اتفقنا يا ابو شيبة بانو القرار في تاريخ والية الانتخابات من صلاحياتك انت كعضو فاعل ويتملك صوت في داخل اللجنة...فتبقي انت مطالب بطرح هذا الامر داخل اروقة اللجنة للاقتراع عليه والتصويت...ولو عاوزها بكرة دي تعال ورينا وانا جاهز للادلاء بصوتي داخل الموسسة والجسم الذي علينا احترامه..
4-لديك يا ابو شيبة اي اقوال اخري في اطار رايك الشخصي في الكيمان المدورة دي طبعا من حقك
ان تقوله وبالصوت العالي...
ولكن يا ابو شيبة فنلحترم قرارتنا والية اتخاذها التي هي ديمقراطية دون شك..
ونفرز الكيمان...
تعال هنا انا وانت واخريين نتقاتل بالكلمة وكل ياتي ببضاعته ولكن في وسط كل ذلك
علينا بفرز الكيمان..ومعرفة اين توضع القدم وكيف...
والونسة معاك متعبة يا ابو شيبة شايف عوتك بقت كثيرة خلاص..
ا
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالكريم الامين احمد)
|
| Quote: والونسة معاك متعبة يا ابو شيبة شايف عوتك بقت كثيرة خلاص.. |
قال الشاعر يا كيكي // لو كل كلب عوى ألقفته حجرا لصار الحجر مثقالا بدينار.
الكلام معاك حلو وكلامك منطقي لأنك ما بتشخصن الحوار وهذا يطأطئ رأسي أمامك احتراما لشخصك الكريم ،، لكن في ناس هنا غلوا علينا الحجارة حتى صارت مثقالا بألف دينار.
الجديث عن التصويت والديمقراطية من تحت قبة الجالية حديث للضحك على الذقون ومن ساعة ما التقينا وحتى اليوم وإلى الغد ما راح نتفق على رؤية واحدة على الإطلاق لأنكم ولأننا لانملك قرارناطالما يقف وراءنا من يهمسون في أذاننا وآذانكم بمفردات تلوث الجو العام وتفسد القلوب// فالمؤامرات تحاك ليلاً وتتخمر نهارا وتشرب في الاجتماعات فيخرج القوم سكارى وما هم بسكارى ولكن عذاب الإنشقاق شديد.
أقول قولي هذا واستغفر الله العظيم لي ولكم.
وإن عدتم عدنا والعود أحمد.
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
Quote: قريبي كمال
مش لأنك قريبي بس لأنك بتقول الحقيقة مهما كان طعمها ،، أشكرك على المداخلة ويا ريت الناس البتحاول توري إفلاسها وإسفافها تحترم نفسها وتعرف إنو الكلام زيما قالوا أهلك (العرب) ملادات عصي.
تسلم يا قريبي. |
تعرف يا (قريبي) , أنا بلوم نفسي على غني ما رفعتا التلفون وإتصلتا عليك بعد أسطورة (القلم
الأخضر) , لأنها هي أساس موقفي تجاهك , ..
فقد تصورتك غواصة ليس لك مبدأ , وقلبك بي جاي , وسيفك بي هناك , ..
وتستحق إعتذار حتى يوم يبعثون , لأن وضوح المبدأ وتحديد الموقف هو مجلب الإحترام للرجال , ..
والهيصة بتاعة الإنتخابات الفاتت , للأسف لن تتكرر , لأن من هتفوا بهزيمة (الكيزان) هم من تباروا على
التقرب منهم سراً وعلانيا , بل والتنكر لبرنامجهم الذي من أجلهم تسارع الناس لنصرتهم , ..
موقفك واضح وسليم ومحترم طالما أن (أسطورة القلم الأخضر) صارت في الباي باي , ..
والإنتخابات الجاية , لن تطلي الأكاذيب على أحد , ..
فإما جالية ضد أو جالية مع , أو جالية عادي كده خدمية , .. توفر أراضي وأكشاك , ودياولو , ..
لأن الوصول كمعارض ومناوئ للكيزان , جبل لا يستطيع طلوعه إلا ذي عزم , ..
أما الإنبراشة السريعة , فلم تجر سوى اليأس لمن في قلبه حلم أن يغور الكيزان , ..
ولو أن هذه الجالية لم تزعن للضغوط وقاومت حتى قررت السفارة , حلها , ..
لكانت هي من نؤيد , وهو الشرف بعينه , ..
أما الإنبراشة والتطبيل وجر الواطي تحت تحت , ..
مخجل ومنفر , وبصراحة يخدم الكيزان , ..
ولو كنت أنا السفير لدعمت نفس المجموعة السابقة , لأنها توفر الكثير , ..
أولاً : الإسم معارضة , وهي منبرشة ..
ثانياً : تصبغ على السغارة ماليس فيها من إحترام الديمقراطية ..
ثالثاً : البعملوهو الكيزان مابعملوهو (تكريم وتطبيل وخلافو) ..
رابعاً : توفير ميزانية السفارة لأنها لو أتت بجالية كيزانية ستضطر للصرف عليها لإنجاحها , ..
خامساً : تمرين جيد للإنبراشة المحتملة في إنتخابات السودان المرتقبة , (التراضي) و(التعافي) و
(التوافق) .. وعيك ..
__________________________________
الخلاصة :
إما جالية تناهض وتقاوم حتى موتها بالحل على يد السفارة بشرف ..
وإما جالية كيزانية نعارضا عديل كده . .
بدل ما نسكت لأنو ديل تيارنا , وتيارنا (فضيحة عدوك) ..!!
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: عبدالرحمن عبدالله أبوشيبة)
|
| Quote: وجماعتنا بتوع الطلبة ديلاك قالوا زولنا |
طبعا ياعبدالرحمن بركات احسن تدخل طوالي عشان نعرف نرد عليك .....
انت عارف ابوشيبة واقف وين منذ ان ترشح ومع ذلك قبلت بمحاولة عقد صفقة معه...
كان تسال نفسك قبل ان تناضل فينا لماذا احرز ابوشيبة اعلي الاصوات ؟
الان ابوشيبة حدد معسكرة ( السفارة والمؤتمر الوطني ) نريد من الاخرين ان يحددوا موقفهم من السفارة والمؤتمر الوطني عشان الموضوع مايبقي بلطجة ساكت .
نحن بتوع الطلبة ديل موقفنا واضح من المؤتمر الوطني ومن السفارة كمان وقاطعنا تكريم الجالية لاعضاء المؤتمر الوطني بدار السفارة وانتم يامناضلين كرمتكم اهل المؤتمر الوطني في السفارة ومنزل السفير كمان .
وكمان بنشكر ابوسشيبة علي موقفه الواضح جدا وعلي الاخرين ان يشرحوا مواقفهم الملولوه وخلونا من السفير حاجة والمؤتمر الوطني حاجة تانية .
السفير ده كادر جبهة اسلامية قديم جدا وهو متطفل علي العمل الدبلوماسي وعين في هذه الوظيفة بعد فصل سفير حقيقي .....
حاجة اخيرة اذا عندك معركة حقيقية ماتزايد بينا نحن
| |
|
|
|
|
|
|
|
|
|
Re: الجالية في قطر// الأجل المحتوم // الانتخابات في موعدها أم هناك مجلس تسيير؟ (Re: بهاء بكري)
|
الاخوة في جالية قطر
نامل الا يوثر فيكم كيد الكايدين انهم يضيقون ذرعا بالديمقراطية ولا يستطيعون العيش في احضانها فنأمل ان تفوتوا عليهم هذه الفرصة حتى لا ينقبلوا علي ديمقراطيتكم كما انقبلوا على الديمقراطية في الوطن بليل ولا تتركوهم يوئدوا هذه التجربة الثرة وهي مازالت طفلاً لم يكمل حقه الشرعي في الرضاعة فهم يريدون فصامه قبل عاميه ان استطاعوا.
اذ لابد من شحذ الهمم والاستعداد من الآن للانتخابات القادمة والتي يجب ان تتم في موعدها حسبما ينص عليه نظانكم الاساسي. انها أمانة في اعناقكم وانتم مسؤولون عنها وان فرطتم فيها فلن يغفر التاريخ لكم. ولا تضعيوا مجهود اخوة لكم تعبوا وسهروا ولاقوا ما لاقوا في سبيل ان تكون هناك جالية منتخبة ديمقراطية ذات اساس قوي متين.
وفي اعتقادي ان اكبر انجاز حققتموه هو انكم ما زلتم تحافظون على هذه الديمقراطية بالرغم من الموامرات والخيانات العظمى التى نتابعها عبر حوش بكري وما تأتي بهاالانباء الهاتفية. وإنه لعمري عظيم ما أتى به السكرتير الاعلامي للجالية بفتحه لهذا البوست وتساؤله عن اشياء من صميم عمله ومن المفترض ان يسال هو عنها لا العكس واذا كانت هناك اخفاقات عديدة للجالية فهو ليس ببعيد عنها وهو من اكبر اسبابها اذا كان هو ومن على شاكلته داخل المجلس ويعمل ضده فكيف يستقيم ذلك؟؟؟؟
فلا تنجروا وراءهم حتى لا يقودوكم الى ما يشتهون (مجلس معين من السفارة)ولتبداوا من الان حتى تأتي الرياح بما لا تشتهي سُفنهم .
| |
|
|
|
|
|
|
| |
عبدالرحمن عبدالله أبوشيبة
عبدالكريم الامين احمد
Elmoiz Abunura
هجو الأقرع
كمبورة
haroon diyab
عمر سعد
عبد الرحمن الطقي
أبو ساندرا
Omar Bob
tarig almakki
كمال علي الزين
بهاء بكري
فيس بوك
تويتر
انستقرام
يوتيوب
بنتيريست